உழைப்புக்குத் தேவை துடிப்பு!
-ஆர். எஸ். கலா
எடுத்த காரியத்தை இறுதிவரை
தொடர்ந்திட உறுதி பூண்டு விடு
எதிர்காலத்தில் எதிலும் வெற்றி 
பெறுவேன் என்று நெஞ்சில்
நிறுத்திவிடு!
செய்வன திருந்தச் செய்
கவலையை விட்டொழி
காலத்தை வென்று நிரந்தர
வெற்றியைக் கண்டிடு!
முன்னேற்றத்தையே விரும்பு
முறையுடன் அதை நிறைவேற்றிடு
கல்விக் கண்ணோடு பெரியோர்
சொல்லையும் கேட்டிடு, ஒளி
விளக்காய்ச் சுடர்விடு நின்று!
சோம்பேறியாகாதே
துவண்டு விடாதே
எதிர்காலக் கனவை
கலைய விடாதே தொலை
நோக்கி போல் துல்லியமாகக்
கணித்திடு உன் வெற்றியை
புத்தியின் துணையோடு!
உழைப்பில் முன்னேறு
உழைப்பை முழுமையாக நம்பு
உடல் வருத்தி உழைத்திடு
உனக்குள் இருக்கும் திறமையை
மடமை என்னும் திரையால்
மூடாதே!
உன் தொழிலை நம்பு
அதையே நேர்வழியில்
தொடங்கு, வரும் வருவாயை
விரையம் செய்யாதே
கறைபடிவது கையானாலும்
சிறைவாசம் செல்லாத்
தொழிலைத் தேர்ந்தெடு!
மேலே மேலே உயர்ந்திடு
குணத்திலும் தொழிலிலும்
தினமும் மேலோங்கும்
சிந்தனையை வளர்த்திடு!
சிகரம் தொட்டிடு சிறப்பாக
வாழ்ந்திடு தட்டிப் பறிக்காதே
பிறரிடம்
விட்டுக் கொடுக்காதே
உன் நியாயமான கோரிக்கையை!
கேளிக்கை வாழ்வை ஒதுக்கிடு
வாழி வாழி என்று வாழ்ந்திடு
உன் துடிப்பான உழைப்பைக்
கொண்டு!
பெற்றோர் போற்ற மற்றோர்
வாழ்த்த உலகில் உன் புகழ்
பறக்கட்டும், நீ சிந்திய வியர்வைத்
துளிகளும் புகழாக மணம் பரப்பட்டும்
உண்மையான உன்னதமான
உழைப்பையே நம்பித் துடிப்போடு
நீயும் இறங்கு!
