Author: கிரேசி மோகன்

”ஏகதெய்வம் கண்ணனவர், ஏரார்ந்தக் கண்ணியின்
பாகவதத் தாம்பில் பிணைப்புற்ற, -ராகமொன்று,
தாளங்கள் வேறாய், தவகோ பியர்களுடன்
நீல யமுனா நதி”….கிரேசி மோகன்….!

’’நீர்கீரிப் பிள்ளை(OTTER) நிமிர்ந்துதன் பிள்ளைக்காய்,
சார்கூறிக் கேட்டு சலாமிட(கும்பிட) , -தார்கரி
வண்ணனை, கீரிக்கும் வாத்சல் யம்காட்டும்
கண்ணனை நெஞ்சே கருது’’….கிரேசி மோகன்….!

’’பசுவு பநிடதம், பால்காரக் கோனார்
விசுவனாதர், தோழர் விஜயர் -சிசுவருந்த(கன்று அருந்த)
கீதைப்பால் ஊட்டுவது கண்ண பரமாத்மா:
பாதை தெரியுது பார்’’….கிரேசி மோகன்….!

சித்திமகன் உத்தமன் அத்தன் மடியமர
தத்துமகன் போல்வாழ்ந்த அத்துருவ -புத்திரனும்
தம்புரா(நாரதர்) சொன்னபடி தாவி விசும்பேறி(விசும்பு -வான்)
எம்பிரான் மீனால்(மச்சாவதாரர்)விண் மீன்’’….!

மாண்டபின் செல்கின்ற மோட்சம் கொடுக்காது
ஆண்டுகள் முப்பத்தா றாயிரம் -ஆண்டபின்
வானில் துருவ விளங்குவாய் விண்மீனாய்
ஆணில்(புருஷோத்தமர்) சிறந்தோன் அளிப்பு….கிரேசி மோகன்….!

பாலுக்கும் காவல் பூனைக்கும் தோழன்அப்
பாலுக்கும் அப்பாலே பாதுகாக்கும் -மாலன்டைம்ஸ் நமக்கு என்றும் ‘’கேசவ்வால்’’….!

”VALENTINE நாளின்று வேழம் முதலையை
மாலன்டைம்ஸ் ஆக்கி மடியிருத்தும் -நீலன்
பழகிடப் ஆனையே, பாய்ந்திடப் பல்முதலை
அழகிய சிங்கா அருள்….கிரேசி மோகன்….!

“பகவான் உவாச “….!
————————————————-

”என்னை மறக்கா(து) எதையும் நினைக்காதே
உன்னைநான் உச்சிக்(கு) உயர்த்துவேன் -எண்ணை
திரியின்றி தானாய் எரியா(து) அதுபோல்
திரிநீஎண் ணைநான் தெளி’’….

 
“வேரோடு கிள்ளி விருட்சம் அகந்தையொடு –
போரோடு போராகப் போராடு -வீராநீ! –
வெற்றி உனக்கதை வீழ்த்துதல் தானன்றி –
சுற்றியுள்ள நூறு சடங்கு “…..கிரேசி மோகன் ….!

”நூதனர் , நித்ய நவனீதர், வந்துசெல்லும்
சேதனர், சேஷகுரு வாதனர்(குருவாதபுரீசர்), -யாதவர்,
மாதவர், கேசவர், மாபா ரதம்செய்து
தீதகற்றும் கீதையாம் தேர்’’….கிரேசி மோகன்….!

’’உலகமோர் கற்பனை , உள்ளமாம் கூனி
கலகமது இட்டகண் கட்டு, -திலகமாம்
ஆயர் குலத்தோர், அடிவருடும் கன்றதன்
நேயர் விருப்பம் நிஜம்’’….கிரேசி மோகன்….!

”மான்போக பின்னால்ரா மன்போனாற் போலவே
”நான்”போகப் பின்தொடரும் நல்லது: -வான்மேக
வண்ணனை மூங்கிலில் வாசிக்கும் நந்தன்சேய்
கண்ணனை நெஞ்சே கருது”….கிரேசி மோகன்….!

‘ஆணென்றும் பெண்ணென்றும் நானென்றும் நீயென்றும்
வீணிந்த வித்தியாசம் ஏனென்று – ஆணன்று(ஹரி)
பெண்ணானாய்(மோகினி), பெண்பாதி(சக்தி) ஆண்மைக்கு(ஹரன்) மைத்துனா!
உண்மைக்குள் உய்ய உதவு”….!

அரிதாரம் பூசி அரிதாரம் ஆனான்
கரியாடை பூண்டோன் கரத்தில்: -அறிவே!
இருமுடிக் கட்டுமயில் ஏந்தினன் உச்சி
கருமுகில் மோகினிசேய்க் காய்(அய்யப்பன்)”….கிரேசி மோகன்….!

பரட்டைத் தலையொடு, பக்கத்தில் ’’ஆ’’வந்(து)
அரட்டை அடிவருடி ‘’அம்மா’’(மாட்டு சத்தம்) : -குறட்டைக்
கடலூரில், போரூரில் கீதை , புவியின்
இடையூறு போக்கும் இடை’’….
அட்டைக் கரியாக, ஆடை கலைந்திட,
வெட்ட வெளிதனில் வீற்றிருந்து -கொட்டிலில்
தன்நினைவு இன்றித்’’ஆ’’ தாலாட்டில் தூங்கிடும்
கண்ணனை நெஞ்சே கருது….கிரேசி மோகன்….!

”Be still HE COMES
STILL IS THE MOUNTAIN
Still is the deep Sea
Still is the windless woods
Still is the contemplating mind
In the womb of stillness is born
The dark beauty,the ethereal joy!
HE the dark one is effulgent !
Yes, have you heard dear
Dark and yet effulgent !
HE is dark and radiant !
HE is still and dynamic
HE is manifold and one
HE is bewitching yet formless
Be still within and behold
In thae stillness of the mind HE comes !….Poem by Nochur Venkataraman

 
COMPANION….!
——————————

”COMPANION கண்ணனின் காப்புண்டு, வேய்ங்குழல்
சிம்பெனி கீதை செவிக்குணவு: -நம்பணி
எண்ணியதை நல்கும் யசோதை இளஞ்சிங்கம்
கண்ணனை நெஞ்சே கருது”….கிரேசி மோகன்….!

”நவனீதக் காரர், நதியமுனா தீரர்,
அவனியதன் பாரம் அகற்ற , -கவனமாய்
வெண்ணை கடைந்தான் விஜயர்க்கு கீதைஅக்
கண்ணனை நெஞ்சே கருது’’….

கலிமுடிவில் ஓரடியை ஆலிலையில் உண்டாய்
பலிமுடியில் வேறடியை வைத்தாய் -தெளிவடைய
நூற்றிடுவேன் வெண்பா நவனீதா ஏற்றிடுவீர்
ஈற்றடி யாக இருந்து….கிரேசி மோகன்….!