பெண்ணுக்கோர் ஆயுதம் !

 மூலம்: ஜெஃப்ரி விட்னி

[Geffrey Whitney]

[1586]

தமிழாக்கம் : சி. ஜெயபாரதன், கனடா

உயிரினம் தோன்றிய போதே

இயற்கை விதிகள் ஈந்து விட்டன !

காளைக்குக் கொம்புகள்,

குதிரைக்கு ஓடும் கால்கள்,

சிங்கத்துக்குப் பற்கள்,

வலுத்த பாதங்கள்,

முயலுக்கு துரிதப் பாய்ச்சல்,

மீனுக்கு நீச்சல் திறமை,

பறவைகட்கு இறக்கைகள்,

ஆயினும்

பாதித் தொகை யான

பெண் இனத்துக்குப்

பாதுகாப்பு ஆயுத மில்லை !

அவசியத் தேவைக்கு  

இயற்கை அளித்தது என்ன ?

உடற் கவர்ச்சி !

ஞானிகள், வீரர், தீரர் மயங்கி

வலுவிழக்கும்

மேனித் தோற்றம் !

அழகு பாவைக்கு ஆயுதமா ?

அல்லது

கழுகுக்கு இரையா ?