”சீதையின் மாலையைச் சீப்பிக் கடித்தவர்,
கீதையை(கண்ணனை) ராமனாய்க் கண்டுகொண்டார்: -பாதை
சரிவரப் பார்த்து சிரஞ்சீவி ஆனார்:(எல்லாமே மால் என்ற ஏகாக்ரம் கொண்டால் ‘’மாலன் மார்பில் மாலை’’….!Mind Is A Monkey தாத்பர்யம்)
கரிவரதன் மார்பில் குரங்கு (அனுமார்)’’….கிரேசி மோகன்…!
’’சாக்கிரதை யாக சகாக்களுடன் சென்றாயர்
தூக்கிலிட்ட வெண்ணை திருடியுண்ட -போக்கிரிப்
பையனே, பேய்மழைக்குப் பர்வதம் தாங்கியக்
கையனே கண்ணனுன்கால் காப்பு’’….கிரேசி மோகன்….!
மாதவனின், கேசவனின், மாலொழிய(மயக்க இருள் தீர்க்க) வந்தவனின்,
ஆதவனின், ஆயர் அணிவிளக்கின், -யாதவனின்,
வாத்சல்ய யோகம்செய் வ்ரஜ குலத்தவனின்,
தாத்பர்யம் தாய்ப்பசுகீ தை’’….கிரேசி மோகன்….!
நரஸிம்ஹ மந்த்ரராஜம்
—————————–
உக்ரம் வீரம் மஹாவிஷ்ணும் ஜ்வலந்தம் ஸர்வதோமுகம் |
ந்ருஸிம்ஹம் பீஷணம் பத்ரம் ம்ருத்யும்ருத்யும் நமாம்யஹம் ||
”வீரியன், வீரன், வியாபகன், சைதன்ய
சூரியன், சூக்கும காரியன், -கூரிய
சிங்கன், எதிரிக்கு சொப்பனம் ,காலகாலன்,
மங்களம் சேர்த்திடும் மால்”….கிரேசி மோகன்….!
”அழகவன் கோலம் அழகவன் ஜாலம்
அழகவன் லீலா அபங்கம் -பழக
அழகனவன் நட்போ அலுக்காத கற்பு
பொழுதுமவன் பொற்பைப் புணர்….கிரேசி மோகன்….!
கண்ணன் காண கோவிந்த பகவத் பாதர் போலிருக்கிறார்….கண்ணன் கோவிந்த பாகவத FATHER…!
“பாலா பிஷேகமே பட்டா பிஷேகமாய்
கோலோ கலமாகக் கொண்டாடும் -மாலோலன்;
ஆவிந்தன் பாலில் அமரர்கோன் நீராட்ட,
கோவிந்தன் பாகவதம் காண்”….!….கிரேசி மோகன்….!
”உறியிழுத்தாய், பின்னர் உரலிழுத்தாய், பின்னர்
மரமிழுத்தாய், பின்னர் மதகில் – அரவிழுத்தாய்,
பின்னர் நகிலிழுத்தாய், பெண்கள் துகிலிழுத்தாய்
கண்ணா எனையிழுப்பாய் காப்பு”….கிரேசி மோகன்….!
’’கோலத்தால் காலிட்டு கைகூப்பி கும்பிட்டு
ஞாலத்தை உண்டுமிழ்ந்த நாதனுக்காய் -தாலத்தில்(தட்டில்)
பக்ஷணத்தை ஏந்திநின்றால், பக்தராதைக்(கு) ஈடாக
தக்ஷிணையாய் கேட்டான் தபஸ்’’….கிரேசி மோகன்….!
”இந்த தரிசனம் தந்திடுவாய் ,கோபாலா
நந்த குமாரா நவனீதா, -அந்தரி(காளி)
அண்ணா அழையாது அந்திமம்(கடைசி காலம்) ஆகுமோ!
கண்ணாதா காலன்முன் கால்(திருவடி)’’….கிரேசி மோகன்….!
”தேரினிரு பக்கம் திருவடிகள் நின்றிட,
பாரின் பளுகுறைக்க பாரதப் -போரினைச்
செய்திட பார்த்தனின் சாரதியாய் வந்தாரே,
பெய்திடும் வான்மழை போல்’’….கிரேசி மோகன்….!
”கடல்படுத்தக் கண்ணா , கருத்தமணி வண்ணா
கடலை(கடலை போடுதல் பேசி) இடுறாய் (கிளியாள்)கோபி -உடனிருக்க,
சீஸர்போல் பேசுகின்றாய், சீராயர் WORLD-CUP-நீ,
நாஸர்பெண்(எகிப்து என்பதால் நாஸர்) ”சாஸரவள்” நைல்(யமுனை நைல் ஆச்சு , கோபிகா கிளியோபாத்ரா)….!கிரேசி மோகன்….!
”வியப்பென பார்த்து, வியப்பெனக் கூறி
வியப்பென கேட்டும் விளங்கா -வியப்பாம்
விவரிக்க ஒண்ணா விசித்திர ஆன்மா
எவருக்கும் எட்டா எழில்”….கிரேசி மோகன்….!
விட்ணு(விஷ்ணு) மயிற்பீலி வுச்சி யிலணிந்து
பட்டுக் கவுபீனம் பூண்டாவை -வெட்டவெளியில்
மேகவண்ணன் வேய்ங்குழலால் மேய்க்கின்றார்,கானிலே(காட்டிலே)
காகவண்ணக் காலடியில் கன்று’’….கிரேசி மோகன்….!
தீரன் யமுனா தரங்கக் கரையோரன்
சேரும் இளமாதர் ஜீவான்ம -சோரன்
அழகில் சுகுமாறன் அன்பில் உபகாரன்
கழுகில் வரும்நேரம் காப்பு….
தாய்க்குப் பணிந்தன்று தாம்பில் புகுந்துமரம்
சாய்க்க உரலிழுத்த சாகஸா – வாய்க்குள்
மாதா மகிழ மகோன்னதம் காட்டிய
கீதா உபதேசா காப்பு….
கண்ணே கனியமுதே கற்கண்டே கார்முகிலே
என்னே பெயர்வைத்து ஏத்தினாலும் -அண்ணே!
டபாய்த்திடுவான் கண்ணன் உபாயமொன்று கேளாய்
அபாயமென்பாய் உண்டே (அ)பயம்….
தாரில் மலரவன் நாராம் மணக்கும்நாம்
சோறில் சுவையவன், சக்கைநாம் -நேரில்
வரத்தயங்கும் கீதமவன் வந்துவிட்ட நாமக்
கரத்தியங்கும் புல்லாங் குழல்….
குழலுற்ற கீதத்தைக் காதுற்றுக் கேளீர்
விழலுக்(கு) இறைக்காதீர் வாழ்வை -தழலுக்குள்
வேகாது, தண்ணீரில் வீழ்ந்தும் நனையாது
சாகாத அவ்வுணர்வே சத்து….
சத்துக்கு ஆனந்தம் சித்தின் விளையாட்டு
அத்தனையும் வேடிக்கை ஆகப்பார் -புத்தி
மனமுள்ளம் நெஞ்சென்ற மாயங்கள் நால்வர்
உனையுண்ணத் தூக்கும் உறவு….
உறவும் பகையும் துறவும் தெளிவும்
வரவு செலவாகும் வாழ்க்கை -பறவை
ஒருகூடு விட்டு மறுகூடு போகும்
பெறுவீடு காணப் பயன்….
முடிவற்ற ஆசை முதலுக்கே மோசம்
வெடிவைத்து வந்திடுமா வானம் -படியற்ற
சொர்கத்தைக் காண செடியேறு கின்றாயே!
தர்கத்தைத் தாண்டல் தவம்….கிரேசி மோகன்….!
”மீண்டும் உரலிழுத்து மாமருதம் சாய்த்தரவத்
தாண்டவம் ஆடி, தயிருண்டு -வேண்டிய
ராதையை காதலித்து, போதனையாய் கீதையை
யாதவா வந்திங்(கு) எழுது”….!கிரேசி மோகன்….!