தமிழ்த்தேனீ

11220140_1123504214343953_8318872397092579954_n

எத்தனையோ மகன்கள் பிறந்திருக்கலாம்
மகான்களாய்த் சிலரதிலே திரிந்திருக்கலாம்
எத்தனையோ மனிதர்கள் பிறந்திருக்கலாம்
புனிதராய்ப் பலரதிலே திகழ்ந்திருக்கலாம்

எத்தனையோ பிறவிகள் பிறந்திருக்கலாம்
துறவியாய் அனைத்தையும் துறந்திருக்கலாம்
பலகோடி வகையாய்ப் பிறந்திருக்கலாம்
பலகோடி வகையாய்ச் சிறந்திருக்கலாம்

எல்லா உயிர்களையும் பிடித்திருக்கலாம்
எல்லா உயிர்க்குமே பிடித்திருக்கலாம்
மனிதராய் யாரும் பிறப்பதில்லை
வளர்ந்தபின் குழந்தையா யிருப்பதில்லை

பிறந்த பின் மனிதராய் வளர்வதில்லை
மாமனிதராய் பலரும் வாழ்வதில்லை
குழந்தையாய்ப் பிறந்து மனிதராய் வளர்ந்து
மாமனிதராய்த் திகழ்ந்து மேதையாய் மலர்ந்து

மனிதாபிமானம் கொண்டு மனிதருள் மனிதராய்
மனதோடு மனதாகப் புனிதராய் கலந்தவர்
திரு அப்துல்கலாம் இப்போது இறந்திருக்கலாம்
இவ்வுலகை விட்டு மறைந்திருக்கலாம்

இவ்வுலகம் மறக்காமல் இருந்தவர் வாழ்ந்தவர்
இன்னுமாயிரம் ஆண்டுகள் இருந்திருக்கலாம்
திரு அப்துல்கலாம் இறவாமல் இருந்திருக்கலாம்
நாம் இவரை எப்போதும் மறவாமல் இருக்கலாம்

அன்புடன்
தமிழ்த்தேனீ
அனைத்து உயிருக்கும் அவனே ஆதி
அவனை விடவா உயர்ந்தது ஜாதி?

மனிதமும்,உலகமும் காப்போம்,
மௌனம் உணர்த்தாத பொருளை
சொற்கள் உணர்த்தாது

அன்புடன்
தமிழ்த்தேனீ
http://thamizthenee.blogspot.com
rkc1947@gmail.com
http://www.peopleofindia.net

பதிவாசிரியரைப் பற்றி

Leave a Reply

Your email address will not be published. Required fields are marked *