வாழ்த்தும் மனமே வாழும்!

மகாதேவ ஐயர் ஜெயராமசர்மா 
மெல்பேண், ஆஸ்திரேலியா 

இறைத்த கிணறு ஊறும்
இறையாக் கிணறு  நாறும்
நடக்கும் கால்கள் வலுக்கும்
நடவாக் கால்கள் முடக்கும்
படிக்கும் காலம் சிறக்கும்
படியாக் காலம் இழக்கும்!

உழைக்கும் கரங்கள் வலுக்கும்
உழையாக் கரங்கள் படுக்கும்
கொடுக்கும் குணமே சிறக்கும்
கொடுக்கா குணமே குறுக்கும்
தாழ்த்தும் தலையே நிமிரும்
தாழாத் தலையே குனியும்
வாழ்த்தும் மனமே வாழும்
வாழா மனமே வீழும்!