Featuredஇலக்கியம்கவிதைகள்

கவியரசர் கண்ணதாசன்

விவேக பாரதி 

 

கவியரசர் கண்ணதாசனுக்குப் பிறந்தநாள் வாழ்த்து….இன்று காலை பொதிகைத் தொலைக்காட்சியில் நான் கேட்ட ஒரு கிராமியப் பாடலின் மெட்டில்….

unnamed

வானம்விட்டு வந்தானோ ? மண்ணுக்குள்ள நின்னானோ ?
வார்த்தையால கட்டிப்போட்டு அவுக்காம போனானோ ?
ஞானஞ்சொல்லித் தந்தானோ யாருகிட்ட கேட்டானோ ?
ஞாலமெலாம் வாய்பொளக்க நாளும்பாடி வெச்சானோ ?

ஊனமுற்ற பேர்கள உசுப்பிவிடும் பாட்டுல,
ஊருக்குள்ள கேக்குற உற்சாகக் கூத்துல,
தானும்வந்து நிக்குறானடி – என் கண்ணம்மா
தமிழால சொக்குறோமடீ !

பாட்டுபாடி வந்தானே பாடமெலாஞ் சொன்னானே
பக்குவமா பக்தியோடு பலசேதி தந்தானே !
ஆட்டம்போட வெச்சானே அமையாக வெச்சானே !
ஆடி அடங்கிப்போகும் அர்த்தமெலாஞ் சொன்னானே !

கூட்டஞ்சேக்க பாக்கல ! கொள்கயெதும் பேசல !
கூட்டாளி யாகல ! குடுக்காம போகல !
நாட்டுக்குள்ள நிக்குறானடி – என் கண்ணம்மா
நாமபாத்து சொக்குறோமடீ !

கண்ணனுக்கு தாசனா ! கவிதைக்கெல்லாம் ராசனா !
கதசொல்லும் பாட்டுகளக் காலமெலாம் வீசுனான் !
வண்ணத்தமிழக் கொஞ்சுனான் ! வரிவரியாக் கொஞ்சுனான் !
வாழ்க்கையோட தத்துவத்த வாழ்ந்துகிட்டே பாடுனான் !

கிண்ணத்தையும் மறக்கல ! கீதையையும் மறக்கல !
கீழிருந்து வந்தவன் மறுபடியும் விழுகல !
எண்ணத்துல நிக்குறானடி – என் கண்ணம்மா
எழுத்தால சொக்குறோமடீ !

https://soundcloud.com/vivekbharathi/nlb3dghekzqg

Print Friendly, PDF & Email
Download PDF
Share

Comments (2)

  1. Avatar

    நெஞ்சைத் தொடுகின்ற
    மனம் நிறைந்து நிற்கின்ற
    கண்ணதாசனின் புகழ்பாடும்
    அருமைக் கவிதை…

    இளங்கவி விவேக் பாரதிக்கு வாழ்த்துக்கள்….

  2. விவேகபாரதி

    மிக்க நன்றி பெருவை பார்த்தசாரதி அவர்களே….

உங்கள் கருத்துகளைத் தெரிவிக்க