சுதந்திரத்தைப் பேணுவோம் !

   -எம். ஜெயராம சர்மா – மெல்பேண், அவுஸ்த்திரேலியா )

     அண்ணல் காந்தி
     அஹிம்சை கொண்டு
     அரவணைத்த சுதந்திரம்
     மண்ணிலிருக்கும் நிலையைப்பார்க்க
     மனசுஒடிஞ்சு போகுதே !

     காந்திமகான் படத்தைமட்டும்
     காசில்போட்டு வைத்துளோம்
     காந்திநினைத்த அத்தனையும்
     காற்றில்கரைந்து போயிற்றே !

     காந்திமகான் உள்ளகாசை
     கட்டுக்கட்டாய் பதுக்கிறார்
     காந்திகூட கைதியாகி
     கயவர்கையில் நிற்கிறார் !

     மதுவையொழிக்க வேண்டுமென்று
     மகான்காந்தி முழங்கிட்டார்
     மதுபெருகி இந்தியாவை
     மதிமயக்கி கெடுக்குது !

     தெரிவில்பெண்கள் போவதற்கே
     தினமுமச்சப் படுகின்றார்
     திசைக்குத்திசை கயவர்கூட்டம்
     தினமும்கற்பைப் பறிக்கிறார் !

     காவல்நிலையம் போவதற்கே
     கலக்கமாக இருக்குது
     காவல்துறை கூடயிப்போ
     கண்ணியத்தை மிதிக்குதே !

      நீதிமன்று கூடயிப்போ
      நெஞ்சைநிமிர்த முடியல
      நீதிகூட காசைப்பார்த்து
      நிலைகுலைந்து நிற்குது !

      சாதிபேரைச் சொல்லிசொல்லி
      பேதிகொடுத்து நிற்கிறார்
      நாதியற்ற கூட்டமாக
      நாட்டில்பலர் இருக்கிறார் !

      ஓடிவரும் நீரைக்கூட
      ஓரங்கட்டப் பார்க்கிறார்
      உழவர்கூட்டம் நீருக்காக
      உயிரைவிடப் பார்க்கிறார் !

      உணவில்மருந்தில் கலப்படத்தை
      உடனுக்குடன் செய்கிறார்
      உடல்நலத்தைப் பற்றியெல்லாம்
      உள்ளமேற்க மறுக்கிறார் !

     காசுகாசு என்றுவெண்ணி
     கண்ணியத்தைத் துறக்கிறார்
     கடவுள்சிலையை திருடிவிற்று
     காசைக்கணக்குப் பார்க்கிறார் !

    வெள்ளையரை நாட்டைவிட்டு
    விரட்டியடித்து விட்டாலும்
    கொள்ளையரின் கையிலிப்போ
    கொடுத்துவிட்டோம் நாட்டையே !

     ஊழல்செய்யும் கூட்டத்தாரால்
     நாளும்தீமை விளையுது
     ஆளைமாத்தி ஆளைமாத்தி
     அரசில்கொள்ளை நடக்குது !

    நல்லவரை நாட்டில்காண
    நமக்குளாசை இருப்பினும்
    நல்லவரும் நம்மைவிட்டு
    நாளும்வெளி செல்கிறார் !

    எத்தனையோ தியாகம்செய்து
    எடுத்தவெங்கள் சுதந்திரம்
    ஏற்கவொண்ணா இன்னல்பட்டு
    இந்தியாவில் இருக்குது !

    சுத்தமான சுதந்திரத்தை
    சுவைத்துச் சுவைத்துநின்றிட
    அத்தனபேர் உள்ளங்களும்
    அஹிம்சைபோற்ற வேண்டுமே !

    காந்திநேரு காமராசர்
    வந்தபாதை சென்றுநாம்
    கலாமையா நினைவில்வைத்து
    காத்துநிற்போம் சுதந்திரம் !

    சுதந்திரத்தை அனுபவிக்க
    சுதந்திரத்தை தேடுறோம்
    சுதந்திரமாய் வாழநாங்கள்
    சுதந்திரத்தைப் பேணுவோம் !

Share

About the Author

ஜெயராமசர்மா

has written 329 stories on this site.

பேராதனை பல்கலைகழக தமிழ் சிறப்புப் பட்டதாரி.அத்தோடு, கல்வியியல் துறையில் டிப்ளோமா, சமூகவியல் துறையில் டிப்ளோமா,கற்பித்தல் நுணுக்கத்தில் முதுகலை தத்துவமானி பட்டங்களையும் பெற்றவர்.கல்வித்திணைக்களத்தில் உதவிக் கல்விப் பணிப்பாளராகவும்,வட இலங்கை புனித பிரான்சிஸ் சேவியர் செமினறியில் பகுதி நேர‌ தமிழ், இந்துகலாசார விரிவுரையாளராகவும், யாழ்/ பேராதனை பல்கலைக்கழகங்களின் வெளிவாரி பட்டப்படிப்புப்பிரிவில் தமிழ் விரிவுரையாளராகவும்,இலங்கை ஒலிபரப்புக்கூட்டுத்தாபனத்தில் அறிவிப்பாளராகவும், நாடகத்தயாரிப்பாளராகவும் கடமையாற்றியுள்ளார். மாற்றம்,உதயன்,ஈழ நாடு, சிந்தாமணி, உதயசூரியன் இந்துசாதனம், மெல்லினம், உதயம்,பத்திரிகைகளில்.. கவிதை, கட்டுரை,சிறுகதை,விமர்சனம், ஆகியவற்றை எழுதியுள்ளார்.10க்கு மேற்பட்ட நூல்களையும்,100 ஓரங்க நாடகங்களையும்,10க்கு மேற்பட்ட வில்லுப்பாட்டுக்களையும்,20க்கு மேற்பட்ட நாட்டிய நாடகங்களையும், எழுதியுள்ளதோடு.. "முதற்படி" என்னும் குறுந்திரைப்படத்துக்கு கதை வசனம் எழுதி நடித்து 2007ல் அவுஸ்த்திரேலியாவில் மெல்பேண் நகரில் வெளியீடும் செய்யப்பட்டது.ஈழத்தில் பல ஸ்தலங்க‌ளுக்கு ஊஞ்ஞல் பாடியுள்ளதோடு.. அண்மையில் மேற்கு அவுஸ்த்திரேலியா பேர்த் மாநகரில் கோவில்கொண்டிருக்கும் பாலமுருகப்பெருமான் மீதும் ஊஞ்ஞல் பாடியுள்ளார்.2008ல் மதுரைமாநகரில் நடைபெற்ற அகில உலக சைவ‌ சித்தாந்த மாநாட்டில் புராணப்பகுதிக்கு தலைவராகவும், ஆய்வுக் கட்டுரையாள‌ராகவும் விளங்கியுள்ளார்.அண்மையில் ஐரோப்பிய நாடுகளுக்கு சுற்றுப்பயணம் சென்று அங்கெல்லாம்.. தமிழ்,கலாசாரம், இந்துசமயம்,சம்பந்தமாக விரிவுரைகள் ஆற்றியுள்ளார்.லண்டனில் ஜி.ரி.வி. நிலையத்தார் சமயம்,தமிழர்பண்பாடுசம்பந்தமாக இரண்டு தினங்கள் பேட்டி கண்டு நேரடியாக ஒளிபரப்புச்செய்தனர். தற்போது மெல்பேண் தமிழ்ச்சங்கத்தின் ஆலோசகராகவும்,விக்டோரியா இந்து கல்விமையத்தின் ஆலோசகராகவும், தமிழ் அவுஸ்த்திரேலியன் சஞ்சிகையின் இணை ஆசிரியராகவும் விளங்குகிறார். பூர்வீகம் தமிழ்நாடு தாராபுரம். வளர்ந்தது, படித்தது, வேலை பார்த்தது, யாவுமே இலங்கையில்..தற்போது குடியுரிமை பெற்றிருப்பது அவுஸ்த்திரேலியாவில்.

Write a Comment [மறுமொழி இடவும்]

Security Question: (* Solve this math to continue) *


Copyright © 2015 Vallamai Media Services . All rights reserved.
வல்லமை மின்னிதழில் வெளியாகும் ஆக்கங்கள், ஆக்கியவரின் தனிப்பட்ட கருத்துகளே; வல்லமையின் கருத்துகளாகக் கொள்ள வேண்டாம்.