அவள் நிற்பதை நோக்கினேன்

மூலம் : பீட்டில்ஸ் பாடகர்

தமிழாக்கம் : சி. ஜெயபாரதன், கனடா

பதினேழு வயதுப் பாவை அவள்,

புரியுதா நான் சொல்வது !

ஒப்பிட இயலா தவள் கண்ணோக்கு !

எப்படி வேறொ ருத்தி யோடு

நடனம் ஆடுவேன்,

அங்கவள் நிற்பதைக் காணும் போது ?

இப்போ தவள் பார்ப்ப தென்னை,

நானும் பார்ப்ப தவளை !

கண்டதும் காத லுற்றேன்,

மற்றவ னோடவள் சேர்ந்தினி

நடனம் புரிவாளா ?

அங்கவள் நடனம் ஆடும் போது, அடடா

பொங்கி எழுமென் இதயம்,

பூரித் தோடும் அறை நெடுவே ! அவள்

கரத்தை என் கரம் பற்றி,

இரவு பூராவும் நடனம் ஆடினோம்,

ஒருவரை ஒருவர்

இறுகக் கட்டிக் கொண்டு;

காதல் கொண்டேன், நானவள் மீது

காலம் கடத்தாது !

வேறொ ருத்தி யோடு இனிநான்  

ஆடு வேனோ நடனம் ?