Author: கிரேசி மோகன்

”பொய்கையில் பூத்தபக்தி, பூதமதைக் காத்தது,
பொய்கலந்த போதுபேய், ஓட்டியது :-தெய்வமே,
மூன்றாழ்வார் மீதமுள்ள, சான்றோர்கள் போலாக,
தான்தோன்றி மாலே தயவு”….கிரேசி மோகன்….!

ஓவியப் பிதாமகர் திரு.கோபுலு சார் நமது கேசவ்ஜிக்கு ‘’கிருஷ்ணப் பிரேமி’’ என்ற பட்டத்தை அளித்துள்ளார் என்பதை சந்தோஷத்துடன் பகிர்ந்து கொள்கிறேன்….(கேசவ் வெகு கூச்சத்துடன் என்னிடம் இந்த சந்தோஷத்தைப் பகிர்ந்து கொண்டது அடியேன் செய்த பாக்கியமே)….

’’யாரென் றுதெரியுதா! , யாதவன் தானிவன்மன்
னார்குடி கோபுலு(கோகுல) நாயகர்- சாரே!(மலையாள ‘’சாரே’’)
கிருஷ்ணனை டெய்லி தருகின்ற கேசவ்,
‘’கிருஷ்ணப் பிரேமி கரெக்ட்’’….

’’கோகுலு மாடோடு’’ என்றும் கொள்ளலாம்….!கேசவ்ஜி பிரஷ்ணப் பிரேமி….!

”வில்டாப் விஜயனுக்கு வீரம் விளைவித்து
ஃபுல்ஸ்டாப் நூறுக்குப் போட்டவன் -அல்டாப்பாய்
கண்ணார்வம் கொண்டிங்கு கோதைக்காய் காத்திருக்கான்
மன்னார் குடிமைனர் மால்’’….கிரேசி மோகன்

”ஒருவர் படுக்க, இருவர் அமர,
வருகை புரிந்தவரால் நிற்க, -ஒருயிரவில்,
பொய்கை,பேய், பூதத்தார், பின்னிப் பிணைந்திட
செய்த மழையோன் சரண்”….கிரேசி மோகன்….!

கேசவ்ஜி ,பார்க்க கண்ணன் , திருநீர்மலை நீர்வண்ணப் பெருமாள் போல் இருக்கிறார்….!

ஈசன் -அபிஷேகப்ரியர் , மாலர் -அலங்காரப்ரியர்….கேசவ்ஜி ஓவியத்தில் கண்ணனுக்கு அலங்காரம் வண்ண அபிஷேகத்தில்….!

‘’ஜலகண்டர் ,ஸ்ரீ(திரு)நீர் மலைநின்ற மாலர்,
நிலகண்டம்(பூபாரம்) தீர்க்க, நடுங்கிக் -களம்கண்ட,
பார்த்தர்க்கு கீதைப் படிப்பளித்த, பால்காரர்
தீர்த்தம் அலங்காரத் தில்’’….கிரேசி மோகன்….

2015ல் திருநீர் மலை ‘’நீர்வண்ணப்’’ பெருமாளை தரிசித்தேன் …திருமங்கை ஆழ்வார் வந்த போது மலையைச் சுற்றி தண்ணீர் இருந்ததால் பெருமாளை தரிசிப்பதற்காக எதிர் மலையில், சூழ்ந்த தண்ணீர் வற்ற ஒருமாத காலம் காத்திருந்து, பிறகு தரிசித்து…. மலையடிவாரம் நின்ற பெருமாளை ‘’நீர்வண்ணா’’ என்று பாடி மங்களாஸாஸனம் செய்தார் என்பது ஐதீகம்….பூதத்தாழ்வாரும் இவரைப் பாடியிருக்கிறார்….ஆழ்வானாக முடியாவிட்டாலும் பதங்களில் வீழ்வானாக இருப்போமே என்ற ஆசையில் எழுதிய ‘’திருமால் திருப்புகழ்’’….கிரேசி மோகன்….

—————————————————————————————————————–

தனனா தனதந்த தனனா தனதந்த
தனனா தனதந்த -தனதான….
—————————————————————————————————

மரணா வதைவென்ற எமனார் எதிர்நின்ற
ரமணார் வழிசென்று -லகுவாக
எனைநான் அதுவென்று அறிவால் உணர்வென்ற,
அருணா சலர்பங்கு -உமையாளின்,

கரவே லதுகொண்டு திருவா வினன்குன்றில்
அரைகோ வணம்தெண்ட -குருபாலன்
மருமா னவன்கொஞ்ச குறமான் மகள்தந்த
முறைமா மமுகுந்த -அனுபூதி

பெறநான் சுடர்சங்கு கதைவாள் சிலைஐந்து
படையோ டலைமங்கை -உடனேள
புயமா யிரம்கொண்ட படசே டரணைந்த
கடலா டிடும்ரங்க -அருள்வாயே

ஒருநாள் ஜலமங்கை மலைசூழ் தினம்வந்து
திருவாய் மொழிமங்கை, -உபசார
அணிமா மலர்மங்கை அருகே வலம்கொண்டு
திருநீர் மலைநின்ற. -பெருமாளே….கிரேசி மோகன்….

”தக்கார் தகவிலார் தாரதம் மியம்பாரா
மக்கான்சோர் தோழன் முதுகேறி, -அக்கார
வெண்ணையை மந்தியின் வாய்க்கெட்ட வைத்திடும்
கண்ணனை நெஞ்சே கருது’’….கிரேசி மோகன்….!

“இம்மி அசையா(து) இமையோன் அகந்தையை
DUMMYயாக் கும்வரையில் தூக்கினான் -MUMMY;
COUNT -DOWN கர்வபங்கம் காணஉட் கார்ந்தான்
MOUNT -BATTLE FEILD மணி(மணி வண்ணன்)”….
MUMMY -கோமாதா
இமையோன் -கண்களை இமைக்காத இந்திரன்….

“அகர முதலவன் ஆக்களைக் காக்க,
சிகரமதை சுண்டுவிரல் சேர்த்து, -தகரமாட்.
டுக்கொட்டாய் வேய்ந்தது, தேவர்கோன் கர்வபங்கம்:
அக்குட்டன் பாகவதம் அன்று’’….கிரேசி மோகன்….

கட்டளைக் கலித்துறை(கன்னி முயற்சி -நண்பர் ”அசோக் சுப்ரமணியம்” மோனை, ஈற்றுச்சீர் பார்த்து சரி செய்து கொடுத்தது- அவருக்கு நன்றி – அமெரிக்காவில் இருந்து வந்தவர் ”ஜெட்-லேக்கை” கூட பொருட்படுத்தாமல் விடிய விடிய விழித்து சரி செய்தார்…. மீண்டும் அவருக்கு நன்றி) ”அன்னை அந்தாதி”….அருணகிரிக்கு முருகர் முத்து என்று எடுத்துத் தந்தது போல், முதல் பாடலின் முதல் வரியை எழுதியவர் ”தண் டமிழ் கொண்டல் ஸ்ரீ சிதம்பரம் சார் அவர்கள்….அவருக்கு நமஸ்காரம்….!

காப்பு
——————

துலங்குவெண் நீறு துனிப்பிறை கோடு துணைக்கரங்கள்

இலங்கரன் பாகம் இடப்புறம் ஏகும் இமையவளின்

வலம்புகழ் வீரம் வணங்கியந் தாதி வரைந்துரைக்க

கலைதந்த ஆனை கணபதி ராயன் கழலரணே…

அரனும் அரியும் அயனும் அளிக்கவும் ஆற்றிடாத

வரம்தரும் கற்பக வல்லியின் பாதம் வழுத்திடுவோர்

நரனாய்ப் பிறந்து நடைபிண வாழ்வில் நலிந்திடாது

பரணப் பரத்துப் பதவியால் வெல்வராம் பற்பிறப்பே!.

பிறவா வரந்தரும்; பின்னும் பிறப்பின் பிறகெமனால்

இறவா திருந்திடச் ஈயும்; குகையாம் இதயமதில்

மறவா தெழுந்து வரும்பார்; அழைக்கும் மகனெனவும்;

உறவாய் அபிராமி ஒன்றே உலவும் உலகினிலே!

உலகவள் நெற்றி விழிவந்து காய்ந்த ஒளித்துகளே

திலகமாய் அங்கு திகழும் பரிதியும் திங்களுமே

உலவிடும் செவ்வாய் புதன்வ்யாழன் வெள்ளி உபத்திரவம்

குலவாது கூட்டும் குரைகழல் கும்பிட்டுக் கொள்ளுமினே

கொள்பவள் கற்பகம், வெல்பவள் காளியே, கோடிகவி

உள்ளிட பாரதி, ஒண்மாலே லக்ஷ்மி, உவந்தணைப்பள்,

அள்ளுவள் தாயாராய், ஆற்றுவள் ஐயனாய், அன்பதனின்

நள்ளென நண்பியாய் நல்கும் நலமெலாம் நன்றவளே!

அவளை நினைத்து அவலை இடித்தால் அவளசையாள்

அவளைத் துதித்தல் அவளை நினைத்தல் அவளருளால்

அவளே நமக்குள் அவளாய்த் திளைத்தால் அதுசுகமாம்

அவளில் கலந்து அவளாய் முடிந்தால் அதுபரமே!

பரசிவ வெள்ளம் பராசக்தி உள்ளம் பயின்றுணர்தல்

பிரபத்தி ஆகும்! பிரபஞ்சம் வந்து பிறந்திறக்கும்

ஒருகேடும் நீங்கும்! உலகிதன் மாய உருவொழிந்து

மருவுவள் சக்தி மனத்தினில் உண்மை வசப்படுமே!

வசமான சித்தி வலமென் றதனின் வசம்விழாதீர்

நிசமான கூலி நிலையான அன்னை நிழற்றுணையாம்

அசலான தெய்வம் அவளுண்டு வேறே அணுக்கமெலாம்

பிசினாகக் கம்பளிப் போர்வையில் ஒட்டும் பிசுபிசுப்பே

பிசுபிசுத் தோடும் பிறவிப் பிணிகள் கொசுக்கடியாய்

தசகத் தலைகள் துணித்தவன் தங்கையின் தண்ணடிமுன்!

திசையெட்டு தீவளி அப்புமண் எங்கும் திகழ்பவளை

வசனித்த பட்டர் அபிராமி அந்தாதி வாழ்த்துமினே!

வாழ்த்த வயதுண்டு வல்லாள் அவளென்றும் வாலையடா

பாழ்தவம் பூணும் விரதங்கள், பக்தியும் பண்ணலுமேன்?

நாழ்பட நாழ்பட நம்பிக்கை சேர்த்திடும் நாயகிமுன்

தாழ்வு உயர்வெலாம் தாயவள் கண்முன் தளசமமே!

சமமவள் நோக்கு சரியோ தவறோ சரணடைய

இமையெனக் காத்து இருகரம் நீட்டி இகபரத்தை

அமைவுறச் செய்வாள் அபிராமி அன்னை அவளிருக்க

சமயமாய் வீணே சடங்குகள் செய்தல்.. சரி!சிரிப்பே!

சிரித்திட மாதுளை, சம்புமுன் கொவ்வை, சினமடைந்து

முரற்றிடப் பாகல், முறுவலில் முல்லை, முனிகணங்கள்

சிரத்தினில் காய்ந்து சிவப்பழம் ஆகிடும் செவ்விதழை

தரித்திடும் தாய்முன் தலைதாள் வணங்குதல் தாம்தவமே!

தவமிலேன், தான தரும மறியேன் தவமுறைகள்

விவரமாய் கூறும் வழிய றியேன்தாளில் வீழ்பவர்க்கும்!

சிவமோடு சக்தி வழிபா டறியேன் சிரம்நிறைய

அவம்தானே அம்மா அதனாலே வந்தேன் அருள்பெறவே

பெறவந்தேன் பேரின்பம் பிச்சி யுனது பெருமைபாடி

அறக்கயத் தாதுவை அள்ளும் அளியாக ஆகிநானும்

குறவன்பெண் வள்ளிக் குமரன் கரத்தில்வேல் கொள்ளவன்று,

வறுநகை கொண்டுமே வந்தாற்போல் நீவரு வாயுமையே

வாயுண்ட தாம்பூலம் சிந்த வரதன் வரகவியாம்

வாயென்றும் பேசாத மூகனோ வாக்கின் அதிபதியாம்

வாயென்ற பட்டர்க்கு வானத்தில் வந்த வளர்பிறையே

தாயென்ற போர்வையில் தந்தைக் கிணையான தத்துவமே

தத்துவக் கோலுக்குத் தேறாத கற்பகத் தார்தருவாம்

சத்தியம் தர்மங்கள் சார்ந்தோர்தம் சிந்தைக்கும் தாம்வசமில்

பத்தினி பக்தர்தம் பித்தினுக் காட்படு பாங்கினளாம்

உத்தமி ஈசர் உடலி டபாகத்தே உற்றவளே….கிரேசி மோகன்….!

’’நான்முகன் கொண்டனன் நானகந்தை’’, இப்பபயலா
தூண்மறைவில் நின்ற துளஸிங்கன் ! , -மான்மழு
ஈசனின் மைத்துனனா ! ஏன்வம்(பு) எனவீழ்ந்தான்
தாஸனாய்க் கன்றப்பர் தாள்’’….கிரேசி மோகன்….!

’’பந்திக்கு முந்தவில்லை, பார்க்குது கண்ணனை,
அந்தநாள் ஞாபகத்தில் அஞ்சனைசேய் -சந்தித்த
ராமனாய் ,சாகேத ராஜீவ லோசனனாய்:
தாமரைக்கண் காட்டித் தர’’….கிரேசி மோகன்….!

கண்ணன் வாக்கு காண்டீபன் போக்கு….!

‘’அர்ஜுனர் போக்கு , அயக்ரீவர் வாக்காகும்:
கர்ஜனை செய்கின்றார் கீதையை -மர்ஜரக்(பூனைக்)
குட்டி(பூனைக் குட்டி ந்யாயம்) விஜயன் , கபாலத்தில் மாதாமால்(தாய்ப்பூனை)
கொட்டு நீலமேகம் காப்பு’’….கிரேசி மோகன்….!
வாழப் பழத்தோலை வாத்ஸல் யமா(ய்)உரித்து
வாழப் பழம்கீதை வாயூட்டீ: -கோழையந்த
குந்திசேய்க்கு வீரம் கவுரவம் தந்தவர்
மந்திக்கும் மார்ஜர மால்’’….!கிரேசி மோகன்…

மார்ஜரத்தை எதுகைக்காக மர்ஜரம் என்று கொண்டுள்ளேன் ஸாரி….!
Stain Wash செய்ய சொட்டு நீலம் டோய்
Brain Wash செய்ய கொட்டு நீலமேகம்….!