Author: செய்தியாளர்-1

தன்வந்திரி பீடத்தில் காவிரி நீர் வேண்டி கார்த்தவீரார்ஜுனர் ஹோமம் இன்று 18.09.2016 நடைபெற்றது.

வேலூர் மாவட்டம், வாலாஜாபேட்டை ஸ்ரீ தன்வந்திரி ஆரோக்ய, பீடத்தில், ஸ்தாபகர் டாக்டர் ஸ்ரீ முரளிதர ஸ்வாமிகள் தலைமையில் இன்று 18.09.2016 ஞாயிற்றுக்கிழமை காலை 11. மணியளவில் காவிரி நீர் பிரச்சினை சுமுகமாக முடிந்து, தமிழகத்துக்கு நியாயமான முறையில் நீர் வரத்து கிடைக்கவும், கர்னாடக வாழ் தமிழ் மக்கள் இழந்த நிம்மதியை மீண்டும் பெறவும் தன்வந்திரி பீடத்தில் உள்ள ஸ்ரீ கார்த்தவீர்யார்ஜுனருக்கு சிறப்பு ஹோமமும், சிறப்பு ப்ரார்தனையும் நடைபெற்றது. இதில் தன்வந்திரி குடும்பத்தினர், சேவார்திகள் மற்றும், பொது மக்கள் கலந்து கொண்டு ப்ரார்த்தனை செய்தனர்.

இதனை தொடர்ந்து 3 வது ஞாயிற்றுக்கிழமை நடைபெறும் ஆண்கள் திருமணத் தடை நீங்க கந்தர்வ ராஜ ஹோமமும் நடை பெற்றது. இதில் தமிழகத்தின் பல்வேறு பகுதியில் இருந்தும், ஆந்திரா மற்றும் பாண்டிச்சேரியில் இருந்தும் ஆண்கள் கலந்து கொண்டு ப்ரார்த்தித்துக் கொண்டனர். இந்த தகவலை தன்வந்திரி குடும்பத்தினர் தெரிவித்தனர்.

ஸ்ரீ முரளீதர சுவாமிகள்

வேலூர் மாவட்டம் வாலாஜாபேட்டைஅனந்தலை மதுரா கீழ்புதுப்பேட்டையில் கயிலை ஞானகுரு டாக்டர் ஸ்ரீ முரளிதர ஸ்வாமிகள் அமைத்துள்ள தன்வந்திரி பீடத்தில் உலகில் வேறெங்கும் இல்லாதவாறு அஷ்ட நாக கருடனுக்கு சன்னதி அமைத்து வருகை புரியும் பக்தர்களின் சர்ப தோஷம் நீங்கவும், விபத்துக்களை தடுக்கவும் கருட யாகங்கள் நடத்தி வருகிறார். வருகிற ஜீலை மாதம் 08.07.2016 வெள்ளிக்கிழமை மாலை 6.00 மணிக்கும் 09.07.2016 சனிக் கிழமை காலை 10.30 மணிக்குமேல் வளர்பிறை பஞ்சமியன்று ஸ்வாமிகளின் ஆக்ஞைப்படி ஸ்ரீ கருட காயத்ரி ஹோமம் நடைபெற உள்ளது.

ஸ்ரீகருடபகவான் ஸ்ரீமன் நாராயணனின் வாகனமாவார்.பெரிய திருவடி என்றும் சுபர்ணன் என்றும் அழைக்கப்படுகிறார்.

இந்த ஹோமத்தில்  சீந்தல்கொடி, வெண்கடுகு, பசும்நெய், தேன், நவசமித்துக்கள்,
வெண்பட்டு, பஞ்சகவியம் , போன்ற பொருட்களை சேர்க்கப்பட உள்ளது.இதனை தொடர்ந்து ஸ்ரீ கருடபகவானுக்கு தேன் அபிஷேகம் செய்து சிவந்த பட்டு வேஷ்டி சார்த்தி மல்லி,மரிக்கொழுந்து, சண்பக மலர்களால் அர்ச்சினை நடைபெற உள்ளது.

கருட ஹோமத்தினால் ஏற்படும் பலன்கள்

1. ராகு கேதுவினால் ஏற்படும் தோஷங்கள் அகலும்
2 .நாக தோஷம், சர்ப தோஷங்களினால் ஏற்படும் தோஷங்கள் குறையும்
3 .விஷஜீரம் விஷபூச்சிகளால் ஏற்படும் தொல்லைகள் நீங்கும்
4 .விபத்துக்கள் மற்றும் அகால மரணம் குறையும்.
5 ஸர்ப்ப திசையினால் ஏற்படும் விபத்துக்கள் குறையும்.
6 .மரண பயம்- புத்தி பேதலிப்பு- சர்ம வியாதிகள்-
7 ஆறாத புண்கள்- கட்டிகள்ஆறவும்.
8புற்றுநோய் குணம் அடையும்
9 துர்ஆவிகள் பாதிப்பு குறைய.
10 கோர்ட் கேஸ் வழக்குகள் போன்ற பாதிப்புகள் நிவர்த்தியாகும்.
11 .பாம்புகள் அண்டாமல் காத்துக் கொள்ளலாம்.
12..பயந்த சுபாவம் கொண்டவர்கள் மனோதிடம் பெறலாம்.
13.அடிக்கடி பாம்பு,தேள் மற்றும் இதர விஷ ஜந்துக்களால் ஏற்படும்
தொல்லைகள் நீங்க

ஸ்ரீ கருட காயத்ரி மந்திரம்

ஓம் தத்புருஷாய வித்மஹே|
ஸ்வர்ண பக்ஷாய தீமஹி |
தன்னோ கருட ப்ரசோதயாத் ||

கருட பஞ்சாக்ஷரி மந்திரம் :-

“ ஓம் க்ஷிப ஸ்வாஹா “

மேலும் விபரங்களுக்கு தொடர்பு கொள்ளவும்

ஸ்ரீ தன்வந்திரி ஆரோக்ய பீடம்,
கீழ்புதுப்பேட்டை, அனந்தலை மதுரா,
வாலாஜாபேட்டை.632513
Phone-04172-230033.230274
e-mail : danvantripeedam@gmail.com
web : www.danvantritemple.org , www.danvantripeedam.blogspot.in

உலகத் தமிழ்ச் சங்கம் மதுரை

முனைவர் மு.இளங்கோவன்

கனடா உலகத் தொல்காப்பிய மன்றத்தின் கருத்தரங்க நிகழ்ச்சி, அண்ணாமலைப் பல்கலைக்கழகத்தின் கனடா வளாகத்தில் அமைந்துள்ள அரங்கில்  04.06.2016(காரிக்கிழமை) காலை 9.15 மணியளவில் தொடங்கியது. முனைவர் மு.இளங்கோவன் தலைமையில் தொடங்கிய கருத்தரங்க நிகழ்வில் 17 ஆய்வாளர்கள் தொல்காப்பியம் குறித்த கட்டுரைகளை வழங்கினர். இரண்டு அமர்வுகளாக இந்த நிகழ்வு நடைபெற்றது.  முதல் அமர்வில் சிங்கப்பூர் நன்யாங் தொழில்நுட்பப் பல்கலைக்கழகத்தின் பேராசிரியர்  சீதாலெட்சுமி அவர்கள் தொல்காப்பியம் பரவுவதற்குரிய வழிமுறைகளைத் தம் சிறப்புரையில் குறிப்பிட்டார்.

கனடாவின் கல்வித்துறை – தமிழ், அதிகாரி திரு. பொ. விவேகானந்தன் அவர்கள் அன்பின் ஐந்திணை என்ற தலைப்பில் கருத்துரை வழங்கினார். பேராசிரியர் இ.பாலசுந்தரம் அவர்கள் தொல்காப்பியத்தில் வெட்சித்திணை என்ற தலைப்பில் கருத்துகளைப் பகிர்ந்துகொண்டார். திரு. க.குமரகுரு அவர்கள் தொல்காப்பியம் செப்பும் செய்யுள் உறுப்புகளும் பா வகைகளும் என்ற தலைப்பில் அரியதோர் ஆய்வுரை வழங்கினார். திருமதி லோகா இரவிச்சந்திரன் அவர்கள் தொல்காப்பியர் கூறும் இசையும் இசைப்பண்பாடும் என்ற தலைப்பில் உரை வழங்கினார். திரு. சபா. அருள் சுப்பிரமணியம் அவர்கள் தொல்காப்பியம் ஆசிரியர் மாணவர் என்ற தலைப்பில் உரை வழங்கி மாணவர்களுக்குத் தொல்காப்பியத்தைக் கொண்டு செல்வதற்குரிய வழிவகைகளைக் குறிப்பிட்டார். முனைவர் பார்வதி கந்தசாமி அவர்கள் தொல்காப்பியத்தில் பெண்கள் பற்றிய கருத்தாக்கம் என்ற தலைப்பில் அரிய செய்திகளைப் பகிர்ந்துகொண்டார்.

திருமதி யோகரத்தினம் செல்லையா அவர்கள் தொல்காப்பியம் சுட்டும் நாட்டுப்புறவியல் என்ற தலைப்பில் சிறப்பான உரை வழங்கினார்.

பிற்பகல் 3 மணிக்கு அமைந்த இரண்டாவது செயல் அமர்வில் சுகந்தன் வல்லிபுரம் அவர்கள் கணினித் தமிழும் தொல்காப்பியமும் என்ற தலைப்பில் உரை வழங்கினார்.

திரு. சிவபாலு அவர்கள் மரபுப்பெயர்கள் என்ற தலைப்பில் சிந்தனையைத் தூண்டும் பல கருத்துகளை முன்வைத்து அரிய உரை வழங்கினார். செல்வி மேரி கியூரி போல் அவர்கள் உடற்கூறியலும் தொல்காப்பியமும் என்ற தலைப்பில் ’உந்தி முதலா முந்து வளி’ என்னும் நூற்பா அடியை விளக்கி அவையினரின் பாராட்டினைப் பெற்றார். முனைவர் பால சிவகடாட்சம் அவர்கள் அரிஸ்டாட்டிலும் தொல்காப்பியரும் – உயிரினப் பாகுபாடு என்ற தலைப்பில் சிறப்பாக உரை வழங்கினார். அருட்தந்தை ஜோசப் சந்திரகாந்தன் அவர்கள் தொல்காப்பியம், வீரசோழியம் நூல்களின் ஒப்பாய்வு என்ற தலைப்பில் சிந்திக்கத் தூண்டும் பல கருத்துகளை முன்வைத்தார். பேராசிரியர் இ.பாலசுந்தரம் அவர்கள் தொல்காப்பியத்தில் பண்டைத் தமிழர் அரசியல் என்ற தலைப்பில் அரிய செய்திகளைப் பகிர்ந்துகொண்டார். மருதுவர் இலம்போதரன் அவர்கள் கலந்துகொண்டு தொல்காப்பியமும் எழுத்துக்களின் பிறப்பும் என்ற தலைப்பில் தம் மருத்துவப் பட்டறிவுகொண்டு அரிய செய்திகளைப் பகிர்ந்துகொண்டார். திருமதி கவிதா இராமநாதன் அவர்கள் தொல்காப்பியர் கூறும் மக்கள் சமுதாயம் என்ற தலைப்பில் சிறந்த செய்திகளை அவைக்கு வழங்கினார்.

திருமதி கார்த்திகா மகாதேவன் அவர்களின் நன்றியுரைக்குப் பிறகு முதல்நாள் நிகழ்வு இனிதே நிறைவுற்றது.

கனடாவில் வாழும் தமிழன்பர்கள், எழுத்தாளர்கள், ஊடகவியலாளர்கள் எனப் பலரும் விழாவில் கலந்துகொண்டு சிறப்பித்தனர்.

15வது உலகத் தமிழ் இணைய மாநாடு 2016 மாநாட்டில் பங்கு பெற ஆய்வுச்சுருக்கம் அனுப்புவதற்கான அறிவிப்பு

உலகத் தமிழ்த் தகவல் தொழில்நுட்ப மன்றத்தின் (உத்தமம்) (15வது) உலகத் தமிழ் இணைய மாநாடு 2016 செப்டம்லர் 9,10,11 ஆகிய தேதிகளில் திண்டுக்கல் காந்தி கிராம கிராமிய பல்கலைக்கழகத்தில் நடைபெற உள்ளதை நாம் அனைவரும் அறிவோம்.

ஒவ்வொரு மாநாட்டிலும் ஒரு தலைப்பு முதன்மைத் தலைப்பாகக் கொடுக்கப்படும். இவ்வகையில் 2016 மாநாட்டிற்கு “”கணினியெங்கும் தமிழ், கணினியெதிலும் தமிழ்” என்பது முதன்மைத் தலைப்பாக தேர்ந்தெடுக்கப்பட்டுள்ளது.

மாநாட்டிற்கான கட்டுரைகள் கீழ்க்கண்ட தலைப்புகளில் ஏதாவது ஒன்றில் அமையும் வகையில் தங்களது கட்டுரைச் சுருக்கத்தை அனுப்பும்படி கேட்டுக்கொள்கிறோம்.

• இயல்மொழிப் பகுப்பாய்வு – தமிழ்ச்சொல்லாளர் (சொற்பிழை திருத்தி, சந்திப்பிழை திருத்தி, இலக்கணத்திருத்தி..) இயந்திர மொழிபெயர்ப்பு, தமிழ் எழுத்துருப் பகுப்பான்கள், தமிழ்ப் பேச்சுப் பகுப்பாய்வு, தேடுபொறிகள், தமிழ்த் திறனாய்வு நிரல்கள், மின்னகராதி அமைத்தல்…

• ஒளியெழுத்துணரி, கையெழுத்துணரி.

• கையடக்கக் கணினிகளில் தமிழ்ப் பயன்பாடும் அவற்றின் செயலிகளைத் தரப்படுத்தலும், இக்கருவிகளில் பயன்படுத்தத் தேவையான தமிழ்க்கணினி குறுஞ்செயலிகள் (முக்கியமாக ஆப்பிள், ஆண்ட்ராய்டு, விண்டோஸ்)

• திறவூற்றுத் தமிழ் மென்பொருள்கள், தன்மொழியாக்கம்.

• தமிழ் இணையம், தமிழ் வலைப்பூக்கள், விக்கிபீடியா, சமூக இணையதளங்கள், தமிழ் மின்நூலகங்கள், மின்பதிப்புகள், இணைய, கணினிவழி தமிழ்நூல்கள் ஆய்வு, கையடக்க மின்படிப்பான்களில் தமிழ் நூல்கள், தமிழ் மின்வணிகம் மற்றும் பிற தமிழ்ப் பயன்பாட்டு நோக்குடன் தயாரிக்கப்பட்ட கணினி மென்பொருள்கள்.

மாநாட்டு ஆய்வரங்குகளில் கட்டுரை படைக்க விரும்புவோர் தாங்கள் படைக்க இருக்கும் கட்டுரையின் சுருக்கத்தை A4 தாள் அளவில் ஒரு பக்கத்திற்குள் மே 25 தேதிக்குள் cpc2016@infitt.org என்ற மின்னஞ்சலுக்கு அனுப்புமாறு கேட்டுக் கொள்கிறோம். கட்டுரைச் சுருக்கம் குறிப்பிட்ட ஒரு தொழில்நுட்பத் திட்டப்பணியைப் பற்றிய முக்கியத் தகவல்கள் கொண்டிருக்க வேண்டும். தலைப்பை அறிமுகம் செய்யும் பொதுவான கட்டுரைச் சுருக்கங்கள் ஏற்றுக் கொள்ளப்பட மாட்டாது.

சமர்ப்பிக்கப்பட்ட கட்டுரைச் சுருக்கம் பற்றிய இது போன்ற கருத்துக்களை மாநாட்டுக் குழு, தங்களுக்கு அனுப்பி வைக்கும். புதிய கருத்து, சிந்தனை கொண்ட கட்டுரைகள் படிக்கவும் (oral presentation), பிற கட்டுரைகள் சுவரொட்டி விளக்கங்களாகவும் (poster presentation) ஒப்புக்கொள்ளப்படும்.

கட்டுரைச் சுருக்கம் மற்றும் கட்டுரை தமிழ் ஒருங்குறி அல்லது தமிழ் அனைத்து எழுத்துருத் தரப்பாடு (டேஸ்) ஆகிய குறியேற்றங்களில் மட்டுமே பெற்றுக்கொள்ள இயலும் என்பதைத் தெரிவித்துக்கொள்கிறோம். கட்டுரைச் சுருக்கம் ஆங்கிலத்திலோ (அ) தமிழிலோ (அ) தமிழும் ஆங்கிலமும் கலந்தோ நீங்கள் படைக்கலாம்.

மாநாட்டுக்குழு உங்களின் படைப்புகளை ஆய்ந்தறிந்து மாநாட்டில் படைக்கும் தரம்கொண்ட கட்டுரைகளைத் தேர்வு செய்யும். தேர்வு செய்யப்பட்ட கட்டுரைகளின் விவரம் அதற்கான ஆசிரியர்களுக்கு ஜுலை 15-ஆம் தேதிக்குள் உறுதிப்படுத்தப்படும்.

முழுக் கட்டுரையை 4-6 பக்கங்களுக்கு மிகாமல் எங்களுக்கு உரிய தேதிக்குள் அனுப்பவேண்டும்.

கட்டுரை எழுதும் கட்டுரையாளர்களுள் ஒருவரேனும் மாநாட்டில் கலந்துகொண்டு கட்டுரையை ஆய்வரங்குகளில் நேரிடையாகப் படைக்க வேண்டும். மாநாட்டில் பங்குபெறாமல் அல்லது ஒருவருக்காக வேறு ஒருவர் கட்டுரைகளைப் படைக்க இயலாது என்பதையும் தெரிவித்துக்கொள்கிறோம்.

மாநாட்டில் படைக்கப்படவுள்ள கட்டுரைகள் அச்சிட்ட மாநாட்டு மலராகவும் மின்பதிப்பாகக் குறுந்தகடு வழியாகவும் வெளியிடப்பட உள்ளது. மாநாட்டுக் கட்டுரைத் தொகுப்பு நூலகங்களுக்கான பன்னாட்டு தொடர்திரவு (ISSN) எண்ணுடன் வெளியிடப்படவுள்ளது.

தேர்ந்தெடுக்கப்படும் கட்டுரைகள் சிறப்பு வெளியீடாக உத்தமத்தின் வாயிலாக வெளிவரவிருக்கும் இதழிலும், உலகக் கணினிமொழியியல் ஆய்விதழிலும் வெளியிடப்படும்.

முக்கியமான நாட்கள்

கட்டுரைச் சுருக்கம் அனுப்ப இறுதி நாள் : மே 25

முழுக் கட்டுரை அனுப்ப இறுதி நாள் : ஜுன் 15

தேர்வு செய்யப்பெற்ற கட்டுரை பற்றிய அறிவிப்பு : ஜுலை 15

திருத்தப்பெற்ற முழுக் கட்டுரை அனுப்ப இறுதி நாள் : ஜுலை 31

மாநாடு நடைபெறும் நாட்கள் : 2016 செப்டம்பர் 9,10,11

தமிழ் இணைய மாநாடு 2016இல் கட்டுரையைப் படைப்பது பற்றி உங்களுக்கு ஏதாவது கேள்விகள் இருப்பின் அவற்றை cpc2016@infitt.org என்ற முகவரிக்கு மின்னஞ்சல் அனுப்புமாறு கேட்டுக்கொள்கிறோம்.

அன்புடன்
முனைவர் ஏஜி.ராமகிருஷ்ணன்
தலைவர், மாநாட்டு ஆய்வரங்கக்குழு, தமிழ் இணையம் 2016.

மாநாட்டு ஆய்வரங்கக் குழு

முனைவர். டி. நாகராஜன், S. S. N. பொறியியல் கல்லூரி
முனைவர். சுரேஷ் சுந்தரம், இந்திய தொழில் நுட்பக் கழகம், குவஹாத்தி
முனைவர். எம். நாராயண மூர்த்தி, ஐதராபாத் பல்கலைக்கழகம்

மனோ சந்த்ரா

இயக்குனர் திரு சுரேஷ் கிருஷ்ணா- சத்யா, அண்ணாமலை, பாட்சா, ஆஹா, சங்கமம், மற்றும் பல சூப்பர் ஹிட் படங்களை இயக்கியவர். அவர் முதல்முறையாக பிரத்யேகமாக தொலைக்காட்சிக்காக ஹிட்லர்- எங்கிருந்தோ வந்தான் என்ற டெலிபிலிம் வழங்க உள்ளார்.

ZEE தமிழ் தயாரிக்கும் இப்புதிய படம் மே 29 அன்று பிற்பகல் 3.00 மணிக்கு ZEE தமிழ் சேனலில் ஒளிப்பரப்பாக உள்ளது.

வெறும் 9 நாளில் படமாக்கப்பட்ட இது குடும்பத்துடன் கண்டுகளிக்க தக்க பொழுதுபோக்கு சித்திரம்… 140 நிமிடங்கள் ஓடும் இப்படத்தில் 2 இனிய பாடல்களும் உள்ளது.

தேவயானி, டில்லி கணேஷ், பரத் கல்யாண், மற்றும் புதுமுகங்களான அர்ஜுன்(துயாய்) மற்றும் பவித்ரா ஆகியோர் இந்த படத்தின் முக்கிய கதாபாத்திரங்கள் ஏற்று நடித்துள்ளனர்.

பாடல்கள் பா. விஜய், இசை – தேவா, நடன அமைப்பு – அசோக் ராஜா, ஒளிப்பதிவு – கணேஷ் குமார், வசனம் – சித்ராலயா ஸ்ரீராம், எடிட்டிங் – ரிச்சர்டு மற்றும் ஆர்ட் டைரக்கடர் – ஆனந்த்..

சுரேஷ் கிருஷ்ணா இந்த முயற்சி பற்றி பேசும் போது – இந்த மாதிரி குறைந்த பட்ஜெட்டில் தொலைக்காட்சி படம் எடுக்கும் அடிப்படை நோக்கம் என்னவென்றால், பல புதிய எழுத்தாளர்கள், தொழில் நுட்பக் கலைஞர்கள் மற்றும் நடிகர்களுக்கு இது ஒரு புதிய வாய்ப்புக்கு வழி வகுக்கிறது. சேனல்களுக்குகாக உருவாகும் இப்படங்கள் கலை உலகில் உள்ள பல திறமைசாலிகளுக்கு வாய்ப்பு தரும் புதிய களமாக அமையும். நச்சுனு சொல்லனும்னா – கிரிக்கெட்டில் IPL போல இதுவும் புதிய திறமைசாலிகளுக்கும், தடம் பதித்த திறமைசாலிகளுக்கும் வாய்ப்பு அளிக்கும் ஒரு திறவுகோல்.

தேவகோட்டை- தேவகோட்டை சேர்மன் மாணிக்கவாசகம் அரசு உதவிபெறும் நடுநிலைப்பள்ளி மாணவர்கள் அனைவருக்கும் விருது வழங்கும் விழா நடைபெற்றது.

• விழாவிற்கு வந்தவர்களை ஆசிரியை முத்துலெட்சுமி வரவேற்றார்
• பள்ளி தலைமை ஆசிரியர் லெ. சொக்கலிங்கம் தலைமை தாங்கினார்
• கமுதி நம்மாழ்வார் வேளாண்மை கல்லூரி தாளாளர் அஹ்மத் யாசின் முன்னிலை வகித்தார்
• விசாலயன்கோட்டை சேது பாஸ்கரா வேளாண்மை கல்லூரி தாளாளர் சேது குமணன் சிறப்புரை வழங்கினார்

தாளாளர் சேது குமணன் அவர்கள் தமது சிறப்புரையில், 8ம் வகுப்பு மாணவி தனம் மற்றும் 7ம் வகுப்பு மாணவி தனலெட்சுமி ஆகியோரின் கல்வியின் சிறப்புகளைப் பாராட்டி, உயர் கல்வி வரையிலான படிப்பு செலவைத் தான் முழுவதுமாக ஏற்றுக் கொள்வதாக உறுதி அளித்தார்.

பள்ளியில் 1ம் வகுப்பு முதல் 8ம் வகுப்பு வரை உள்ள அனைத்து மாணவர்களுக்கும் அவரது கல்லூரியில் மரம் நட்டதைப் பாராட்டி விருது வழங்கினார்.

விழாவில் ஏராளமான பெற்றோர்கள் கலந்து கொண்டனர். விழாவில் விருதைப் பெற்றுக்கொண்டு பேசிய மாணவிகள் தனலெட்சுமி, தனம், ராஜேஸ்வரி, பரமேஸ்வரி, ஜெயஸ்ரீ; மற்றும் மாணவர்கள் யோகேஸ்வரன், கண்ணதாசன், முனீஸ்வரன், ஜெகதீஸ்வரன், ராஜேஷ் ஆகியோர் நடுநிலைப் பள்ளியில் படிக்கும்போதே விருது பெற்றது மகிழ்ச்சியாக இருக்கிறது என்றும், அனைவருக்கும் விருது கிடைத்துள்ளது மிகுந்த மகிழ்ச்சியைத் தருவதாகவும் தெரிவித்தனர்.

விழாவினை ஆசிரியை செல்வ மீனாள் தொகுத்து வழங்கினார். ஆசிரியை சாந்தி நன்றி கூறினார். அரசு உதவி பெறும் நடுநிலைப் பள்ளி அளவில் அனைத்து மாணவர்களுக்கும் விருது வழங்கப்பட்டது அளவு கடந்த மகிழ்ச்சியைத் தருவதாக பெற்றோர்கள் பேசினார்கள்.

பட விளக்கம் :
தேவகோட்டை சேர்மன் மாணிக்க வாசகம் அரசு உதவி பெறும் நடுநிலைப் பள்ளியில் மாணவர்கள் அனைவருக்கும் சேது பாஸ்கரா வேளாண்மை கல்லூரி தாளாளர் சேது குமணன் விருது வழங்கினார்.விருது பெற்ற பள்ளி மாணவர்களுடன் நம்மாழ்வார் வேளாண்மை கல்லூரி தாளாளர் அஹமத் யாசின் பள்ளி தலைமை ஆசிரியர் லெ .சொக்கலிங்கம் உள்ளனர்.

L.Chokkalingam,M.Sc,M.Phil,B.Ed,PGDHRM,BLISc,DGT
Head Master,
Chairman Manicka Vasagam Middle School,
Devakottai.630 302.
Sivagangai Dist.
TamilNadu.
09786113160.
E-Mail : jeyamchok@gmail.com
http://www.kalviyeselvam.blogspot.in/

மு.இளங்கோவன்

தமிழ்வள்ளல் இராம. பெரியகருப்பன் செட்டியார் அவர்களின் கருணையாலும், மூதறிஞர் செம்மல் வ.சுப.மாணிக்கனார் அவர்களின் நெறிகாட்டலாலும் காரைக்குடியில் இராமசாமி தமிழ்க்கல்லூரி தோற்றம் பெற்றது. பல்லாயிரம் மாணவர்கள் தமிழ் பயில வாய்ப்பு நல்கிய இக்கல்லூரியில் 01.04.2016 காலை 10.15 மணிக்கு இணையத்தமிழ்ப் பயிலரங்கம் தொடங்கி நடைபெற உள்ளது.

காரைக்குடி அழகப்பா பல்கலைக்கழகத்தின் பதிவாளர் முனைவர் வி. பாலச்சந்திரன் அவர்கள் குத்துவிளக்கேற்றிப் பயிலரங்கத்தைத் தொடங்கிவைக்க உள்ளார். முனைவர் மு.இளங்கோவன் மாணவர்களுக்கு இணையத்தமிழ் குறித்த அறிமுகத்தைச் செய்துவைத்துப் பயிற்சியளிக்க உள்ளார். தமிழார்வலர்கள் கலந்துகொண்டு பயன்பெறலாம்.

திருப்பூர் இலக்கிய விருது — 2016

(கவிஞர் சுகந்தி சுப்ரமணியன் நினைவுப் பரிசு)

2014-15 ஆண்டில் வெளிவந்த நூல்களில் ஒரு பிரதியை மட்டும் கீழ்காணும் முகவரிக்கு அனுப்புங்கள்.

முகவரி:
94, எம் ஜி புதூர் 3ம் வீதி ,
ஓசோ இல்லம்,
பழைய மாவட்ட ஆட்சியர் அலுவலகம் எதிர் வீதி,
திருப்பூர் 641 604 ( 221 221 0 )

மின்னஞ்சல்: Srisuganthi2014@gmail.com

கடைசி தேதி : 1/5/2016

கடந்த ஆண்டில் பரிசு பெற்றோர் விவரம்:
திருப்பூர் இலக்கிய விருது — 2015

(கவிஞர் சுகந்தி சுப்ரமணியன் நினைவுப் பரிசு)

பரிசு பெற்றோர்:
1. நாவல் : ப.க. பொன்னுசாமி – நெடுஞ்சாலை விளக்குகள்
2. கட்டுரை : சேதுபதி – பாரதி தேடலில் சில பரிமாணங்கள்
3. சிறுகதை : முற்றத்துக்கரடி – இலங்கை அகளங்கன்
4. கவிதை : எல்லாளக்காவியம் – இலங்கை ஜின்னாஹ் சரிபுத்தீன்
5. சிறுவர் நூல் : சொட்டுத்தண்ணீர் – இலங்கை ஓ.கெ.குணநாதன்
6. மொழிபெயர்ப்பு : விஜயலட்சுமி சுந்தர்ராஜன் – இந்தி மொழிபெயர்ப்புகள்

அயலகப்பரிசுகள் பெற்றப் படைப்பாளிகள்:
1. ஜெயந்தி சங்கர் (ஜெயந்தி சங்கர் நாவல்கள்)
2. மாதங்கி (சிறுகதைத் தொகுப்பு )
3. சிங்கை டாக்டர் லட்சுமி (ஆய்வு நூல்)
4. நடேசன் (சிறுகதைத் தொகுப்பு)

தேவகோட்டை – தேவகோட்டை சேர்மன் மாணிக்கவாசகம் அரசு உதவி பெறும் நடுநிலைப்பள்ளி மாணவ மாணவிகள்கல்லூரி ஆய்வகங்களுக்கு அறிவியல் ஆய்வகக் களப்பயணம் மேற்கொண்டனர். இப்பள்ளியில் 8ஆம் வகுப்பு பயிலும்மாணவர்கள் தொடர்ந்து மூன்றாவது ஆண்டாகக் கல்லூரி ஆய்வக சோதனை கூடங்களுக்கு நேரில் களப்பயணம்மேற்கொண்டுள்ளனர் என்பது குறிப்பிடத்தக்கது. இவர்கள் களப்பயணமாக தேவகோட்டை ஸ்ரீ சேவுகன் அண்ணாமலைக்கல்லூரி அறிவியல் ஆய்வகத்திற்கு அழைத்துச் செல்லப்பட்டனர்.

கல்லூரி முதல்வர் பேச்சு:
இந்நிகழ்ச்சிக்கு வந்திருந்தோரை விலங்கியல் துறைத்தலைவர் பேராசிரியர் பட்சிராஜன் வரவேற்றார். பள்ளி தலைமைஆசிரியர் லெ. சொக்கலிங்கம் முன்னிலை வகித்தார். கல்லூரி முதல்வர் சந்திரமோகன் தலைமை தாங்கி பேசுகையில், 8ஆம் வகுப்பு படிக்கும் நீங்கள் எந்த விசயத்தை அணுகினாலும் ஏன் என்று கேள்வி கேட்டு பதில் பெறுங்கள்.அப்போதுதான் உங்கள் அறிவு விரிவடையும் என்றார். சுட்ட பழம் வேண்டுமா? சுடாத பழம் வேண்டுமா ? என்று கேட்டகேள்வி வந்ததே முதல் அறிவியல் கேள்வி என்று கூறினார். ஐசக் நியூட்டன் போன்ற அறிவியலாளர்கள் அறிவியல்தொடர்பான நிறையக் கண்டுபிடிப்புகளை நிகழ்த்தியதற்குக் காரணமே அவர்கள் ஏன் என்று கேள்வி கேட்டதனால்தான்என்றார். எனவே நீங்களும் சிறு வயதில் படிக்கும் காலத்திலேயே நிறையக் கேள்விகள் கேட்டு பதில்கள் பெறுங்கள்.வருங்காலத்தில் கண்டிப்பாக அறிவியல் விஞ்ஞானிகள் ஆவீர்கள் எனப் பேசினார்.

விலங்கியல் துறையைப் பார்வையிடல்:

மாணவர்கள் விலங்கியல் ஆய்வகத்தில் மனித எலும்புக் கூட்டை ஆர்வமாகப் பார்வையிட்டனர்

களப்பயணத்தின் தொடக்கமாக மாணவ மாணவியர் விலங்கியல் துறையில், ஒரு செல் உயிரிகளிலிருந்து பல செல்உயிரிகள் வரையும்;
முதுகெலும்பற்றவையான புரோட்டோசோவா தொகுதியைச் சார்ந்த அமீபா, பாரமீசியம், பிளாஸ்மோடியம்,பவளப்பாறைகள், ஆர்த்ரோபோடா, ஆக்டோபஸ், ஸ்டார் ஃபிஷ், சங்கு, சிப்பி, இறால், நத்தை ஆகியவற்றையும்;
முதுகெலும்பு உள்ளவற்றில் கடல் குதிரை, பச்சோந்தி, பல்லி , ஆமை, மீன் வகைகள்; இருபுலவாழ்விகளான தவளை;
ஊர்வனவற்றில் பாம்பு வகைகளான நச்சுப் பாம்புகள், நஞ்சற்ற பாம்புகள், நல்லபாம்பு, ராஜநாகம், பச்சைப்பாம்பு;
பறப்பனவற்றில் புறா, காகம், மைனா, மரங்கொத்தி, மீன் கொத்தி ஆகியவை.
உடல் உறுப்புகளில் எலும்புகளுடனும், கருக்களில் பாலூட்டிகளான முயல், பன்றி, எலி ஆகியவற்றின் கருக்களையும்;எலும்பு வகைகள், மனித இதய மாதிரி, டி என் ஏ, ஆர் என் ஏ மாதிரிகளையும், மைட்டோகாண்ட்ரியா, மனித எலும்புமண்டலம் தொடர்பான மாதிரிகளையும், கரு உருவாவதை நுண்ணோக்கி வழியாகவும் பார்த்தும் அதன் பயன்களைகேட்டும் அறிந்து கொண்டனர்.ரத்த வகை கண்டறிதல் எவ்வாறு நடைபெறுகிறது, அதன் அர்த்தங்கள் என்ன,அதன்வகைகள் என்ன என்பன போன்ற தகவல்கள் பெற்றனர்.

தாவரவியல் துறை பார்வையிடல்:
தாவரவியல் துறையில் மூலிகை தோட்டத்தில் டெரிடொ பைட்டுகள், பிரையொ பைட்டுகள் எனத் தாவரங்களின்வகைகளையும், நுண்ணோக்கிகள் மூலம் தாவரத்தின் மகரந்தப்பை, சூல்பைகளையும் பார்வையிட்டும் அதன்பயன்பாடுகளையும் அறிந்து கொண்டனர்.

மூலிகைத்தோட்டம் பார்வையிடல்:

மாணவர்கள் தாவரவியல் தோட்டத்தில் உள்ள மூலிகை செடிகளை ஆர்வமுடன் பார்த்து தெரிந்து கொண்டனர்

மூலிகை தோட்டம் சென்று மலேசியன் திப்பிலி, அம்மான் பச்சரிசி, சிறுநங்காய், முடக்கத்தான், முப்பிரண்டை,கரிசலாங்கண்ணி, நொச்சி, வசம்பு , ஓமவல்லி, ஆடாதொடா, தவசி முருங்கை, மஞ்சள், மணத்தக்காளி, பெரியநெல்லி,தும்பை, அறுகம்புல், சங்குப்பூ, செம்பருத்தி, குப்பைமேனி உட்பட பல்வேறு மூலிகை செடிகளை நேரடியாகப் பார்த்தும்அதன் பயன்களை அறிந்தும், அது எவ்வாறு மனிதர்களுக்கு உதவியாக உள்ளது என்பதையும் அறிந்தார்கள். .தாவரவியல்விஞ்ஞானிகளைப் படங்களின் மூலமாக அவர்களின் கண்டுபிடிப்புகளை பார்வையிட்டும் பயன்பெற்றனர்.

வேதியியல் ஆய்வகம் பார்வையிடல்:
வேதியியல் ஆய்வகத்தில் உப்பு தொடர்பான சுடர் சோதனைகள், பருமனரி பகுப்பாய்வு செய்து காட்டல், ஆய்வகஉபகரணங்களான கூம்பு குடுவை, பியூரெட், பீப்பெட், சோதனைக் குழாய், கண்ணாடித் தட்டு, உப்பு எடுக்கும் கரண்டி,கண்ணாடி கலக்கி, புன்சென் அடுப்பு , நிற மாற்றத்தைச் சரியாக காட்டும் போர்சலின்ன் டைல் , 200 மி.லி.பீக்கர்,வீழ்படிவு சேகரிக்கும் சோதனைக் குழாய் போன்றவற்றையும், நடுநிலையாக்கல் வினைகளையும், வீழ்படிவு எவ்வாறுநடைபெறுகிறது என்பதையும் அதற்கான உபகரணங்கள் எப்படிச் செயல்படுத்த படுகிறது என்பதையையும்நேரடியாகச் செய்து காட்டல் மூலம் கற்று கொண்டனர்.

மாணவர்கள் வேதியியல் ஆய்வகத்தில் உபகரணங்களைப் பற்றி கேட்டுத் தெரிந்து கொண்டனர்

வகுப்பு மாணவர்கள் நடுநிலையாக்கல் சோதனைகளை அவர்களே செய்து பார்த்தனர்

மாணவர்களும் நடுநிலையாக்கல் வினைகளை அவர்களே செய்து பார்த்து அதன் முடிவு நிலைகளைத் தெரிந்துகொண்டனர். மேலும் உப்புக்கள் கண்டறிதல் சோதனைகளை அதன் நிறங்கள் புன்சன் அடுப்பில் காண்பிக்கும்போதுஎவ்வாறு மாறுகிறது என்பதையும், அதன் மூலம் அவற்றை எவ்வாறு கண்டுபிடிக்க முடியும் என்பதையும் அவர்களேசெய்து பார்த்தனர்.

இயற்பியல் ஆய்வகம் பார்வையிடல்:
இயற்பியல் துறையில் காந்தங்கள், வான்நோக்கி, மின்நோக்கி,தனிஊசல், நிறப்பிரிகை, ஆடிகள், திருகு அளவி, ஊசல்கடிகாரம், எதிரொலிப்பு மற்றும் நேனோ தொழில் நுட்பங்கள் போன்றவை நேரடியாகச் செய்து காண்பிக்கப்பட்டும்மாணவர்களால் செய்தும் பார்க்கப்பட்டது. கணினித் துறையில் எவ்வாறு கணினியை இயக்குவது, அதில் உள்ள முக்கியபகுதிகள் என அனைத்துக்கும் விரிவாக நேரடியாகச் செயல் விளக்கங்கள் மாணவ,மாணவியர்க்கு விளக்கப்பட்டது.

கல்லூரி நூலகம் பார்வையிடல்:
கல்லூரியின் நூலகத்தை நூலகர் உதவியுடன் மாணவர்கள் பார்வையிட்டனர். எவ்வாறு ஒவ்வொரு புத்தகமும் பாடவாரியாக அடுக்கப் பட்டுள்ளது, அதனை எவ்வாறு நாம் எளிதாக எடுத்துப் படிக்க இயலும், நூலகம் எவ்வாறு பயன்படுத்த வேண்டும் என்பது தொடர்பாக விரிவாக எடுத்துக் கூறினார்.மாணவர்கள் மகிழ்ச்சியுடன் சிறிது நேரம் கல்லூரிநூலகத்தில் அமர்ந்து படித்து பார்த்தனர்.

பள்ளி மாணவியின் பேச்சு:
ஆய்வக களப்பயணம் குறித்து நிறைவாக மாணவி தனம் பேசுகையில் கல்லூரியில் படித்தால் கூட ஒரு துறை பற்றிமட்டும்தான் அறிய முடியும்.ஆனால் 8ம் வகுப்பு படிக்கும்போதே நாங்கள் கல்லூரியில் உள்ள அனைத்து அறிவியல்துறைகளையும் அறியும் வாய்ப்பைப் பெற்றதில் மகிழ்ச்சி அடைகிறோம் என்றார். பள்ளியின் சார்பாக மாணவி சுமித்ராநன்றி கூறினார். களப்பயணத்திற்கான ஏற்பாடுகளை ஆசிரியை வாசுகி மற்றும் ஆசிரியர் ஸ்ரீதர் ஆகியோர்செய்திருந்தனர்.

L.Chokkalingam,M.Sc,M.Phil,B.Ed,PGDHRM,BLISc,DGT
Head Master,
Chairman Manicka Vasagam Middle School,
Devakottai.630 302.
Sivagangai Dist.
TamilNadu.
09786113160.
E-Mail : jeyamchok@gmail.com
http://www.kalviyeselvam.blogspot.in/

தமிழில் இயற்பியல் கணிதம் பாடங்களின் விளக்கக் காணொளி குறுந்தகடுகள் வழங்குதல் விழா

தேவகோட்டை – தேவகோட்டை சேர்மன் மாணிக்க வாசகம் அரசு உதவி பெறும் நடுநிலைப் பள்ளியில் நடைபெற்ற காட்சி வழி இயற்பியலும், கணிதமும், அவற்றின் விளக்க உரையும் கொண்ட பெருந்தொடர் வரிசையின் குறுந்தகடு வழங்குதல் விழா நடைபெற்றது.

விழாவிற்கு வந்திருந்தோரைப் பள்ளி தலைமை ஆசிரியர் லெ. சொக்கலிங்கம் வரவேற்றார். பள்ளி செயலர் சோமசுந்தரம் தலைமை தங்கினார். பள்ளிக் கல்வி தலைவர் மீனாட்சி ஆட்சி, கண்ணங்குடி உதவித் தொடக்க கல்வி அலுவலர் அடைக்கலராஜ் ஆகியோர் முன்னிலை வகித்தனர்.

அமெரிக்காவில் உள்ள உலக தமிழ் மொழி அறக்கட்டளையின் இயக்குநர் அழகப்பா ராம் மோகன் 52 பெருந்தொடர் குறுந்தகடுகளையும், இயந்திர அண்டத்துக்கு அப்பால் என்கிற 3 புத்தகங்களையும் வழங்கிச் சிறப்புரையாற்றுகையில், அறிவியல் இயற்பியல் மிகவும் முக்கியமானது. அதன் மொழி கணிதம். இவை வழி வந்தவையே வேதியியல் மற்றும் ஏனைய அறிவியல் துறைகள்.

நாமும், நம்முடைய உலகமும், வகிக்கும் சூரிய குடும்பமும், அக் குடும்பம் இயங்கும் இந்த அண்ட வெளியும் அதன் விண்மீன் தொகுதிகளும் கொண்டதே இப் பிரபஞ்சம். அண்ட இயந்திரம் என்ற இப்பிரபஞ்சத்தின் இயந்திரமயமான இயக்கத்தையும் அதற்கு அப்பாலும் உள்ள அறிவியல் உண்மைகள் உங்கள் கைகளில் தவழும் இந்த நூல் மூன்று பகுதிகளாக வழங்குகிறது. இதை முதல் நூலாக அமெரிக்காவில் உள்ள ஆனேன்பெர்க் அறக்கட்டளையும், கேம்பிரிட்ஜ் பல்கலைக்கழகமும் வெளியிட்டதைத் தொடர்ந்து இவை பரிசுகளையும், பல்வேறு நாட்டு அங்கீகாரத்தையும் உலகளாவிய முறையில் பெற்றுள்ளது. உலக அளவில் பல மொழிகளில் மொழி ஆக்கம் செய்யப்பட்டு பள்ளிகளிலும், கல்லூரிகளிலும் பல நாடுகளில் இயற்பியல் துறையில் சாதனைப் படைத்து கற்பிக்கப்படுகிறது. அதன் தமிழ் வடிவமே நீங்கள் பார்க்கும் இந்த நூல். இயற்பியலை 26 மணியளவில் 52 அரை மணி நேரக் காட்சிகளாகவும், ஒவ்வொரு காட்சிக்கும் துணைப் பாடமாக இரு பகுதிகளாக கேம்பிரிட்ஜ் பல்கலைக்கழகத்தால் எழுதித் தயாரிக்கப்பட்டது. இந்த நூல்கள் .அதோடு இந்த நூல்களில் வரும் கேள்விகளுக்கு விடையும் மூன்றாவது பகுதியாக தரப்பட்டுள்ளது.

‘ஞாயிறு போற்றுதும் ஞாயிறு போற்றுதும்’ என்று நமது சூரிய குடும்பத் தலைவனைப் போற்றி தனது சிலம்பு காவியத்தை இளங்கோ அடிகள் தொடங்குகிறார். இந்தக் கதிரவன் வரலாறு தான் நம் வரலாறு. அந்த வரலாறு தான் இயற்பியல். அதனை இரு தொகுதிகளாக இப் புத்தகம் விளக்குகிறது.

முதல் தொகுதி விண்ணில் இயங்கும் பெரிய உருக்களைப் பற்றி காட்சி வடிவிலும் எழுத்து வடிவிலும் செல்கிறது. அதனை ‘இயந்திர அண்டம்’என்ற தலைப்பில் விளக்குகிறது.

அதனை அடுத்து இரண்டாம் தொகுதி ‘இயந்திர அண்டமும் அதற்கு அப்பாலும்’ என்று பிரபஞ்சத்தில் இயங்கும் மிகச் சிறிய உருக்களைப் பற்றி காட்சி வடிவிலும் எழுத்து வடிவிலும் சொல்லி செல்கிறது.

இதனை இளம் வயது மாணவர்களாகிய நீங்கள் நன்றாகப் பார்த்து எதிர்காலத்தில் அறிவியல் விஞ்ஞானிகளாக வர வேண்டும் என்று பேசினார்.

திருக்குறள்தான் தமிழர்களின் அடையாளம் என்றும் பேசினார். குறுந்தகடு பெரிய திரையில் வெளியிடப்பட்டது.மாணவர்கள் ஆர்வமுடன் கண்டு களித்தனர்.அறிவியல் தொடர்பாக காட்சி வழி ஆர்வமூட்டுவதாக இருந்ததாகத் தெரிவித்தனர். விழா நிறைவாக ஆசிரியை முத்து லெட்சுமி நன்றி கூறினார்.

பட விளக்கம் : தேவகோட்டை சேர்மன் மாணிக்க வாசகம் அரசு உதவி பெறும் நடுநிலைப் பள்ளியில் நடைபெற்ற காட்சி வழி இயற்பியலும்,கணிதமும் ,அவற்றின் விளக்க உரையும் கொண்ட பெருந்தொடர் வரிசையின் குறுந்தகடு வழங்குதல் விழா நடைபெற்றது.

L.Chokkalingam,M.Sc,M.Phil,B.Ed,PGDHRM,BLISc,DGT
Head Master,
Chairman Manicka Vasagam Middle School,
Devakottai.630 302.
Sivagangai Dist.
TamilNadu.
09786113160.
E-Mail : jeyamchok@gmail.com
http://www.kalviyeselvam.blogspot.in/