திருமுருகன் துதிமாலை (2)

சத்தியமணி

காரணம்தேடி கலங்கிடும் போதுநீ

காரியம் ஆகவேண்டும்

ஆரணமோதி அடைந்திடும் மகிமைநின்

அடிகளில் காணவேண்டும்

சீரணமாகா திண்டாடும் பிணிநீக்கி

சேமங்கள் சேர்க்க வேண்டும்

பாரணங்  கண்டு பலகாலந் தொண்டு

பணியாற்றும் ஆசி வேண்டும்

மயில்தோகை விரித்தாடும் எழிலோடுஏறி

விளையாடும் வேலகுகனே

துயில்நீங்கத் துணைவியர் துதிபாடக் காதல்

முகங்காட்டும் சக்திமகனே   (2)