காதல் என்பது என்ன ? ஸர் வால்டர் ராலே [The Phoenix Nest (1593)]

0
சி. ஜெயபாரதன்image

உன்னைப் பரிந்து கேட்கிறேன்
இப்போது சொல் !
காதல் என்பது என்ன ?
அது ஓர் எழுச்சி ஊற்று !
ஒரு கிணறு !
சோகமும், சுகமும்
சூழ்ந்து கொள்வது;
ஆலய மணிபோல் காதிலே
ஒலிப்பது !
பலியாவது சொர்க்கமோ, நரகமோ ?
இதுதான் காதலென்று
பிறர் கூற நான் காதில்
கேட்டது !

ஆயினும் சொல் !
உனை வேண்டுகிறேன்
காதல் என்ப தென்ன ?
புனித நாளில் அது ஒரு பணி !
கூதல் மாதத்தைக் காதல்
வேனில் மாதமுடன்
பின்னுவது !
மோகக் குருதிகள் புத்துயிருடன்
போகம் பெறுவது !
நாடகம் பற்றிப் பின்னர்
கேள்விப் படுவது
மற்ற பத்து மாதங்கள் !

காதல் என்ன வென்று
சொல் !
கதிரோன் ஒளியும்,
மழைத் துளியும் சேர்ந்த
கலவை அது !
பல்வலி அது !
அல்லது அதைப் போல்
வலிப்பது !
ஊதியம் எவர்க்கும் கிடைக்காத
ஓர் விளையாட்டு அது !
இல்லை என்று மங்கை சொல்லி
முழுமை பெறுவாள் !
இதுதான் காதல் !
கேட்டதைச் சொல்கிறேன் !

காதல் என்ப தென்ன
சொல் !
ஆம் என்பது,
பிறகு இல்லை என்பது !
ஒரு பொழுது போக்கு அது,
முறிவு முறைப்பாடு !
விரைவில் மாயமாய் மறைவது !
காதலைச்
சாதகமாய் ஆக்கிக் கொள்
உன்னால்
இயன்ற மட்டும் !
இதுதான்
காதல் என்பேன் நான் !

காதல் என்ன வென்று
காட்டெனக்கு ஆயினும் ?
ஊர்ந்து செல்வது
உனை விட்டுப் போகாதது !
ஊசலாடும் ஒரு வெகுமதி
இங்கும் அங்கும் !
ஒருவருக்கு ஒற்றைப் பயன்,
அல்லது
பெருமளவில் பலன்
அதை நிரூபித்தவன்
அப்படிக்
கண்டு பிடிக்கவும் வேண்டும் !
இனிய தோழா !
இதுதான் காதல்
உனது சிந்தனைக்கு !

பதிவாசிரியரைப் பற்றி

Leave a Reply

Your email address will not be published. Required fields are marked *