வல்லமை

Category: ஏனைய கவிஞர்கள்

  • உன் மேலே கொண்ட ஆசை….

    காவிரி மைந்தன்

    காதல் ஜோதி திரைப்படத்திற்கான கதை பேரறிஞர் அண்ணாத்துரை அவர்களுடையது!  இந்தப் படத்தில் இடம் பெற்றுள்ள ஒரு பாடல் காட்சிக்கு சுப்பு ஆறுமுகம் பாடல் எழுதியிருக்கிறார் என்பது சுவையான தகவல்! அதிலும் இளம்பெண் விதவையாகிறபோது.. அவளுக்கு மீண்டும் வாழ்வுதர.. மனைவியாக ஏற்க..  நாயகன் தன் கருத்தை வெளிப்படுத்துவதாய்..

    unnamed

    கனவிலே வந்தவளே.. கதவுதாண்டி வந்தாலென்ன..

    கதையாகப் போக வேணாம்.. தங்கரத்தினமே

    நானே கதவாகத் துணையிருப்பேன் பொண்ணு ரத்தினமே!!

    அவளுக்கு ஏற்கனவே அமைந்த வாழ்வு நீடிக்கவில்லை! மஞ்சள் குங்குமம் நிலைக்கவில்லை!  கன்னிப்பெண் போகாட்சி தரும் அவள்  வாழ்வு  முடிந்ததாய்கருத வேண்டியதில்லை  என்கிற பகுத்தறிவுக்  கருத்தைத்  தன்  பாடல்  வரிகளிலும் முத்திரை பதித்தாற்போல்  பதித்திருக்கிறார்!

    நேற்று நீ போட்ட கோலம் நீர்க்கோலம் ஆகிப்போச்சு

    மாக்கோலம் போட்டுக்கலாம் தங்கரத்தினமே!

    என்னை மச்சான்னு கூப்பிடடி பொண்ணு ரத்தினமே!

    unnamed (1)

    தன் இனத்தின் தலைவன் என்று பேரறிஞர் ஏற்றுக்கொண்ட வெண்தாடி வேந்தர் பெரியாரை நினைவூட்ட ஈரோட்டையும்.. தான் பிறந்த காஞ்சியைநினைவூட்ட அங்கே பிரபலமான சேலையையும் இணைத்து பாட்டுவரிக்குள் புகுத்திவைத்த பக்குவம் தெரிந்த பண்பாளர்.. நம் அண்ணாவன்றோ?

    ஈரோட்டுச் சந்தையிலே எனக்கு வேட்டி எடுத்துக்குவோம்

    காஞ்சிபுரம் சிலுக்குசேலை தங்கரத்தினமே

    நடிகர் ரவிச்சந்திரன் கையில் ஒரு டேப்பை வைத்துக்கொண்டு சீர்காழி கோவிந்தராஜன் குரலில் பாடும்போது.. நமக்கே  அவ்விருவர் சேர்ந்துவிடக் கூடாதா என்கிற எண்ணம் தோன்றிவிடுகிறது!

    தத்ரூப நடிப்பால் ரவிச்சந்திரனும் M. பானுமதியும்  (தொலைக்காட்சிப்புகழ்) இப்பாடல் காட்சியை மெருகூட்டியிருக்கிறார்கள் என்றால் அதுமிகையில்லை!  இசையில் நம்மை கட்டி இழுத்துவைக்கிறார் மெல்லிசை மன்னர் டி.கே.ராமமூர்த்தி

    உன் மேலே கொண்ட ஆசை…

    உன் மேலே கொண்ட ஆசை..

    உத்தமியே மெத்த உண்டு

    சத்தியமா சொல்லுறேண்டி தங்கரத்தினமே!

    தாள முடியாது கண்ணே பொண்ணுரத்தினமே..

     

    சித்திரைக்கு பக்கத்திலே சேர்ந்திருக்கிற வைகாசிபோல்

    முத்தழகி நீயும் நானும் தங்கரத்தினமே!

    மூணுமுடிச்சு போட்டு சேர்ந்துக்குவோம் பொண்ணு ரத்தினமே!

    நேற்று நீ போட்ட கோலம் நீர்க்கோலம் ஆகிப்போச்சு

    மாக்கோலம் போட்டுக்கலாம் தங்கரத்தினமே!

    என்னை மச்சான்னு கூப்பிடடி பொண்ணு ரத்தினமே!

    ஈரோட்டுச் சந்தையிலே எனக்கு வேட்டி எடுத்துக்குவோம்

    காஞ்சிபுரம் சிலுக்குசேலை தங்கரத்தினமே

    தந்து கண்ணாலம் கட்டிக்கிறேன் பொண்ணு ரத்தினமே!

    கனவிலே வந்தவளே.. கதவுதாண்டி வந்தாளென்ன..

    கதையாகப் போக வேணாம்.. தங்கரத்தினமே

    நானே கதவாகத் துணையிருப்பேன் பொண்ணு ரத்தினமே!!

     

    https://www.youtube.com/watch?v=SXDzICClM4U

    Share

  • குறையொன்றுமில்லை மறைமூர்த்தி கண்ணா …

    — கவிஞர் காவிரிமைந்தன்.

     

    m s s

    rajajiதிரையிசைப் பாடல் வரிசையில் இடம்பெறாவிட்டாலும் பொற்காலப் பாடல்கள் வரிசையில் சிறப்பிடம் பெற்ற இப்பாடல் இடம்பெறவேண்டும் என்கிற வேட்கையால் இணைக்கப்படுகிறது. மூதறிஞர் ராஜாஜி அவர்களால் இயற்றப்பட்ட பாடல் என்கிற அந்தஸ்தும்… சங்கீதவானில் புகழ்க்கொடிவீசிய பாட்டரசி எம்.எஸ்.சுப்புலட்சுமி அவர்கள் பாடிய வகையிலும்…

    உலகில் உள்ள அனைத்து உயிர்களும் பெறவேண்டிய ஆனந்த நிலையையே பல்லவியாக்கி… மறைபொருள் நோக்கிய மகத்தான தவமாக ஊனுருக… உயிருருக… தானுருகி யாவரும் கேட்க விரும்பும் பாடலாய்… எத்தனை முறை வேண்டுமானாலும் கேட்டு இன்புறத்தக்க பாடல்!

    ஐ.நா.சபையில் திருமதி.எம்.எஸ்சுப்புலட்சுமி அவர்கள் குரலில் இடம் பெற்ற முதல் தமிழ்ப்பாடலும் இதுவே என்கிற கூடுதல் தகவல் தமிழர்கள் அனைவரும் பெறுகின்ற பெருமை!

    பாடல்: ராஜாஜி
    பல்லவி
    குறையொன்றுமில்லை மறைமூர்த்தி கண்ணா
    குறையொன்றுமில்லை கண்ணா
    குறையொன்றுமில்லை கோவிந்தா

    அனுபல்லவி
    கண்ணுக்குத் தெரியாமல் நிற்கின்றாய் கண்ணா
    கண்ணுக்குத் தெரியாமல் நின்றாலும் எனக்கு
    குறையொன்றும் இல்லை மறைமூர்த்தி கண்ணா

    சரணம் – 1
    வேண்டியதைத் தந்திட வேங்கடேசம் என்றிருக்க
    வேண்டியது வேறில்லை மறைமூர்த்தி கண்ணா
    மணிவண்ணா மலையப்பா கோவிந்தா கோவிந்தா

    ராகம் காபி
    சரணம் – 2
    திரையின் பின் நிற்கின்றாய் கண்ணா – கண்ணா
    உன்னை மறையோதும் ஞானியர் மட்டுமே காண்பார் என்றாலும்
    குறையொன்றும் எனக்கில்லை மறைமூர்த்தி கண்ணா என்றாலும்
    குறையொன்றும் எனக்கில்லை மறைமூர்த்தி கண்ணா

    சரணம் – 3
    குன்றின்மேல் கல்லாகி நிற்கின்றாய வரதா
    குறையொன்றுமில்லை மறைமூர்த்தி கண்ணா
    மணிவண்ணா மலையப்பா கோவிந்தா கோவிந்தா

    ராகம்: சிந்துபைரவி
    சரணம் – 4
    கலிநாளுக் கிரங்கி கல்லிலே இரங்கி
    நிலையாக கோயிலில் நிற்கின்றாய் கேசவா
    குறையொன்றுமில்லை மறைமூர்த்தி கண்ணா

    சரணம் – 5
    யாரும் மறுக்காத மலையப்பா
    உன் மார்பில் ஏதும் தர நிற்கும் கருணை கடலன்னை
    என்றும் இருந்திட ஏது குறை எனக்கு
    ஒன்றும் குறை இல்லை மறைமூர்த்தி கண்ணா
    ஒன்றும் குறை இல்லை மறைமூர்த்தி கண்ணா
    மணிவண்ணா மலையப்பா கோவிந்தா கோவிந்தா

    Share

  • விண்ணோடும் முகிலோடும் விளையாடும் வெண்ணிலவே – கவிஞர் ஆத்மநாதன்

    காவிரி மைந்தன்

    காற்றினிலே மிதக்கும் கானங்கள் ஆயிரம்.. அந்தக் காற்றே காதலிக்கும் கானங்களும் அதில் உண்டு! இந்தப் பாடல் அந்த ரகம்!  இன்ப லயம்! இயற்கையின் வடிவில் இன்பத்தை எடுத்துச்சொல்லும் அற்புதக் கவிதைவளம்.. ஆத்மநாதன் அவர்களுக்கு!

    athmanathanகற்பனைக் கடிவாளமில்லாமல் வானிலே பறக்க.. சொற்களும் அதற்கேற்ப வந்து கவிதை படிக்க.. காதலுக்கு வேறேது வேண்டும்! அன்பின்கரம் இணையும் நேரம் ஆகிவிடும் அந்தப்புரம் சொந்தமதே சொர்க்கமென்று சுவைதேடும் காதலர்க்கு..  அவர்தம் மனம் சொல்ல விரும்புவதை கவிஞர் தன் பாடலில் சொல்லிவிடுவதுதானே வழக்கம்!  சிலநேரங்களில் சராசரி பாடலாய் அமைந்துவிடாமல் சரித்திரப் பாடலாய் அமைந்துவிடும்!  ஆம்..  இன்னிசைச் சித்தர் சிதம்பரம் ஜெயராமன் அவர்கள் குரலில் இந்தப் பாடல் பெற்றுவிடும் உன்னதத்தால்  – உலகக் காதலர்களுக்கான ஒட்டுமொத்த காணிக்கையாக்கலாம் இப்பாடலை!

    விஸ்வநாதன் ராமமூர்த்தி இருவரின் இசையமைப்பில் புதையல் திரைப்படத்திற்காக இசைச் சித்தருடன் இணைசேர்கிறார் இன்னிசைக்குயில் பி.சுசீலா!

    58 ஆண்டுகளுக்குப் பின்னும் இப்பாடல் ஒலிக்கப்படும் போதெல்லாம் காதுகள் கேட்கப்பிரியப்படும் பாடலாய் பவனி வருவதன் ரகசியம் என்ன? இசையா? கவிதையா? குரலா?  வாசகர்களே இப்பாடலை இன்னொரு முறை கேட்டுச் சொல்லுங்கள்!!

    விண்ணோடும் முகிலோடும் விளையாடும் வெண்ணிலவே

    Pudhayalவிண்ணோடும் முகிலோடும் விளையாடும் வெண்ணிலவே
    கண்ணோடு கொஞ்சும் கலையழகே இசையமுதே இசையமுதே

    அலைபாயும் கடலோரம் இளமான்கள் போலெ
    விளையாடி.. இசை பாடி….
    விழியாலே உறவாடி இன்பம் காணலாம்

    விண்ணோடும் முகிலோடும் விளையாடும் வெண்ணிலவே
    கண்ணோடு கொஞ்சும் கலையழகே இசையமுதே இசையமுதே

    தேடாத செல்வசுகம் தானாக வந்ததுபோல்
    ஓடோடி வந்த சொர்க்க போகமே ஓடோடி வந்த சொர்க்க போகமே
    காணாத இன்பநிலை கண்டாடும் நெஞ்சினலே
    ஆனந்த போதையூட்டும் போகமே வாழ்விலே
    விளையாடி.. இசை பாடி..

    சங்கீத தென்றலிலே சதிராடும் பூங்கொடியே
    சந்தோஷம் காண உள்ளம் நாடுதே
    சந்தோஷம் காண உள்ளம் நாடுதே
    மங்காத தங்கமிது மாறாத வைரமிது
    ஒன்றாகி இன்ப கீதம் பாடுவோம் வாழ்விலே
    விளையாடி…… இசைபாடி……
    விழியாலே உறவாடி இன்பம் காணலாம்

    திரைப்படம்: புதையல் (1957)
    பாடியவர்கள்: சி.எஸ். ஜெயராமன், பி. சுசீலா
    இசை : எம்.எஸ்.விஸ்வநாதன், ராமமூர்த்தி
    வரிகள் : ஆத்மநாதன்
    பாடல் : விண்ணோடும் முகிலோடும்

    Share

  • காணா இன்பம் கனிந்ததேனோ…

    — கவிஞர் காவிரிமைந்தன். 

    kaana inbam

    எழுதப்பட்ட பாடலை எந்த ராகத்தில் பொருத்துவது என்று யோசித்து… அதை அடிப்படையாகக் கொண்டு வார்த்திடும் இசையமைப்பு பெரும்பாலான பழைய பாடல்களில் காணலாம். சபாஷ் மீனா திரைப்படத்திற்காக தொடுக்கப்பட்ட இப்பாடல்… காணா இன்பம் கனிந்ததேனோ… பாடியிருப்பவர்கள் திரு.மோதி மற்றும் பி.சுசீலா… பாடலை இயற்றியவர் கு.மா. பாலசுப்பிரமணியம். இசையமைத்திருக்கிறார் டி.ஜி.லிங்கப்பா.

    SABASH MEENAஎண்ணிலடங்காத இன்பத்தை அள்ளித்தரும் பாடலிது! பாடல் வரிகள் தம் பங்கிற்கு பாதை வகுத்துக் கொடுக்க… பயணம்போவது இசை ஆலாபனைகள்! அதுவே இப்பாடலின் உச்சம் என்றும் சொல்லலாம்! இருவர் குரலும் அதற்கேற்றவாறு தாள லய ஜதியுடன் இணைந்து மேல்ஸ்தாயி வரை படரும் அழகு… கேட்கத்திகட்டாத பாடலாய் இதனை மாற்றியிருக்கிறது!

    1958ஆம் ஆண்டில் வெளிவந்த திரைப்படத்தில் சிவாஜி கணேசன் மாலினி மற்றும் பலர் நடித்திருக்க… இனிய கானம்… காணா இன்பம் கனிந்ததேனோ… திரைப்பாடலைக் கேட்க விருப்பமில்லாதோர்கூட இப்பாடலில் மயங்கியதும் கேட்டுக் கிறங்கியதும் உண்மைதானே!!

    காணா இன்பம் கனிந்ததேனோ …
    காணா இன்பம் கனிந்ததேனோ
    காதல் திருமண ஊர்வலந்தானோ
    ஆஆஅ ஆஆஅ ஆஆஆஆஆஆஆஆஆஅ …

    காணா இன்பம் கனிந்ததேனோ
    காதல் திருமண ஊர்வலந்தானோ
    வானம் சிந்தும் மாமழை எல்லாம்
    ஆஆஆ ஆஆஆ ஆஆஆ ஆஆஆ ஆஆஆஆஆஆஅ …
    ஆஆஆஆஆஆஅ ஆஆஆஆஆஆஆஆஅ …
    வானம் சிந்தும் மாமழை எல்லாம்
    வானோர் தூவும் தேன்மலரோ?
    வானோர் தூவும் தேன்மலரோ?

    மேகம் யாவும் பேரொலியோடு
    மேகம் யாவும் பேரொலியோடு
    மேளம் போலே முழங்குவதாலே
    காணா இன்பம் கனிந்ததேனோ
    காதல் திருமண ஊர்வலந்தானோ …

    கன்னல் மொழியே மின்னல் எல்லாம்
    விண்ணில் வாண வேடிக்கையோ?
    மண்ணில் பெருகும் வெள்ளம் போலே
    மனதில் பொங்கும் ப்ரேமையினாலே
    காணா இன்பம் கனிந்ததேனோ
    ஆஅஆஆஆஆஆஆ
    காணா இன்பம் கனிந்ததேனோ …
    ஆஅஆ..ஆஆஆஆஆஆஅ ஆஆஆஆஆஆஆஆஅ …
    காணா இன்பம் கனிந்ததேனோ …
    ஆஅஅ, ஆஆஆ ஆஆஆ ஆஆஆஆஆஆஅ ஆஆஆஆஆஆஆஆஅ …
    ஆஆஆஆஆஆஅஅ ஆஆஆஆஆஆஆஆஅ …
    காணா இன்பம் கனிந்ததேனோ காதல் திருமண ஊர்வலந்தானோ …

    பாடல்: காணா இன்பம் கனிந்ததேனோ
    திரைப்படம்: சபாஷ் மீனா (1958)
    இயற்றியவர்: கு.ம. பாலசுப்பிரமணியம்
    இசை: டி.ஜி. லிங்கப்பா
    பாடியவர்: மோதி, பி.சுசீலா
    காணொளி: https://www.youtube.com/watch?v=MewOsMqwg3Y

    Share

  • சொக்குதே மனம்… சுத்துதே ஜெகம்!

    — கவிஞர் காவிரிமைந்தன். 

     

    Baghdad Thirudan

     

    எம்.ஜி.ஆர். வைஜயந்திமாலா இணைந்து நடித்த பாக்தாத் திருடன் திரைப்படத்தில் இடம்பெற்ற இந்தப்பாடலின் பல்லவியில் நிச்சயம் ஒரு மயக்கம் உண்டு!

    ஜி.கோவிந்தராஜுலு நாயுடு இசையில் கட்டுண்ட நாகம்போல் நாமும் மாறலாம்! இனிமை அதிலுண்டு! இயற்றியவர் மருதகாசி பி.சுசீலாவின் குரலில் …சொக்குதே மனம்!!

    அந்தப்புர சங்கதிகளின் அடிநாதமாய் விளங்கும் பெண்மையை வைத்தே காய்கள் நகர்த்துவதும் ஒருவித ராஜதந்திரம் என்றது அந்தக்காலம்!

    எந்த காலத்திலும் ஆட்சியிலிருப்பவர்களும் அதிகாரத்திலுப்பவர்களும் எளிதில் அகப்பட்டுக்கொள்வது இந்த போதையில்தானே!

    திரைப்படங்களில் இந்தக் காட்சியில் பாடல் இடம்பெறுவது எழுதப்படாத விதியாகவே அன்றுமுதல் இன்றும் தொடர்கிறது!

    ஆட்டம் பாட்டம் … அதற்கிடையில் கதையின் நகர்வு… இசையின் துள்ளல் நம்மைக் கிறங்க வைக்க… எழுத்தில் வடித்துவிடும் கவிஞர்களின் கற்பனா சக்தியில்… திரைக்கதை… மூலக்கதை எல்லாம் முன்மொழியப்படும்…

    சொல்லப்போனால் திரைப்படத்தின் முடிவு வருவதற்கு முன் வருகின்ற பாடலாகவே இதுபோன்ற பாடல்கள் இடம்பெறும்!

    திருமதி.பி.சுசீலா அவர்களின் குரலில் இந்தப் பாடல் எனக்கென்னவோ… சொல்லத் தெரியாத இன்பத்தை தந்துவிடுகிற பாடல் என்றே சொல்லத் தோன்றுகிறது!

    அமர்க்களம்… அட்டகாசம்… என்பதெல்லாம் நிறைவுபெறாத வார்த்தைகள் என்றே நினைக்கிறேன்!

    பூத்து குலுங்குதே புது உணர்வு காணுதே… ஏ…
    காத்திருந்த என் பருவ காலமிதே… ஆ…
    எதிர் பார்த்திருந்த
    இன்ப நாள் வந்ததே தன்னாலே
    பார்வையிலே காதல் அலை
    பொங்குதே உன்னாலே…

    சொக்குதே மனம் சுத்துதே ஜெகம்
    தூண்டில் மீனை போலே ஆனேனே உன் வசம்
    தூண்டில் மீனை போலே ஆனேனே உன் வசம்
    சொக்குதே மனம் சுத்துதே ஜெகம்
    தூண்டில் மீனை போலே ஆனேனே உன் வசம்
    தூண்டில் மீனை போலே ஆனேனே உன் வசம்

    கொலைகார வேடன் வலை கண்டதாலே
    நிலை மாறி வந்த இள மானும் நானே
    என்னாசைத் தங்கமே அஞ்சாத சிங்கமே
    நீ தஞ்சமே
    சொக்குதே மனம் சுத்துதே ஜெகம்
    தூண்டில் மீனை போலே ஆனேனே உன் வசம்
    தூண்டில் மீனை போலே ஆனேனே உன் வசம்

    கருவண்டின் முன்னே களிப்போடு ரோஜா
    கண்ணாலே பேசி செய்யுதே தமாஷா
    எண்ணாதே லேசா என் காதல் பாதுஷா
    ஏன் தாமதம்
    சொக்குதே மனம் சுத்துதே ஜெகம்
    தூண்டில் மீனை போலே ஆனேனே உன் வசம்
    தூண்டில் மீனை போலே ஆனேனே உன் வசம்

    அழகின் கஜானா உந்தன் ஜனானா
    அதற்கேற்ற மைனா வந்ததே தானா
    மௌனம் ஏன் வீணா திரும்பாதே போனா
    ஆலம்பனா
    சொக்குதே மனம் சுத்துதே ஜெகம்
    தூண்டில் மீனை போலே ஆனேனே உன் வசம்
    தூண்டில் மீனை போலே ஆனேனே உன் வசம்

    படம்: பாக்தாத் திருடன்
    பாடல்: மருதகாசி
    இசை: ஜி.கோவிந்தராஜுலு நாயுடு
    குரல்: பி.சுசீலா

             MarudhakasiG. Govindarajulu Naidususheela

    எம்.ஜி.ஆருடன் டி.ஆர்.ராமச்சந்திரன் இசைகோஷ்டியாக வேடமிட…நம்பியாரை நோக்கி நாட்டியமாடுகிற நங்கையாக திருமதி. வைஜயந்திமாலா வேகம்காட்டி ஆடும் ஆட்டம் சிறப்பானது!

    பலமுறை கேட்டிருந்தாலும் பாக்தாத் திருடன் பாடல்.. மறுமுறை கேட்கத்தூண்டும் அதிசயம் என்ன?

    காணொளி: https://www.youtube.com/watch?v=ud8-90yS0Ks

    ஜெயா தொலைக்காட்சியில் இப்பாடலின் பல்லவியை நினைவூட்டி அமைக்கப்பட்டிருக்கும் இசைநிகழ்ச்சியும் அதனை வழங்கிவரும் திருமதி.பிரியாசுப்பிரமணியன் அவர்களது குரலிலும் இந்த மையல் தொடர்வது குறிப்பிடத்தக்கது!

     

     

    Share

  • பணம் பந்தியிலே …

    — கவிஞர் காவிரிமைந்தன். 

    panam panthiyilae

    உறவுகள் ஆயிரம் இருந்தபோதும் இன்பம் சூழ்கின்ற நேரத்தில்மட்டுமே பந்தம் கொள்வதும்… துன்பம் தொடர்கின்ற நிலையில் நம்மைவிட்டு விலகிச்செல்வதும் தொன்றுதொட்ட தொடர்கதைதான்! அன்பு பாசம் எல்லாம் வேடிக்கை வார்த்தைகளா … அவைகளுக்கு அர்த்தங்கள் கிடையாதா என்று நாம் தவிக்கிற நிலை அப்போது ஏற்படும்! இனம்புரியாத சூழலில் பணம்தானே இத்தனைக்கும் காரணம் என்றறியும்போது.. காதில் கேட்ட இந்தப் பாடல் அத்தனைக்கும் அர்த்தங்கள் சொன்னது!

    1961ல் இந்தப் பாடல் உருவாக்கப்பட்டிருக்கலாம்… ஆனால் மனிதர்களுக்கு இதுபோன்ற நிரந்தரப்பாடல்களை வழங்கிய கவிஞர்களும்…. இசையமைத்த மேதைகளும்… பாடிய கலைஞர்களும் மனதில் இடம்பெற்றவர்களாகவே உலா வருகிறார்கள்.

    கவிஞர் கா.மு.ஷெரீப் … தமிழ்த்திரையில் தனது பதிவுகளால் ராஜமுத்திரையிட்டிருந்தாலும் அதிக எண்ணிக்கையைத் தொட முடியாதுபோனது நமக்குத்தான் இழப்பேதவிர அவருக்கு அல்ல. எத்தனை எதார்த்த வார்த்தைகளை எடுத்தாண்டிருக்கும் திறத்தவர்…ஒவ்வொரு வார்த்தையிலும் ஓராயிரம் பொருளிருக்கும் வண்ணம் உள்ளம் தொடுகின்றார். அதற்கேற்ற இசையினை திரையிசைத்திலகம் கே.வி.மகாதேவன் தருகின்றார். இருவரின் படைப்புகளில் உள்ள ஜீவனை உணர்ந்து தன் குரலால் மெருகேற்றிவிடுகிறார் கலைமாமணி சீர்காழி கோவிந்தராஜன்.

    ஏழ்மையில் வாழும் ஒருவன் தன் வாழ்வில் சந்திக்கும் போராட்டங்களில் பணம் பிரதானம் வகிக்கும் வரையில் இப்பாடல் பரிதவிப்பிற்குத் தலைமை தாங்கட்டும்!!

    http://www.youtube.com/watch?v=u8fMZ9APBJs

    காணொளி: http://www.youtube.com/watch?v=u8fMZ9APBJs

     

    திரைப்படம்: பணம் பந்தியிலே (1961)
    இயற்றியவர்: கவிஞர் கா.மு. ஷெரிஃப்
    இசை: கே.வி. மஹாதேவன்
    பாடியவர்: சீர்காழி கோவிந்தராஜன்

    Ka.Mu.Sheriff (1)ke.vi.em.சீர்காழி கோவிந்தராஜன்Panam Panthiyile

    பணம் பந்தியிலே குணம் குப்பையிலே – இதைப்
    பார்த்து அறிந்து நடக்காதவன் மனிதனில்லே
    பிழைக்கும் மனிதனில்லே
    பணம் பந்தியிலே குணம் குப்பையிலே – இதைப்
    பார்த்து அறிந்து நடக்காதவன் மனிதனில்லே
    பிழைக்கும் மனிதனில்லே

    ஒண்ணுந்தெரியா ஆளானாலும் பணமிருந்தாலே – அவனை
    உய்ர்த்திப் பேச மனித கூட்டம் நாளும் தப்பாதே
    என்ன அறிவு இருந்திட்டாலும் பணமில்லாத ஆளை
    என்ன அறிவு இருந்திட்டாலும் பணமில்லாத ஆளை – உலகம்
    எந்த நாளும் மனிதனாக மதிக்க மாட்டாதே
    [பணம் பந்தியிலே குணம் குப்பையிலே]

    ஆளை ஆளு புகழ்வதெல்லாம் பணத்துக்காகத் தான் – பணம்
    அகன்று விட்டால் புகழ்ந்த கூட்டம் இகழும் உண்மை தான்
    ஏழ்மை நிலை வந்தால் நேசர் யாரும் இல்லை
    ஏழ்மை நிலை வந்தால் நேசர் யாரும் இல்லை – இதை
    எண்ணிப் பார்த்து நடக்காதவன் அடைவான் தொல்லை
    [பணம் பந்தியிலே குணம் குப்பையிலே]

    உன்னால் உயர்ந்த நிலையடைந்தோர் நிறைய பேர்கள் உண்டு – அவர்கள்
    உனது நிலை தாழ்ந்த பின்பு ஒதுங்குவார்கள் கண்டு
    மண்ணாய் அவரை மதித்து நீயும் துணிவுமே கொண்டு
    மண்ணாய் அவரை மதித்து நீயும் துணிவுமே கொண்டு – நாளும்
    முயன்று மேலும் பாடுபட்டால் வெற்றியும் உண்டு
    [பணம் பந்தியிலே குணம் குப்பையிலே]

     

     

    Share

  • வணங்கிடும் கைகளின் வடிவத்தைப் பார்த்தால் வேல்போல் இருக்குதடி…. கவிஞர் பூவை செங்குட்டுவன்

    காவிரி மைந்தன்

    அன்பர்களே! ஆன்மீக நண்பர்களே!

    அருந்தமிழ் விருந்துவைத்தால் அது ஆண்டவனுக்கே அமுதம் அளித்ததாய் கருதப்படும். அதுவும் முத்தமிழில் விருந்தல்லவா –  அழகன் முருகனுக்கே படைக்கின்றார் பாடலாசிரியர்!

    poovai senguttuvanஇந்தப் பாடலின் பல்லவி கற்பனையின் ஒரு சிகரம் என்றே களிப்போடு சொல்வேன்! எத்தனையோ கண்கள்  இதற்கு முன் முருகனது வேலின் வடிவத்தைக் கண்டிருக்கின்றன. எத்தனையோ கவிஞர்கள் பார்வையில் வேல் பட்டிருக்கிறது! எனினும் பட்டென்று தோன்றிய கற்பனை பூவை செங்குட்டுவனுக்குத்தானே!

    திரு.ராமச்சந்திரன் இசையின் சூலமங்கலம் சகோதரிகள் பாடிய இப்பாடல் பக்திரசம் வழியும் பாடல்!  கந்தன் பெருமை சொல்லும் கனிந்த மனமிங்கே எண்ணத்தில் தோன்றியதை எழுத்திலே  வடித்து ஒரு செந்தமிழ்க்கோலம் காட்டுவதைப் பாருங்கள்!

    முத்தமிழ் பிறந்தது எப்போது என்று இவரை எவரோ கேட்டிருப்பார் போலும்.. பாடலிலே பதிலுரைக்கிறார்  பாருங்கள்!

    சக்தியவள் தந்த வேலாயுதம் முத்தமிழ் முருகனுக்கு – அழகுக்கு அழகு சேர்க்கிறது! அதன் வடிவம் எண்ணித் தொடங்கிய இப்பாடல் சந்தம் சீர் மாறாமல் தமிழ் சதிராடி வருவதைப்போல் அதுவும் ‘கற்பூரம்’ திரைப்படத்திற்காக இப்பாடலை தீப ஆராதனை எனலாம்!

    வணங்கிடும் கைகளில் வடிவத்தைப் பார்த்தால்
    வேல்போல் இருக்குதடி
    வேல்கொண்டு நின்றவன் திருமுகம் பர்த்தால்
    பால்போல் தெரியுதடி

    vel

    கூவிடும் சேவல் கொடிமே லிருந்து
    விழித்திடச் சொல்லுதடி
    விழித்ததும் என்னை நினைத்திரு என்றவன்
    சொல்வது தெரியுதடி

    கந்தனின் கருணை மழைவரும் என்றே
    மாமயில் ஆடுதடி!
    மாமயில் விரித்த தோகையின் கண்கள்
    வேலனைத் தேடுதடி!

    முதன்முதல் இறைவன் திருவாய் திறந்தான்
    முத்தமிழ் பிறந்ததடி!
    முத்தமிழ் இன்பம் அனைத்திலும் முருகன்
    திருமுகம் தோன்றுதடி

    எப்போது பார்த்தாலும் சிரித்திருக்கும் – அது
    ஆறு முகங்களடி!
    எப்படித் தொழுதாலும் அருள் கொடுக்கும் – அது
    பன்னிரு கைகளடி
    பாடல் ஆக்கம்: கவிஞர் திரு. பூவை செங்குட்டுவன்
    இசை: திரு. ராமச்சந்திரன்
    பாடியவர்கள்: சூலமங்கலம் சகோதரிகள்

    Share

  • கண்ணன் மனநிலையை தங்கமே தங்கம் …

    –கவிஞர் காவிரிமைந்தன்

    கண்ணன் மனநிலை2

    மகாகவி பாரதியாரின் பாடல்களை அவற்றில் மனம்கொடுத்தோர் அவ்வப்போது திரைப்படங்களிலும் பயன்படுத்தி வந்துள்ளார்கள். இசைமேதை ஜி.இராமனாதன் இசையமைப்பில் தெய்வத்தின் தெய்வம் திரைப்படத்தில் இடம்பெற்ற இப்பாடல் எஸ். ஜானகி குரலில் இழைந்துவரும் அமுதகானமாக..

    எஸ்.எஸ்.இராஜேந்திரன் .. விஜயகுமாரி நடிப்பில் இயக்குனர்திலகம் கே.எஸ்.கோபாலகிருஷ்ணன் இயக்கத்தில் வண்ணக்கவிதைக்கு ஒரு வசந்தவிழா எடுத்திருக்கிறார் இசையமைப்பாளர்.

    ஒப்பிலாப் பாடலுக்கு உகந்த இசை பின்னணியாய் அமைந்துவிட அதை உணர்ந்து பாடி உருவம் தந்திருக்கிறார் பாடகி!

    நற்றமிழ் நர்த்தனம் – நலம் சேர்க்கும் மெல்லிசை மோகனம் கேட்கும்போதே பரவசம் தருகிற பாடல்! மீண்டும் மீண்டும் கேட்கத் தூண்டுகிற இசைவெள்ளம் பாய்கிறது – இதயத்தைத் திறந்துவையுங்கள்!

     

    http://youtu.be/j8y_bhR19oI

    காணொளி: http://youtu.be/j8y_bhR19oI

    படம்: தெய்வத்தின் தெய்வம்
    பாடல்: பாரதியார்
    இசை : ஜி. ராமநாதன்
    குரல்: எஸ் ஜானகி

    பாரதிஜி ராமநாதன்ஜானகிதெய்வத்தின் தெய்வம்
    கண்ணன்…
    கண்ணன் மனநிலையை தங்கமே தங்கம்
    கண்டுவர வேணுமடி தங்கமே தங்கம்;
    எண்ணமுரைத்துவிடில் தங்கமே தங்கம்..ஆஆ…
    எண்ணமுரைத்துவிடில் தங்கமே தங்கம்
    பின்னர் ஏதெனிலும் செய்வோமடி தங்கமே தங்கம்!

    (கண்ணன்…)

    ஆற்றங் கரை அதனில் முன்னம் ஒருநாள்…
    ஆற்றங் கரை அதனில் முன்னம் ஒருநாள்
    எனை அழைத்துத் தனியிடத்தில் பேசிய தெல்லாம்
    தூற்றி நகர் முரசு சாற்றுவேனென்று
    சொல்லி வருவாயடி தங்கமே தங்கம்..!

    (கண்ணன்…)

    நேர முழுதிலும் அப்பாவி தன்னையே…
    நேர முழுதிலும் அப்பாவி தன்னையே
    உள்ளம்நினைந்து மறுகுதடி தங்கமே தங்கம்..!
    தீர ஒருசொல் இன்று கேட்டு வந்திட்டால்….
    தீர ஒருசொல் இன்று கேட்டு வந்திட்டால் பின்பு
    தெய்வம் இருக்குதடி தங்கமே தங்கம்..!

    (கண்ணன்..)

    Share

  • வா வா வா கண்ணா – பாடலாசிரியர்: மு.மேத்தா

    கவிஞர் காவிரி மைந்தன்

    kaviriபுதுக்கவிதை மூலம் பலரையும் கவிதை எழுதவைத்தவர் மு.மேத்தா. தனது கண்ணீர் பூக்கள் படைப்பின் மூலம் இளைஞர்கள் நெஞ்சங்களில் இடம்பிடித்த கவிஞர். கவியரங்கங்கள் பலவற்றின் தலைமை இவருக்கு சொந்தம்! முத்தான கருத்துக்களால் முன்னிலையில் இருப்பவர்! இவரின் திரையுலகப் பிரவேசம் சிற்சிலப் பாடல்களில் மட்டுமிருந்தாலும் சிறப்புக்குப் பஞ்சமில்லை! கற்பனைகளை மட்டும் தொட்டுக் கொண்டிருக்காமல், எதார்த்தங்களை எடுத்தாள்வது இவரின் கலை!

    கவிதாலயா நிறுவனத்தின் சார்பில் கே.பாலச்சந்தர் தயாரிப்பில் வெளியான வேலைக்காரன் திரைப்படத்தின் அனைத்துப் பாடல்களையும் கவிஞர் மு.மேத்தா வழங்கியிருக்கிறார் என்பது இனிப்பான செய்தியாகும்! இதே போல்.. கவிவேந்தர் இளந்தேவன் அவர்களைப் பயன்படுத்தி கல்கி திரைப்படத்தில் அனைத்துப் பாடல்களையும் எழுதவைத்தவர் பாலச்சந்தர் ஆகும் என்கிற செய்தியையும் இங்கே பதிவு செய்ய விரும்புகிறேன்.

    வேலைக்காரன் திரைப்படத்தில்.. இடம்பெற்ற பாடல்களில்.. வேலைக்காரன் என்கிற தலைப்பையொட்டி அமைந்த பாடல் வரிகளும் சரி.. தோட்டத்திலே பாத்தி கட்டி.. என்று தொடங்கும் பாடலில் சென்னையைப் பற்றிய குறிப்புகளும் சரி.. இதோ இங்கே நாம் காணவிருக்கிற காதல் பாடலான.. வா..வா.. கண்ணா.. வா.. என்கிற பாடலும் சரி.. அங்கங்கே திரைப்படப்பாடலாசிரியர் என்கிற தளத்திலும் கவிஞர் என்கிற படைப்பாளர் தன் முகம் காட்டியிருப்பதை நாம் காணமுடிகிறது.

    kaaviri

    சோத்துக்குள்ளே பாத்தியை கட்டுற பட்டணம் பட்டணமே.
    கொஞ்சம் கெட்டியாக இல்லாட்டி மனசு கெட்டிடும் கெட்டிடுமே

    கட்சிகளும் வாங்கி இங்கே கட்டிடங்கள் வச்சிருக்கு
    கஷ்டப்படும் ஏழைக்கெல்லாம் கட்டாந்தரை தானிருக்கு
    கல்யாண மண்டபங்கள் கட்டிவச்சு காத்திருக்கு
    கைகளிலே காசு இல்லை கன்னிப்பொண்ணு மூத்திருக்கு
    இன்னமும் கதையை சொல்லட்டுமா
    குப்பையை கூடையில் அள்ளட்டுமா

    காளிதாசன் காண வேண்டும் காவியங்கள் சொல்லுவான்
    கம்ப நாடன் உன்னை கண்டு சீதை என்று துள்ளுவான்
    ஷாஜஹானை பார்த்ததில்லை நானும் உன்னை பார்க்கிறேன்
    தாகம் கொண்ட தேகம் ஒன்று பாடும் பாடல் கேட்கிறேன்
    தாஜ்மஹாலின் காதிலே ராம காதை கூறலாம்
    மாறும் இந்த பூமியில் மதங்கள் ஒன்று சேரலாம்

    கிடைக்கிற சிறு சந்தர்ப்பத்தையும் தன் கருத்துக்களைச் செதுக்கி வைக்கத் தெரிந்த வித்தகராய் தெரிகிறார் கவிஞர். மு.மேத்தா. இசைஞானி இளையராஜா அவர்களின் இன்னிசையும் இதற்கு ஏற்ற களமாய் அமைந்திட மேத்தாவின் கொடி பறக்கிறது.. வேலைக்காரன் படம் முழுவதும்!!

    படம் : வேலைக்காரன்
    பாடல் : வா வா வா கண்ணா
    இசை : இளையராஜா
    பாடலாசிரியர்: மு.மேத்தா
    பாடியவர்கள் : சித்ரா, மனோ

    வா வா வா கண்ணா வா
    வா வா வா வா கண்ணா வா
    தா தா தா தா கவிதை தா
    உனக்கொரு சிறுகதை நான் இனிமையில்
    தொடத் தொட தொடர்கதை தான் தனிமையில்
    உனக்கொரு சிறுகதை நான்
    தொடத் தொட தொடர்கதை தான்
    உருகி உருகி இதைப் படித்திட
    வா வா வா வா கண்ணா வா
    வா வா வா

    வானில் காணும் வானவில்லின் வண்ணம் ஏழு வண்ணமோ
    தோகை உந்தன் தேகம் சூட மேகமாலை பின்னுமோ
    காணும் இந்த பூக்கள் மேலே காயம் என்ன காயமோ
    காற்சலங்கையோடு வண்டு பாடிச் சென்ற மாயமோ
    நூறு நூறு தீபமாய் வானில் அங்கு கார்த்திகை
    வாழும் காதல் சின்னமாய் ஆகும் எங்கள் யாத்திரை
    நாலு கண்கள் பாதை போட
    நாகரீகம் தொடர்ந்தது

    வா வா வா வா கண்ணா வா
    தா தா தா தா கவிதை தா
    எனக்கொரு சிறுகதை நீ இனிமையில்
    தொடத் தொட தொடர்கதை நீ தனிமையில்
    எனக்கொரு சிறுகதை நீ
    தொடத் தொட தொடர்கதை நீ
    உருகி உருகி உனைப் படித்திட
    வா வா வா அன்பே வா
    வா வா வா

    ஆசையோடு பேச வேண்டும் ஆயுள் இங்கு கொஞ்சமே
    ஆவலாக வந்த பின்னும் தஞ்சம் இந்த நெஞ்சமே
    ஆசை கொண்ட தேகம் ரெண்டு நீதி மன்றம் போகுமே
    பேசத் தேவை இல்லை என்றே அங்கு தீர்ப்பு ஆகுமே
    ராக வீணை போலவே நானும் வந்து போகவோ
    தேகம் வீணை ஆகவே தேவ கீதம் பாடவோ
    நானும் நீயும் காதல் கைதி
    எண்ண எண்ண இனிக்குது

    வா வா வா அன்பே வா
    தா தா தா அமுதம் தா

    காளிதாசன் காண வேண்டும் காவியங்கள் சொல்லுவான்
    கம்ப நாடன் உன்னை கண்டு சீதை என்று துள்ளுவான்
    ஷாஜஹானை பார்த்ததில்லை நானும் உன்னை பார்க்கிறேன்
    தாகம் கொண்ட தேகம் ஒன்று பாடும் பாடல் கேட்கிறேன்
    தாஜ்மஹாலின் காதிலே ராம காதை கூறலாம்
    மாறும் இந்த பூமியில் மதங்கள் ஒன்று சேரலாம்
    பாதி நீயும் பாதி நானும்
    ஜோதியாக இணைந்திட

    வா வா வா வா கண்ணா வா
    தா தா தா தா கவிதை தா
    எனக்கொரு சிறுகதை நீ இனிமையில்
    தொடத் தொட தொடர்கதை நீ தனிமையில்
    எனக்கொரு சிறுகதை நீ..ஆ..
    தொடத் தொட தொடர்கதை நீ..
    உருகி உருகி உனைப் படித்திட
    வா வா வா அன்பே வா
    வா வா வா

    Share

  • நீங்க நல்லாயிருக்கோணும் நாடு முன்னேற – புலவர் புலமைப்பித்தன்

    நீங்கநல்லாஇருக்கோணும் …..

    தமிழக வரலாற்றில் திரைத்துறையும் அரசியலும் இரண்டறக் கலந்திருப்பதற்கு இந்த பாடலும் சாட்சி சொல்லும்! புரட்சித்தலைவர் என்கிற பொன்மனச்செம்மல் மருத்துவமனையில் உயிருக்காக போராடிக்கொண்டிருந்த போது இந்தப்பாடல் மக்களின் பிரார்த்தனை கீதமானது! இன மதங்களைக் கடந்து எல்லோரும் ஒருமித்த குரலில் இறைவனைத் தொழுதுநின்றார்கள் என்பது ஒன்றிரண்டு அல்ல.. தமிழகமெங்கும்! திரையரங்குகளில் இந்தப்பாடல் எந்தத்திரைப்படம் அங்கே ஓடினாலும் முதலில் இப்பாடல் ஒருமுறை ஒலித்தபின்தான் என்கிற சரித்திரம் எவருக்கு வாய்த்தது.. எம்.ஜி.ஆரைத் தவிர!

    நீங்கநல்லாயிருக்கோணும்நாடுமுன்னேறஇந்தtms
    நாட்டில்உள்ளஏழைகளின்வாழ்வுமுன்னேற
    நீங்கநல்லாயிருக்கோணும்நாடுமுன்னேறஇந்த
    நாட்டில்உள்ளஏழைகளின்வாழ்வுமுன்னேற
    என்றும்நல்லவங்கஎல்லாரும்ஒங்கபின்னாலேநீங்க
    நெனச்சதெல்லாம்நடக்குமுங்ககண்ணுமுன்னாலே
    என்றும்நல்லவங்கஎல்லாரும்ஒங்கபின்னாலேநீங்க
    நெனச்சதெல்லாம்நடக்குமுங்ககண்ணுமுன்னாலே

    · பேரறிஞர் அண்ணாவின் இதயக்கனி என்று பாராட்டப்பெற்ற அவர் நடித்த இத்திரைப்படத்திற்கும் இதயக்கனி என்றே பெயரிட்ட பேறும் அண்ணா அவர்களின் குரலில் இப்படத்திற்கான முன்னுரையும் இடம்பெற்றது.

    · தமிழகத்தைச் செழிப்பாக்க ஓடிவரும் காவிரி நதியின் ஒய்யார அழகை ஒரு திரைப்பாட்டில் தொகையறாவைக் கொண்டு இப்படி வர்ணிக்க முடியும் என்று புலவரின் கைவண்ணம் ஓங்கி ஒலித்திட.. காவிரியின் பெருமைகள் காட்டாற்று வெள்ளமாய் கரைபுரண்டு ஓடிவருவதைப் பாருங்கள்.. அதன் உச்சமாய்.. வாரி வழங்கும் வள்ளல் புகழை ஒப்பிட்டு திரையில் தோன்றிய திருமுகத்தைக் காட்டிய இயக்குனரின் சமார்த்தியம் பாராட்டத்தக்கது!

    தென்னகமாம்இன்பத்திருநாட்டில்மேவியதோர்
    கன்னடத்துக்குடகுமலைக்கனிவயிற்றில்கருவாகி
    தலைக்காவிரிஎன்னும்தாதியிடம்உருவாகி
    ஏர்வீழ்ச்சிகாணாமல்இருக்கசிவசமுத்திர
    நீர்வீழ்ச்சிஎனும்பேரில்நீண்டவரலாறாய்
    வண்ணம்பாடியொருவளர்த்தென்றல்தாலாட்ட
    கண்ணம்பாடிஅணைகடந்துஆடுதாண்டும்காவிரிப்பேர்பெற்று
    அகண்டகாவிரியாய்ப்பின்நடந்து
    கல்லணையில்கொள்ளிடத்தில்காணும்இடமெல்லாம்
    தாவிப்பெருகிவந்துதஞ்சைவளநாட்டைத்
    தாயாகிக்காப்பவளாம்தனிக்கருணைகாவிரிபோல்
    செல்லும்இடமெல்லாம்சீர்பெருக்கித்தேர்நிறுத்தி
    கல்லும்கனியாகும்கருணையால்எல்லோர்க்கும்
    பிள்ளையெனநாளும்பேசவந்தகண்மணியே
    வள்ளலேஎங்கள்வாழ்வேஇதயக்கனி
    எங்கள்இதயக்கனிஇதயக்கனி

    · டி.எம்.செளந்திரராஜன்.. சீர்காழி கோவிந்தராஜன்.. எஸ்.ஜானகி மற்றும் குழுவினரின் கூட்டணியில் மெல்லிசை மன்னர் ஈன்றெடுத்த வெற்றிச்சித்திரமிது!

    · உழைக்கும்தோழர்களேஒன்றுகூடுங்கள்sj
    உலகம்நமதுஎன்றுசிந்துபாடுங்கள்
    மேடுபள்ளம்இல்லாதசமுதாயம்காண
    என்னவழிஎன்றுஎண்ணிப்பாருங்கள்
    அண்ணாசொன்னவழிகண்டுநன்மைதேடுங்கள்

    நீங்கநல்லாயிருக்கோணும்நாடுமுன்னேறஇந்த
    நாடெங்கும்இல்லாமைஇல்லையென்றாக

    சமத்துவ சமுதாய சிந்தனையை.. தன் பாட்டு வரிகளால் ஒருமிக்க.. அதற்கேற்ற காட்சியை இயக்குனர் அமைத்துத் தர ஒட்டுமொத்தமாய் எம்.ஜி.ஆருக்கு புகழை மட்டுமல்ல.. ஓட்டுக்கள் மொத்தத்தையும் அள்ளித்தந்த பாடலிது என்றுகூட சொல்லலாம்!

    பாடுபட்டு்ச்சேர்த்தபொருளைக்கொடுக்கும்போதும்இன்பம்
    வாடும்ஏழைமலர்ந்தமுகத்தைப்பார்க்கும்போதும்இன்பம்
    பேராசையாலேவந்ததுன்பம்சுயநலத்தின்பிள்ளை
    சுயநலமேஇருக்கும்நெஞ்சில்அமைதிஎன்றும்இல்லை
    பேராசையாலேவந்ததுன்பம்சுயநலத்தின்பிள்ளை
    சுயநலமேஇருக்கும்நெஞ்சில்அமைதிஎன்றும்இல்லை
    அமைதிஎன்றும்இல்லை
    காற்றும்நீரும்வானும்நெருப்பும்பொதுவில்இருக்குதுமனிதன்
    காலில்பட்டபூமிமட்டும்பிரிந்துகெடக்குது
    பிரித்துவைத்துப்பார்ப்பதெல்லாம்மனிதர்இதயமேஉலகில்
    பிரிவுமாறிஒருமைவந்தால்அமைதிநிலவுமே .. அமைதிநிலவுமே
    நதியைப்போலநாமும்நடந்துபயன்தரவேண்டும்
    கடலைப்போலேவிரிந்தஇதயம்இருந்திடவேண்டும்
    வானம்போலப்பிறருக்காகஅழுதிடவேண்டும்
    வாழும்வாழ்க்கைஉலகில்என்றும்விளங்கிடவேண்டும்

    ஒற்றைத்திரைப்பாடலில் இத்தனைக் கருத்துக்களா? விழிகள் விரிகின்றன! இதயக்கனிக்காக புலவரின் இதயம் வார்த்த வார்ப்புகளிது!

    http://www.youtube.com/watch?v=Fi_I4UgfOAA

    Share

  • புதியதோர் உலகம் செய்வோம்! – புரட்சிக்கவிஞர் பாரதிதாசன்

    காவிரிமைந்தன்

    atmsபுதுவைதந்த புரட்சிக்கவிஞர் பாரதிதாசன் இயற்றிய கவிதை வரிகள் .. திரைப்படத்திற்காக கையாளப்படும்போது பாடல் வரிகளாக மாறின! இந்தப் பாடலை எம்.ஜி.ஆர் அவர்கள் இரண்டு முறை பயன்படுத்தியிருக்கிறார்! ஆம்.. சந்திரோதயம் திரைப்படத்திலும்.. பல்லாண்டு வாழ்க என்னும் திரையோவியத்திலும்.. சந்திரோதயம் திரைப்படத்தில் மெல்லிசை மன்னரின் இசையில் சீர்காழி கோவிந்தராஜன் அவர்களால் பாடப்பட்ட இப்பாடல் பெற்ற வடிவம் வேறு! பல்லாண்டு வாழ்க திரைப்படத்தில் கே.வி.மகாதேவன் இசையில் டி.எம்.செளந்திரராஜன் பாடிய இப்பாடல் பெற்ற வடிவம் வேறு! ஆக மொத்தம் பாரதிதாசனின் பாடல் ஒன்றிற்கு இசை வடிவங்கள் வெவ்வாறாக அமைந்தபோதும் இரண்டும் வெற்றி பெற்றதை இங்கே குறித்தாக வேண்டும்!

    யுகங்களில் வாழும் கவிஞர்களின் எண்ணங்கள்.. குறுகிய அளவில் இல்லாமல்.. அடுத்தத் தலைமுறைகளையும் எண்ணும் எண்ணமே மிகச் சிறந்தது! அதுவும் புதிய தலைமுறைக்காக கவிஞரின் நெஞ்சம் பூபாளமிசைத்திருக்கிறது பாருங்கள்! புதியதோர் உலகம் செய்வோம் என்று அவரின் சிந்தனை வீச்சு பற்றி மக்கள் எங்கும் பேச்சு!

    புரட்சியின் விளைவுகளாய் ஏற்படும் நன்மைகளின் பட்டியல் பாடலாகிறது! புரட்சித்தலைவர் பாடும் கொள்கை முழக்கத்திற்கு ஊட்டம் கிடைக்கிறது! பொதுவுடைமைக் கொள்கைக்கு ஊட்டம் தரும் உணர்ச்சிமிகு வரிகளால் சமுதாய அக்கறையின் வெளிப்பாடாய் உயர்வுக்கு என்ன வழிகள் என்கிற உத்திகளும் உள்ளடக்கி புதிய உலா வருகிற பாடலாய்.. ஆம்.. விடிவெள்ளிப் பாடலாய்!

    புதியதோர் உலகம் செய்வோம் – கெட்ட barathy
    போரிடும் உலகத்தை வேரொடு சாய்ப்போம்.

    பொதுஉடைமைக் கொள்கை திசையெட்டும் சேர்ப்போம்
    புனிதமோ டதைஎங்கள் உயிரென்று காப்போம்.

    இதயமெலாம் அன்பு நதியினில் நனைப்போம்
    ‘இது எனதெ’ன்னுமோர் கொடுமையைத் தவிர்ப்போம்

    உணர்வெனும் கனலிடை அயர்வினை எரிப்போம்
    ஒருபொருள்தனி’எனும் மனிதரைச் சிரிப்போம்!

    இயல்பொருள் பயன்தர மறுத்திடில் பசிப்போம்
    ஈவதுண்டாம் எனில் அனைவரும் புசிப்போம்

    “புதியதோர் உலகம் செய்வோம் – கெட்ட
    போரிடும் உலகத்தை வேரோடு சாய்ப்போம்
    பொதுவுடைமைக் கொள்கை திசையெட்டும் சேர்ப்போம்
    புனிதமோடதை எங்கள் உயிரென்று காப்போம்
    இதயமெல்லாம் அன்பு நதியினில் நனைப்போம்
    இதுஎனதென்றுமோர் கொடுமையைத் தவிர்ப்போம்”. – பாரதிதாசன்

    Share

  • மண்ணுக்கு மரம் பாரமா?

    —கவிஞர் காவிரிமைந்தன்.

    mannuku maram barama

    தை பிறந்தால் வழி பிறக்கும் திரைப்படத்திற்காக உருவான அனைத்துப் பாடல்களுமே அருமையெனலாம்! திரையிசைத்திலகம் கே.வி.மகாதேவன் இசையமைப்பில் பல்வேறு குரல்களின் வழியே கேட்டு உருகவைக்கிற கானங்கள்! கவிஞர்களும் இத்திரைப்படத்திற்காக அணிவகுத்து எழுதியிருக்க.. இதோ ஒரு பாடல்..கவிஞர் மருதகாசி எழுத்தில்..

    திரைக்கதையைப் பின்னிக்கொண்டு அதைநம்மிடம் சொல்ல வருகிறது! தாய்க்கும் குழந்தைக்கும் உள்ள உறவு பற்றி இப்படி ஒரு தங்கமான பாடல் கிடைத்ததே.. தை பிறந்தால் வழி பிறக்கும் படத்திற்கு கிடைத்த வெற்றி என்பேன்!

    சூழ்நிலையின் காரணமாய் பெற்ற பிள்ளையை பிரிந்து பயணம் கொள்ளும் தாய்.. அவள் மனதில் உள்ள காயங்கள்.. விழிகளில் நீர் ததும்பிக்கிடக்க நடிப்பில் நவரசம் காட்டும் நடிகை திருமதி.ராஜசுலோசனா.. அவர் காணும் காட்சியில் தாயொருத்தி தன் குழந்தையைத் தாலாட்டிப் பாடுகின்ற பாடலாய்..

    வரிவரியாய் வரிந்துகட்டி எழுகின்ற கேள்விகள் எல்லாவற்றிற்கும் இடையில் ஒரு சொந்தம்.. ஒரு பந்தம்.. பிரிக்க முடியாதவை இரண்டை சுட்டிக்காட்டி.. எழுத்துரதத்தை இயல்பாக ஓட்டுகிறார் கவிஞர்.

    இயற்கையான இந்த பந்தங்களை எவரால் மறுத்துச் சொல்ல முடியும்? அதுவும் தாய் தன் சேயை பாரம் எனக் கருத முடியுமா? அன்புசார்ந்த வினாக்கள் அடிமனதைத் தாக்க அன்னையின் இதயம் துடிக்கிறது! தாய்மை என்கிற பேற்றை தந்தது சேயல்லவா.. நீ அதன் தாயல்லவா.. பெற்றதுமட்டும் அங்கே போதுமா? பேணி வளர்த்திட வேண்டாமா? என்கிற தொடர் கேள்விகளுக்கு விடைசொல்ல முடியாமல் அன்னை மனம் படுகிற பாடு..

    எம்.எஸ்.இராஜேஸ்வரி அவர்களின் குரலில் தவழும் இந்த கானம் வெறும் தாலாட்டல்ல! தாய்மையை நோக்கிய கேள்விப்படை!! இனிமை நிறைந்த அந்தக் குரலில் இதயம் நோக்கிவரும் பாடலின் வரிகள் .. அர்த்தமிக்கவை.. ஆழமானவை.. இசையும் கவிதையும்.. துன்பத்தை எடுத்துச் சொல்லும்போதும்.. அதை இனிமை சேர்க்கும் இன்பராகமாய் அமைத்த இசையமைப்பாளர்.. இப் பாடல் கேட்கும்போதெல்லாம் நாம் பெறும் சுகம் கொஞ்சமல்ல!!

    http://youtu.be/c_3KefG0vxQ
    காணொளி: http://youtu.be/c_3KefG0vxQ

     

     

    படம்: தை பிறந்தால் வழி பிறக்கும்
    பாடல்: கவிஞர் மருதகாசி
    இசை: கே.வி.மகாதேவன்
    குரல்: எம்.எஸ்.இராஜேஸ்வரி

    Marudhakasi_Book Reading Posem s rajeswzriK.-V.-Mahadevan-Songs thaipiranthal

    மண்ணுக்கு மரம் பாரமா
    மரத்துக்கு இலை பாரமா
    கொடிக்கு காய் பாரமா – பெற்றெடுத்த
    குழந்தை தாய்க்கு பாரமா

    வாடியே நாளெல்லாம் வருந்தி வருந்தி தவமிருந்து
    தேடிய நாள் தன்னில் செல்வமாய் வந்தவளே
    மலடி மலடி என்று வையகத்தார் ஏசாமல்
    தாயென்ற பெருமைதனை மனம் குளிர தந்தவளே
    கொடிக்கு காய் பாரமா – பெற்றெடுத்த
    குழந்தை தாய்க்கு பாரமா
    [மண்ணுக்கு மரம் பாரமா]

    அழுதால் அரும்புதிரும் அன்னாந்தால் பொன்னுதிரும்
    சிரித்தால் முத்துதிரும் வாய் திறந்தால் தேனுதிரும்
    பிள்ளையை பெற்று விட்டால் போதுமா
    பேணி வளர்க்க வேண்டும் தெரியுமா
    அல்லலை கண்டு மனசு அஞ்சுமா
    குழந்தை அழுவதை கேட்டு மனசு விஞ்சுமா
    [மண்ணுக்கு மரம் பாரமா]

    Share

  • மயக்கும் மாலைப் பொழுதே நீ போ.. போ…  – கவிஞர் விந்தன்

    காவிரி மைந்தன்

     vindhan

    நினைக்கும் போதே இனிக்கும் பல்லவி…  கூண்டுக்கிளி திரைப்படத்திற்காக கவிஞர் விந்தன் அவர்கள் எழுதிய இந்தப் பாடல்… இருபெரும் கதாநாயகர்கள் – எம்.ஜி..ஆர்., சிவாஜி இருவருக்குள் எவர் இடம் பெறும் பாடலாய் திரையில் தருவது என்கிற கேள்வி எழவே, தவிர்க்க வேண்டிய பாடலானது. அப்படத்தின் இயக்குனர் டி ஆர். ராமண்ணா அவர்கள் அடுத்து இயக்கிய குலேபகாவலி திரைப்படத்தில் மக்கள் திலகம் எம்.ஜி. ஆர்.  – ஜி. வரலட்சுமி நடிப்பில் இப்பாடலைப் பயன்படுத்தினார்கள் என்பது தகவல்.

    மென்மை மட்டுமே வார்த்தைப் பூக்களாய் விரிந்து கிடக்கும் இப்பாடலில் இனிமை முழுமையாய் பரவிக் கிடைக்கிற அதிசயம் நம்மை இப்பாடலில் அடிமையாக்குகிறது பாருங்கள். குலேபகாவலி திரைப்படத்திற்கு இசை மெல்லிசை மன்னர்கள் விஸ்வநாதன் ராமமூர்த்தி என்றிருந்தாலும் கூண்டுக்கிளி தந்த பாடல் இது என்பதால் இதன் இசை திரையிசைத் திலகம் கே.வி. மகாதேவன் அவர்களையே சாரும்.   குரலில் அமுதம் பொழியும் இரண்டு குயில்கள் ஜிக்கி, ஏ.எம்.ராஜா …

    மகுடியின் முன் நாகங்கள் போல் ..புன்னாகவராளி ராகமோ என்று நம்மை திகைக்க வைக்கும் ஒரு மயக்கத்தை இசை அமைப்பாளர் இப்பாடலில் கையாண்டிருக்கிறார்.  இரவின் மடியில் கேட்க இதைவிட இனிமையான பாடல் எங்கே?

    பார்த்திபன் கனவிற்காக கவிஞர் விந்தன் எழுதிய “இதய வானில் உதய நிலவே எங்கே போகிறாய்” .. அடடா.. இதே போல் இனிமையான கானம் அல்லவா?  பிறகு எப்படி.. இந்தக் கவிஞர் பிரபலம் ஆகவில்லை என்கிற ஏக்கம் பற்றிகொள்கிறது.

    கனிந்த சொற்களின் கவிதை மொழியினை கைவரப் பெற்றவர் இன்னும் இன்னும் பல இனிமையான பாடல்களை எழுதியிருக்கலாமே..

    ஜி. வரலட்சுமி அவர்களின் பேசும் விழிகளும் மக்கள் திலகத்தின் துள்ளல் நடிப்பும் இன்பம் சேர்க்கின்றன.

     kulebagavali

    ஆஆ… ஆஆஆஆஆஆஆ ஆஆஆ..

    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா
    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா

    பன்னீர் தெளிக்க பனி பெய்யுமே
    பசும்புல் படுக்கப் பாய் போடுமே
    பன்னீர் தெளிக்க பனி பெய்யுமே
    பசும்புல் படுக்கப் பாய் போடுமே

    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா

    ஆஆஆஆ ஆஆஆ ஆஆஆ ஆஆஆஆ
    ஆஆஆ ஆஆஆ ஆஆஆஆஆ

    பாலூட்டும் நிலவு தேனூட்டுமே
    பாடும் தென்றல் தாலாடுமே
    பாலூட்டும் நிலவு தேனூட்டுமே
    பாடும் தென்றல் தாலாடுமே
    புன்னை மலர்கள் அன்பினாலே
    புன்னை மலர்கள் அன்பினாலே
    போடும் போர்வை தன்னாலே
    போடும் போர்வை தன்னாலே

    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா

    ஆஆஆஆ ஆஆஆ ஆஆஆ ஆஆஆஆ
    ஆஆஆ ஆஆஆ ஆஆஆஆஆ

    கனியிதழ் காதல் பசி தீர்க்குமே
    காண்போம் பேரின்பமே
    கனியிதழ் காதல் பசி தீர்க்குமே
    காண்போம் பேரின்பமே
    வானிலும் ஏது வாழ்விது போலே
    வசந்தமே இனி எந்நாளும்
    வானிலும் ஏது வாழ்விது போலே
    வசந்தமே இனி எந்நாளும்

    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா
    மயக்கும் மாலைப் பொழுதே நீ போ போ
    இனிக்கும் இன்ப இரவே நீ வா வா
    இன்னலைத் தீர்க்க வா

    ஆஆஆஆ ஆஆஆஆஆஆஆ

    http://www.youtube.com/watch?v=g-MZUdwH9hg

    Share

  • ஞாயிறு ஒளிமழையில் …

    — கவிஞர்  காவிரிமைந்தன்.

    kamalahasan

     

    அழகியல்தன்னைப் படம்பிடிக்க நினையாதோர் யார்? இயற்கையின் படைப்பினில்தான் எத்தனை எத்தனை அழகு? இயற்கையை ரசிக்காத கலைஞன் இருக்க முடியுமா? அவன் கவிஞனாகவும் முடியுமா? இந்தக் கலவையின் பிரதிபிம்பம் .. ஆம்.. இயற்கையையும் தன் காதலியையும் இணைத்து கவிதைநடைபயில எழுத்துவடிவம் தந்திருக்கிறார் கவிஞர் நேதாஜி.

    GDevarajanஇசைவடிவம் தந்திருப்பவர் தேவராஜன். பாடியவர் உலக நாயகன் கமலஹாசன் என்பது மட்டுமல்ல.. அவர் பாடிய முதல் பாடல் என்பதும் இனிய சேதியாகும்.

    இளமையின் வனப்பை எடுத்துக்காட்டி அதை இயற்கையில் நனைத்திடும் புதிய பாணி பல்லவியாய் துவங்குகிறது.

    ஞாயிறு திங்களுடன் நடத்தும் பவனியிது. நாயகனின் உள்ளமெங்கும் ஊறித்திளைக்கும் அவன் நினைவுகள் நீராடிவரும் அழகைப் பாருங்கள்.. சரணங்களில்..

    முக்தா ஸ்ரீனிவாசன் இயக்கத்தில் அந்தரங்கம் திரைப்படத்தில் கமல்ஹாசனின் மிளிரும் நடிப்பில் இது ஒரு வெற்றிபெற்றப் பாடலாக…

    http://youtu.be/ROaQotQM1FM
    காணொளி: http://youtu.be/ROaQotQM1FM

     

    திரைப் படம்: அந்தரங்கம்
    பாடல்: கவிஞர் நேதாஜி
    இசை: ஜி தேவராஜன்
    குரல்: கமல்
    நடிப்பு: கமல், தீபா
    இயக்கம்: முக்தா S ஸ்ரீனிவாசன்
    ……………………………………………………………

    ஞாயிறு ஒளி மழையில்
    திங்கள் குளிக்க வந்தாள்
    நான் அவள் பூ உடலில்
    புது அழகினைப் படைக்க வந்தேன்

    ஞாயிறு ஒளி மழையில்
    திங்கள் குளிக்க வந்தாள்
    நான் அவள் பூ உடலில்
    புது அழகினைப் படைக்க வந்தேன்
    ஞாயிறு ஒளி மழையில்

    உலகெங்கும் பொங்கித் ததும்பும்
    அழகெந்தன் ஆணைக்கடங்கும்
    அங்கங்கு மெருகு படியும்
    அங்கங்கள் ஜாலம் புரியும்
    அங்கங்கள் ஜாலம் புரியும்

    ஞாயிறு ஒளி மழையில்
    திங்கள் குளிக்க வந்தாள்

    மன்மதனும் ரதியும் உன்னால்
    பொன் வதனம் பெற்றதென்னாள்
    ஊர்வசியும் இங்கு வந்தாள்
    பேரழகை வாங்கிச் சென்றாள்
    பேரழகை வாங்கிச் சென்றாள்

    ஞாயிறு ஒளி மழையில்
    திங்கள் குளிக்க வந்தாள்

    தங்கங்கள் இங்கு வருக
    தரம் இன்னும் அதிகம் பெறுக
    வைரங்கள் நம்பி வருக
    புது வடிவம் தாங்கிப் பொலிக
    புது வடிவம் தாங்கிப் பொலிக

    ஞாயிறு ஒளி மழையில்
    திங்கள் குளிக்க வந்தாள்
    நான் அவள் பூ உடலில்
    புது அழகினைப் படைக்க வந்தேன்
    ஞாயிறு ஒளி மழையில்

     

     

    Share

  • வான் நிலா நிலா அல்ல.. – உன் வாலிபம் நிலா..-

    கவிஞர் காவிரிமைந்தன்

     

    வான் நிலா நிலா அல்ல.. உன் வாலிபம் நிலா..

    கவிதாலயா நிறுவனத்தின் சார்பில் கே.பாலச்சந்தர் அவர்களின் இயக்கத்தில் வெளிவந்த படங்கள் பல. அவற்றுள் பட்டிணப்பிரவேசமும் ஒன்று! கவிதையும் இசையும் கைகுலுக்கும்! தரமான பாடல்கள் விருந்தாய் ரசிகர்களுக்குக் கிடைக்கும்! பாலச்சந்தர் அவர்களே பலமுறை சொன்னதுபோல் பாலச்சந்தரின் படங்கள் ஒருவேளை தோல்வி அடைந்திருக்கலாம். ஆனால், திரைப் பாடல்கள் எப்போதுமே வெற்றியடைந்திருக்கின்றன! அந்த வரிசையில் இதோ பட்டிணப்பிரவேசம்! பாலச்சந்தர் அவர்களுக்காகப் பாடல் எழுதுவதென்பது – தனி அலாதி! கண்ணதாசன் – ஒவ்வொரு முறையும் தேர்வினைச் சந்திப்பது போலிருக்கும் என்பார்! புதுமை, யுக்தி, அர்த்தங்கள்..ஆழங்கள்.. இவை யாவும் முத்திரை பதித்த பாடல்கள் பல நாம் கேட்டிருக்கிறோம். அவை உருவாகிடும் கட்டங்கள் எத்தனை சுவையானவை தெரியுமா?

    இயக்குனரும் இசை அமைப்பாளரும் அமர்ந்து பாடலின் பின்னணி பற்றிச் சொல்லி மெட்டமைக்கத் தொடங்குவார்கள். இதோ மெல்லிசை மன்னர் எம்.எஸ்.விஸ்வநாதன் அவர்களுடன் கே. பாலச்சந்தர். கதையின் சூழல், பாத்திரங்களின் பின்னணி இவை கதையை அடுத்த கட்டத்திற்கு எடுத்துச் செல்ல வலிமையான சாதனம் பாடல் என்கிற அடிப்படையில்.. உருவாக்கம் தொடங்குகிறது. சையின் வலிமை என்னவென்று அந்த இறைவனுக்கும் தெரியும் என்பார்! விஸ்வநாதன் விரல்கள் ஆர்மோனியத்தில் நர்த்தனமாட பிறக்கிறது ஒரு புதிய மெட்டு! அடடா.. அடடா.. என்றே அதை ஆமோதிக்கிறார் இயக்குனர் பாலச்சந்தர். இதற்கு அப்படியே வார்த்தைகளை இன்று கவிஞரிடம் பெற்றுவிட வேண்டும் என்று முடிவு செய்கின்றனர். அதே நேரத்தில் கவிஞரும் வந்து சேர்கிறார்! தானமைத்த மெட்டை எம்.எஸ்.வி. (M – Stands for MUSIC, S – Stands for Sound and V – Stands for Voice) பாடிக்காட்டுகிறார்!

    நா..ந..ந..ந..ந..நன்னா.. நா..நா..நா..நா..
    நா..ந..ந..ந..ந..ந… நன்னா நன்னா..
    இப்படிப் போகிறது மெட்டு! கவிஞர் கேட்டுக்கொள்கிறார். என்னடா நீ பாட்டுக்கு நா.. நா.. என்று இழுத்துக் கொண்டே போறே.. என்ன அர்த்தம்? சரியா சந்தம் கொடு என்கிறார். இயக்குனரும் இசையமைப்பாளரும் தங்கள் நிலையில் இருந்து மாறாமல்.. பாட்டுக்கிடைக்கவில்லையே என்கிற அவஸ்தையில்.. கவிஞரை சீண்டிவிட்டாவது.. பாட்டு எழுதி வாங்கிவிட வேண்டுமென .. என்ன கவிஞரே..இந்த மெட்டுக்கெல்லாம் பாட்டெழுதிடலன்னா.. நீயெல்லாம் ஒரு கவிஞரா? எனத் தூண்டி விடுகிறார் மெல்லிசை மன்னர்.

    கவிஞர் சந்தத்தை மாற்றிக் கேட்டபடி.. ‘நா’ என்பதற்குப் பதிலாக..
    ‘ல’ என மாற்றிப் பாடிக் காட்டுகிறார். அவ்வளவுதான்..
    வான் நிலா.. நிலா.. அல்ல.. உன் வாலிபம் நிலா..
    பாடல் முழுவதும் உருப்பெறுகிறது .. கங்கை வெள்ளம் போல..

    கட்டிலா .. தொட்டிலா.. மொட்டிலா..
    எண்ணிலா ஆசைகள் கொண்டதே அதைச் சொல்வாய் வெண்ணிலா!
    பம்மலில் நடைபெற்ற கண்ணதாசன் தமிழ்ச்சங்கத்தின் இரண்டாம் ஆண்டுவிழாவில் 11.07.1993 அன்று முதல் முறையாக ‘கண்ணதாசன் விருது’ பெற்ற மெல்லிசை மன்னர் எம்.எஸ்.விஸ்வநாதன் அவர்கள் வழங்கிய ஏற்புரை.. முக்கனி விருந்தைப்போல் இனிப்பானது! ஆம்.. அவர் ஏற்புரையை மட்டும் வழங்கவில்லை.. அதனை இசையுரையாய் அமைத்துத் தந்தார்! மக்கள் வெள்ளம் மகிழ்ச்சிக் கடலில் மூழ்கியது!

    அப்போது இந்தப் பாடல் பிறந்த கதைபற்றி (மேலே குறிப்பிட்ட விஷயத்தைப் பகிர்ந்தார்) முன்னுரை தந்து இந்தப் பாடலை மேடையில் வழங்கினார்.
    மேலும்.. இப்பாடலில் Father in law, Mother in law, Sister in law மட்டும்தான் இல்லை என்று நயமாக குறிப்பிட்டார்.
    எந்தப் பாடலையும் தன் சொந்தப்பாடலாக்கும் வல்லமை கொண்ட எஸ்.பி.பால சுப்பிரமணியம் குறிப்பாக இந்தப் பாடலைக் கொஞ்சியபடி பாடும் விதம் அசத்தலானது! அருமையானது! ஒவ்வொரு மேடைநிகழ்ச்சியிலும் இந்தப் பாடல் அனைவரது விருப்பப்பாடலாய்! ஆம் .. இன்றைக்கும் நமக்கான நேயர் விருப்பமாய் ஒலிக்கிறது!

    பாடல் பிரபலமான சமயம்.. மறைந்த ஆந்திரமுதல்வர் என்.டி.ராமாராவ் அவர்களுக்கு இந்தப் பாடல் மிகவும் பிடித்துப்போக .. அவர் நடித்த தெலுங்கு திரைப்படம் ஒன்றில் இதே இசைக் கோர்வையோடு இடம்பெற்ற செய்தியும் உண்டு!ள

    வான் நிலா நிலா அல்ல – உன் வாலிபம் நிலா
    தேன் நிலா எனும் நிலா – என் தேவியின் நிலா
    நீயில்லாத நாளெல்லாம் – நான் தேய்ந்த வெண்ணிலா
    மானிலாத ஊரிலே சாயல் கண்ணிலா?
    பூவிலாத மண்ணிலே ஜாடை பெண்ணிலா?

    (வான் நிலா நிலா அல்ல)

    தெய்வம் கல்லிலா? – ஒரு தோகையின் சொல்லிலா?
    பொன்னிலா? பொட்டிலா? புன்னகை மொட்டிலா?
    அவள் காட்டும் அன்பிலா?
    இன்பம் கட்டிலா அவள் தேகக் கட்டிலா?
    தீதிலா காதலா ஊடலா கூடலா?
    அவள் மீட்டும் பண்ணிலா?

    (வான் நிலா நிலா அல்ல)

    வாழ்க்கை வழியிலா? ஒரு மங்கையின் ஒளியிலா?
    ஊரிலா? நாட்டிலா? ஆனந்தம் வீட்டிலா?
    அவள் நெஞ்சின் ஏட்டிலா?
    சொந்தம் இருளிலா? ஒரு பூவையின் அருளிலா?
    எண்ணிலா ஆசைகள் என்னிலா கொண்டது ஏன்?
    அதைச் சொல்வாய் வெண்ணிலா!

    (வான் நிலா நிலா அல்ல)

    படம்: பட்டிணப் பிரவேசம்
    இசை: M.S.விஸ்வநாதன்
    பாடல்: கண்ணதாசன்
    பாடியவர்: S.P.பாலசுப்ரமணியம்

    Share