Category: திருமால் திருப்புகழ்

 

கிரேசி மோகன்

“பாரதக் குட்டு பரந்தாமன் சக்கிரத்,
தேரதின் சுற்றலைத் திட்டமிட , -வாரணக்,
COPYISTடும், வேதக் கதைவசன கர்த்தாவும்,
HAPPYயாய்WAI TINGFOR ஹரி”….கிரேசி மோகன்….

பாரதக் குட்டு -Writers Block ….

Exactly! Writers and thinkers block. It is the space gained by vyasa to write his next verse.
(Vinayaka has a condition that Vyasa should not stop dictating his verses, and Vyasa poses a counter condition that vinayaka should understand the work before writing it. So, vyasa composed complicated verses to gain time )
This is one such occasion. 🙂
Mind blowing verses in a short time. Spring of imagination flows.
Thanks and regards,

Keshav

 

Krishna holds the chakra in his hand, also the symbol of the Mahabharatha.

 

கிரேசி மோகன்

 

டியர் கேசவ் , வியாழக் கிழமை ஸ்ரீ ராகவேந்திரர் திருவல்லிக் கேணி கோயிலுக்குச் செல்வது வழக்கம்…. அதிகாலையிலிருந்து ராகவேந்திரர் மீது வெண்பா யோசித்துக் கொண்டிருந்தேன்….முதல் இரண்டு வரிகள் வந்தும் முற்றுப் பெறாமல் தவித்த போது அடுத்த இரண்டு வரிகளை உங்கள் ஓவியம் தந்தது….மூலராமன் கோல கண்ணனாய் வந்தான் ….இன்றைய இந்த ஆச்சரியம் போதும் ….நன்றி கேசவ்….

“ஆகவேண்டி செய்ததெல்லாம் ஆச்சு ,அலைகின்ற,
தேகவாஞ்சை போச்சு ,திடமனதை, -ராகவேந்த்ரா,
கற்பகம் ,காமதேனு ,கண்ணன் வியாழனில்
அற்புதச் சேர்க்கை அளிப்பு”….கிரேசி மோகன் ….

“மாமதனம் செய்கையில் ,மந்திர மேருதாங்க,
ஆமைதன் ரூபமுற்ற அச்சுதா, -காமதேனு,
கற்பகக் கண்ணனுன்போல் கேசவ் வரைந்தது,
சொற்பதத்துள் சிக்காத சித்து”….கிரேசி மோகன்….

மாமதனம் -மிகப் பெரிய கடைதல்….

 

கிரேசி மோகன்

“என்னதவம் செய்த எசோதை” புகார்கேட்டு,
என்னஅவம் செய்தாய் எனக்கேட்க, -கண்ணனவன்,
பூமியைக் காக்கவே, பாகவதம் செய்கின்ற,
சாமியென்றால் நம்புவாளோ சொல்”….! கிரசி மோகன் ….

“வெக்கத்தை விட்டுறியில் வெண்ணெய் திருடியதை,
பக்கத்து வீட்டம்மா போட்டுடைக்க, -திக்கத்து,
கொள்ளை அடித்ததைக் கண்ணால் கொடுத்ததால்,
வெள்ளையாச்சோ பாப்பா விழி”….கிரேசி மோகன் ….

 

கிரேசி மோகன்

“காளிங்க நர்த்தனன் கண்ணன் வருகையால்
நாளிங்கு கேசவா நன்றாச்சு ; -மேல்INKகோ,
அக்ரலிக்கோ, ஆயிலோ ,ஆர்டினரி பென்சிலோ
அக்காரத் தித்திப்(பு) அவன்”….கிரேசி மோகன்….

 

கிரேசி மோகன்

 

“மவுனகுரு தக்ஷிணா மூர்த்தியைப் போல
யவன வடிவில் யதுசேய் -புவனசுந்த்ரன்;
புல்லாங் குழலூதும் புள்ளாண்டான் அஷ்டமி
வல்லான் BRUSHடமி வீச்சு”….கிரேசி மோகன்….

 

கிரேசி மோகன்

கண்ணா நலம்தானா கன்று நலம்தானா
அண்ணா பலராமன், ஏரார்ந்த -கண்ணி
யசோதையாள் நந்தகோபன் யாதவரைக் கேட்டு
விசாரித் ததாக விளம்பு.

சூப்பிய காலை சுவைத்தபடி ஆலிலையின்
TOPப்பில் துயிலும் திருமாலே -HAPPY
பிறந்தநாள் வாழ்த்து பிறவிப் பிணியை
இறந்தநாள் ஆக்குவாய் இன்று….

வந்தனம் கேசவா நந்த குமாரனே
உன்தன மங்கை உடனிருக்க -வந்துநம்
வீட்டில் எழுந்தருளி ஊட்டியதை உண்டுநான்
காட்டியக் கீக்கிடத்தில் குந்து…

இன்று சிறைவந்(து) இரவோ(டு) இரவாய்
கன்றுகள் மேய்த்திட கோகுலம் -சென்று
புகுந்தநாள் நாளை முகுந்தனுக்கு நெஞ்சம்
உகந்தநாள் ராதை உதிப்பு..

அஷ்டமி ரோகிணியில் ஆயர்தம் பாடியில்
இஷ்ட இடைச்சியர் இல்லம்போய் -துஷ்டனாய்
சாமள வண்ணன் சளைக்காது வெண்ணெய்வாய்
ஆமளவு உண்ண உதிப்பு….

அய்யர்க்கு நேற்றவன் அய்யங்கார்க்(கு) இன்றவன்
கையிருப்பு பக்ஷணம் கொள்வதற்கு -மையிருட்டு
வண்ணனவன் இல்லம் வருவான் தினம்தினம்
கன்னமிடும் கோல்கைக் கொண்டு….
கண்ணன் காப்பு
—————————

கஷ்டம் கலைந்திடும் நஷ்டம் நகர்ந்திடும்
இஷ்டம் நமக்கு இணங்கிடும் – அஷ்டமி
ரோகினியில் தோன்றிய லேகிய வண்ணனின்
காகநிறக் காலிரெண்டும் காப்பு….
தீக்குளிட்டு பாரதி தீண்டிய தெய்வத்தை
வாக்கிலெட்டா கண்ணனை வாழ்த்துவோம்-பூக்களிட்டு
அப்பம் அதிரசம் முப்பழங்கள் அப்பயல்முன்
கப்பம்நீ கட்டிடக் காப்பு….

மாதவனை கேசவனை மாலொழிய வந்தவனை
ஆதவனை ஆயர் அணிவிளக்கை -யாதவனை
ரோகினி அஷ்டமியாய் ஆகிய கீதையை
காகீ எனக்கத்தக் காப்பு….

நடுநிசியில் ரோகினி நட்ஷத் திரத்தில்
கொடுஞ்சிறையில் தோன்றிய கண்ணா-முடிமிசையில்
அப்பன் சுமந்திட ஆயர்தம் கோகுல
குப்பம் நுழைந்தவனே காப்பு….

கட்டு மயிற்பீலி கொண்டை யிலணிந்து
பட்டுப்பீ தாம்பரம் பூண்டாவை -வெட்ட
வெளிதனில் மேய்க்க வேய்ங்குழல் ஊதும்
களிமிகு கண்ணனே காப்பு….

பொன்னிற வண்ணப் புழுதி எழுந்துயர்
விண்ணவர் கண்ணில் விழுந்திட -செந்நிற
சாயங்கா லத்தில் சகாக்களுடன் வீடேகும்
காயாம்பூ வண்ணனே காப்பு….

காளியன் குட்டையில் மூளியாய் மூழ்கஅவன்
தோளினில் ஆடிய தெய்வமே -காளியின்
அண்ணனே கைமாறி ஆயர் குலம்புகுந்த
கண்ணனே வேண்டினேன் காப்பு….

பூதனை மார்பை புசித்தவள் ஆவியை
வேதனை இன்றி விரட்டியவா -தீதினை
ஓட்டவும் தர்மம் உயரவும் பாண்டவ
கூட்டம் பிணைந்தவா காப்பு….

தாய்க்குப் பணிந்தன்று தாம்பில் புகுந்துமரம்
சாய்க்க உரலிழுத்த சாகஸா – வாய்க்குள்
மாதா மகிழ மகோன்னதம் காட்டிய
கீதா உபதேசா காப்பு….

எதுரா எதுராவென எங்கெங்கோ தேடும்
புதிராம் புவிவாழ்வு போதும் – மதுரா
நகரொளிந்த தெய்வம் நவனீதக் கண்ணன்,
குகனணைந்து ஐவரானோன் காப்பு….

தீரன் யமுனா தரங்கக் கரையோரன்
சேரும் இளமாதர் ஜீவான்ம -சோரன்
அழகில் சுகுமாறன் அன்பில் உபகாரன்
கழுகில் வரும்நேரம் காப்பு….

குவலயா பீடத்தின் கொம்பொசித்துக் கம்சன்
கவலையால் பீடிக்கக் கொன்றோன் – ’அவலையா
தந்தாய் எடுத்துக்கொள் தோழாயென் செல்வமுன்
கந்தையைக் கட்டென்றோன்’ காப்பு….

கூவும் கஜேந்திரனை காத்த புஜேந்திரா
ஏவிய சக்கரத்தை ஏந்தியவா -காவிய
பாகவதக் கண்ணா பரந்தாமா நாரணா
காகவத காகுத்தா காப்பு….

ஆலில் மிதந்தவா ஆழ்வார்கள் பாசுர
நூலில் நிறைந்தவா நந்தலாலா -தோளில்
திருத்துழாய் பூண்ட திருவோணத் தானே
கருத்தில் கலந்துவளைக் காப்பு….

உதித்தவா நேற்று மிதித்தவா இன்று
நதிக்கரை நந்தகோபன் நாட்டை -எதிர்த்ததாய்
மாமா அனுப்பிய மல்லர் களையன்று
கோமாளி ஆக்கியவா காப்பு….

கால்கள் பலநூறு கண்டேனென் வாசலில்
வால்கள் புடைசூழ வந்தமுகுந்தன்-நூல்போல்
அணிவகுப்பாய் சென்று அடுக்களை உள்ளில்
விநியோகம் செய்தான் விருந்து….

உறியிழுத்தாய் பின்னர் உரலிழுத்தாய் பின்னர்
மரமிழுத்தாய் பின்னர் மதகில் – அரவிழுத்தாய்
பின்னர் நகிலிழுத்தாய் பெண்கள் துகிலிழுத்தாய்
கண்ணா எனையிழுப்பாய் காப்பு….

சகடா சுரனை சுமந்தா காய
முகடில் முறித்த முகுந்தா -பகடையில்
தோற்றவர்க்காய் தேரேறி நூற்றவர் மாய்ந்திட
கூற்றவனாய் நின்றவனே காப்பு….

கோடி குருமார்கள் கூறிய வேதாந்தம்
தேடிப் படித்தும் திருப்தியில்லை -நாடியில்
ஏதோ அதிருப்தி என்னென்று சொல்வது
கீதோ பதேசகா காப்பு….

தரையில் புரளபீ தாம்பர ஆடை
சுருளும் முடிநுதல் சாய -முரளி
மனோகரா வந்துன் மதிவதனம் காட்டு
கனாவரும் நேரத்தில் காப்பு….

கன்னத்தில் அன்னையிட்ட கண்மை திருஷ்டியது
வண்ணக் கருமையில் வாடிட -எண்ணற்ற
இம்சைக்(கு) இடமாகி இன்னல் கடந்தோனே
கம்சன் மருகோனே காப்பு….

வையங்கள் ஏழை வயிறார உண்டும்
ஐயம் மிகக்கொண்டு அய்யனே -கையால்
பிடித்துக் கமல பதத்தை அன்று
கடித்துக் களித்தவனே காப்பு….

நான்மறை ஓதிடும் நான்முகன் வாழ்ந்திடும்
தாமரை நாபியும், பூமகள் -போய்மறையும்
சந்தனம், ஸ்ரீவத்ஸம், சாற்றும் திருத்துழாய்யு
கந்திடும் திண்மார்பும் காப்பு….

மோதகப் பிள்ளை முழுங்க, பதைபதைத்து
பீதகப் பட்டாடை பாழாக -காதினை
கைகளால் பற்றி கரணமிட்(டு) ஆழியை
கொய்தகோ பாலனே காப்பு….

தேர்கடவி பாரதப் போர்முடிக்க பார்த்தனின்
சீர்கெடலை கீதையால் செப்பனிட்டோன், -மோர்குடத்தை
கல்லால் உடைத்தன்று கோபியர் கோபத்திற்க்
குள்ளான கண்ணனே காப்பு….

சாக்கிரதை யாக சகாக்களுடன் சென்றாயர்
தூக்கிலிட்ட வெண்ணை திருடியுண்ட -போக்கிரிப்
பையனே பேய்மழைக்குப் பர்வதம் தாங்கியக்
கையனே கண்ணனே காப்பு….கிரேசி மோகன்….

படத்திற்கு நன்றி : கேசவ்

கிரேசி மோகன்

 

“இளங்கன்று இறையறியாது”
————————————-

“மூடநெய் பெய்யும், முழங்கை வழித்துண்டு,
மாடுமை வண்ணனை மேய்ந்திட, -ஒடிவந்த,
கன்று பொறாமையில், “கோனாரைக் கொஞ்சுதலேன்,
நன்றா!” எனவிறைப்பாய் நின்று”….கிரேசி மோகன்….

மாட்டிக்கிட் டான்மாட்டுக், கிட்டக்’கிட் டானி’ன்று,
போட்டக் குளம்படியில்: ,பாரத -ஆட்டத்தில்,
பாண்டவன் சேயை பரிதவிக்க விட்டாயே!,
வேண்டும்கட் டிக்கவேண்டும் வேணு’’….கிரேசி மோகன்….

கிட்டான் -செல்லமாகக் கண்ணன்….
பாண்டவன் சேய்-அபிமன்யு பத்ம வியூகத்தில் அகப்பட்டுக்கொண்டது….

கிரேசி மோகன்

“கையேந்தி நிற்போர்க்கு, காவல்பூ னையவன்வெண்,
ணையேந்தி ஊட்டும் நவநீதன், -மையேந்தும்,
ஆய்ச்சியர் கண்ணிமைபோல், காக்கின்ற கண்ணனின்,
தாய்ச்சிறகுள் சிக்கென்று தூங்கு”….கிரேசி மோகன்….

“மாமணக் கூந்தலாள், மாற்றான்தாய் முன்னமவன்,
வாமனனாய் வந்து வளர்ந்ததை, -ஸ்யாமளன்,
காட்டுகின்ற சாக்கிட்டு, காலால் உறிப்பானை,
போட்டுடைக்கப் பார்க்கிறானென் பேன்”….

“என்னதவம் செய்தாய், யசோதை குமாரனே,
வண்ணமுற கேசவ் வரைவதற்கு; -மன்னவனே,
கோவிலுக்கு லீவுவிட்டு, கேசவ்இல்ல வாயிலின்,
காவலுக்கு கண்ணா கிளம்பு”….கிரேசி மோகன்….

கிரேசி மோகன்

“படுகளம் நீங்கி, பயத்தினால் மோட்ஷ,
விடுதலை கேட்கும் விஜய! , -கெடுதலிதைப்,
போலெதுவும் இல்லை, புறமுதுகு காட்டலென்றான்,
நீலமது சூதன் நகைத்து”….கிரேசி மோகன்….

 

“தன்னை மறந்தவன் தாண்டவம் ஆடினும்,
பொன்னை விடாது பிடிக்கின்றான், -அன்னை,
அணிவித்த மாலை, அவதார ரக்ஷை;
அறிவிக்கின் றானோ அரி”….கிரேசி மோகன் ….

 

கிரேசி மோகன்

 

“ஆடுறான் பார்பள்ளு, பாடுறான் பார்நமது,

  நாடு சுதந்திர நாளயெண்ணி;-வீடு,

  பெறகாந் திமதியண்ணன், பாகவதம் பாடு,

  தரயேந் திநிற்பான் தல(விடுதல)”….கிரேசி மோகன்….

 

 

 

கிரேசி மோகன்

“SIXPACKகில் கண்ணனவன் சிக்கென்(று) இருக்கின்ற,

  LOOKSபாக்க ராதைமேல்  LOVEவாலா, -VEXசான

  WARLAND அருச்சுனருக்கு வீரம் விளைவிக்க

  ARNOLDஆ னானோ அவன்!”….கிரேசி மோகன் ….

 

கிரேசி மோகன்

 

 

ப்ரம்ம மோகனம்….

————————–

“மோகன ப்ரம்மத்தில் மூழ்த்தி மறைத்தனன்

  கோகுலத்தை நான்முகன்; கார்முகில் -தேகன்

  ஜெராக்ஸ்ஒண்(று) எடுத்து சகலோகம் செய்த

  பராக்ரமம்  கேசவ் படைப்பு”….கிரேசி மோகன்….

 

 

Brahma Mohanam:
(watercolor, 2004)
Brahma happens to see Krishna sharing food with his friends and grazing cows; grabbing food from his friend’s hands if he liked something and other playful things which he did. Brahma doesn’t believe the cowherd Krishna as the Supreme one.
One day, Brahma hides all the cowherds and cattle. Krishna knowing Brahma’s trick, takes the form of each and every one of those cowherds, cattle etc., and goes back to their respective homes. As if nothing happened.
The impersonation was so perfect that no one noticed it. This routine keeps repeating for a year. Then Brahma surrenders, accepts Krishna as the Supreme, and releases the hidden cowherds etc.,
Brahma’s vahana is the swan. When he falls to surrender, he falls like a dry leaf. Note the leaf dries up as he falls. Krishna is shown with a handful of curd rice in his hand which he shares with his friends, with five different pickles in between his fingers. (As described in the Dashama Skandam, Srimad Bhagavata)

 

கிரேசி மோகன்

 

“விஸ்வரூபக் கண்ணன் விரல்களில் மாடணில்,
கொஸ்வரூப மாய்க்குந்தி கோடுபெறல், -இஷ்வாகு,
அண்ணல்போய் கண்ணன், அணிலாச்சு மாடுஅது,
தொன்னைநெய் வாத்சல்யம் டோய்”….கிரேசி மோகன்….

 

கிரேசி மோகன்

 

“மஞ்சளில் நீராடி, மைவண்ணன் காத்திருக்கான்,
வஞ்சிமகள் ராதை வரவுக்காய்;-செஞ்சரண்,
சேவித்து, உண்டு, சரண்புகும், கோகுல,
ஆவுக்(கு) அதனால்தான் லீவு”….கிரேசி மோகன்..

 

கிரேசி மோகன்

 

“ஆவணிஆ விட்டமாச்சு, ஆடி கழிஞ்சாச்சு,
தாவணி கட்டிராதை தேமேன்னு, -தேவனுன்,
தீவனமாய்க் காத்துள்ளாள், தின்றவள் தாபத்திற்(கு),
ஆவனசெய் ஆரா அமுது”….கிரேசி மோகன்….