வல்லமை

Blog

  • Bhagavad Gita Homam

    Sri Muralidara Swamigal

     

    IMG_20140817_123032

    Bhagavad Gita Homam On 31st August 2014 At Danvantri Peedam By 10 am

    danwandhri

    What is Puja

    Pooja is the act of showing reverence to a god, a spirit, or another aspect of the divine through invocations, prayers, songs, and rituals. An essential part of Pooja for the Hindu devotee is making a spiritual connection with the divine. Most often that contact is facilitated through an object: an element of nature, a sculpture, a vessel, a painting, or a print. It is possible to reduce the suffering due to the unfavorable position of planets through sincere reliance on God, the One who controls the planets.

    What is homam

    Homams are Poojas performed for a particular deity by invoking Agni – the God of fire. Each human performed strictly according to scriptures. These are conducted by fully learned and experienced vedic scholars.
    Benefits of a Pooja according to our sacred texts, Pooja

    Disciplines the mind
    Energizes the deity and the worshipper
    Enables one to experience oneness with divinity as we unconsciously offer the self through our material offerings.
    Pooja establishes a bridge between the worshipper (the lover) and the deity (the loved).
    It facilitates flow of love-energy in both ways. This energy not only sanctifies the self but also re-vitalizes the body’s resources, making one experience, what is called HOLY BLISS. Thus both the worshipped and the worshipper benefit from Pooja.
    When do you need a Pooja & Homan
    Initial stages of formalising house or commercial plans
    Redesign of offices, workrooms etc
    Renovation to an existing building

    You want to enhance your life in certain areas that are not working for you
    You have noticed that your life has had many problems since you have moved residence, decorated and renovated.

    You want to place yourself in the most advantageous position to gain a winning edge.
    To make up from losses.

    To shine your destiny & to over come non auspicious surroundings (Home).

    We Group of Danvantri Peedam having an expertise ‘Professional Sivachariyar, Archagas, Aachariyas and Pandits’ who performed all type of Pooja and Homams. so people who wish to know more about ‘Pooja and Homams’ may contact at e- Mail id:-danvantripeedam@gmail.com

    Gita, a part of Maha Bharata, is considered essence of all philosophies. Having been told itself from the Divine mouth of Lord Krishna, its benefits, especially spiritual and divine, cannot be told in a single paragraph and the same can be only felt by the Yajman (the person, who sponsors the Havan).Bhagavad Gita Yagam is performed to get the essence of Bhagavad Gita.

    Bhagavad Gita Yagna is an offering to fire accompanied by the reciting of the verses from the Bhagavad Gita. The Gita as given by the supreme Lord Sri Krishna representing supreme Narayana to Arjuna as Nara encompasses the real meaning of all the Upanishads.

    It demonstrates and explains all aspects of the good human life and all paths to Moksha. Literal pathway such as the Purushasukta and the Gita are extremely suited for recitation in a dedicated performance of Bhagavad Gita Homam.
    Homam Bhagavad Gita is mainly suitable for performing on Gita Jayanti that marks the day on which the Godly message of the Srimad Bhagavad Gita was delivered.

    Homam for Bhagwad Gita also releases one from the cycle of birth, morality and reincarnation and helps one into ultimate liberation (Moksha). The Sri Danvantri Arogya Peedam strongly recommends Bhagavad Gita Puja And Homam after the death of your beloved ones, so that their souls take rest in ultimate peace.
    Benefits of Bhagavad Gita Puja And Homam

    · For fulfillment of wishes.

    · To get prosperity and peace.

    · To demolish Bad effects.

    · To strengthen weak planets.

    · To discipline mind, silence of mind.

    · For promptness in action and result.

    · For help to get fame and name.

    · For getting wealth and achievement in life.

    Gita Homam is an oblation to Agni accompanied by the chanting of the verses from the Bhagavad Gita. The Gita as imparted by the supreme Lord Krishna representing Narayana to Arjuna as Nara embodies the essence of all the Upanishads. It sets out and summarizes all aspects of the good life and all paths to salvation.
    For more details,

    Contact:
    Sri Muralidhara Swamigal
    Sri Danvantri Arogya Peedam
    Danvantri Nagar, Kilpudupet, Walajapet 632513, Vellore District.
    Phones: 91-4172-230033, 0-94433 30203.

    Share

  • இன்னும் என்னை……

    இசைக்கவி ரமணன்

     

    உனக்கே உனக்காக  (32)

    இன்னும் என்னை..
    (பாடல்)

    10178015_617178681706941_2670382240026680791_n
    இன்னும் என்னை என்ன செய்யச் சொல்கிறாய்?
    அன்பே என்னை என்ன செய்யச் சொல்கிறாய்?

    உன்விழியின் ஊஞ்சலிலே என்னெஞ்சம் உயிர்தேடும்
    காலையும் மாலையும் நினைவின்றி
    கனவும் நினைவும் துணையின்றி
    புல்லின் நுனியில் பனிபோலே
    துளித்துளியாய் நான் கரைகின்றேனே (இன்னும் என்னை)

    கார்த்திகை தீபம் எந்தன் மனம்
    தவழும் தென்றல் உந்தன் மனம்
    அணைப்பாயா? இல்லை அணைப்பாயா?
    அழகிய கைகளில் எடுப்பாயா?
    பார்வையில் உயிரை நிறைப்பாயா? என்னைப்
    பாதையில் மலராய் இறைப்பாயா?

    தவிப்பே தவமாய்க் கனல்கின்றேன், ஒரு
    தவத்தின் முனையில் கரைகின்றேன் (இன்னும் என்னை)

    வெற்றியும் தோல்வியும் ஏதுமில்லை
    வேதனை சாதனை பேதமில்லை
    காதலெனும் ஒரு போதையிலே, மனம்
    கலந்தபின்னே உயிர் மீதமில்லை
    இதுதான் தருணம் வருவாயா?
    எனக்கொரு ஜனனம் தருவாயா?

    மலரில் பனித்துளி பழியில்லையே!
    மெளனம் மரணத்தின் மொழியில்லையே! (இன்னும் என்னை)

    படத்திற்கு நன்றி

     

     

    Share

  • கேசவ் வண்ணம் – கிரேசி எண்ணம்

     கிரேசி மோகன்

    “முலைப்பாலை எண்ணி மடியில் படுத்து,
    அலைபாய, அன்னை அளித்த, -துளிப்பாலை,
    உண்ண மறுத்தனன்; “ஊட்டிக்கே ஆப்பிளா”போல்,
    “கண்ணனுக்கே சங்கா” கருத்து”….கிரேசி மோகன்….

    கேசவ் OIL PAINTING கண்ணனுக்கு தைலக் காப்பு….

    “நள்ளிரவு வண்ணனை, வெள்ளையுறு வாக்கிட,
    தெள்ளமுதை வெண்சங்கில் தாயவள், -பிள்ளையதன்,
    வாயில் புகட்டுவதை ,வார்த்தனன் கேசவ்ஜி;
    OILலில் ஆரா அமுது”….கிரேசி மோகன்….

     crazy

    யசோதை பிடியிலிருந்து தப்ப முயலும் “கிருஷ்ண உவாச”….

    “என்னதவம் செய்தாலும் என்னப்ப்ர யோஜனம்,
    முன்னமிவன் செய்த முடிவம்மா, -உண்ணதவம்,
    நோற்றவள் பூதனை, நச்சுமுலை யோடெமுனை,
    ஆற்றருகே WAITING அனுப்பு”….கிரேசி மோகன் ….

     

    Share

  • நம் இந்தியப் பொருளாதாரமும் தலை நிமிர்ந்து நிற்குமா?

    பவள சங்கரி

    தலையங்கம்

    ஒரு நாட்டின் பொருளாதாரம் அந்த நாட்டின் போக்குவரத்து, தொழில் வளம், தொழிலாளர் வளம், தொழில்நுட்ப தொழிலாளர்களின் எண்ணிக்கை, தங்கம், மற்றும் மக்களின் வாங்கும் சக்தி, இவைகளைக் கொண்டுதான் நிர்ணயம் செய்யப்படுகிறது. நாட்டின் எந்த ஒரு வளர்ச்சிக்கும், அடிப்படை, பிரச்சனை இல்லாத சிறந்த போக்குவரத்து வசதிகள். ஆனால் பொது மக்களுக்கு சுமையைக் கூட்டும் வகையில் தேசிய நெடுஞ்சாலைகளில் உள்ள சுங்கச் சாவடிகளில், பயணம் செய்வதற்கான கட்டணங்கள் எந்த முன்னறிவிப்புமின்றி 15 சதவிகிதம் உயர்த்தப்பட்டுள்ளது. இந்த சுங்கச் சாவடிகள் பெரும்பாலும் தனி நபர்களால் நடத்தப்படுகின்றன. இப்போது இந்தச் சுங்கச் சாவடிகளில் திடீரென்று இவ்வளவு அதிகமாகக் கட்டண உயர்விற்கான காரணம் என்ன என்பதே விளங்கவில்லை. நாட்டின் ஏதோ ஒரு மூலையில் தயாரிக்கப்படும் பொருள் அந்நிய செலாவணி ஈட்டித் தருவதாகவோ அல்லது மக்களின் பயன்பாட்டில் இருப்பதாக இருந்தாலும் இந்தச் சுமை விதிக்கப்படுகிறது. இது பொது மக்களையோ அல்லது உற்பத்தியாளர்களையோ சென்று அடைவதை நாமறிவோம். எப்பொழுதோ போட்ட சாலைக்கு இன்னும் எத்தனை ஆண்டுகள் கப்பம் கட்ட வேண்டும்.. இன்னும் எவ்வளவு முறை இது உயர்த்தப்படும் என்றும் தெரியவில்லை. சில காலம் முன்பு மராட்டிய மாநிலத்தில் நடந்தது நினைவிருக்கும். நவநிர்மான் சமிதியைச் சார்ந்தவர்கள் திடீரென்று ஒரு நாள் ‘சுங்க வரி இனி ஒருவரும் செலுத்தப் போவதில்லை’ என்று கூறி சுங்கச் சாவடிகளை உடைத்து எறிந்தார்கள். உடனே மராட்டிய மாநில அரசு பேச்சு வார்த்தை நடத்தி, சுங்கச் சாவடிக் கட்டணங்களை பெருவாரியாகக் குறைத்தது. அப்படியிருக்க இப்பொழுது மீண்டும் இந்தியா முழுவதும் சுங்கக் கட்டணங்களை எதற்காக அதிகப்படுத்த வேண்டும்? ஒரு சில தனி நபர்கள் மட்டுமே இதனால் பல ஆயிரம் கோடி ரூபாய்கள் பயன் பெறப்போகிறார்களே தவிர, இதனால் நாட்டிற்கு வேறு என்ன நன்மை விளையப்போகிறது?

    போக்குவரத்திற்கும், நாட்டிற்கும் முதுகெலும்பாக இருக்கக்கூடிய பெட்ரோலியப் பொருட்களுக்களின் விலைகள், சந்தை விலைக்கும், ரூபாயின் மதிப்பிற்கும் ஏற்றவாறு லிட்டருக்கு குறைந்தபட்சம் 15 ரூபாய் குறைக்கப்பட வேண்டும். ஆனால் அது குறைக்கப்படவில்லை. வெறும் 2 அல்லது 3 ரூபாய்தான் குறைக்கப்பட்டுள்ளது. இயற்கை எரிவாயுவைப் பிரபலப்படுத்தாததன் காரணத்தினால் அந்நிய செலாவணியைக் குறைக்க முடியாமல் போகிறது. ரிலையன்சு நிறுவனத்தினர் மற்ற எரிவாயு கிணறுகளிலிருந்து உற்பத்தியை எப்போது அதிகப்படுத்துவார்கள்? உற்பத்தியை அதிகப்படுத்துவதைவிட்டு ஆண்டிற்கு ஆண்டு உற்பத்தி அளவு குறைந்துகொண்டே வருவதற்கான காரணமும் விளங்கவில்லை. இதற்கான புள்ளிவிவரங்கள் மிகக் குறைவான உற்பத்தியையே காட்டுவதும் வருத்தத்திற்குரிய விசயம். இயற்கை எரிவாயுவின் உற்பத்தியை இந்திய நவரத்தின குழுமங்களின் ஒன்றான எண்ணெய் உற்பத்திக் கழகமே உற்பத்தி செய்தால் பலன் கூடும் என்பதே வல்லுநர்களின் கருத்து.

    நாள்தோறும் தங்கம் பெருமளவில் சுங்க வரி செலுத்தப்டாமலே நாட்டிற்குள் கள்ளத்தனமாக வருவதை அரசு முறைப்படுத்தினால் நலம். நகை உற்பத்தியாளர்கள் தங்கள் தேவைக்காக வாங்கக்கூடிய தங்கத்தின் அளவில் 50 சதவிகிதத்தை ஏற்றுமதி செய்வதோடு, தங்கள் தேவைக்கு வேண்டியதை கட்டுப்பாடின்றி இறக்குமதி செய்ய அனுமதிப்பதன் மூலமாக நமக்கு அந்நிய செலாவணி அதிகமாகக் கிடைப்பதோடு சுங்க வரியும் பெற முடியும். மறைமுகமாகத்  தங்கம் வாங்கி விற்கக்கூடிய தவறுகளையும் கட்டுப்படுத்த இயலும்.

    இந்திய ரூபாயின் மதிப்பை அதிகப்படுத்துவதற்கான குறிப்பிட்ட எந்த நடவடிக்கையும் இதுவரை அரசினால் மேற்கொள்ளப்பட்டதாகத் தெரியவில்லை. விவசாய விலை பொருட்களாகட்டும், உற்பத்திப் பொருள்களாகட்டும், இறக்குமதியை விட ஏற்றுமதி அதிகரித்தால் மட்டுமே இந்திய பொருளாதாரம் தலை நிமிர முடியும். மூலப் பொருட்களின் ஏற்றுமதியைக் குறைத்து, உற்பத்திப் பொருட்களின் ஏற்றுமதியை அதிகப்படுத்துவதை ஊக்குவித்தால் நாட்டின் பொருளாதாரம் சீரடைவதோடு, அமெரிக்க டாலருக்கு நிகரான இந்திய ரூபாயின் மதிப்பு கூடும் வாய்ப்பும் அதிகரிக்கலாம்.

    அதிக வட்டிச் சுமையினால் கல்விக் கடன் வாங்குவோரின் எண்ணிக்கை சதவிகிதம் இன்று வெகுவாகக் குறைந்துள்ளது. கல்விக் கடன் முதலில் வாங்கியவர்களின் சதவிகிதத்தைவிட இன்று 25 % குறைந்து 9 சதவிகிதமாக உள்ளது. இது நாட்டின் வளர்ச்சியை மிகவும் பாதிக்கக்கூடிய ஒரு விசயம். இது போல வீட்டு கட்டுமானத்திற்கு கடன் பெறுவோர் மற்றும் அதற்கான தொகையும் கனிசமாகக் குறைந்துள்ளது. அதே சமயம், consumer durables என்று கூறக்கூடிய மக்கள் பயன்பாட்டிற்கு வாங்கக்கூடிய பொருட்களின் சதவிகிதமும், தொகையும் அதிகரித்துள்ளது. கடன் அட்டைகளுக்கான வாராத கடன் தொகையின் சதவிகிதமும் அதிகமாக உள்ளது. இவையனைத்தும் நாட்டின் பொருளாதாரத்தை கேள்விகுறியாக்கிக் கொண்டிருக்கிறது. அரசு, கல்விக் கடனை ஊக்குவித்து பொருளாதாரத்தை சீர் தூக்கினால் நாடே நலமடையும் என்பது உறுதி.

    Share

  • இனி ஒருகணம் பிரியாமல் ……

    இசைக்கவி ரமணன்

     

    உனக்கே உனக்காக   (31)

    இனி ஒருகணம் பிரியாமல்

     {கேட்டு மகிழ}

    10610675_516956361770600_5810124378370175541_n
    நிம்மதியாகச் சென்று வா! எந்த
    நிலையையும் அன்பால் வென்று வா!
    நினைவும் கனவும் இறைவனையே
    நித்தம் விடாமல் தொழுது வா!
    நிம்மதி பிறர்க்குத் தந்து வா! அதில்
    நிம்மதி புதிதாய்க் கொண்டு வா!
    நீலக் கடலின் வெள்ளலைபோல், நீ
    நேரே சீக்கிரம் ஓடி வா!

    சந்நிதி என்பது அன்புமனம், அதில்
    சரவிளக்காவது தொழுதசுகம்
    சதியாய் இடைவரும் விதியைக் கூடச்
    சமன் படுத்துவதே சாந்த குணம்
    அந்நியம் அறியா அன்பினிலே, அந்த
    ஆண்டவன் நெய்தான் உன் நெஞ்சை
    அள்ளிக் கொடுக்கக் கொடுக்கப் பெருகும்
    அன்பைக் கொடுத்து அழகே வா!

    என்மனம் என்பதோ உன்விழியில்
    என்னுயிர்? உன் இமையின் அசைவில்
    என்கன வெல்லாம் உன்முகமே
    என் நினைவெல்லாம் உன் நலமே
    என்றோ ஏனோ பிரிந்தநதி
    இன்று கலந்தது அவனருளால்
    ஒன்றொன்றான இன்பத்தை, இன்னும்
    ஒருமுறை கொண்டாட ஓ…டி… வா!

    தினம்தினம் உனக்காய்ப் பிரார்த்திப்பேன்
    திசையெலாம் உன்முகம் பார்த்திருப்பேன்
    தினம்தினம் கண்முன் நீ வளர, பனித்
    திரையின் ஊடே களித்திருப்பேன்!
    எனையுன் உயிரில் கலந்தவளே! என்
    உயிரினும் இனிய தெய்விகமே!
    எனையினி ஒருகணம் பிரியாமல்
    இறுகத் தழுவிடச் சீக்கிரம் வா!

    படத்திற்கு நன்றி

    Share

  • கேசவ் வண்ணம் – கிரேசி எண்ணம்

    கிரேசி மோகன்

    “கல்கியேஜ் கண்டு கலிதீர்க்கக் கண்ணனவன்
    LKG சேயாய்ஜொ லிக்கின்றான் ; -MILKYAGEல்(துவாபர யுகம் )
    கட்டிமல் லாண்டந்த கம்சர்களைக் கொன்றதும்
    சொட்டுநீ லம்டோய்கே சவ்”….கிரேசி மோகன்….

    crazy

    “கஷ்கம் சொறிவரது குட்டிக்கு வேடமிட்டாய்
    கிஷ்ணன்போல் கேசவ், கிரேசிக்கு -உஷ்ணம்
    சகிக்கவில்லை சித்திரையில் சாக்லேட் கிருஷ்ணா
    நகைக்கவை கோபி நடித்து”….கிரேசி மோகன்….

    பி. கு. இன்றைய பாலகிருஷ்ணர் பார்ப்பதற்கு ஜாடையில்  “மைக்கேல் மதனகாம ராஜன் ” புகழ் வரது குட்டி போல் இருக்கிறான்….சாக்லேட் கிருஷ்ணாவில் என்னால் முடியாத போது “கோபியை” substitute ஆக அனுப்ப…. ” ம் மாட்டிக் கொண்டான் கோபி “….கிரேசி மோகன்….

     

    Share

  • மாதவிடாய் இது ஆண்களுக்கான பெண்களின் படம்

    இரா.உமா

    “எந்நாடு போனாலும்
    தென்னாடுடைய சிவனுக்கு
    மாதவிலக்கான பெண்கள் மட்டும்
    ஆவதே இல்லை”

    கவிஞர் கனிமொழி

    mathavidai
    மாதவிலக்கு எனப்படும் மாதவிடாய் குறித்து ஓர் ஆவணப்படம் வெளிவந்திருக்கிறது. கீதா இளங்கோவன் அந்த ஆவணப்படத்தை இயக்கி வெளியிட்டுள்ளார். புனிதங்களும், தீண்டாமைகளும் உடைத்து நொறுக்கப்பட்டுக் கொண்டிருக் கின்ற சூழலில், பெண்ணின் மீது இந்தச் சமூகம் ஏற்றி வைத்தி ருக்கின்ற தீண்டாமையான மாதவிடாய் பற்றிய கருத்தாக்கங் களையும், மருத்துவர்களின் அறிவியல் சார்ந்த ஆலோசனை களையும் இப்படத்தில் பதிவு செய்திருக்கிறார். இதில் இடம் பெற்றுள்ள, “இது ஆண்களுக்கான பெண்களின் படம்” என்னும் தொடர், நோக்கத்தைத் தெளிவுபடுத்துகிறது.

    பெண்ணின் உடலில் இயற்கையாக ஏற்படும் ஒரு மாதாந்திர நிகழ்வைக் குறித்து, 21ஆம் நூற்றாண்டிலும் மக்களிடையே நிலவும் மூடநம்பிக்கைகளையும், அறியாமையையும் வேதனையுடன் கீதா பதிவு செய்திருக்கிறார். சமூகத்திற்குச் சொல்ல வேண்டிய, பெரும்பான்மையும் சொல்லத் தயங்குகின்ற செய்தியைச் சிறப்பாகச் சொன்ன மாதவிடாய் படத்தின் இயக்குனர் மற்றும் அவருடைய குழுவினருக்கு நம்முடைய பாராட்டுகளும், வாழ்த்துகளும்.

    கீதா இளங்கோவன்
    கீதா இளங்கோவன்

    ஓர் உயர் நிலைப்பள்ளி மாணவியிடம், ‘மாதவிடாய்னா என்னம்மா?’ என்று கேட்கப்படுகிறது. அந்த மாணவியிடம், வெட்கமும், தயக்கமும்தான் விடையாக வெளிப்படுகின்றன. பள்ளி இறுதி ஆண்டுகளில் நிற்கின்ற அந்தப் பெண் குழந்தை, படித்து முடித்ததும், மேற்படிப்புக்குப் போகலாம் அல்லது மணவாழ்க்கைக்குள்ளும் தள்ளப்படலாம். ஒரு வேளை அந்தப் பெண் திருமணம் செய்து கொடுக்கப்பட்டால், தன் உடலைப் பற்றிய அடிப்படை மாற்றங்கள் கூடத் தெரியாத நிலையில், எப்படி அந்த வாழ்க்கையை எதிர்கொள்வாள்? இத்தனை ஆண்டுகள் அவளுக்குக் கற்பிக்கப்பட்ட கல்வி வேறு என்னதான் அவளுக்குச் சொல்லிக் கொடுத்தது?

    மற்றொரு மாணவியிடம், “வயசுக்கு வந்தப்போ உங்கம்மா, என்ன சொல்லிக் கொடுத்தாங்க?” என்று கேட்கப்படுகிறது. ‘வெளியில போக்கூடாது, பூஜ ரூம் பக்கமா வரக்கூடாது, குங்குமம் வச்சிக்கக்கூடாது, வெறும் பொட்டுதான் வச்சிக்கணும், ஆடாம, ஓடாம, பொம்பளப் புள்ளயா அடக்க ஒடுக்கமா இருக்கணும். அந்த மாதிரி நாள்ல பள்ளிக்கூடம் வரும்போது, கையில இரும்புத் துண்டு, இல்லன்னா துடைப் பத்தை மடிச்சிக் கையில கொடுத்தனுப்புவாங்க’ என்று பதில் வருகிறது. ஆக, பள்ளிக் கூடத்திலும், மாதவிடாய் பற்றி அறிவியல் சார்ந்த விழிப்புணர்வு கிடைப்பதில்லை, வீடுகளிலும் மூடநம்பிக்கை சார்ந்த கருத்துகளே திணிக்கப்படு கின்றன.

    அறிவியல் பயிற்சியாளர், ‘மாதவிடாய் பத்தி விளக்கமா சொல்லும்போது, பிள்ளைங்க வெக்கப்படுதுக. 10, 11, 12ஆம் வகுப்புலயே, அறிவியல் பாடத்துல, ஆண், பெண் இனப்பெருக்க உறுப்புகள், மண்டலங்கள் இதெல்லாம் படத்தோட வருது. ஆனா டீச்சருங்களே நடத்த அசிங்கப்பட்டுட்டு, நீங்களே வாசிச்சி தெரிஞ்சிக்குங்கன்னு சொல்லிட்டுப் போயிடுறாங்க அப்படீன்னு அந்தப் பிள்ளைக சொல்லுதுக’ என்கிறார். பிறகு எப்படி இது குறித்து விழிப்புணர்வு ஏற்படும்?

    தொடக்கப்பள்ளி நிலையிலிருந்தே பாலியல் கல்வி பாடத்திட்டத்தில் இணைக்கப்பட வேண்டும். கலாச்சாரக் காவலர்கள் கூச்சலிடுவதுபோல், பாலியல் உறவுகளை வகைப்படுத்துகின்ற கல்வியன்று, பாலியல் கல்வி. மனித உடல் அமைப்பு, உடல் உறுப்புகள், உடலியல் மாற்றங்கள் குறித்து, ஆரோக்கியமான முறையில் கற்றுத் தரப்படும் அறிவியல் கல்வியே பாலியல் கல்வி. ஆண், பெண் இருபாலருக்கும் மிகவும் இன்றியமையாத கல்வி & பாலியல் கல்வி.

    இந்தப் படத்தில், பெண்கள், இளம்பெண்கள், ஆண்கள் சொல்லி யிருக்கின்ற மாதவிடாய் குறித்த கற்பிதங்கள், உடலியல் கல்வி & பாலியல் கல்வியின் தேவைக்குச் சான்றுகளாக இருக்கின்றன.

    கூவிலபுரம் என்னும் ஊரில், மாதவிலக்கின் போது பெண்கள் நடத்தப்படும் விதம், தீண்டாமைக் கொடுமையின் உச்சம். ஊருக்கு ஒதுக்குப்புறத்தில், மாதவிலக்கானவர்கள், பிள்ளை பெற்றவர்கள் தங்குவதற்காகத் தனி வீடே வைத்திருக்கிறார்கள். கைக்குழந்தை வைத்திருப்பவர்கள்கூட, மாதவிலக்கின் போது, பச்சைக் குழந்தையைப் பிரிந்து, தனியாக அந்த வீட்டில்தான் இருக்க வேண்டுமாம். ‘வீட்டிற் குள்ளேயே இருந்து விட்டால், யாருக்கும் தெரியாமல் போய்விடும். இப்படித் தனி வீட்டில் வைப்பதால், ஊருக்கே தெரிந்துவிடுகிறது. பசித்தாலும், தாகம் எடுத்தாலும், யாராவது அந்தப் பக்கமாக வந்தால்தான் சோறோ, தண்ணீரோ கிடைக்கும். பிச்சை எடுப்பதுபோல, கையேந்திச் சாப்பிட வேண்டியிருக்கிறது’ என்று அவமானத்தில் குமுறுகிறார் ஓர் இளம்பெண். அந்த நேரத்தில் பயன்படுத்தப்படும் பாத்திரங்களை மூட்டையில் கட்டி, ஒரு மரத்தில் தொங்கவிட்டிருக்கிறார்கள். அதைப் பார்க்கும் நமக்கு, பெண்களின் தன்மானத்தைத் தூக்கில் தொங்கவிட்டது போலத் தெரிகிறது.

    மருத்துவ ரீதியான விளக்கங்களும், எளிமையான சொற்களில், துறை சார்ந்த மருத்துவர்களைக் கொண்டு பதிவு செய்யப்பட்டுள்ள விதமும் அருமை. பள்ளி ஆசிரியர்கள், சுகாதாரப் பணியாளர்கள் ஆகியோரின் கருத்துகளும் விழிப்புணர்வூட்டுபவையாக உள்ளன.

    மாதவிடாயின் போது வெளிப்படும் ரத்தத்தில் உள்ள ஸ்டெம்செல்கள் 78 வகையான இரத்த சம்பந்தப்பட்ட நோய்களைக் குணப்படுத்தக் கூடியவை என்று கண்டறியப் பட்டுள்ளது. மாதவிடாய் ரத்தத்தைச் சேமிக்கும் வங்கிகளும் இருக்கின்றன என்ற செய்தியையும் தருகிறது இப்படம்.

    மாதவிடாய் ரத்தத்தை உறிஞ்சுவதற்குத் துணிகளைப் பயன்படுத்திய நிலை மாறி, இன்று பஞ்சுப் பட்டைகள் கடை களில் கிடைக்கின்றன. ஆனாலும் சரியான கழிப்பறை வசதிகள் இல்லாத காரணத்தால், இச்சமயங்களில் பெண்களின் நிலை மிகவும் சிக்கலானதாக இருக்கிறது.

    சமூகத்தில் ஆண்கள் & பெண்கள், படித்தவர்கள் & படிக்காதவர்கள் என அனைத்துத் தரப்பினரிடமும், மாதவிடாய் தொடர்பான மூடநம்பிக்கைகளும், அறியாமையும் மண்டிக் கிடப்பதை இப்படம் ஆழமாகப் பதிவு செய்திருக்கிறது. தலைவலி, காய்ச்சல் வந்தால் சொல்வது போன்று, மாதவிடாயின் போது ஏற்படும் வலிகளைப் பெண்கள் வெளிப்படையாகச் சொல்வ தில்லை. மருந்துக்கடைகளில் ஆணுறையை எந்தத் தாளிலும் மறைக்காமல் எடுத்துக்கொடுக்கும் கடைக்காரர், பெண்கள் மாத விடாய்ப் பஞ்சுப் பட்டைகளை வாங்கும்போது, செய்தித்தாளில் வைத்துச் சுருட்டி, கருப்புப் பாலித்தீன் பையில் போட்டு ரகசியமாகத்தான் கொடுக்கிறார். இரண்டையுமே மறைக்க வேண்டியதில்லை. உடம்பிலிருந்து வெளியேறுகின்ற ரத்தக் கழிவுகள் சம்பந்தப்பட்டவைதானே இவைகள்.

    நம் சமூகத்தில், பலவற்றை மதங்கள் மறைத்து வைத்துப் புனிதம் என்கின்றன அல்லது ஒதுக்கி வைத்துத் தீட்டு என்கின்றன. இரண்டுமே இல்லை என்கிறது அறிவியல். மாதவிடாயின் மீது கட்டப்பட்டுள்ள கற்பிதங்களை உடைக்கின்ற சிற்றுளியாக இப்படம் இருக்கிறது.

    Share

  • இந்த வார வல்லமையாளர்!

    ஆகஸ்ட் 25, 2014

    இவ்வார வல்லமையாளர்

    வல்லமைமிகு போராளி ஹீடி எப்ஸ்டீன் அவர்கள்

    Hedy Epstein
    அமெரிக்க மிசௌரி மாநிலத்தில் காவல் துறையின் அடக்குமுறையை எதிர்த்துப் போராடியதால் கைது செய்யபட்டவர் போராளி ‘ஹீடி எப்ஸ்டீன்‘ (Hedy Epstein). தனது 90 ஆவது வயதிலும் துடிப்புடன்   அயர்வின்றி மனித உரிமைகளுக்காகப்  போராடி வரும்  மனித உரிமைப் போராளி ஹீடி எப்ஸ்டீன் அவர்கள்  இவ்வாரத்தின் வல்லமையாளராக வல்லமை இதழ் குழுவினரால் பாராட்டப்படுகிறார்.

     

     

    hedyepstein_collage
    இவர் ஆகஸ்ட் 15, 1924 ஜெர்மனியில் பிறந்தவர்.  யூத மதத்தைச் சேர்ந்தவர்.  இவரது குடும்பத்தினர் பரம்பரைப் பரம்பரையாக அங்கு வணிகத்தில் ஈடுபட்டு வந்திருக்கின்றனர்.  பெற்றோருக்கு ஒரே குழந்தையான இவரது 8 ஆவது வயதில் ஜெர்மனியில் சர்வாதிகாரி  ஹிட்லர் பதவியேற்று இருக்கிறார்.  ஹிட்லரின் அடக்குமுறையால் பிற யூதர்களின் குடும்பம் அல்லலுற்றது போலவே இவர்களும் துன்பம் அடைந்திருக்கிறார்கள்.  குடும்பமாக வெளியேற முயற்சித்தும் அகதிகளாக அவர்களுக்கு வேறு நாட்டிற்குச் செல்ல அனுமதி கிடைக்கவில்லை.  கிண்டர் ட்ரான்ஸ்போர்ட்  என்ற மக்கள் நல நிறுவனம் ஆயிரக்கணக்கான சிறுவர்களை இங்கிலாந்திற்கு அழைத்துச் சென்று அவர்களை அனாதைவிடுதிகள் போன்ற இடங்களில் தங்கவைத்து காப்பாற்றும் முயற்சியில் ஈடுபட்டது.  இதை அறிந்த ஹீடி எப்ஸ்டீனின் பெற்றோர்கள் இவரிடம் பேசி நிலைமையை உணர்த்தி, இவரை மட்டும் அந்த தொண்டு  நிறுவனத்தின் உதவியுடன் இவரது 14 வயதில் தப்ப வைத்தனர்.  அதன் பிறகு அவருடைய பெற்றோர்களையும் மற்ற குடும்ப நண்பர்களையும் அவர் பார்த்ததில்லை.  அவர்கள் யாவரும் ஹோலோகாஸ்ட் முகாமில் உயரிழந்தனர் என்று நம்பப்படுகிறது.

    அவ்வாறு ஜெர்மனி அரசால் முகாமில் அடைபட்டு இருந்த பொழுது அவரது அன்னை எழுதிய கடைசிக் கடிதமான அஞ்சல் அட்டையில் அவர் தங்களது துயரங்கள் எதையும் சொல்லி இவரை வருத்த விரும்பாமல், அன்பு மகளுக்கு நாங்கள் கிழக்கு நோக்கிப் பயணமாகிறோம், இறுதியாக விடைபெற்றுக் கொள்கிறேன் என்று எழுதியிருக்கிறார்.  போர் முடிந்தவுடன் ஜெர்மனி திரும்பியும் அவர்களை இவரால் தேடிக் கண்டுபிடிக்க முடியவில்லை.  பிறகு ஹிட்லரின் கொடுஞ்செயலில் இறந்திருப்பார்கள் என்ற முடிவுக்கு வருவதைத் தவிர வேறு வழி இருக்கவில்லை.

    ஜெர்மனியில் இவர் கொஞ்ச நாட்கள் பல பணிகளில் ஈடுபட்டாலும் அவையாவிலும் இவர்  நோக்கம் மனித உரிமைகளுக்காகப் போராடுவதை அடிப்படையாகக் கொண்டிருந்திருக்கிறது.  பிறகு அமெரிக்காவிற்கு குடியேறி தற்பொழுது மிசௌரி மாநிலத்தில் வசிக்கிறார்.   தொடர்ந்து மனித உரிமைக்கான போராட்டங்களில் ஈடுபட்டு வருகிறார். அவற்றில் சில சிறைக்கைதிகளின் அனுமதியின்றி அவர்கள் மீது மருத்துவ ஆராய்ச்சி நடத்திய வழக்கில் தகவல் சேகரிக்க உதவியது, வீட்டுவசதியில் இனவேறுபாடு என்ற பிரிவற்ற சமத்துவம், கருச்சிதைவு உரிமை, போர்களை எதிர்த்துப் போராடுவது போன்றவை ஆகும்.  தனது போராட்டங்களுக்கு ஆதரவாக உரை நிகழ்த்த, போரை எதிர்த்து அமைதி காக்கும் முயற்சி போன்றவற்றிற்காக கட்டமேலா, நிக்கராகுவா, கம்போடியா போன்ற நாடுகளுக்கு 1989 ஆம் ஆண்டில் பயணம் செய்தவர்.

    யூத மதத்தைச் சேர்ந்தவராக இருந்தாலும் இஸ்ரேலின் நடவடிக்கையை எதிர்ப்பவர்.  பாலஸ்தீனத்தில் இஸ்ரேல் நிகழ்த்தும் அநீதிகளுக்ககாக 2003 ஆம் ஆண்டிலிருந்து தொடர்ந்து ஐந்து ஆண்டுகளாக இஸ்ரேல் கட்டுப்பாட்டில் இருக்கும் வெஸ்ட் பேங்க் பகுதிக்குச் சென்று அங்கு அமைதியான  போராட்டம் செய்பவர், உண்ணாவிரதம் இருப்பவர்.  யூதராக இருந்தும் இஸ்ரேலுக்கு இவர் ஆதரவு தராத காரணத்தினால் யூத மக்கள் இவர் மீது கோபம் கொண்டு அவரது சொற்பொழிவுகளை நடத்த விடாமல் இடையூறு செய்வதுண்டு.  இவ்வாறு உலக நாடுகளுக்குப் பயணம் செய்து அமைதிக்காகப் போராடும் இவருக்கு இவர் வசிக்கும் ஊரிலேயே அமைதி குலையும் நிலையும் அதற்காகப் போராடும் தேவையும் ஏற்பட்டது.

    ஆகஸ்ட் 9, 2014 முதல், கடந்த அரை மாதமாக அமெரிக்க மக்களின் விவாதத்திற்குரியதாக, தொடர்ந்து ஊடகச் செய்திகளில் அலசப்பட்டு வரும் ஒரு நிகழ்ச்சி மிசௌரி மாநிலத்தைச் சேர்ந்த ‘மைக்கேல் பிரவுன்’ என்ற  18 வயது  இளைஞர் காவல்துறை அதிகாரி ‘டேரன் வில்சன்’ என்பவரால் சுட்டுக் கொல்லப்பட்ட நிகழ்ச்சி.  சுடப்பட்டவர் ஆயுதம் எதையும் வைத்திராத ஒரு கறுப்பின இளைஞர் என்பதும், அவரை சரமாரியாக ஆறுமுறை சுட்டுக் கொன்றவர்  வெள்ளையர்  என்பதால்  அந்த நிகழ்ச்சி நடந்த ஃபெர்குசான் நகர மக்கள் கொந்தளித்துப் போராட்டத்தில் ஈடுபட்டு வருகின்றனர்.

    தொடர்ந்து காவல் துறையினரால் கறுப்பின இளைஞர்கள் சுட்டுக் கொல்லப்படுவது, அதிலும் வெள்ளை இனத்தைச் சேர்ந்த அதிகாரியால் உயிரிழக்க நேரிடுவது ஒடுக்கப்படிருந்த சிறுபான்மையினர் மீது இன்றும் தொடர்ந்து நிகழ்ந்தப்படும் அடக்குமுறை  என்ற கோணத்திலேயே பார்க்கப்படுகிறது.   இது ஒரு பெரும் போராட்டமாக வெடித்து மக்கள் அமைதியான வழியில் போராட்டம் நடத்துவது, அத்துமீறிய நிகழ்வுகள் நடந்தால் காவல்துறை அவர்களைக் கட்டுப்பாட்டிற்குள் கொண்டுவரத் தாக்குவதும் தொடர்ந்து வருகிறது. இரவில் ஊரடங்கு உத்தரவு, போராளிகளைக் கலைக்க கண்ணீர்ப்புகை போன்ற வழியில் கலவரம் முற்றும் நிலைக்கும் போனது.  நாட்டின் பல பகுதிகளில் இருந்தும், பல தரப்புகளில் இருந்தும்  ஃபெர்குசான் நகரக் காவல்துறை கண்டனதிற்கு உள்ளானது.

    நகரக்காவல்துறை நிலைமையைக் கையாள்வதை நிறுத்தச் சொல்லி மாநில ஆளுநர் நெடுஞ்சாலை காவல்துறையிடம் பொறுப்பை ஒப்படைத்தார். அதுவும் பலனளிக்காமல் போன பிறகு இராணுவத்தை வரவழைக்க ஏற்பாடு செய்தார்.  ஏற்கனவே போராடுபவர்களை தீவிரவாதிகளைப்  போல நடத்திப் போர்க்கால ஆயுதங்கள் கொண்டு அடக்கப்பட்டதில் கொதித்திருந்த போராளிகள், இராணுவத்தை  ஆளுநர் வரவழைக்கிறார் எனத் தெரிந்ததும் தங்கள் எதிர்ப்பைத் தெரிவிக்க ஒருவருடன் ஒருவர் கை கோர்த்து அரசு அலுவலகம் முன் நின்று வாசலை வழிமறித்து முற்றுகை இட்டனர்.

    இவ்வாறு சென்ற திங்கட்கிழமை (ஆகஸ்ட் 18, 2014) அன்று முற்றுகை இட்டவர்களில் மனித உரிமைப் போராளி  ஹீடி எப்ஸ்டீனும் ஒருவர்.  காவல்துறையினர் அவர்களைக் கலைந்துபோகச் சொன்னதையும் பொருட்படுத்தாது முற்றுகையிட்டோர் தொடர்ந்து போராடவும் அவர்களில் 9 பேரை காவல்துறையினர் கைது செய்தனர் (ஒருவரைத் தவிர மற்றவர்களை சிலமணி நேரத்திற்குப் பின்னர்  விடுதலை செய்துவிட்டனர்).  வரும் அக்டோபர் 21, 2014 அன்று நீதிமன்றதிக்கு வரவேண்டும் என்ற நிபந்தனையில்  ஹீடி எப்ஸ்டீனும் விடுதலை செய்யப்பட்டுள்ளார்.

    ஹீடி எப்ஸ்டீனைக் கைது செய்த பொழுது அவர் காவல்துறையிடம் சொன்னது மக்களைக் கவர அது “டுவிட்டர்” சமூகவலைதளத்தில் பலரால் பரப்பப்பட்டது. வியந்து பாராட்டப்பட்டது.

    ferguson arrest
    “நான் என் பதின்ம வயதிலிருந்து மனித உரிமைகளுக்காகப் போராடி வருகிறேன், எனது 90 வயதிலும் நான் போராட்டத்தில் இறங்க வேண்டியிருக்கும் என்று நான் எதிர்பார்த்ததில்லை…. நாம் இப்பொழுது அநீதிகளை எதிர்த்தால்தான்  பிற்காலத்தில் மக்களும் தங்களது 90 வயதுகளில் போராடவேண்டிய நிலை வராமலிருக்கும்”

    ஹீடி எப்ஸ்டீன் அம்மையார் கைதாகும் நிகழ்ச்சியைப் பற்றிய தொலைகாட்சி செய்தி வழங்கிய காணொளி:
    http://youtu.be/cS3wGvsYik8

    தன்னைவிட வேறுபட்டு இருப்பவர்களின் மீது நிகழ்த்தும் அடக்குமுறையும், அவர்களை தங்களைவிடத் தகுதியில் குறைந்தவர் என்ற எண்ணம் கொண்டு ஏளனப்படுத்துவதும், அவர்களை மதிக்காது நம்பிக்கையற்று நோக்குவதும், கண்காணிப்பதும் இன்றுவரை நிகழும் ஒரு மனிதாபிமானம் அற்ற செயல்.  ஒருவரது இனத்தின் பின்புலம் காரணமாக இன்றும் அடக்குமுறை அமெரிக்காவில் தொடர்ந்த வண்ணம்தான் இருக்கிறது. இது போன்ற அநீதிகள் என்னை மிகவும் பாதிக்கிறது என்று கூறுகிறார் ஹீடி எப்ஸ்டீன்.

    மனித உரிமைகளுக்காகத் தனது தள்ளாத வயதிலும் போராட்டத்தில் இறங்கும் ஹீடி எப்ஸ்டீன்அவர்களை இவ்வாரத்தின் வல்லமையாளராக அறிவிப்பதில் வல்லமை குழுவினர் மகிழ்ச்சி அடைகிறோம்.

    அவருடைய போராட்டத்தையும் கைதான செய்தியையும் அறிந்து  தொலைபேசி வழியாகவும் மின்னஞ்சல் வழியாகவும் அவருக்குப்  பாராட்டுகள் குவிந்த வண்ணம் உள்ளது.  காலை ஆறுமணி முதல் நள்ளிரவு வரை தொடர்ந்து அழைத்து பாராட்டுபவர்களுக்கும் அவர் பதிலளித்து வருகிறார்.  அவரைப்பாராட்ட விரும்புவோருக்காக கீழே அவரைத் தொடர்பு கொள்ள உதவும்  தகவல்களும் கொடுக்கப் பட்டுள்ளது.

     

     

    மேலதிகத் தகவல்கள்:
    Hedy Epstein
    Wikipedia Link: http://en.wikipedia.org/wiki/Hedy_Epstein
    Personal Website: http://www.hedyepstein.com/
    Mail: 5547 Waterman, #1E , St. Louis, MO 63112, USA
    Phone: (314) 361-6820
    Email: hedy@hedyepstein.com

     

     

     

    **************************************************************************************
    வல்லமையாளருக்குப் பாராட்டுகள்!!!
    தங்களுடைய ஆக்கப்பூர்வமான பங்களிப்பினைத் தொடர்ந்திட
    வல்லமை மின்னிதழ் அன்பர்களின் மனம் நிறைந்த வாழ்த்துகள்!!!

    **************************************************************************************

    [இந்த வாரத்தில் தனது ஆற்றலை சிறப்புற வெளிபடுத்தி உங்கள் கவனத்தைக் கவருபவரை வல்லமை ஆசிரியர் குழுவினரின் கவனத்திற்குக் கொண்டுவர விரும்பினால், வழக்கம் போலவே வல்லமை ஆசிரியரிடம் (vallamaieditor@gmail.com) உங்களது பரிந்துரைகளை அனுப்பி உதவிடுமாறு வேண்டுகிறோம், மேலும் வல்லமையாளர் விருது பற்றிய விவரங்களை இப்பக்கத்தில் காணலாம் –http://www.vallamai.com/?p=19391, இதுவரை வல்லமையாளர்களாகத் தேர்வு பெற்றோர் பட்டியலை இங்கே காணலாம் http://www.vallamai.com/?p=43179 ]

    Share

  • என்னதான் இருக்கிறது வேதத்தில்?– 19

    –சு.கோதண்டராமன்.

    வருணன்

    varuna
    வருணன், மித்ரன், அர்யமான், பகன், அம்சன் என்ற  ஐந்து தேவர்களை ஆதித்யர் என்று வேதம் சிறப்பித்தாலும் பகனுக்கும் அம்சனுக்கும் தனியான மந்திரங்கள் இல்லை. மித்ரன் வருணன் அர்யமான் மூவரும் சேர்த்தே சில இடங்களில் போற்றப்படுகிறார்கள். பல இடங்களில் மித்ரனும் வருணனும் சேர்த்துப் பேசப்படுகிறார்கள். இவர்களிலும் வருணனே மிகுதியாகத் துதிக்கப்படுகிறார். மற்ற இருவரது தன்மைகள் சாதனைகள் வருணனின் தன்மைகள் சாதனைகளிலிருந்து வேறுபடாமல் உள்ளன. அவை அனைத்தும் தொகுக்கப்பட்டு கீழே தரப்படுகின்றன.

    வலிமை மிக்கவராதலால் அசுரர் என்றும் அறிவு மிக்கவராதலால் கவிதமர் என்றும் அதிசய சக்திகள் பெற்றிருப்பதால் மாயாவான் என்றும் வருணன் கூறப்படுகிறார். ராஜா, சம்ராட் என்ற சிறப்பு ரிக் வேதத்தில் இவருக்குத் தான் மிகுதியாகக் கொடுக்கப்பட்டிருக்கிறது.

    மித்ர வருணர்களும் நர என்று அழைக்கப்படுகின்றனர். இவர்களும் மனிதர்களாக, நீதி தவறாமல் ஆட்சி செய்த அரசர்களாக, இருந்து உயர்ந்தவர்களாக இருக்கக் கூடும். ஆனால் வேதத்தில் கூறப்பட்ட இவர்களது சாதனைகள் முழுவதும் தெய்விகச் சாதனைகளாக உள்ளனவே அன்றி இந்திரனைப் போல மானிடச் சாதனைகள் எதுவும் இவர்கள் செய்ததாகக் கூறப்படவில்லை.

    எல்லாத் தேவர்களும் ருதத்தை(தர்மத்தை)க் காப்பாற்றுவோராகக் கூறப்பட்டாலும் வருண மித்ரனுக்கு ருதத்தில் முக்கியப் பங்கு உண்டு. அவர்கள் ருதத்தின் தலைவர்கள். ருதத்தைக் கொண்டு ஆட்சி செய்கிறார்கள். ஒவ்வொரு அடியிலும் விரதத்தை அனுசரிக்கிறார்கள். இவர்களே பெரிய ருதம் ஆக இருக்கிறார்கள். இவர்கள் நிலையான தர்மங்களை மீறுவதில்லை. தர்மத்தாலும் மாயையாலும் விரதங்களைக் காக்கிறார்கள், ருதத்தால் ஆள்கிறார்கள்.

    இயற்கை நியதியின் தலைவராக வருணன் செய்த செயல்களாவன- பலியிடப்பட்ட மிருகத்தின் தோலை விரிப்பது போல பூமியை விரித்தார். சூரியன் பூமியைச் சுற்றி வரச் செய்தார். அந்தரிக்ஷத்தில் நின்று கொண்டு சூரியனைக் கொண்டு பூமியை அளக்கச் செய்கிறார். சூரியனை ரதம் போல விண்ணில் அமைத்தார். சூரியனுக்குப் பாதை அமைத்துக் கொடுத்தார். வருடம் மாதம் நாள் பகல் இரவு யக்ஞம் ரிக் இவற்றை ஏற்படுத்தினர்.

    மரங்களின் மீது அந்தரிக்ஷத்தை விரித்தார். குதிரைகளிடம் வலிமையையும், மாடுகளிடம்  பாலையும், இதயத்தில் செயல் வேகத்தையும், நீரில் அக்னியையும், ஆகாயத்தில் சூரியனையும், மலை மீது சோமனையும் வைத்தார்.

    மழை பெய்வதும் பயிர் வளர்வதும் அவரால். வருணனின் ருதத்தின் படியே நதிகள் நிற்காமல், ஓய்வெடுக்காமல் ஓடுகின்றன. ஆற்று நீர் சமுத்ரத்தை நிரப்புவதில்லை. காரணம் இது அறிவுள்ள வருணனின் ஏற்பாடு.

    ஆகாயத்தைத் தூக்கி நிறுத்தியது,   பூமியை அளந்தது, எல்லா உயிரினங்களையும் தலைவராக நின்று பரிபாலித்தது ஆகியவையும் வருணனின் சாதனைகளாகப் பேசப்படுகின்றன. விண்ணும் மண்ணும் வருணனின் தர்மத்தால் நிலைநாட்டப்பட்டவை. வருணன் தேவர்களுக்கும் பாதுகாவலர்.

    பிரபஞ்சத்தைப் படைத்து அதில் ருதத்தை ஏற்படுத்திய வருணன் மனிதருக்கும் சில விரதங்கள் விதித்துள்ளார். வருணனின் விரதங்கள் மீறத் தகாதவை. உடல் முழுவதும் களிமண் பற்றுப் போட வேண்டிய நோய், துருத்தி போல் உடல் வீங்குவது, பிறரைச் சார்ந்து வாழவேண்டிய நிலை, வசதிகள் இருந்தும் அதை அனுபவிக்க முடியாத நிலை இவை வருணனின் விரதங்களை மீறுவதால் உண்டாகும்.

    மித்ர வருணர்கள் கண்களை விட நன்றாகப் பாதையை அறிந்தவர்கள். கண்ணை மூடிக் கொண்டும் அவர்களால் பார்க்க முடியும். அவர்களுக்குத் தெரியாமல் ஒருவன் தவறு செய்ய முடியாது.

    ருதத்தை மீறியவர்களை, அதாவது பாவம் செய்தவர்களை வருணன் பாசம் என்னும் கயிற்றினால் கட்டுகிறார். அந்தக் கட்டிலிருந்து விடுவிக்கக் கூடியவர் அவரே. (பிற்காலத்தில் இந்தப் பாசம் யமனுக்கு உரியதாக ஆக்கப்பட்டது.) பாவங்களைத் தெரிந்து செய்தாலும் தெரியாமல் செய்தாலும் தண்டிக்கிறார்.

    மற்றவர்கள் செய்த தவறுகளின் பலனை நாங்கள் அனுபவிக்காதிருப்போமாக[1], மூதாதையர் செய்த பழிக்கும் எங்கள் பழிக்கும் தண்டனை தராதே [2] என்று அவர் வேண்டப்படுகிறார்.

    தண்டிப்பவராக இருந்தாலும் கருணையும் மிகக் கொண்டவர் வருணன். பாவிகளிடத்திலும் கருணை காட்டுபவர். வேண்டினால் மன்னிக்கிறார். நண்பர்களிடத்தும், உறவினர்களிடத்தும், அயலாரிடத்தும் செய்த பாவங்களைப் போக்குகிறார். வருணா, உன்னுடைய விரதத்தில் நாங்கள் பிறழாமல் இருப்போமாக என்ற பிரார்த்தனை அடிக்கடி வருணனிடம் வைக்கப்படுகிறது.

    மித்ர வருணர்கள் அறிவற்றவனை அறிவாளி ஆக்குகின்றனர். அறிவுள்ளவனை விழிப்படையச் செய்கின்றனர். நல்ல பாதையில் அழைத்துச் செல்கின்றனர்[3].

    தெய்வங்களுக்குச் செய்த பாவங்களினாலும், அறியாமையால் உன் தர்மத்தை மீறினதாலும் நாங்கள் செய்த தவறுகளுக்காகக் கோபித்துக் கொள்ளாதே [4] என்ற இந்த மந்திரம் சந்தியா வந்தனத்தின் ஒரு பகுதியாக உள்ளது.

    யத்கிஞ்சேதம் வருண தைவ்யே ஜனே அபித்ரோஹம் மனுஷ்யாச்சராமஸி, அசித்தீ யத்தவ தர்மாயுயோபிம மா நஸ் தஸ்மாதேனஸோ தேவ ரீரிஷ:   

    என் உறவினர்கள் வறுமை அடையக் கூடாது. நாங்கள் நீண்ட நாட்கள் வாழ வேண்டும் என்றும் வருணன் வேண்டப்படுகிறார். க்ஷேமத்திலும் யோகத்திலும் நலம் உண்டாகட்டும் என்றும் பிரார்த்திக்கப்படுகிறார்.

    வருண மித்ரர்கள் துன்பத்திலிருந்து காப்பாற்றுகிறார்கள்.  உழைக்கத் தூண்டுகிறார்கள். அறியாதவர்களுக்கு அறிய வைக்கிறார்கள். அறிந்தவர்களைப் பாவங்களிலிருந்து நீக்கி நல்ல பாதையில் அழைத்துச் செல்கிறார்கள்.

    குறிப்புகள்:
    1    2.28.9.
    2    7.86.5.
    3    7.60.6.
    4    7.89.5.

     

     

    படம் உதவிக்கு நன்றி: http://barbarapijan.com/bpa/Nakshatra/24shatataraka.htm

    Share

  • பஜகோவிந்தம் பஜகோவிந்தம்

    கே. ரவி

     

    ஆதிசங்கரர்இன் பஜகோவிந்தம் பாடல் எப்பொழுதும் என் மனத்துக்கு நெருக்கமான பாடல். அதன் ஈர்ப்பில் நான் எழுதிய ஒரு தமிழ்ப்பாடலை, ரெஹான் இசையில், சுஜாதா குரலில் கேட்கலாமே:

     

    பஜகோவிந்தம் பஜகோவிந்தம்

     

    Meerabai_1

     

    பஜகோவிந்தம் பஜகோவிந்தம்

    பாடல்களில் உயர் பாடலிதே

    நிஜமும் நிழலும் நிதர்சன மாகும்

    நித்யா னந்த கீதமிதே

     

    உடலும் உயிரும் உறவென் றெண்ணும்

    மடமை அழிக்கும் மார்க்கமிதே

    கடவுள் நாமம் கடவுள் த்யானம்

    கதிவே றில்லை மானிடனே

     

    ஆசைகள் ஆகும் ஓசைகள் யாவும்

    அடங்கிடும் தேவ மந்த்ரமிதே

    பாசச் சுழலில் மோகத் தழலில்

    பரிதவிக் காதே மானிடனே

     

    மறுபடி ஜனனம் மறுபடி மரணம்

    மதியில்லை யாசொல் மானிடனே

    உறுதுணை அவனே உயிர்நிலை அவனே

    உணர்ந்திடு வாயா நீயுடனே

     

     

     

    Share

  • காதல் நாற்பது (18)

    ஒருபிடிக் கூந்தல் உனக்கு மட்டும்!

     

    jay

    மூலம் : எலிஸபெத் பிரௌனிங்
    தமிழாக்கம் :     சி. ஜெயபாரதன், கனடா

    எந்த மனிதனுக்கும் நானிதைப் போல்
    ஒருபிடிக் கூந்தலை அறுத்துத்
    தருவ தில்லை
    எல்லோரிலும் மிக்க இனிய
    உன்னைத் தவிர !

    சிந்தித்து
    எந்தன் விரல்களில்
    பழுப்பு நிற
    முழு நீளக் கூந்தலைச் சுற்றி
    “வாங்கிக் கொள்” என்று
    வாய்மொழிந்தேன்!
    நீங்கின என்னிளமை நாட்கள்
    நேற்றோடு!
    முழங்கால் வரைக் கூந்தலினி
    விழா தெனக்கு!
    மலர் ரோஜாவைத்
    தலையில்
    சூடிக் கொள்வ தில்லை நான்,
    மங்கையர்
    சிங்கா ரிப்பது போல்!

    வெளுத்த இரு கன்னங்கள் மீது
    துளும்பிடும்
    கண்ணீர்க் கறை மறைத்திடும்
    தலைமயிர் இப்போது!
    கீழே தொங்குவதால்,
    சோகத்தின் கைத்திறன் மூலம்
    சொல்லித் தரும் எனது
    சிரத்தின் சாய்வு!

    மரணக் கத்திகள்
    முடியை நறுக்குமென
    முதலில் எண்ணினேன்!
    ஆயினும் காதலிப்பது
    நியாய மானது
    நீ யதை ஏற்றுக் கொள்வாய் !
    நெடுங் காலமாய்த்
    தூயதாய் இருக்கக் கண்டேன், என்
    தாயிங்கு
    மாயும் போதவள்
    விட்டுச் சென்ற
    முத்தம் !

    ********************

    Poem -18
    Sonnets from the Po    rtuguese
    By: Elizabeth Browning

    I never gave a lock of hair away
    To a man, dearest, except this to thee,
    Which now upon my fingers thoughtfully,
    I ring out to the full brown length and say
    “Take it.” My day of youth went yesterday;
    My hair no longer bounds to my foot’s glee,
    Nor plant I it from rose or myrtle-tree,
    As girls do, any more: it only may
    Now shade on two pale cheeks the mark of tears,
    Taught drooping from the head that hangs aside
    Through sorrow’s trick. I thought the funeral-shears
    Would take this first, but Love is justified,–
    Take it thou,–finding pure, from all those years,
    The kiss my mother left here when she died.

    **********

    Share

  • காற்று வாங்கப் போனேன் (37)

    கே.ரவி

    கடவுள் நம்பிக்கை பற்றி கேட்டதற்குத் தர்க்கம் பற்றி ஒரு பேருரையாற்றிவிட்டுக் குரல் தழுதழுக்க ஒரு கவிதை சொல்லிப் போன பகுதியை முடித்து விட்டேனோ? தர்க்கத்துக்கும், கடவுளுக்கும் சம்பந்தம் உண்டா? உண்டு, இல்லை. இது என்னப்பா பதில்?

    கவிஞர் கண்ணதாசனே பாடவில்லையா: “உண்டென்றால் அது உண்டு; இல்லை என்றால் அது இல்லை”.

    கவிச்சக்ரவர்த்தி கம்பர் தம் காவியத்தில் ஒரு புதுமை செய்தார். காவியத்தின் நுழைவாசலில் மட்டும் கடவுள் வாழ்த்துப் பாடி முடிக்காமல், காவியத்தின் ஒவ்வொரு காண்டத்துக்கும் ஒரு கடவுள் வாழ்த்துப் பாடினார். பாரதி கம்பரை ஆழ்ந்து கற்றவன். அதனால் அவனும் ‘பாஞ்சாலி சபதம்’ காவியம் படைத்த போது, அதன் ஒவ்வொரு சருக்கத்துக்கும் ஒரு கடவுள் வாழ்த்துப் பாடல் வைத்தான்.

    கண்ணதாசனும் கம்பரை நன்கு கற்றுத் தோய்ந்தவர். கம்பர் பாடிய ஒரு கடவுள் வாழ்த்துப் பாடல்தான் கண்ணதாசனின் மேற்சொன்ன வரிகளுக்கு உள்ளூக்கம் தந்திருக்க முடியும். கம்பர் பாட்டைப் பார்ப்போம்:

    ஒன்றே என்னின் ஒன்றேயாம், பல என்று உரைக்கின் பலவேயாம்

    அன்றே என்னின் அன்றேயாம், ஆமே என்னின் ஆமேயாம்

    இன்றே என்னின் இன்றேயாம், உளது என்று உரைக்கின் உளதேயாம்

    நன்றே நம்பி குடி வாழ்க்கை நமக்கு இங்கு என்னோ பிழைப்பு அம்மா!

    எப்படியோ தர்க்கத்துக்கும், கடவுளுக்கும் சம்பந்தம் உண்டு என்று தர்க்க ரீதியாக நிறுவி விட்டேன். சரிதானே?

    தர்க்கத்தால் கடவுள் இருப்பை நிறுவவே முடியாது என்ற தீர்மானத்தைத் தர்க்கத்தால் நிறுவியவன் ஜெர்மானிய தத்துவ மேதை, இமானுவெல் கன்ட்.

    கவிச்சக்கரவர்த்தியின் முதல் கடவுள் வாழ்த்துப் பாடலின் அர்த்தப் பொதிவு, இமானுவெல் கன்டைப் படித்துணர்ந்த பிறகே, எனக்கு மெல்லப் புரியத் தொடங்கியது:

    உலகம் யாவையும் தாமுள வாக்கலும்

    நிலைபெ றுத்தலும் நீக்கலும் நீங்கலா

    அலகிலா விளையாட்டு உடையார் அவர்

    தலைவர் அன்னவர்க்கே சரண் நாங்களே

    kambarஅதாவது, இந்த உலகத்தை ஒருவன் படைத்திருக்க வேண்டிய அவசியமே இல்லை. அது தானாகவே இருப்பது. தானே தோன்றி, விரிந்து, வளர்ந்து கொண்டிருக்கிறது. பிக்பேங் (Big Bang) எனப்படும் ஒரு புள்ளி வெடிப்பில் சிதறுண்டு, விரிந்து கொண்டே இருக்கும் புதிர் அது. இப்படியெல்லாம் விஞ்ஞானம் பேசுகிறது. அந்தப் பகுத்தறிவுக் குழந்தையின் மழலைப் பேச்சின்படி இந்த உலகெலாம் தாமே, அதாவது, படைத்தவன், காப்பவன் என்பதாக யாரும் தேவைப்படாமல் தாமே இருக்கின்றன என்று நம்மை நினைக்க வைக்கும் வகையில் இந்த உலகெலாம் ஆக்கி, அவை தாமாகவே விரிந்து வளரச் செய்து, அவற்றை நீக்கி, இப்படியாக ஓர் ஓயாத விளையாட்டில் ஈடுபட்டிருக்கும் அவர் தலைவர். இதைத்தானே கம்பன் சொல்கிறான்.

    அப்பொழுது இவ்வளவுதான் புரிந்து கொண்டேன். ‘தாமுளவாக்கல்’ என்பதற்குள்ள வேறு பரிமாணங்கள் பற்றியும், ‘நிலைபெறுத்தலும்’ என்ற சொற்றொடரில் ‘று” என்ற வல்லின எழுத்து உள்ளது பற்றியும், ‘அலகிலா’ எந்ற சொல்லின் அடர்ந்த கருத்துச் செறிவு பற்றியும் அப்பொழுது நான் ஆய்வு செய்து பார்க்கவில்லை. அதை இங்கே இப்போது விவரிக்க இடமில்லை. அப்போது இந்த அளவாவது கம்பரின் கடவுள் வாழ்த்துப் பாடலை எனக்குப் புரிய வைத்தவன் மேற்சொன்ன ஜெர்மானிய தத்துவ மேதைதான்.

    ஒருநாள், மயிலை கபாலி கோயில் எதிரில் உள்ள ஒரு மண்டபத்தில் ஒரு சொற்பொழிவு நிகழ்ச்சிக்குச் சென்றிருந்தேன்.A.sa கூர்மையான பார்வையோடும், கணீரென்ற குரலோடும் தாடிக்காரர் ஒருவர் அந்தச் சொற்பொழிவில் கம்பனின் மேற்சொன்ன கடவுள் வாழ்த்துப் பாடல் ஒன்றைப் பற்றி ஒன்றரை மணி நேரம் பேசினார். மெய்மறந்து அமர்ந்திருந்தேன். அப்போதுதான், இமானுவெல் கன்ட் எனக்குப் புரிய வைத்ததையும் கடந்த, ஆழ்ந்த பொருள் அந்தப் பாடலில் பொதிந்திருப்பதை உணர்ந்தேன். அந்தத் தாடிக்காரர்தான், ‘இலக்கியக் கலை’ என்ற அருமையான நூலின் மூலம் என் இலக்கிய ரசனையை நெறிப்படுத்திய மேதை அமரர் அ.ச. ஞானசம்பந்தம். அதற்குப் பிறகு இரண்டு முறை அவர் வீட்டுக்குச் சென்று கம்பராமாயணத்திலும், பெரியபுராணத்திலும் நான் சில விளக்கங்கள் கேட்ட போது நேரம் ஒதுக்கி அவர் அன்புடன் எனக்குப் பாடம் சொன்னதை என்னால் மறக்க முடியாது.

    இவ்வளவுக்குப் பிறகும், அனுபவ ரீதியாகக் கடவுள் நம்பிக்கை என்னைப் பற்றவில்லை.

    நான் 1981-ல் மதுரைக்குப் போய் ரமணனைச் சந்தித்தேன். அவனிடம் ‘ஸ்பரிசம்’ படத்துக்கு ஒரு காதல் பாடல் தரச் சொல்லிக் கேட்டேன். அவனும் தந்தான். அந்தப் பாடலைப் பிறகு, தீபன் சக்கரவர்த்தியும், எஸ்.பி.ஷைலஜாவும் பாட நான் இசையமைத்துப் பதிவு செய்து, அந்தப் பாடல் காட்சியும் படத்தில் இடம்பெற்றது. அந்தப் பாடல் நல்ல வரவேற்பைப் பெற்றது.

    [அந்தப் பாடலை நீங்களும் கேட்டு மகிழச் சொடுக்கவும்:

    http://www.inbaminge.com/t/s/Sparisam/Aayiram%20Malargal%20Paniyil.eng.html]

    [எஸ்.வி.சேகரும், ஶ்ரீலட்சுமியும் ஆடிப்பாடும் காட்சியைக் கண்டும், பாடலைக் கேட்டும் மகிழச் சொடுக்கவும்: https://www.youtube.com/watch?v=ntAyp79sYVU]

    ஆயிரம் மலர்கள் பனியில் நனைந்து

    ஆனந்த வெளியில் முகில்கள் திரிந்து

    பாவையென் மனதில் நுழைந்து தவழ்ந்து

    மேனியில் ஆயிரம் மின்னலை வெள்ளம் அம்மோய் … ஸ்பரிசம்

     

    மனமோ உடலோ மயக்கங்களின் வடிவோ

    கனவில் பவனி வரும் – கண்கள்

    கார்த்திகை தீபங்களோ

    காலக் கதவினை மெல்லத் திறந்து

    கடந்த பாதையை மறந்து – இந்தக்

    கணத்தில் நாம் பிறந்து வளர்ந்து

    தவழ்ந்தோம் … ஸ்பரிசம்

     

    வைரப் படைக்கெலாம் நடுவே நாம்

    கைகள் இணைக்கலாம் நடக்கலாம்

    தென்றல் திகைக்கலாம் அதற்குமேல்

    தேவர் இருக்கலாம் அவர்க்கெல்லாம்

    பாடல் கொடுக்கலாம்

    இந்த்ரப் பதவி கிடைக்கலாம் உடனேநாம்

    அதையும் மறுக்கலாம்

    பறக்கலாம் சிரிக்கலாம் வா … ஸ்பரிசம்

     

    இந்தப் பாடலைப் பாடிக் காட்டிவிட்டு, ரமணன் என்னிடம் மதுரை மீனாட்சி கோவிலுக்குப் போகலாமா, நான் வருவேனா என்று கேட்டான். நான் என்ன பதில் சொன்னேன் தெரியுமா?

    ” வந்தால் போச்சு. அந்தக் கோவிலில் நல்ல சிற்பக் கலையம்சம் மிக்க வேலைப்பாடுகள் உண்டாமே. பார்த்துவிட்டு வரலாம்.”

    எப்படி இருக்கிறது என் பதில்? அதில் எவ்வளவு அலட்சியம்! ஆணவம் என்று கூடச் சொல்லலாமோ? நினைத்தாலே கூச்சத்தில் இப்பொழுது உடல் நடுங்குகிறது.

    ஷோபனாவும், என் சகவாச தோஷத்தால் கிட்டத்தட்ட அந்த மனநிலையில் தான் இருந்தாள். ஆனால், அதில் அறிவின் ஆணவத்தைக் காட்டிலும், குழந்தைத் தனமான அறியாமையே தெரிகிறது. 1977-ல் அவள் ஓர் ஆங்கிலக் கவிதை எழுதியிருந்தாள்:

    I wish there were a God somewhere

    That I can bow and plead – Then

    My tears will bring the Grace of care

    They’ll die a death of need

     

    Tear after tear, year after year

    They’ve rolled and gone awaste – When

    My fate evades a thought too dear

    They die for me in haste

     

    I do not ask of them to die

    I know not that they come

    But when they die I only sigh

    “What fruitless martyrdom!”

     

    I wish there were a God somewhere
    That I can bow and plead
    Then my tears would bring the Grace of care
    They’ll die a death of need

    என்

    விருப்பமெல்லாம் எங்கேனும் – நான்

    வணங்கி இறைஞ்ச ஒரு கடவுள்

    இருக்க வேண்டும் என்பதே – இருந்தால்

    பரிவின் கருணையை வரவழைத்துப்

    பொழியும் கண்ணீர்த் துளிகளெல்லாம் – ஓர்

    அவசியத்தாலே மறைந்துவிடும் – அந்த

    மரணத்துக்கொரு பயனிருக்கும்

    பிறகு கடவுள் நம்பிக்கை எப்படி என் நெஞ்சில் நுழைந்தது? அந்தக் கேள்விக்கு அடுத்த சந்திப்பில் பதில் சொல்கிறேன்.

    (தொடரும்)

    Share

  • இந்திய அரசியலில் தனி நபர் துதி

    நாகேஸ்வரி அண்ணாமலை

    அமெரிக்கா என்ற நாடு உருவாக்கப்பட்டதிலிருந்து அங்கு இரண்டே இரண்டு அரசியல் கட்சிகள்தான். அமெரிக்க அரசியல் முறை முன்னூறு ஆண்டுகளாகக் காலத்தை வென்று இன்னும் அதே வ்லுவோடு விளங்கிவருவதால் அது ஒரு சிறந்த அரசியல் அமைப்பு என்று கொள்ளலாம். அரசியல் அமைப்பு மட்டுமல்ல, அரசியல் கட்சிகளும் அன்றிலிருந்து இன்றுவரை இரண்டுதான். அந்த இரண்டு கட்சிகளுக்கும் தலைவர்கள் உண்டு. ஆனால் அவர்கள்தான் ஜனாதிபதியாக வருவார்கள் என்ற கட்டாயமில்லை. சொல்லப் போனால் கட்சித் தலைவர் யாரும் ஜனாதிபதியாக வந்ததாக ஞாபகம் இல்லை. அதற்கு மேலாக அவர்கள் சொல்வதைத்தான் கட்சியைச் சேர்ந்தவர்கள் கேட்க வேண்டுமென்பதில்லை. ஜனநாயகக் கட்சியில் பெரும்பாலோர் இடதுசாரிக் கொள்கை உடையவர்களாவும் குடியரசுக் கட்சியில் உள்ளவர்கள் வலதுசாரிக் கொள்கை உடையவக்ர்ளாகவும் இருப்பார்கள் என்பது சாதாரணக் கணிப்பு. ஆனால் அவர்கள் எல்லோரும் எல்லா விஷயத்திலும் இடதுசாரிகளாகவும் வலதுசாரிகளாகவும் இருப்பார்கள் என்று சொல்ல முடியாது. பிரச்சினை என்று வந்துவிட்டால் எல்லா ஜனநாயக்க் கட்சிக்காரர்களும் ஒரே மாதிரியாக ஓட்டுப் போடுவார்கள் என்று சொல்ல முடியாது. இரண்டு சபைகளிலும் ஏதாவது ஒரு பிரச்சினைக்குத் தீர்வு காண வேண்டுமென்றால் தங்கள் தங்கள் தனிப்பட்ட கொள்கைக்கேற்ப இரண்டு கட்சிக்காரர்களும் ஓட்டுப் போடுவார்கள்.

    கட்சித் தலைவர் சொல்வதையோ ஜனாதிபதி சொல்வதையோ கேட்டு நடக்க வேண்டும் என்ற கட்டாயம் இல்லை. ஜனாதிபதி தங்கள் கட்சியைச் சேர்ந்தவர் என்பதாலேயே அவர் செய்யும் எதையும் ‘ஆஹா, ஓஹோ’ என்ரு புகழ வேண்டியதில்லை. அமெரிக்க ராணுவத்தின் ஒரு சிறப்புப் பிரிவு ஜனாதிபதி ஒபாமாவின் கட்டளையை மேற்கொண்டு வெகு காலமாக அமெரிக்கா தேடிக்கொண்டிருந்த ஒசாமா பின் லேடனை அவன் இருக்கும் இடத்திலேயே சூழ்ந்துகொண்டு கொன்றதை அவர் கட்சியைச் சேர்ந்த அரசியல்வாதிகள் யாரும் பெரிதாகப் பேசவில்லை. ஒபாமாவைத் தலையில் வைத்துக்கொண்டு யாரும் புகழ் மாரி பொழியவில்லை.

    இந்தியாவில் எல்லாம் இதற்கு நேர் மாறாக இருக்கிறது. தேசிய அளவில் உள்ள கட்சிகளானாலும் சரி மாநில அளவில் உள்ள கட்சிகளானாலும் சரி கட்சித் தலைவர் சொல்வதை எல்லோரும் கேட்டாக வேண்டும். காங்கிரஸைப் பொறுத்தவரை சோனியா காந்தி சொல்வதுதான் எல்லோருக்கும் வேதவாக்கு. கடந்த பாராளுமன்றத் தேர்தலில் காங்கிரஸ் படுமாசமாகத் தோல்வியுற்றாலும் இன்னும் சோனியாவின் அறிவுரைகளைத்தான் கேட்க நினைக்கிறார்கள். மன்மோகன் சிங் பிரதமராக இருந்த போதிலும் அவரை சோனியா பின்னால் இருந்து ஆட்டி வைத்தார் என்பதோ தன் மகன் ராகுலை அடுத்த பிரதமராக்க முயன்றார் என்பதோ காங்கிரஸின் படுதோல்விக்குக் காரணம் என்று சொல்ல எந்தக் காங்கிரஸ் தலைவர்களும் முன்வரவில்லை. காங்கிரஸ் தோல்விக்கு யார் காரணம் அல்லது எது காரணம் என்று ஆராய அமைக்கப்பட்ட கமிட்டியின் தலைவர் ஏ.கே. அந்தோணி காங்கிரஸ் வேட்பாளர்கள் உற்சாகமாகத் தேர்தலில் கலந்துகொள்ளவில்லை என்பதையும் மோதியின் தீவிரத் தேர்தல் பிரச்சாரமும்தான் காங்கிரஸின் தோல்விக்குக் காரணம் என்று கூறியிருக்கிறார். காங்கிரஸின் தோல்வியில் ராகுலின் பங்கு என்ன என்று கேட்டபோது ராகுலுக்கும் காங்கிரஸின் தோல்விக்கும் எந்த சம்பந்தமும் என்று கூறியிருக்கிறார். இவர் கூட இப்படிப் பேசுவதற்கு நம் அரசியல் கலாச்சாரம்தான் காரணம்.

    மோதி பதவிக்கு வந்த பிறகு அவர் மட்டுமல்ல அவருடைய கட்சிக்காரர்களும் எல்லாமே அவர்தான் என்பது போல் நடந்துகொள்கிறார்கள். அவரை அதிகமாகப் புகழ்வதும் அவருடைய ஆணைகளைத் தலைமே தாங்கி நடப்பதுவும் அவருடைய கட்சிக்காரர்களின் செயலாக இருக்கிறது. அவர் செய்யும் எல்லா முடிவுகளுமே சரியான முடிவுகள் போல் பேசுகிறார்கள்.

    தமிழ்நாட்டுக் கட்சிகளைப் பற்றிக் கேட்கவே வேண்டாம். தி.மு.க. கட்சியில் தலைவர் ஒருவரைத் தவிர வேறு யாருக்கும் எது பற்றியும் எந்த விதக் கருத்தும் இருப்பதாகத் தெரியவில்லை அடுத்து அ.தி.மு.க. நேற்று மதுரையில் நடந்த முல்லைப் பெரியாறு அணையின் உயரத்தை அதிகரித்ததில் தமிழ்நாட்டிற்குக் கிடைத்த வெற்றியைக் கொண்டாட திண்டுக்கல். உட்பட ஐந்து மாவட்டங்களைச் சேர்ந்த் விவசாயிகள் ஏற்பாடு செய்திருந்த் விழாவில் எல்லாம் அம்மா மயம். எல்லாப் புகழும் இறைவனுக்கே என்பார்கள். அது போல் இந்த மாநாட்டில் அம்மாவைத் தெய்வமாகவே ஆக்கி எல்லாப் புகழையும் அவருக்கே காணிக்கை ஆக்கினார்கள்.

    இது என்ன தனி மனித துதி? இதுதான் இந்திய ஜனநாயகமா? என் தாய்த்திருநாடே உன்னை யார் இந்த ஆட்டுமந்தைக் கலாச்சாரத்திலிருந்து காப்பாற்றப் போகிறார்கள்?

    Share

  • நான் அறிந்த சிலம்பு – 133

    -மலர்சபா

    மதுரைக் காண்டம் – 02. வேட்டுவ வரி

    கொடை

    இளமையும் கருமை நிறமும் கொண்டaa
    எயினர் மகளே!
    நின் தமையன்கள் முன்பு
    பகைவர்களை வென்று
    கவர்ந்துவந்த பசுக் கூட்டங்கள்
    கொல்லன், துடியன்,
    பாட்டுகள் தாளத்துடன் புணர்க்கவல்ல
    நல்ல யாழ்ப்பாணன்…ஆகியோர்
    வீட்டின் முன்வாயிலில் நிறைந்துநிற்கின்றன.
    காண்பாயாக!

    மயிலின் அடியைஒத்த
    முற்றிடாத நகையுடையவளே!
    நின் தமையன்கள் முன்பு
    கரந்தையர் அலற அலறக்
    கவர்ந்து வந்த பசுக்கூட்டங்கள்
    கள்விற்பவள், நல்ல உளவறிந்து கூறும் ஒற்றன்,
    நல்லசகுனப்பொருத்தம் கூறும் சோதிடன்…ஆகியோர்
    வீட்டின்முன் நிறைந்து நிற்கின்றன.
    காண்பாயாக!

    குளத்துக்கண் உள்ள தாமரை மலர் போன்ற
    மையுண்ட கண்களை உடையவளே!
    நின் தமையன்கள் முன்பு
    பகைவர்கள் வருந்தி அலறிக் கூவி
    ஊரையே கூட்டிய வண்ணம்
    கவர்ந்து வந்த பசுக்கூட்டங்கள்
    கொச்சை மொழியும், நரைத்த தாடியும் உடைய
    முதிய மறவர் மறத்தியர்
    வீட்டு முன்றிலில் நிறைந்து நிற்கின்றன.
    காண்பாயாக!

    அடிப்படையாக அமைந்த சிலப்பதிகாரத்தின் பாடல்கள் இங்கே:  14 – 16
    http://www.chennailibrary.com/**iymperumkappiangal/**silapathikaram6.html

    படத்துக்கு நன்றி
    http://ta.wiktionary.org/wiki

    Share

  • சென்னையின் வயது 375!

    -ரா. பார்த்தசாரதி

    சென்னையின் வயது முன்னூற்று எழுபத்து ஐந்து ஆண்டுகள் !
    இங்கே நாம் காணும் பல  வளர்ச்சிகள், காணப்படும்  அதிசயங்கள், கெட்டும்  பட்டிணம்  சேர்  என்ற  பழமையான  பழமொழிகள் பலதரப்பட்ட  மக்கள் வளர்ச்சி அடைந்ததற்கு எடுத்துகாட்டுக்கள் !

    சென்னைக்குத் தனிமொழி,
    நடிகர் ரஜனிக்கும் தனிவழி!
    தேன் மதுரத் தமிழ் எல்லா மொழியிலும்  இருப்பதுண்டு ,
    வாஞ்சைகொஞ்சும்  நெல்லைத் தமிழ்,
    மரியாதை மிளிரும் கொங்குத் தமிழ்,
    நாஞ்சில் தமிழ், மதுரைத் தமிழ், கலப்பு மிகுந்த சென்னைத் தமிழ்!

    சென்னைத் தமிழ் சற்றே வித்தியாசமாய் இருந்தாலும்
    பலதரப்பட்ட மொழியினரும், சமயத்தவர்களும் இருந்தாலும்,
    வேற்றுமையில் ஒற்றுமை இன்றும் இங்கே பரவி இருக்கின்றதே!

    பன்மொழிச் சொற்கள் கலப்பு, பல்வேறு இனம்,
    பலவிதக் கலாசாரத் தொடர்பு, இவையே சென்னையின் அடையாளம்!
    திரைப்படம் வாயிலாகச் சென்னைத் தமிழ் பல பகுதிகளில் பரிச்சயம்!
    இதுவே சென்னைத் தமிழ் உலாவிவரும் அதிசயம் !

    புராதனக் கோவில்கள், கலங்கரை விளக்கங்கள் !
    பழமை மிகுந்த மாளிகைகள்,  துறைமுகங்கள் !
    கன்னித் தமிழ் மாறா நூலகங்கள், உருவச்சிலைகள் !
    பாலங்கள், சிறந்த கடற்கரைகளும் காணப்படுகின்றதே!

    பல பிரபலங்களைச் சென்னை தன்னகத்தே கொண்டதே !
    கனகசபைப் பிள்ளை, பிரகாசம் பந்துலு, முத்துஸ்வாமி தீட்சதர்,
    கணிதமேதை ராமனுஜம், பாலசரஸ்வதி, மற்றும்
    இந்தியாவில் முதல் மருத்துவப் பட்டம் பெற்ற முத்துலட்சுமி ரெட்டி ! 

    நிறை பற்றிப் பேசினாலும் குறையில்லா நகரம்இல்லை !
    குப்பைக் கிடங்காய்க் கூவம் ஆற்றைச் சுத்தபடுத்த முடியவில்லை!
    புராதனக் கட்டிடங்கள் பல பராமரிக்கப்படவில்லை!
    சாலைகளும், போக்குவரத்தும் முறைப்படுத்தவில்லை !

    பாலங்கள் அதிகமானாலும், ஆங்காங்கே பள்ளங்கள் அதிகம்!
    உயரிய கட்டிடங்கள் அதிகமானாலும் உண்மைத்தரம் இல்லை !
    தொழிற்சாலைகள் வளர்ந்தாலும், தொழிலாளர்களின் நலன் இல்லை !
    அரசிடமும், அரசியல்வாதிகளிடமும்,
    லஞ்சம் தலைதூக்காமல் இல்லை !

    சென்னையில் கேளிக்கைப் பூங்காக்களும், மலர்ப் பூங்காக்களும் உள்ளதே!
    என்றும் இதை அமைதிப்பூங்காவாக ஆக்குவது நமது கடமையே !
    சென்னைவாசிகள் மனம்வைத்தால் இவைகள் என்றும் சாத்தியமே !
    நற்செயலால் நமது நகரத்தைச் சொர்க்கமாக்கக் கை கொடுப்போமே !

    Share