வார ராசி பலன்!…23-09-13 – 29-09-13
காயத்ரி பாலசுப்ரமணியன்
மேஷம்: சில நேரங்களில் கண் மற்றும் பல் சம்பந்தமான உபாதைகள் உங்கள் இயல்பு வாழ்வைப் பாதிக்கக் கூடும். எனவே சிறு தொந்தரவுகளை உடன் கவனித்து விடுங்கள். கலைஞர்கள் விழா, விருந்து போன்றவற்றில், உங்கள் எல்லையை அறிந்து, நடந்து கொள்வது அவசியம். வியாபாரிகள் எழுத்துப்பூர்வமாகவே ஒப்பந்தங்களை முடிப்பது நல்லது. பொருள் விநியோகத்தில் ஈடுபட்டிருப்பவர்கள் வேலையாட்களை நம்பி முழுப் பொறுப்பை அளிக்காமல், உங்கள் கவனமும் அதில் இருக்குமாறு பார்த்துக் கொள்ளுங்கள். பணியில் இருப்போர் வரும் இடமாற்றத்தை விரும்பி ஏற்றுக் கொள்வதால், வாழ்க்கையில் உயரும் வாய்ப்பு உங்களை நாடி வரும்.
ரிஷபம்: பணத்தை வங்கியில் செலுத்தும் போது தகுந்த முன்னெச்சரிக்கையாய் இருப்பது அவசியம்.அக்கம் பக்கத்தாரிடம் அளவாகப் பழகி வாருங்கள். நேரடி கவனம் செலுத்தும் எதுவும் வியாபாரிகளுக்கு லாபகரமாக அமையும். உறவுகளிடம் அன்பாகப் பேசி வாருங்கள். வம்பான ஆட்களும் வாய் மூடிக் கொள்வார்கள். கலைஞர்கள் நிதானமான வளர்ச்சிதான் நிலைக்கும் என்பதை நினைவில் வைத்து செயல்படுவது நல்லது. மறதியால் பொருட்களை இழக்க வேண்டி வரலாம். கூட்டுத் தொழிலில், இருப்போர்கள் சந்தேகம், மற்றும் வாக்குவாதம் தோன்றாதவாறு விழிப்பாய் செயலாற்றுவது நல்லது. சிறிய மனத்தாங்கலால் நட்பில் உரசல் தோன்றி மறையலாம்.
மிதுனம்: பெண்கள் வீண் செலவுகளைக் கட்டுப்படுத்தி கவனமாய் இருந்தால், வேண் டிய பணப் புழக்கம் கையில் இருக்கும். வேலை கிடைக்க வில்லையே என ஏங்கிக் கொண்டிரு ந்தவர்கள் மனதுக்கு பிடித்த வேலையில் அமர்வார்கள். கலைஞர்களுக்கு பெரிய மனிதர்களின் நட்பும் அதன் மூலம் ஆதாயமும் கிட்டும். வியாபாரிகள் வீண் தம்பட்டத்தைத் தவிருங்கள். புதிய முயற்சிகளால் புகழ் தானே கிட்டும். முக்கிய பொறுப்பில் இருப்போர்கள் , உங்கள் கடமையை தள்ளிப் போடாது அவ்வப்போது முடித்து வந்தால், நற்பெயருக்கு களங்கம் ஏதும் இராது. மாணவர்கள் எந்த சூழலிலும் பொய்யான வாக்குறுதிகளைத் தந்து சிக்கலை வரவேற்காதீர்கள் .
கடகம்: பெண்கள் தேவையில்லாமல் குடும்ப ரகசியங்களைபிறரிடம் பகிர்ந்து கொள்ளாதீர்கள். உறவினர்கள் மற்றும் நண்பர்கள் வருகையால் செலவுகள் அதிகரிக்கும். வீடு, மனை, வாகனம் வாங்கும் முயற்சிகளில் நிதானம் தேவை. குடும்பத்தில் அமைதி நிலவ ஒருவருக்கொருவர் அனுசரணையாக இருப்பது அவசியம். வியாபாரிகள் அதிகமாய் வெளியூர் பயணங்கள் செல்லும் வாய்ப்பிருப்பதால், ஆரோக்கிய பராமரிப்பில் விசேஷ கவனம் செலுத்துவது நல்லது. மாணவர்கள் அவசியமான நேரங்களில் மட்டும் வாகன பயணத்தை மேற்கொள்ளுங்கள். மேலும் நட்பு வட்டத்தில் தீய சகவாசத்தை தவிர்த்தல்,புத்திசாலித்தனம். கொடுக்கல் வாங்கலில் அவசரப் போக்கிற்கு இடம் தராமல் இருந்தால், புதிய சிக்கல்கள் உருவாகாது.
சிம்மம்: வருத்தப் பட வைத்தவர்கள், வரிந்து கட்டிக் கொண்டு உதவி செய்வார்கள். உங்கள் திறமையை பிறர் அறிய, புதிய முயற்சிகள் கை கொடுக்கும். சொந்த பந்தங்களின் வரவு மகிழ்ச்சியான தருணங்களை உருவாக்கும். அலுவலக வட்டத்தில் பேச்சில் கடுமை கூடாதவாறு பார்த்துக் கொள்ளுங்கள்..தள்ளிப் போட்டு வந்த காரியங்கள் உடன் முடியும். பெண்கள் குடும்பத்தினரின் தேவைகளைப் பூர்த்தி செய்வததற்கு முதலிடம் கொடுப்பது நல்லது. வியாபார்கள் புதிய பணியாளர்களை அமர்த்துவதில் விழிப்புடன் இருங்கள் .மறைமுகமான நஷ்டங்களைக் குறைக்க தகுந்த நடவடிக்கை எடுப்பது அவசியமாகும். கலைஞர்கள் புதிய ஒப்பந்தங்களை பெற தீவிரமாக உழைப்பீர்கள்.
கன்னி: பெற்றோர்கள் பிள்ளைகளின் தேவைக்காக அதிக செலவுகள் செய்ய நேரிடும். பொது வாழ்வில் இருப்பவர்கள் உயர் மட்ட கூட்டங்களில், தேவையற்ற வாக்குவாதத் தில் ஈடுபடுவதைத் தவிர்த்து விடவும். வியாபாரிகள் புதுப்பித்துக் கொள்ள வேண்டிய உரிமங்களை, தாமதமின்றி புதிப்பித்தல் அவசியம். உறவினர் ஒருவரால், தொழிலில் புதிய திருப்பம் ஏற்படும். பழைய நட்பை புதிப்பித்து கொள்ள இது ஏற்ற வாரம். குடும்பத்தில் நிலவி வந்த மனக் கசப்பு விலகி, நிலைமை பழையபடி சுமூகமாகும். அதிகம் உழைத்தாலும், சுய தொழில் புரிபவர்கள் எதிர்பார்த்த லாபம் வருவதற்கு சற்று சிரமப்பட வேண்டியிருக்கும்.
துலாம்: உங்கள் உழைப்பால் உயரதிகாரிகளின் நம்பிக்கையை பெற்று விடுவீர்கள். பெண்கள் பண விஷயங்களில் புதியவர்களை நம்ப வேண்டாம் . வியாபாரிகள் வெளியூர் பயணங்கள் செல்ல நேர்ந்தாலும் ஒப்பந்தங்கள் கைக்கு வர சற்றே காத்திருக்கும் சூழலுக்குத் தள்ளப்படலாம். மாணவர்கள் வேண்டாத பிரச்னைகளிலிருந்து விலகி இருப்பது அவசியம். கடன் அட்டை மூலம் பொருட்கள் பெறுவதில் கவனமாய் இருக்கவும். பங்குதாரர்கள் நடுவே காரசாரமான விவாதங்கள் வந்து போகும் வாய்ப் பிருப்பதால், எதனையும் ஆலோசனைக்குப்பின் செய்வது நல்லது. உடனிருக்கும் உறவுகளாலும் ஊழியராலும் மனச் சங்கடம் நேரிடலாம்.
விருச்சிகம்: பெண்கள் தங்கள் சேமிப்பை கரைத்து, வீட்டுப் பொருள்களை வாங்குவர். பிள்ளைகளின் பழக்க வழக்கத்தில் உங்கள் கவனம் இருந்தால், அவர்களின் பாதை நேராகவே இருக்கும். குடும்பச் சொத்துக்காக, கருத்து மோதல்கள் உருவாகும். அகால போஜனம், தூக்கக் குறைவு ஆகியவற்றால் பணி புரிபவ ர்களுக்கு சிறு உபாதைகள் ஏற்படலாம். வியாபாரிகள் பணியாளர்களின் தேவைகளை உடனுக்குடன் கவனித்து விட்டால், அவர்க அவர்களின் ஒத்துழைப்பு உங்களோடு தங்கும். நண்பர்கள் வகையில் எதிர்பார்த்த அனுகூலம் குறைவாகவே இருக்கும். கலைஞர்கள் ஆடம்பரச் செலவுகளுக்காக கடன் வாங்க நேரிடும்.
தனுசு: பெண்கள் பல சந்தோஷ நிகழ்வுகளில் பங்கு கொள்வதால் குடும்பச் செலவுகள் வரவுக்கு மேல் செல்லும். எந்த சூழலிலும் இங்கிதமாகப் பேசுங்கள் . சச்சரவுகள் தானே சுமூகமாகிவிடும்.வியாபாரிகள் கொடுத்த வாக்கை ,குறித்த காலத்தில் நிறைவேற்றி விடுவீர்கள். பங்குச் சந்தையில் ஒருவித நிச்சியமற்ற நிலைமை நிலவுவதால், பண முதலீட்டில் அதிக அவசரம் வேண்டாம். மாணவர்கள் வேண்டாத எண்ணங்களை வளரவிடாமல், நல்ல பொழுது போக்குகளில் உங்கள் கவனத்தை திசைத் திருப்புங்கள். மனம் தெளிவடையும். விளையாட்டுத் துறையைச் சார்ந்தவர்கள் புதிய சாதனை படைப் பார்கள்.
மகரம்: கணினித் துறையில் உள்ளவர்கள் தங்களின் ஆற்றலின் உதவியால் தங்கள் நிலையை உயர்த்திக் கொள்வார்கள் . கூட்டுத்தொழிலில் முன்பு இருந்த முன்பு இருந்த இறுக்கம் விலகுவதால், துணிவுடன் செயல்படுவீர்கள். பணியில் உள்ளவர்கள் எதிர்பார்த்த இடமாற்றம் வரும். வியாபாரிகள் சிறிது அலைக்கழிப்பிற்குப் பின் வரவேண்டிய பணத்தை பெறுவார்கள். கலைஞர்கள் மேற்கொள்ளும் வெளி நாட்டு பயணங்கள் லாபகரமாய் அமையும். உடல் நலனில் அக்கறை காட்டினால், மருத்துவச் செலவுகள் கணிசமாகக் குறையும். கருத்து வேறுபாடுகளை மனம் விட்டு பேசி தீர்த்துக் கொள்ளுங்கள். நட்பு எப்போதும் இனிக்கும்.
கும்பம்: முக்கியமான முடிவெடுக்குமுன் மற்றவர்களின் கருத்துக்கும் மதிப்பு கொடுங்கள். நீங்கள் பெறும் நன்மைகள் இரட்டிப்பாகும். பிறர் செய்யும் தவறுகளை இதமாகச் சுட்டிக் காட்டினால், குடும்ப உறவுகளின் இனிமை மாறாமலிருக்கும். வியாபாரிகள் கவனமாய் இருந்தால், கணக்கு வழக்குகளில் குளறுபடிகள் எழாதவாறு பார்த்துக் கொள்ளலாம். பெண்கள் நிதி நிலைக்கேற்றவாறு செலவுகள் செய்தால், கடன் பட வேண்டியிராது. சக கலைஞர்களின் ஆலோசனைப்படி நிகழ்ச்சிகளில் புதிய மாற்றங்களை புகுத்தினால் நல்ல வரவேற்பிருக்கும்.மாணவர்கள் சோம்பேறித்னத்துக்கு இடம் தராமல், கருத்தூன்றி படிப்பது நல்லது.
மீனம்: மாணவர்கள் திறமை என்னும் மூலதனத்தை சேமிப்பாய் வைப்பதோடு, வேகம் என்பது பேச்சில் இல்லாமல் செயலில் மட்டும் இருக்குமாறு பார்த்துக் கொள்ளுங்கள். எதிர்பர்க்கும் உயர்வும் உங்கள் வாழ்வில் கை கோர்த்துக் கொள்ளும். பெண்கள் வதந்திகளை நம்பி அவசர முடிவெடுக்க வேண்டாம். வழக்குகளில் மட்டுமல்லாது வருங்கால நலன் கருதி எடுக்கும் முயற்சிகளிலும் வெற்றி கிட்ட, யோசித்து செயல்படுங்கள். சொந்த பந்தங்களிடையே பகையை வளர்க்காமல் பார்த்துக் கொண்டால், உறவுகளின் அனுசரணை அனைத்திலும் கிடைக்கும். வேலையில் சிலருக்கு பொறுப்புக்கள் கூடும். வியாபாரிகள் புதிய முயற்சிகளில் ஆர்வத்துடன் ஈடுபடலாம்
