Author: கிரேசி மோகன்

’’அர்ஜுன உவாச’’….!
———————————————-

சண்டித் தனமாய் சகத்தில் உழல்கின்ற
நொண்டிக் குதிரைநான் நாரணா -அண்டி
வருவாய் அருகே குருவாகிக் காட்டு
பரிமேல் அழகா பரிவு….கிரேசி மோகன்….!

’’பசுவரும் முன்னே, விஸுவரூபர் பின்னே,
கொசுவாகக் காண்டீபர் கெஞ்ச ,-’’அசுவரதம்
ஏறு முதலில், அருச்சுனாபின் கீதையின்
சாறுண்டு கொல்நூறு பேரு’’….கிரேசி மோகன்….!

’’அந்தணர், மந்திரம், ஆடம் பரமின்றி,
மந்தா கினியாக மாடு்பால் -தந்திட:
மாட்டினார் மன்னராய், மாடுகள் மேய்ப்பவர்,
காட்டிய கேசவ் கவி”….!

மந்தாகினி -ஆகாஸகங்கை….!

“பாலா பிஷேகமே பட்டா பிஷேகமாய்
கோலோ கலமாகக் கொண்டாடும் -மாலோலர்;
ஆவிந்தன் பாலில் அபிஷேக நீராடி
கோவிந்தன் கொண்டார் குளிப்பு”….கிரேசி மோகன்….!

எந்தவேலை ஆனாலும், எந்தவேளை ஆனாலும்,
நந்தலாலா நிந்தன் நினைவாக -அந்தரங்க
ஸோல்மேடே கண்ணனே, டோல்கேட்டாம் வைகுண்ட
கால்மாட்டில் பால்மாட்டாய்க் கொள்’’….கிரேசி மோகன்….!

’’சகாதேவன் கட்டினான்,ய சோதை பிணைத்தனள்
சுகதேவர் சொல்லுற்ற(பாகவத) சேயோ, -அகமில்லா
அன்பால் அடைபடும் ஆனந்தக் கண்ணன்,ஆ
வின்பால் யசகாதே வர்’’….கிரேசி மோகன்….!

’’தலை’’வன் ஆடும்போது வால் ஆடக்கூடாது…..!
சரணாகதி ‘’ஆ’’….!

நீயின்றி நானில்லை! ‘’நான்’’இன்றி நீயில்லை,
தீயின்றி தீபமது தானுண்டோ! -நீயின்று
மாடோடு ஆடுகின்றாய் , மாலே மணிவண்ணா:
ஆடா(து) அசங்காதே ‘’ஆ’’….கிரேசி மோகன்….!

”டால்ஃபினில் ஏறி தரங்கம்(கடல்) புகுந்தந்த
மால்பின்னர் மச்சமாய் மாறினார் -நூல்களாம்
ஆரணம்(வேதங்கள்) காக்க அசுரனைக் கொன்றவர்:
பூரணர் கண்ண பிரான்’’….கிரேசி மோகன்….!

”மாலோலன் பாடுகிறார் மாடை மடிதாங்கி,
தாலேலோ வாத்ஸல்ய தாலாட்டு: -காலேல(காலையில்)
கேசவ் அனுப்ப கலிதீர்ந்து போனது
வாசனையாய்(பிராரப்தம்,ஆகாமி….!) என்வெண்பா வாய்”….கிரேசி மோகன்….

’கந்தரும்,கணபதியும் கைக்கெட்டும் தூரத்தில்,
நந்திமேல் நாயகர், நாயகியோ -குந்தினள்
சிம்மா சனத்திலே சும்மா இருந்திடாது
அம்மாதை வாமம் அணைப்பு’’….!கிரேசி மோகன்….!

பார்த்தோர் பசுமையாய், பாராதோர் பூதமாய்,
சேர்த்தணைக்கும் பெட்டைக்கு சேவலாய், -ஆர்த்தொலிக்கும்,
சங்கில் மவுனமாய், சக்கரத்தில் சீற்றமாய்,
எங்கும் திகழ்வோனை ஏத்து….கிரேசி மோகன்….!

” ஆத்திலொரு காலாக, சேத்திலொரு காலாக,
காத்திருக்கேன் கேள்விக் குறியாக! -பூத்திருவை,
மார்பினில் சூடிய மாதவா, நேருக்கு
நேர்பதில் கூறுவதென் நாள்”….கிரேசி மோகன்….!

பார்த்தோர் பசுமையாய், பாராதோர் பூதமாய்,
சேர்த்தணைக்கும் பெட்டைக்கு சேவலாய், -ஆர்த்தொலிக்கும்,
சங்கில் மவுனமாய், சக்கரத்தில் சீற்றமாய்,
எங்கும் திகழ்வோனை ஏத்து….கிரேசி மோகன்….!

பாரதியாரின் ‘’குயில் பாட்டு’’…..!
————————————————————————-

’’கூட்டுக் குயிலுக்கோர், கீதையாம் பாட்டினை,
கூட்டியிசை ஹார்மனி கண்ணனை: -கோட்டுக்குள்
போட்டதற்கு வாஷிங்கை(WASHINGTON KESHAV) பூசிய கேசவ்கை
போட்டிருக்கும் காப்பு பிரஷ்(BRUSH)’’….கிரேசி மோகன்…

“வாமத்த்தில் தாம்பு, வலத்தால் தயிர்கடைய
ஜாமத்தில் கண்ணன் ஜனித்தது, -பூமத்ய,
பாரம் குறைக்கவல்ல, பாகவத ஓவியக்
காரனிவன் கேசவ்கா க”….கிரேசி மோகன்….!