கேசவ் வண்ணம் – கிரேசி எண்ணம்

180912- Sudama-wacol 10×14 Arches 300gsm -lr

சுதாமன் அவலுக்கு சொத்தை அளித்த
கதாதரன் கண்ணன் பரம -பிதாவாம்
அலர்மேல் அன்னை அரியின் சிபார்சால்
மலரும்நாள் காசின் பிறப்பு….!

அவலுக்கு செல்வம், அழகுமயில் ராதை
அவளுக்குக் காதல், விஜயன் -கவலைக்கு,
கீதை, அடியார்தம் கண்ணீர் திவலைக்கு
தாதை அளிப்பான் துடைப்பு….!

திகட்டும் அளவு திரவியம் தந்தாய்
புகட்டிய நஞ்சை புசித்தாய் -நகத்தால்
உரித்தெறிந்த உற்சாகம் இன்றெங்கு போயிற்று
தரித்திரநா ராயணா தா….!

வெறும்வாயில் மெல்லும் அவலா கிடாது
குருவாயூ ரப்பா எனக்கும் -திருவாயால்
பாடிய நாரண பட்டர்க்குப் போட்டாற்போல்
போடுநீ ஆமாம்சா மி….!

அந்தரங்க சுத்தியுடன் அந்தணங்கு ஆண்டாள்போல்
அந்தரங்க ராஜனை அர்ச்சிக்க -வந்திறங்கி
வைகுண்டம் வாவென்று கைகொடுத்து தூக்கிவிடும்
பைகொண்ட நாகமுற்ற பொற்பு….!

தீனர்க்(கு) அருளூற்றாய் ஈனர்க்(கு) இருள்கூற்றாய்
மீனமாய் ஏனசிம்ம வாமன -மூணான
ராம கிருஷ்ண கலிபுருஷ னாய்வந்த
நாம சகஸ்ரனாய் நாடு….கிரேசி மோகன்….!

Share

About the Author

கிரேசி மோகன்

has written 1872 stories on this site.

எழுத்தாளர், நடிகர், கவிஞர், என சகல கலைகளிலும் பிரபலமானவர்.

Write a Comment [மறுமொழி இடவும்]

Security Question: (* Solve this math to continue) *


Copyright © 2015 Vallamai Media Services . All rights reserved.
வல்லமை மின்னிதழில் வெளியாகும் ஆக்கங்கள், ஆக்கியவரின் தனிப்பட்ட கருத்துகளே; வல்லமையின் கருத்துகளாகக் கொள்ள வேண்டாம்.