Blog

இனிய நண்பர் அழ. ராம்மோகன் (கானாடுகாத்தான்/சிகாகோ) திருக்குறள் வெளியீட்டில் சாதனை செய்தவர். அவரைப் பற்றிக் கொஞ்சம் எழுதியுள்ளேன்.

Tiru. Al’s Tirukkural volume is in Third printing. Just a few thousand $ more needed. If possible, send you donation via Zelle, or mail the check to Mrs. Rammohan. This will make sure 10,000 copies of Tirukkural and Culturescape of Tamils volume will be available at $ 15 or so.

A good gift for any youth entering college, at weddings, when you meet friends, … ~NG

This Noble project is taken forward by International Tamil Language Foundation which is a 501(c) (3) organization. The donation is tax deductible. EIN: 36-3755576.

Donation can be made by check to:

International Tamil Language Foundation,
8417, Autumn Drive,
Woodridge, Illinois, 60517, USA.
One can also pay via PayPal or Zelle using meenakshi@kural.org

http://nganesan.blogspot.com/2022/10/al-rammohan-tirukkural-book-chicago.html

திருக்குறள் அழ. இராம்மோகனின் நூல் – மூன்றாம் பதிப்பு, சிகாகோ, 2022

சிகாகோவில் வாழ்ந்த அரிய நண்பர், அழகப்ப இராம்மோகன் (1939 – 2019) கானாடுகாத்தான் என்னும் புகழ்மிக்க ஊரைச் சார்ந்தவர். திருக்குறள், தமிழ்ப் பண்பாட்டுக் கையேட்டுடன் மிக அழகிய முறையில் வெளியிட்டவர். தமிழில் அறிவியலைக் கற்றுத்தரப் பல நல்ல ஆங்கில நூல்களைத் தமிழாக்கம் செய்த புரவலர். மூன்றாம் பதிப்பாக, திருக்குறள், தமிழ்ப் பண்பாட்டுக் கையேடு அச்சாகிக் கொண்டுள்ளது. அதற்கான நிதி உதவியைச் செய்து தாருங்கள். நன்றி.

பெரும் பதவி வகித்தாலும் பழகுதற்கு இனியர். தமிழர் முன்னேற்றம் பற்றியே சிந்தித்தவர். அவர் வெளியிட்ட பண்பாட்டுக் கையேட்டில் என் நூலகத்தில் இருந்த பல கட்டுரைகள், ஒளிப்படங்கள் காணலாம்.

அமெரிக்காவில் தமிழும், திருக்குறளும் வளர்த்த இனிய நண்பர், திருமிகு. அழகப்ப இராம்மோகன். அவரது குடும்பத்தார் அனைவரும் – குறிப்பாக, மகள் பார்வதி வெங்கட், மகன் சிதம்பரம் ராம்மோகன், திருமதி. மீனாட்சி இராம்மோகன் – எங்கள் நண்பர்கள். ஸ்டீபன் ஹாக்கிங்கின் நூல்களைத் தக்காரைக் கொண்டு மொழிபெயர்த்து வெளியிட்டவர். கேம்பிரிட்ஜ் பல்கலையில் வெளியான இயற்பியல் காணொளிகளைத் தமிழாக்கித் தந்த பெருமகன். தமிழர் வாழ்வு உயர, அறிவியலும், சுயசிந்தனையும், தாய்மொழிப்பற்றும் இன்றியமையாதவை என்று கண்டு வாழ்நாள் எல்லாம் உழைத்தவர். அவரது நூலகம் 10,000 நூல்களைக் கொண்டது. யாழ்ப்பாண நூலகம் எரிக்கப்பட்டது போல, உலகின் முதல் நூலகம் அலெக்சாண்டிரியாவில் இருந்து சில ஆயிரம் ஆண்டு முன்னே அழிந்தது. அந்த இடத்தைச் சென்று ஆராய்ந்தவர் அவர்.

அழகப்ப ராம்மோகனின் கனவுத்திட்டமாகிய நூலகம், அதில் காணொளிகள், இணைய வசதி, ஏராளமான நூல்கள் என அவரது சொந்த ஊர் கானாடுகாத்தானில் டிசம்பர் 26, 2019-ல் தொடங்கிற்று. அந்த விழாவில் கலந்துகொண்டேன்.

நான் ஸ்பேஸ் ஸ்டரக்சர்ஸ், ராக்கெட் ஸயன்ஸ்-ல் முனைவர் பட்டம் பெற்று, அமெரிக்க விண்வெளி நிலையத்தில் பணியில் சேர்ந்த அமயம், திரு. ராம்மோகன் பலமுறை ஹூஸ்டன் இல்லம் வந்திருக்கிறார். அவர் கடின உழைப்பாளி. ஐந்து நட்சத்திர ஹோட்டல்களில் தங்க முலாம் பூசிய விவிலிய நூல் இருக்கும். அதே போல, அதே பதிப்பகத்தில் தங்க முலாம் பூசி திருக்குறளும், ஓவியமும் (மணியம்செல்வன்), பண்பாட்டுக்கையேடும் மிகுந்த பொருட்செலவில் வெளியிட்டார்கள். அந்நூலுக்காக, ஒரு தலைப்பை வடித்துத் தந்தேன் “Culturescape of Tamils” என்பது அச்சொல். இராம்மோகனுக்கு மிகப்பிடித்த தலைப்பு அது. ஏ. கே. ராமாநுஜன் “Interior Landscape” என்று அகத்திணைக் கோட்பாட்டுக்குப் பெயரளித்தார். அதன் வழி, Culturescape of Tamils என்ற பெயரமைத்தேன். தமிழ்ப் பண்பாட்டுக் கையேட்டில் வெளியான கட்டுரைகள் பலவும் என் நூலகத்தில் இருந்து இராம்மோகனார் தேர்ந்தெடுத்தவை. 1900களின் ஆரம்பத்தில் சுமார் ஒரு இலட்சம் கட்டுரைகள், ஆய்வேடுகள், நூல்கள் பற்றிய விரிவான தமிழ், தென்னிந்திய மொழியியல், சமூகவியல், கலைவரலாறு பற்றிய நூற்றொகுப்பு (Bibliography on Tamils) செய்தேன். அதில் இருந்து ஒருபக்கம், இராம்மோகனின் வலைத்தளத்தில் (https://kural.org/ ) இருந்து பார்க்கலாம்: https://kural.org/culturescape/

சிகாகோ இராம்மோகன்

அன்பார்ந்த நண்பர் அழகப்ப ராம்மோகன்
இன்பார் திருக்குறளை இப்பாரில் என்றும்
அமிழ்தெனப் போற்றஅரும் பாதைதந்தார் வாழி
தமிழுள் ளளவும் தழைத்து.

https://ar-ar.facebook.com/1428383984066811/posts/1428415247397018/

தங்க முலாம் பூசிய திருக்குறள் நூல்

திருக்குறள் தொடர்பாக எத்தனையோ நூல்கள் வந்துள்ளன. ஆனாலும் உலகத்தமிழ்மொழி அறக்கட்டளை, சிகாகோ, அமெரிக்கா வெளியிட்டுள்ள திருக்குறள் நூல் புதுமையானதாகவும், அரியதாகவும் உள்ளது. 1814 பக்கங்களில் திருக்குறளுக்கான ஆங்கில மொழிபெயர்ப்பு, திருக்குறள் தொடர்பான பல்வேறு ஆய்வுக் கட்டுரைகள், ஒவ்வொரு அதிகாரத்திற்கும் கோட்டுவடிவப்படங்கள் எனத் தொகுத்துள்ளது. திருக்குறள் தமிழ் மறை, தமிழ்ப்பண்பாட்டுக் கையேடு, தமிழின எதிர்கால வழிகாட்டி எனக் குறிப்பிட்டிருப்பதைப் போலவே – கிருத்துவர்களின் மறையான பைபிள் அச்சடிக்கும் அதே தாளில் அதே வடிவில் சிறப்பாக அச்சாக்கி, தங்கமுலாம் பூசி நூலை வெளியிட்டிருப்பது வணங்குதற்குரியதே. தொடர்புக்கு : திரு. அழகப்பா ராம்மோகன், திட்ட இயக்குநர், உலகத் தமிழ் மொழி அறக்கட்டளை, சிகாகோ, அமெரிக்கா.

More at http://nganesan.blogspot.com/2022/10/al-rammohan-tirukkural-book-chicago.html

புதன் 26.10.22

சிவ சேனையின் சிவத்தொண்டர் சிறீந்திரன் மற்றும் சிவத்தொண்டர் செயமாறன் அனுப்பும் செய்தி.

கொழும்பில் குடியரசுத் தலைவர் அலுவலகத்திற்கு முன்பு நந்திக் கொடிகளைப் பறக்க விட்டுச் சைவத்தமிழ்ச் சமூகத்தை மகிழ்ச்சியில் ஆழ்த்தியுள்ளனர்.

கொழும்பில் சைவக் கோயில்களுக்கு வெளியே நந்திக் கொடிகள் பறப்பது அபூர்வம். சில விழாக்களில் பறந்து இருக்கின்றன.

தீபஒளித் திருநாளையொட்டி மேதகு குடியரசுத் தலைவர் அலுவலகத்திற்கு முன்பு நந்திக் கொடிகளைப் பறக்க விட்ட மேதகு குடியரசுத் தலைவர் இரணில் விக்கிரமசிங்கர் மற்றும் சைவத் தமிழரான மூத்த அமைச்சர் மாண்புமிகு தேவானந்தா இருவருக்கும் நன்றி.

1920களில் ஏஇ குணசிங்கா தொடக்கம் 2022இல் இன்றைய சரத் வீரசேகரா வரை சிங்கள புத்த இனவெறியை அரசியலுக்கு முன்னெடுத்தோர் நாணிக் குனியும் வகையதே அரசின் நடவடிக்கை.

செயவீர சிங்கை ஆரியச் சக்கரவர்த்தி 1358இலும் குணவீர சிங்கை ஆரியச் சக்கரவர்த்தி 1370இலும் 4ஆம் 5ஆம் புவனேகபாகர்களை விரட்டிக் கம்பளையில் நந்திக் கொடியை நாட்டினர். கல்வெட்டு எழுதினர்.

செண்பகப் பெருமாள் சிங்கக் கொடியை நல்லூரில் ஏற்றினார். 22 ஆண்டுகள் 1461 வரை சிங்கக் கொடி பறந்தது.

1948 தொடக்கம் சிங்கக் கொடி நல்லூரில் பறக்கிறது. அப்பொழுதே நந்திக் கொடியும் இணைய வேண்டும் என்ற சைவத்தமிழர் குரலைச் சிங்கக் கொடியார் மதிக்கவில்லை.

நல்லூரிலிருந்து சிங்கக் கொடியை அகற்ற வேண்டும் என்ற போராட்டம் இன்னும் ஓயவில்லை.

இதற்கிடையில் மாண்புமிகு அமைச்சர் தேவானந்தாவின் முயற்சியால் குடியரசுத் தலைவர் அலுவலகத்தில் தீபஒளித் திருநாள் அன்று, கம்பளைக்கு அப்பால் கொழும்பில், குடியரசுத் தலைவர் அலுவலகத்தில், நந்திக் கொடிகள் பறந்துள்ளன.

சிங்கக் கொடியும் நந்திக்கொடியும் இந்த நாட்டின் இறைமைக் கொடிகள். இவை சரிசமமாகப் பறக்கும் நாள்கள், இலங்கை முழுவதும் பறக்கும் நாள்கள், வெகு தொலைவில் இல்லை.

தீபஒளித் திருநாள் அன்று இவ்வாறு கட்டியம் கூறிய மாண்புமிகு தேவானந்தரும் வாழ்க. மேதகு இரணில் விக்ரமசிங்கரும் வாழ்க.

*******

News from Sivathondar Srintharan and Sivathondar Jayamaaran of Sivasenai, Sri Lanka.

Saiva Tamils are delighted. Their hearts are filled with joy. Fluttering Nandhi flags unfurled in front of the Sri Lankan President’s office in Colombo is a matter of honour and pride bestowed on the Saiva Tamils of Sri Lanka.

Nandhi flags in Colombo are usually hoisted inside Hindu temples. Occasionally they are hoisted in Saiva Tamil functions.

His Excellency, President Ranil Wickramasinghe and Honourable Minister Devananda are bold enough to open a new chapter in the history of Saiva Tamils in Sri Lanka. We are grateful.

A. E. Gunasingha in the 1920ies basked politically by fanning the flames of Sinhalese Buddhist extremism. From then-on, up to Sarath Weerasekhara (2022), Sinhalese Buddhist chauvinism dominated Sri Lankan politics. Sri Lankan President innovatively extends the hands of friendship and peace to Saiva Tamils shaming those chauvinists.

Jayaveera Singhai Aarya Chakravarthy (1358) and Gunaveera Singhai Aarya Chakravarthy (1370) chased away the 4th and 5th Buvaneka Bahus from Gampola to hoist the Nandhi flag there. A stone inscription has been left behind recording this event.

Shenbaga Perumal hoisted the Lion flag for 22 years continuously up to 1461 in Nallur, Jaffna. From 1948, Lion flag dominates Nallur. During 1948, Saiva Tamil leaders asked for the inclusion of Nandhi in the national flag along with the Lion. Lions refused confluence.

The struggle to remove the Lion only flag from Nallur is continuing.

In the meantime, on Deepavali day this year, beyond Gampola, at Colombo, by the efforts of the Saiva Tamil Minister, Hon. Devananda, Nandhi flags are fluttering at the residence of His Excellency the President of Sri Lanka.

Lion and Nandhi represent sovereignty of the Sri Lankan people. Their confluence represents the confluence of the free will of the people, by the people, for the people of Sri Lanka. Such is the south Asian and global political trend now. The day of such confluence in Sri Lanka is not far away.

Thank you, your Excellency Ranil Wikramasingha. Thank you, your Honour, Devananda. Your action is a forerunner of the future.