பழந்தமிழ்ச் சொற்களைத் தேடி எடுத்து, அன்னைக்குப் பாமாலையாகச் சூட்டியுள்ளார், பிரேமா நாராயணஸ்வாமி. 78 வயதில் இதை இயற்றி, இசையமைத்து, கணீர் என்று அவர் பாடுவதைக் கேளுங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
![கந்தசஷ்டிப் பிரார்த்தனை [3 ம் நாள்]](https://www.vallamai.com/wp-content/uploads/2022/10/1.jpeg)
மகாதேவ ஐயர் ஜெயராமசர்மா
மேனாள் தமிழ்மொழிக் கல்வி இயக்குநர்
மெல்பேண் …. ஆஸ்திரேலியா
வேலேந்தி நிற்கின்ற வேலவனே போற்றி
விண்ணவர்கள் துயர்தீர்த்த வேலவனே போற்றி
மாலயனும் காணவொணா சிவன்மைந்தா போற்றி
மனவழுக்கைப் போக்கிடுவாய் வடிவழாகா போற்றி
தேனான திருநாமம் கொண்டவனே போற்றி
திருக்கையில் வேலேந்தி நிற்பவனே போற்றி
வள்ளை தேவயானையுடன் அமர்ந்தவனே போற்றி
மனமமர்ந்து நிற்கின்ற மால்மருகா போற்றி
ஈராறு கரமுடைய எழிலழகா போற்றி
ஈனமுடை எண்ணமதை எரித்திடுவாய் போற்றி
பாரமுடை பாவமூட்டை அழித்திடுவாய் போற்றி
பரம்பொருளாம் சிவன்மைந்தா முருகையா போற்றி
மகாதேவ ஐயர் ஜெயராமசர்மா
மேனாள் தமிழ்மொழிக் கல்வி இயக்குநர்
மெல்பேண் …. ஆஸ்திரேலியா
வேதநெறி திருமுறைகள் வியந்துவிடும் முருகா
நாதனக்கே ஆசானாய் ஆகிநின்ற முருகா
வாதமிடு குணமகல வழிசமைப்பாய் முருகா
வையகத்தார் மனஞ்சிறக்க வைத்திடுவாய் முருகா
சோலைமலை எல்லாமே கோயில்கொண்டாய் முருகா
சுவையான தமிழ்கேட்ட துள்ளிவந்தாய் முருகா
வாலைவள்ளி காதல்கொண்டு லீலைசெய்தாய் முருகா
வடிவழகா வேலவனே வரமருள்வாய் முருகா
அருணகிரி தமிழ்பாட அருளிநின்றாய் முருகா
அமுதத்தமிழ் அனைவரையும் பருகச்செய்தாய் முருகா
திருமுறைகள் வரிசையிலே அமருகின்ற வகையில்
திருப்புகழை அருளச்செய்தாய் திருக்குமாரா சரணம்
மகாதேவ ஐயர் ஜெயராமசர்மா
மேனாள் தமிழ்மொழிக் கல்வி இயக்குநர்
மெல்பேண் …. ஆஸ்திரேலியா
பேரரக்கர் தனையழித்த பெருமானே போற்றி
பாருலகில் பேரரக்கர் பெருகுகிறார் நாளும்
தீராத தொல்லையினை கொடுக்கின்றார் தினமும்
சிவன்மைந்தா தீர்வுதந்து காத்துவிடு ஐயா
ஊர்சிறக்க உழைக்கின்றார் ஒன்றுங் கிடையாமல்
உளமுடைந்து உணர்விளந்து உழலுகிறார் ஐயா
பாருலகில் கலியெழுந்து ஆடுகிறான் கந்தா
பகையழித்த வேலவனே பொழிந்திடுவாய் கருணை
ஆலமதை உண்டானின் அழகு திருக்குமரா
நீலமயில் நீயமர்ந்து எமக்கருள வேண்டும்
சீலமுடை வாழ்வுதனை தந்திடுவாய் முருகா
திருவடியே சரணமையா சிவானாரின் மைந்தா
தீபாவளித் திருநாளை லட்சுமி பூஜை என்றும் அழைப்பார்கள். இந்நன்னாளில் திருமகளை வணங்கி வழிபடுவதன் மூலம் அஷ்ட ஐஸ்வர்யங்களையும் பெறலாம். சக்தி வாய்ந்த மகாலட்சுமி அஷ்டகம் ஸ்தோத்திரத்தை, ‘கான பிரம்மம்’ கிருஷ்ணகுமாரும் மூவரசம்பட்டு சகோதரிகளுள் ஒருவரான மாதங்கியும் அடுத்தடுத்துப் பாடக் கேளுங்கள். உங்கள் இல்லத்தில் மகாலட்சுமி தங்கி, நிலைபெற்று, எல்லாச் செல்வங்களையும் வாரி வழங்கட்டும்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
பேளூர் சென்னகேசவப் பெருமாள் கோவில், சிற்ப எழிலும் நேர்த்தியும் துல்லியமும் கொண்ட அரிய கலைக் கருவூலம். இத்தனை நுணுக்கமும் வேலைப்பாடும் கைத்திறனும் சாத்தியம்தானா என உலகே வியக்கின்ற உன்னதம். இந்தத் திருக்கோவிலின் உள்ளே ஓர் உலா. வெ.சுப்பிரமணியன் வர்ணனையுடன் பார்த்து மகிழுங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
‘பாக்யாத லக்ஷ்மி பாரம்மா’ என்ற புகழ்பெற்ற கன்னடப் பாடலின் தமிழ் மொழிபெயர்ப்பு இதோ. சென்னை, தாம்பரம், அரங்கநாதபுரம், அருள்மிகு கற்பக விநாயகர் ஆலயத்தின் நவராத்திரி விழாவில் பாடப்பெற்றது.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
திண்டிவனத்தில் ஒன்பதாம் வகுப்புப் படிக்கும் செல்வி வி.கிருத்திகா, ‘வள்ளலார் காட்டும் மரணமிலாப் பெருவாழ்வு’ என்ற தலைப்பில் இன்று ஆற்றிய உரை இங்கே.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
சென்னை, தாம்பரம், அரங்கநாதபுரம் அருள்மிகு கற்பக விநாயகர் ஆலயத்தில் எழுந்தருளியுள்ள ஸ்ரீ விஷ்ணு துர்க்கைக்கு வெள்ளிக் கவசம் அணிவித்து, நவராத்திரியை மக்கள் கொண்டாடினார்கள். ஊர்கூடி நடத்திய இந்த உற்சாகத் திருவிழாவைக் கண்டு களியுங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
குத்துவிளக்கை அம்பிகையாக அலங்கரிப்பதைப் பார்த்திருக்கிறோம். ஆனால், குத்துவிளக்கைக் கணபதியாக, கணபதி அம்பாளாக, கணாம்பாளாக அலங்கரித்துள்ளதைப் பார்த்துள்ளீர்களா? இதோ அருணா ஸ்ரீதர் வீட்டுக் கொலுவில் இந்தப் புதுமையைக் கண்டு மகிழுங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
![பொற்பதம் பணிந்தோமம்மா நற்றுணை என்றும்நீயே! [சரஸ்வதி துதி]](https://www.vallamai.com/wp-content/uploads/2022/10/2.jpg)
மகாதேவ ஐயர் ஜெயராமசர்மா
மேனாள் தமிழ்மொழிக் கல்வி இயக்குநர்
மெல்பேண் …. ஆஸ்திரேலியா
மாதரது குரலிலும் மழலையரின் மொழியிலும்
கீதமென ஒலித்திடும் குயிலனது குரலிலும்
பேதமற அமர்ந்துமே பெருங்கருணை பொழிகிறாய்
வீணையினை மீட்டிடும் வெண்டாமரை வாணியே
நூல்பல கற்கவேண்டும் நுண்பொருள் உணரவேண்டும்
வாய்மையாய் வாழவேண்டும் மனவழுக் ககலவேண்டும்
தாழ்மையாய் இருக்குமெண்ணம் தான்மன மமரவேண்டும்
வாணியே வேண்டுகின்றோம் வழங்கியே நிற்பாயம்மா
கற்றவர் அணைக்கவேண்டும் மற்றவர் மதிக்க வேண்டும்
நற்றமிழ் நாவிலென்றும் நடமிட்டு நிற்கவேண்டும்
சொற்றமிழ் சிறக்கவேண்டும் சுவையுடன் பாடவேண்டும்
பொற்பதம் பணிந்தோமம்மா நற்றுணை என்றும்நீயே
ஞானியர் போற்றுமம்மா நான்மறை உணர்த்துமம்மா
தேனினும் இனிமைமிக்காய் தெளிவினை ஊட்டுகின்றாய்
வானவர் வியக்குமாறு மதியினைத் தந்துநின்று
வையத்தார் விரும்புவண்ணம் வைத்திட்டாய் வாணித்தாயே
ஏழைகள் கற்கவேண்டும் இருப்பவர் ஈய்தல்வேண்டும்
வாழ்விலே கல்விச்செல்வம் வானோங்கி நிற்கவேண்டும்
தோழமை உணர்வுகொண்டு கற்றவர் இணையவேண்டும்
நாளெலாம் பரவுகின்றோம் நல்லருள் புரிவாயம்மா
எம்.எம். தண்டபாணி தேசிகர் இயற்றிய ‘எனை நீ மறவாதே அங்கயற்கண்ணி எனை நீ மறவாதே’ என்ற புகழ் பெற்ற பாடலை, ‘கான பிரம்மம்’ கிருஷ்ணகுமார் குரலில் கேட்டு மகிழுங்கள்.
ஓவியம்: ஜெயந்தி சங்கர்
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
திருமகளைப் போற்றும் ‘தீப ஜோதியாய் வருவாய்’ என்ற இந்தப் பாடலை, தபோவனத்தில் தினசரி அதிகாலை பாடுகிறார்கள். கன்னிப் பெண் ஒருவர் கையில் விளக்கேந்தி நடக்க, ஆசிரமத்தில் உள்ள அனைவரும் அவரைச் சூழ்ந்து பாடியபடி செல்வது வழக்கம். இந்த இனிய பாடலை, ‘கான பிரம்மம்’ கிருஷ்ணகுமாரும் அவர் மகள் ஷ்ரேயா கிருஷ்ணகுமாரும் பாடக் கேளுங்கள். இந்த நவராத்திரியில் திருமகளின் அருள், எங்கும் நிறைவதாக!
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
சென்னை, தாம்பரம், அரங்கநாதபுரம் அருள்மிகு கற்பக விநாயகர் ஆலயத்தை அலங்கரிக்கும் நவராத்திரி கொலுவைக் கண்டு களியுங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
சென்னை, தாம்பரம், அரங்கநாதபுரம் அருள்மிகு கற்பக விநாயகர் ஆலயத்தில் எழுந்தருளியுள்ள ஸ்ரீ விஷ்ணு துர்க்கை அம்மனுக்கு, நவராத்திரியை முன்னிட்டு, ரூபாய் நோட்டு அலங்காரம். வளம் தரும் வரலட்சுமியாக அருள் பாலிக்கும் அன்னையின் திருக்கோலத்தைக் கண்டு களியுங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)