சாஹஸ மோஹினி நீ

கே.ரவி

=========================================

பாடலைக் கேட்க:

https://www.vallamai.com/wp-content/uploads/2014/06/Saahasa-Mohini_new2.mp3

=========================================

சாஹஸ மோஹினி நீ – என்
மானஸ வீணையின் நாள நரம்புகள்
ராகம் இசைத்திட ராஜஸம் பயில்
சாஹஸ மோஹினி நீ

காலையிலே செந்தாமரை நீ – பகல்
வேளையிலே பொன்னோவியம் நீ – அந்தி
மாலையிலே நீலோத்பலம் நீ – பின்
இரவினிலே வரும் பேரமைதி
சாஹஸ மோஹினி நீ

கண்களிலே நீ ஒளிவடிவம்
பண்களிலே நீ களிநடனம் – என்
எண்ணமெல்லாம் ஒரு ஜீவநதி – அதன்
ஒவ்வொரு துளியுமுன் சலங்கையொலி
சாஹஸ மோஹினி நீ

காதலர் நடுவே காற்றாக – நல்ல
கவிதையிலே அமுதூற்றாகப்
புன்னகையில் இளம் கீற்றாகப்
புயல் இடி மழையென்று கூத்தாடப்
புதுப்புது வடிவம் எடுப்பவளே – ஒன்றும்
புரியாததுபோல் நடிப்பவளே
சாஹஸ மோஹினி நீ

பதிவாசிரியரைப் பற்றி