வாழ்க்கை எனும் ரயில் வண்டி
விசாலம்
வாழ்க்கை எனும் ரயில் பாரு
குறைந்த சுமையுடன் அதில் ஏறு
அதிக சுமைகள் அங்கு தாங்காது ,
அதிலுள்ளே இடமும் போதாது .
சுமைகளைப் பத்திரமாய் காத்தல்
சுமந்து வரும் மன உளைச்சல் .
பிரச்சனைகள் அதனால் வரும்
பின் துன்பதையே அவை தரும்
இலேசான சுமைகள் தூக்க சுலபம்
இல்லாத சுமை அதைவிட லாபம்
பந்தபாசச்சுமை கனத்த எடை ,
பக்தி வழி செல்ல அது ஒரு தடை ,
அளவில்லா ஆசை சுமைகளை வளர்க்கும்
ஆன்மீக வளர்ச்சியைத் அது தளர்க்கும்
மனசுமைகள் இறக்க, வேண்டும் ஒரு கூலிக்காரன்
ஆன்மீக நிலையத்தில் நிற்கும் ஒரு கூலிக்காரன்
கூப்பிட்டவுடன் நம் முன் தோன்றுவான்
கூடிய சுமையை அவன் தாங்குவான்
அவன் தலையில் நம் சுமைகள் அமர்த்தி
ஆத்ம ஞானம் யாசிப்போம், பெறுவோம் நிம்மதி ,
நன்நடத்தையோடு சுமையைக் கொடுப்போம்
நம்பிக்கையுடன் அவன் பின் செல்வோம் .
படத்துக்கு நன்றி
https://drawingfromexperienceblog.wordpress.com/tag/train/
