பெருமாள் திருப்புகழ்
கிரேசி மோகன்
திவ்யப் பிரபந்தம் மாதிரி இது கேசவாழ்வாரின் திவ்ய BRUSH பந்தம்….அட்டகாசம்….கிரேசி மோகன் ….கேசவ் தொடரட்டும் உம் தூரிகைத் தவம்…ஒருநாள் கண்ணன் உம்வீட்டு காலிங் -பெல் அடிக்கப் போவது நிச்சயம் ….
“விண்ணார்வம் வேண்டேன், வியனுலகும் வேண்டேனே,
கண்ணாவுன் ஆர்வமதைக் கொண்டேனே, -மன்னார்
குடிராஜ கோபாலா கேசவ் அகத்தில்
குடிபோன கோகுலனே காப்பு”….கிரேசி மோகன்
கிரேசி மோகன்
ருக்மணியும் கண்ணனும் நாவில் ஜலம் ஊறவைக்கும் நைவேத்ய ப்ரசாதம் போலிருக்கிறார்கள்….சூப்பர்….
“குலாப்ஜாமூன் ருக்மணி ,குல்கந்து கண்ணன்,
பலாச்சுளையைத் தேனில் புதைத்த -கலாச்சுவைக்
காரனவன் கேசவனின், கைமணம் வீசுது,
சூரனவன் தஞ்சை சமைப்பு”.
கிரேசி மோகன்
கடந்த சில ஆண்டுகளாக அதிகாலையில் ஓவியர் கேசவ்வின் ‘’கண்ணன் வருவான்’’.…அதற்கு அப்போது(ஆழ்வார் சொன்னா மாதிரி’’அப்போதைக்கு இப்போதே’’) என்ன தோன்றுகிறதோ அதை ‘’வெண்பாவாக்கம்’’ செய்து கேசவ் மற்றும் சில நெருங்கிய நண்பர்களுக்கு அடியேன் அனுப்புவேன்….குழந்தையும் தெய்வமும் கொண்டாடும் இடத்திலே என்பார்கள்….அந்தக் ‘’குழந்தை தெய்வத்தைக்’’ வண்ணமாகவும், எண்ணமாகவும் கொண்டாடுவது, எங்கள் இருவரின் உபாசனை, உத்யோகம்….ஏன் காலைக் கடன் என்று கூட கொள்ளலாம்….’’கண்ணன் திருப்புகழை’’ இனி ‘’கேசவ் வண்ணமும் – கிரேசி எண்ணமும்’’ என்ற தலைப்பில் வல்லமையில் பகிர்ந்து கொள்ள விருப்பம்….கண்ணனுக்கு கேசவ்வின் வண்ண ‘’அபிஷேகம்’’ , அடியேன் கிரேசியின் எண்ண ‘’அலங்காரம்’’…. முன்ன பின்ன இருந்தாலும் கண்ணன் ஏற்றுக் கொள்வான்…. அவனுக்குத் தெரியும் இது ‘’குழந்தைகள் பாடும் தாலாட்டு’’ என்று…. ஸர்வம் ஸ்ரீகிருஷ்ணார்ப்பணமஸ்து….
முதலில் கண்ணனுக்கு பிறந்த நாள் வாழ்த்து (கோகுலாஷ்டமியும், ஹேப்பி ஓணமும்) கூறிவிட்டு , அவனை நமக்காக உருவாக்கும் ‘’கிருஷ்ணப் பிரேமி’’ ஸாரி ‘’BRUSHணப் பிரேமி’’ கேசவ் பிறந்த நாள் வாழ்த்தும் கூறி துவங்குவோம்….
இன்று எங்கள் இல்லத்தில் கிருஷ்ண ஜெயந்தி….
“அவிழ்ந்துபீ தாம்பரம் அங்கம் நழுவ
கவிழ்ந்தநிலை வாக்கில் கண்ணன் -தவழ்ந்து
உதைத்துதைத்து இல்லத்தின் உள்ளே புகுந்து
பதிக்கின்றான் பாதப் பிறப்பு”….
HAPPY ஓணம்…
“ஆனமட்டும் சுக்கிரன் ஆதியென்(று) ஓதியும்
தானமிட்ட மாடுபலி தாடைப்பல், – வானமெட்ட
ஆணுத்தமன் ஓங்கி அதைபிடித்துப் பார்த்ததை ,
ஓணத் திருநாளில் ஓது”….
Happy birth day KESHAV ….
“காவியக் கண்ணன் கதைகளைக் கேட்டிருப்போம்,
ஓவியமாய்க் காண, உடல்பொருள் -ஆவியைத்
தந்தனன் தூரிகையால் தாரணிக் (கு) இந்நாளில்
வந்துதித்த கேசவுக்கு வாழ்த்து”….ரசிகன் கிரேசி மோகன்….
கிரேசி மோகன்
பெருமாள் திருப்புகழ்….
—————————————–
’’கண்ணன் திருப்புகழ்’’(விருத்தம்)
————————————————————
தூங்க வருகவே
——————————-
முடியில் கற்றை மயிற்பீலி புனைந்து
மடியில் பட்டுப் பீதாம்பரம் அணிந்து
நொடியில் ராதைக்காய் காத்துக் களைத்தவன்
அடியேன் என்னகத்தில் தூங்க வருகவே….(6)
அன்னையர் துரத்த ஆயர் பாடியில்
வெண்ணெய் திருடி வீதியோடிக் களைத்தவன்
பின்னையின் பின்னல் நிறத்தன் என்மனத்
திண்ணையில் சாய்ந்து தூங்க வருகவே….(7)
ஆசை கோபியர் அன்புக்கு அடிமையாய்
ராச லீலையில் மூழ்கிக் களைத்தவன்
வாச துளசி மாலை அணிந்தெனது
பூசை உள்ளில் தூங்க வருகவே….(8)
பூதனை நச்சுப் பாலொடு அவளின்
வேதனை தீரக் குடித்துக் களைத்தவன்
சீதரன் கோமளன் ஸ்யாமளன் என்னுளத்
தீதினை விரட்டித் தூங்க வருகவே….(9)
இத்தரை இன்னல்கள் களைந்து தர்மம்
புத்துயிர் பெற்றிடப் பற்பல யுகத்தில்
பத்தவதாரம் பூண்டுக் களைத்தவன்
புத்தியில் யோகமாய்த் தூங்க வருகவே….(10)
—————————————————————————————————————————
படங்களுக்கு நன்றி :
http://kamadenu.blogspot.in/2013_11_01_archive.html
கிரேசி மோகன்
பெருமாள் திருப்புகழ்….
—————————————–
’’கண்ணன் திருப்புகழ்’’(விருத்தம்)
————————————————————
தூங்க வருகவே
——————————-
காளிக்கு அண்ணன் கார்முகில் வண்ணன்
காளிங்க நர்த்தனம் ஆடிக் களைத்தவன்
கோளரி மாதவன் கோவிந்தன் என்வீட்டுத்
தூளியில் ஆடித் தூங்க வருகவே….(1)
வானிடை சூரியன் காய்கின்ற வேளையில்
ஆநிரை காத்து மேய்த்துக் களைத்தவன்
தூணிடை சிங்கன் எந்தன் துரும்பு
மேனியில் ஒளிந்து தூங்க வருகவே….(2)
பாரதப் போரில் பார்த்தனின் தேரை
சாரத்யம் செய்து சோர்ந்துக் களைத்தவன்
நாரத மாமுனி நாவிருப்போன் என்
மாரதில் புரண்டு தூங்க வருகவே….(3)
மாணிக்கக் குறளன் மாவலி ஈன்ற
காணிக்கை ஏற்றுக் கால்களை நீட்டி
வானுக்குத் தாவி களைத்தவன் எந்தன்
ஊனுக்குள் கலந்து தூங்க வருகவே….(4)
மாம்பழக் கதுப்பு மருங்கில் கட்டிய
தாம்புக் கயிறால் உரலை இழுத்து
கூம்பிய ஆம்பலாய்க் களைத்தவன் ஐம்புலப்
பாம்பை அடக்கத் தூங்க வருகவே….(5)
படங்களுக்கு நன்றி: கேஷவ்
கிரேசி மோகன்
கிரேசி மோகன்
”கிரேசி தீவ்ஸ் இன் பாலவாக்கம்’’ நாடகத்தில் என் பெயர் ர.மோகன் என்றுதான் அறிவிக்கப்படும்….அந்த சமயத்தில்(1975 என்று நினைவு) ஆனந்த விகடன் ஆசிரியர் வீயெஸ்வி ஒரு குட்டி நாடகம் எழுதித் தருமாறு கேட்டார்….முதன்முதலில் பத்திரிகையில் வந்த அடியேனின் சிறு நாடகம் ‘’கலிகால கரிகாலன்’’….நம் எழுத்து பத்திரிகையில் பார்க்கும் ஆர்வத்தில் அந்த வெள்ளிக்கிழமை கடைக்குச் சென்று ஆனந்த விகடன் வாங்கிப் பார்த்தால் அதில் ர(ர பாஃர் ரஙாச்சாரி)மோகன் கிரேசி மோகன் என்று போடப்பட்டிருந்தது….ஆக எனக்கு வீட்டுத் தாத்தா வைத்த பெயர் ர.மோகன்….விகடன் தாத்தா வைத்த பெயர் கிரேசி மோகன்….அடைமொழியை வார்த்துப் போட்டது ஆனந்த விகடன் ஆசிரியர் ‘’வீயெஸ்வி’’….என்னை கிரேசியாக்கிய இந்த சிறு நாடகம் பிற்காலத்தில் (80துகளில்) ‘’ஜூனியர் விகடனில்’’ அடியேன் ஆடிய ‘’கே.பி.டி சிரிப்பு ராஜன்’’ என்ற 5 நாள் மேட்ச்சுக்கு நெட்-ப்ராக்டீஸாக அமைந்தது….
கிரேசி மோகன்
அடையாறு அனந்த பத்மநாப ஸ்வாமி
———————————————————————–
தனனா தனந்த தனதனன தான தனனா தனந்த தனதனன தான
தனனா தனந்த தனதனன தான -தனதான….
———————————————————————————————————————-
”நடவா ததென்றும் இனிநிகழ்வு றாது, நிகழ்வா னதன்று நடைபெறுதல்காண,
உயிரோ டிருந்து உடலதனை பேணல் -அறியாமை
எனவோ துசெங்கி ரியருணைவிதேகர், உபதே சமஞ்சரி புகல்மனவிசார,
வழிநா னகந்தை எழுமனமதின் மூலம் -தனில்மூழ்க,
’’அடடா புகுந்த களமிடையில் போக, விஜயா! தளர்ந்து மனைவிலகு மாதர்,
எனவூர் குலுங்கி நகையஅவ மானம் -அடைவாயே,
எடுடா மிகுந்த வலுவுடைய தோளில், எதிராள் உடம்ப ழியசிலையும் வாளி,
எனகீ தைசந்த மொழியுரைமு ராரி -அருள்வாயே
குடமா டுகும்ப முனிகுருகு கேசன், முகமா றுகொண்ட அமரர்படை ஈசன்,
குலமா திரெண்ட ணையமயிலு லாவு, -கொடிசேவல்
துடிவே லணிந்த கரமுடைய மாறன், நடரா சன்முன்பு தொழமறைகள் நாலின்
பொருளோ துசங்க ரியிளையவள் சேயின் – முறைமாம.
வடஆ லிலன்று உலகழிய ஆழி தனிலா டிஅந்த குருவளிபு ரீச
மலைநா டொதுங்கு துளஸிவன மாலி -திருமாலே
படையா கநந்த கிசிலைகதை ஆழி சுடரா ழிகொண்டு கரியமலை போல
அடையா றனந்த கமலமலர் நாபி -பெருமாளே
—————————————————————————————————————
படத்திற்கு நன்றி:
http://bhagavatham.blogspot.in/
கிரேசி மோகன்
“கரமொடு களவாய் பிடிபட உனதாய்
உரலிட இழுதா மோதரனே
மரமதை சாய்த்தனை மருதிடை வாய்த்தவர்
மறுவுல கேத்திடும் ஆதரவே
புரிவிஷ மத்தினில் முடிவில்ந லத்தினை
வெளியுற வைத்திடும் யவ்வனனே
சரியென தப்பென அறியும்ம னத்தினை
அரிகழல் வைத்தறு வெவ்வினையே”….(11)
ஹரிஹரி கோ குலபாலக கோபியர் காதல காவல கேளி சுதே….
“மகளிர்உ டுப்பினை மறைவிளோ ளித்தனை
பிறகுஅ ளித்திடும் திட்டமொடு
துகிலுரி துட்டனை தளர்வுற கொட்டினை
துருபதைக் எட்டிட பட்டதனை
புகுவிட பூதனை விடவுடல் வேதனை
முலையுறி மாமது சூதனனே
புகுகருங் காளியுன் பிறவியைக் கோளிட
வ்ரஜநிலம் ஏளிய சோதரனே….(12)
ஹரிஹரி கோ குலபாலக கோபியர் காதல காவல கேளி சுதே….
படங்களுக்கு நன்றி:
http://bhagavatham.blogspot.in/
கிரேசி மோகன்
“அசுரநி சாசரர் அதரும நீசர்கள்
அழியச ராசரம் வந்தவனை
தசவித வேஷனை முனிமன வாசனை
தவரிஷி கேசனை வந்தனம்செய்
தசமுகன் சாகவும் குசலவர் ஏகவும்
ரகுபதி ராகவ ரூபமெடு
தசரத மைந்தனை குகனோடு ஐந்தென
தரணியில் உய்ந்தவன் தாபமுறு”….(9)
ஹரிஹரி கோ குலபாலக கோபியர் காதல காவல கேளி சுதே….
“கரனுடன் தூஷணை வனஉழை வேஷனை
தசமுக பூஷனை இம்சைதரும்
இரணிய ராட்ஷசன் இணையிரண் யாட்ஷகன்
துரியனின் சூழ்ச்சியை ,கம்சனையும்
குறைசிசு பாலனை மதுகைட பாணனை
வதம்புரி மாலனை நம்பிடுவாய்
பிரமனுய் நாபனை புவியுமிழ் நாபனை
பதுமம்கொள் நாபனை கும்பிடுவாய்”….(10)
ஹரிஹரி கோ குலபாலக கோபியர் காதல காவல கேளி சுதே….
படங்களுக்கு நன்றி :
http://bhagavatham.blogspot.in/
கிரேசி மோகன்
“சிறைவசு தேவகி கருவச மாகிட
இரவினில் ஏகினன் கோகுலமே
கறவைகள் மேய்த்தனன் கம்சனை சாய்த்தனன்
தீர்த்தனன் ஆயரின் வ்யாகுலமே
மறைதிரு மச்சமும் அரைதனில் கச்சமும்
குடுமியின் உச்சமும் பூமணமாய்
குறளுரு வாயொரு குடைபுயம் சாய்வுற
களபலி சேய்வளர் வாமனனே ….(7)
ஹரிஹரி கோ குலபாலக கோபியர் காதல காவல கேளி சுதே….
“இலைமரு தாணியின் மணமுறை மேனியள்
திருமகள் பூணிடும் சீதரனே
அலைகலை மங்கையர் அடிதொழும் சுந்தரி
மலைசிவ சங்கரி சோதரனே
அலைகடல் சங்கொடு நந்தகி ஆழியும்
சிலைபரு தண்டமும் கண்டவுடன்
விலையென ஏறிடும் வெவ்வினை ஆறிடும்
விடுமெமை வேறிடம் சேருமதே”….(8)
ஹரிஹரி கோ குலபாலக கோபியர் காதல காவல கேளி சுதே….
கிரேசி மோகன்
செதிளதில் ஆரணம் முதுகினில் மேருவும்
முகநுனி தாரணி கொண்டவனே
சதையுறி உந்தியில் பதபலி புந்தியில்
விதவித பந்தியில் உண்டவனே
விதையுழு ராமனும் மழுமுனி ராமனும்
தொழுரகு ராமனும் பாகவதக்
கதைசொலும் க்ருஷ்ணனும் பலபல ஸ்ருஷ்டியும்
சதைவுயிர் விஷ்ணுவின் சாகசமே”….(5)
ஹரிஹரி கோ குலபாலக கோபியர் காதல காவல கேளி சுதே….
“அளிவரம் முக்ரமம் ஒளியரி அக்ரமம்
உணர்குரு சுக்கிரர் கட்டளையை
பலியிட அக்கணம் குறள்திரு விக்ரம
வடிவினில் திக்கது தொட்டனனே
புலனுரு வாமனம் பழகிட நீமனம்
பெருகுவை ஆணவ கந்தையிலே
சலணரு ணேசரின் சிசுரம ணேசரை
சரணடை கோவண சந்நிதியில்”….(6)
ஹரிஹரி கோ குலபாலக கோபியர் காதல காவல கேளி சுதே….
படங்களுக்கு நன்றி :
http://kamadenu.blogspot.in/2014_06_01_archive.html
கிரேசி மோகன்
செதிளதில் ஆரணம் முதுகினில் மேருவும்
முகநுனி தாரணி கொண்டவனே
சதையுறி உந்தியில் பதபலி புந்தியில்
விதவித பந்தியில் உண்டவனே
விதையுழு ராமனும் மழுமுனி ராமனும்
தொழுரகு ராமனும் பாகவதக்
கதைசொலும் க்ருஷ்ணனும் பலபல ஸ்ருஷ்டியும்
சதைவுயிர் விஷ்ணுவின் சாகசமே”….(5)
ஹரிஹரி கோ குலபாலக கோபியர் காதல காவல கேளி சுதே….
“அளிவரம் முக்ரமம் ஒளியரி அக்ரமம்
உணர்குரு சுக்கிரர் கட்டளையை
பலியிட அக்கணம் குறள்திரு விக்ரம
வடிவினில் திக்கது தொட்டனனே
புலனுரு வாமனம் பழகிட நீமனம்
பெருகுவை ஆணவ கந்தையிலே
சலணரு ணேசரின் சிசுரம ணேசரை
சரணடை கோவண சந்நிதியில்”….(6)
ஹரிஹரி கோ குலபாலக கோபியர் காதல காவல கேளி சுதே….
படங்களுக்கு நன்றி :
http://bhagavatham.blogspot.in/
கிரேசி மோகன்
அவையென இவையென அளவிடல் தவறென
கவிமணி மலையணில் கூட்டியதை
புவிதனில் ஏழையை பிள்ளையை வேழனை
மகிழ்வுறச் செய்ததைக் காட்டினையே
தவியுற ஆய்க்குடி தளிர்விரல் தூக்கிட
குளிர்மழை காத்தனை யாதவனே
கவிகளின் காப்புக் கடவுள்முன் தோப்புக்
கரணம்செய் காக்கும் மாதவனே”….(3)
ஹரிஹரி கோ குலபாலக கோபியர் காதல காவல கேளி சுதே….
“அலமுவை கட்டினை அதிகடன் பட்டனை
அடைத்திடத் தொட்டனை ஏழுமலை
பலரிட உண்டியில் சிலறையை ஒண்டியாய்
புகல்ஜர கண்டியில் வாழயிலை
துளசியை மென்றிட குறையிலை என்றிடும்
நிலைதர நின்றிடும் கோவிந்தா
அலைகடல் சேடனில் அணிமகள் கூடலில்
வளர்துயி லாடிடும் வைகுந்தா”….(4)
ஹரிஹரி கோ குலபாலக கோபியர் காதல காவல கேளி சுதே….
கிரேசி மோகன்
அயிகிரி நந்தினி மெட்டில் பெருமாளின் த்வாதச(12) நாமத் துதி….
“கேசவாய , நாராயணாய ,மாதவாய, கோவிந்தாய , விஷ்ணுவே ,திரிவிக்ரமாய ,வாமனாய,சீதராய ,ரிஷிகேசாய ,பத்பனாபாய ,தாமோதராய ,மதுசுதனாய”…..
“களமுற பார்த்தனின் கலவர வேர்த்தலைக்
கழுவிடு தீர்த்தமாம் கீதையதால்
உளமுரம் கூட்டினை ஒருரதம் ஓட்டினை
பலமுற காட்டினை பாதையதை
பொலபொல என்றுதி காலையை முந்திடும்
பரவசக் கோதையின் பாசுரத்தால்
அலைகடல் விட்டுயர் பட்டரின் பெட்டையை
கட்டிடக் கேட்டிடும் கேசவனே”….(1)
ஹரிஹரி கோ குலபாலக கோபியர் காதல காவல கேளி சுதே….
“சரியபி தாம்பரம் நழுவக தாயுதம்
பிளிறும்க ஜேந்திரன் குரல்கேட்டு
பறவைசு தாகரம் விரையவ னாந்திரம்
எறியசு தர்சனம் விரல்விட்டு
துரிதநி வாரண முனிகள்த போவனம்
பறையும்க தாம்ருத காரணனே
முரளிம னோகர கமலப தாம்புய
அனந்தந ராயண பூரணனே”….(2)
ஹரிஹரி கோ குலபாலக கோபியர் காதல காவல கேளி சுதே….
படங்களுக்கு நன்றி
http://bhagavatham.blogspot.in/
கிரேசி மோகன்
கண்ணன் திருப்புகழ்(வெண்பா)….
———————————————————-
’’கண்ணன் வெண்பாக்கள்’’
———————————————–
ஓணத்தின் போது எழுதியது….
————————————————
பொன்னாழி வெண்மைப், புரிசங்கு கையிருக்க,
கண்ணா யிரச்சேடன் கட்டிலில், -பெண்ணாழி,
மார்பில் பதித்து, மலரும்கண் மாலவனின்
சார்பாக கண்ணன் ஜனிப்பு….(364)
சேணம் பிடித்தைவர், சேனை ஜெயித்திட,
வானத்து வைகுண்டம் விட்டகன்ற, -ஓணத்தன்,
வாத புரீசன், வடமதுரா மன்னவன்,
கீதகோ விந்தந்தாள் காப்பு….(365)
களித்தெமுனா, தீரத்தில், கோபியர் சூழ,
குளித்தவர் காமத்தைக் கொன்று, -அளித்தனன்,
ஞானத்தை; அந்தநந்த, நீலத்தை நாம்வணங்கி,
ஓணத்தில் கொள்வோம் உவப்பு….(366)
வானத்தை, மண்ணை, வரமாய் பலிதந்த,
தானத்தை அன்றளந்த தெய்வத்தை, -ஓணத்து,
வாமனக் குட்டனை, வாத புரீசனை,
நீமனக் கட்டில் நிறுத்து….(367)
ஆச்சு அறுபது, ஆண்டு களுருண்டு,
போச்சாழி வண்ணா பரந்தாமா, -தாச்சு,
உறங்கி எழுந்துண்டு, ஊர்கதை பேசும்,
குரங்கிதை மாருதியாய்க் கொள்….(368)
எழுத்தில் பிழையிருந்தும், ஏற்றுக்கொள் கண்ணா,
வழுத்த வழியறியேன் வேறு, -பழுத்த,
கவியாக்கு என்னை, குறையொன்றும் இல்லா,
புவிவாழ்வை கோவிந்தா போடு….(369)
—————————————————————————————————————–
படங்களுக்கு நன்றி
http://kamadenu.blogspot.in/2013_09_01_archive.html