குரோதியிலே ஒளிர் சோதியிலே நற்சேதியிலே வருக!
ஆதியிலே எழு நீதியிலே அடர் போதியிலே வருக!
தேதியிலே பர வீதியிலே சரி பாதியிலே வருக!
நேர்த்தியிலே சுப பூர்த்தியிலே உயர் கீர்த்தியிலே வருக!
இனிய தமிழ்ப் புத்தாண்டு நல்வாழ்த்துகள்!
– அண்ணாகண்ணன்
Tag: தமிழ்ப் புத்தாண்டு
-
குரோதியிலே ஒளிர் சோதியிலே நற்சேதியிலே வருக!
-
அதிசார குருப்பெயர்ச்சிப் பலன்கள் 2022
2022 ஏப்ரல் 14 அன்று நடைபெற்ற அதிசார குருப்பெயர்ச்சி, உங்களுக்கு எப்படி இருக்கும்? 12 ராசிகளுக்கும் விரிவான பலன்களை ஜோதிடர் வேதா கோபாலன் கணித்து வழங்கியுள்ளார். பார்த்துப் பயன்பெறுங்கள். அன்பர்களுடன் பகிருங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
சுபகிருது தமிழ்ப் புத்தாண்டு ராசிபலன்
சுபகிருது வருடத் தமிழ்ப் புத்தாண்டுப் பலன்கள் இதோ. மூத்த ஜோதிடர் வேதா கோபாலன் கணித்து வழங்கியுள்ளார். பார்த்துப் பயன்பெறுங்கள். அன்பர்களுடன் பகிருங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
தீர்வறியும் சார்வரி
அண்ணாகண்ணன்இடரெழுந்து இடையறாது இடறவைக்கும் போதிலும்தொடரிழந்து தொடர்பிழந்து தொடருமின்னல் ஆயினும்படரிடுக்கண் படையெடுத்து, திசைமறைத்து நிற்பினும்சுடரெடுத்து, புதிரவிழ்த்து, துயரொழித்து மீட்டுவோம்.சிறகடக்கி, சிறுவளைக்குள் சிரமொடுங்கி நிற்பினும்வறுமையோடு வெறுமையோடு தனிமைசூழ நிற்பினும்நிறமிழந்து நிதியிழந்து கதியிழந்த போதிலும்அறமிழக்க வில்லையின்னும் அறமிழக்க வில்லையே!அச்சமென்னும் கிருமியெங்கள் உச்சிமீது ஏறுதோ!நச்செரித்து ஆலகாலம் உட்செரித்து வெல்லுவோம்உச்சரிக்கும் தமிழெடுக்க, மூச்சிறுக்கம் நேர்ப்படும்ஆச்சரிய அனுபவங்கள் ஆயிரமாய் ஏற்படும்!விலகலென்ற காட்சியிலும் கலகலென்று தோன்றுவோம்வலிகளுண்டு என்றபோதும் வழிகளுண்டு காட்டுவோம்இளவலோடும் முறுவலோடு அளவளாவும் நாள்வரும்உலகளாவி இனிதுலாவி உளம்குலாவிப் பாடுவோம்!தீர்வறியும் கூர்வரியும் சீர்வரியும் ஏந்துவோம்நேர்வரியில் வேர்வரியில் பூவிரிய நீந்துவோம்ஊர்விரியும் பார்விரியும் உளம்விரியும் மேலுமேசார்வரியில் நலம்திகழும், நல்லின்பம் கூடுமே!———————————————————————————————-———————————————————————————————-அன்பர்கள் அனைவருக்கும் இனிய தமிழ்ப் புத்தாண்டு நல்வாழ்த்துகள்.———————————————————————————————-
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
-
நலம்விளைப்பாய் சித்திரையே!
மகாதேவ ஐயர் ஜெயராம சர்மா (மெல்பேண், ஆஸ்திரேலியா)
புத்தாடை வாங்கிடுவோம்
புத்துணர்வு பெற்றிடுவோம்
முத்தான முறுவலுடன்
சித்திரையைக் காத்திருப்போம்
எத்தனையோ சித்திரைகள்
எம்வாழ்வில் வந்தாலும்
அத்தனையும் அடிமனதில்
ஆழமாய்ப் பதிந்திருக்கும்!சொத்துள்ளார் சுகங்காண்பர்
சொத்தில்லார் சுகங்காணார்
எத்தனையோ துயர்வாதை
இருந்தேங்க வைக்கிறது
அத்தனையும் பறந்தோட
சித்திரைதான் உதவுமென
நம்பிடுவார் வாழ்வினிலே
நலம்விளைப்பாய் சித்திரையே!வெள்ளப் பெருக்காலே
வேதனைகள் ஒருபக்கம்
உள்ளத்தை வதைக்கின்ற
உணர்வற்றார் ஒருபக்கம்
கள்ளத்தை விதைக்கின்ற
கயவரெலாம் ஒருபக்கம்
கழன்றோடக் காத்துள்ளோம்
கைகொடுப்பாய் சித்திரையே!அரசியலில் அறமிப்போ
அருகியே போகிறது
ஆண்டவனின் சன்னிதியில்
அநியாயம் நிகழ்கிறது
அறமுரைப்போர் அனைவருமே
அடக்கமாய் ஆகிவிட்டார்
அடங்கிநிற்பார் தனையெழுப்பி
அழைத்துவா சித்திரையே!புலம்பெயர்ந்து வந்தவர்கள்
புலனெல்லாம் பிறந்தமண்ணின்
நலம்பற்றி நினைப்பதிலே
நாளதனைப் போக்குகின்றார்
வந்தவர்கள் சிலபேர்கள்
வம்புகளை வாங்குகின்றார்
அந்தநிலை அகற்றுவிட
வந்துவிடு சித்திரையே!ஈழத்தில் தமிழ்மக்கள்
இடர்களின்றி வாழவேண்டும்
ஆளுகின்ற அரசமைப்பில்
அவரமைதி பெறவேண்டும்
வாழுகின்ற இடத்திலவர்
வாழ்வாங்கு வாழுதற்கு
வகைநல்கும் பாங்கினிலே
வந்திடுவாய் சித்திரையே!வாழ்வளிக்கும் நாடதனில்
வழிமுறைகள் மாற்றுகிறார்
ஈனமுடை செயலனைத்தும்
எண்ணியெண்ணி ஆற்றுகிறார்
பிறந்தமண்ணின் துயரங்களை
பிய்த்தெறிந்து நிற்குமவர்
மனந்திருத்தும் மருந்துடனே
வந்திடுவாய் சித்திரையே!சன்மார்க்கச் சாலையெல்லாம்
சரிவையொட்டிப் போகிறது
பொல்லாத கூட்டமொன்று
பொறுப்பேற்று நிற்கிறது
நல்லவல்ல நாட்டினிலே
நாளும்வாழ்க்கை போராட்டம்
அல்லலெல்லாம் அகற்றிவிட
அமைந்திடுவாய் சித்திரையே!எத்தனைதான் இடர்வரினும்
இறைவனே துணையென்னும்
எண்ணமதை மனங்களிலே
இருத்திவிடு சித்திரையே
இன்பமொடு சுகவாழ்வு
எல்லோர்க்கும் கிடைக்கவென்று
எண்ணமுடன் எழுச்சிபெற்று
எழுந்துவா சித்திரையே!