தாம்பரம் நகைச்சுவையாளர் மன்றத்தில் சிறப்பு விருந்தினராகப் பங்கேற்று, உரத்த சிந்தனை உதயம் ராம் வழங்கிய நகைச்சுவை உரையின் முதல் பகுதி.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
செண்பக ஜெகதீசன்
அறனறிந் தான்றமைந்த சொல்லானெஞ் ஞான்றுந்
திறனறிந்தான் தேர்ச்சித் துணை.
– திருக்குறள் – 635 (அமைச்சு)
புதுக் கவிதையில்…
அரசுக்கான
அறங்களை அறிந்தே,
கல்வி
அறிவு மிகப்பெற்றே,
அடக்கமாய்ப் பேசும்
ஆற்றல் உள்ளளவனாய்,
எப்போதும்
செயல்திறன் மிக்கவனாய்
உள்ளவனே
அரசர்க்கு ஆராய்ந்து கூறும்
தக்க துணைவனாவான்…!
குறும்பாவில்…
அரசறம் அறிந்தே கல்வியாளனாய்
அடக்கமான பேச்சுடைய செயல்வீரனே அரசர்க்கு
ஆராய்ந்துகூறும் தக்க துணைவனாவான்…!
மரபுக் கவிதையில்…
அரசதன் அறங்களை அறிந்தவனாய்
அளவிலாக் கல்வியு முடையவனாய்,
உரக்கவே பேசிடா தடக்கமுடன்
உரைத்திடத் தெரிந்தவன் உத்தமனாய்
அரசனின் வாழ்வதன் காலங்களை
அறிந்ததன் படிச்செயல் படுகின்ற
தரமுடைச் செயலதன் வீரனெனும்
தக்கவன் அரசனின் அமைச்சாமே…!
லிமரைக்கூ…
அரசறிவு உயர்கல்வி யுடனே
சொல்லடக்கம் கொண்டே செயல்வீரனாய் இருத்தல்,
அரசனுக்கேற்ற அமைச்சனின் கடனே…!
கிராமிய பாணியில்…
மந்திரி மந்திரி
மகாராசாவுக்கு ஏத்த மந்திரி,
மதிப்பு மிக்க மந்திரி..
நாட்டு அரசியலறிவு
நல்ல படிப்பு,
அடக்கமான பேச்சோட
எதயும்
ஆராஞ்சி சொல்லுற
தெறமயுள்ள செயல்வீரன்தான்
ராசாவுக்கு
தக்க தொணயான மந்திரி..
அவுருததான்,
மந்திரி மந்திரி
மகாராசாவுக்கு ஏத்த மந்திரி,
மதிப்பு மிக்க மந்திரி…!
சென்னையில் இன்று மாலை முதல் பெரும்பாலான பேருந்துகள் இயங்கவில்லை. நூற்றுக்கணக்கான பேருந்துகள், ஆங்காங்கே சாலையோரம் நிறுத்திவைக்கப்பட்டுள்ளன. போக்குவரத்து ஊழியர்கள் திடீர்ப் போராட்டத்தில் குதித்துள்ளனர். களத்திலிருந்து இதோ நேரடி விவரங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
செங்கோலுடன் இந்தியாவின் புதிய நாடாளுமன்றக் கட்டடம் திறக்கப்பட்டுள்ளது. இதில் திருஞானசம்பந்தர் இயற்றிய கோளறு பதிகம் பாடப்பெற்றுள்ளது. இப்பதிகத்தின் நிறைவுப் பாடலின் ஈற்றடி,
ஆனசொல் மாலையோதும் அடியார்கள் வானில்
அரசாள்வர் ஆணை நமதே!!
என அமைந்துள்ளது அழகிய பொருத்தம். ‘கோளறு பதிகம்’, மிகச் சக்தி வாய்ந்தது. நவகிரகங்களால் நேரக்கூடிய தீமைகளை விலக்கக்கூடியது. இதை ஓதும் அடியார்களுக்கு நாளும் கோளும் குற்றமற்ற நன்மையே புரியும். இடர்கள் ஏதும் புரியாது என்று சம்பந்தர் ஆணையிட்டுச் சொல்கிறார். இந்த அற்புதப் பதிகத்தை, ‘கான பிரம்மம்’ கிருஷ்ணகுமார் குரலில் கேட்டு மகிழுங்கள். சிவபெருமானின் அளவற்ற கருணையைப் பெறுங்கள்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
அறுபடை வீடுகளுள் ஒன்றான திருத்தணி அருள்மிகு சுப்பிரமணிய சுவாமி திருக்கோவிலுக்குச் சென்று வந்தோம். திரும்பிய புறமெங்கும் திருமண ஜோடிகள், காதுகுத்து, முடி காணிக்கை, புது வாகனத்துக்குப் பூஜை, பக்தர்களே எடுத்து வந்து அளிக்கும் பிரசாதம் என மங்கல நிகழ்வுகள் நடந்தவண்ணம் உள்ளன.
வரிசையில் நிற்கும் பக்தர்களின் தாகம் தீர்க்க, தண்ணீர் கொடுத்தவண்ணம் உள்ளனர். பக்தர்கள் நடக்க எளிதாக, கம்பளம் விரித்து அதில் தண்ணீர் ஊற்றுகின்றனர். பஞ்சாமிர்தப் பிரசாதம் தாராளமாகத் தருகின்றனர்.
விதானத்தை அலங்கரிக்கும் அறுபடை முருகன் ஓவியங்கள் தனி அழகு. கோவிலுக்கு உள்ளே குரங்குகள் இயல்பாக ஓடி, ஆடி விளையாடுகின்றன. அதில் ஒரு குரங்கு, வேங்கடாசலபதியின் தலைமேல் ஏறி அமர்ந்துவிட்டது. இந்த அழகிய திருக்கோவிலுக்குள் ஒரு சிறிய உலா.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
மங்கையர் தினம்
தினம் தினம் இனிக்க மங்கையர்
தினம் வந்தது தானாய்….1
இதிகாசம் பதிக்கும் கலிகாலம் பழிக்கும்
சலியாத தாய்மை பணி…2
தொடராகும் தொடக்கம் துவளாத வரைக்கும்
சுடராகும் குலத்தில் பெண்..3
மகளாய் மனையாய் தமக்கை தோழியாய்
சகமாய் வந்தாள் தாய்..4
அன்பை காட்டி அகத்தை கூட்டி
பண்பை தருவது பெண்..5
திருத்தணி முருகன் கோவிலில் ஒரு நல்ல சேவை
திருத்தணி முருகன் திருக்கோவிலில் பக்தர்களுக்குப் பஞ்சாமிர்தப் பிரசாதம் வழங்கும் காட்சி.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
திருவாகி வந்தென் குற்றம் துடைப்பார்
உருவாகி ஊட்டும் குரு
மாயவிளை யாடல்தமை மதிவீழ செய்யாது
காயமெலாம் காக்கும் குரு
ஆனந்த ஆனந்த ஆனந்த பொழிவாகி
தானந்த மாகிடும் குரு
துன்பம் கொடுத்து துயரம் தனைமாற
இன்பம் கொடுக்கும் குரு
பிறவிகள் அறுக்க பித்தமெலாம் அழிக்க
அருவிகள் அருளாக குரு
பிழையோ பாவமோ பித்தமோ பிணிநீக்க
மழையாக மந்திரம் குரு
ஞானமும் நல்லறிவு சாதுர்யம் தன்னடக்கம்
தானங்க மாகிடும் குரு
தெரியாது புரியாது தவித்திடும் நிலைமாற
குறையாத வளந்தான் குரு
வித்தை கற்பித்து சத்தை தெளிவிக்க
சித்தியுள் நிறைந்த குரு
முடியாத காரியம் விதியென காரணம்
அடியாலே நிகழ்த்தும் குரு
ஒழுக்கம் தவநெறி நல்லறம் பாக்கியம்
வழங்கும் பகவான் குரு
[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]
இரண்டாயிரம் ரூபாய் நோட்டுகளைத் திரும்பப் பெறுவது ஏன்? இதனால் என்ன நன்மை? இதன் மூலம் வங்கித் துறைப் பங்குகளின் விலை அதிகரிக்குமா? கடனுக்கான வட்டி விகிதங்கள் மாறுமா? இந்த நோட்டுகளை எங்கே, எப்படி மாற்றிக்கொள்ளலாம்? அங்கீகரிக்கப்பட்ட நிதி ஆலோசகர் ராமகிருஷ்ணன் நாயக் விளக்குகிறார்.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
சென்னை மாவட்ட வலுத்தூக்கும் சங்கத்தில், 40 வயதுக்கு மேற்பட்டவர்களுக்கான மாஸ்டர்ஸ் போட்டி, சென்னை அம்பத்தூரில் உள்ள ஆப்டிமஸ் உடற்பயிற்சிக் கூடத்தில் நடைபெற்றது. இதில் டெட்லிப்ட் பிரிவில், மாமலையும் ஓர் கடுகு என வீர ஆண்கள் வலுத்தூக்கும் வீறுமிகு காட்சிகள் இதோ.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
சென்னை மாவட்ட வலுத்தூக்கும் சங்கத்தில், 40 வயதுக்கு மேற்பட்டவர்களுக்கான மாஸ்டர்ஸ் போட்டி, சென்னை அம்பத்தூரில் உள்ள ஆப்டிமஸ் உடற்பயிற்சிக் கூடத்தில் நடைபெற்றது. இதில் ஸ்குவாட் பிரிவில் ஆண்கள் ‘துடிக்குது புஜம், ஜெயிப்பது நிஜம்’ எனத் தோளுயர்த்தி, தலைநிமிர்ந்து வலுத்தூக்கும் எழுச்சிமிகு தருணங்கள் இதோ.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
சென்னை மாவட்ட வலுத்தூக்கும் சங்கத்தில், 40 வயதுக்கு மேற்பட்டவர்களுக்கான மாஸ்டர்ஸ் போட்டி, சென்னை அம்பத்தூரில் உள்ள ஆப்டிமஸ் உடற்பயிற்சிக் கூடத்தில் நடைபெற்றது. இதில் பெஞ்சு பிரஸ் பிரிவில் ஆண்கள் வலு தூக்கி, திறம் காட்டும் எழுச்சிமிகு காட்சி இதோ. எழுக இந்தியா!
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
குழந்தை முதல் குடும்பம் வரை தூக்கிச் சுமக்கும் பெண்களுக்கு எடை தூக்குவது எளிதே. சென்னை மாவட்ட வலுத்தூக்கும் சங்கத்தில், 40 வயதுக்கு மேற்பட்டவர்களுக்கான மாஸ்டர்ஸ் போட்டியில், பெண்கள் வலு தூக்கி வாகை சூடும் காட்சி இதோ.
(அண்ணாகண்ணன் யூடியூப் அலைவரிசையில் இணைய, இங்கே சொடுக்குங்கள் : http://www.youtube.com/subscription_center?add_user=Annakannan)
செண்பக ஜெகதீசன்
குறளின் கதிர்களாய்…(452)
அற்றேமென் றல்லற் படுபவோ பெற்றேமென்
றோம்புதல் தேற்றா தவர்.
-திருக்குறள் – 626 (இடுக்கண் அழியாமை)
புதுக் கவிதையில்…
செல்வம் வந்து
சேர்ந்த போது,
பெற்றோம் இதுவெனப்
பற்றுடன் அதனைப்
பிறர்க்குக் கொடுக்காமல்
பேணிப் பாதுகாக்கும்
இயல்பே இல்லாதோர்,
வறுமை வந்து
வாட்டும் போது
இழந்தோம் என்றே
இடர்ப்பட மாட்டார்…!
குறும்பாவில்…
செல்வம் தம்மிடம் சேரும்போது
பெற்றோமெனப் பற்றுடன் சேர்த்து வைக்காதோர்,
வறுமையில் இல்லையென இடர்ப்படார்…!
மரபுக் கவிதையில்…
தேடிச் செல்வம் வரும்போதில்
திரண்ட ஆசை கொண்டேதான்
நாடி யதன்மேல் பற்றுடனே
நம்பிக் காக்க விருப்பில்லார்,
வாடி நிற்க வைத்துவிடும்
வறுமை வந்த போதினிலும்
கூடித் துன்பம் வந்தாலும்
கொடுமை யென்றே இடர்ப்படாரே…!
லிமரைக்கூ…
செல்வத்தின் மீதே பற்று
கொண்டது சேரும்போது விரும்பாதோர் வருந்தாரே
வறுமையில் இடரினைப் பெற்று…!
கிராமிய பாணியில்…
போவாத போவாத
தொவண்டு போவாத,
துன்பத்தக் கண்டு
தொவண்டு போவாத..
காசுபணம் சேரும்போது
அதுல ஆசவச்சி
அடுத்தவுங்களுக்கும் குடுக்காம
சேத்து வைக்கக்
கொஞ்சமும் விரும்பாதவன்,
வறும வந்து
துன்பம் வந்தாலும்
தொவண்டு போகமாட்டான்..
அதால
போவாத போவாத
தொவண்டு போவாத,
துன்பத்தக் கண்டு
தொவண்டு போவாத…!
