தமிழர்கள் போற்றிய, நம் உயிரோடும் உணர்வோடும் கலந்த உன்னதக் காதல் காட்சிகள் சிலவற்றை நினைவுகூர்வோம், நெஞ்சில் ஏந்துவோம்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
Category: நுண்கலைகள்
நிழற்படம்,நுண்கலைகள்
-
தொழிலாளர் துறைக்குப் புகார் அனுப்புவது எப்படி? – A Tutorial on sending complaints to Labour Department
அண்ணாகண்ணன்
A Tutorial on sending complaints to Tamilnadu Labour Department.
பணி நீக்கமா? ஊதியக் குறைப்பா? விடுப்பு மறுப்பா? கூடுதல் பணிச் சுமையா? வருகைப் பதிவேடுகளை முறையாகப் பராமரிக்கவில்லையா? பணியிடத்தில் பாலியல் துன்புறுத்தலா? வருங்கால வைப்புநிதி, காப்பீடு இல்லையா? பணிப் பாதுகாப்பை வழங்கவில்லையா? கையூட்டுச் சிக்கலா? உங்கள் நிறுவனத்தில் உங்களுக்கு எந்தச் சிக்கல் ஏற்பட்டாலும் தொழிலாளர் துறைக்குப் புகார் அனுப்பலாம். எந்தத் தளத்தில், எந்தப் பக்கத்தில், படிவத்தில், எவ்வாறு புகார் அனுப்புவது என்பதை இந்தப் பதிவில் பாருங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
படக்கவிதைப் போட்டி – 260
அன்பிற்கினிய நண்பர்களே!
கவனத்தை ஈர்க்கும் காட்சி ஒன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் ஆற்றல் கொண்டவரா நீங்கள்?
ராமலக்ஷ்மி எடுத்த இந்தப் படத்தை, வல்லமை ஃப்ளிக்கர் குழுமத்திலிருந்து தேர்ந்தெடுத்து வழங்கியுள்ளோம். இந்தப் படத்திற்கு ஒரு கவிதை எழுதுங்கள்.
இந்த ஒளிப்படத்திற்கு ஏற்ற கவிதையை, 24 வரிகளுக்குள் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் ஞாயிற்றுக்கிழமை (31.05.2020) வரை, உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர் குழு உறுப்பினரும் தமிழிலக்கிய ஆராய்ச்சியாளருமான மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு, ஏற்கெனவே சிறந்த கவிஞராகத் தேர்ந்தெடுக்கப் பெற்றவர்களுக்கும் உண்டு.
ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.
போட்டியின் நடுவரான திருமதி மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச் சங்கப் பேரவையின் (FeTNA) 2008, 2009, 2014, 2016ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுகளும் பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடை பவளம்
-
படக்கவிதைப் போட்டி 259இன் முடிவுகள்
-மேகலா இராமமூர்த்தி
அழகிய ஆட்டுக்குட்டிகளை தம் ஒளிப்படத்தில் காட்சிப்படுத்தியிருப்பவர் திருமிகு நித்தி ஆனந்த். இந்தப் படத்தை வல்லமை பிளிக்கர் குழுமத்திலிருந்து தேர்வுசெய்து படக்கவிதைப் போட்டிக்கு அளித்திருப்பவர் திருமிகு ராமலக்ஷ்மி. இவர்கள் இருவரும் என் நன்றிக்கு உரியவர்கள்!
ஆட்டுக்குட்டிகளின் இளங்கழுத்தை இறுக்கி வதைக்கும் கயிற்றைக் காண்கையில் நம் மனம் பதைக்கின்றது. இவற்றின் எதிர்காலம் குறித்த அச்சத்தை அது விதைக்கின்றது. இலையும் தழையும் கிடைத்தாலும் தலைக்கு ஆபத்து எப்போது வருமோ எனும் அச்சத்தோடு வாழும் நிலையில் உயிர்களுக்கு நிறைவேது? நிம்மதியேது?
இந்தப் படம் நம் கவிஞர்களின் உளத்துள் எத்தகைய எண்ணங்களைக் கிளர்ந்தெழச் செய்திருக்கின்றது என்பதை அவர்கள் கவிதைவழி அளந்தறிவோம் வாருங்கள்!
*****
”ஆட்டை வளர்த்து அதன் உயிரைப் போக்குகின்ற கேட்டைச் செய்யும் மனிதரை யார் கேள்வி கேட்பது?” என்று ஆதங்கத்தோடு வினவுகின்றார் திரு. செண்பக ஜெகதீசன்.
ஆட்டுக் குட்டிகளாய்…
ஆட்டை வளர்ப்பான் அறுத்திடவே
அதிக விலைக்கு விற்றிடவே,
கேட்டைத் தந்திடும் இச்செயலைக்
கேட்க ஆளிலை அவனியிலே,
ஆட்டுக் குட்டிகள் அறியாமல்
அவனை நம்பி யிருக்கின்றன,
காட்டும் இலைகளில் மயங்கிடுதல்
காணலா மின்று மனிதரிலே…!*****
”மானுடரே! கறுப்பு ஆடு, முள் குத்திற்று என்று தம் தவற்றுக்கெல்லாம் பிறர்மேல் களங்கம் சுமத்தும் கலையை எங்குக் கற்றீர்? எம் இனத்தின்மீது சுமத்திய வீண்பழியை ஒழிப்பீர்!” என்று கலகக்குரல் எழுப்பும் ஆட்டைத் தன் முதல் கவிதையில் காட்டுகின்ற திரு. சீ. காந்திமதிநாதன், தம்முடைய மற்றொரு கவிதையில், ”மனிதர்களே! தீநுண்மித் தொற்றுநோய் முடியும் வரையிலாவது என் ஊன்மீது கொண்ட பற்றினை ஒழிக்கலாகாதா? என்று பரிதாபமாய்க் கேட்கும் ஆட்டின் குரலைப் பதிவுசெய்திருக்கின்றார்.
கறுப்பு நிற ஆட்டின் முறையீடு:
இள ஆடும் பயம் அறியாது
நல விரும்பியாக நீயிரு
குலம் செழிக்க வாழ்த்துவேன்
பலம் பெற்ற காளிதாசன் பாட்டால்ஆட்டை மேய்த்தவனின் பாட்டை
நாட்டை ஆண்டவனின் கோட்டை
கோட்டை விடாது கொண்டதால்
பாட்டுடைக் கவியோ நாட்டுடைமைஆடென எள்ளி நகை ஆடாதே – நாங்கள்
நாடாண்ட பரம்பரை சிந்தி!வணிகத்தில் புகுந்தது
ஆங்கிலேயக் கறுப்பு ஆடு
கணித சாஸ்திரக் கலாசாரம்
கண்டதோ கறுப்பு ஏடு!மனிதநேய பாரத
பலமே ஆனது கேடு!தனித்தனி பிரித்தாளும் சூழ்ச்சி
பாரதத்தில் வெள்ளையன் ஆட்சி!கோட்டையைக் கோட்டைவிட்ட
ஒற்றுமை யின்மைக்கு
வைத்துக் கொண்டதோ
கறுப்பு ஆடென
என் இனப் பெயர்
தீராத பழியப்பாஇனத்தை அழிப்பது பாவம்
இனத்தைப் பழிப்பதோ மகாபாவம்!வாயில்லா ஜீவன் என்பதால்
வழக்காட இயலவில்லைஉலக மனித உரிமைக்
கழகம் இருந்தும்
கலகம் செய்யும்
இனப் படுகொலையைத்
தடுக்க முடியலையே!களங்கம் சுமத்தும்
கலை எங்குக் கற்றீர்?முள் குத்திற்று
கள்ள ரயில்
கல் தடுக்கிற்று
கறுப்பு பணம்
கறுப்பு ஆடுமானிடா என்று நீ
உன்னை உன்னுள்
தேட முயலுகிறாயோ
அன்று தான்
வீண்பழி சுமத்த மாட்டாய்!தன் பழி தாங்கிட முடியும்
பலிகடா வாகிய என்னால்
என் இனப்பழி முடியலை
அதனாலே இந்த முறையீடு*****
கருணை மனு….
தேசப் பிதாவிற்குப் பால் கொடுத்தேன்
உனக்கோ தோள் கொடுக்கிறேன்
என் தோல் நீ உரிக்கலாமா?உன் நலன் என் நலன்
உன்றனக்குத் தெரியுமா?நெல்லை என்றால் அல்வா
தில்லை என்றால் நடராசர்
முல்லை என்றால் பாரி
எல்லை என்றால் கண்காணிப்புசைவம் என்றால் காய்கறி
அசைவம் என்றால் நானா?என் கொழுப்பு மனித தேகத்தில்
அதிக நாட்கள் உறையுமாமே!
அதிக உயிர்ப்பலி வாங்குகிற
கொவைட்19 தீநுண்மி நோய்த்தொற்று
அதிக பட்சம் என் ஆயுளோ
மூவாறு ஆண்டுகள் அறிவாயோ?
மூவிரு திங்களாவது தின்னாது
வாயது கையது உன்னைக் கட்டாது
கயிறது என் கழுத்தில் பாவமேஎன் படைப்பு உனதான பின்பு
தின்பதை நிறுத்து என் ஊன்
தீநுண்மி நோய்த்தொற்று
மடியும் வரையில்…*****
”தழைகொடுத்து ஆட்டின் தலைகொய்யும் வஞ்சக எசமானர் போன்றோரே அன்பளிப்புத் தந்து அப்பாவி வாக்காளனை ஏமாற்றி ஓட்டு வாங்கும் அரசியலாளரும்” எனும் நடப்பியலைத் தம் படக்கவிதையில் பொருத்திக் காட்டுகின்றார் திரு. ஸ்ரீதரன் வெங்கடகிருஷ்ணன்.
வாக்காளனுக்கு?
அன்போடு இரண்டு
ஆடுகள் அளவளாவின!ஓராடு சொல்லிற்று,
போராடும் வாழ்க்கை
பிற உயிர்க்கெல்லாம்
நமக்கோ வேளாவேளை
நற்றளிர்கள், பசும்புற்கள்
நாவூறும் இலை தழைகள்!நமது எசமான் இனி
நாம் தொழும் இறை
நினைவில் நீ கொள்
நம்முயிர் பிரியும் வரை!அடுத்திருந்த ஆடு
ஆதங்கத்தோடு
பிதற்றிய ஆட்டின்
பேதைச் செவியில்
உணரும் வண்ணம்
உரக்கச் சொன்னது!இரையும் புல்லும்
இனிதாய்க் கொடுத்து
வளர்ந்த பின்பு
வாளால் கொல்வர்
கழுத்தில் இருக்கும்
கயிறே சாட்சி!சிரத்தைக் கொய்யும்
சிந்தை கொண்டே
ருசிக்கத் தருவர்
புசிக்கப் பலவும்!உணர்ந்த ஆடு
உரைத்தது மெல்ல
உலகில் யாரும்
உளரோ நமைப்போல்?ஏளனத்தோடு எள்ளி
ஏனில்லை உலகில்
இரண்டாம் ஆடு
இரைந்து சொன்னது!அரசியல்வாதியிடம்
அன்பளிப்புப்பணம்
பெற்று வாக்களிக்கும்
பேதை வாக்காளனும்
நம்மினமே, நன்றாக
நீ உணர்வாய்.வரையாட்டிற்குப் புரிந்தது
வாக்காளனுக்கு?*****
”குளிர் காலத்தில் கம்பளியாகிறாய்; கொண்டாட்டங்களில் விருந்தாகின்றாய்” என்று ஆட்டின் அவலநிலைக்கு வருந்தும் திருமிகு சுதா மாதவன், கர்த்தர் உம்மை இரட்சிப்பார் என்று ஆடுகளுக்கு நம்பிக்கையூட்டவும் தவறவில்லை.ஆகாரத்தில் நீங்கள் ஓர் அங்கம்
அசைவப் பிரியர்களுக்குமிரள்கின்ற உன் பார்வை
இப்படியானோமே என்றா?குளிர்காலத்தில் கம்பளியாகிறாய்
கொண்டாட்டங்களில் விருந்தாகிறாய்சாணத்தை உரமாக்கினாய்
பாலினைச் சத்தாக்கினாய்கன்னங்களில் அசைப்போட்டு
மந்தையாய்ச் செல்லும் கூட்டம்வரிசையாய் அழகாய் செல்லும்
உங்கள் ஆட்டு மந்தைக் கூட்டம்கர்த்தரின் கைகளில் நீங்களே…
காத்து ரட்சிப்பர் அவரே
நீர் தாழ்ச்சியடையீர்!!*****
”பலிபீடத்தில் நின்றுகொண்டு பச்சைத் தழையை இச்சையோடு உண்டுகொண்டிருக்கும் நாம் வரவிருக்கும் ஆபத்தை உணரவில்லை” என்று ஆடுகளுக்கும் ஆட்களுக்கும் சேர்த்து இரட்டுறமொழிகின்றார் திரு. வேங்கட ஸ்ரீநிவாசன்!
பலியாடுகள்
உழைப்புக்கேற்ற ஊதியம் இல்லை
பிழைப்புக்கேற்ற தொழிலும் இல்லை
களைத்து ஒதுங்கக் குடிலும் இல்லை
வறுமையைத் தீர்க்க வழியும் இல்லை
போதை தீர்ந்த நேரம் இல்லை
பாதை காணத் திறனும் இல்லை
நாளை குறித்து திட்டம் இல்லை
பிரரைக் குறைசொல்லி வாழ்ந்துவிட்டோம்ஐந்தாண்டுக்கு ஒருமுறை
அதிகாரம் மாற்ற வாய்ப்பிருந்தும் -அதை
ஆயிரம் ஐநூறுக்கு விற்றுவிட்டு
எதிர்காலம் தொலைத்து விட்டோம்…பலிபீடத்தில் நின்றுகொண்டு
பச்சைத்தழை இலைகள் உண்டு
வரும் கொடுமை உணராத
பலியாட்டு மந்தைகள் நாம்…*****
ஆட்டுக்குட்டிகளை வைத்து நாட்டுமக்களுக்கு(ம்) நல்லறிவூட்டியிருக்கின்றார்கள் சிந்தனை வளம்செறிந்த வல்லமைக் கவிஞர்கள்; பாராட்டுக்கள்!
இவ்வாரத்தின் சிறந்த கவிதையாக நான் தெரிவுசெய்திருப்பது அடுத்து வருகின்றது…
தன்னம்பிக்கை!
அம்மாவைக் காணோமே தம்பி – அட
அதற்காயேன் அழவேண்டும் வீணாக வெம்பி?
எம்மா துயர் வந்த போதும் – துணிந்(து)
இருப்போம் நாம் எப்போதும் எம்மையே நம்பி!கண்ணாகக் காத்திட்டாள் அம்மை – நாம்
கவலைகள் இல்லாமல் வாழ்ந்தது உண்மை!
எண்ணாமல் தன் நெஞ்சில் எம்மை – அவள்
எங்கு போய் மாண்டாளோ! எவர் செய்த தீமை?ஆயிரம் துயர் வந்த போதும் – நாம்
அழுவதாற் பயனில்லை கலங்காதே தம்பி!
தாயவள் பாலினி இல்லை – நாம்
தழைகுழை யுண்டுதான் வாழணும் தம்பி!காய்கின்ற வயிற்றுடன் அன்னை – வந்து
கட்டியணைத்துப் பால் தருவாளென்றெண்ணி
சேய்கள் நாம் இனிவாழலாமோ – இல்லை
தேடுவோம் உணவினை முயற்சிகள் பண்ணி!கயிற்றினால் கட்டி வைத்துள்ளார் – நாம்
கட்டினை அறுத்துவிட் டோடுவோம் தம்பி
வயிற்றிலே பசியோடு வாடி – நாம்
வாடவோ வா உடன் சேர்ந்தறுத் தெறிவோம்!துள்ளித் திமிறிடுவோம்நாம் – எங்கள்
சுதந்திரம் காணத் துடித்தெழுவோம் நாம்
அள்ளி அணைத்தவெம் அன்னை – தன்னை
அறுத்தபா தகர்தனை நம்பிடலாமோ?”அன்னை வந்து பால்தருவாளென்று காய்கின்ற வயிற்றுடன் சேய்கள் நாம் இனியும் வாழலாகாது. நாமே முயன்று உணவினைத் தேடுவோம்; அதற்கு முதலில் அன்னையை அறுத்துக் கொலைசெய்த பாதகரிடமிருந்து தப்பிச் செல்வோம்” என்று ஆட்டுக்குட்டிகள் தீட்டும் திட்டத்தைத் தம் பாடலில் அழகாய் வடித்துக் காட்டியிருக்கும் திரு. சித்தி கருணானந்தராஜாவை இவ்வாரத்தின் சிறந்த கவிஞரென்று அறிவித்துப் பாராட்டுகின்றேன்.
-
TN ePass பெறுவது எப்படி? – How to get TN ePass? – A tutorial
அண்ணாகண்ணன்
மாவட்டம் கடந்தும், மாநிலம் கடந்தும் செல்ல வேண்டிய தேவையிருப்போர், கட்டாயமாக தமிழகப் பயண அனுமதிச் சீட்டு (TN ePass) பெறவேண்டும். இதைப் பெறும் வழி தெரியாமல் பலரும் அல்லாடி வருகிறார்கள். இதைப் பைசா செலவில்லாமல், இணையம் வழியாக விண்ணப்பித்துப் பெறுவது எப்படி என்று இந்தப் பதிவில் பாருங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
ஒரு ரூபாய் உடற்பயிற்சி – One Rupee Exercise
ஒரே ரூபாயில் உங்கள் உடலுக்கு வலுவும் பொலிவும் சேர்க்கலாம். உரமும் திறமும் கூட்டலாம். அதுவும் ஒரு ரூபாய் கூடச் செலவில்லாமல். இந்தப் புதிய உடற்பயிற்சியைப் பயில வாருங்கள்.
One Rupee Exercise
You can be fit @ Rs.1
That too without spending a single rupee.
ஒரு ரூபாய் உடற்பயிற்சியை இருவர் சேர்ந்து விளையாட்டுப் போன்று எப்படிச் செய்யலாம்? இந்தப் பதிவில் பாருங்கள்.
How two persons can play together this One Rupee Exercise? Watch here.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
சீர் இயக்கம் எதற்காக? – அண்ணாகண்ணன் உரை
2018 அக்டோபர் 2ஆம் தேதி, மகாத்மா காந்தியின் பிறந்த நாளில், எளிய வாழ்வின்வழி ஏற்றம் என்ற நோக்குடன், சீர் என்ற புதிய இயக்கத்தை உருவாக்கினேன். இதற்கான பேஸ்புக் குழு இங்கே – https://www.facebook.com/groups/558828647883520/சீர் இயக்கம் குறித்தும் எளிய வாழ்வியலுக்கான என் வழிகாட்டிகள் குறித்தும் எளிமையை வாழ்க்கைமுறையாகக் கொள்வது குறித்தும் இந்தக் காணொலியில் விளக்கியிருக்கிறேன்.எளிய வாழ்க்கையில் ஆர்வம் கொண்டோர், இந்தக் குழுவில் இணையுங்கள்.(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan) -
Q&A: Separators in Tamil numbering system
My answer to Devanathan Rengachari on the use of separators in Tamil numbering system.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
அண்ணாகண்ணன் யோசனைகள் 45 – புலம்பெயர் தொழிலாளர் இடர் தீர
நடந்தே கடப்பேன் எனது துயரை என்பது போல, ஒரு முரட்டுத் துணிச்சலுடன் புலம்பெயர் தொழிலாளர்கள் நடக்கத் தொடங்கியுள்ளனர். அவர்களின் முடிவு சரிதானா? அவர்களுக்கு அரசு என்ன செய்ய வேண்டும்? இந்தச் சிக்கலுக்கு எனது தீர்வு இங்கே.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
அண்ணாகண்ணன் யோசனைகள் 44 – வீட்டிலிருந்தே உற்பத்தி, வீட்டிலிருந்தே சேவைகள்
ஊரடங்கால், பொது முடக்கத்தால் நாம் வீட்டில் முடங்கித்தான் கிடக்க வேண்டுமா? பணியாற்ற முடியாதா? பொருளீட்ட முடியாதா? வீட்டிலிருந்தே வேலை என்பது போல, வீட்டிலிருந்தே நம்மால் பொருட்களை உற்பத்தி செய்ய முடியும், வீட்டிலிருந்தே சேவைகள் வழங்க முடியும். பொருளாதாரச் சுணக்கம் கண்டுள்ள இந்தியாவின் அடிப்படைச் சிக்கலுக்கு எனது தீர்வு இங்கே.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
படக்கவிதைப் போட்டி – 259
அன்பிற்கினிய நண்பர்களே!
கவனத்தை ஈர்க்கும் காட்சி ஒன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் ஆற்றல் கொண்டவரா நீங்கள்?
நித்தி ஆனந்த் எடுத்த இந்தப் படத்தை, வல்லமை ஃப்ளிக்கர் குழுமத்திலிருந்து ராமலக்ஷ்மி தேர்ந்தெடுத்து வழங்கியுள்ளார். இந்தப் படத்திற்கு ஒரு கவிதை எழுதுங்கள்.
இந்த ஒளிப்படத்திற்கு ஏற்ற கவிதையை, 24 வரிகளுக்குள் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் ஞாயிற்றுக்கிழமை (24.05.2020) வரை, உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர் குழு உறுப்பினரும் தமிழிலக்கிய ஆராய்ச்சியாளருமான மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு, ஏற்கெனவே சிறந்த கவிஞராகத் தேர்ந்தெடுக்கப் பெற்றவர்களுக்கும் உண்டு.
ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.
போட்டியின் நடுவரான திருமதி மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச் சங்கப் பேரவையின் (FeTNA) 2008, 2009, 2014, 2016ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுகளும் பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடை பவளம்
-
படக்கவிதைப் போட்டி 258இன் முடிவுகள்
-மேகலா இராமமூர்த்தி
தெருவில் நிற்கும் பெற்றத்தை (மாடு) இவ்வாரப் படக்கவிதைப் போட்டிக்குப் படமாகப் பெற்றிருக்கின்றோம். இந்த ஒளிப்படத்தை எடுத்த திருமிகு. ஷாமினிக்கும், இப்படத்தை வல்லமை பிளிக்கர் குழுமத்திலிருந்து தெரிவுசெய்து போட்டிக்கு வழங்கியிருக்கும் திருமிகு. ராமலக்ஷ்மிக்கும் என் நன்றிகளை உரித்தாக்குகின்றேன்.
இந்தப் பசுவின் மருண்ட பார்வையில் தெரிவது என்ன?
கன்றைப் பிரிந்த கலக்கமா?
எசமானரைப் பிரிந்த ஏக்கமா?
வழிமாறி வந்துவிட்ட வருத்தமா?
கவிஞர்களைக் கேட்டு விடையறிவோம்! வாருங்கள்!
*****
மனிதா! நீ இயந்திரத்தை இயக்கிய நாளே இந்திய விவசாயம் கீழிறங்கிய நாள்! என் சாணியே விவசாயத்திற்கு அச்சாணி! அது முறிந்ததால் அல்லவோ உன் உடம்பு விதவிதமாய்ப் பல நோய்கட்கு ஆளானது” என்று மாட்டின்மூலம் மானுடரின் பகுத்தறிவற்ற செயல்களை வகுத்துரைக்கும் திரு. காந்திமதிநாதன், தம்முடைய மற்றொரு கவிதையில் மன்னராட்சியில் மணி நீதிக்கு; மக்களாட்சியிலோ money அநீதிக்கு என்று வார்த்தைகளோடு விளையாடி இன்றைய வாழ்க்கையை விளங்கவைக்கின்றார்.
இந்திய விவசாயின் நிலைமை
இறைவனுக்கு அடுத்து விவசாயியே என
முறைப்படுத்தினான் அறத்தை வள்ளுவன்வள்ளுவன் போற்றிய உழவுத் தொழிலுக்கு
மூடுவிழா நட்த்தி விட்டுவிட்டு
அடிமைத் தொழிலுக்கு பெருநகரம் வந்த
குடிசைவாழ் என் எஜமானரைத் தேடுகிறேன்!விவசாயி விலாசத்தைத் தொலைக்க வைக்க
வகை செய்த பெரியோரே கண்டீர்களா?அவரும் நானும் வானும் நிலவும் போல
நானில்லாது இருளாகிப் போனார்!மண்ணில் ஏர் நின்றால்
என் துணை கைக்கொண்டால்
மண்வளம் செழிக்கும்
மக்கள் நலம் ஜொலிக்கும்என்று எங்களைத் துறந்து விளைநிலத்தில்
இயந்திரத்தை இயக்கிய நாள் …அன்றே
இந்திய விவசாயம் கீழ் இறங்கிய நாள்!
விவசாயியை நீங்கள் மறந்த நாள்
பசுமையோ மண்ணைத் துறந்த நாள்
விவசாயியின் உயர்வைக் கறந்த நாள்!மானிடா கேள்!
நான் சாணி போட்டால் உரமாகி
விவசாயத்திற்கோ அச் சாணி அச்சாணி
என் சாணி மறந்ததால் அச்சாணி முறிந்தது
எண் சாண் உடம்புக்குள் விதவிதமாய் நோயினில்
என் சாணியாய்க் காய்கிறாயே……பயிர்கள்
காய்க்க வேண்டிய விளைநிலமோ மருத்துவமனைகளாய்!மும்மலத்தின் ஏகபோகப் பிரதிநிதியே!
நும் மலமோ துர்நாற்றம்
எம் மலமோ மலர்சூடும்….நீ என்னைப்
பிள்ளையார் பிடிக்கும்போது
சிந்திக்க மறந்தாயே என்ன பிள்ளையப்பா நீ?
ஆமாம்…
யாரப்பா சொன்னா உனக்கு
ஓர ரறிவு அதிகமாமே என்னை விட
அதுவும் பகுத்தறிவாமே…?!
வெளியில் சொல்லாதே
ஓர ரறிவும் எள்ளி நகையாடும்….!*****
நீதிக்கு வீதி
என் தொழுவத்தில் பிறந்தவர்
ஒரு கன்னத்தில் அடித்தால்
மறு கன்னத்தைக் காட்டு என்றார்
அதை ஏன் மறந்தீர் என்றேன்குழல் ஊதிய வண்ணமே கருநிறக்
குழலாள் ராதைக் கண்ணன் பாரதக்
குலம் பாரினுக்குப் பரிசளித்த கீதை
வலம் வராதது ஏன் என்றேன்மன்னனின் மகனால் தேர்க்காலில்
என் இனச் செல்வம் மாண்டதை
மன்னராட்சியிலே நீதி கேட்டதை
மன்னவனே மணி ஓசை கேட்டுமணி கட்டி வைத்து நீதியை
மக்களுக்கும் மாக்களுக்கும்
சமம் என்ற திருநாட்டில்
நீதி கேட்டால் தெரு வீதியில்மன்னராட்சி மணி நீதிக்கு
மக்களாட்சி MONEY அநீதிக்கோ??????*****
”கெடாமலே பட்டணம் சேர்ந்த மனிதர்களோடு கூடவந்த நானோ வீதியில்; அவர்களோ தொற்றுநோய்க்கு அஞ்சி வீட்டுக்குள்! இவர்கள் வாழ்க்கை என்று விடியும்?” என்ற சிந்தனையை அசைபோட்டு நின்றிருக்கும் மாடிது என்கிறார் திரு. செண்பக ஜெகதீசன்.
விடியுமா…
கெட்டும்
பட்டணம் சேர் என்றார்கள்..இவர்கள்
கெடாமலே கெடுவதற்காகப்
பட்டணம் வந்தவர்கள்,
பசுமாடும் கூடப்
பயணம் வந்தது..பட்டண வாழ்க்கை
வழக்கம்போல் ஓடியது
வேகமாய்,
வந்தது கொரோனா
வாழ்வுமுறை மாறியது,
வீட்டுக்குள் மனிதர்கள்
வெறிச்சோடியது வீதி..விதியை எண்ணி
வீதியில் பசுமாடு,
காட்டில் மேய்ந்த
கடந்த காலத்தை அசைபோட்டு..விடியுமா
இவர்கள் வாழ்க்கை…!*****
”தொற்றுநோய் உனைப் பற்றிடாதிருக்கத் தொழுவத்துக்குச் சென்றுவிடு! கால்கடுக்கச் சாலைதனில் நின்றிடாதே” என்று பசுவுக்கு அறிவுறுத்தும் திருமிகு. சுதா மாதவன், ”பசுவதையைத் தடுத்திடவே விதி செய்வோம்! மேதினியில் பசுவினையே காத்திடுவோம்!” என்று மக்களுக்கும் நல்லுரை நவில்கின்றார்.
கன்றினைத் தேடும் உன் பார்வை
கனிவு மட்டுமே அதன் போர்வை
உனையே தான் தேடிவரும் உன் கன்று
சாலையில் நீ நிற்பது நல்லதன்று!கொடிய நோய் உனையும் கொன்றிடாது
தொழுவத்தில் தனித்திருந்து காத்துக் கொள்!
சாலைகளில் திரிந்தலைந்து நிற்பதனால்
நீ சாதிக்கப் போவது என்ன என்ன?பதறிப் போய் உன் எஜமானர் தேடுகின்றார்
பதவிசாய் அவருடனே சென்று விடு
கால்கடுக்கச் சாலைதனில் நின்றிடாதேபசுவதையைத் தடுத்திடவே விதி செய்தோம்
பாரெங்கும் மேதினியில் உனைக் காப்போம்
கோமாதா எங்கள் குலமாதா
என்றுமே நீ ஜகன்மாதாகறவைகள் பின்சென்று கானம் சேர்ந்துண்போம்
பாசுரங்கள் உனைப் பாடித் துதித்திடவே
காமதேனு வடிவினிலே எமைக் காப்பாய்
உலகில் பால் வளமும் ஆறாகப் பெருகச் செய்வாய்*****
”மேய்ச்சல்நிலம் காய்ந்ததென்று புலம்பெயர்ந்து வந்த நாங்கள் அடிமாடாய் அவலம் எய்தி வாழுகின்றோம்; இனி சொந்தமண்ணே சொர்க்கமென்று திரும்புகின்றோம்!” என்றுணர்ந்துரைக்கும் மாட்டைக் காணுகின்றோம் திரு. வேங்கட ஸ்ரீநிவாசனின் கவிதையில்.
அடிமாடு
மேய்ச்சல் நிலம் காய்ந்ததென்று
விளைநிலம் சீர்கெட்டுப் போனதென்று
வயக்காடு வீட்டுமனையானதென்று
ஊரைவிட்டுப் புலம்பெயர்ந்து வந்துவிட்டோம்…வந்த இடம் தந்தமிச்சம் உண்டு வாழ்ந்தோம்
சொந்தமென்று ஏதுமின்றிச் சுற்றி வந்தோம்
பந்துபோல அடிபட்டு ஓடிநின்றோம்
சொந்தமண்ணே சொர்க்கமென்று திரும்புகின்றோம்….உழைப்பதனை உறிஞ்ச விட்டு
உயிர் மட்டும் மிச்சம் கொண்டு
வீடு நோக்கிச் செல்கின்றோம் – இங்கு
அடிமாடாய் வாழுகின்றோம்…மாட்டை வைத்து நல்ல கருத்துள்ள பாட்டுக்களை எழுதியிருக்கும் கவிஞர்களுக்கு என் பாராட்டுக்களைத் தெரிவித்துக் கொள்கின்றேன்.
அடுத்து வருவது இவ்வாரத்தின் சிறந்த கவிதையாகத் தெரிவாகியிருப்பது…
பசுவின் கேள்வி?
பிறந்து வளர் சிறு மழலைகள் – அறிவு
சிறந்து ஒளிர் பெரியீர் இப்பாரில் பலரும்
ருசித்துப் பருகிடப் பால் சுரக்கும் எமக்கு
புசிக்க நற்பசும்புற்கள் அருகி நிலமெங்கும்
நெகிழி சூழ் உலகாக்கி முப்பொழுதும்
மகிழ்ந்தே மிகு கேளிக்கையால் குலவி
மனம் போன போக்கதனில் நிதம் உழலும்
மானிடப் பதர்களே இன்றியமையாதது
நீரும் உழவுமென நெஞ்சில் நிலைநிறுத்தி
நீவிர் மனம் மாறுவது எப்போது ?”மானிடர்களே! மழலையர் முதல் பெரியோர்வரை அனைவரும் பருகிடச் சுவையான பாலளிக்கும் பசுவின்பால் அன்பின்றி பசும்புல்லை அழித்து, நெகிழிகளைப் பெருக்கி, மனம்போன போக்கில் வாழும் நீவிர், உழவின் அருமை உணர்ந்து திருந்துவதெப்போது?” என்று வினவி நிற்கும் பசுவினைத் தம் பாட்டில் காட்டியிருக்கும் திரு. ஸ்ரீதரன் வெங்கடகிருஷ்ணனை இவ்வாரத்தின் சிறந்த கவிஞரென அறிவித்துப் பாராட்டுகின்றேன்.
-
Annakannan Ideas 43: Add Credibility score
Media is running behind breaking news. Many media professionals are publishing stories without proper verification. So many users forwarding them, even without reading in full. How to deal with fake news / message / image / video / memes? Here is my solution.
(To subscribe Annakannan’s channel in YouTube, please click here : http://www.youtube.com/subscription_center?add_user=Annakannan)
-
அண்ணாகண்ணன் யோசனைகள் 42: Fake ID-களைத் தவிர்ப்பது எப்படி?
Fake ID எனப்படுகிற போலிக் கணக்குகளை எப்படிக் கண்டறிவது? எப்படி தவிர்ப்பது? எப்படி தடுப்பது? இதோ என் யோசனை.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
உன் அழகுத் தோட்டத்தில் – ஆர்.எஸ்.மணி கவிதை
இது, கனடா ஆர்.எஸ்.மணி, 2007 மார்ச் 18 அன்று எனக்கு அனுப்பிய கவிதை. அவருடைய “Idle Tears” தொகுப்பிலிருந்து அவரே மொழிபெயர்த்த கவிதை. இந்த ஓவியத்தை வரைந்தவரும் அவரே. இந்தக் கவிதைக்கு இசையமைத்தவரும் அவரே. எனக்கு மிகவும் பிடித்த கவிதை. – அண்ணாகண்ணன்.
இந்தக் கவிதையை ஆர்.எஸ்.மணி குரலில் இங்கே கேட்கலாம்
உன் அழகுத் தோட்டத்தில்
ஒரு மூலையின் ஓரத்தில்
மலராய் நான் பூத்திடுவேன்.உன்னுடைய மென்பாதம்
வேறெங்கோ நடந்தாலும் – என் மனமோ
உன்னையே சுற்றிவரும்.பரந்த உன் வீதியிலே – உன்
கால்பட்ட மண்தரையில்
பாடகனாய்த் திரிந்திடுவேன்.முற்றத்தில் நீஅமர்ந்து
மலர்களைத் தொடுத்தாலும் – என் இசையோ
உனைத் தொட்டு முத்தமிடும்.உன் அழகு மாளிகையில்
ஒரு மூலைப் பிறையினிலே
சிறுவிளக்காய் நானிருப்பேன்கருத்த உன் விழிகளென்னைக்
காணாமல் இருந்தாலும் – நான் அங்கே
காலமெல்லாம் எரிந்திருப்பேன்.