புதிதாய் ஒர் அதிகாரம் ;

துரை.ந.உ

எங்கள் உலகம்:

படித்தேன் அவளின் மடலை; அடைந்தேன்

படித்தேன் குடித்த உணர்வு                                                                1

நெஞ்சமெங்கோ பெண்பின் அலைந்திருக்க; கொல்லுமிங்கே

கொஞ்சமே மீந்த நினைவு                                                                 2

பொழுதெல்லாம் என்னுள் விழுதாகிப் பூப்பாள்;

பழுதாகிப் போகும் மனது                                                                   3

குளித்தவளைக் கண்டேன்; குழித்தவளை ஆனேன்;

வளியெல்லாம் எந்தனிசைப் பாட்டு                                                4

மொய்க்கும்உன் கண்ணுக்(கு) இணையில்லை; இவ்வுலகை

மொய்யெழுதி வைப்பேன் அதற்கு                                                    5

நாட்டு நடப்பு :

தாழ விடாமல்தன் தோள்கொடுப்பான் தோழன்;உன்

தோழ்தாளத் தொங்குபவன் வேறு                                                     6

நெல்லையை தில்லையை சென்னையையும் தாண்டுநீ

எல்லையெல்லாம் இல்லை உனக்கு                                                  7

முயலா முயலுக்கு முன்செல்லும் ஆமை;

இயலும் வரையில் முயல்                                                                8

முயல்பவரை முன்மொழியும் வெற்றி;   தயங்குபவர்

பின்னால் ஒளியும் அது                                                                       9

தாகம் குடியிருக்கும் பாகத்தில் பெய்யும்

மழைக்குத்தான் உண்டாம் மதிப்பு                                                   10

—
 இனியொரு விதி செய்வோம்