மதுரையில் மீனாட்சியம்மன் கோவிலுக்கு அருகில் விடுதி அறைகளைத் தேடியபோது, ஒவ்வோர் இடத்திலும் ஒவ்வொரு வகையில் குறைகள் இருந்தன. சில இடங்களில் வண்டிகளை நிறுத்த இடம் இல்லை. சில இடங்களில் அறை மட்டும் இருந்தது, உணவகம் இல்லை. இன்னும் சில, கோவிலுக்குப் பக்கத்தில் இல்லை. இவை எல்லாம் உள்ள இடங்களில் அறை வாடகை அதிகமாக இருந்தது.
ஆனால், இவை எல்லாவற்றுடன், ஓரளவு குறைவான வாடகையில் மாஸ்க்வா விடுதியில் அறை கிடைத்தது. அதிலும் இன்னோர் ஆச்சர்யம், ஸ்மார்ட் பூட்டு, ஸ்மார்ட் திரை, ஸ்மார்ட் சுவிட்சுகள், ஸ்மார்ட் ஏ.சி… என நவீன நுட்பங்களுடன் அறை அமைந்திருந்தது. மாஸ்க்வா என்பது, ரஷ்யத் தலைநகர் மாஸ்கோ என்பதன் ஒலிபெயர்ப்பு. ரஷ்யாவில் ஓடும் நதி ஒன்றுக்கும் மாஸ்க்வா என்று பெயர். வைகை பாயும் மதுரையில் மாஸ்க்வா தனி முத்திரை பதிக்கிறது. இதோ மாஸ்க்வா விடுதியில் நாங்கள் தங்கியிருந்த அறைக்குள் ஓர் உலா. எதிர்காலத்தில் நம் ஸ்மார்ட் இல்லங்கள், இப்படித்தான் இருக்கும் என நினைக்கிறேன்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
