Author: கிரேசி மோகன்

“பத்தவ தாரப் பணிக்குதவ பூதேவி,
நித்திரை யோகமோ நீளாவால், -பத்தர்க்கு
சேர அருள்சகாயம் ஸ்ரீதேவி , ஆகமால்
தாரங் களின்தயவால் தான்”….கிரேசி மோகன்….!

எழுதாத நாளே பழுதான நாளாம்
பொழுதென்றும் வெண்பா புனைந்து -தொழுதிட
செய்வாய் சிபாரிசு செவ்வேள் முருகனிடம்
”பெய்வாய் தமிழ்மோஹன் பால்”….!

 

தேவி திருப் புகழ்….

“ராசனொடு ஆடும்சிவ காமிமுகம் ஒன்று
ராவில்நில வானஅபி ராமிமுகம் ஒன்று
பேசுதமிழ் ஞானமகன் பாலின்முகம் ஒன்று
பூசுதிரு நீறுமக மாயிமுகம்ஒன்று
தேசகவி பாரதியின் மாரிமுகம் ஒன்று
தேவிகரு மாரியென தோன்றுமுகம் ஒன்று
ஆசுகவி ஆகயெனை ஆக்கவரு வாயே
ஆதிசிவன் பாகமிட மானமுலை யாளே”….

“நமச்சி வாயன் நுதல்வாய் புதல்வ
உமைச்சி வேலை உடையோய் படையாய்
சுமக்கத் தாயார் ,சிறுவா புரியே
நமர்க்கை சேரா நிலைநாட் டிடுவாய்”….கிரேசி மோகன்….!

’’கந்தமாதா, கல்யாணி கற்பக காமாக்‌ஷியாய்
வந்தமாதா வீரத்தை வேலவர்க்கு -தந்தமாதா
காளி, நரசிம்மி,காபால காவராஹி
தூளியில் தாலேலோ தாய்’’….கிரேசி மோகன்….!

 

சீமந் தசரணியில்(அம்பாளின் நெற்றி வகிடு) சிந்தூரம் பூசிடும்,
காமம் தனைக்கொல்லும் கற்பக -நாமம்தனை
நாளும் ஜெபிக்க நவராத்ரி நாட்களில்,
கோளென்ன கொம்பா!கொக் கா!’’….!

மாரி, சமயபுரக் காரி, சதுர்வேத
தாரி, பிரியா அரனர்த்த -நாரி,
லலிதஅதி காரி, கலிதீர சேரீர்,
பலித பவானி பதம்….கிரேசி மோகன்….!

”ஆத்திலே(ஆற்றில்) நீந்தியவள் , ஆத்துக்குள்(நெமிலி வீடு) வந்தனள்
காத்த வராயன்(கிருஷ்ணர்-காக்கும் கடவுள்)தங் கைபாலா , -மூத்தவள்
சந்திர(கண்ணன் -சந்திர வம்ஸம்) காந்தாவின் ,சூரிய(ராமர் -சூரிய வஸம்) காயத்திரி
குந்தினாள்ஸ்ரீ சக்ரசிங் கி(நர சிங்கம்)’’….கிரேசி மோகன்….!

‘காளை தனிலமர்ந்து, கையில் கமலமும்,
சூலமும் கொண்டு சயிலமகள்(இமவான் புத்ரி-சயிலம் மலை) , -நாளை(DATE)
நமக்களிக்க வந்தாள், நவராத்ரி நாளில்
அமர்க்களம் அம்பாள் அழகு’’….கிரேசி மோகன்….!

 

”BALA”….!
———————-

’’வெள்ளை அரவிந்தம் வெண்புலியில் வீற்றபடி
கொள்ளை அழகாய் கொலுவிருக்கும், -பிள்ளையவள்,
பாலா திரிபுரையைப் போற்றிப் பணிவோர்க்கு
நாளாம் நவராத்ரி நாள்’’….(4)
BALATHIRIPURASUNDARI….
—————————————————

”பாப்பா நெமிலிவாழ் பாலா திரிபுரை,
காப்பாள், அடியார் கரம்பிடித்துச், -சேர்ப்பாள்
அதியற் புதமான ஆன்ம உலகில்:
துதியவளை சாக்லேட்டைத் தந்து’’….(1)

’’அமளி இலாத அமைதி லயத்தில்,
ரமண மயமாய் ரமிப்பு, -நெமிலிவாழ்,
பாண்டுரங்கன் சோதரி, பாலா திரிபுரையை
வேண்டி யுறங்க வரம்’’….(2)

‘’காளி அரக்கர்க்கு, கற்பகம் பக்தர்க்கு,
யாளி அமரும் எஜமானி, -தோளிரெண்டில்,
வேலா யுதன்அண்ணன் வேழனைச் சுமந்திடும்,
பாலா நவராத்ரிப் பெண்’’….(3)

’’வெள்ளை அரவிந்தம் வீற்று நெமிலியில்
கொள்ளை அழகாய் கொலுவிருக்கும், -பிள்ளையவள்,
பாலா திரிபுரையைப் போற்றிப் பணிவோர்க்கு
நாளாம் நவராத்ரி நாள்’’….(4)

’’சுப்ரமண்ய அய்யரின் சொப்பனத்தில் வந்(து)ஆற்றில்,
தெப்பமாய் நீந்திக்கண் தென்படுவேன், -அப்புறம்,
ஆலயம் வேண்டாம், அகத்தில் குடிவைப்பீர்’’,
வாலைபா லாஅருள் வாக்கு’’….(5)

‘’மூலாதா ரத்தினில் மூளும் கனலவள்,
கோலா கலகோ குலன்தங்கை, -பாலா
திரிபுரையைக் காண திருநெமிலி செல்வோம்
ஹரிசோ தரியே அரண்’’….கிரேசி மோகன்….(6)

”சுண்டு விரலளவு சொப்புப் பதுமையாய்
கண்டு பிடித்தனர் காட்டாற்றில், -கொண்டுவந்த,
நாலா யிரத்தோன் நவனீதன் சோதரி
பாலாம் பிகையவள் பேர்”….கிரேசி மோகன்….(7)

’’விடிகாலை வெளிச்சம்’’….!
————————————————————–
“மாலை மயக்கம், மதிய உதயம்அதி
காலை வெளிச்சம் கனவாகும், -பாலை,
திரிபுரையைக் கண்டு தரிசிப்போர் , தம்முன்,
எரிபவை கூட எழில்”…..கிரேசி மோகன்….(8)

”பாலாவின் பேர்சொல்லி பாம்பை எழுப்பிடு.
மூலாதா ரத்தில் முழிபிதுங்கும் : -தோளா
யிரத்தில் உறங்கிடும், யாதவன் தங்கை,
சிரத்தில் சிரிப்பாள் சிலிர்த்து’’….(9)

’’இமியளவும் தீங்கின்றி, இன்சொல் உரைக்க,
நெமிலிவாழ் பாலா நெகிழ்வாள் , -ஞமலியின்,
வாலை நிமிர்த்தித்தன், ஆளாய் அமர்த்துவது,
பாலை திரிபுரையின் போக்கு’’….கிரேசி மோகன்….(10)

ஞமலி -நாய்

”ஓலை ஜபமணி மாலை அபயமொடு
காலை மடித்து கொலுவிருக்கும் -பாலை
திரிபுர சுந்தரியைத் தேடி நெமிலி
வருபவர் வாழ்வில் வளம்….(11)

”பயமகல பாலா, பலம்பெருக பாலா,
லயமடைய பாலா, லலிதை -மயமான,
ரூப தியான ரமிப்பில் இருப்போர்க்கு,
ஆபத்(து) உதவி அவள்”….(12)

’’நெமிலி பாலா திரிபுர சுந்தரி’’….
————————————————————

‘’திரிபுர சுந்தரி தேவி நமஸ்தே,
பரிபூ ரணமுணர பாலா -சரிபுகல்வாய்,
சாதகனாய் ஆக்கி சதாசர்வ காலமும்
மாதவத்தில் மூழ்கயென், மனு’’….(13)

”நெமிலி பாலா திரிபுர சுந்தரி”….
———————————————————–

”தாலேலோ தாலேலோ தாயாரின் தாலாட்டு,
பாலேலோ பாலேலோ பையனிவன் -தாலேலோ,
தூங்காமல் தூங்கும் திருமால் சகோதரி
ஓங்காரி பாலாவுக்(கு) ஓய்வு”….(14)

”நெமிலி பாலா திரிபுர சுந்தரி’’….
——————————————————–

‘’கல்லைச் சிலையாக்கும் கல்லுளி மங்கம்மா,
சொல்லைக் கவியாக்கும் சுந்தரி, -கொல்லை,
குமுதத்தில் பூப்பாள் குலம்ஜாதி காணா,
அமுதத்தன் தங்கை அவள்’’….(15)

”நெமிலி பாலா திரிபுர சுந்தரி’’….
—————————————————

‘’ஆலோல வள்ளியின் ஆம்படையான் அன்னையே,
தாலேலோ பாடவந்தேன் தாயுனக்கு, -பாலேலோ,
மாலோலன் தங்காய், மனோன்மணி கண்ணுறங்கு,
காலேல கண்மலர்ந்து கா’’….(16)

கா -காப்பாய்….

’’நெமிலி பாலா திரிபுர சுந்தரி’’….
————————————————————–

‘’பொற்கரத்தில் மாலையும், புத்தகமும் ஏந்தியவா(று)
அற்புதங்கள் செய்ய அலைந்தனையே, -கற்பகமே,
கண்ணுறங்கு பாலேலோ,கால்வலிக்கப் போகிறது,
பண்ணுறங்கப் பாடுமெனைப் பார்’’….(17)

’’நெமிலி பாலா திரிபுர சுந்தரி’’….
———————————————————-

‘’ஈசனிரு கண்ணை இறுகநீ மூடியதால்,
தேசம் இருண்டதே தேவியே ! -வீசிடும்
கண்ணிமைகள் பொத்தியதி காலை எழந்திடலாம்,
பெண்ணிமய பாலா படு’’….(18)

’’நெமிலி பாலா திரிபுர சுந்தரி’’….
——————————————————-

’’நையப் புடைப்பாள் நமதகந்தை போக்கிட,
ஐயம் அகன்றதும் ஆதரவாய், -கையைப்
பிடித்திழுத்துச் செல்வாள், பரமசுகம் கூட்ட,
படித்ததெலாம் பாலாமுன் பாழ்’’….(19)

”நெமிலி பாலா திரிபுர சுந்தரி”….
———————————————————–

”அமளியில் லாமல் , அமைதியைக் காத்தால்,
நெமிலிவாழ் பாலா நினக்குள், -கமலியாய்,
நெஞ்சகத் தாமரையில் நின்று நிலைத்திருந்து,
அஞ்சேல் அபயம் அளிப்பு”….(20)

’நெமிலி பாலா திரிபுர சுந்தரி’’…..
——————————————————

‘’சீட்டிப்பா வாடையும் ,சில்க்கில் சட்டையுமாய்,
நாட்டுப் புறஊர் நெமிலியின், -வீட்டுக்குள்
வீற்றவளே பாலா , வருக வருகநான்
சாற்றும்வெண் பாவை சகித்து’’….(21)….

‘நெமிலி பாலா திரிபுர சுந்தரி”….
——————————————————-

“கஷ்டம் கலைந்திடும் , இஷ்டம் இணங்கிடும்,
அஷ்ட இலக்குமிகள் ஆசியால் -இஷ்டமாய்,
சுக்குமி ளக்குதி திப்பிலி என்பதின்றி ,
லக்கு(LUCK)பாலா ஊர்நெமி லி “….(22)….கிரேசி மோகன்….!

”சீரங்க ராட்டினம் சேய்வி ஜயர்சவாரி,
பாரங்கள் போக்கிடும் பாரத -ஓரங்க
நாடகம் சுற்றும் நவனீதக் கண்ணனவர்
வீடகம் பாற்கடல்,பேர் விஷ்ணு’’….கிரேசி மோகன்….!

 

அர்ஜுன உவாச(கீதை கேட்டல்)….!
—————————————————————————-

‘’காலைப் பிடித்துக் கதறுகிறார் காண்டீபர்,
பாலை வனத்துப் பசுமையாய்: -மாலை(பெருமாளை)
விழுந்து ,வியர்த்து,வளைந்து ,வணங்க
அழுந்திய பாதத்தில் ‘’ஆ’’(கோமாதா)….கிரேசி மோகன்….!

‘’குருவின் கிருபா கடாக்‌ஷம் குறியாய்
அருகிருக்கும் சீடன் அமைவை, -உருவகமாய்
வானர லக்‌ஷியமாய் வைத்தார்கள், கைவல்யம்
ஏ!நரா தயார்நிலை யே’’….கிரேசி மோகன்….!
‘‘ரஜஸிக், தமஸிக்காம் ரெண்டும் குணங்கள்
நிஜSICK ஆக்கிடும் நின்னை-கஜம்சிக்க(முதலைவாய் ஆனைசிக்க)
காத்தவன் சொல்கிறேன் காண்டீபா கீதையாம்
பாத்திரம்நான் பண்டம்நீ பாண்டு’’….!

”பச்சைப் பயலாக பார்த்தன் பயந்திட
பச்சைப் புயல்மால் பாரதத்தின் -உச்ச
குருஷேத் திரத்திடை ,கீதோ பதேசம்:
பரிட்சித்தைக் காத்தோன் பணி’’….

”பள்ளிக்குச் செல்கின்ற பிள்ளைப் பிராயமா!
துள்ளும் இளமையைத் தீண்டியவா! -கொள்ளியையும்
ஆன்மா அசையாது காண்பதுபோல் காணும்காண்
மேன்மேலும் மாற்றும்மெய் யை”….கிரேசி மோகன்….!

“மனமற்றுப் போனால்தான் மானுடா சாந்தி
தினமுற்றுப் புள்ளிவை; தெய்வ -குணமுற்றால்
வைக்கலாம் புள்ளியை , வாழ்வெதிர் பார்க்குமேல்
பொய்க்கமா போட்டுப் பழக்கு”….!

முணுமுணுப்பாய் முன்னால், தொணதொணப்பாய் பின்னால்,
சினமெடுத்து சீறுவாய் சொன்னால் -அணுஅணுவாய்
கொல்லாதெனைக் கொல்கின்ற பொல்லா மனமேநீ!,
இல்லாத பேரிடம் செல்….கிரேசி மோகன்….!

தானாய் நிகழ்வதை நானாய் நினைத்திட
வீணாய்க் கழிந்திடும் வாழ்நாளே -பூணாய்
எதையும் மனமே இதயக் கனியாய்
கதையின் முடிவில் கசப்பு….கிரேசி மோகன்….!

ஓடியாடி பாடுபட்டு ஊரை விலைபேசி,
கோடிகோடி செல்வம் குவிந்தாலும் -மாடிலேறி(எருமை மாட்டிலேறி)
கல்லறைக்குக் கூப்பிடும் காலன் மனம்மாறி,
சில்லறைக்குச் செல்வானா சொல்….

முல்லைக்குத் தேரை. மயிலுக்குப் போர்வையை,
புல்லுக்கும்(வள்ளலார் போல்) வாடும் புனிதத்தை -உள்ளுக்குள்
வாழும் கருணை வெளிப்பாடு என்றுந்தன்
பாழும் மனதில் புகட்டு….

கலப்பை முழுங்கி கஷாயம் குடிப்பாய்
மலைத்தது போதும் மனமே! -நிலைப்பாய்
எஜமான் வருகை எதிர்பார்த்(து) இருக்கும்
நிஜமான ஊழியனாய் நில்….

முந்தைப் பழவினைகள் முற்றும் ஒழிந்திடும்
சிந்தை தெளிவுற்று சித்தமாகும் -கந்தர்
அனுபூதி தன்னை அருணகிரி பேரால்
மனமோதி வாழ்வோர்த மக்கு….

நெஞ்சறையில் ஐம்புலன்கள் நானகந்தை மீட்டான்ம
அஞ்சறைப் பெட்டியில் இட்டிடு -வெஞ்சிறையில்
போட்டாலும் வைகுண்டம் போனாலும் புத்திக்கு
மாட்டாது மாயா மனம்….

எங்கிருந்தோ வந்தென்னை ஏக்கத்திற்க்(கு) உள்ளாக்கி
அங்கிங் கெனாது அலைக்கழித்து -தொங்கிடும்
மந்தியே, நெஞ்சே, மனமே உனக்கேன்
புந்தியே இல்லாமல் போச்சு….
பழைய குருடி புதிய கிழவி
விழைய மறுத்திடும் வேசி -குழைய
தினமும் கொடுப்பாள் திருட்டு சுகத்தை
மனமென்ற அம்மட மாது….()….

நீயாய் நினைப்பது ஞாபகத் தாலெழுந்த
மாயா மனதின் மமகாரம் -தாயாய்
தகப்பனாய், பிள்ளையாய் தன்னைத்தான் எண்ணல்
மிகப்பெறும் சூழ்ச்சியா மே….

மூப்பிழைய, மூச்சடைக்க, சாப்பாடே நஞ்சாக
கூப்பிடாத காலன் கரம்குலுக்க -ஆப்பழியும்
அந்திம நாளேனும் அய்யோ மனமேநீ
நந்த குமாரனை நம்பு….கிரேசி மோகன்….!

 

 

‘’என்ன தவம் செய்தனர் கோபியர் எங்கும் நிறை பரப்ரும்மம் மால் மேல் புகார் செய்ய’’….!

”கோபியர் கூடிவளைக் கையும் களவுமாய்,
கோபியராய்(கோபமாக) கண்ணனைக் கொண்டுவந்து -பாபியிவர்!
எங்காத்து வெண்ணையை ஏறித் திருடினார்:
பொங்கோத(பாற்கடல்) மால்மேல் புகார்’’….கிரேசி மோகன்….!