பண்பாட்டு மயக்கம்
மேலை நாட்டு பிசாவும், பெர்கரும் நாகரிக உணவானதே
நம் சாப்பாட்டு மேசைக்கு இறங்கியது, விரும்பியசிற்றுண்டியானதே
உடல்நலம் கெடுவதை நாம் அறியாமல் இருக்கின்றோமே
இயற்கை உணவு சிறந்தது என அறிந்தும், தவிர்க்கின்றோமே !
ஆணும்,பெண்ணும், அறிமுகத்தில் கைகுலுக்கினர்
பயமின்றி இரவு நேரங்களில் கூடிப் பேசுகின்றனர்
நகரின் மது கடையில் சேர்ந்து கும்மாளமிடுகின்றனர்
இரவு நேர பணிகளில் ஆபாச பேச்சுக்கள் மிளிர்கின்றன !
ஒருவர்க்கொருவர் மரியாதையின்றி டா போடுதல்
கேட்டால், தெரிந்தவர், சிநேகம் என சொல்லி மழுப்புதல்
பணத்திற்காக, பகடைக்காயாய் ஆணை ஆட்டிவித்தல்,
நட்பா, காதலா ! என்ற நிலையிலே தடுமாறுதல் !
ஆணுக்கு நிகர் பெண் என்று நினைக்கும் பெண்
பேதமின்றி ஆணுடையில் நடமாடும் கோலம் ,
கண்டதே காட்சி, கவர்ச்சியான, ஆடை அலங்காரம்
எங்கு முடியுமோ இந்த பண்பாட்டு மயக்கம் !
