கேசவ் வண்ணம் – கிரேசி எண்ணம்

நரவேஷம் இட்டாய்கண் ணர்முன் -வரவர்ஷம்(வர மழை)

அண்டர்கோன்(இந்திரன்) கர்வமாய், ஆவினம் காத்திட

சுண்டுவிரல் கொண்டாய்கல்(கல் -கோவர்த்தன கிரி)….!

KEY -SOLYUTION….!

கொட்டும் மழைக்குக் குடையாகக் குன்றினைச்

சுட்டு விரலால் சுமந்தவா -திட்டம்

உனக்குண்டோ என்னை உருப்படியாய் ஆக்க

குணக்குன்றே கொள்ளுந்தன் கீழ்….

‘போலெ’ன்(று) உவமை புகல முடியாது

மாலென் றனரோ மகாகவிகள் -கேளொன்று

சிந்தனை தேவையா சித்திரத்திற்(கு) ஓவியா

எந்தனை வேறுவடி வாக்கு….

பிறந்து புவியில் பிருந்தா வனத்து

விருந்தைப் பறிமாற வாராய் -மறந்துபோய்

எங்குநீ தோன்றினும் ஏழைநான் ஏங்கிடும்

மந்தை வெளியிலிரு வந்து….!