’’முலைகனத் தாயை அலைக்கழிய விட்டு
கொலைகுண பூதனை கொங்கை -மலைசுவைத்தாய்
அந்நஞ்சை காளியன்மேல் ஆடி ஜெரித்தவன்பால்
நன்நெஞ்சே நிற்பாய் நினைந்து’’….!
”கருத்தவர், ஆனால் கதிரொளி வீசும்
நிறத்தவர், நிர்மால்ய நீலம் -தரித்தவர்,
வண்ணமவர்,கேசவ்தன் எண்ணமவர், ஆய்ச்சியின்
கண்ணனை நெஞ்சே கருது’’….கிரேசி மோகன்….!
கோடி குருமார்கள் கூறிய வேதாந்தம்
தேடிப் படித்தும் திருப்தியில்லை -நாடியில்
ஏதோ அதிருப்தி என்னென்று சொல்வது
கீதோ பதேசகா காப்பு….கிரேசி மோகன்….!
சென்ற வருட ஆடி அம்மாவாசை….!
ஓவியம் – கிரேசி மோகன்
ஆடிப் பெருக்கு, அம்மாவாசை, குருப்பெயர்ச்சி ,மூன்றும் சேர்ந்து வருவது காலெண்டர் பார்க்கும் அனைவரும் அறிந்ததே….
எங்கள் குடும்பம் மட்டுமே அறிந்தது….நான்காவது ஒற்றுமை எனது
‘’அம்மாவின்’’ திவசம்….பஞ்சாங்கப் படி….வருடத்திற்க்கு ஒருமுறை வரும் ‘’அதிதி தேவோ பவ’’ அவள்….
‘’ஆடிப் பெருக்கம்மா ஆசை குருபெயர்ச்சி
கூடி வருகதென்று காலெண்டர் -கோடிட,
ஆகஸ்ட் இரண்டின்று ,அம்மா சிரார்த்தம்
ஆGUESTபஞ் சாங்கி அவள்’’….கிரேசி மோகன்….
நாளை -ஆடி அம்மாவாசை
கஷ்டம் கலைந்திடும், நஷ்டம் நகர்ந்திடும்,
இஷ்டம் நமக்கு இணங்கிடும் – அஷ்டமி
ரோகினியில் தோன்றிய, லேகிய வண்ணனை
ஏகிட எல்லாம் எளிது….கிரேசி மோகன்….!
ஆட வருகவே….
———————–
முனிவர்கள் கூடி மெளனம் காத்திட
தனி ஆவர்த்தனம் நந்தி முழங்கிட
பனி மலை வாசன் பார்வதி யுடனிம்
மனிதனில் தாண்டவம் ஆட வருகவே….(1)
முகார விந்தம் முறுவல் பூத்திட
அகார,உகார,மகார அம்பிகை
அகோர மூர்த்தியை அணைத்து என்மன
விஹாரில் தாண்டவம் ஆட வருகவே….(2)
துந்துபி முழங்க டமருகம் ஒலிக்க
கந்தன் கணபதி கைக்கட்டி நிற்க
எந்தையும் தாயும் மகிழ்ந்து குலாவியென்
சிந்தையில் தாண்டவம் ஆட வருகவே….(3)
மாலவன் சங்க நாதம் ஊதிட
நாலு முகன் நல்வேதம் ஓதிட
ஞால அன்னையும் அப்பனும் எந்தன்
மூளையில் தாண்டவம் ஆட வருகவே….(4)
யாழில் பாரதி ஏழிசை சுரக்க
வாழிய கோஷம் வைதேஹி போட
ஊழி முதல்வனும் உமையும் எந்தன்
தோளில் தாண்டவம் ஆட வருகவே….(5)
பாக்கு வெற்றிலைப் போன்று இணைந்த
தேக்கு மேனியரும் தளிர் இடையாளும்
பாக்கள் பூக்களாய்ப் புலர்ந்திட எந்தன்
வாக்கில் தாண்டவம் ஆட வருகவே….(6)
பாஸியும் நீருமாய்ப் பிணைந்த இருவரும்
தூசி தோஷங்கள் தொல்லை இராது
வாசிவாசியென சுவாசிக்க எந்தன்
நாசியில் தாண்டவம் ஆட வருகவே….(7)
தென்னாடுடையான் தன்தேவியுடன்
பெண்ணாடுடலொடு பாவியேன் நானுனை
மன்றாடுதலால் மனமிசைந்(து) எந்தன்
முன்னால் தாண்டவம் ஆட வருகவே….(8)
வேத புராண இதிகாசங்கள்
பாதச் சிலம்பில் பதிந்திடவே திரு
வாதிரையான் தன் வாமியுடன் என்
காதில் தாண்டவம் ஆட வருகவே….(9)
வாடிய பயிரென் வாழ்க்கையிலே நீர்
ஆடிய பாதராய் அழகுமையாளை
சூடிய வண்ணம் சேர்ந்தென் முன்னால்
ஜோடியாய் தாண்டவம் ஆட வருகவே….(10)….கிரேசி மோகன்….!
”படிகாரப் பச்சை, பவளச்செவ் வாயதரம்,
(எழுப்பும்)கடிகா ரமுரளியின் கீதம், -அடிசேர்ந்து,
கன்றுண்ணும் கோவிந்தன், என்றும் புதியவர் (NEW FOR EVER)
நன்றவர் தாளை நினை’’கிரேசி மோகன்….
முரளி -வேணுகானம்
”பள்ள மதைநோக்கிப் பாய்கின்ற வெள்ளமென
கொள்ளிடத் தானிருகால் கொள்கையாய் -உள்ளமே
கள்ளமில்லா நம்பிக்கை கண்மூடக் கும்பிடு
வள்ளலென மாறும்காண் வாழ்வு”….கிரேசி மோகன்….!
கேசவ் , தாமததிற்கு மன்னிக்கவும்….மதுரை சென்றிருந்தேன்….!
“டயலாவித் அர்ஜுனர் டாப்கிளாஸ் கேசவ் -பயலேக்(payaleg) ஆகி பயந்தும் , -கயலாக –
ஆமைவ ராகசிங்கம் அந்தணர்(வாமனர்) மூணுவித –
ராமனும் கண்ணன் ரதம் “….கிரேசி மோகன் ….!
”நீல யமுனையில் நீந்திய கோபியர்
சேலைப் புதையலை சேகரித்தோய்: -நாளை
சபையில் துரோபதை சோகம் களைந்து
அபயம் அளிக்கத்தா னே!”….கிரேசி மோகன்….!
”ஆலில் மிதந்தவா ஆழ்வார்கள் பாசுர
நூலில் நிறைந்தவா நந்தலாலா -தோளில்
திருத்துழாய் பூண்ட திருவோணத் தானே
கருத்தில் கலந்துவளைக் காப்பு”….கிரேசி மோகன்….!
’’உந்த எதுகை, உருவாக மோனைகள்,
வந்ததே வெண்பா விதவிதமாய், -அந்தக்,
குழலினிது யாழினிது என்போர்கள், கண்ணன்,
மழலைச்சொல் கேளாத தவர்’’….கிரேசி மோகன்….
“பார்த்தன் பார்த்த விச்வருபத்தை, பார்வையற்ற திருதராஷ்டிரன் சார்பாக சஞ்சயனும் பார்த்தான் …. இதுதான் “குருட்டு அதிர்ஷ்டம் ” என்பதோ ….!கிரேசி மோகன் ….
Nellai Gomathi: அண்ணா நெல்லுக்கிறைத்த நீர் புல்லுக்குப் பாய்வதும் குருட்டு அதிர்ஷ்டம் தானே..
சகோதரி கோமதி சஞ்சயன் கண்ணனின் விஸ்வரூபம் கண்டது
சத்சங்கத்தால் என்று சொல்லாமல் சொல்லி அடியேனுடைய திருதராஷ்டிரன் விழிகளுக்கு ‘’விடிகாலை வெளிச்சம்’’ அளித்தாள்….நன்றி சகோதரி….
”நெல்லுக்குப் பாய்ச்சிய நீரோடி, கூடிவளர்,
புல்லுக்கும் பாயுமாப்போல், பாண்டவ, -வில்லுக்(கு),
இருட்டினைப் போக்க கிருட்டிணன் காட்டல்,(விஸ்வரூப தரிசனம்)
குருட்டதிர்ஷ்ட மல்லசத்சங் கம்’’….கிரேசி மோகன்…
————————————————
”மூடபக்தி பெய்து முழங்கால் வழிவார(பாதத்தில்)
மாடுண்ண மாதவர் மேய்க்கின்றார்: -தேடுநீ
பச்சைப் புயலவரை பக்திப் பெருக்கெடுக்க,
மிச்சதைப் பார்த்துப்பார் மால்’’….கிரேசி மோகன்….!
———————————————
”துடுப்பில்லாத் தோணியில் தூரத்தே தீயும்,
அடுப்பில்லா பால்வெளியில் ஆறவைத்து-உடுப்பியில்
கீதாவை மத்தால் ,கடைந்து வினியோகம்:
மாதாவாய் கண்ணன்ந மக்கு’’….
“வாமத்தில் மத்து, வலத்தினில் கோமாதா
ஜாமத்தில் கண்ணன் ஜனித்தது, -பூமத்ய,
பாரம் குறைக்கவல்ல, பாகவத ஓவியக்
காரனிவன் கேசவ்கா க”….கிரேசி மோகன்….!
“சத்சங்கம் வாய்த்தபின் சாத்திரம் ஏதுக்கு,
மத்யான வெய்யிலுக்கு மாருத, -உத்யா,
வனமிருக்க கையில் விசிறி எதற்கு,
மனம்அறுக்கும் அண்ணா மலை”…..கிரேசி மோகன்….
‘’தூணைப் பிடித்த துரைசிங்கம், வானிலுறிப்
பானை பிடித்தானார் பாக்கியவான்: -கூனை(முதுகை)
மிதித்தேறிக் கண்ணன், மகாபலி ஓணத்(து)(ஓணம் மகாபலியோடு சேர்த்துக் கொண்டாடுவது மலையாள மரபு)
உதித்தவர் ரீவைண்ட்(REWIND) உலா(மலரும் வா மன நினைவு)’’….!
அயிகிரி நந்தினி மெட்டில்…. பெருமாளின் த்வாதச நாமத்தில் ஒன்று ‘’திரிவிக்கிரமர்….
“அளிவரம் முக்ரமம் ஒளியரி அக்ரமம்
உணர்குரு சுக்கிரர் கட்டளையை
பலியிட அக்கணம் குறள்திரு விக்ரம
வடிவினில் திக்கது தொட்டனனே
புலனுரு வாமனம் பழகிட நீமனம்
பெருகுவை ஆணவ கந்தையிலே
சலணரு ணேசரின் சிசுரம ணேசரை
சரணடை கோவண சந்நிதியில்”….
ஹரிஹரி கோ குலபாலக கோபியர் காதல காவல கேளி சுதே….கிரேசி மோகன்….!