Advertisements
இலக்கியம்நுண்கலைகள்படக்கவிதைப் போட்டிகள்வண்ணப் படங்கள்

படக்கவிதைப் போட்டி – 257

அன்பிற்கினிய நண்பர்களே!

கவனத்தை ஈர்க்கும் காட்சி ஒன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் ஆற்றல் கொண்டவரா நீங்கள்?

ராமலக்ஷ்மி எடுத்த இந்தப் படத்தை, வல்லமை ஃப்ளிக்கர் குழுமத்திலிருந்து தேர்ந்தெடுத்து வழங்கியுள்ளோம். இந்தப் படத்திற்கு ஒரு கவிதை எழுதுங்கள்.

இந்த ஒளிப்படத்திற்கு ஏற்ற கவிதையை, 24 வரிகளுக்குள் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் ஞாயிற்றுக்கிழமை (10.05.2020) வரை, உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர் குழு உறுப்பினரும் தமிழிலக்கிய ஆராய்ச்சியாளருமான மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு, ஏற்கெனவே சிறந்த கவிஞராகத் தேர்ந்தெடுக்கப் பெற்றவர்களுக்கும் உண்டு.

ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.

போட்டியின் நடுவரான திருமதி மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச் சங்கப் பேரவையின் (FeTNA) 2008, 2009, 2014, 2016ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுகளும் பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடை பவளம்

Print Friendly, PDF & Email
Download PDF
Advertisements
Share

Comments (8)

  1. Avatar

    படக் கவிதை போட்டி 257

    நம்பிக்கை

    வேகமான நகரத்தில்
    விரைவாக செல்வோரே
    சோகமே எங்களது
    சொத்தாகும் அறிவீரோ ?

    ஆழக் குழி தோண்டி
    அஸ்திவாரமிட்டு – பிறர்
    வாழக் கட்டிடங்கள்
    வாகாய் கட்டிடுவோம் !

    வானம் கைகுலுக்கும்
    வண்ணக் கட்டிடங்கள்
    எத்தனையோ நாங்கள்
    எடுத்துக் கட்டி விட்டோம் !

    சொந்தக் குடிசை என்று
    சொல்ல எதுவுமில்லை
    வண்ணமிட்ட கைகளுக்கு
    அன்னமிட யாருமில்லை !

    கோவில் சுவர் எங்கள்
    கூடும் இடமாகும் – எம்
    நாவில் உணவு படவே
    நாட்கள் பலவாகும் !

    ஆளுக்கு அரைக்குவளை
    அளவாக நீர் உண்டு
    தாவிக் குடித்தே பசித்
    தாகம் தீர்த்திடுவோம்

    நீராகாரம் முன்பு நாங்கள்
    நிதமும் பருகிடுவோம்
    நீரே ஆகாரமாகும்
    நிலை வந்து விடுமோ ?

    எங்களுக்குள் பயம்
    எட்டிப்பார்க்கும் நிதம்
    கண்களில் நீர் தாரை
    கொட்டித்தீர்க்கும் !

    தாளாப் பசியினிலும்
    தளராது எங்கள் மனம்
    உள்ளுணர்வு வந்து
    உரைத்தது மெதுவாக

    வந்துவிட்ட ஊரடங்கு
    விரைவாகத் தகருமென !
    எங்கள் வாழ்க்கை
    இயல்பாக நகருமென !

    நாங்கள் மூவருமே
    நன்று உணர்ந்திட்டோம்
    நம்பாமை இனி தாழ்வு
    நம்பிக்கையே வாழ்வு !

    ஸ்ரீதரன் வெங்கடகிருஷ்ணன்

  2. Avatar

    ஓட்டுக்காக பணத்தை கை நீட்டி வாங்கியபோது தெரியலை சாமி

    நாட்டுக்காக உழைக்கிறவர்களுக்கு ஓட்டுப் போடாமல் வீட்டுக்காக அரசியல் பிழைப்பு நடத்துபவர்களுக்கு சிந்திக்காமல் வாக்களித்து இப்போது சிந்திப்பதால் ஏன்ன பலன்

    சிந்திக்கிற நேரத்தில் சிந்திக்க மறந்ததால் சந்ததிகள் விலாசத்தை தொலைத்து விடுமோ என்ற அச்சமோ

    எளிமை வலிமை என்பது எளியவர்களான நமக்கு புரிய வைக்க எளிமையான தலைமை கிடைக்கவே கிடைக்காது என்ற விரக்தியின் பார்வையோ

    மும்மூர்த்திகள் நாட்டை ஆள்கிறது அதாவது ஊழல் லஞ்சம் கொள்ளை அதன் பாதிப்பால் உண்மை நீதி நேர்மை சந்தியில் நிற்கிறது பரிதாபமாக என்பதன் பிரதிபலிப்போ

  3. Avatar

    இத எங்கள் மதிய உணவு வேளை
    பத்து நிமிடங்கள் அமர்வோம்
    அரை பசி உணவு உண்ட பின்

    வஞ்சமில்லை நெஞ்சில்
    பஞ்சமில்லை எண்ணத்தில்
    கெஞ்சவில்லை எவரிடத்தும்
    அஞ்சவில்லை உழைப்பதற்கு

    வங்கி மோசடி தெரியாது
    ஓங்கி பேசவும் தெரியாது
    ஏங்கி வாழவும் தெரியாது
    தூங்கி வீணாவதும் தெரியாது

    தஞ்சை கோயிவைக் கட்டியவர்கள் எங்கள் பாட்டன்கள்
    பெயரை கல்வெட்டில் பதிய வைத்து உழைப்புக்கு மதிப்பளிந்தது மன்னராட்சி

    தனிமனித வழிப்பாட்டில்
    குடும்ப அரசியல் சாக்கடையில்
    மக்களாட்சி என்ற பெயரில்
    உழைப்பாளி விலாசமில்லாத தபாலாக இருப்பதைத்தான் ஏற்க முடியல

    உழைக்க சலைத்ததில்வை

    உழைப்பிற்கேற்ற ஊதியமிவ்வை

    உழைப்பைத்தவிர ஏதிலும் நம்பிக்கையில்லை

    உழைப்பவன் ஒருநாளும் தாழந்ததில்லை

    உழைத்து உயிர் விட்டவனில்லை
    உழைத்தவனை உழைப்பு ஒருநாளும் கைவிட்டதில்லை

    உயரச் செல்கிறோம் உழைக்க
    கட்டிடங்கள் விண்ணை முட்ட

    உயர்ந்த இடத்தில் இருக்கிறோம்
    வியர்வை தரும் உழைப்பால்

    மனத்தை தவிர உலகில் உயர்ந்த இடம் எதுவுமில்லை என்பதால்

  4. Avatar

    மூவரும் உழைப்பால் மட்டுமே ஒன்றான வர்கள் அல்லர்
    உறவுமுறையிலும்

    அப்பா மகன் மருமகன்
    ஆலோசனையில் அதுவும்
    அதிதீவிர ஆலோசனையில்

    நாற்பது நாட்கள் குடியை மறந்திருந்தோம் குடிசையில்
    குடியிருந்ததோ பூரண நிம்மதி

    மறக்க முடிந்தது மதுவை
    துறக்க முடிந்தது போதையை
    வியக்க கண்டது புதிய பாதையை

    திறக்கட்டும் மீண்டும் கையாலாகத அரசுகள்

    துறந்தது துறந்ததுதான
    மறந்தது மறந்தது தான்
    மது எதற்கு இனி என்றான பின்பு
    இலவசமாய் தந்தாலும் மது மலமே

    மாமா நீ உழைக்கவே வேண்டாம்
    குடிக்காம இரு பிள்ளைக்கு அப்பனாய்
    பாடம் நடத்தி விட்டாள் பெஞ்சாதி

    குடி குடியை கெடுக்கும்
    வாசகம் அரசுக்கு பொருந்தாதா
    ஆறு வயசு பையன் கேட்கிறான்

    உழைப்பவன் உயர்வாக சிந்திக்க மறக்கடிக்கவே மது
    அரசியல் சதுரங்கத்தில்
    உழைப்பாளி களைத்தான்
    பகடைக்காய்களாக
    உருட்டி விளையாடுகின்றன
    ஆளுங்கட்சியும்
    எதிர்க்கட்சியும்

    இருகட்சிகளுமே கூட்டணி
    அமைப்பர் மது விசயத்தில்

    அமாவாசை அன்று மூடிய மதுக்கடைகளை மீண்டும் ஒளிமயமான பவுர்ணமி அன்று அரசு திறக்கலாம்

    குடும்பத்தை அமாவாசை இருட்டாக்கும் மதுவிற்கு
    தர்ப்பணம் பண்ணியாச்சு

    தனிமனிதன் திருந்திய பின்பு
    எவன் குரல் எதற்கு

    மதுக்கடைகளை மூடிப் பாரு
    முதலில் விபத்துக்கள் குறையும்
    மருத்துவமனைக்கு வேலையில்லை
    குற்றங்கள் குறையும்
    தேசபக்தி வளரும்

    குடி குடியை கெடுக்கும்
    அரசும் சிந்தனை கொண்டால்
    குடி மாநிலத்தை கெடுக்கும்
    குடி நாட்டைக் கெடுக்கும்

    மூவர் நாங்கள் சிந்தித்து விட்டோம்
    சிந்திய வியர்வை துளிகள்
    பெண்டாட்டி பிள்ளைகளுக்கே

    அவர்களை நடுத்தெருவில் நிற்க வைக்கும் மதுவிற்கல்ல.

  5. Avatar

    உதவிடு உழைப்பவர்க்கு…

    உழைப்பவர் ஓய்வில் அமர்ந்திடலாம்
    ஊதியம் உழைப்பு இரண்டுமிலை,
    அழைத்திடும் வயிறு பசியினிலே
    அடங்கா ததுதான் வெறும்நீரில்,
    அழையாக் கொடுநோய் வந்ததாலே
    அல்லல் படுவார் அனைவருமே,
    உழைப்போர் உண்டிட வழிவகுத்தே
    உயிர்க்கொலும் நோயையும் ஓட்டுவோமே…!

    செண்பக ஜெகதீசன்…

  6. Avatar

    படக்கவிதைப் போட்டி 257

    எப்போது திறக்குமென்று காத்திருக்கிறாயோ
    ஏன் இப்படியானோமென நினைக்கிறாயோ
    கொரோனாவை அழிக்குமென இதை குடிக்கிறாயோ
    குடும்பத்தில் நிம்மதியை குலைக்கிறாயோ

    காடுமேடுக் காட்டில் நிற்கிறாயோ
    காசுபணம் நிரம்ப வைத்திருக்கிறாயோ
    குடல் தின்னும் திரவமதில் மயங்குகிறாயோ
    குடும்ப மானம் பறிபோக நினைக்கிறாயோ

    உன் சுற்றங்கள் நினைவில்தான் வரவில்லையோ
    குதூகலமாய் உன் மழலைமுகம் தெரியவில்லையோ
    தாலி கட்டியவள் கண்ணீரை நிறுத்தவில்லையோ

    மௌனமாய் இருப்பதால் நீ
    ஞானியல்ல
    மடைதிறந்த மது உனக்கு நல்லதல்ல
    உடற்பயிற்சி யோகா தினம் உடனே செய்க
    உன்னத நிலை அடைந்திடு வாழ்வை இனிதே வெல்ல!!!!!

    சுதா மாதவன்

    ************

  7. Avatar

    அரசின் வருவாய் பெருக
    மதுக்கடலில் மக்களா?
    எதிர்ப்பு சக்தி தரும் என்கிறார்களே
    அதை எதிர்க்கும் சக்தி நம்மிடம் இல்லையா?
    உன் வாழ்க்கை உன் கையில்
    அமர்ந்திருந்து யோசி
    ஆவாய் நீ சன்யாசி
    புதுமைமிகு எண்ணம் எழும்
    பொலிவு பெறும் இது திண்ணம்

    சுதா மாதவன்

    ***************

  8. Avatar

    போதுமென்ற மனம்

    பாடுபட்டு தானுழைக்கும் பாட்டாளிக்குக்
    காடு வேண்டாம் கழனி வேண்டாம்
    பட்டுச் சட்டை பீதாம்பரம் வேண்டாம்
    மேலுடுத்தி மானங்காக்க ஆடை போதும்

    வீடு கட்டி வாழ வைக்கும் உழப்பாளிக்கு
    கோட்டை வேண்டாம் கொத்தளம் வேண்டாம்
    தங்கம் வெள்ளி பித்தளை வேண்டாம்
    ஓய்வொடுக்க கூரை வீடு அஃதே போதும்

    சோறு போட்டு உயிர் காக்கும் விவசாயிக்கு
    கூழ் கஞ்சி இருந்தால் போதும்
    பாதை போடும் தொழிலாளியை தெருவில்
    நடக்க அனுமதி தந்தால் போதும்

    நாட்டு மக்கள் நலங்காண
    திட்டம் தீட்ட வகையின்றி
    ஓட்டதனை காசுக்குப் பெறும்
    குடியாட்சி ஒன்றே போதும்

    கனவு கொண்டு முயற்சி இன்றி
    மதுக்கடையில் வாழ்வு தொலைத்து
    இலவசத்தில் வாழ்ந்திருந்தால்
    போதுமென்ற மனமே போதும்!

உங்கள் கருத்துகளைத் தெரிவிக்க