Archive for the ‘கவிதைகள்’ Category

Page 1 of 26912345...102030...Last »

அமைதிக்காக …அமைதியாக!!

சத்தியமணி இலங்கைக்கு இன்று ? இதுபோல் எத்தனையோ அன்று ? வலக்கைக்குப் புரியும் இடக்கைக்குத் தெரியும் ? எதுவரை போகும் ? எப்போது முடியும் ? எத்துணை வருடங்கள்? இன்னும் காக்கவேணும் ? ஆலயங்களில் வெடி. ஆன்மீகத்தில் பழி. ஆண்டவர்மேல் கேலி. ஆறாத எகத்தாளம். யாரும் கண்டிக்காது எவரையும் மன்னிக்காது வன்மம் வளர்கிறது..... வஞ்சகம் விளைகிறது. கேட்டவர்க்குக் கலக்கம். தப்பித்தவர்க்கு நடுக்கம். பார்த்தவர்க்குப் பரிதாபம் ....வார்த்தவர்க்கு அனுதாபம் காயப்பட்டோர்க்கோ மயக்கம், இறந்தவர்க்கோ இழப்பு அன்புள்ளே அதிர்ச்சி......அகிம்சைக்குத் தளர்ச்சி வெறிகளாலும் வெறுப்புகளாலும் காழ்ப்புணர்வுகளாலும் கலவரங்களாலும் தன்னலங்களாலும் கொடூர வன்மங்களினாலும் மனிதன் தான் மாய்கிறான். மண் தான் புண்ணாகிறது எத்தனை புதைகுழிகள் அத்தனை விழுப்புண்கள். யாருக்கோ இழப்பில்லை...நமக்குத்தான் யாருக்கோ துக்கமில்லை...நமக்குத்தான் யாருக்கோ வலியில்லை..நமக்குத்தான் யாருக்கோ பழியில்லை..நமக்குத்தான் யாருக்கோ பாவமில்லை..நமக்குத்தான் என்று புரியுமோ அன்று தான் விடியும் அமைதிக்காக ... அமைதியாக!!! Full story

குறளின் கதிர்களாய்…(254)

செண்பக ஜெகதீசன் இதனை யிதனா லிவன்முடிக்கு மென்றாய்ந் ததனை யவன்கண் விடல். -திருக்குறள் -517  (தெரிந்து வினையாடல்) புதுக் கவிதையில்... இவ்வினையை இவ்வழியில் இவன் பழுதின்றிச் செய்வான் என்பதைப் பகுத்தாராய்ந்து அறிந்தபின்னே அவனிடம் ஒப்படைக்கவேண்டும் அச்செயலை...! குறும்பாவில்... செயல் கருவி செயல்படுவோன் மூன்றையும் பகுத்தாராய்ந்து அறிந்தபின்னே, அவனிடம் ஒப்படைக்கவேண்டும் செயல்பட...! மரபுக் கவிதையில்... செய்யும் செயலின் தரமறிந்து சேர்க்கும் கருவி தனையறிந்து, செய்வோன் தனது திறமறிந்து சேர்த்து மூன்றையும் ஆராய்ந்து, மெய்யதை நன்றாய் முழுதுணர்ந்து முடிவு செய்த பின்னர்தான் செய்யும் செயலினைத் தொடங்கிடவே சேர்க்க வேண்டும் அவனிடமே...! லிமரைக்கூ.. வினைவிவரங்கள் முதலில் எடுத்துவிடு செயல் கருவி செய்பவன் தன்மை மூன்றையுமே, ஆராய்ந்தறிந்து செயல்படக் கொடுத்துவிடு...! கிராமிய பாணியில்... வேலகுடு வேலகுடு விவரமறிஞ்சி வேலகுடு, ஆள அறிஞ்சி ஆராஞ்சி அப்புறமா வேல செய்யவுடு.. வேல விவரமறிஞ்சி செய்யிற வழியறிஞ்சி செய்யிறவன் தெறமயறிஞ்சி, எல்லாத்தையும் அலசி ஆராஞ்சி அப்புறந்தான் அவங்கிட்ட வேலய ஒப்படைக்கணும்.. அதால வேலகுடு வேலகுடு விவரமறிஞ்சி வேலகுடு, ஆள அறிஞ்சி ... Full story

இதோ, நம் வேட்பாளர்!

இதோ, நம் வேட்பாளர்!
மகாதேவ ஐயர் ஜெயராம சர்மா, மெல்பேண் , ஆஸ்திரேலியா தேர்தல்தேர்தல் தேர்தலென்று தெருவெல்லாம் திரிகிறார் ஆளைஆளை அணைத்துபடி அன்புமுத்தம் பொழிகிறார் நாளைவரும் நாளையெண்ணி நல்லகனவு காண்கிறார் நல்லதெதுவும் செய்துவிட நாளுமவர் நினைத்திடார்  ! மாலை மரியாதையெல்லாம் வாங்கிவிடத் துடிக்கிறார் மக்கள்வாக்கை பெற்றுவிட மனதில்திட்டம்  தீட்டுறார் வேலைபெற்றுத் தருவதாக போலிவாக்கை விதைக்கிறார் வாழவெண்ணும் மக்கள்பற்றி மனதிலெண்ண மறுக்கிறார்  ! ஆட்சிக்கதிரை ஏறிவிட அவர்மனது துடிக்குது அல்லல்படும் மனதுபற்றி அவர்நினைக்க மறுக்கிறார் அதிகசொத்து பதவியாசை அவரைசூழ்ந்து நிற்குது அவரின்காசை அனுபவித்தார் அவர்க்குத்துதி பாடுறார் ! அறத்தைப்பற்றி நினைத்திடார் அக்கறையை விரும்பிடார் இருக்கும்வரை அரசியலால் எடுத்துச்சுருட்ட நினைக்கிறார் வாக்களிக்கும் மக்கள்தம்மை போக்குக்காட்டி ஏய்க்கிறார் வாக்குக்கொண்டு போகுமாறு வாக்களிப்போம் வாருங்கள் ! படத்துக்கு நன்றி: http://www.mowval.in Full story

இரமேஷ் அர்ஜூன் கவிதைகள்

1 என் வார்த்தைகளில் இருக்கும் வன்மங்களுக்கு ஆயுள் தண்டனை கொடுக்கிறேன். ஆனால் அவை சுதந்திர தினம் தியாகிகள் தினம் அந்த தினம் இந்த தினம் என்று சிறப்பு விடுதலைப் பிரிவில் விடுதலை ஆகும் கைதிகளைப் போல் மீண்டு வந்துவிடுகின்றன திருந்திவிட்டேன் என்னும் போர்வையில்... 2 சாயங்கள் அற்ற மாய வாழ்வொன்றை நோக்கி நகர முற்படுகிறது ஆன்மா, சாயம் வெளுத்துப் போகாமல் காத்துக் கொள்ள போராடுகின்றது மனம், இவற்றில் வெற்றி தோல்வி யாருக்கு? யாருக்காயினும் பெறுவது என்னவோ நாம் தான். 3 வறண்ட பாலையின் நீட்சி நீளும் கானல் நீர்க்காடு கண்கள் காணாத ஒளி மெய் தீண்டாத தனிமை நிலவின் தகிப்பு இவற்றைக் கடக்க முயன்ற இறக்கைகள் அற்ற கதிர் ஒன்று என் இரவுகளைத் தீண்டாத பனித்துளிக்குள் மெல்ல தன்னைக் கரைத்துக்கொள்ள காத்துக் கிடக்கிறது 4 உச்சிப் பொழுதின் உக்கிரத்தை எளிதில் கடந்துபோன மனம் மனவெளியில் தேகம் குடித்து சிலிர்ப்பைக் கடக்க முடியா உக்கிரம் நெருப்பைக் கடந்து உறைபனியில் உயிர் வேகும் சுகம் தேடி தோற்றுப் போகிறது சவம். 5 பனி மழையின் திரை கடந்து நிலவின் ஒளி கொள்ளும் இரவு இருண்மையின் வெறுமை கண்டு காரிருள் ... Full story

படக்கவிதைப் போட்டி  208-இன் முடிவுகள்

படக்கவிதைப் போட்டி  208-இன் முடிவுகள்
-மேகலா இராமமூர்த்தி பூமுகத்தில் அழுகை அரும்ப நின்றிருக்கும் மழலையைப் படம்பிடித்து வந்திருப்பவர் நித்தி ஆனந்த். இப்படத்தைப் படக்கவிதைப் போட்டி 208க்கு உகந்ததென்று தெரிந்தெடுத்துத் தந்திருப்பவர் சாந்தி மாரியப்பன். கலைஞருக்கும் தேர்வாளருக்கும் என் நன்றி! நானிலத்தில் உயர்ந்த செல்வம் மாண்புடைய மழலைச் செல்வமே ஆகும். மழலையர் அற்ற மணவாழ்க்கை மணமற்ற வாழ்க்கையாகவும் மகிழ்ச்சியற்ற வாழ்க்கையாகவும் மாறிப்போய்விடுவதைக் காண்கின்றோம். அதனால்தான் புதிதாகப் பிறந்த குழந்தையை ’மகிழ்ச்சிப் பெட்டகம்’ என்று குறிக்கும் ... Full story

படக்கவிதைப் போட்டி – 209

படக்கவிதைப் போட்டி – 209
அன்பிற்கினிய நண்பர்களே! கவனத்தை ஈர்க்கும்  காட்சி ஒன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் ஆற்றல் கொண்டவரா நீங்கள்? பார்கவ் கேசவன் எடுத்த இந்தப் படத்தை, சாந்தி மாரியப்பன் வல்லமை ஃப்ளிக்கர் குழுமத்திலிருந்து தேர்ந்தெடுத்து வழங்கியிருக்கிறார். இந்தப் படத்திற்கு ஒரு கவிதை எழுதுங்கள். இந்த ஒளிப்படத்திற்கு ஏற்ற கவிதையை, 24 வரிகளுக்குள் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் சனிக்கிழமை (20.04.2019) வரை, ... Full story

குறளின் கதிர்களாய்…(253)

செண்பக ஜெகதீசன் கண்ணிற் கணிகலங் கண்ணோட்ட மஃதின்றேற் புண்ணென் றுணரப் படும். -திருக்குறள் -575 (கண்ணோட்டம்) புதுக் கவிதையில்... அணிகலன் கண்ணுக்குக் கண்ணோட்டம், அது இல்லாத கண்ணது முகத்தில் புண்ணெனவே கருதப்படும்...! குறும்பாவில்... அணிகலனாய்க் கண்ணை அழகுபடுத்துவது கண்ணிறைந்த கண்ணோட்டமே, அது இலாதது கருதப்படும் புண்ணெனவே...! மரபுக் கவிதையில்... அணிகலன் ஆயிரம் போட்டாலும் அவற்றி லெல்லாம் சிறந்ததான அணியாய்க் கண்ணில் கண்ணோட்டமே அழகு படுத்திடும் அதிகமாயே, துணிந்தே அறிஞர் சொல்லிடுவர் தயையது இல்லாக் கண்ணதுதான் பிணியது வந்த உடம்பிலதுவோர் புண்ண தென்றே கருதலாமே...! லிமரைக்கூ.. கண்ணோட்டம் உள்ளதுதான் கண்ணே அணிகலனாயது அழகினையூட்டும் கண்ணுக்கே, அஃதில்லாத கண்வெறும் புண்ணே...! கிராமிய பாணியில்... எரக்கமிருக்கணும் எரக்கமிருக்கணும் கண்ணுல எரக்கமிருக்கணும், எப்பவுமே எரக்கமிருக்கணும்.. நகநட்டு எதுவும் வேண்டாம், கண்ணுக்கு நகையே கண்நெறஞ்ச கண்ணோட்டந்தான்.. அது இல்லாத கண்ணயே எல்லாரும் புண்ணுன்னுதான் எண்ணுவாங்களே.. அதால எரக்கமிருக்கணும் எரக்கமிருக்கணும் கண்ணுல எரக்கமிருக்கணும், எப்பவுமே ... Full story

நலம்விளைப்பாய் சித்திரையே!

மகாதேவ ஐயர் ஜெயராம சர்மா (மெல்பேண், ஆஸ்திரேலியா) புத்தாடை வாங்கிடுவோம் புத்துணர்வு பெற்றிடுவோம் முத்தான முறுவலுடன் சித்திரையைக் காத்திருப்போம் எத்தனையோ சித்திரைகள் எம்வாழ்வில் வந்தாலும் அத்தனையும் அடிமனதில் ஆழமாய்ப் பதிந்திருக்கும்! சொத்துள்ளார் சுகங்காண்பர் சொத்தில்லார் சுகங்காணார் எத்தனையோ துயர்வாதை இருந்தேங்க வைக்கிறது அத்தனையும் பறந்தோட சித்திரைதான் உதவுமென நம்பிடுவார் வாழ்வினிலே நலம்விளைப்பாய் சித்திரையே! வெள்ளப் பெருக்காலே வேதனைகள் ஒருபக்கம் உள்ளத்தை வதைக்கின்ற உணர்வற்றார் ஒருபக்கம் கள்ளத்தை விதைக்கின்ற கயவரெலாம் ஒருபக்கம் கழன்றோடக் காத்துள்ளோம் கைகொடுப்பாய் சித்திரையே! அரசியலில் அறமிப்போ அருகியே போகிறது ஆண்டவனின் சன்னிதியில் அநியாயம் நிகழ்கிறது அறமுரைப்போர் அனைவருமே அடக்கமாய் ஆகிவிட்டார் அடங்கிநிற்பார் தனையெழுப்பி அழைத்துவா சித்திரையே! புலம்பெயர்ந்து வந்தவர்கள் புலனெல்லாம் பிறந்தமண்ணின் நலம்பற்றி நினைப்பதிலே நாளதனைப் போக்குகின்றார் வந்தவர்கள் சிலபேர்கள் வம்புகளை வாங்குகின்றார் அந்தநிலை அகற்றுவிட வந்துவிடு சித்திரையே! ஈழத்தில் தமிழ்மக்கள் இடர்களின்றி வாழவேண்டும் ஆளுகின்ற அரசமைப்பில் அவரமைதி பெறவேண்டும் வாழுகின்ற இடத்திலவர் வாழ்வாங்கு வாழுதற்கு வகைநல்கும் பாங்கினிலே வந்திடுவாய் சித்திரையே! வாழ்வளிக்கும் நாடதனில் வழிமுறைகள் மாற்றுகிறார் ஈனமுடை ... Full story

படக்கவிதைப் போட்டி 207-இன் முடிவுகள்

படக்கவிதைப் போட்டி 207-இன் முடிவுகள்
-மேகலா இராமமூர்த்தி பகலவனும் பனித்துளியும் பார்வையால் பேசிக்கொள்ளும் அழகைத் தன் நிழற்படத்தில் பதிவுசெய்திருப்பவர் திரு. சந்தோஷ்குமார். இதனை வல்லமை ஃபிளிக்கர் குழுமத்திலிருந்து தேர்வுசெய்து படக்கவிதைப் போட்டி 207க்கு அளித்திருப்பவர் திருமதி. சாந்தி மாரியப்பன். படமெடுத்தவர், தேர்வாளர் இருவருக்கும் என் நனிநன்றியை நவில்கின்றேன். கைபுனைந்து இயற்றா கவின்பெறு வனப்பை வாரி வழங்கும் இயற்கைக் காட்சிகள் காணக் காணத் தெவிட்டாதவை. நேரெதிர் குணங்களைக் கொண்ட குளிர்ந்த பனித்துளியும் கொதிக்கும் சூரியனும் ... Full story

குறளின் கதிர்களாய்…(252)

செண்பக ஜெகதீசன் உள்ளுவ தெல்லா முயர்வுள்ளல் மற்றது தள்ளினுந் தள்ளாமை நீர்த்து. -திருக்குறள் -596(ஊக்கமுடைமை)   புதுக் கவிதையில்...   அரசாள்வோர் எண்ணுவதெல்லாம் உயர்வு கருதிய எண்ணமதாய் இருத்தல் வேண்டும்.. ஊழ்வினையால் உயர்வது நிறைவேறாதுபோனாலும், உயர்வு கருதிய எண்ணமதை விட்டுவிடக் கூடாது...!   குறும்பாவில்...   உயர்வுகருதியதாயிருக்கட்டும் எண்ணம், நிறைவேறாதுபோனாலும் எண்ணிய உயர்வு நிறுத்திவிடாதே உயர்வுகருதும் எண்ணமதை...!   மரபுக் கவிதையில்...   மக்களை யாளும் மன்னனவன் மனதில் எண்ணும் எண்ணமெல்லாம் மிக்க உயர்வது கருதியதாய் மிளிர வேண்டும் எப்போதுமே, சிக்கலாய் அந்த உயர்வதுதான் செயலில் நிறைவே றாதுபோனால், துக்க மேதும் கொள்ளாமல் தொடர்ந்திட வேண்டும் உயரெண்ணமே...!   லிமரைக்கூ..   உயர்வைக் கருதியதாயிருக்கட்டும் எண்ணம், உயர்வது நிறைவேறாதபோதும் நடந்துகொள் எண்ணமதைக் கைவிட்டுவிடாத வண்ணம்...!   கிராமிய பாணியில்...   விட்டிடாதே விட்டிடாதே ஒயர்வான எண்ணமத விட்டிடாதே கைவிட்டிடாதே..   நாட்டயாளுற ராசாவுக்கு எண்ணமெல்லாம் எப்பவுமே ஒயர்வாத்தான் இருக்கவேணும்..   நெனச்சபடி நடக்காமப்போனாலும் நெனப்பு அதத்தான் மாத்தவேண்டாம், எப்பவுமே ஒயர்வாவே இருக்கட்டும்..   அதால விட்டிடாதே விட்டிடாதே ஒயர்வான எண்ணமத விட்டிடாதே கைவிட்டிடாதே...!   ... Full story

தங்கச் சிலம்பொலியார்!

தங்கச் சிலம்பொலியார்!
மகாதேவ ஐயர் ஜெயராமசர்மா, மெல்பேண், அவுஸ்திரேலியா சித்திரை பிறக்குமுன்னர் சிலம்பொலி அடங்கியதே! மொத்தமுள்ள தமிழறிஞர் முழுப்பேரும் அழுகின்றார்! எத்தனையோ பட்டங்கள் ஏற்றநிறை விருதெல்லாம் அத்தனையும் அவர்பிரிவால் அழுதபடி நிற்கிறதே! உலகமெலாம் சென்றிருந்தார் உவப்புடனே தமிழ்கொடுத்தார்! நிலைபெறு மாறெண்ணிநிற்க நிறைவாக அவர்கொடுத்தார்! அளவில்லாக் கட்டுரைகள் அவர்கொடுத்தார் உலகினுக்கு! அழவிட்டு சிலம்பொலியார் அவ்வுலகு சென்றுவிட்டார்! மாநாடு பலகண்டார் மலர்கள் பலகொடுத்தார்! பூமாலை புகழ்மாலை தேடியவர் போகவில்லை! கோமகனாய் கொலுவிருந்தார், கொழுகொம்பாய்த் தமிழ்கொண்டார்! பாவலரும் காவலரும் பதறியழச் சென்றுவிட்டார்! தேன்தொட்டத் தமிழ்பேசி, திசையெங்கும் வசங்கொண்டார்! தான்விரும்பி சிலம்பதனைத் தமிழருக்கு எடுத்துரைத்தார்! நானென்னும் அகங்காரம் காணாத வகையினிலே தான்சிலம்பார் வாழ்ந்ததனால் தானுலகம் தவிக்கிறது! சங்கத்தமிழை அவர் இங்கிதமாய் எடுத்துரைத்தார்! எங்குமே ... Full story

படக்கவிதைப் போட்டி – 207

படக்கவிதைப் போட்டி – 207
அன்பிற்கினிய நண்பர்களே! கண்ணையும் கருத்தையும் கவரும் படமொன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் ஆற்றல் கொண்டவரா நீங்கள்? சந்தோஷ்குமார் எடுத்த இந்தப் படத்தை, சாந்தி மாரியப்பன் வல்லமை ஃப்ளிக்கர் குழுமத்திலிருந்து தேர்ந்தெடுத்து வழங்கியிருக்கிறார். இந்தப் படத்திற்கு ஒரு கவிதை எழுதுங்கள். இந்த ஒளிப்படத்திற்கு ஏற்ற கவிதையை, 24 வரிகளுக்குள் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் சனிக்கிழமை (06.04.2019) வரை, ... Full story

உள்ளீடுகள்

-சேஷத்ரி பாஸ்கர் கண்களற்ற காற்று காதோரம் தோற்று போய் திரும்பும்அலைகள் தகரடப்பாவில் தலையை விட்ட பாட்டி இன்னொரு முறை அலையை தொலைத்தாள் . அரைத்து போட்ட மின்னும் மணல்தூள்  எங்கோ வறுபடும் நிலக்கடலை . பிரமிப்பான தருணத்தை நழுவும் மனிதன் கடலுக்காகவே பிறந்தது போல் நிலா எப்போதும் அவசரமான நண்டுகள் . காலம் கடப்பதேன் கவலையில் மனம். புதைமணல் வாழ்விலும் இதமான உள்ளிறக்கம் Full story

ஏக்கமுற்று நாமிருப்போம்

ஏக்கமுற்று நாமிருப்போம்
-மகாதேவ ஐயர் ஜெயராமசர்மா ... மெல்பேண் ... அவுஸ்திரேலியா இளமையெனும் பூங்காற்று  இதயமதில் எழும்போது  உலகமெலாம் காலடியில் விழுகுதென நினைத்திடுவோம்  தலைநிமிர்ந்து ஆணவமாய் தான்சாமி ஆடிடுவோம்  நிலைதளர்ந்து போகுமென நினைவினுக்கு வருவதில்லை  ஆடாத ஆட்டமெலாம் ஆடிநாம் பார்த்திடுவோம்  கூடாத கூட்டமெலாம் கூடியே குலவிடுவோம்  தேடாத பெயரயெல்லாம் தேடியே பெற்றிடுவோம் தெருமுழுக்க எம்பெயரை செதுக்கும்படி ஆக்கிடுவோம்  இளமையெனும் முறுக்காலே முழுவாழ்வை தொலைத்திடுவோம் நிலைமையது தெரிகையிலே நெடுந்தூரம் வந்திருப்போம் எவ்வளவு முயன்றாலும் எம்மிளமை போனதுதான் ஏக்கமுற்று நாமிருப்போம் இதுபோன்ற  நிலைமையிலே  Full story

வெறுப்பின் வெப்பப்பூவின் உயிர் கேட்கும் தருணம்

-கவிஞர் பூராம் கந்தகத்தின்  நெடி மூளையில் ஆணியாக அறையப்பட்டுவிட்டது! எத்திசையில் இருந்து தோட்டாக்கள் இதயம் பிளக்குமென்ற பயத்தின் உச்சத்தில் புத்தகத்தின் பக்கங்கள் வெறுமையில் திருப்பப்படுகின்றன! யாருமற்ற பேருந்து நி்ன்று சென்றாலும் நிற்பதற்கே இடமில்லா பேருந்து கடந்து சென்றாலும் நடுங்கி தளர்கிறது பெண்ணுடல்! பேரன்பின் வசந்த காலம் என்று வருமோவென இருந்து கிடக்கிறது ஆன்மாவின் ஒரு துளி. Full story
Page 1 of 26912345...102030...Last »
Copyright © 2015 Vallamai Media Services . All rights reserved.
வல்லமை மின்னிதழில் வெளியாகும் ஆக்கங்கள், ஆக்கியவரின் தனிப்பட்ட கருத்துகளே; வல்லமையின் கருத்துகளாகக் கொள்ள வேண்டாம்.