குடிமகன்

மதியழகன்

கைகள்

துழாவிக் கொண்டே

இருந்தன..

தவறவிட்ட சாவியை,

மறதியாய் எங்கோ வைத்த

கண் கண்ணாடியை,

ஒளிந்து கொண்டு

சிணுங்கிக் கொண்டிருக்கும்

கைபேசியை.

எதற்காகவோ தேடப் போய்

ஏதோ அகப்படுவது உண்டு..

மாயமான கோப்புகளை

கணினியில் தேடி எடுப்பது

போலல்ல இது.

பேருந்தில் டிக்கெட் எடுக்க

சில்லறையைத் துழாவும் போது

வேறு என்னென்னவோ அகப்படும்

வங்கிக் கணக்கில்

பணமிருந்தாலும்

தூக்கம் வருவதற்கு

தூக்க மாத்திரையை தேடி

ஓடத்தான் வேண்டியிருக்கிறது

மங்கையால் ஏற்பட்ட

கவலையை மறக்க

மதுவை அருந்தி விட்டு

அவன் வீதியில் கிடக்க

மது அவனுக்கு

போதையை அளிக்கிறது

ஆனால் ஆயுளைக்

குறைக்கிறது.

நிர்வாக ஆசிரியர், வல்லமை மின்னிதழ்

One Comment on “குடிமகன்”