Author: கிரேசி மோகன்

எழுவதுகளில் சொல்லையும் கொடுத்து சொல்லியும் கொடுத்த
சந்தக் கவி சு.ரவி உந்தப் புனைந்தது….
—————————————————————————-
தானதான தந்ததந்த தானதான தந்ததந்த
தானதான தந்ததந்த -தனதான

”சூரனோடு சண்டைகொண்டு வீரவேலெ றிந்தஅந்த
வேலனார் அருந்துகின்ற -அமுதூறும்
பாரமான கொங்கைதங்கு மேனியோட சைந்துயிங்கு
வேகமாய்ந டந்துவந்து -அருள்வாயே
கோரமாக வந்துநின்ற மாலிநீலன் சண்டமுண்டன்
மேனியாவை யும்பிளந்த -திரிசூலி
ஆலகாலம் உண்டசம்பு மேனிபாதி தங்குகின்ற
ஆதிகாளி உன்னையென்றும் -மறவேனே

மாறனோடு தொந்திகொண்ட வேழநாய கன்வளர்ந்த
மாலனோட யன்வணங்கு -மகமாயி
வாசமாலை தங்குகின்ற வேதனார்உ டம்பணைந்த
வாலைநீலி தஞ்சைதங்கு -சிவகாமி

நேரகால மின்றியுன்னை நாளும்நாடும் அன்பர்நெஞ்சை
நாடியோடு கின்றமங்கை -மகராணி
ஆசைநாய கன்பரந்த மேனியோடி டும்குளிர்ந்த
ஆலவாய மர்ந்தஅன்னை -அபிராமி
————————————————————————————————————————

தத்ததன தத்ததன தத்ததன தத்ததன
தத்ததன தத்ததன -தனதான

முத்துநகை மொட்டுயிதழ் பொற்சிலையை ஒத்தவுடல்
முக்கனியும் வெட்கும்மொழி -அமுதூறும்
கச்சைமுலை சிற்றிடையி ணைத்தவுடை பட்டுவுடல்
உற்றஅணி பத்துவிரல் -கணையாழி

கொத்துமலர் உற்றகுழல் அத்தனையும் புத்தியினில்
வைத்துருகும் பித்தனவன் -உமையோளே
நித்தம்குற தத்தையவள் முத்தணித னத்தையிறு
கத்தழுவு வெற்றிகுகன் -குணமாதா

சித்தமொரு மித்துவுனை பத்தியொடு முத்திபெற
வைத்திடும்ம னத்தைவுடை -அடியார்கள்
வெற்றிபல பெற்றுபிற விப்பிணிஅ கற்றிவுயர்
நற்கதியி லுற்றுபுக -ழடைவாரே

சத்திதரு மத்திமவு னத்தியிள கச்சணிமு
லைச்சிகரு ணைச்சிசிவ -சுகுமாரி
பச்சைநிற முற்றபவ ளக்கொடியி டைச்சிபதி
சொக்கருடன் கச்சியுறை -அபிராமி….கிரேசி மோகன்….!

கிரேசி மோகன்
—————————————————-

ஆதித்தன் அம்புலிவிண் மீன்கள் மாயை
ஆடவரும் பெண்டிரும்அவ் அலிகள் மாயை
போதிமரத் தடிவாழும் புத்தரும் மாயை
புகன்றவந்த நிர்வாணப் பூச்சும் மாயை
வாதிட்டு வென்றசங் கரனும் மாயை
விளைந்தஷண் மதங்களும் மாயை மாயை
ஆதியந்த மிலாபிரமன் அடையா தோற்கு
அகமாயை சகமாயை அனைத்தும் மாயை….(1)

அதனாலோ இதனாலோ அதுயிங் கில்லை
அதுவாக அதற்குள் அதுவாய் ஆகி
அதன்பின்னே அதுஅலுத்து அதுவே றாகி
அதுவென்றும் இதுவென்றும் அதனால் மாறி
அதற்கப்பால் இதற்குள்ளே அதுபோய் நின்று
அதுஆதி இதுஅந்தம் எனப்பேர் கொண்டு
எதுஇதுவென்(று) எனஅதுவே எங்கும் தேடி
இதுஅதுவென்(று) அதுஅகமென்(று) அடங்கும் ஆன்மா….(2)
வைகுண்டம் கைலாஸம் வானம் பூமி
வார்த்தைகள் தானன்றி வேறே இல்லை
பொய்கொண்ட வாழ்க்கையைப் புறத்தே தள்ளி
புலன்களுக்கு அப்பாலே பார்த்துப் பார்த்து
மெய்கண்டு கொள்ளஅம் மாயை போகும்
முயல்கொம்பால் மலடிமகன் பேரை நீரில்
கைகொண்டு எழுதிடலாம் குருடன் என்று
கையெழுத்து காய்வதற்குள் காலம் மாறும்….(3)

காட்சிகளும் காண்போனும் காணும் கண்ணும்
கற்பிதமா சொப்பனமா கானல் நீரா
ஆட்சியிது ஐம்புலன்கள் ஆட்டம் அன்றோ
ஆதலினால் ஆன்மாவை ஆத ரித்து
சாட்சிபரி பாலனமாய் சான்றோர் போக்கில்
சுகதுக்க பேதமற சார்ந்தோர் உள்ளம்
சூழ்ச்சிபுரி காலன்தன் சூதை வென்று
சும்மாயி ருக்கலாமே சுகமாய் என்றும்….(4)….கிரேசி மோகன்….