கிரேசி மொழிகள்
பைகொண்ட பாம்பில் படுத்த பெருமாளின்,
வைகுண்ட வாசல் விரியும்நாள், -கைகொண்டு
பத்தாண்ட அச்சுதன் பேரால் வரவேற்போம்
புத்தாண்டே புண்ணியமாய்ப் போ ….கிரேசி மோகன்….
ரோகிணி மீனமவன், ராப்பகல் பத்தவன்,
மோகினி கோலம் மதிமயக்கம்: -தாகிநீ!
கீதை உரைத்தமணி கண்டனின் மாதாவை
பாதை வகுக்கும்பம் பை ….கிரேசி மோகன்….
கிரேசி மோகன்
திருவா திரையில் திருச்சுழி ஊரில்
கருவாய் அழகம்மை கர்பம் -உருவாய்
பெருந்தவம் செய்த பகவான் ரமணர்
பிறந்து துறந்தார் பிறப்பு….(1)….
பேரூழி காலத்தில் பாராழி புக்காது
நீரோய சூலன் நிறுத்திய -ஊராம்
திருச்சுழி தோன்றினன், தாயழ கம்மை
கருக்குழியில் கர்மம் கழித்து….(2)….கிரேசி மோகன்….
சொக்கப்ப நாய்க்கர் மதுரை சந்தில்இ
லக்கம் பதிணொன்னில் லீலையாய் -மிக்கதோர்
அச்சமாம் காலனை துச்ச மெனவுதைத்த
அச்சிறுவன் தாளே அரண்…
கிரேசி மோகன்
ஓம் நமோ பகவதே ஸ்ரீ ரமணாய….
திருவா திரையில் திருச்சுழி ஊரில்
கருவாய் அழகம்மை கர்பம் -உருவாய்
பெருந்தவம் செய்த பகவான் ரமணர்
பிறந்து துறந்தார் பிறப்பு….(1)….
பேரூழி காலத்தில் பாராழி புக்காது
நீரோய சூலன் நிறுத்திய -ஊராம்
திருச்சுழி தோன்றினன், தாயழ கம்மை
கருக்குழியில் கர்மம் கழித்து….(2)….கிரேசி மோகன்….
ஸ்ரீரமண ஜோதி
(மீ.விசுவநாதன்)
பிள்ளையாரின்
அருட்கை போட்டது
ஒரு சுழி ! அதுவே
திருச்சுழி!
நான் யார்?
எனக்கேட்ட பிள்ளையாரின்
கருக்குழியான
“திருச்சுழி”
தன் தவத்தால் திறந்தது
அருள்வழி!
பூத உடல்
இறந்த பின்பு
சவத்தால் என்ன பயன்
எனக்கேட்டு வெளியில் கண்டது
ஞானவழி!
மரத்தடி ஒன்றில் ஒருநாள்
அமர்ந்து செய்தார்
ரமணர் உபன்யாசம்!
அது மன ரணம் தீர்க்கும்
சுகவாசம்!
மனச்சுமை இறக்கி வைக்கும்
உரைகேட்க
நாற்காலி ஏறி அமர்ந்தார்
ஓர் வெளிநாட்டார் !
ஆஸ்ரமத்து நிர்வாகி
இதைப் பார்த்தார்!
விரைந்து ஓடி அவரிடம்
ஏதோ பேச அந்த
வெளி நாட்டார்
வெளிநடந்தார்!
ரமணர் இதைப் பார்த்தார்!
நிர்வாகியைப் பக்கம்
அழைத்துக் கேட்டார்!
“கால் மூட்டு வலியால்
கீழே அமர முடியாது, அதனால்
நாற்காலி மேலே
அமர்ந்தேன் என்றார் !
நான் அவரைக்
கீழேதான் அமரவேண்டும்
ரிஷிக்கு
மேலே யாரும் இல்லை என்றேன் !
அவரோ உடனே
வெளிநடந்தார் ! ” என்றதும்
ஞானி சிரித்தபடி
‘அதோபார் மேலே’
மரத்தின் கிளையைக் காட்டினார்
மனத்தின் கிளையை வெட்டிய முத்தன் !
எவர்க்கும்
கரத்தை நீட்டும் கருணை நித்தன் !
நிர்வாகி
மரத்தின் கிளையில்
ஒரு குரங்கைப் பார்த்தார் !
அது,
தன் மனக் குரங்கு
அக்ஞானச் சிரங்கைச்
சொரிந்த ரணமாய்க் கண்டார் !
அறிந்து செய்த தவறாய்க் கொண்டார் !
அதற்கு மருந்தாய் ரிஷியைப் பார்க்க,
மரத்தடி மகான்,
“இப்ப அந்தக் குரங்கை நீ என்ன பண்ணுவாய் ?
அது எனக்கு மேலே இல்லையா ?”
வெட்டெனச் சொன்னார் சந்நியாசி !
வெட்கிப் போனார் நிர்வாகி !
“நான்” உணர்ந்தால்
அமரலாம் எங்கும் ,
அமரத்துவமாகலாம் யாரும் !
ஞானத்திற்கு,
மேடை முக்கியமில்லை
ஆடை முக்கியமில்லை
மனதின்
ஊனம் அழித்தலே முக்கியம் !”
என்று
ரமண ரிஷி எழுந்தார் !
அவர் காலில்
மற்றவர் விழுந்தார் !”
(“மனித நேயம்” என்ற எனது கவிதைத் தொகுப்பில் இருந்து)
இன்று ஸ்ரீ ரமண பகவானின் அவதார தினம் (30.12.2014)
கிரேசி மோகன்
சொந்தப்பாக்(கு) ஆரணம் தந்தப்பா தென்பழனி
கந்தப்பா சோணை கிரிநாதர் -சந்தப்பா ,
அப்பப்பா போதும் அகந்தையின் ஆர்பாட்டம்;
எப்பப்பா ஞானம் எமக்கு”….கிரேசி மோகன்….
ஆரணம் -வேதம்….
கிரேசி மோகன்
அல்லிக் குளக்கரையில் ஆண்டவர் வாயிலில்
வெள்ளிக்கு முன்னே வியாழனில், -பல்லக்கை,
ஏந்துகிறோம் பாரதி, ஏறியமர் வீடடைவோம்,
தாந்திமிதோம் தாளஜ திக்கு
துட்டுக்கு ஏழை, திருவல்லிக் கேணியின்
எட்டுக்கு(கிருஷ்ணன்) தோழனவன் என்றுமே, -பிட்டுக்கு,
மண்சுமந்தோன் மைத்துனனைக் கண்சுமந்தோன் பல்லக்கு
உன்சுமந்த தோளுக்(கு) உரம்….கிரேசி மோகன்….
”ஜாக்கிரதை! பார்த்து! ஜதிப்பல்லாக் கில்தமிழ்
ஆக்கிர மித்தோன் அமர்ந்துள்ளார்-தூக்குற
நாமெல்லாம் ’’கண்ணனென் நண்பன்’’ எனச்சொன்னக்,
கோமானின் சீமான்தாங் கி’’….கிரேசி மோகன்….
பெருமாள் தூக்குபவர்களை ‘’சீமான் தாங்கி’’ என்பார்கள்….
கார்த்திகை தீபம் பார்க்கும் ‘’பைனாகுலர் பகவான்’’…..ஓம் நமோ ஸ்ரீரமணாய….
“பைனா குலரில் பகவான்பார் கின்றார்தன்
நைனாவின் கார்த்திகை நெய்ப்பந்தம்; -மெய்நானைக்
கண்டவர் காண்கிறார், காண்பவனைக் காணென்று,
விண்டவர் காலில் விழு”….கிரேசி மோகன்….
