Posts Tagged ‘செண்பக ஜெகதீசன்’

குறளின் கதிர்களாய்…(256)

-செண்பக ஜெகதீசன்... தொடங்கற்க வெவ்வினையு மெள்ளற்க முற்று மிடங்கண்ட பின்னல் லது. -திருக்குறள் -491(இடனறிதல்) புதுக் கவிதையில்... தக்க இடத்தினைத் தேர்ந்தெடுக்குமுன் பகைவரைத் தாக்கும் செயலைத் தொடங்கிடாதே.. அவரை எளியரென்றெண்ணி எள்ளி நகையாடாதே...! குறும்பாவில்... பகைவரைத் தாக்க, தக்கயிடம் தேர்ந்தெடுக்குமுன் தொடங்காதே தாக்குதலை, எளியரென்றவரை ஏளனம்செய்யாதே...! மரபுக் கவிதையில்... பகைவர் தம்மைத் தாக்கிடத்தான் பொருத்த மான இடமதையே வகையாய்த் தெரிந்தே ஆய்ந்தறிந்து வழிவகை நன்றாய்த் தெரிந்தபின்னே பகையினை முடிக்கும் செயலினிலே புகுதல் வேண்டும் தெளிவுடனே, நகைத்திடல் வேண்டாம் எதிரியையே நிலையில் குறைவாம் நினைவினிலே...! லிமரைக்கூ.. தேர்ந்தெடு ஆய்ந்தறிந்தே இடத்தை தொடங்கிடு அதன்பின் பகைவரைத்தாக்கும் செயலை, செய்யாதேயவரை எள்ளிடும் மடத்தை...! கிராமிய பாணியில்... எடமறியணும் எடமறியணும் தகுந்த எடமறியணும், செயல்படணும் செயல்படணும் எடமறிஞ்சி செயல்படணும்.. எதிரியத் தாக்கப் போகுமுன்னே அதுக்கு ஏத்த எடமாப் பாத்துக்கணும், எடத்தப் பாத்துத் தெரிஞ்சபின்னே தாக்கிற வேலயத் தொடங்கவேணும்.. எதிரிய எப்பவுமே எளக்காரமா நெனைக்கவேண்டாம்.. எப்பவும் எடமறியணும் எடமறியணும் தகுந்த எடமறியணும், செயல்படணும் செயல்படணும் எடமறிஞ்சி செயல்படணும்...!   Full story

குறளின் கதிர்களாய்…(255)

செண்பக ஜெகதீசன்... அரியகற் றாசற்றார் கண்ணுந் தெரியுங்கா லின்மை யரிதே வெளிறு. -திருக்குறள் -503(தெரிந்து தெளிதல்) புதுக் கவிதையில்... அரிய நூற்கள் பல கற்றறிந்த குற்றமற்றவர்களையும் அணுகி ஆராய்ந்தால், அவர்களிடமும் அறியாமை என்பது இல்லாதிருத்தல் அரிதே...! குறும்பாவில்... பலநூல் படித்துத் தேர்ந்த பண்பாளர்களையும் பரிசீலித்தால் அவர்களிடமும் அறியாமை இல்லாதிருத்தல் அரிதே...! மரபுக் கவிதையில்... அரிய நூல்பல கற்றேதான் அறிவில் பண்பில் சிறந்தோரெனத் தெரிந்த சான்றோர் தம்மையுந்தான் தீர வாய்ந்து பார்த்தாலே, தெரியும் உண்மை ஒன்றேதான் தூய பண்புடன் அறிவுடைய பெரியோர் இவரிடம் அறியாமை போகா திருத்தல் அரிதாமே...! லிமரைக்கூ.. பலநூல்கற்ற அறிவு பெரிது அத்துடன் பண்புநிறைந்தவரையும் ஆராய்தால் அறியாமையவரிடம் இலாதிருத்தல் அரிது...! கிராமிய பாணியில்... தெரிஞ்சிக்கோ தெரிஞ்சிக்கோ மனுசன நல்லாத் தெரிஞ்சிக்கோ, தெளிவாகத் தெரிஞ்சுக்கோ.. பெரிய படிப்பெல்லாம் படிச்சி பலநூல் படிச்ச அறிவாளி நல்ல கொணமுள்ளவனாயிருந்தாலும், அவனயும் கொஞ்சம் ஆராஞ்சிபாத்தா அவங்கிட்டயும் அறியாம இல்லாமயிருக்கது பெருசுதான்.. அதால தெரிஞ்சிக்கோ தெரிஞ்சிக்கோ மனுசன நல்லாத் தெரிஞ்சிக்கோ, தெளிவாகத் தெரிஞ்சுக்கோ...!   Full story

குறளின் கதிர்களாய்…(254)

செண்பக ஜெகதீசன் இதனை யிதனா லிவன்முடிக்கு மென்றாய்ந் ததனை யவன்கண் விடல். -திருக்குறள் -517  (தெரிந்து வினையாடல்) புதுக் கவிதையில்... இவ்வினையை இவ்வழியில் இவன் பழுதின்றிச் செய்வான் என்பதைப் பகுத்தாராய்ந்து அறிந்தபின்னே அவனிடம் ஒப்படைக்கவேண்டும் அச்செயலை...! குறும்பாவில்... செயல் கருவி செயல்படுவோன் மூன்றையும் பகுத்தாராய்ந்து அறிந்தபின்னே, அவனிடம் ஒப்படைக்கவேண்டும் செயல்பட...! மரபுக் கவிதையில்... செய்யும் செயலின் தரமறிந்து சேர்க்கும் கருவி தனையறிந்து, செய்வோன் தனது திறமறிந்து சேர்த்து மூன்றையும் ஆராய்ந்து, மெய்யதை நன்றாய் முழுதுணர்ந்து முடிவு செய்த பின்னர்தான் செய்யும் செயலினைத் தொடங்கிடவே சேர்க்க வேண்டும் அவனிடமே...! லிமரைக்கூ.. வினைவிவரங்கள் முதலில் எடுத்துவிடு செயல் கருவி செய்பவன் தன்மை மூன்றையுமே, ஆராய்ந்தறிந்து செயல்படக் கொடுத்துவிடு...! கிராமிய பாணியில்... வேலகுடு வேலகுடு விவரமறிஞ்சி வேலகுடு, ஆள அறிஞ்சி ஆராஞ்சி அப்புறமா வேல செய்யவுடு.. வேல விவரமறிஞ்சி செய்யிற வழியறிஞ்சி செய்யிறவன் தெறமயறிஞ்சி, எல்லாத்தையும் அலசி ஆராஞ்சி அப்புறந்தான் அவங்கிட்ட வேலய ஒப்படைக்கணும்.. அதால வேலகுடு வேலகுடு விவரமறிஞ்சி வேலகுடு, ஆள அறிஞ்சி ... Full story

குறளின் கதிர்களாய்…(253)

செண்பக ஜெகதீசன் கண்ணிற் கணிகலங் கண்ணோட்ட மஃதின்றேற் புண்ணென் றுணரப் படும். -திருக்குறள் -575 (கண்ணோட்டம்) புதுக் கவிதையில்... அணிகலன் கண்ணுக்குக் கண்ணோட்டம், அது இல்லாத கண்ணது முகத்தில் புண்ணெனவே கருதப்படும்...! குறும்பாவில்... அணிகலனாய்க் கண்ணை அழகுபடுத்துவது கண்ணிறைந்த கண்ணோட்டமே, அது இலாதது கருதப்படும் புண்ணெனவே...! மரபுக் கவிதையில்... அணிகலன் ஆயிரம் போட்டாலும் அவற்றி லெல்லாம் சிறந்ததான அணியாய்க் கண்ணில் கண்ணோட்டமே அழகு படுத்திடும் அதிகமாயே, துணிந்தே அறிஞர் சொல்லிடுவர் தயையது இல்லாக் கண்ணதுதான் பிணியது வந்த உடம்பிலதுவோர் புண்ண தென்றே கருதலாமே...! லிமரைக்கூ.. கண்ணோட்டம் உள்ளதுதான் கண்ணே அணிகலனாயது அழகினையூட்டும் கண்ணுக்கே, அஃதில்லாத கண்வெறும் புண்ணே...! கிராமிய பாணியில்... எரக்கமிருக்கணும் எரக்கமிருக்கணும் கண்ணுல எரக்கமிருக்கணும், எப்பவுமே எரக்கமிருக்கணும்.. நகநட்டு எதுவும் வேண்டாம், கண்ணுக்கு நகையே கண்நெறஞ்ச கண்ணோட்டந்தான்.. அது இல்லாத கண்ணயே எல்லாரும் புண்ணுன்னுதான் எண்ணுவாங்களே.. அதால எரக்கமிருக்கணும் எரக்கமிருக்கணும் கண்ணுல எரக்கமிருக்கணும், எப்பவுமே ... Full story

குறளின் கதிர்களாய்…(252)

செண்பக ஜெகதீசன் உள்ளுவ தெல்லா முயர்வுள்ளல் மற்றது தள்ளினுந் தள்ளாமை நீர்த்து. -திருக்குறள் -596(ஊக்கமுடைமை)   புதுக் கவிதையில்...   அரசாள்வோர் எண்ணுவதெல்லாம் உயர்வு கருதிய எண்ணமதாய் இருத்தல் வேண்டும்.. ஊழ்வினையால் உயர்வது நிறைவேறாதுபோனாலும், உயர்வு கருதிய எண்ணமதை விட்டுவிடக் கூடாது...!   குறும்பாவில்...   உயர்வுகருதியதாயிருக்கட்டும் எண்ணம், நிறைவேறாதுபோனாலும் எண்ணிய உயர்வு நிறுத்திவிடாதே உயர்வுகருதும் எண்ணமதை...!   மரபுக் கவிதையில்...   மக்களை யாளும் மன்னனவன் மனதில் எண்ணும் எண்ணமெல்லாம் மிக்க உயர்வது கருதியதாய் மிளிர வேண்டும் எப்போதுமே, சிக்கலாய் அந்த உயர்வதுதான் செயலில் நிறைவே றாதுபோனால், துக்க மேதும் கொள்ளாமல் தொடர்ந்திட வேண்டும் உயரெண்ணமே...!   லிமரைக்கூ..   உயர்வைக் கருதியதாயிருக்கட்டும் எண்ணம், உயர்வது நிறைவேறாதபோதும் நடந்துகொள் எண்ணமதைக் கைவிட்டுவிடாத வண்ணம்...!   கிராமிய பாணியில்...   விட்டிடாதே விட்டிடாதே ஒயர்வான எண்ணமத விட்டிடாதே கைவிட்டிடாதே..   நாட்டயாளுற ராசாவுக்கு எண்ணமெல்லாம் எப்பவுமே ஒயர்வாத்தான் இருக்கவேணும்..   நெனச்சபடி நடக்காமப்போனாலும் நெனப்பு அதத்தான் மாத்தவேண்டாம், எப்பவுமே ஒயர்வாவே இருக்கட்டும்..   அதால விட்டிடாதே விட்டிடாதே ஒயர்வான எண்ணமத விட்டிடாதே கைவிட்டிடாதே...!   ... Full story

குறளின் கதிர்களாய்…(251)

-செண்பக ஜெகதீசன் படியுடையார் பற்றமைந்தக் கண்ணும் மடியுடையார் மாண்பய னெய்த லரிது. -திருக்குறள் -606(மடியின்மை)   புதுக் கவிதையில்... மண்ணாளும் மன்னரின் செல்வம் தானே வந்து கிடைத்தாலும், சோம்பலுடையோர் அதனால் எவ்வித சிறப்புப் பயனும் அடைதல் அரிதாகும்...!   குறும்பாவில்...   அரசர் செல்வம் கிடைத்தாலும், அதனால் மாண்புடை பயனெதுவும் பெறலரிது சோம்பலுடையார்க்கே...!   மரபுக் கவிதையில்...   மண்ணை யாளும் மன்னர்தம் மதிப்பு மிக்க செல்வமதும் எண்ணம் போலக் கிடைத்தாலும் எந்தச் செயலும் செய்யாத கண்ணிய மில்லா மடியுடையோன், கிடைத்த வரிய பொருளாலே கண்ணிய மிக்க பயனெதுவும் கண்டிப் பாகப் பெறலரிதே...!   லிமரைக்கூ..   மன்னர்தம் செல்வத்துடன் உறவே தானேவந்து கிடைத்தாலும் சோம்பேறிக்கதனால் நற்பயனெதுவும் கிடைக்காது அறவே...!   கிராமிய பாணியில்...   சோம்பப்படாத சோம்பப்படாத வாழ்க்கயில சோம்பப்படாத, சொகுசுவந்து கெடச்சாலும் சோம்பேறியா மாறிப்புடாத..   ராசாவூட்டுச் செல்வமும் ஒறவும் தானேவந்து சேந்தாலும், ஒண்ணுஞ் செய்யா சோம்பேறிக்கு அதுனால நல்ல பயனா எதுவும் கெடைக்காதே..   அதுனால சோம்பப்படாத சோம்பப்படாத வாழ்க்கயில சோம்பப்படாத, சொகுசுவந்து கெடச்சாலும் சோம்பேறியா மாறிப்புடாத...! Full story

குறளின் கதிர்களாய்…(250)

-செண்பக ஜெகதீசன்   பொறியின்மை யார்க்கும் பழியன் றறிவறிந் தாள்வினை யின்மைப் பழி. -திருக்குறள் -618(ஆள்வினையுடைமை)   புதுக் கவிதையில்... உடலுறுப்புகளில் ஒன்றிரண்டு குறைந்தாலும், அதனால் யார்க்கும் பழியில்லை.. அறியவேண்டியவற்றை அறிந்து முயற்சி செய்யாமலிருப்பதே பெரும்பழியாகும்...! குறும்பாவில்... பழியன்று உடலுறுப்புகளின் குறை, உற்றதறிந்து உடன்முயற்சி செய்யாமலிருத்தல் பெரும்பழி ஆகிவிடும்...! மரபுக் கவிதையில்... மண்ணில் மனித வாழ்வினிலே முற்றிலும் தேவையாம் மெய்யுறுப்புகள் எண்ணில் ஒருசில குறைந்தாலும் எவர்க்கு மில்லை பழியதுவே, திண்ணமாய் அறிய வேண்டியதைத் தெளிவா யறிந்தே செயலாற்றும் எண்ணமே யின்றி முயலாமல் இருப்போர்க் கதுதான் பெரும்பழியே...! லிமரைக்கூ..  பழியில்லை உடலிலிருப்பினும் குறை, அறியவேண்டியதறிந்து செயல்பட முயலாதவர்க்கு அதுவேயாகிவிடும் பெரும்பழியாம் கறை...! கிராமிய பாணியில்...  மொயற்சிவேணும் மொயற்சிவேணும் வாழ்க்கயில சோம்பலில்லா நல்ல மொயற்சிவேணும்.. ஒடம்புலவுள்ள உறுப்புகளுல ஒண்ணுரெண்டு கொறஞ்சாலும் ஒருத்தருக்கும் பழியில்ல.. அறியவேண்டியத அறிஞ்சி அதுபடியே வேலசெய்ய மொயற்சியேதும் செய்யாதவனுக்கு அதுவே பெரும்பழியாவிடுமே.. அதால, மொயற்சிவேணும் மொயற்சிவேணும் வாழ்க்கயில சோம்பலில்லா நல்ல மொயற்சிவேணும்...! Full story

குறளின் கதிர்களாய்…(249)

-செண்பக ஜெகதீசன் தூங்குக தூங்கிச் செயற்பால தூங்கற்க தூங்காது செய்யும் வினை. -திருக்குறள் -672(வினைசெயல் வகை) புதுக் கவிதையில்... செயல்படும்போது காலம் கடத்திச் செய்யவேண்டியதை, அவசரப்படாமல் காலம் கடத்தி உரிய தருணத்தில் செய்யவேண்டும்.. காலம் கடத்தாமல் உடனடியாகச் செய்யவேண்டியதைச் செய்வதற்குக் காலம் கடத்தித் தூங்கிடாதே...! குறும்பாவில்... வினைசெய்யக் காலதாமதமாய்ச் செய்யவேண்டியதைத் தாமதித்து உரிய காலத்தில் செய்யவேண்டும், தாமதிக்காது செய்யவேண்டியதை உடனே செய்யவேண்டும்...! மரபுக் கவிதையில்... செயல்கள் செய்யும் வேளையிலே செய்யக் காலம் தாழ்த்தியேதான் செயல்பட வேண்டிய வினைகளிலே செய்யத் தாமதம் காட்டிவிடு, பயனது பெற்றிட உடனடியாய்ப் பணியது செய்திட வேண்டியதில் துயிலது கொள்ளும் தடையின்றி தொடங்கிடு வினையை உடனடியே...! லிமரைக்கூ.. செயல்படுவதில் வேண்டும் தூக்கம், செயலதற்குத் தாமதம் வேண்டுமெனில், இல்லையேல் உடனேசெய் பெற்றிடவே ஆக்கம்...! கிராமிய பாணியில்... காலநேரம் பாத்துத்தான் எந்த காரியத்தயும் செய்யணும், கவனமாத்தான் செய்யணும்.. காலங்கடத்திச் செய்யவேண்டியத அவசரப்படாம காலங்கடத்திதான் செய்யணும்.. காலங்கடத்தாம ஒடனே செய்யவேண்டியதுல காலங்கடத்திடாத, ஒடனே செய்யி... தெரிஞ்சிக்கோ, காலநேரம் பாத்துத்தான் எந்த காரியத்தயும் செய்யணும், கவனமாத்தான் செய்யணும்...!   Full story

குறளின் கதிர்களாய்…(248)

-செண்பக ஜெகதீசன் கூறாமை நோக்கிக் குறிப்பறிவா னெஞ்ஞான்றும் மாறாநீர் வையக் கணி. -திருக்குறள் -701(குறிப்பறிதல்) புதுக் கவிதையில்... மன்னன் மனத்திலுள்ளதை அவன் கூறாமலே முகம் அல்லது கண்ணை நோக்கியே கருத்தறிந்துகொள்ளும் அமைச்சன், என்றும் வற்றா நீர்நிறை கடல்சூழ் உலகினுக்கோர் அணிகலன் ஆவான்...! குறும்பாவில்... கூறாமலே பிறர் உளக்குறிப்பறியும் ஆற்றல்மிகு அமைச்சன் ஆவான், ஆழிசூழ் உலகிற்கு அணியாய்...! மரபுக் கவிதையில்... மன்னன் மனதில் உள்ளதையே மனமது திறந்து சொல்லாமலே, அன்னான் முகத்தைக் கண்பார்த்தே அறிந்து கொள்ளும் ஆற்றலதைத் தன்னால் கொண்டே செயலாற்றும் தன்மை மிக்க அமைச்சனவன், என்றும் வற்றா கடல்சூழ்ந்த எழிலாம் உலகினுக் கணியாமே...! லிமரைக்கூ.. கருத்தறிவான் அரசனவன் கண்ணில், சொல்லாமலறிந்து செயல்படும் அமைச்சன் அணிகலனாவான் கடல்சூழ் மண்ணில்...! கிராமிய பாணியில்... செயல்படு செயல்படு கொறயில்லாம செயல்படு, குறிப்பறிஞ்சி செயல்படு.. வாயத்தொறந்து ராசா சொல்லாமலே அவரோட மொகத்தப் பாத்து கண்ணப்பாத்து குறிப்பறிஞ்சி வேலசெய்யிற மந்திரி கெடச்சா அவுரு கடலுசூழ்ந்த ஒலகத்துக்கே ஒரு ஒசந்த ஆபரணந்தான்.. அதால செயல்படு செயல்படு கொறயில்லாம செயல்படு, குறிப்பறிஞ்சி செயல்படு...!     Full story

குறளின் கதிர்களாய்…(247)

-செண்பக ஜெகதீசன் பல்லவை கற்றும் பயமிலரே நல்லவையுள் நன்கு செலச்சொல்லா தார். -திருக்குறள் -728(அவை அஞ்சாமை) புதுக் கவிதையில்... நல்லோர் அவையில் பல்லோர்க்கும் புரியும்படி நல்ல நூலின் பொருளை, அச்சத்தால் எடுத்துரைக்க இயலாதவர் எத்தனை நூல் கற்றிருந்தாலும், அவரால் எந்தப் பயனுமில்லை இந்த உலகத்துக்கே...! குறும்பாவில்... அச்சத்தால் நல்ல அவையினர்முன் அவரறிய நூற்பொருள் எடுத்துரைக்கத் தெரியாதவன் பலநூல் கற்றிருந்தும் பயனிலை அவனிக்கே...! மரபுக் கவிதையில்... நல்லோர் நிறைந்த அவைதனிலே நல்ல நூலதன் பொருளதுதான் எல்லோ ருக்கும் புரிந்திடவே எடுத்து ரைக்க அஞ்சிநிற்கும் வல்லமை யில்லா ஒருவர்தான், வகைகள் பலவாய் நூற்களையே கல்வி யென்றே கற்றிருந்தும் காசினிக் கவரால் பயனிலையே...! லிமரைக்கூ.. அதுவேயவன் திறமையின் எல்லை, அவையஞ்சி நூற்பொருளுரைக்கத் திறனில்லை, பலநூல் கற்றுமவனால் பயனே இல்லை...! கிராமிய பாணியில்... பயப்படாத பயப்படாத பேசுறதுக்குப் பயப்படாத, படிச்சத எடுத்துச்சொல்லி சபயில பேசுறதுக்குப் பயப்படாத.. நல்லவுங்க சபயில எல்லாருக்கும் புரியிறாப்புல படிச்ச பொத்தகத்தில ... Full story

குறளின் கதிர்களாய்…(246)

- செண்பக ஜெகதீசன் அழிவி னவைநீக்கி யாறுய்த் தழிவின்க ணல்ல லுழப்பதாம் நட்பு.        -திருக்குறள் -787(நட்பு)   புதுக் கவிதையில்... அழிவுதரும் தீவழிச் செல்கையில் தடுத்து நிறுத்தி, ஆக்கந்தரும் நல்வழி செல்லாதபோது செல்லவைத்து, அழிவு வரும்போது கைவிட்டு அகன்றிடாமல், உடனிருந்து துன்பம் அனுபவிப்பதே தூய நட்பு...!   குறும்பாவில்... தீயவழி செல்லாமல் தடுத்து நிறுத்தி, நல்வழியில் நடக்கவைத்து, அழிவுவந்தால் உடனிருந்து துன்புறுதலே நட்பு...!   மரபுக் கவிதையில்... அழிவைத் தந்திடும் தீவழியில் ஆசையில் செல்கையில் தடுத்தேதான் வழியது நல்லதாய்க் காட்டியதன் வழியே நம்மைச் செல்லவைத்து, அழிவது வாழ்வில் வரும்பொழுதில் அகன்றே நம்மைக் கைவிட்டிடும் பழியதைப் பெறாமல் இடரிலும்நம் பக்க மிருப்பதே நட்பாமே...!   லிமரைக்கூ.. தீயவழியில் நாம்செல்வதைத் தடுத்து நல்வழியில் நமைச்செலுத்தி, நல்லநண்பர், நம்துன்பத்திலும் துணையிருப்பார் அடுத்து...!   கிராமிய பாணியில்... நட்பிதுதான் நட்பிதுதான் நல்ல நட்பிதுதான், துன்பத்திலயும் தொணயிருக்கும் நல்ல நட்பிதுதான்..   கெட்டவழியில நாமபோனா கேடுவராமத் தடுத்துநெறுத்தி நல்லவழியில நம்ம நடக்கவச்சி, கேடுவாற காலத்தில ஓடாம கூடயிருந்தே துன்பப்படுறதுதான் கொறயில்லாத நட்பாவும்..   அதால நட்பிதுதான் நட்பிதுதான் நல்ல நட்பிதுதான், துன்பத்திலயும் தொணயிருக்கும் நல்ல நட்பிதுதான்...!       Full story

குறளின் கதிர்களாய்…(245)

 - செண்பக ஜெகதீசன் உள்ளற்க வுள்ளஞ் சிறுகுவ கொள்ளற்க அல்லற்க ணாற்றறுப்பார் நட்பு (குறள் - 798) (நட்பாராய்தல்)   புதுக் கவிதையில்...   ஊக்கம் குறையவைக்கும் செயல் பற்றி உள்ளுதலே வேண்டாம்.. அதுபோல துன்பம் வரும்போது துணை வராமல் கைவிட்டு, தூர விலகிடுவார் நட்பையும் ஏற்றிடவே வேண்டாம்...!   குறும்பாவில்...   ஊக்கம் குறைக்கும் செயலையென்றும் நினைக்காதே, உறுதுணையாயின்றி துன்பம் வரும்போது விட்டுச்செல்லும் நட்பினை ஏற்காமல் தவிர்த்திடுக...!   மரபுக் கவிதையில்...   ஊக்கம் குறைய வகைசெய்யும் உதவாச் செயலது வாழ்வினிலே ஆக்கம் எதையும் தருவதில்லை அதனால் வேண்டாம் அதன்நினைவே, தாக்கும் துன்பம் வரும்போது துணையாய் நின்றே உதவாமல் போக்குக் காட்டியே ஓடிவிடும் புல்லர் நட்பினை ஏற்காதே...!   லிமரைக்கூ..   வேண்டாம் ஊக்கந்தரா செயலின் எண்ணம், ஏற்றிடாதே துன்பத்தில்நமைக் கைவிட்டோர் நட்பை, இனியுமவர் நமைத்தொடரா வண்ணம்...!   கிராமிய பாணியில்...   நட்புகொள்ளு நட்புகொள்ளு நல்லவனாப் பாத்து நட்புகொள்ளு, நல்லா ஆராஞ்சி நட்புகொள்ளு..   நெனைக்கவேண்டாம் நெனைக்கவேண்டாம் நமக்கு ஊக்கந்தராத செயலெதயும் நெனைக்கவேண்டாம் ... Full story

குறளின் கதிர்களாய்…(244)

-செண்பக ஜெகதீசன் எனைத்துங் குறுகுத லோம்பல் மனைக்கெழீஇ மன்றிற் பழிப்பார் தொடர்பு. -திருக்குறள் -820(தீ நட்பு)   புதுக் கவிதையில்...   தனியே வீட்டிலிருக்கையில் தணியாத நட்புடன் இருப்பதாய்க் காட்டி, பலரோடு அவையிலிருக்கையில் பழித்துப் பேசுவோர் நட்பு, கொஞ்சமும் நம்மை அணுகவிடவே கூடாது...!   குறும்பாவில்...   வீட்டிலே நட்புடையோர்போல நடித்து மன்றத்திலே பழித்துப்பேசுவோர் தொடர்பு, மிகச்சிறிதாயினும் தவிர்த்திடுக...!   மரபுக் கவிதையில்...   வீட்டில் தனியே இருக்கையிலே வேண்டிய நண்பராய்ப் பழகியபின், கூட்டமாய் அவைதனில் உளநேரம் குறைகள் பலவும் கூறியேதான் காட்டமாய்ப் பழித்துப் பேசுவோர்தம் கூட்டு யென்றும் வேண்டாமே, காட்டும் நட்பு சிறிதெனிலும் கொள்ளா ததனைத் தவிர்ப்பீரே...!   லிமரைக்கூ…   நட்பாவார் வீட்டில் தனியே, மன்றினில் பழிப்பார், அவர்தம் நட்பு சிறிதெனிலும் வேண்டாம் இனியே...!   கிராமிய பாணியில்...   வேண்டாம் வேண்டாம் கெட்டவுங்க நட்பு, வேதனதரும் கெட்டநட்பு வேண்டவே வேண்டாம்..   தனியா வீட்டில இருக்கயில தொணயா நல்ல நண்பனா நடிச்சவந்தான், சபயில கூட்டமா இருக்கயில பழிச்சி நம்மப் பேசுனாண்ணா, இனிமேலும் அவன்தொடர்பு கொஞ்சங்கூட வேண்டாமே..   அதால வேண்டாம் ... Full story

குறளின் கதிர்களாய்…(243)

-செண்பக ஜெகதீசன்   பகையென்னும் பண்பி லதனை யொருவ னகையேயும் வேண்டற்பாற் றன்று. -திருக்குறள் -871(பகைத்திறம் தெரிதல்)   புதுக் கவிதையில்... சிரித்து மகிழ்ந்து விளையாட்டாகக் கூட விரும்பிடவேண்டாம் வாழ்வில், பகையாகிய பண்பற்ற ஒன்றை...! குறும்பாவில்... பகையென்கிற பண்பற்ற ஒன்றை, சிரித்து மகிழ்ந்திடும் விளையாட்டாய்க்கூட விரும்பிட வேண்டாம்...! மரபுக் கவிதையில்... அகில வாழ்வில் ஆபத்தாம் அடுத்தவ ருடனே பகையென்னும் வகைக்கே உதவா ஒன்றாலே வருவ தில்லை நற்பயனே, அகத்தில் தோன்றி வாழ்வழிக்கும் ஆற்றல் மிகுந்த பண்பிலாத பகையினை மகிழும் விளையாட்டெனப் பார்த்தும் விரும்பிட வேண்டாமே...! லிமரைக்கூ.. பகையென்பது பண்பற்ற ஒன்று, அழிக்குமதனை மகிழும் விளையாட்டாய்க்கூட விரும்பாமல் தவிர்ப்பதே நன்று...! கிராமிய பாணியில்... வேண்டாம் வேண்டாம் பகவேண்டாம் வெறுத்தே ஒதுக்கும் பகவேண்டாம், வாழ்க்கயில யாரோடும் பகவேண்டாம்.. பண்பேயில்லாத பகயதால கேடுதான்வரும் வாழ்க்கயில, அதுனால சந்தோசமான வெளயாட்டாக்கூட விரும்பிடாத பகயதயே.. எப்பவும் வேண்டாம் வேண்டாம் பகவேண்டாம் வெறுத்தே ஒதுக்கும் பகவேண்டாம், வாழ்க்கயில யாரோடும் பகவேண்டாம்...!   Full story

குறளின் கதிர்களாய்…(242)

-செண்பக ஜெகதீசன்   உட்கப் படாஅ ரொளியிழப்ப ரெஞ்ஞான்றுங் கட்காதல் கொண்டொழுகு வார். -திருக்குறள் -921(கள்ளுண்ணாமை)   புதுக் கவிதையில்..   கள்மீது பற்றுற்றே என்றும் குடிக்கு அடிமையான காவலன்முன் பகைவன்கூடப் பயப்படமாட்டான், பெற்ற புகழும் நிலைப்பதில்லை...!   குறும்பாவில்...   கள்ளிற்கு அடிமையாகி அதன்மேல் அன்புற்றொழுகுவோக்கு எதிரியும் அஞ்சான், நில்லாதே எல்லாப் புகழும்...!   மரபுக் கவிதையில்...   குடிக்கும் கள்ளுக் கடிமையாகி கூற்றா மதன்மீ தன்புகொண்டு தொடர்ந்தே யொழுகும் மன்னவரும் தீதாம் குடியின் சேர்க்கையாலே தொடரும் பகைவரும் அஞ்சிடாத தன்மை தன்னைப் பெறுவதுடன், கிடைத்த புகழையும் தானிழந்து கீழ்நிலை யதனை அடைவாரே...!   லிமரைக்கூ.. கள்ளிற்கு அடிமையரசனை இகழும் நாட்டில் எதிரியும் அவனுக்கு அஞ்சுவதில்லை, போய்விடுமே சேர்த்துவைத்த புகழும்...!   கிராமிய பாணியில்...   குடிக்காதே குடிக்காதே கள்ளு குடிக்காதே, குடியக் கெடுக்கிற கள்ளக் குடிக்காதே..   கள்ளுகுடிக்கு அடிமயாகி கண்டபடி வாழுறவன் ராசாண்ணாலும் எதிரிகூட மதிக்கமாட்டான், அவனுக்கு எள்ளளவும் பயப்படமாட்டான்..   சேத்துவச்ச செல்வாக்கு பெருமயெல்லாம் சேந்தாலப் போயிடுமே..   அதால குடிக்காதே குடிக்காதே கள்ளு குடிக்காதே, குடியக் கெடுக்கிற கள்ளக் குடிக்காதே...!     Full story
Copyright © 2015 Vallamai Media Services . All rights reserved.
வல்லமை மின்னிதழில் வெளியாகும் ஆக்கங்கள், ஆக்கியவரின் தனிப்பட்ட கருத்துகளே; வல்லமையின் கருத்துகளாகக் கொள்ள வேண்டாம்.