என் நாக்கு முனையில் !

மூலம் : பீட்டில்ஸ் பாடகர்
தமிழாக்கம் : சி. ஜெயபாரதன், கனடா

என்ன சொல்ல வேண்டும்
என்றெண்ணி
உன்னோடு பேச விழையும் போது
சில சமயம் எனக்கு
ஓரிரு நாட்கள் கூட ஆகும் !
ஆனால் சொற்கள் வெளி வராமல்
நின்றுவிடும் நுனி நாக்கில் !
நீல நிறம் வானில் மங்கும் போது,
வேலை இருப்ப தில்லை
எனக்கு !
உனக்குச் சொல்ல புதிதாய் ஒன்றை
நினைத்துப் பார்ப்பேன் !
ஆனால் சொற்கள் வெளி வராமலே
நின்று விடும் நுனி நாக்கில் !

மக்கள் சொல்வது : ஏகாந்தனாய்
நான் இருப்பதாய் !
அது மெய்யில்லை என்று
அறிவாய் நீ !
உன் மீதுள்ள என் காதலை
உறுதிப் படுத்த
ஒரு தருணம் காத்திருக்கிறேன் !
உரைத்தவை, செய்தவை
நினைவூட்ட
விரைவில் வரும் எனக்கு அந்நேரம்.
மணப்பேன் உன்னை
திருமணத்தில் நாமிருவரும்
ஒருவராய் வாழ்வோம் !
சொற்கள் நிற்கா இனிமேல்
என் நுனி நாக்கில் !
நிற்கா சொற்கள் இனிமேல்
என் நுனி நாக்கில் !

Share

About the Author

சி.ஜெயபாரதன்

has written 732 stories on this site.

அணுசக்தி ஆக்கப் பணியில் பொறியியல் துறைகளில் 45 ஆண்டுகளுக்கு மேலாக இந்தியா, கனடாவில் அனுபவம் பெற்று, இப்போது ஓய்வில் தமிழ் இலக்கிய படைப்புப் பணியில் முழு நேரமும் ஈடுபட்டிருக்கிறார். 1960ம் ஆண்டு முதல் இவரது விஞ்ஞானக் கட்டுரைகள், கதைகள், கட்டுரைகள் பல கலைமகள், மஞ்சரி, தினமணிக் கதிர், இதயம் பேசுகிறது, மயன், தாய், காலம் இதழ்களில் வெளி வந்துள்ளன. இவரது ஆக்க வினைகளுக்கு அணுசக்தி நூல் 1964 இல் சென்னை பல்கலைக் கழகத்தின் மாநில முதற்பரிசு பெற்றது. கணினித் தமிழ்வலைப் பதிவுகள் பின்னிப் பிணைக்கும் புதிய உலகிலே, கடந்த 15 ஆண்டுகளாக 800 மேற்பட்ட விஞ்ஞானக் கட்டுரைகள், கவிதைகள், கதைகள், நாடகங்கள் பற்பல அம்பலம், திண்ணை, பதிவுகள், அந்தி மழை, நதியலை, வல்லமை போன்ற வலைத் தளங்களில் பல்லாண்டுகள் வந்துள்ளன. இவரது நீண்ட தமிழ் நாடகங்கள் மும்பையிலும், சென்னை கல்பாக்கத்திலும் அரங்கேறியுள்ளன. இதுவரை 27 நூல்கள் வெளிவந்துள்ளன: ஆக்க வினைகளுக்கு அணுசக்தி, வானியல் விஞ்ஞானிகள், அணுசக்தி, தாகூரின் தமிழ்க் கீதாஞ்சலி, அணுவின் ஆற்றல், இந்திய விஞ்ஞான மேதைகள், சீதாயண நாடகம், சீதாயணம் படக்கதை, கீதாஞ்சலி, ஆபிரஹாம் லிங்கன், சாக்ரடிஸ், நெப்போலியன், ஜோன் ஆஃப் ஆர்க், முக்கோணக் கிளிகள் படக்கதை, கலீல் கிப்ரான் கவிதைகள், விண்வெளி வெற்றிகள், அணுமின்சக்தி பிரச்சனைகள், மெய்ப்பாடுகள், அணுசக்தியே இனி ஆதார சக்தி, நைல் நதி நாகரீகம், உலகிலே உன்னத பொறியியற் சாதனைகள், எழிலரசி கிளியோபாத்ரா, காதல் நாற்பது, உன்னத மனிதன், பிரபஞ்சத்தின் மகத்தான நூறு புதிர்கள் (தொகுப்பு 1 & 2), Eco of Nature [English Translation of Environmental Poems]. அண்டவெளிப் பயணங்கள்.

Write a Comment [மறுமொழி இடவும்]

Security Question: (* Solve this math to continue) *


Copyright © 2015 Vallamai Media Services . All rights reserved.
வல்லமை மின்னிதழில் வெளியாகும் ஆக்கங்கள், ஆக்கியவரின் தனிப்பட்ட கருத்துகளே; வல்லமையின் கருத்துகளாகக் கொள்ள வேண்டாம்.