பெருமாள் திருப்புகழ்
கேசவ், ‘’சைதன்யர்’’ காளைக்கு வெற்றித் திலகமிடும் ‘’கைதன்யர்’’ போல் இருக்கு….சபாஷ் கேசவ்….அருமை….!
’’நிறத்திற்கு நீலம், சிரத்திற்கு கீதை,
வரத்திற்கு கண்ணன் வருவார், -கரத்தினை
ஏறுக்கு பொட்டாக்கி, ஏறியதன் மீதமர்ந்தார்
பாருக்(கு) இவர்ஜல்லிப் பொட்டு’’….கிரேசி மோகன்….!
பாருக்கு -பூமிக்கு இவர் வெற்றித் திலகம்(ஜல்லிப் பொட்டு)….!
அடியேன் முன்பு வரைந்து முன்பு எழுதிய பாடல்கள்….!
ஐயப்பன் திருப் புகழ்….!
———————————————–
“வீறுபுலி வாகனமு லாவுமுகம் ஒன்று
வாவருடன் தோழமைகு லாவுமுகம் ஒன்று
மாறுபடு மோகினிசு மந்தமுகம் ஒன்று
மேலரவம் பூணுமரன் தந்தமுகம் ஒன்று
மாறன்வழி போகாமல் மேய்க்கும்முகம் ஒன்று
ஏறுமடி யார்கள்பயம் போக்குமுகம் ஒன்று
கூறும்சர ணாகதியை கேளுமுகம் ஒன்று
கானிலுறை காந்தசப ரீசமணி கண்டா”….கிரேசி மோகன்…..
ஐயப்பன் வெண்பாக்கள்
——————————————-
ஆணென்றும் பெண்ணென்றும் நானென்றும் நீயென்றும்
வீணிந்த வித்தியாசம் ஏனென்று – ஆணென்ற
பெண்மைக்கும் பெண்பாதி ஆண்மைக்கும் சேயானோய்
உண்மைக்குள் உய்ய உதவு….(1)
அரிதாரம் பூசி அரிதாரம் ஆனான்
கரியாடை பூண்டோன் கரத்தில் -அறிவே
அரனில் அரியை அறிய புரிவாய்
சரணம் சபரி மலைக்கு….(2)
சு.ரவி ஓவியம் பார்த்து
———————————-
ஓணமும் ஆதிரையும் ஒன்றிக் கலந்ததில்
ஞானமாம் நம்பிக்கை நட்சத்ரம் -கானிலே
உத்திர மானதன் உற்சவ கோலத்தின்
சித்திரம் கண்டேன் சபாஷ்….(3)
சந்தன வாசன் சபரி விலாசனை
வந்தனம் கூறி வழிபட -பந்தள
ராச குமாரன் ரசனை மிகுந்தவன்
ஆசுகவி ஆக்குவான் ஆம்….(4)
வாஸ்த்தவமே, வன்புலி வாகனனே நீலிமலை
ஆஸ்த்தானம் ஆளும் அரிஹர -சாஸ்தாவே
வந்துன்னை ஒவ்வோர் வருடமும் காணத்தா
பந்தளனே தேக பலம்….(5)
பங்குனி உத்திரத்தன்று எழுதியது
———————————————-
பங்குனி உத்திரா பந்தளப் புத்திரா
செங்கட் திருமால் சுமந்தவா -இங்குநீ
தோன்றிய இந்நாளில் தோத்திரம் செய்வோர்க்கு
ஊன்றிடும் கோலுன் உறவு….(6)
பிணிகொண்டு கூற்றின் படிவாசல் நிற்போர்
மணிகண்டன் நாமம் முழங்க -இனிகண்டம்
இல்லையென்(று) ஆகிடும் ஈரொன் பதாம்படிமுன்
தொல்லையாம் தேங்காய் தெறித்து….(7)
மீனாள் திருமணத்தில் மாலோன் அழகுகண்டு
மான்மழு வாளன் மயங்கினான் -கானில்
அபரிமித மோஹினியை ஆலிங் கனித்திட
சபரிகிரி வாசன் ஜனிப்பு….(8)
அய்யனை அன்பர்தம் நெய்யனை அல்லல்தீர்
கையனை மாலரன் பையனை -மெய்யனை
சாமி சரணம் சதாஸ்மரணம் செய்வோரை
காமிய கர்மமணு கா….(9)
அத்தனும் பித்தனும் சித்தம் ஒருமித்த
தத்துவமே தான்தோன்றி தற்பரமே -சத்குரு
ஈசா சபரிகிரி வாசா சரணமுற்றோர்
நேசா வணக்கம் நினக்கு….(10)
வங்கக் கடல்கடைந்த சிங்கனும் சங்கரனும்
அங்கம் கலக்க அவதரித்த -எங்களின்
அண்ணா மலைபுர அய்யன்தேர் கண்டதில்
பண்ணாத பாவமும் போச்சு….(11)
பிறப்பெனக்கு வேண்டும்நின் பம்பையில் நீராய்
இறப்பணைந்த கற்பூரத் தீயாய் -மறப்பெனக்கு
காமக் குரோத உலோபமத மாச்சரியம்
நாமத் திருநீறோ னே….(12)
‘’மாட்டுப் பொங்கல்’’
————————-
”வீட்டுக்கோர் பிள்ளையாய் காட்டுக்கு சென்றாயர்
கூட்டத் துடன்கலந்த கோபாலா -மாட்டுக்கு
பொங்கலின்று, மீண்டும்நீ பூமிக்(கு) எழுந்தருள்,
எங்களைக் கால்நடையாய் ஏற்று’’….கிரேசி மோகன்….
ஸாரி கேசவ்….பசு என்று எண்ணிவிட்டேன்….காளை என்று தாங்கள் கூறியதால், வெண்பாவில் திருத்தம்….!
”வீட்டுக்கோர் பிள்ளையாய் காட்டுக்கு சென்றாயர்
கூட்டத் துடன்கலந்த கோபாலா -மாட்டுக்கு
ஜல்லிக்கட்(டு) இன்று, சுதர்ஸன வேகத்தில்,
ஜல்திஅலங் காநல்லூர் ஜாவ்(ஹிந்தி)’’….கிரேசி மோகன்….
’’வங்கத்தை(வங்கக் கடலை) பானைக்குள் வைத்துக் கடைகின்றார்
சிங்கத்தன் பாலாழி சீதரன் -அங்கம்
கருத்தது வெண்ணைக்கு CONTRASATடாய் உள்ளம்
நிறத்தில் நவனீதம் நாடு’’….கிரேசி மோகன்….!
மதிலரங்கக் கோயில் அதிலுறங்கும் மாலே
விதிநெருங்கும் வேளை வருமுன் -பதிலளிப்பாய்
தேனடைக்குள் தேனியாய் நீயிருக்க என்னுள்ளே
நானெதற்கு வீணாய் நவில்….
நாவல் நிறத்தனே நாலாயிரம் போற்றிடும்
காவலில் தோன்றிய கண்ணனே -ஆவலால்
விட்டகன்றாய் அத்வைதம் வந்தாய் விசிஷ்டனாய்
வெட்டுநீ துண்டுரெண்டா வோம்…
பள்ள மதைநோக்கிப் பாய்கின்ற வெள்ளமென
கொள்ளிடத் தானிருகால் கொள்கையாய் -உள்ளமே
கள்ளமில்லா நம்பிக்கை கண்மூடக் கும்பிடு
வள்ளலென மாறும்காண் வாழ்வு….கிரேசி மோகன்….!
”ஸ்ரீவத்ஸ மச்சம் சரீரம் தரித்தவர்,
‘’ஆ’’வர்த்த தனத்திற்காய் ஆயர்சேய் -கோவர்த்
தனகுன்றினைத் தாங்கிய தாமோ தராயென்
மனக்குன்றை ஏந்தவா மால்’’….கிரேசி மோகன்….!
”ஏந்துகிறார் தாமரையில் ஏக்கமாய் பார்த்தரவர்
சாந்துநிற செங்கண்மால் சேவகரை, -நீந்துகிறார்
கேணியில் சாரதியின் கீதைக் குளியலில்:
நான்நீ விலகநிர்வா ணம்”….கிரேசி மோகன்….!
டோங்க்ரே மகராஜ் பாகவதத்திலிருந்து….
—————————————————-
அங்கை படுக்கையாய் அதரம் தலையணையாய்
செங்கமலக் கண்ணிமைகள் சாமரமாய் -தொங்குமெழில்
புல்லாக்கு மேல்குடையாய் வல்லா னுடன்வாழும்
புல்லாங் குழலுந்தன் பேறு….கிரேசி மோகன்….!
”கண்ணிநுண் தாம்பினால் கால்கட்டு போட்டானாள்
அண்ணியாய் ஆண்டாளும் அன்னைபோல், -கண்ணனும்
ஆச்சிக்(கு) அபயமும், சேச்சிக்கு மாலையும்,
நாச்சூக்கு கேசவ் நயம்’’….கிரேசி மோகன்….
தீக்குளிட்டு பாரதி தீண்டிய தெய்வத்தை
வாக்கிலெட்டா கண்ணனை வாழ்த்துவோம்-பூக்களிட்டு
அப்பம் அதிரசம் முப்பழங்கள் வைத்தாலும்
அப்பயலுக்(கு) அன்பே அமுது (or) அறம்….கிரேசி மோகன்….!
’’பாற்கடல் பள்ளி, பரமபத சோபானர்
நூற்கடல்நா லாயிர நாயகர், -பாற்குடல்
கன்றுகள் மேய்த்தவர், கண்ணனென் காதலர்,
என்றுமவர் கேள்வர் எனக்கு’’…..
கேள்வர் -கணவர்(Eternal Companion)
எங்கிருந்தோ வந்தென் இதயம் புகுந்தோனை
சங்கிருக்கும் கையானை சாரங்கனை -திங்கள்நன்
மார்கழியில் பாடி மணம்புரிந்த ஆண்டாளே
நேர்வழியில் எம்மை நடத்து….
“பழையன விட்டு புதியன பூண
மழையன்ன மாலின் மனையாய்-விழைகிறாள்
புள்ளேறி வைகுந்த புக்ககம் போவதற்கு
கள்ளுறும் பாசுரத்தாள் காண்”….
“சூடிக் கொடுத்த சுடர்க்கொடி நாச்சியார்
பாடி இடம்பிடித்தாள் பாற்கடலில்; -ஆடிப்பூ
ரத்தாள் பதம்பிடித்து ரங்கன் அழைக்கின்றான்
அத்தாளை அம்மிமிதிக் க “….
“கீதைக்(கு) இணையான ,கோதை திருப்பாவை
போதை தலைக்கேற புள்ளேறி -தாதை
பெரியாழ்வார் இல்லம் பறந்துபோய் கேட்டான்
தரியாஓய்! பெண்ணை தனக்கு”….கிரேசி மோகன்….!
’’போகி நாள் வாழ்த்துக்கள்’’….
—————————————————-
”ஆகிறது ஆகட்டும் போகிறது போகட்டும்
பாகிரதி போலின்பம் பொங்கட்டும் -போகியின்று
நன்மையை சாக்கிட்டு, தீமையைத் தீக்கிட்டு
உண்மை கசந்தாலும் உண்”….
HAPPY PONGAL….
———————————
”புதியன ஏற்று பழையன போற்றி
கதிரை குணதிசை காண்போம் – மதிநிறை
திங்கட் தவம்முடிந்து தைப்பலன் தந்தது
பொங்கலோ பொங்கலெனப் பாடு’’….
கிரேசி மோகன்
‘‘ஆண்டாள் திருக்கல்யாணம்’’….
————————————————————-
’’ஆண்டாள் -30’’….
————————————-
‘’வங்கம் கடைந்தானை, வாழ்த்தித் திருப்பாவை,
அங்கம் சிலிர்க்க அளித்தவள், -சங்கரன்(அட சங்கராந்தி வந்துடுத்தே)
மைத்துனன் நம்பியை, மாதவ நோன்பிருந்து,
கைத்தலம் பற்றினாள்கோ ‘’தை’’(அட தையும் பிறந்து விட்டதே)….கிரேசி மோகன்….
”மால்பிடித்தக் கண்ணனின் கால்பிடித்தக் கோதையின்
நூல்படித்து நோன்பினை நோற்றிடுவோம் : -பால்வடிக்கும்
ஆவினம் மேய்த்தன்று ஆயர் குலம்காத்த
வாவிதான் பாலாழி விஷ்ணு’’….கிரேசி மோகன்….!
’ஆண்டாள் -28’’….
———————————
‘’பறவைகளும் தூங்கும் பனிமார் கழியில்,
கறவைகள் பின்சென்று கானச் , -சிறையில்,
பிறவைகள்(otherthings) விட்டொழித்து, புல்லாங் குழலின்
சரணத்தில் பல்லவியாய் சேர்’’….கிரேசி மோகன்….
பகவான் ஸ்ரீ ரமணரின் ‘’WHO AM I” படித்து….!
’’எண்ணம் உறங்கையில் ஏதுலகம், ஆதலால்
திண்ணமாய்ச் சொல்லத் திராணியுண்டு: -கன்னம்போல்(பூச்சிக்கு கன்னம்வைக்கும் திருடன்போல்)
கூட்டுச் சிலந்திதன் கூட்டைஇ ழுப்பதுபோல்
வாட்டும் நினைவை விலக்கு’’….கிரேசி மோகன்….!
’’ரமணா-வே(RAMANA WAY)’’ ஆசிரியர் சாரதா அவர்களின் எடிடோரியலைப்
படித்து விட்டு’’….!
”வலிதாங்கி யாகவாழ், வந்த வலிக்கு
கிலிகொடுக்கும் யார்க்கென்ற கேள்வி -ஒலிக்கும்
பதிலதற்கு ஆன்மா, ’’படவா மனஸால்
எதிரொலிக்கும் மேனி எழவு(ஜடம்)’’….கிரேசி மோகன்….!
மாயநான் ஆணவம் மாற்றிடும் கோவணம்
தூயநான் நிர்வாண தெய்வீகம் -நாயனார்
யோகி ரமணரின் யோசனையைக் கேட்டுணர்வோர்
சாகிறதை வென்ற சவம்….
திருவா திரையில் திருச்சுழி ஊரில்
கருவாய் அழகம்மை கர்பம் -உருவாய்
பெருந்தவம் செய்த பகவான் ரமணர்
பிறந்து துறந்தார் பிறப்பு….கிரேசி மோகன்….!
‘’கூடாரவல்லி திருவாதிரையன்று….அரி, அரன், அம்பாள் மூவரும் ஒன்று….!
’’கூடாரை வெல்வார், கடைசிவரை கூடுபவர்
வாடாது காத்திடும் வைணவம்: -மூடநெய்
ஆதிரை ஈசனவர், அக்காரக் கண்ணனவர்,
பாதியிறைப் பங்கருளம் பாள்’’….கிரேசி மோகன்….!
பாதி இறை பங்கு அருளம்பாள்….!
’’ஆண்டாள் -27”….
————————————–
”கூடாரை வெல்லும்சீர் கோவிந்தன் முப்பதைப்
பாடாத வாயெல்லாம் பாழ்வாயே, -ஆடா(து)
அசங்கா(து) அவனே அவள்பாடல் கேட்க,
விஷம்காதுக்(கு) அன்றோஊர் வம்பு”….
”கூடாரம் போல்குவிந்து, மூடாத பாத்திரத்தில்,
சூடாறும் பொங்கலை சேவித்து -கூடார
வல்லியில் உண்பவர்க்கு, இல்லை டயாபடீஸ்,
வில்லியூர் செல்வியின் வாக்கு”….கிரேசி மோகன்…