Category: கிரேசி மொழிகள்

”சற்றேஅண் ணாநீ சமாதிக்குச் சென்றுவா
அற்றை அகந்தை அழிந்திடும், -மற்றைநம்
நானும் அழிந்திடும் ஞானம் பெருகிடும்
காணும்பொங் கல்தினமும் காண்”….கிரேசி மோகன்….!

“வாசஸ் தலமான நாசரத்தில் தோன்றிய
பூசைக்(கு) உரிய பிதாமகரே -ஜீசசே
இந்தநாள் உந்தன் இணையடி போற்றுகின்றோம்
சொந்தமாவீர் சொர்க்கம் சகம்”..

வானம் உகந்தநாள் வையம் புகுந்தநாள்
ஞானம் நமக்குள் நுழைந்தநாள் -பூணும்
சிலுவையில் மாந்தர் சுமையை சகித்து
நிலமிசை நின்றவன் நாள்….

MERRY CHRISTMAS….
———————————–

“ஏசுநாதர் பேசினால் என்னதான் பேசுவார்!
‘ஊஸிமுனை செல்லுமோ ஒட்டகம்!, -காசினால்
கொள்வாயோ கைலாசம்! ,வெல்வாயோ வைகுண்டம்!,
செல்வாயோ சொர்க்கம் (என்று) சிரித்து!”…..கிரேசி மோகன்….

திருப்பாவை -6

‘அழகாண்டாள் பாட்டு அழகாண்டாள் பக்தி
பழகாண்டாள் போல்நீயும் பண்பு, -கழுகாண்டான்,
கண்முன்னே தோன்றியுனைக் கல்யாணம் செய்திடுவான்
பெண்கள்நாம் புருஷோத் தமர்க்கு’’….கிரேசி மோகன்….

‘’பார்க்க யாரும் இல்லாத போது ஆகாஸம் நீலமா’’….!
ஆதிசங்கரரின் அத்வைத கேள்வி….!

‘’காண எவரும் கிடையாத போதுவான்,
பூணுமோ நீலத்துப் பட்டாவை:! -ஆனதால்,
பார்க்கும்நாம் உள்ளதால்,பாரும்பூ தங்களும்,
மேற்கும் கிழக்கும் மனசு!’’….கிரேசி மோகன்….

’’கட்டாந் தரைதனில் கையே தலையணையாய்
கொட்டாவி விட்டுறங்கு கோமானாய் -கட்டாயம்
தன்னாலே வந்துனக்கு தாலாட்டு பாடிடுவார்
பெண்ணாளும் அண்ணா மலை’’….

’’கண்டதே காட்சியாய், கொண்டதே கோலமாய்
உண்டதோர் பிக்‌ஷையில் உன்மத்தம் -கொண்டுநீர்
ஏகான்மம் ஏற்றிட ஏற்றிடுவான் உச்சிக்கு
மீகாமன் அண்ணா மலை’’….

’’கற்ற கரத்தளவே பெற்ற பகுத்தறிவை
முற்றும் துறக்க முனைந்திடுவாய் -சற்றும்
நினையாத வேளை நினக்கருள் செய்வான்
மனையாளும் அண்ணா மலை’’….

’தொட்ட குறைதோஷம், விட்ட குறைவேஷம்
எட்டநின்று சாட்ஷியாய் ஏற்றிட -அட்டவணை
போட்டுயர்ந்த ஞானம் படிப்படியாய் நல்கும்
மாட்டமர்ந்த அண்ணா மலை’’…

’’அச்சம் பொறாமை அசூயை அவமானம்
மிச்சமின்றி போட்டு மிதித்திடு -உச்சம்
உனக்களிக்கும், ஒன்றிலும் ஒட்டாத இன்ப
மனக்களிப்பே அண்ணா மலை’’…கிரேசி மோகன்….!

’ஏரார்ந்த கண்ணி யசோதையார் கட்டினாலும்,
மீறாத மாதவர், மத்தூன்றி, -தேரூர்ந்த
கீதை தெறிக்கக் கடைகின்றார்,உரலிலிட்ட,
பேதையை மாயத்தில் போட்டு’’….கிரேசி மோகன்….!

———————————

‘’வேறு’’
——————

‘’தவம்நான், தளர்ச்சிநான்,
அவம்நான், அலட்டல்நான்
சவம்நான், சைதன்ய ரூப
சிவம்நான் சிவானந்தமயம்நான்’’….

பாயும் பூனைநான்
பதுங்கும் புலியும்நான்
தாயும் தந்தைமகனும்நான்
ஓய்வும்நான், உழைப்பும்நான்
ஓங்கார வடிவும்நான்
வாயுவெளி நீர்மண் காற்று
வடிவான சிவானந்தமயம்நான்

அஞ்சாத சிங்கம்நான் அஞ்சுமணிற்பிள்ளைநான்
பிஞ்சுநான் பூவாகிக் காய்க்கும் புடலைநான்
பஞ்சாயுதன்நான் ,பஞ்சாங்க பிரம்மன்நான்
பஞ்சபூதத்தாலான பரமானந்தசிவம்நான்….கிரேசி மோகன்….

’’தாயில்லாமல் வீடில்லை
தானாய் சுத்தம் ஆவதில்லை
எனக்கொரு தாய் இருக்கின்றாள்
எங்காத்தை பெருக்கி மொழுகுகின்றாள்’’

காலங் கார்த்தால வருவாள்-துடப்பம்
குச்சியால் தூசு தட்டுவாள்-
பாத்திரம் அலம்பி,பழையதை உண்டு
காத்திரமாய் துணி தோய்த்திடுவாள்-அந்தத்

’’தாயில்லாமல் வீடில்லை
தானாய் சுத்தம் ஆவதில்லை
எனக்கொரு தாய் இருக்கின்றாள்
எங்காத்தை பெருக்கி மொழுகுகின்றாள்’’….கிரேசி மோகன்….!

கிரேசி மோகன்
————————
”தூக்கத் தினிலிருப்போம், துக்கத் தினிலிருப்போம்,
சாக்காய் படுத்தாலும் சம்சார -ஏக்கத்தால்,
ஆவது தாகம் அதனைத் தணித்திட
ஜாவ்அந்த சோணா ஜலம்’’….!

“ராமா யணத்தைநாம் ராமருக்கே சொன்னாற்போல்
சாமா னியனென்றே செப்புதுஸத் , -நாமானோம்
ஆணவ(அகந்தை மனம்) புத்தி அதனால் தடைமுக்தி ;
வீணவம் மாய விதி “….!

‘’உலகமது உண்மையில் உன்னுள் உளது
அலகிலா ஆனந்த ஆன்மத் -திலகமதை
இட்டுக்கொள் உந்தன் இதயத்தில், பின்னர்நீர்
தட்டுங்கள் தாப்பாள் திறப்பு’’…..!

‘’தூங்கும் உனக்கில்லை சாங்கியம்(கடமை), சாத்திரங்கள்,
ஆங்குள்ள ஆளோ அபேதனாய் -ஈங்குளான்:
இத்தை நினைந்து இயல்பாய் இருந்திடு:
சொத்தை உடம்பு ஜடம்’’….!

’உலகத் துயரை உனக்கு உணர்த்தும்
கலக மனமே, கருமம் -பலவகை
தோற்றுவித்து துன்பமதில் துய்த்திட வைத்திடும்:
மாற்றியருள் அண்ணா மலை’’….!

“பொய்நெஸ் விலக பிறந்திடும் ஆனந்த
ஐநெஸ்(I-ness )ஸாய் ஆன்ம அவதார -” HIGHNESS “,-
அவரது ஆட்சியில் அல்லியூர் கேணி(கிணறு -திருஅல்லிக் கேணி)
சுவரில் நுணலாய் (தவளை ) சுகி”….!
“முன்னாடி யாரோநீ! ,பின்னாடி யார்யோனி!-
கண்ணாடி பூர்வத்தைக் காட்டாது;-பன்னாடை!-
செய்ததையே செய்தாய்; சரணடை ஈசரிடம்-
கைதாவாய் காலன் கரத்து”….!
“எந்தவேலை ஆனாலும் எந்தவேளை ஆனாலும்,
சிந்தையில் சித்தை சுகித்திருக்க, -அந்த,
சமாதி லயமே சகஜமாகும் ,பட்ஷம்,
சமாதானம் ஆகும் சலிப்பு”….!

”அதுவேண் டுமென்றும், இதுவேண் டுமென்றும்
எதுவேண் டினாலும்நீ ஏழை, -புதுவிதமாய்,
ஆடுஓ நாய்க்காய் அழுமோ! அதுநனைய!,
’’மேடருணை செல்மன மே’’….கிரேசி மோகன்….

சல்லடை போட்டு சலித்து சலித்தேனே
உள்ளடைந்த நானார் உணர்வதற்கு -பல்லிடை
மாட்டிய பாக்காய் மனநட்டு வாங்கத்தால்
நாட்டியம் ஆடுதே ’’நான்’’….!

ராப்பகலாய் தேடு ரமண உபாயத்தால்
தோற்பில்லை நீங்கா தெளிவுதான் -ஆப்பகல
மந்தியே ஆன்ம மயிலேறி வான்புகலாம்
உந்தியாரில் உள்ளபடி உய்….கிரேசி மோகன்….!

“இல்லை உரைக்க இருப்பான் மறுப்பவன்
முல்லையில் வீசும் மணமாக;-தொல்லைக்கு
முற்றுமெனப் போட்டிட, மீளா உறக்கத்தில்
பற்றுமனம் இன்றிப் படு “….கிரேசி மோகன் ….!

‘’இறந்துவிட்ட ஆட்டின் இருவிழியாய், ஞானி
திறந்திருந்தும் கொள்ளான் திருஷ்டி, -பிறந்திறக்கும்,
இவ்வாழ்வு மாயை, இராப்பகல் பேதமற,
முவ்வாசை தாண்டி முழி’’….கிரேசி மோகன்….!

கிரேசி மோகன்
——————————–

“முட்டைக்குள் குஞ்சாக ,கொட்டைக்குள்(மாங் கொட்டை) பிஞ்சாக ,
சட்டைக்குள் (மேனிக்குள் )வாழ்கின்ற ஜீவனே , -பட்டைகள் –
தீட்டியநீ வைரம் ,திருடன் வரும்வரையில்,
காட்டி யயிடத்தில் குந்து “….(1)

 
மாயநான் ஆணவம் மாற்றிடும் கோவணம்
தூயநான் நிர்வாண தெய்வீகம் -நாயனார்
யோகி ரமணரின் யோசனையைக் கேட்டுணர்வோர்
சாகிறதை வென்ற சவம்….(2)

கண்டேன் திருடனைக் கையும் களவுமாய்
கொண்டேன் மனச்சிறையில் கைதியாய் -அண்டேன்
இனியவன் பக்கம் தனிமையே சொர்கம்
கனிநான் அவன்கள்ளக் காய்….(3)

ஒப்புக்கு சப்பாணி ஊருக்கு மாங்கொட்டை
சொப்புக்(கு) ஆடும் சிறுவனெனும் -இப்பக்
குவம்வந்தால் ஈரேழு கண்டங்கள் ஆண்டும்
தவம்செய்து வாழ்வோம் தனித்து….(4)

சமத்துவ வேந்தன் சமர்த்தனுன் ஆன்மா
அமர்த்தவனை சிந்தையில் ஆள -விமர்சனம்
செய்யும் மனசாட்சி பொய்யின் அரசாட்சி
நெய்யெதற்கு வெண்ணை நமக்கு…(5)…. கிரேசி மோகன்….!

“பாக்கிய லக்ஷ்மி பாரம்மா -நம்மன்னை
பாக்கிய லக்ஷ்மி பாரம்மா

பானை பிடித்தவன் ,தூணை பிடித்தவன்
சேணம் பிடித்த சாரதியின்
மேனி பிடித்தவர் மார்பில் பதிந்திடும்
பாக்கிய லக்ஷ்மி பாரம்மா

“உச்சியுறியேறும் அச்சுத ரமணன்
மச்சமாகியே மார்பில் அமர்ந்தவள்
பாக்கிய லக்ஷ்மி பாரம்மா “….!

“சிம்ம ராஜனை சாந்தமாக்கிடும்
நம்ம அன்னையே நடுவில் (மடியில் ) அமர்செள
பாக்கிய லஷ்மி பாரம்மா”….!….கிரேசி மோகன்….!