வணக்கம்,வாழியநலம்
செப்டம்பர் 11 : மஹாகவிக்கு என் ஓவிய அஞ்சலி
சு.ரவி
Category: நுண்கலைகள்
நிழற்படம்,நுண்கலைகள்
-
கேசவ் வண்ணம் – கிரேசி எண்ணம்
‘’ஆனைத்தோல் பூண்ட அரன்கபாலி அங்கமாம்,
தூணைத் தழுவும் திருமயிலை, -ஞானக்,
கொழுந்தேவுன் ஈற்றடியில் காலன்போல் அஞ்சி,
விழுந்தேனே நான்வெண்பா வாய்’’….கிரேசி மோகன்…. -
மூங்கில் தோட்டம்… புல்லாங்குழலிசை
ஸ்ரீநிவாசன்
[mixcloud]http://www.mixcloud.com/shrini-vasan/moongil-thottal-flute/[/mixcloud]
படம் : கடல் (2013)
இசை: A.R.ரஹ்மான்
பாடியவர்கள்: அப்ஹாய் ஜோத்பூர்கர், ஹரிணி
பாடல் வரிகள் : வைரமுத்து
மூங்கில் தோட்டம் மூலிகை வாசம்
நெறஞ்ச மௌனம் நீ பாடும் கீதம்
பௌர்ணமி இரவு பனிவிழும் காடு
ஒத்தையடி பாதை உன்கூட பொடி நட
இது போதும் எனக்கு இது போதுமே
வேறென்ன வேணும் நீ போதுமேஇது போதும் எனக்கு இது போதுமே
வேறென்ன வேணும் நீ போதுமேமூங்கில் தோட்டம் மூலிகை வாசம்
நெறஞ்ச மௌனம் நீ பாடும் கீதம்குளத்தாங்கரையில குளிக்கும் பறவைக
சிறகு உலத்துமே துளிக தெறிக்குமேமுன்கோபம் விடுத்து முந்தானை எடுத்து
நீ மெல்ல துடைக்க நா உன்ன அணைக்கஇது போதும் எனக்கு இது போதுமே
வேறென்ன வேணும் நீ போதுமே
இது போதும் எனக்கு இது போதுமே
வேறென்ன வேணும் நீ போதுமேமரங்கள் நடுங்கும் மார்கழி இருக்க
ரத்தம் உறையும் குளிரும் இருக்கஉஷ்ணம் யாசிக்கும் உடலும் இருக்க
ஒத்தப் போர்வையில இருவரும் இருக்க
இது போதும் எனக்கு இது போதுமே
வேறென்ன வேணும் நீ போதுமேஇது போதும் எனக்கு இது போதுமே
வேறென்ன வேணும் நீ போதுமேமூங்கில் தோட்டம்… மூங்கில் தோட்டம்
மூலிகை வாசம்… மூலிகை வாசம்
நெறஞ்ச மௌனம்… நெறஞ்ச மௌனம்
நீ பாடும் கீதம்… நீ பாடும் கீதம்
பௌர்ணமி இரவு… பௌர்ணமி இரவு
பனிவிழும் காடு…பனிவிழும் காடு
ஒத்தையடி பாதை… ஒத்தையடி பாதை
உன்கூட பொடி நட… உன்கூட பொடி நடஇது போதும் எனக்கு இது போதுமே
வேறென்ன வேணும் நீ போதுமே
-
இரு இமயங்கள்
வணக்கம்,வாழிய நலம்
1.ஸர் ஐஸக் நியூட்டன் ( 1643-1727)
வரலாற்றில் சொல்வோமே- “இன்னார் உலகத்தை ஒருகுடையின் கீழ் ஆண்டார்” என்று, அதுபோல விஞ்ஞானம் குறிப்பாக இயல்பியல் மற்றும் கணிதத் துறைகளில் தன்னிகரில்லாமல் கோலோச்சிய ஒரு சக்கரவர்த்தி உண்டென்றால் அது ஸர்.ஐஸக் ந்யூட்டன் மட்டுமே!
விழுகின்ற ஆப்பிள் தொடங்கி, வியனுலகெங்கிலும் வியாபித்த ஈர்ப்புவிசை, ஓளித்துகளின் இயல்பு ,’ கால்குலஸ் என்ற கணிதத் துறை, நிலை மற்றும் இயக்கத்திற்கான விதிகள் என ந்யூட்டனின் காலடிச் சுவடுகள் பதியாத துறை கிடையாது.1685 ஆம் ஆண்டு இவர் பதிப்பித்த ” Principia Mathematitia” என்ற ஆய்வுத் தொகுப்பே அறிவியல் வரலாற்றில் முதலாவதாக வெளிவந்த முழு அறிவியல் நூல் எனலாம்.
2. ஆல்பர்ட் ஐன்ஸ்டைன் (1879-1955)
நியூட்டன் போலவே, இவரது இளமைக் காலமும் சொல்லிக் கொள்ளும் படி பிரமாதமாக இல்லை.
ஒரு சாதாரண மாணவனாகவே இருந்த ஐன்ஸ்டைன், எந்த உபகரணங்களோ, சோதனைச் சாலையின் உதவியோ இன்றி, 1905 ஆம் ஆண்டு, தனது மூன்று ஆய்வுக் கட்டுரைகள் மூலம் அறிவியல் உலகைப் புரட்டிப் போட்டார்.
” Max Plank இன் Quantum கொள்கையின் அடிப்படையில் Photo electric effect பற்றிய கட்டுரை அவருக்கு நொபெல் பரிசைப் பெற்றுத்தந்தது.
இரண்டாவது கட்டுரை Brownian Movement என்றநிகழ்வின் அடிப்படையில், அணுக்களின் அளவு குறித்தது;
மூன்றாவது உலகைப் புரட்டிப் போட்ட சார்புக்கொள்கை.( முதலில் சிறப்பு சார்புக் கொள்கையும், பின்னர் பொதுச் சார்புக் கொள்கையும் வெளியிட்டார்).இந்த இரு இமயங்களையும் வரைவதில் பெருமை அடைகிறேன்.
பி.கு:
1. “PHYSICS” என்ற வார்த்தையைத் தவறாக “இயற்பியல்” என்று மொழிபெயர்ப்போருக்கிடையே ” இயல்பியல்” என்ற சரியான பதப் பிரயோகம் செய்த என் இனிய நண்பன் க.ரவிக்கு இப்ப்படங்கள் காணிக்கை).
2. இடம் பற்றாது என விரிவஞ்சி, மேற்படி குறிப்புகள் சுருக்கமாகத் தரப் பெற்றன. முழுமையாக அறிய ந்ண்பன் க.ரவியின் ” இருபதாம் நூற்றாண்டில் இயல்பியல்” ( வானவில் பதிப்பகம்) புத்தகத்தைப் படிக்கவும்
சு.ரவி
-
JAMES CHADWICK-THE NEUTRON MAN
James Chadwick, desciple of Rutherford, was the great Neuclear scientist who discovered the sub atomic particle- neutron which answered the puzzle of the gap between atomic number & atomic weight of a substance.
Once again with respect n regards to Dr.Seha.Srinivasan, I dedicate this drawing of JAMES CHADWICK to him for his excellent write up on the great scientist n his contribution to Atomic Physics.
Su.Ravi
For paarkka,rasikka… -
இன்னும் மாயை இருக்கிறது
THE LAST STANZA OF THIS POEM TRANSLATED BY MY SON AJITH SUBRAMANIAN CAN BE SEEN AT THE END..
Su.Ravi
PS : my poet friend K.Ravi’s reply poem & the chain poems thereafter will be sent subsequently.
இன்னும் மாயை இருக்கிறது- அது
என்னில் என்னை மறைக்கிறது!
மின்னல் கீற்றாய் மெய்யுணர்(வு) அந்தோ!
எப்பொழுதாகிலும் ஸ்புரிக்கிறது. ( இன்னும்)புலன் உணர்வெல்லாம் பொய்மைஎன்றே ஒரு
பொறிபறந்தாற்போல் புரிகிறது;
நிலத்தில் இவ்வாழ்வும் நிலைகிடையாதெனும்
நிச்சய உண்மை தெரிகிறது- மனம்
சிலபோதேனோ இனிப்பை அவாவும்
சிறுமதலை போல் அலைகிறது-உடல்
பலமிழந்தோய்ந்தால் பயந்து நடுங்கிப்
பரிதவித்தேங்கிக் குலைகிறது! ( இன்னும்)‘மனநிறை(வு) என்பதோர் மாரீசம் – அது
மயக்கி இழுத்துனைச் செயும் மோசம்
இனம் குலம் என்பவை வெளிவேஷம் “- என
இன்னும் பலப்பல கதை பேசும்= உடன்
தனயன், தாய், மனை இவர் முகம் பார்த்திடில்
தயங்கும், தடுக்கும், தவறி விழும்!
கனவும் நனவும் கடந்த பின்னாலும்
கணப்பொழுதாசையில் கவிழ்ந்து விடும்! ( இன்னும்)விண்ணியல் கண்டு தெளிந்தாலும்- மறை
ஓதிய பண்டிதன் ஆனாலும்
எண்ணிய மட்டினில் ‘யான்’ ,‘என(து)’ எனும் இவை
எங்கோ பாதலம் ஆழ்த்திவிடும்
திண்ணிய நெஞ்சுரம் வைராக்யம் இவை
திரும்பவும் இடிந்து பொடியாகும்
நுண்ணிய நூலிழைதான் பாசம்- அது
நோற்ற தவங்களை விலைபேசும் ( இன்னும்)ஓட்டம் இதற்கோர் இலக்கில்லை
ஓடாதிருக்க விலக்கில்லை
ஓட்டுவ தாரோ, ஓடுவ தேனோ
ஓடும் எவர்க்கும் தெரிவதில்லை
ஓட்டம் முடிந்தபின் ஓடு கழன்றால்
ஓய்வுண்டோ எனில் அதுவுமிலை
ஓட்டத்தின் ஊடே ஓராயிரம் தடை!
ஓட்டத்தில் நாட்டம் குறையவில்லை ( இன்னும்)சு.ரவி
********************************************Ajith (s/o Su.Ravi):
The rules of the game, aint so clear,
I can quit this game, but my lifez so dear!
Who runs the show? Why play this game?
Not a single player can answer the same!
Oh the game is over, and now Ive got no name!!
I wanna rest, but, here we go again!
A thousand obstacles each time I play,
Do I lose interest? Nay nay nay!!
**********************************
— -
கேசவ் வண்ணம் – கிரேசி எண்ணம்
கிரேசி மோகன்
“இந்த்ர மழையை, இடிமின்னலை ஏற்றவன்,
சந்த்ர குலத்தோன், சகாக்களை, -தொந்த்ரவு,
கெட்டலைய வைக்காது, காப்பாற்றும் பாண்டுரங்க,
விட்டலைக் கண் டேன்கேச வா”….கிரேசி மோகன்…. -
ராதா மாதவன் வரும் நேரம் …
வணக்கம் வாழிய நலம்
யமுனை நதியின் பரப்பில் பால்வெண்ணிலவு பாதரசத்தில் பாதைவிரிக்கும்!
ஆங்கே வேய்ங்குழல் ஊதி ராதையின் மனத்தைக் கொள்ளை கொள்ளும்
ராதாமாதவனைத் தன் தேமதுரக் குரலில் திரு. எஸ்.பி. பாலசுப்ரமணியம்
திரு ரமேஷ் வினாயகம் இசையமைப்பில் பாடுவதைக் கேட்க கீழ்க்கண்ட இணைப்பைச் சொடுக்கவும்.பாடலும், பாடற் காட்சியும்
பார்க்க, ரசிக்க….சு.ரவி
https://ia601204.us.archive.org/21/items/SuraviKrishnarAlbumSongs/09Track9.mp3
ராதா மாதவன் வரும் நேரம் …
ராதா மாதவன் வரும் நேரம்
ராகங்களோடு கவிசேரும்
யமுனா தரங்கம் அலைமோதும்
யது நாதன் என்று துதிபாடும்!
ஜெய் க்ருஷ்ண க்ருஷ்ண ஜெய் க்ருஷ்ணா!
ஜெய் க்ருஷ்ண க்ருஷ்ண ஜெய் க்ருஷ்ணா!
ஓரிரவினிலே கோகுலம் நாடி
மழலை பேசி வளர் மாயன்!
இடையர்சூழவே கானகம் ஏகி
மாடுமேய்த்திடும் ஆயன்!
கார்கால மேகம் அவன் தேகம்!-கோ
தூளி செய்யும் அபிஷேகம்!
வனமாலை சூடி விளயாடும்- ஸ்ரீ
வாசுதேவனே போதம் !
ஜெய் க்ருஷ்ண க்ருஷ்ண ஜெய் க்ருஷ்ணா!
ஜெய் க்ருஷ்ண க்ருஷ்ண ஜெய் க்ருஷ்ணா! (ராதா மாதவன்)பூரண நிலவில் வேய்ங்குழல் வழியே
அமுத கீத நதி பாயும்!
தமைமறந்திடும் கோபியர் நெஞ்சம்
வேணுகானமதில் தோயும்!
கோவிந்த ரூபமே த்யானம்!
கோவிந்த கானமே ஞானம்!
நவ நீதமாகும் மனம் யாவும்- ஸ்ரீ
க்ருஷ்ண மந்திரம் ஆகும்!
ஜெய் க்ருஷ்ண க்ருஷ்ண ஜெய் க்ருஷ்ணா!
ஜெய் க்ருஷ்ண க்ருஷ்ண ஜெய் க்ருஷ்ணா! (ராதா மாதவன்)சு.ரவி
-
கோவிந்தா – ஹரே – கோபாலா
சு. ரவி
வணக்கம் வாழிய நலம்
https://ia801604.us.archive.org/6/items/ThitumalaiVaasaa/03Track3IkamEnra.mp3
எனதருமை நண்பர் திரு.K.S. ராஜகோபால் அவர்களின் குரலில் கோவிந்தன் ஏழுமலையான் மீது இயற்றப்பட்ட பாடலைக் கீழ்க்கண்ட இணைப்பில் சொடுக்கிக் கேட்கலாம். இணைப்பில் ஏழுமலையான் ஓவியம்.
கோவிந்தா – ஹரே – கோபாலா
இகமென்ற கரையங்கு மறைகின்றது
பரமென்ற தொடுவானம் விரிகின்றது. (கோவிந்தா)அறியாமை முகிலாக இருள்சூழுது
பொருளாசை ஒருமாயச் சுழலானது
திசைகாண முடியாத படகாயினேன்
கதிராக வரவேணும் மதுசூதனா! (கோவிந்தா)மனமெங்கும் மயலென்ற புயல்வீசுது
மறைவாக விதியென்ற மலைநின்றது
அனலாற்றில் மெழுகில் ஒரு படகாயினேன்
மழையாக வரவேணும் மதுசூதனா! (கோவிந்தா)பவமென்ற நுரைபொங்கும் நதியோடுது
அஹங்காரம் மமகாரம் சுமையானது
பழுதான படகாக அலைமோதினேன்
பரிவாக வரவேணும் மதுசூதனா! (கோவிந்தா)இகமென்ற கரையங்கு மறைகின்றது
பரமென்ற தொடுவானம் விரிகின்றது. (கோவிந்தா)சு.ரவி
படிக்க, கேட்க, பார்க்க, ரசிக்க…
-
மீண்டும் சாக்லேட் கிருஷ்ணா
சு. ரவி
திரு கேசவ் கிரேசி மோகனுக்கு சாக்லேட் கிருஷ்ணா ஓவியத்தை வரைந்தளித்த மேடையில் அவ்வோவியத்திற்காக ஆதிசங்கரரின் கோவிந்தாஷ்டகம் சந்தத்தில் என்னால் இயற்றப்பட்ட பாடல் இது. ( வடமொழி ஸ்லோகத்தில் உள்ளதுபோலவே, ஒற்றெழுத்து நீங்கலாக அடிஒன்றுக்கு 18 எழுத்துகள் கொண்டமைந்த விருத்தம்),
பால் போன்ற ஆகாசமும், இடையிலே சாக்லேட் பேப்பரை முடியிலும் இடையிலும் தரித்த சாக்லெட் கோவிந்தனும், அவன் பாதம் வருடும் பசுவும் கொடுத்த உந்துதலே இப்பாடல்..
பால்பொங்கும்வெளி போல்பொங்கும் மன
ஆகாசம்- பர மாகாசம்,
பால்பொங்கும் திரை மேல் துஞ்சும் இறை
தான் வாழும் இடம் கோலோகம்
பால்பொங்கும் பசு கால்நாடும் சுகம்
ஆச்சர்யம் -அதன் வாத்ஸல்யம் !
கோல்கொண் டாவினம் மேய்க்கும் தெய்வதம்
கோவிந்தம் பர மானந்தம்!
சு.ரவி
-
நெய்தல் நிலம்
இதோ ஒரு நெய்தல் நிலக் காட்சி…
மீன்பிடிப் படகுகளோடும், அன்று கிடைத்த செல்வங்களோடும்…பார்க்க, ரசிக்க…..
சு.ரவி
-
KEPLER, JOHANNES
Su. Ravi
This drawing of astronomer KEPLER JOHANNES by me is dedicated to Dr Sesha Srinivasan who contributed a detailed write up on the Astronomer in VALLAMAI.
We owe a lot to the German Astronomer who brought a paradigmn shift in the history of astronomy – identifying the orbital path of the heavenly bodies as elliptical.
For paarkka, rasikka…
Su.Ravi
-
எனக்குள்….
சு.ரவி
உள்ளக் காட்டில் உலவும் விலங்கின்
உறுமல் கேட்கிறது-கோபப்
பொருமல் கேட்கிறது!அன்பால் வசியம் செய்தேன் அதனால்
அடங்கி ஒடுங்கியது- பிறரை
வணங்கி ஒதுங்கியது. – அந்த
அன்பின் வலிமை அறியா மாந்தர்
அதட்டி மிரட்டியதால் – விழியை
உருட்டி வெருட்டியதால் – என் (உள்ளக்)அறிவுத் தீயை மூட்டி வளர்த்தேன்
அஞ்சி நடுங்கியது – உள்ளே
சென்று பதுங்கியது – எரியும்
அறிவுத் தீயை அணைக்கும் மாந்தர்
அறியாச் செய்கையினால் -அவர்தம்
புரியாக் கொள்கையினால் – என் (உள்ளக்)தூங்கும் விலங்கைத் துணிப் பந்தாம் என
எட்டி உதைப்பவரே – காலால்
தட்டி மிதிப்பவரே – மிருகம்
ஓங்கும் பழிவெறி விழிகளில் மின்னிட
எழுமென்றறியீரோ – உமதுடல்
விழுமென் றுணரீரோ! – இதோ என் ( உள்ளக்) -
இயற்கை அன்னை!
சு. ரவி
வானமென்னும் ஆற்றினிலே ஓடிவரும் ஓடம்
தேனமுதைத் தேவரெல்லாம் பூட்டிவைக்கும் மாடம்
அலைகள் எறியுமொரு
கடலை அணையவரும்
நிலவு இதனொளியில்
உலவி உலவி மனச்
சாந்திபெறச் சற்றினிது நான் நினைத்தபோது
ஏந்திவந்தாள் எழிலதனை இயற்கைஎனும் மாது!
தென்றலிங்கு வந்து என்னைத் தொட்டுத் தொட்டுச் செல்லும்
மென்மைசுகம் சேர்ந்தகதை மெல்ல வந்து சொல்லும்
சலல சலலவென
சலன உலகமிதில்
அலையும் இதனொலியில்
எனது மன மகிழ
நானுலவி நல்லதமிழ் பாடிவரும் போது
தான்வருவாள் தளிர் நடையில் இயற்கைஎனும் மாது!
நீலப்பட்டில் ஆடைகட்டி நீண்டிருக்கும் வானம்
கோலப் போட்டு வைத்தாங்கே செய்திருக்கும் மோனம்
கரிய பெரிய முகில்
உரச உரச இடி
சரிய வருமழையில்
நனைய நனைய ஒரு
மின்னல்வெட்டில் உள்ளம் தந்து நான் மறந்தேன் என்னை- அங்கே
புன்னகைத்துப் புதுச் சிரிப்பு பூத்தாள் எங்கள் அன்னை!
காட்டாற்று வெள்ளமெங்கும் கரை புரண்டு ஓடும்
பாட்டாக என்மனத்தில் பரவசங்கள் சூழும்
உடலில் உறையுமுயிர்
அதனில் இயையும் இறை
அடியை மனதிலெணி
அருவி உருளுமொரு
தன்னந்தனி வழியாக நான் நடந்தேன் என்னை
இன்னருளால் காத்திடுவாள் இயற்கைஎனும் அன்னை!
