காதல் தோட்டம்
ராஜகவி ராகில்
தாளம் தப்பினாலும் சுருதி விலகினாலும்
சரியான சங்கீதம்
காதல்
பூமியில் நீ வானம்
காதல்தான்
சிறகு
விண்மீன்கள் எண்ணிக்கை கேட்டால்
மிக இலகுவாகச் சொல்வாய்
உன்னிடம் இருக்கும் காதல் உச்சரித்த கணக்கு
காதல்
இளமையான முதுமை
காதலுக்கு கூந்தல் இருந்தால்
இலட்சம் கோடி ஆண்டுகளானாலும்
கறுப்புத்தான்
காதல் வந்த பின்
அந்தவினாடியில் அத்தனையும் மறந்து போய் விடும்
காதலைத் தவிர
காதல் முள்
அதில் அமருகின்ற வண்டும்
பூவாகி விடுகிறது
நீ வீசுகின்ற வலையில்
நீயே
சிக்குப்படுகின்ற அதிசயம் காதல்
நீச்சல் மறந்து போவாய்
விழிக் கடலில் நீ விழ ஆரம்பிக்கும் போதே
உன் சட்டைப் பைக்குள் சமுத்திரம் நிரப்பியும்
கைக் குட்டையில் வானம் வைத்தும்
காதல்
உன்னை அதிசயமாக்கி விடுகிறது
காதல்
உன்னைப் பூக்கூடையாக்குகின்ற முட் சோலை
உலவுகின்ற பழக்கூடையாய்
நீ மாறுவாய்
காதல் தோட்டம் நீயெனில் .