குடியரசு கொண்டாடும் பாரத மாதாவுக்கு வாழ்த்துக்கள்

பறக்கின்றது !

தேசிய சுதந்திரக் கொடி

பறக்கின்றது !
சுதந்திரமான தென்றலதன்

சுந்தரமான தாலாட்டில்

தன்னை மறந்தின்று

சோதரரின் மேன்மை பரப்பிடும்

இந்தியத் தேசியக்கொடி

பறக்கின்றது.
அந்நிய ஆதிக்கத்திலிருந்து

அன்னை பாரதமாதா

முற்றாக தன்னை விடுவித்த

பெருமை சாற்றுமிந்த

குடியரசுத் தினத்தில்

கொடி பறக்கின்றது.
முன்னை எம் பாட்டன்

முத்தமிழ்க் கவிஞன்

முப்பெரும் புலவன் பாரதியின்

முழுமுதற் கனவு மெய்ப்படவே

பாரத தேசியக்கொடி

குடியரசான தினத்தை

உலகிற்கியம்பிய வண்ணம்

வண்ணக்கொடி பறக்கின்றது
ஜயன் வ.உ.சி, சுபாஷ் சந்திரபோஸ்

சுப்பிரமணி சிவா, திருப்பூர் குமரன்

வ.வெ.சு ஜயர் என எத்தனையோ

சுதந்திரப் போராட்ட வீரர்களின்

தாயகக் கனவுகளின் ஆதாரமாய்

குடியரசு நாமடைந்தோம் என

கும்மியடித்திங்கு பாரதக் கொடி

நிமிர்ந்தே பறக்கின்றது
உலக அரங்கிலே

தனக்கென ஓர் தனியிடத்தை

தன் மக்கள் உழைப்பின்

திறன் கொண்டு பெற்றிட்ட

பாரத அன்னை இக்குடியரசு தினத்தில்

ஏற்றமுடன் நிமிர்ந்தே நின்று

தேசியக்கொடி மூலம் தன் பெருமை

பறைசாற்றும் வகையிலின்று

கொடி பறக்கின்றது.
குடியரசு தினத்தில் என் இனிய

அன்பு தமிழக, மற்றும் இந்திய

சோதர, சோதரியர்க்கு அன்பான

வாழ்த்துக்கள் கூறி வாழ்த்துகிறேன்
அன்புடன்

சக்தி சக்திதாசன்

பதிவாசிரியரைப் பற்றி