Tag: முனைவர் ப. ஜெயகிருஷ்ணன்

-முனைவர் ப. ஜெயகிருஷ்ணன்

 எழுத்துருக்கள் (Fonts)

           ஆங்கிலத்தில் எத்தனையோ எழுத்துக்கள் இருந்தாலும் TIMES NEW ROMAN மட்டுமே பயன்படுத்தப்படுகிறது. தமிழில் குறிப்பிட்ட எழுத்துருவைப் பயன்படுத்துவதில்லை. அவற்றில் அபிராமி, அகல்யா, அகத்தியர், அக்னி, அஜந்தா, அகிலா, ஆட்சயா, அன்னை, அனுராதா, அரசு, இலக்கியா, அமலா, அப்பர், சந்திரா, ஹீனா, இளங்கோ, கம்பன், கண்ணதாசன், கோமளா ,நம்பி,ட்டினத்தார்,ருதி,ன்மொழி,மிழ்து,னவில்,ன்னி,ண்ணா,ந்தமிழ், சுரபி, பாமினி, மயிலை, லதா இவற்றுள் சில ஒருமொழியிலும் சில இரு மொழியிலும் இயங்கக் கூடியவை.

இணைய இதழ்கள்

           இணையம் வழி வெளியிடப்படும் இதழ்கள் மின் இதழ்கள் எனப்படுகின்றன தமிழில்.1.திண்ணை. www.thinnai.com 2 தட்ஸ் தமிழ் www.thatstamil.oncindia.in 3.வார்ப்பு www.vaarappu.com (கவிதைக்கென்று வெளிவரும்) 4.பதிவுகள் www.pathivukal.com 5.மரத்தடி www.maraththadi.com 6.தமிழ் நெட் www.tamizham.net 7.தமிழ்க்கூடல் www.koodal.com 8.நிலாச்சாரல் 9.தமிழ் ஓவியம் 10. தமிழ்க் காவல் 11.தமிழ்த்திணை 12.வானவில் 13.ஆறாம்திணை 14.அம்பலம் 15. அரும்பு.

வலைப்பூக்கள்

     ஆங்கிலத்தில் (Blogger) வலைப்பூ என்று குறிப்பிடுகின்றனர். இணைய தளத்தில் பதிவேற்றம் செய்யப்படும் அனைத்தையும் இதிலும் பதிவேற்றம் செய்யலாம். இணையதளத்தை உருவாக்கி நிர்வகிக்க அதிகப் பொருள்செலவு ஏற்படும். ஆனால் பொருள்செலவின்றி வலைப்பூ உருவாக்கி நிர்வகிக்க முடியும். ஒருவர் தன் சிந்தனைகளை வலைப்பூ வடிவில் இணையதளத்தில் உலவ விடமுடியும். உடனுக்குடன் பின்னூட்டம் அடிப்படையில் மாற்றங்களைச் செய்யமுடியும். யாகூ, எம்.எஸ்.என், ரீடிப் மெயில் என்பவை வழக்கில் உள்ளன. எனினும் கூகிள் நிறுவனத்தின் பிளாக்கர் என்பதே பரவலாகப் பயன்பாட்டில் உள்ளது. புதிதாக வலைப்பூ உருவாக்க விரும்புபவர்கள் பின்வரும் படிநிலைகளைப் பின்பற்ற வேண்டும்.

1. Creat an account 2.Name your blog 3.Choose your template அவரவர் விருப்பத்திற்கேற்ப மின்னஞ்சல் முகவரியை அமைத்துக் கொள்வது போலவே வலைப்பூ முகவரியும் அமைத்துக் கொள்ளலாம்.

Selvi.blogspot.com –இதில் செல்வி என்பது வலைப்பூ பதிவர். மற்றவை இந்நிறுவனத்தைக் குறிக்கும் பொதுவான அமைப்பு.

தமிழில் வலைப்பூக்கள்

           தமிழ்ப்பூக்கள், மானிடன், மு.இளங்கோவன், துரையரசன், திருமன்றில், மலையறிவு, குறிஞ்சி மலர், வாழ்க தமிழுடன்,உயிர்கொண்டு திளைத்தல், தமிழ்மொழி, தமிழ் அறிஞர்கள், அறிவுமதி, தமிழ்வலைப்பதிவர் உதவிப்பக்கம், திரட்டிகள் போன்றவைக் குறிப்பிடத்தக்கவை.

கல்விசார் இணையதளங்கள்

     இவற்றை 1.கற்பிப்பவை 2.நூலகங்கள் 3.தகவல்கள் வழங்குபவை என மூன்று வகையாகப் பிரிக்கலாம். தகவல் தருபவையில் 1. விக்கிப்பீடியா 2. யூ.ஜி.ஸி, 3. மனிதவள மேம்பாட்டுத்துறை 4. தமிழ்நாடு மாநில உயர்கல்வித்துறை 5. தமிழ்வளர்ச்சித்துறை.

வேலைவாய்ப்பு இணையதளங்கள்

1.மத்தியரசு பணியாளர் தேர்வாணையம் 2.இந்திய ஆட்சிப்பணி 3.இணையவேலைவாய்ப்பு மையங்கள் (நாக்ரி.காம்).

மின்னணுப் பாடநூல்

     வகுப்பறைப் பாடநூலுக்கும் மின்னணுப் பாடநூலுக்கும் இடையே மிகுந்த வேறுபாடுகள் உள்ளன. ஆசிரியர் உதவியின்றி சுயமாகக் கற்றுக் கொள்ளும் திறன் எவ்வாறெல்லாம் மின்னணுப் பாடநூலில் பயன்படுத்தப்பட்டுள்ளது என்றும் தமிழை முதல் மொழி மற்றும் இரண்டாம் மொழியாகக் கற்றுக்கொள்வதற்கு எவ்வாறெல்லாம் இந்த மின்னணுப் பாடநூல்கள் பயன்படுகின்றன என்றும் ஆராய்வது தேவையானதொன்றாகும்.

           இவ்வகையில் தமிழை முதல் மற்றும் இரண்டாம் மொழியாகப் பல்லூடக முறையில் கற்பிப்பதற்கும் கற்பதற்கும் அரசும் தனியார் நிறுவனங்களும் பல்லூடகக் குறுந்தட்டுகளை வெளியிட்டுள்ளன. இவற்றில் உலகத்தமிழ் ஆராய்ச்சி நிறுவனம் வெளியிட்டுள்ள ‘தமிழ் உலகம்’ ஆலன்பார்க் இன்போடெக் நிறுவனம் வெளியிட்டுள்ள ‘செம்மொழி’ தமிழ் இணையப் பல்கலைக்கழகம் வெளியிட்டுள்ள சான்றிதழ் கல்விக்கான அடிப்படை நிலை, மற்றும் இடைநிலைக் கல்வி பல்லூடகக்  குறுந்தட்டுகளை அறிமுகம் செய்து நிறைகுறைகளைக் கண்டறிவதே இக்கட்டுரையின் நோக்கமாகும். இக்கட்டுரைப் பின்வரும் பகுதிகளைக் உள்ளடக்கியதாக அமைந்துள்ளது.

           1.மின்னணுப் பாடநூல் சுருக்கம்
2.பாடப்பொருள் மதிப்பீடு
3.உரையாடல் பகுதி மதிப்பீடு
4.பயிற்சிப் பகுதி மதிப்பீடு
5.கணினிப் பயன்பாடு மதிப்பீடு.

1.மின்னணுப் பாடநூல் சுருக்கம்

     1.தமிழ் உலகம்

           உலகத் தமிழாராய்ச்சி நிறுவனம் தமிழ்மொழியை இரண்டாம் மொழியாக ஆங்கிலம் வழிக் கற்பதற்குத் ‘தமிழ் உலகம்’ என்ற தலைப்பில் இரண்டு குறுந்தட்டுகளை வெளியிட்டுள்ளது. ஆப்பிள் சாப்ட் நிறுவனத்தினர் தயார் செய்த பல்லூடக மென்பொருளைப் பின்பற்றிப் பாடங்கள் விளக்கப்பட்டுள்ளன. ஆங்கிலமொழி வழித் தமிழை முறையாகக் கற்க வேண்டுமென்ற ஆர்வமுடைய வெளிநாட்டவருக்கும், ஓரளவு தமிழ்தெரிந்த பிற மொழியினருக்கும், புலம்பெயர்ந்து தமிழை மறந்த தமிழர்களுக்கும் தமிழ்மொழியைக் கற்றுக்கொள்ள உதவும் முறையில் 25 அலகுகளாகப் பிரித்துப் பாடங்கள் விளக்கப்பட்டுள்ளன. இலக்கணப்பகுதி, உரையாடல் பகுதி, இலக்கியப் பகுதி, பயிற்சிப்பகுதி என்னும் பல்வேறு கோணங்களில் பாடக் கருத்துக்கள் மிக எளிமையாகப் பல்லூடக முறையில் விளக்கப்பெற்றுள்ளன. குறுந்தட்டுகளில் பயன்படுத்தப்பட்டுள்ள கணினி நுணுக்கம் தமிழை முதல், இரண்டாம் மொழியாக ஆசிரியர் துணையுடன் மட்டுமே கற்கும் முறையில் அமைந்துள்ளது. ‘தமிழ் உலகம்’ குறுந்தட்டுகளின் பாடப்பகுதியில் கொடுக்கப்பட்டுள்ள செயல் திட்டங்கள் படித்தல் திறனை வளர்த்தல், பாடங்களின் பொருளைப் புரிந்துகொள்ளுதல், மொழி விளையாட்டுக்கள் என்ற முறையிலேயே அமைந்துள்ளன. இவற்றில் கணினி சரியான விடை தருபவர் என்னும் நிலையிலேயே உள்ளது. பயிற்சி செய்யும்போது மாணவன் தவறு செய்தால் தவற்றைச் சுட்டிக்காட்டும் கணினி நுணுக்கம் சிறிதளவே பயன்படுத்தப்பட்டுள்ளது. இதனால் பாடப்பகுதி மற்றும் பயிற்சிப்பகுதியில் அமைந்துள்ள மென்பொருள் மாணவர்களுக்குக் கற்றல் சாதனங்களைக் கொண்டு கொடுக்கும் வாகனமாக மட்டுமே அமைந்துள்ளது.

2. செம்மொழி

        ஆலன் பார்க் இன்போடெக் நிறுவனம் இப்பல்லூடகக் குறுந்தட்டை வெளியிட்டுள்ளது. தமிழ்மொழியை முதல் மற்றும் இரண்டாம் மொழியாகக் கற்றுக்கொள்ள உதவும் முகமாகப் பாடங்கள் பல்லூடக முறையில் விளக்கப் பெற்றுள்ளன. .அடிப்படை எழுத்துப் பயிற்சி, உச்சரிப்புப் பயிற்சி, எண்கள் ,பாடங்கள், விடுகதைகள், செய்யுள், பாடல்கள், கதைகள் என்னும் எட்டு தலைப்புகளில் பாடக் கருத்துக்கள் விளக்கப் பெற்றுள்ளன. கேட்டல், பேசுதல், படித்தல், எழுதுதல், உரையாடுதல், இலக்கணக் கூறுகளை அறிதல் போன்ற மொழித் திறன்களைப் பெறும் வகையில் ஆசிரியர் உதவியின்றி விளையாட்டு, வேடிக்கை என்று கற்கும் வகையில் பாடங்கள் வடிவமைக்கப்பட்டுள்ளன.

3. சான்றிதழ்க் கல்வி அடிப்படை நிலை

           தமிழ் இணையப் பல்கலைக்கழகம் வெளியிட்டுள்ள இந்தக் குறுந்தட்டில் தமிழ்ச் சான்றிதழ்க் கல்விக்கான அடிப்படை நிலை மற்றும் இடைநிலைப் பாடங்கள் இடம்பெற்றுள்ளன. அடிப்படை நிலையில் தமிழ் எழுத்துக்களின் ஒலி/வரி வடிவங்களும் எழுநூறுக்கும் மேற்பட்ட சொற்களும் சிறு தொடர்களும் பல்லூடக வசதிகளைப் பயன்படுத்திப் படிக்க ஆர்வமூட்டும் வகையில் அறிமுகப்படுத்தப்பட்டுள்ளன.

     எழுத்துக்களின் ஒலிப்புப் பயிற்சி, எழுதும் பயிற்சி, எழுத்துக்களைக் கூட்டிப்படிக்கும் பயிற்சி, சொற்களைக் கூட்டிப்படிக்கும் பயிற்சி, பாடல் பயிற்சி போன்ற பயிற்சிகளுடன் பாடங்களை எளிதில் கற்கும் வகையில் பல்லூடக வசதிகளோடு ஆக்கப்பட்டுள்ளன. தொடக்க வகுப்புகளில் பயன்படும் வகையில் 15 தலைப்புகளில் பாடங்கள் விளக்கப்பட்டுள்ளன.

2.பாடப்பொருள் மதிப்பீடு

1.எளிமையிலிருந்து கடினம்

     ஒரு மொழியில் எழுத்து, சொல், பொருள் ஆகிய மூன்று இலக்கண உட்கூறுகளில் ஏற்படும் மாற்றங்களை முறைப்படி கற்கும் முறையில் பாடப்பகுதி அமைய வேண்டும். கற்றல் உத்தியான எளிமையிலிருந்து கடினம் என்னும் முறையிலும் பாட விளக்கம் அமைய வேண்டும். ஆனால் சில இடங்களில் கடினமான பகுதி முதலில் விளக்கப்பட்டுள்ளது. பாட விளக்கமும் முன்பின் முரணாக அமைந்துள்ளது.

       ‘தமிழ் உலகம்’ குறுந்தட்டில் வேற்றுமைகளின் விளக்கத்தைச் தொடர்ச்சியாக அடுத்தடுத்த இயல்களில் விளக்கியிருக்க வேண்டும். ஆனால் வேற்றுமை விளக்கம் முன்பின் முரணாகப் பல்வேறு இடங்களில் அமைந்துள்ளது. செம்மொழி மற்றும் சான்றிதழ்க் கல்வி குறுந்தட்டுகளில் ஓரளவு எளிமையிலிருந்து கடினம் என்னும் நிலையில் பாடப்பொருள் விளக்கம் அமைந்துள்ளது.

2. இலக்கியத் தமிழும் பேச்சுத்தமிழும்

       ‘தமிழ் உலகம்’ குறுந்தட்டில் பேச்சுத்தமிழ்ப் பயிற்சிக்கு முக்கியத்துவம் கொடுக்கப்பட்ட அளவிற்கு, செம்மொழி, சான்றிதழ்க்கல்வி  குறுந்தட்டில் பேச்சுத்தமிழுக்கு முக்கியத்துவம் கொடுக்கப்படவில்லை. இலக்கியத் தமிழ் விளக்கப்பட்ட அளவிற்குப் பேச்சுத்தமிழ் விளக்கம் பெறவில்லை. பேச்சுத்தமிழைச் சிறப்பாகக் கையாளுவதற்கு நாட்டுப்புறப் பாடல்கள் வட்டார வழக்குச் சொற்கள் போன்றவற்றைக் கொடுத்திருக்க வேண்டும்,

பொருளடக்கப்பகுதி

      ‘தமிழ் உலகம்’ குறுந்தட்டின் முன்னுரையில் பொருளடக்கப் பகுதி கொடுக்கப்படவில்லை. முன்னுரை அல்லது முதல் இயலில் பொருளடக்கப் பகுதி (Index) கொடுத்திருந்தால் குறிப்பிட்ட பாடப்பகுதியை எளிதாகக் கண்டு பிடிப்பதற்கு உதவியாக அமைந்திருக்கும்.

     ஒரு மொழியை முழுமையாகக் கற்பதற்கு அம்மொழியிலுள்ள இலக்கியங்களைக் கற்க வேண்டும். சங்க இலக்கியம், பக்தி இலக்கியம், கவிதை போன்றவற்றை இசையுடன் பாடலாகப் பல்லூடகம் வழிச் சிறப்பாக வெளிப்படுத்த முடியும். தமிழ் உலகம் குறுந்தட்டில் சங்க இலக்கியம், பக்தி இலக்கியம் பகுதியிலிருந்து ஓரிரு பாடல்கள் மட்டுமே இசையுடன் கொடுக்கப்பட்டுள்ளன. பிற குறுந்தட்டுகளில் குழந்தைப்பாடல்கள் மட்டுமே இசையுடன் கொடுக்கப்பட்டுள்ளன. பாடத்தோடு தொடர்புடைய பழமொழிகள், பாடல் வரிகள், தற்கால எழுத்தாளர்களின் படைப்புகள், குட்டிக் கதைகள், படங்கள் போன்றவற்றைப் பாடப்பொருள் விளக்கத்தின் இடையிடையே கொடுத்திருக்கலாம்.

2. 2. உரையாடல் பகுதி மதிப்பீடு

        உலகில் தோன்றிய எல்லா மொழிகளிலும் பேச்சு மொழிக்கும் எழுத்து மொழிக்கும் வேறுபாடுகள் இருக்கின்றன. ஆனால் இந்த வேறுபாடு தமிழில் சற்று மிகுந்து காணப்படுகின்றது. கல்வி கற்றவர்களால் மட்டுமே பேச்சு வழக்கினையும் எழுத்து வழக்கினையும் சரளமாகக் கையாள முடியும். பேச்சுத் தமிழைக் கற்க இயற்கையான வழிகளைக் கடைப்பிடிப்பது சிறந்த முறையாகும். இவ்வகையில் பாடங்கள் குடும்ப உறுப்பினர்கள், நண்பர்கள், வீடு, விழாக்கள், சுற்றுலா போன்றவை பற்றியே அமைந்துள்ளன. சான்றிதழ்க் கல்வி குறுந்தட்டில் இப்பகுதி இயற்கையாக அமையவில்லை.

     ல, ள, ழ, ன, ண, ந, ற, ர ஆகிய எழுத்துக்களின் உச்சரிப்பைத் தெளிவாக உச்சரிக்கத் தெளிவான பயிற்சி கொடுக்கவில்லை என்றால் உச்சரிப்பில் பிழை ஏற்பட வாய்ப்புண்டு. தமிழ் உலகம், சான்றிதழ்க் கல்வி குறுந்தட்டுகளில் இவ்வகை எழுத்துக்களுக்குத் தெளிவான உச்சரிப்பும் பயிற்சியும் கொடுக்கப்படவில்லை. சில சொற்கள் பிழையாக உச்சரிக்கப்பட்டுள்ளன.

(எ.டு)சந்த்திப்பேன்- சந்திப்பேன், சான்னு- சானு

உறுப்புகளின் அசைவுகள்

     உரையாடலில் சில குறிப்பிட்ட உடல் உறுப்புகளுக்குப் பெரும் பங்களிப்பு உண்டு. வாயின் அசைவுகளை வைத்தே சைகை மொழியில் கருத்துக்களை எளிதாகப் புரிந்துகொள்ள முடியும்.

       உடல்மொழி (Body Language) பேச்சு மொழிக்குத் துணையாக அமையும்  என்று மொழியியல் அறிஞர் கூறுவர். தமிழ் உலகம், செம்மொழி குறுந்தட்டுகளின் உரையாடல் பகுதி விளக்கத்தில் நிழற்படங்கள் மட்டுமே கொடுக்கப்பட்டுள்ளன. நவீன கணினித் தொழில்நுட்பத்தைப் பயன்படுத்தி நேரடியாக உரையாடும் முறையைக் கொடுத்திருந்தால் மொழி கற்பித்தல் இயற்கையாக அமைந்திருக்கும்

3.பயிற்சிப்பகுதி மதிப்பீடு

           பயிற்சிப் பகுதி தன் மதிப்பிடுதல் முறையில் விளக்கப்பட்டுள்ளது. எளிய பயிற்சி அணுகுமுறைகள், துணைக்கருவிகள் உருவாக்கப்பெற்று சொல் விளையாட்டு, வாக்கிய விளையாட்டு என்னும் நிலைகளில் இப்பகுதி அமைந்துள்ளது. பாடங்களில் கற்றவற்றை மாணவர்கள் நினைவில் வைத்துள்ளனரா என்று கண்டறியும் பொருட்டே வினாக்கள் அமைய வேண்டும். ஆனால் வினாக்கள் அனைத்தும் பொதுவானவையாகவே அமைந்துள்ளன. இலக்கியத் தமிழைக் கற்றுக்கொள்ளும் முறையிலேயே பெரும்பான்மையான பயிற்சிகள் அமைந்துள்ளன.

           எழுத்துக்களை ஒன்றுசேர்த்து சொற்களை உருவாக்குவதும், சொற்களை இணைத்து வாக்கியங்களைப் படைப்பதுமாகிய இரண்டு முறைகளே பாடங்களில் பயிற்சியாகக் கொடுக்கப்பட்டுள்ளன. இதனால் கற்போருக்கு எழுத்துக்களை இணைக்கும் பயிற்சியும் சொற்களை இணைக்கும் பயிற்சியுமே ஏற்படுகிறது. பொருளை முழுமையாக அறிந்து கொள்ள முடியாது. எனவே ஆய்வுக்குரிய குறுந்தட்டுகளில் பொருளை அறிந்துகொள்ளும் முறையில் பயிற்சிகள் கொடுத்திருக்கலாம்.

www.chennailibrary.com
www.ezhilnila.com
www.kalachuvadu.com
www.lib.uchicago.edu/e/su/southasia/rmrl.html
www.noolaham.net
www.tamilmanam.net
www.tamil.net/project
www.tamilvu.org
www.ta.wikipedia.org
www.Viruba.com

******

கட்டுரையாளர்
தமிழ்த்துறை
கேரளப்பல்கலைக்கழகம்
காரியவட்டம்
திருவனந்தபுரம் 695 581

                     

–முனைவர் ப. ஜெயகிருஷ்ணன்

முன்னுரை 

     மனிதனின் வளமான வாழ்விற்கும் வளர்ச்சிக்கும் அடிப்படையாக அமைவது அறிவியலாகும். அறிவியலை முறையாகப் பெறாத நாடும்,மொழியும் உலக அளவில் தலை நிமிர்ந்து நிற்க முடியாத அளவிற்கு அறிவியல் அசுர வேகத்தில் வளர்ச்சி அடைந்துள்ளது.. உலகிலுள்ள அனைத்து மக்களும் அறிவியலை அவர்களது மொழிகளில் கொண்டுவரப் பல முயற்சிகளை மேற்கொண்டு வருகின்றனர். வளர்ச்சி அடைந்த நாடுகளான  பிரான்ஸ், ரஷ்யா, ஜப்பான் போன்ற நாடுகள் அறிவியல் தொழில்நுட்பக் கல்வியை அவர்களது மொழியிலேயே கற்கின்றனர். கி.பி. 2050-ஆம் ஆண்டில் அறிவியல் தொழில்நுட்பம், கணினி வழிக்கல்வி ஆகியவற்றை முறையாகப் பெறாத ஆறாயிரம் மொழிகளில்  5980- மொழிகள் உலகில் இருந்த இடம் தெரியாமல் அழிந்து விடும் என்று யுனெஸ்கோ அறிக்கை தெரிவிக்கிறது. மாறி வருகின்ற உலகிற்கு ஏற்பத் தமிழ்மொழியும் தன்னை வளர்த்துக்கொள்ள வேண்டிய கட்டாயத்திற்குள் ஆக்கப்பட்டுள்ளது. ஆகவே அறிவியலைத் தமிழ்வழியில் கற்கவும் கற்பிக்கவும் பல முயற்சிகள் மேற்கொள்ளப்பட்டு வருகின்றன. இரண்டாயிரம் ஆண்டுகளாக வெளிவந்த தமிழ் நூல்களிலுள்ள அறிவியல் செய்திகளும் ஆராயப்பட்டு வருகின்றன. இயல்தமிழ், இசைத்தமிழ், நாடகத்தமிழ் என்று தமிழை மூன்றாக வகைப்படுத்துவர். அறிவியல் தமிழ் நான்காம் தமிழாக இன்று ஏற்றுக்கொள்ளப்பட்டுள்ளது.

      தமிழில் தொல்காப்பியம்,சங்க இலக்கியம் ஆகியவற்றில் ஏராளமான  அறிவியல் செய்திகள் காணப்படுகின்றன. இவை 2000-ஆம் ஆண்டுகளுக்கு முன்பே தமிழர்கள் அறிவியலில் மேன்மையான அறிவு பெற்றிருந்ததை காட்டுகின்றன. தொல்காப்பியம் தமிழ் மொழிக்கு இலக்கணம் கூற வந்த நூலாயினும் அறிவியல், தத்துவம், மருத்துவம் வானவியல், சோதிடம், கணிதம் போன்ற துறைகளின் கருத்துக்களை வெளியிடும் ஒரு நூலாகவும் அமைந்துள்ளது.

உலகில் இரண்டாயிரம் ஆண்டுகளுக்கு முன்பு வாழ்ந்த மேலைநாட்டு அறிவியல் சிந்தனையாளர்களான தேல்ஸ் (கி.மு.639-544) அனாக்ஸிமாண்டர்(கி.மு.611.547) ஷுனோபேன்ஸ்(கி.மு.576480) எம்படோகில்ஸ்(504-433) அரிஸ்டாட்டில் (கி.மு.384-322) போன்றோர்கள் வெளியிடாத பல அறிவியல் கருத்துக்களைத் தொல்காப்பியர் வெளியிட்டுள்ளார். உயிரினங்களின் வாய்ப்பாட்டைத் தொல்காப்பியர்.

           ”ஒன்றறிவதுவே உற்றறிவதுவே
          இரண்டறிவதுவே யதனொடு நாவே
          மூன்றறிவதுவே யவற்றொடு மூக்கே
          நான்கறிவதுவே யவற்றொடு கண்ணே
          ஐந்தறிவதுவே யவற்றொடு செவியே
          ஆற்றிவதுவே யவற்றொடு மனனே” என்று ஆறு வகையாகப் பிரித்து ஒவ்வொன்றிற்கும் தகுந்த எடுத்துக்காட்டுகளையும் தொடர்ந்துள்ள நூற்பாக்களில் தருவது அவரின் ஆழ்ந்த உயிர்கள் குறித்த அறிவை அறிந்து கொள்ள முடிகின்றது.

           புல்(ஓரறிவு); நந்து(இரண்டு அறிவு)
எறும்பு(மூன்று அறிவு);தும்பி(நான்கு அறிவு);
விலங்கு(ஐந்து அறிவு);மனிதன் (ஆறு அறிவு);

என்ற பாகுபாடு பரிணாம வளர்ச்சியைத் தெளிவாக எடுத்தியம்பும் சிந்தனையாக அமைந்துள்ளது.

     தாவரங்களின் பல்வேறு பாகங்களான தோடு, மடல், ஓலை, ஏடு, இதழ், பூ, குழை என்று பிரித்து விளக்கியிருப்பது தாவரவியல் ஆசிரியர் தாவரங்களின் பாகங்களைப் படம் வரைந்து விளக்கியுள்ளது போல் அமைந்துள்ளது.

           ”தோடே மடலே ஓலை என்றா;
ஏடே யிதழே பாளை என்றா
ஈர்க்கே குலையென நேர்ந்தன பிறவும்
புல்லொடு வரும் எனச் சொல்லினர் புலவர்” (மரபியல்-87)

பின்னர் எழுந்த சங்க இலக்கியம், பக்தி இலக்கியம், சிற்றிலக்கியம், உரைநடை இலக்கியம், கவிதை, சிறுகதை, நாவல், புதுக்கவிதை ஆகியவற்றில் ஏராளமான அறிவியல் செய்திகளை அறிஞர்கள் தந்துள்ளனர். இவற்றை முறையாக ஆய்வுக்கு உட்படுத்திக் கற்கும்போது ஏராளமான அறிவியல் தமிழ் கலைச்சொற்களை நாம் பெறமுடியும்.

தமிழில் அறிவியல் கலைச்சொல்லாக்க முயற்சியும் குறிப்பிடத்தக்க வரலாற்றினைக் கொண்டதாகும்.

 சான்றாக ‘அறிவியல்’ என்ற சொல்லின் படிநிலை வளர்ச்சியைக் கூறலாம்

     இயற்கை சாஸ்திரம்-1927
பிரதம சாஸ்திரம்-1935
அறிவுக்கலை-1942
பொது விஞ்ஞானம்-1959
அறிவு நூல்-1963
விஞ்ஞானம் -1982
அறிவியல்-1993-2012

அறிவியல் கருத்துக்களை உள்வாங்கித் தமிழில் அறிவியல் நூல்களை மொழிபெயர்ப்பு, இலக்கணப் பிழைகள் இன்றி உருவாக்க முனைய வேண்டும். ஆனால் பல அறிவியல் நூல்கள் குறிப்பாகப் பாடநூல்கள் ஆங்கில வழி நூல்களின் நேரடி மொழிபெயர்ப்பாக அமைந்துள்ளன. ஆனால் இன்று எழுத்து சொல் வாக்கிய அமைப்புகளில் அறிவியலைக் தருவதில் ஒரு சீர்மையற்ற நிலையே காணப்படுகிறது. இந்த நிலை மாறவேண்டும்.

தவறான மொழி பெயர்ப்பு

The mineral wealth versus world population

     என்ற தொடர் தமிழ்வழிப் பாடநூலில் ‘உலக மக்கள் தொகைக்கு எதிராகத் தாதுச் செல்வங்கள் அமைகின்றன’ என்பது தவறான மொழிபெயர்ப்பாகும்.  ‘தாதுச் செல்வங்களும் மக்கள் தொகையும்’ என்று மொழி பெயர்த்திருக்க வேண்டும்

சீர்மையற்ற மொழிபெயர்ப்பு

ஒரு பொருளுக்குப் பல சொற்கள் வழங்குவது சீர்மையற்ற மொழிபெயர்ப்பாகும்.

சான்று: பீக்கர், முகவை, ஜாடி

சிமின்று, சிமெண்ட், சிமென்ட்டு, சிமெண்டு

இலக்கணப் பிழைகளின்றி அறிவியல்தமிழ் அமையவேண்டும். குறிப்பாக எழுவாய் பயனிலை மாறிவருதல்,வேற்றுமை உருபுகளின் தவறான பயன்பாடு, ஒருமைப் பன்மை மயக்கம் ஆகியவற்றைத் தவிர்க்க வேண்டும்

பேச்சு வழக்குச்சொற்களின் பயன்பாட்டைத் தவிர்க்க வேண்டும்

சான்று: இராது, லியாக, முன்னமே, கெட்டியான.

எழுத்து

தமிழ் நெடுங்கணக்கில் 247 எழுத்துக்கள் உள்ளன. பிறமொழி உறவால் ஸ,ஷ, ஜ, க்ஷ ஆகிய கிரந்த எழுத்துக்களும் தமிழில் பயில்கின்றன. இலக்கண விதிகளில் பின்வரும் சில விதிவிலக்குகளை அறிவியல்தமிழில் ஏற்றுக்கொள்ள வேண்டும்.

மொழி முதலெழுத்து

இரப்பர், இரசாயன பந்தம்

மொழி இடை எழுத்து

     எலக்ட்ரான் – க்ட்
பெயின்ட் – ன்ட்

மொழி இறுதி எழுத்து

     ஆர்பிட்
ஸ் என்ற கிரந்த எழுத்துக்களின் பயன்பாடு
ஸ்கான்டியம், ஸ்ரான்ஸியம்
பாஸ்பரஸ் – பாஸ்பரசு – (தமிழ் மரபு)

ஒலிபெயர்ப்பு முறைகள்

உலகப் பொதுக்கலைச்சொற்கள் வழக்கில் அறிமுகமாகிவிட்ட பிறமொழிகள், அறிவியலாரின்பெயர்கள், சமன்பாடுகள், அளவுகள், குறியீடுகள், சுருக்கக் குறியீடுகள் ஆகியவற்றை அவ்வாறே அறிவியல் தமிழில் ஏற்றுக்கொள்ள வேண்டும்.

கலைச்சொல்லாக்க முறைகள், பின்வரும் முறையில் அமைய வேண்டும்.

நேருக்குநேர் மொழிபெயர்ப்பு
இணைப்பு மொழிபெயர்ப்பு
கருத்துப் பெயர்ப்பு

சான்று (Salts – உப்புக்கள், Rock Salt – இந்துப்பு)

ஒட்டுக்களைப் பெயர்த்தல்

1. Exothermic reaction – வெப்பம் வெளியிடும் வினை- exo- வெளி
2. Endothermic reaction – வெப்பம் கொள்வினை -Endo- கொள்
3. Sub atomic particle – துணை அணுத்துகள்கள் -Sub-

 புதுச்சொல் படைத்தல்

      Element – தனிமம்;     Coal – நிலக்கரி
Blow – ஊது; blowing – ஊதுதல்; blower – ஊதி.

கணினிப் பயன்பாடு

     மேலைநாட்டு மொழிகளில் கடந்த ஐம்பது ஆண்டுகளாக எண்ணற்ற ஆய்வுகள் மேற்கொள்ளப்பட்டு அவற்றின் விளைவாக முதல்மொழி, இரண்டாம் மொழி, அந்நியமொழி என்ற நிலையில் கணினி வழிக் கற்பிப்பதற்கும் கற்பதற்கும் பல புதிய அணுகுமுறைகள் வெளிவந்துள்ளன. தமிழ் மொழியில் கணினிவழிக் கற்றலும் கற்பித்தலும் ஆரம்ப கட்டத்திலேயே உள்ளன. கணினியை மொழி கற்றல் கற்பித்தலுக்குப் பயன்படுத்துவதன் முக்கிய நோக்கமே அதன் பல்லூடகத் தன்மையாகும். கணினிவழிக் கற்றுத் தருவது என்பதாகாது; பல்லூடகத்தின் ஒவ்வொரு பரிமாணத்தையும் முழுமையாகக் கேட்டல், உணர்தல், பார்த்தல் போன்றவற்றின் அடிப்படையில் மொழியின் அடிப்படைத்திறன்களை வளர்ப்பதாகும். பல்வேறு கோணங்களில் பாடக்கருத்துக்களை மிக எளிமையாகச் சுலபமாக ஆர்வமூட்டும் வகையில் பயிற்றுவிக்கிறது பல்லூடகக் கல்வி. எனவே பல்லூடகத்தன்மையில் தயாரிக்கப்பட்டு ஆசிரியரின் துணையோடு நடைபெறும் மொழிக்கல்வி, மொழித்திறன்களை வேகமாக வளர்க்கஉதவும். பாடப்பொருளையும் எளிதில் கற்றுவிட முடியும்.

           எனவே தமிழில் இதுவரை வெளியிடப்பட்டுள்ள கணினிவழிக் கல்வி முறைகள் அனைத்தையும் இணையதளங்களில் உள்ள தமிழ் கற்பித்தல் முறைகளையும் மதிப்பீடு செய்யவேண்டும்.அதனடிப்படையில் நிறைகுறைகளைக் கண்டறிந்து குறைகளைக் களைந்தால், பிற மொழியினருக்குத் தமிழ்க் கற்பித்தல் சிறப்பாகச் செய்யஇயலும்.

பல்லூடகம் வழி தமிழ்க் கற்றலும், கற்பித்தலும் 

     உலகில் மனித இனம் தோன்றியது முதல் இன்றுவரை பல்வேறு முறைகளில் கற்பித்தலும் கற்றலும் நிகழ்ந்து வருகின்றன.

கல்வெட்டு, ஓலைச்சுவடிகளில் இருந்த தகவல், அச்சு இயந்திரக் கண்டு பிடிப்பிற்குப் பின்பு காகித ஊடகத்திற்கு வந்தது போன்று இன்று கணினிக் கண்டு பிடிப்பினால் மின்னணு வடிவில் வந்துள்ளது என்றும் இது காலத்திற்கேற்ற ஊடக மாற்றம் என்றும் கூறுவார் எல்.இராமமூர்த்தி. கணிப்பொறி மென்பொருள், பல்லூடகம் (Multimedia), இணையம் போன்ற தகவல்தொடர்புச் சாதனங்களின் கண்டுபிடிப்பு இன்று எல்லாத் துறைகளிலும் பெரும் மாற்றத்தை ஏற்படுத்தி வருவது போன்று மொழிக்கல்வியிலும் இலக்கியக்கல்வியிலும் பல மாற்றங்களை ஏற்படுத்தி வருகிறது. கற்பித்தல், கற்றலில் புதிய புதிய முறைகள் பயன்படுத்தப்பட்டு வருகின்றன. உலக நாடுகள் பல கணிப்பொறி, பல்லூடகம்வழி அவர்கள் மொழியைக் கற்பிக்கவும் கற்கவும் பெரும் ஆர்வம்காட்டி வருகின்றன

           செம்மொழி என்ற உயர்வைப் பெற்றுவிட்ட தமிழ் மொழியையும் தமிழ் இலக்கியங்களையும் நவீனக் கணிப்பொறித் தொழில்நுட்பத்தின் வழிக் கற்பிப்பதும் கற்பதும் இன்று இன்றியமையாத தேவையாக மாறிவிட்டது. தமிழைக் கணிப்பொறி வழிக் கற்பதற்கு அரசும் தனியார் நிறுவனங்களும் தமிழில் அறிமுக நூல்கள், இதழ்கள், கட்டுரைகள், குறுந்தட்டுகள் போன்றவற்றை வெளியிட்டுள்ளன.

இணையமும் தமிழும்

     உலகையே ஒரே கைக்குள் மாற்றிவிட்ட ஆற்றல்வாய்ந்த தொழில் நுட்பம்தான் இணையம். இணையத்தில் செய்திகள் படிக்கலாம், படங்கள் பார்க்கலாம், பாடல்கள் கேட்கலாம், அரட்டை அடிக்கலாம், பொழுது போக்கலாம், அறிவைப் பெருக்கலாம். உலகம் முழுவதிலும் உள்ள அனைத்துக் கணினிகளையும் ஒரே மின்னணு வலையில் சங்கிலிப் பிணைப்பில் ஒன்றாக்கிச் செய்யப்பட்டதுதான் இணையம்.

இணையதளம்

           உலகில் முதல் இணையதளம் அர்பாநெட் ஆகும். தமிழில் முதல் இணையதளம் 1995- இல் தொடங்கப்பட்ட (Words home & Nation-Anthology of Singapore) வளையத்தில்தான் தமிழ் இணையம் வழக்கில் வந்தது.

தமிழ் இணைய மாநாடு

           தமிழ் இணைய மாநாடு 1997-இல் சிங்கப்பூர் தேசியப் பல்கலைக் கழகத்திலும், இரண்டாவது தேசிய மாநாடு 1999-இல் சென்னையிலும், மூன்றாவது 2000-இல் சிங்கப்பூரிலும், நான்காவது 2001-இல் மலேசியாயாவிலும், ஐந்தாவது கலிபோர்னியாவிலும் ஆறாவது அண்ணாப் பல்கலைக்கழகம், சென்னையிலும்  நடைபெற்றது.

இணையம் வழி தமிழ் கற்றலும் கற்பித்தலும்

           ஆசிரியரை மையமிட்டக் கல்வி மாணவரை மையமிட்டக் கல்வி என்ற இரண்டு முறைகளும் மாறி இணையத்தை மையமாக வைத்த கல்வி என்று பரவலாக பயன்பாட்டிற்கு வந்துள்ளது. இணையம்வழி தமிழ்படிக்கப் பல இணையதளங்கள் உள்ளன. குறிப்பிடத்தகுந்தது தமிழ் இணையப் பல்கலைக்கழகமாகும். 17-2-2001-இல் தொடங்கப்பட்டது. மூன்று முதன்மையான பணித்திட்டங்களை நிறைவேற்றி வருகிறது. 1.கல்வித்திட்டம் 2. மின்நூலகம் 3. கணித்தமிழ்ப்பணிகள். இங்கு பின்வரும் ஆறு நிலைகளில் கல்வி கற்பிக்கப்படுகிறது. 1.மழலைக்கல்வி 2.சான்றிதழ்க்கல்வி 3.பட்டையக்கல்வி 4.பட்டப்படிப்பு 5.பட்டமேற்படிப்பு ,6.ஆய்வு இவை தவிர பயணியர் தமிழ் சிறப்பு ஆய்வுத்திட்டங்களும் உள்ளன. இங்கு இணையம் வழித்தேர்வும் நடைபெறும். எந்த நாளிலும் எந்த நேரத்திலும் தேர்வு எழுதலாம். இணைய வழிப்பாடநூல் எழுதுவதும் தமிழ் இலக்கண இலக்கிய வடிவங்களைக் கற்பிப்பதில் சிக்கல்கள் உள்ளன. ஒலிப்படக்காட்சிவழி ஆக்கப்பட்டுள்ளன. தேவாரம் போன்ற பாடல்கள் ஓசை நயத்துடன் வடிவமைக்கப்பட்டுள்ளது.

மின்நூலகம்

           நூல்களைக் கணினியில் பாதுகாக்கும் பணி வேகமாக நடைபெற்று வருகிறது. தமிழ் இணையப் பல்கலைக்கழகம் இதற்காகச் செயலாற்றி வருகிறது. ரோஜா முத்தையா ஆராய்ச்சி நிலையமும் இப்பணியை செய்து வருகிறது. தமிழகத்திலுள்ள கன்னிமாரா நூலகம், தேவநேயப்பாவாணர் நூலகம், தஞ்சைப் பல்கலைக்கழக நூலகம் இப்பணியை செய்து வருகின்றன. உலகில் அனைவரும் பயன்படுத்தத் தக்க விதத்தில் தமிழ் இணையப் பல்கலைக்கழகம் செயலாற்றிவருகிறது. தொல்காப்பியம் முதல் இக்கால இலக்கியம் வரை ஏறக்குறைய 250-க்கும் மேற்பட்டநூல்கள் 100000 பக்கங்களுக்கு மேல் அமைந்துள்ளன. இலக்கண இலக்கியம், சமய இலக்கியம், சிற்றிலக்கியம், நீதிநூல்கள், சித்தர் இலக்கியம், 20ஆம் நூற்றாண்டு இலக்கியங்களான கவிதை, உரைநடை, புதுக்கவிதை போன்றவை இடம்பெற்றுள்ளன. ரோஜா முத்தையா செட்டியாரின் நினைவால் சிகாகோ பல்கலைக்கழகம் நடத்தி வருகிறது. இங்கு 100000 நூல்கள் உள்ளன. இணைய முகவரி w.w.w.lib.uchicago.edu/su/southasia/rmrl/html,[itir சென்னை நூலகம் 2006-இல் தொடங்கப்பட்டது. www.chennailibrary.com, விருபா டாட்காம் நூலகம் தமிழ் தொடர்பான ஏராளமான தகவல்கள் கிடைக்கும் நூலகம் டாட்நெட் இது ஈழத்து நூல்களையும் இதழ்களையும் வெளியிட்டு வருகிறது.

ஒருங்குறியீட்டு முறை

           கணினிகளுக்கிடையே தமிழ் எழுத்துக்களைப் படைப்பதில் எழுத்துச் சிக்கல் இருந்துவந்தது.  20-ஆம் நூற்றாண்டில் ஒருங்குறியீட்டு (Unicode) முறை வந்ததால் இச்சிக்கல் தீர்ந்தது. யூனிக்கோடு முறையில் டாம்,  டாப் என்ற இருவகை எழுத்துருக்களும் தமிழ் 99 விசைப்பலகையும் பயன்படுத்தப்பட்டது. இருந்தாலும் இடப் பிரச்சனையால் தமிழை முழுமையாக வெளியிட முடியவில்லை. 256 – எழுத்துக்குறிகளில் 128 குறியிடங்கள் ஆங்கிலத்திற்குக் கொடுக்கப்பட்டன. கணினி வல்லுநர்கள் 8 பிட் முறையை 16 பிட்டாக மாற்றினார்கள். 65536 குறியிடங்கள் கிடைத்தன. எல்லா மொழி எழுத்துக்களையும் பயன்படுத்த முடியும். முதல் மாநாட்டில் TSCII உருவாக்கப்பட்டது. இரண்டாவது மாநாட்டில்……TANSCII உருவாக்கப்பட்டது. இதில் தமிழுக்கு 128-160 இடங்கள் ஒதுக்கப்பட்டது. தொடர்ந்து 16 பிட் வளர்ச்சியால் தமிழுக்கு 2944முதல் 3072 ஒதுக்கப்பட்டன.  அவற்றில் 12 உயிர், 18 மெய், குறியீடுகள், கிரந்த எழுத்துக்கள் ஏற்றுக்கொள்ளப்பட்டன.

[தொடரும்]

******

கட்டுரையாசிரியர் பணிபுரிவது
தமிழ்த்துறை
கேரளப்பல்கலைக்கழகம்
காரியவட்டம்
திருவனந்தபுரம் 695 581