ஏக்கத்தோடு எதிர்பார்ப்பு
-ஆர். எஸ். கலா
உண்மையை உரைத்து
நன்மையைப் புரிந்து
நெஞ்சை நிமிர்த்தி நின்றுவிடு!
ஊக்கத்தைக் கையில் எடுத்து
உன் வெற்றியை அடைந்துவிடு!
உன்னையும் உண்மையையும்
உணராத நட்பைத் தட்டிவிடு!
முயற்சியை முடிவாக்காமல்
உலகத்தில் உலாவவிடு!
சிறுக சிறுகச் சிந்தித்துச்
செயல் பட்டுவிடு!
மறக்க முடியாத சோகத்தையும்
மாற்ற எண்ணி வென்றுவிடு!
நல் அறிவுரைகளை
ஏற்று விடு!
தீய வழி தானாகவரும்
தீன்டாமல் விலகிவிடு!
கடமை கண்ணியம்
மறவாத ஆட்சி புரிந்துவிடு!
பலநாடு வியக்கும் வண்ணம்
நாட்டின் நலத்தையும் வீட்டின்
வளத்தையும் வளர்த்துவிடு!
நல்லவையை நாசம்
பண்ணிவிடும் செயலுக்குத்
தடை பிறப்பித்துவிடு!
நல்ல பல திட்டங்களை
அறிவித்து விடு!
செல்வமும் புகழும் போதும்
என்று நினைக்கும் அரசியலை
மறந்து விடு!
சென்ற இடமெல்லாம் சிறப்பான
மனிதன் என்னும் புகழைப்
பெற்று வென்றுவிடு!
ஏழை எளியோரை மதித்து
மனித நேயத்தை வளர்த்திடு!
ஏற்றுமதி இறக்குமதி எனப்
பல அபிவிருத்தி மூலம்
ஏழை மக்களையும் சிரிப்போடு
வாழவழி வகுத்திடு!
உன் மக்கள் மனதில்
மட்டும் இல்லை உலக
மக்கள் மனதிலும்
உன் நினைவை நிரந்தரமாகப்
பதிய வைத்துவிடு!
