வல்லமை

Category: நுண்கலைகள்

நிழற்படம்,நுண்கலைகள்

  • கண்டேன் அனுமனை

     

     

    6d175b2b-2daf-4c2a-93a3-f99d50f97c59
    —————————————
    அனுமந்த ராயா அசகாய சூரா
    தினமுந்தன் பாதம் தொழுவேன் -எனையிந்த
    பாழும் மனமென்ற ஆழியைத் தாண்டிட
    தோழா கொடுத்திடு தோள்….(1)

    அனுதினம் ராமா யணமதை ஓதும்
    அனுமனே அஞ்சனை அன்பே -கணுவிலா
    பக்திக் கரும்பே பயமிலா வாழ்க்கை
    சித்திக்கச் செய்வாய் சரண்….(2)

    வினய வடிவம் விழிகளில் பாஷ்பம்
    கணைவிடு ராமன் கதையே -துணையாய்
    அணையா விளக்காய் அமர்ந்த அனுமான்
    இணையே(தும்) இல்லா இறை….(3)

    பாரிஜாத வாசம் பணிராமன் காரியம்
    வேறுஜாதி வானரம் மாருதி -மாறுவேடம்
    பூண்டுவந்த ருத்திரன் பூமிவாயு புத்திரன்
    வேண்டுவோர்தம் வீட்டில் வரவு….(4)

    அண்ணல் நினைப்பினால் கண்ணில் பனித்திரை
    விண்ணில் பறந்தோன் வெகுளியாய் -திண்ணையில்
    ஸ்ரீ£ராம் ஜெயராம் ஜெயஜெய ராமென்று
    தீராத் தவத்தில் திளைப்பு….(5)

    வீரன் வினயன் வெகுசமர்த்தன் ஈசனவ
    தாரன் ரகுநாதன் இஷ்டவேலைக் -காரன்
    கடல்கடந்து அய்யன் கணையாழி தந்த
    உடல்கடந்தோன் உள்ளம் உணர்….(6)….கிரேசி மோகன்….

    Share

  • படக்கவிதைப் போட்டி … (67)

    பவள சங்கரி

    அன்பிற்கினிய நண்பர்களே!

    13315611_1025713060816226_4364786465585856721_n

    வணக்கம். கண்ணையும், கருத்தையும் கவரும் படமொன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் திறமை கொண்டவரா நீங்கள்?

    123121007@N08_rஆதித்ய நாகராஜ் எடுத்த இந்தப் படத்திற்கு ஒரு கவிதை எழுதுங்கள். இதனை நம் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன் தேர்ந்தெடுத்து அளித்துள்ளார்.

    இந்த ஒளிப்படத்திற்கு ஏற்ற கவிதையை நல்ல தலைப்புடன் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் சனிக்கிழமை (11.06.2016) வரை உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர்குழு உறுப்பினரும், தமிழிலக்கிய ஆராய்ச்சியாளருமான முனைவர் காயத்ரி பூபதி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு சிறந்த கவிஞராகத் தேர்ந்தெடுக்கப்படும் கவிஞர்களுக்கும் உண்டு. 12 மாதமும் தேர்வுபெறும் ஒளிப்படக் கலைஞர் / கவிஞர்களிலிருந்து ஆண்டின் சிறந்த கலைஞரும், கவிஞரும் தேர்வு பெறுவார்கள். ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.

    முனைவர். காயத்ரி பூபதி கும்பகோணத்தில் பிறந்தவர். தற்போது ஐதராபத்தில் வசித்து வருகிறார். இவர் “குறள் கூறும் குற்றங்களும் அவற்றின் தண்டனைகளும்” என்ற தலைப்பில் இளம் முனைவர் பட்டமும் “சங்க இலக்கியத்தில் கருப்பொருளாட்சி” என்ற தலைப்பில் முனைவர் பட்டமும் தஞ்சை தமிழ்ப் பல்கலைக் கழகத்திலிருந்து பெற்றவர். தனது ஆராய்ச்சிக் காலத்தில் தஞ்சை தமிழ்ப் பல்கலைக் கழகத்திலும் பின்னர் தனலட்சுமி கல்லூரியிலும் விரிவுரையாளராகப் பணியாற்றியவர். மேலும் பன்னாட்டு மற்றும் உள்நாட்டுக் கருத்தரங்குகளில் தனது ஆய்வுக் கட்டுரைகளை சொற்பொழிவு மூலம் திறம்பட வெளிப்படுத்தி உள்ளார். இவர் இந்தி மொழியில் இளங்கலை பட்டமும் பெற்றவர்.

    Share

  • படக்கவிதைப் போட்டி 66 – இன் முடிவுகள்!

    காயத்ரி பூபதி

    13318513_1022161434504722_554123272_n

    இவ்வாரப் படக்கவிதைப் போட்டிக்கான படத்தை எடுத்துத் தந்திருப்பவர் இராமலெஷ்மி. இதனைப் போட்டிக்குத் தேர்வு செய்து தந்தவர் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன். இவர்கள் இருவரும் வல்லமையின் நன்றிக்கு உரியவர்கள்.

    மலர்கள் என்றுமே கவிஞர்களின் எண்ண ஊற்றுகளின் பிறப்பிடமாகும். இலக்கியத்தில் மலர்கள் நிலத்தை, காலத்தைக் குறிக்கும் குறியீடாகவும், கருத்துச் செறிவான செய்திகளைச் சுட்டும் உவமையாகவும் சூழலைக் குறிக்கும் பின்னணியாகவும் இடம் பெற்றுள்ளன.

    மோப்பக் குழையும் அனிச்சம் முகந்திரிந்து
    நோக்கக் குழையும் விருந்து.

    என்று விருந்து பற்றிய கருத்துச் செறிவான செய்தியைச் சுட்ட(,) அனிச்ச மலர் உவமையாக வந்துள்ளது.

    பூக்களிலே நானும் ஓர்
    பூவாய்(த்)தான் பிறப்பெடுத்தேன்
    பொன் விரல்கள் தீண்டலையே
    நான் பூமாலை ஆகலையே

    என்ற புதுக் கவிதை வரிகளில் முதிர் கன்னிக்கு(ப்) பின்னணியாகிறது பூமாலை. இங்கு படக் கவிதைப் போட்டிக்கானப் படத்தில் இருக்கும் பெண்மணி, பூ விற்கும் தொழிலாளி. இவள்,

    கொளுத்தும் வெயிலில் வாடும் பூவை
    வறுமை வாட்ட விற்க வந்தாள்
    வாடா மலரை, வாடும் முன்னே!

    இப்பூவைத் தொடுத்த பூமாலைக்குக் கவிஞர்கள் தொடுத்த பாமாலைகளைப் பார்ப்போம்.

    படக் கவிதைப் போட்டிக்கு வெளிவந்திருக்கும் கவிதைகள் பொதுவாக(,) பொறுப்பில்லாத குடும்பத் தலைவனையும், குடும்பப் பொறுப்புகளைச் சுமந்து கொண்டு போராடும் குடும்பத் தலைவியையும் எடுத்துக் காட்டும் விதமாக அமைந்துள்ளன.

    பூவைத் தொடுப்பவள் தலையினிலே
    பாரமாய் வறுமை வதைக்கையிலே,
    சாவைத் தேடிடக் கணவன்தான்
    சாரா யத்தைத் நாடுகிறான்,
    தேவைக் கான பொருள்சேர்க்கத்
    தேடிப் பிள்ளைகள் வெளிநாட்டில்,
    பூவைத் தலையில் தக்கவைக்க
    பூவை தொடுக்கிறாள் பூக்களையே… (செண்பக ஜெகதீசன்)

    மதுவுக்கு அடிமையான கணவனால் வறுமையில் வாடும் குடும்பத்தையும், அதைச் சீர்தூக்கப் போராடும் மனைவியையும் எடுத்துக் காட்டியுள்ளார். மதுவினால் பெண்கள் அடையும் துயர நிலையை சுட்டிக் காட்டியுள்ள கவிஞருக்குப் பாராட்டுகள்.

    இயற்கை அளித்த பூவை
    இடையில் வந்த கணவன்
    இறப்பில் பறிகொடுக்கும் நிலை…..
    பூத்தொடுக்கும் நேர்த்தியில்
    உள்ள அழகைக் கூட
    இறைவன உனக்களித்த
    படைப்பில் மறந்தானோ….
    விதவை விற்றாலே.
    வீணெனப் பூவை
    வாங்க,மறுக்கும்
    வாழ்க்கை உலகமிது.
    பூவிழந்ததை மறைத்துப்
    பூவைத்துக் கொண்டு
    பூவையர்க்குப்
    பூவை விற்கப்
    பொய்வேடம் புனைகதையை
    என் சொல்ல..என் சொல்ல… (இளவல் ஹரிஹரன்)

    பூவைச் சூடா பூவையின் நிலைக் குறித்த தன் வருத்தத்தை வெளியிட்டிருக்கிறார் கவிஞர். பூவைத் தொடுத்த மல்லிகைப் பூமாலையின் வாசனையைவிட அவளிடமிருந்து வரும் உழைப்பின் வாசனையைப் பார்க்கின்றது வல்லமை. தொழிலைப் போற்றுவோம், தொழிலாளிகளைப் போற்றுவோம்.

    உழைப்பால் வந்த ஊதியத்தை
    கவர்ந்து கொண்டு
    உல்லாசமாய் வாழும்
    கணவன்மார்கள்
    இருக்கும் வரை
    ஜான் ஏறனால்
    முழம் சறுக்கும்
    என்பதை உணர்த்தியது
    இந்த பூவின் வாசம் ! (ஹிஷாலி)

    என்னதான் உழைத்தாலும் உழைப்புக்கேற்ற பலனை அடைய முடியாமல் தவிக்கும் பூக்காரியின் நிலையைக் காட்டுகின்றன, ஹிஷாலியின் கவிதை வரிகள்.

    நாளை மறுநாள் திருநாள்.
    மூத்தவளின் பிள்ளை
    பெரிசாகி நாளாச்சு
    முந்தானை நீளமாய் தாவணி.
    நடுவிலி பெத்தது
    முளைக்கு முன்னர் தனக்குமாம்.
    இளையவளின் கடைக்குட்டி
    கேளான் எதுவும்
    நீளக்கை சேட் கட்டைக் களிசான்
    புத்தகம் சுமக்க முதுகுப்பை.
    கட்டம் போட்ட நீலக்கைத்தறி
    அம்மாவுக்கு
    மாமிக்கொரு நல்ல வொயில்
    இயலாமல் படுக்கும் கண்ணாளனுக்கு
    கதர் வேட்டியும் கம்பளியும்.
    நாதன் கடைக்கணக்கு
    சந்திக்கடை பாக்கி
    கிழமைச் சீட்டுக்காசு
    கோயில் உண்டியல்
    இருமல் மருந்தும் தடவும் தயிலமும்.
    கொய்த மல்லிகையை
    குந்தியிருந்து கோர்க்கும் நாருடன்
    வியர்த்த முகத்தில்
    இளையோடும் எண்ணங்கள்
    சரப் பின்னலில்
    நாளைய நம்பிக்கையாய்
    முடிச்சுக்களுடன். (களப்பூரான் தங்கா)

    குடும்பச் சுமையையும் குடும்பத்திலுள்ளோரின் தேவைகளையும் வரவுக்கு அதிகமான செலவுகளையும் நாளைய கனவுகள் குறித்த எண்ணங்களையும் முடிச்சுகளாக்கி, முடிச்சுகளை அவிழ்க்கும் நாளை எண்ணி(க்) காத்திருக்கும் பூக்காரியைக் கண் முன் கொண்டு வந்து நிறுத்துகின்றது களப்பூரான் தங்கா அவர்களின் கவிதை.

    வறுமை பெண்களிற்குத் தன்னம்பிக்கை
    திறமை தருகிறதென்பது உண்மை.
    பொறுமையான சுய சம்பாத்தியம்.
    பொறுப்பான குடும்பக் கவனிப்பு.
    நிறம் மாறி வாடுவதாய்
    நிலை மாறாத பூக்காரியிவள்.
    தான் சூடி விரயமாக்காது
    தாரளமாய் கூவிக்கூவி விற்பவள்.
    மன்மதக் கணையாம் பூமாலை.
    புன்னகைத் திரையில் வேதனை.
    மாலைக்குள் விற்றுத் தீராவிடில்
    பாலையாய் வயிறு காயும்.
    மருக்கொழுந்தாள் முல்லைச் சிரிப்பழகி
    தாமரை இதழ் செண்பகமே
    மல்லிகையே சம்பங்கிப் பூவையே (பூக்காரியே)
    தமிழ் பூவின் கதம்பமே! (வேதா. இலங்காதிலகம்)

    வெயிலில் நிறம் மாறி வாடினாலும் நிலைப் பிறழாது உழைக்கும் பூக்காரியின் தன்னம்பிக்கையும் உழைப்பையும் வெகுவாகப் பாராட்டுகின்றது வேதா. இலங்கா திலகம் அவர்களின் கவிதை. கவிஞருக்குப் பாராட்டுகள்.

    குடிகார கணவன்
    ஒரு புறம்
    படிக்கும் பிள்ளைகள்
    ஒரு புறம்
    வீட்டு வருமானம்
    போதாத குறை
    ஒருபுறம்
    வறுமையை ஓட்ட
    வகையாய்தேர்ந்தெடுத்த
    வளமான தொழில் இந்த
    தொழிலுக்கு
    மூலதனம் தேவையில்லை
    வேண்டியது உழைப்பே
    லட்சியங்கள் எல்லாம்
    உயிர்பெறுவது
    நடுத்தர வர்க்கத்து
    மக்களால்தான்
    வீடெல்லாம் பூவாசம்
    வறுமைபோக்க
    வீட்டு வேலை முடிந்து
    பூக்கட்டும் வேலை
    தினமும் நூறு ரூபாய்
    தினக்கூலி தீர்ந்திடும்
    தினப்படி கவலை
    ஆனால் பூகட்டும்
    பொன்னமாவின் கவலையெல்லாம்
    பெண்கள் இன்று
    அவிழ்த்த கூந்தலை
    முடித்தால்தானே பூவைக்கமுடியும்
    பூவைப்பது அநாகரீகமாய்
    கருதும் காலமாகிவிட்டது
    பூகட்டி வறுமைதீர்த்தகாலமும்
    போய் விடும் போலிருக்கிறது
    ரிலையன்ஸ் நிறுவனமும்
    பூக்களுக்கு வேர்ஹவுஸ்
    அமைச்சுட்டால் எங்க பிழைப்பிலே
    மண்தான் போங்க (சரஸ்வதிராசேந்திரன்)

    பூத் தொழில் புரிவோரின் குடும்பச் சூழலையும் பூத்தொழில் முறையையும் எடுத்துக் காட்டியுள்ளார். பெண்கள் அவிழ்த்த கூந்தலை முடிந்தால் தானே பூ வைக்க முடியும் என்று, இன்று பெண்களிடம் குறைந்து வரும் பூச் சூடும் பழக்கத்தைச் சுட்டிக் காட்டியுள்ளார். பள்ளி மற்றும் கல்லூரிகளுக்குச் செல்லும் பெண்கள்(,) கூந்தலில் முல்லை மலர்ச் சரத்திற்கு நடுவில் கனகாம்பரத்தை வைத்துக்கொண்டு சென்றது ஒரு காலம். இன்று கனகாம்பரம் என்ற மலரைப் பெண்கள் கூந்தலில் பார்ப்பது அரிதாகிவிட்டது. பூத் தொழிலின் இன்றைய நிலை(,) எதிர்கால நிலைக் குறித்த சிந்தனையையும் எழுப்பி நம் எண்ண அலைகளைக் கீறிவிட்டிருக்கும் சரஸ்வதி ராசேந்திரனின் கவிதையை இந்த வாரச் சிறந்த கவிதையாகத் தேர்ந்தெடுக்கிறோம். கவிஞருக்குப் பாராட்டுகள்.

    பி.கு. மேகலா இராமமூர்த்தி விடுமுறையில் இருப்பதால் சில வாரங்களுக்கு காயத்ரி பூபதி போட்டியின் வெற்றியாளர்களை தேர்ந்தெடுக்கவுள்ளார்கள் என்பதைத் தெரிவித்துக்கொள்கிறோம். தொடர்ந்து போட்டியில் ஆர்வமுடன் கலந்துகொள்ளும் அனைத்து கவிஞர்களுக்கும் உளமார்ந்த பாராட்டுகள். புதிய கவிஞர்களையும் வாழ்த்தி வரவேற்கிறோம். நன்றி நண்பர்களே.

    அன்புடன்

    பவள சங்கரி

    Share

  • படக்கவிதைப் போட்டி … (66)

    பவள சங்கரி

    அன்பிற்கினிய நண்பர்களே!

    13318513_1022161434504722_554123272_n

    வணக்கம். கண்ணையும், கருத்தையும் கவரும் படமொன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் திறமை கொண்டவரா நீங்கள்?

    27182698@N05_rராமலஷ்மி எடுத்த இந்தப் படத்திற்கு ஒரு கவிதை எழுதுங்கள். இதனை நம் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன் தேர்ந்தெடுத்து அளித்துள்ளார்.

    இந்த ஒளிப்படத்திற்கு ஏற்ற கவிதையை நல்ல தலைப்புடன் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் சனிக்கிழமை (04.06.2016) வரை உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர்குழு உறுப்பினரும், தமிழிலக்கிய ஆராய்ச்சியாளருமான திருமதி மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு சிறந்த கவிஞராகத் தேர்ந்தெடுக்கப்படும் கவிஞர்களுக்கும் உண்டு. 12 மாதமும் தேர்வுபெறும் ஒளிப்படக் கலைஞர் / கவிஞர்களிலிருந்து ஆண்டின் சிறந்த கலைஞரும், கவிஞரும் தேர்வு பெறுவார்கள். ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.

    போட்டியின் நடுவரான திருமதி. மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச்சங்கப் பேரவையின் (FeTNA) 2008, 2009, 2014-ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுக்களும், பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடைபவளம்.

    Share

  • படக்கவிதைப் போட்டி 65-இன் முடிவுகள்

    -மேகலா இராமமூர்த்தி

    இவ்வாரப் படக்கவிதைப் போட்டிக்கான படத்தை எடுத்துத் தந்திருப்பவர் திருமிகு. சாந்தி வீஜே. இதனைப் போட்டிக்குத் தேர்வுசெய்து தந்தவர் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன். இவ்விரு ’சாந்தி’யருக்கும் வல்லமை இதழின் நனிநன்றி!

    crow with a paper

    காகமும் அதன் அலகில் வீற்றிருக்கும் வண்ணக் காகிதமும் நம் கண்ணைக் கவர்கின்றன.

    இப்படம் நம் கவிஞர்களுக்கு எத்தகைய உணர்வலைகளை எழுப்பியிருக்கின்றன எனக் காண்போம்!

    ***

    உரக்கக் கரைந்து, உறவினர் வருகையை அறிவிக்கும் காக்கையே! சிறுவர் கைப்பண்டத்தை நீ பறித்துவந்தது முறையோ? என வருந்துகின்றார் திரு. செண்பக ஜெகதீசன்.

    உறவாய் எண்ணிய காக்கையாரே
    உமது குணமது மாறியதே,
    சிறுவர் கையில் பண்டமதைச்
    சேர்த்தே பிடுங்கி வந்தீரே,
    உறவினர் வரவை உரைப்பதினால்
    உயர்வாய் எண்ணி யிருந்தோமே,
    பிறப்பில் எமது முன்னோராய்ப்
    போற்றிய பெருமையும் பொய்யாச்சே…!

    ***

    இவ்வாரத்தின் சிறந்த கவிஞரை அறிந்துகொள்ளும் நேரமிது!

    ”காக்கை கரவா கரைந்துண்ணும் ஆக்கமும்
    அன்னநீ ரார்க்கே உள” என்பது வள்ளுவம்.

    கூடிவாழ்வதிலே, தேடியதைக் கரவாது தம் உறவுகளோடு பங்கிட்டு உண்பதிலே மாந்தர்களுக்கே வழிகாட்டியாய்த் திகழ்பவை காக்கைகள்.

    பகுத்துண்பது உயர்குணந்தான் என்றாலும் மற்றவரின் பொருளைத் திருடிவந்தா அதனைச் செய்வது? என்று காக்கையைக் கண்டிக்கிறது ஒரு கவிதை! 

    காகமே உன்
    தாகம் தீர்க்க
    தண்ணீரும்
    பசிக்கு அன்னமும் இட்டேன்
    நீ சனீஸ்வரரின் வாகனமாம்
    முன்னோர்களின் சின்னமாம்
    நீ கரைந்தால்
    விருந்தினர் வருவதாகவும்
    நீ வலமாகப் போனால்
    காரிய சித்தியாகவும்
    உன்னைப்புகழ்ந்து
    பாடியிருக்காராம்
    காக்கைப்பாடினியார்
    இதெல்லாம் எனக்கு
    செவிவழி வந்த செய்திதான்
    ஒற்றுமைக்கும்
    பகிர்ந்துணவுக்கும்
    கூடி வாழ்தலுக்கும்
    உவமையாகச் சொன்ன
    உண்மைத்தகவலுக்காகவும்
    உயிர்களுக்கு உதவணும்னுதான்
    தண்ணீரும்
    அன்னமும் இட்டேன்
    அதனால்தான் உன் பகிர்ந்துணர்வைக் காட்ட
    கடையிலிருந்தோ சிறுவர்
    கையிலிருந்தோ
    இதை பறித்து வந்திருக்கிறாயோ?
    வேண்டாம் காகமே!
    பறித்து வருவதும்
    கவர்ந்து வருவதும் கூட
    ஒரு வகையில் திருட்டுத்தானே?
    எனக்கு இது வேண்டாம்!
    அம்மா திட்டுவாள்
    உன் அன்புக்கு நன்றி!

    காக்கை குறித்த பல செவிவழிச் செய்திகளைத் தன் கவிதை வாயிலாய் நமக்கு அறியத்தந்திருக்கும் திருமிகு. சரஸ்வதி ராசேந்திரனை இவ்வாரத்தின் சிறந்த கவிஞராய் அறிவிக்கின்றேன். பாராட்டுக்கள் கவிஞரே!

     

     

    Share

  • படக்கவிதைப் போட்டி .. (65)

    பவள சங்கரி

    அன்பிற்கினிய நண்பர்களே!

    வணக்கம். கண்ணையும், கருத்தையும் கவரும் படமொன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் திறமை கொண்டவரா நீங்கள்?

    13292903_1018041728250026_133259711_n
    107291507@N03_rசாந்தி வீஜே எடுத்த இந்தப் படத்திற்கு ஒரு கவிதை எழுதுங்கள். இதனை நம் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன் தேர்ந்தெடுத்து அளித்துள்ளார்.

    இந்த ஒளிப்படத்திற்கு ஏற்ற கவிதையை நல்ல தலைப்புடன் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் சனிக்கிழமை (28.05.2016) வரை உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர்குழு உறுப்பினரும், தமிழிலக்கிய ஆராய்ச்சியாளருமான திருமதி மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு சிறந்த கவிஞராகத் தேர்ந்தெடுக்கப்படும் கவிஞர்களுக்கும் உண்டு. 12 மாதமும் தேர்வுபெறும் ஒளிப்படக் கலைஞர் / கவிஞர்களிலிருந்து ஆண்டின் சிறந்த கலைஞரும், கவிஞரும் தேர்வு பெறுவார்கள். ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.

    போட்டியின் நடுவரான திருமதி. மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச்சங்கப் பேரவையின் (FeTNA) 2008, 2009, 2014-ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுக்களும், பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடைபவளம்.

    Share

  • படக்கவிதைப் போட்டி 64-இன் முடிவுகள்

    -மேகலா இராமமூர்த்தி

     

    kids with eatable

     

    ஈத்துவக்கும் இன்பத்தை இவ்விள வயதிலேயே அறிந்து, அதனை நடைமுறைப்படுத்திவரும் இக்குழந்தைகள் பாராட்டுக்குரியவர்கள். இவ்வரிய புகைப்படத்தை எடுத்திருக்கும் திருமிகு. ஷாமினி, இதனைப் போட்டிக்குத் தெரிவுசெய்து தந்திருக்கும் திருமதி. சாந்தி மாரியப்பன் ஆகியோர் வல்லமையின் நன்றியறிதலுக்கு உரியவர்கள்.

    போட்டிக்கு வந்திருக்கும் கவிதைகளைப் படித்துக் களிப்போம் இனி!

    ***

    பசியைத் தேடிக் கண்டடைந்து தான்மட்டும் புசிப்பதினும், பிறரின் பசிக்கு உணவளித்து, அவருடலை ஓம்பினாலன்றோ சமூகம் செழிக்கும் என்கிறார் நாமக்கல் திரு. முருகேசன்.

    பசியொன்றைக் கண்டெடுத்து
    புசிப்பதனால்     என்ன பயன்?
    என் பசியை உணவாக்கி
    உன் குருதி மெருகேற,
    காத்திருக்கிறேன்!
    குளிர்ந்தது என் மனம் அன்றி,
    இச்சமூகம் செழித்தோங்கவே!
    என் அன்புச்சகோதரனே!

    ***

    எப்படி வாழக்கூடாது என்று உற்றாரும் உறவினரும் எனக்குக் கற்பித்தார்களேயன்றி, எப்படி வாழவேண்டும் என்று சொல்லித்தரவில்லை. ஆயினும், வையகத்தைக் கையகத்துள் கொண்டுவரும் உயர்குணமாம் ’ஈகை’ என்னுள் வந்ததெப்படி? எனத் தன்னை வியக்கும் குழந்தையைத் தன் கவிதையில் காட்சிப்படுத்தியுள்ளார் திருமிகு. ஹிஷாலி.

    தகப்பனாட்டம்
    உதவாக்கரையாக
    வளர்ந்து விடாதே
    என்றாள் அம்மா! 

    தாத்தாவாட்டம்
    தண்டமாக
    வாழ்ந்து விடாதே
    என்றாள் பாட்டி! 

    தாயும் தந்தையும் தவிர்த்துத்
    தாய் மாமனாட்டம்
    சோம்பேறியாக
    இருந்து விடாதே
    என்றார்கள்
    அக்கம் பக்கத்தினர்!  

    கடைசி பெஞ்சாட்டம்
    அறிவை இழந்து
    முட்டாளாகி விடாதே
    என்றார் ஆசிரியர்! 

    ஆனால் …
    யாருமே சொல்லாமல்
    எனக்குள் எப்படி
    வந்தது இந்த ஈகைத் திறன்?

    ஒருவேளை
    இந்த உலகமே
    நம்
    கைக்குள்  இருப்பதற்குப்
    பெயர்தான்
    நட்பின் சுவாசமோ !

    ***

    பகுத்துண்டு பல்லுயிர் ஓம்பும் வகையறியாப் பெரியவர்களுக்கு இந்தப் புகைப்படம் ஒரு பாடம் என்கிறார் திரு. செண்பக ஜெகதீசன். 

    இருப்பதைக் கொடுத்திடும் பழக்கமது
    இளமை முதலே வரவேண்டும்,
    உருப்படும் வழியிதை உணர்ந்தேதான்
    உள்ளதைப் பகிர்ந்தே உண்ணுவதின்
    பெருமை தெரிந்தோ தெரியாமலோ
    பிள்ளைகள் பிறர்க்குக் கொடுக்குமிந்த
    அருமை யான பாடமதை
    அறிந்து கொள்வீர் பெரியோர்களே…!

    ***

    பத்து வயதுவரை அண்ணன் தம்பியாய் அன்புகாட்டி வந்தோர், இருபது வயதில் எதிரிகளாய், வெறும் பங்காளிகளாய் மாறும் அவலம் என்று ஒழியும்? என வேதனையோடு வினவுகின்றார் திருமிகு. சரஸ்வதி ராசேந்திரன். 

    பாசமும் அன்பும்
    பகிர்ந்துண்ணும்
    பழக்கமும்
    பத்து பதினந்துவயதுவரை
    அண்ணனுக்கும் தம்பிக்கும்
    இருபது வயதானால்
    இருப்பதை இருகூறாக
    உருக்குலைக்க போராட்டம்
    பங்காளிகளுக்குள்
    ஒருவனை ஒருவன்
    கருவறுக்க கத்தித்தேடுவதும்
    புத்தியைத்தீட்டுவதும் வாடிக்கைதான்
    ஒற்றுமையே உயர்வு தரும்
    பெற்றோர் சொல் கேட்பீரோ ?
    உற்ற உறவையும்
    கற்ற கல்வியையும் காற்றில் பறக்க விடுவீரோ? யாரறிவார்?

    ***

    சிறப்பான கருத்துக்களைக் கவி முத்துக்களாய்க் கோத்தளித்திருக்கும் கவிஞர்களுக்கு என் பாராட்டுக்கள்!

    இனி, இவ்வாரத்தின் சிறந்த கவிஞரைக் காண்போம்!

    பாத்தூண் மரீஇ யவனைப் பசியென்னும்
    தீப்பிணி தீண்ட லரிது     என்பது வள்ளுவம்.

    இள வயதிலேயே பகுத்துண்ணும் வழக்கத்தைக் குழந்தைகளிடம் பெற்றோர் பழக்கவேண்டும். அப்போதுதான் அவர்கள் நயனுடையோராய், பயன்மரமாய்ப் பின்னாளில் திகழ்வர்.

    ’கொடுப்போர்க்கும் இன்பம்; கொள்வோர்க்கும் இன்பம் என்பது அன்பில் மட்டுமே சாத்தியம்; கொடுக்கக் கொடுக்கக் குறையாது, மேலதிகமாய்க் கிடைப்பதும் அன்பு ஒன்றிலேயே நிகழும் அதிசயம்’ என அன்பெனும் அருங்குணத்தை நாவாரப் புகழும் பாவொன்று!

    அன்பின் கோப்பையை
    ஏந்தும் முகமும்
    அன்பின் பகிர்வை
    ஏற்கும் முகமும்
    எத்தனை கூடுதல் அழகு…!

    விரியும் கைகளைக்
    காணும்
    கண்களும் விரிய
    எல்லையற்று விரிகிறது
    அன்பின் பசும்புல் வெளி! 

    கொட்டிவிடக் கூடாதென்ற
    கவனமும் எச்சரிக்கையும்
    கைகளில் ஏந்தும் தின்பண்டத்திற்கு மட்டும்தான்
    நட்புறவில் தழைக்கும் இன்பத்தில்
    கொட்டோ கொட்டென்று
    கொட்டிக் கொண்டிருக்கிறது அன்பு! 

    ஏனெனில்,
    செலுத்தினால் மேலதிகம்
    திரும்பப் பெறும் இடம்
    அன்பின் அகம்!

    ஈகையின் சிறப்பை, அன்பின் அருமையை எளிய வரிகளில் விளக்கியிருக்கும் திரு. எஸ். வி. வேணுகோபாலன் இவ்வாரத்தின் சிறந்த கவிஞராய்த் தேர்வாகின்றார். அவருக்கு என் பாராட்டுக்கள்!

     

     

    Share

  • படக்கவிதைப் போட்டி .. (64)

    பவள சங்கரி

    அன்பிற்கினிய நண்பர்களே!

    வணக்கம். கண்ணையும், கருத்தையும் கவரும் படமொன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் திறமை கொண்டவரா நீங்கள்?

    13250479_1014287985292067_1958466254_n

    112795645@N05_rஷாமினி எடுத்த இந்தப் படத்திற்கு ஒரு கவிதை எழுதுங்கள். இதனை நம் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன் தேர்ந்தெடுத்து அளித்துள்ளார்.

    இந்த ஒளிப்படத்திற்கு ஏற்ற கவிதையை நல்ல தலைப்புடன் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் சனிக்கிழமை (21.05.2016) வரை உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர்குழு உறுப்பினரும், தமிழிலக்கிய ஆராய்ச்சியாளருமான திருமதி மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு சிறந்த கவிஞராகத் தேர்ந்தெடுக்கப்படும் கவிஞர்களுக்கும் உண்டு. 12 மாதமும் தேர்வுபெறும் ஒளிப்படக் கலைஞர் / கவிஞர்களிலிருந்து ஆண்டின் சிறந்த கலைஞரும், கவிஞரும் தேர்வு பெறுவார்கள். ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.

    போட்டியின் நடுவரான திருமதி. மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச்சங்கப் பேரவையின் (FeTNA) 2008, 2009, 2014-ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுக்களும், பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடைபவளம்.

    Share

  • படக்கவிதைப் போட்டி 63-இன் முடிவுகள்!

    -மேகலா இராமமூர்த்தி

    இவ்வாரப் படக்கவிதைப் போட்டிக்கான புகைப்படத்தின் ஒளிப்பதிவாளர் திரு. பிரேம்நாத் திருமலைசாமி. போட்டிக்கான படமாக இதனைத் தெரிவுசெய்திருப்பவர் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன். இவர்கள் இருவருக்கும் வல்லமை இதழின் நன்றி!

    monkeys

    குரங்குகளின் இயல்பை கவனித்தால், தாய்க்குரங்கு குட்டியைச் சுமந்து செல்லும் வழக்கமில்லை. மாறாகக் குட்டிதான் தானாக முயன்று தாய்க்குரங்கைக் கட்டிக்கொள்ளும். குரங்குகளின் இவ்வியல்பை ஒட்டி எழுந்ததே வைணவத்தின் (வடகலையார் பின்பற்றும்) ’மர்க்கட நியாயம்.’ இதன் பொருளாவது: இறைவனை அடைய (மானுட) ஆன்மாக்கள்தாம் முயலவேண்டும்; இறைவனே நம்மை வலிய ஆட்கொள்ளவேண்டும் என்று எதிர்பார்ப்பது தவறு.

    இதோ இந்தப் புகைப்படத்தில் தாய்க்குரங்கும் அதனை அணைத்துக்கொண்டிருக்கும் குட்டிக்குரங்கும் ஆவலோடு எதையோ உற்றுநோக்கிக்கொண்டிருப்பதுபோல் காண்கிறதே! (ஒருவேளை தேர்தல் பிரசாரத்தில் ஈடுபட்டிருக்கும் அரசியல்வாதிகள் யாரையேனும் விந்தையோடு நோக்கிக்கொண்டிருக்கின்றனவோ?!)

    சரி…போட்டிக்கு வந்திருக்கும் கவிதைகளைச் சற்று கவனித்துவருவோம்!

    ***

    மரங்களை அழித்து இயற்கையை முடமாக்கும் மானுடனைக் குறிப்பாய்ச் சாடுகின்றது திருமிகு. ஹிஷாலியின் கவிதையில் குரல்கொடுக்கும் குரங்குக்குட்டி! 

    அனுதினமும் நேசிக்கும்
    என் தாயிக்கு
    எப்படித் தெரியும்
    அடுத்த தலைமுறைக்கு
    இந்த மரக்கிளை
    சொந்தமில்லை என்று!

    ***

    இனி நாம் காணவிருப்பது இவ்வாரத்தின் சிறந்த கவிஞரை!

    மரத்தின் உச்சிக்கிளையில் அச்சத்தோடு அமர்ந்தபடி மருண்டுநோக்கும் மந்தியும், அதனை அணைத்தபடி அமர்ந்திருக்கும் கல்லா வன்பறழும் (குரங்குக்குட்டி), மனிதர்களின் தொடர்பே வேண்டாமென்றுதான் அவ்வாறு அமர்ந்திருக்கின்றன என்று இந்த மர்க்கடங்களின் செய்கைக்கு நியாயம் கற்பிக்கின்றது ஒரு கவிதை!

    தாய்மை யென்பது தலைமைவரம்,
    தலையது அதனைக் குனியவைக்கும்
    வாய்மையைக் காட்டிட வந்ததுவோ
    வழியி லுள்ள குப்பையுடன்
    வாய்மெய் விறைத்த பிள்ளையுடல்,
    வேண்டாம் மனிதன் தொடர்பென்றே
    தாய்சேய் குரங்குகள் தனியேதான்
    தாவி அமர்ந்ததோ மரத்தினிலே…! 

    மரத்தினில் அமர்ந்திருக்கும் கவிகளுக்கென (குரங்குகளுக்கு) இந்தக் கவியை வடித்திருக்கும் திரு. செண்பக ஜெகதீசனை இவ்வாரத்தின் சிறந்த கவிஞராய்த் தேர்ந்தெடுக்கின்றேன். படக்கவிதைப் போட்டியில் வாராவாரம்  பேரார்வத்தோடு பங்களிப்பு செய்துவரும் அவருக்கு என்னுடைய ஸ்பெஷல் பாராட்டுக்கள்!

     

     

    Share

  • படக்கவிதைப் போட்டி .. (63)

    பவள சங்கரி

    அன்பிற்கினிய நண்பர்களே!

    வணக்கம். கண்ணையும், கருத்தையும் கவரும் படமொன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் திறமை கொண்டவரா நீங்கள்?

    13140725_1010192735701592_721942733_n

    32535581@N07_lபிரேம்நாத் திருமலைசாமி எடுத்த இந்தப் படத்திற்கு ஒரு கவிதை எழுதுங்கள். இதனை நம் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன் தேர்ந்தெடுத்து அளித்துள்ளார்.

    இந்த ஒளிப்படத்திற்கு ஏற்ற கவிதையை நல்ல தலைப்புடன் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் சனிக்கிழமை (14.05.2016) வரை உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர்குழு உறுப்பினரும், தமிழிலக்கிய ஆராய்ச்சியாளருமான திருமதி மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு சிறந்த கவிஞராகத் தேர்ந்தெடுக்கப்படும் கவிஞர்களுக்கும் உண்டு. 12 மாதமும் தேர்வுபெறும் ஒளிப்படக் கலைஞர் / கவிஞர்களிலிருந்து ஆண்டின் சிறந்த கலைஞரும், கவிஞரும் தேர்வு பெறுவார்கள். ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.

    போட்டியின் நடுவரான திருமதி. மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச்சங்கப் பேரவையின் (FeTNA) 2008, 2009, 2014-ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுக்களும், பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடைபவளம்.

    Share

  • படக்கவிதைப் போட்டி 62-இன் முடிவுகள்

    -மேகலா இராமமூர்த்தி

    திருமிகு. வெண்மணி சிந்துஜாவின் புகைப்படத்தை இவ்வாரப் படக்கவிதைப் போட்டிக்குத் தேர்வுசெய்திருப்பவர் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன். இவர்கள் இருவரும் வல்லமையின் நன்றிக்கு உரியவர்கள்.

    working women

    நெஞ்சில் உரத்தோடும், நேர்மைத் திறத்தோடும் கரிப்புமணிகளான உப்பை உற்பத்திசெய்ய இந்தப் பெண்மணிகள் கொடும்வெயிலில், தம் கடும் உழைப்பையே மூலதனமாய் விதைக்கின்றனர். என்று மடியும் இவர்களின் மிடிமை? 

    இப்புகைப்படம் குறித்த நம் கவிஞர்களின் கருத்தாக்கங்களைக் கவனத்தோடு படித்துவருவோம்…வாருங்கள்!

    பகலவன் ஒளியில் தகதகவென மின்னும் உப்பளத்தில் வெயிலால் வெந்த உடலோடும் நொந்த மனத்தோடும் உழைத்துப் பிழைக்கும் இந்த அரிவையரின் துயர் தீர்வதெக்காலம்? எனும் தன் வேதனையைப் பதிவுசெய்திருக்கின்றார் திருமிகு. ஹிஷாலி.

    அலுப்பை போக்கும்
    அதிகாலை
    ஆண்டவன் அருளோடு 
    அவளின்  பயணம்…. 

    இறங்க மனமில்லை
    இறங்கியது கால்கள்
    சேலை வேட்டியானது
    செஞ்சிலுவை சட்டை போட்டு
    க ஞ்சிக் கலையம் தன் கண்மறைக்க 

    கடகடவென்று
    கடல்நீரைத் தளங்களில் பாய்ச்சிக்
    கதிரவன் துணைகொண்டு
    மடமடவெனக்
    கோடுபோட்ட வரப்பில்
    மஞ்சள் வெயில் மணத்தோடு
    தகதகவென மின்னும் உப்பளத்தில் 

    தாகம் மறந்து
    தேகம் மெலிந்து
    சோகம் குவியும்
    சொப்பன வாழ்க்கையில் 

    உடலோடு உழற்றும்
    உப்புக் காற்றில்
    கருவாடெனக் காய்ந்து
    திருவோடு அறியாத
    பிள்ளைக்காக
    தினம் தினம் வெந்து தணியும்
    வேள்வியில் 

    உலகமே ருசித்திருக்க
    உள்ளம் உருகுதே எங்கள்
    உயிரும் கருகுதே 
    எள்ளும் தண்ணியும்
    இறைப்பதற்குள் 

    இறைவா
    எங்களை மீட்டெடுக்க வாராயோ
    இல்லை மாற்று வழி தாராயோ!

     *** 

    வருத்தும் வறுமையை விரட்ட, உருக்கும் கோடையில் ஓய்வின்றி உழைக்கும் இதுபோன்ற உயர்ந்த பெண்களாலன்றோ வானம் பொய்யாது பெய்கின்றது என நெஞ்சம் நெகிழ்கிறார் திரு. செண்பக ஜெகதீசன்.

    உருக்கும் கோடை வெயிலதிலே
    உப்பு சுமந்து பிழைக்கின்றாள்,
    வருத்தும் வறுமை போக்கிடவே
    வழிகள் தவறாய் எடுக்கவில்லை,
    தெருவில் தனியாய் இருந்தாலும்
    தீவிர உழைப்பு பிள்ளைக்கே,
    இருக்கும் இதுபோல் பெண்களால்தான்
    இன்னும் பெய்யுது மழையிங்கே…!

    ***

    இவ்வாரத்தின் சிறந்த கவிஞரைச் சந்திக்கும் நேரமிது!

    அனிச்சமும் அன்னத்தின் தூவியும் மாதர்
    அடிக்கு நெருஞ்சிப் பழம் என்று குறள் வடித்தார் வள்ளுவப் பேராசான். ஆனால் காலணியின்றித் தம் மெல்லடிகளில் கொப்புளங்கள் வருமளவிற்கு உப்பளங்களில் உழைக்கும் இப்பாவையரின் துயர்  நம் கண்களில் நீரை வடியவைக்கின்றது அல்லவா?

    நல்குரவென்னும் இடும்பையால் பல்வகைத் துன்பங்களையும் அயராது அனுபவிக்கும் இப்பெண்மணிகளின் வாழ்க்கைத்தரம் உயரவேண்டும்; துன்பங்கள் அவர்தம் வாழ்வினின்றும் கடந்து போகவேண்டும் என்ற நியாயமான எதிர்பார்ப்பை வெளிப்படுத்தியிருக்கும் கவிதையொன்று…

    ராமன் ஆண்டாலென்ன
    ராவணன் ஆண்டாலென்ன
    ராப்பகல் பாராமல் காலில்
    கொப்பளம் வந்தாலும் பொருட்படுத்தாது
    உப்பளத்திலிருந்து உப்பைச் சுமந்து சுமந்து
    சுமைதாங்கியாய்ப் போனாலும்
    அசரவில்லை என்றும் அதனால்
    உசரவும் இல்லை வாழ்க்கைமுறை
    இலவசமாய்க் கிடைக்கும் மிக்ஸியும்
    இலவசமாய்க் கிடைக்கும் செல்போனும்
    இன்னபிற சாமான்களும் வந்து
    என்ன உபயோகம்?
    அதை     இயக்க காசு வேண்டாமா ?
    வயிற்றில் ஈரத்துணியை க்கட்டிக்கொண்டு
    ஓரமாய் அமர்ந்தால் பசி போகுமா?
    பெற்ற பிள்ளைகளுக்குச் சோறு போடுமா இலவசங்கள்?
    கற்ற (அரசியல்) வித்தை காட்டி
    உற்றவர்களும், உறவுகளும்
    உல்லாசத்தை அனுபவிக்க
    உழைப்பாளிகள் வெயிலோடும் மழையோடும்
    வறுமையோடும் என்று மாறுமோ இந்த நிலை என்று
    பொறுமை காக்கின்றனர் இதுவும் கடந்து போகுமென்று!

    அரசாங்கம் அளிக்கும் இலவசங்களான மிக்ஸியும், செல்போனும் ஏழைமக்களின் வயிற்றுப்பசிக்கு உணவாகா; உழைப்பு ஒன்றே அவர்களின் பசிப்பணி தீர்க்கும் அருமருந்து என்பதைத் தன் கவிதையில் இயல்பாய் வெளிப்படுத்தியிருக்கும் திருமிகு. சரஸ்வதி ராஜேந்திரன், இவ்வாரத்தின் சிறந்த கவிஞராய்த் தேர்வுபெறுகின்றார். அவருக்கு என் பாராட்டுக்கள்!

     

     

     

    Share

  • ஔவை நடராசன் – 81

    Avvai Natarajan and Annakannan

    புகழ் பூத்த தமிழறிஞர் ஔவை நடராசன் அவர்கள், அண்மையில் முத்து விழா கண்டுள்ளார். 80 வயது நிறைந்து, 81ஆம் ஆண்டில் நுழைந்துள்ளார். கனிந்த வயதில், நிறைந்த வாழ்வில்,  செறிந்த அனுபவங்கள் கொண்ட அவருடன் அண்ணாகண்ணன், 2016 மே 2ஆம் நாள் நிகழ்த்திய தொலைபேசி உரையாடல் இங்கே.

     

    Share

  • படக்கவிதைப் போட்டி (62)

    பவள சங்கரி

    அன்பிற்கினிய நண்பர்களே!

    வணக்கம். கண்ணையும், கருத்தையும் கவரும் படமொன்றைக் கண்டவுடன் உங்கள் உள்ளத்தில் கவிதை ஊற்றெடுக்கும் திறமை கொண்டவரா நீங்கள்?

    13077391_1006164376104428_1216165247_n
    127289602@N03_rவெண்மணி சிந்துஜா எடுத்த இந்தப் படத்திற்கு ஒரு கவிதை எழுதுங்கள். இதனை நம் வல்லமை ஃப்ளிக்கர் குழுமத்தின் பொறுப்பாசிரியர் திருமதி. சாந்தி மாரியப்பன் தேர்ந்தெடுத்து அளித்துள்ளார்.

    இந்த ஒளிப்படத்திற்கு ஏற்ற கவிதையை நல்ல தலைப்புடன் பின்னூட்டமாக இடலாம். ஒருவரே எத்தனை கவிதைகள் வேண்டுமானாலும் எழுதலாம். வரும் சனிக்கிழமை (07.05.2016) வரை உங்கள் கவிதைகளை உள்ளிடலாம். அவற்றில் சிறந்த கவிதையை நம் வல்லமை இதழின் ஆசிரியர்குழு உறுப்பினரும், தமிழிலக்கிய ஆராய்ச்சியாளருமான திருமதி மேகலா இராமமூர்த்தி தேர்வு செய்வார். ஒவ்வொரு வாரமும் சிறந்த கவிஞர் ஒருவர் தேர்ந்தெடுக்கப்படுவார். ஒருவரே பலமுறை பங்கு பெறலாம். இவ்வாய்ப்பு சிறந்த கவிஞராகத் தேர்ந்தெடுக்கப்படும் கவிஞர்களுக்கும் உண்டு. 12 மாதமும் தேர்வுபெறும் ஒளிப்படக் கலைஞர் / கவிஞர்களிலிருந்து ஆண்டின் சிறந்த கலைஞரும், கவிஞரும் தேர்வு பெறுவார்கள். ஒளிப்படத்திலிருந்து தாக்கமும் தூண்டுதலும் பெற்று எழும் அசல் படைப்புகளை ஊக்குவிப்பதே இதன் நோக்கம். கவிஞர்களையும் கலைஞர்களையும் கண்டறிந்து ஊக்குவிப்பதற்கான அடையாளப் போட்டி இது; வெற்றி பெறுபவர்களுக்குப் பரிசளிப்பு இருக்காது; பாராட்டு மட்டுமே உண்டு. ஆர்வமுள்ளவர்களைப் பங்குபெற அழைக்கிறோம்.

    போட்டியின் நடுவரான திருமதி. மேகலா இராமமூர்த்தி புதுச்சேரி மாநிலத்தின் காரைக்காலில் பிறந்தவர். கணிப்பொறி (MCA) மற்றும் தமிழில் (MA) முதுகலைப் பட்டம் பெற்ற இவர், அமெரிக்க தமிழ்ச்சங்கப் பேரவையின் (FeTNA) 2008, 2009, 2014-ஆம் ஆண்டுகளின் (ஆர்லாண்டோ, அட்லாண்டா & மிசௌரி) கவியரங்கம், இலக்கிய வினாடிவினா நிகழ்ச்சிகளில் பங்கேற்றுப் பாராட்டுக்களும், பரிசுகளும் பெற்றுள்ளவர். சங்கப் பாடல்களில் அதிக ஆர்வமும், இலக்கியக் கூட்டங்களிலும், பட்டிமன்றங்களிலும் சுவைபடப் பேசுவதில் வல்லமையும் பெற்றவர். இவருடைய வலைப்பூ – மணிமிடைபவளம்.

    Share

  • படக்கவிதைப் போட்டி 61-இன் முடிவுகள்

    -மேகலா இராமமூர்த்தி

    பிஞ்சுக் குழந்தையின் மெய்தீண்டலும், அதன் அமுதனைய சொற்கேட்டலும் அன்னைக்கு அளிக்கும் இன்பம் அளவற்றது.

    ”மக்கள் மெய்தீண்டல் உடற்கின்பம் மற்றுஅவர்
    சொற்கேட்டல் இன்பம் செவிக்கு”     என்ற பொய்யில் புலவரின் பொருளுரை இங்கு நம் நினைவுக்கு வருகின்றது.

    mom and baby

    திருமிகு. அனிதா சத்யத்தின் கைவண்ணத்தில் மிளிரும் இந்த வண்ணப்படத்தைப் படக்கவிதைப் போட்டிக்குப் பாங்காய்த் தேர்ந்தெடுத்துத் தந்துள்ளார் திருமதி. சாந்தி மாரியப்பன். இருவருக்கும் வல்லமையின் நன்றி!

    செங்கனி வாய்திறந்து இந்த மழலை உதிர்க்கும் சொல்முத்துக்கள், நம் கவிஞர்களிடம் பல கவிதை வித்துக்களை முளைவிடச் செய்திருக்கும். அவற்றை நாமும் இரசித்துவருவோம்!

    ”அப்பன் நம்மைக் காக்காவிட்டால் என்ன? அகிலம் பெரிது! வாழ நினைத்தால் வாழலாம்” எனத் தன் குழந்தைக்கு மனவுறுதியூட்டும் மறத்தாயைக் கவிதையில் வடித்துள்ளார் திரு. செண்பக ஜெகதீசன்.

    அப்பன் விட்டுச் சென்றாலும்
    அகிலம் பெரிது வாழ்ந்திடலாம்,
    தப்பென யாரையும் சொல்லவேண்டாம்
    தங்கமே உனைநான் வாழவைப்பேன்,
    எப்பவும் நல்வழி நடந்திடுவாய்
    ஏழைகள் நமைப்போல் பலருண்டு,
    குப்பையில் கிடைத்த வைரம்நீ
    கோபுரம் ஏற்றுவேன் தாய்நானே…!

    ***

    பொக்கைவாய்ச் சிரிப்பிலும், மழலைப் பேச்சிலும் மனம் மயக்கும் இந்தக் குழந்தையின் பலத்தால், குடிகாரப் புருஷனால் முழுகிய தன்குடி தலைநிமிர்ந்துவிடும் என்று நம்புகின்ற தாயைக் காண்கின்றோம் திருமிகு. சரஸ்வதி ராசேந்திரனின் கவிதையில்.

    குடிகாரப் புருஷனால்
    குடிமுழுகிபோனாலும்
    மடிநிறைய மலர்த்தோட்டமாய் நீ
    அடிவைத்ததும் துன்பங்களெல்லாம்
    ஓரடித் தூரத்தான்போயின
    உன் பொக்கை வாய் சிரிப்பிலும்
    உன் மழலைப் பேச்சிலும்
    என் கவலைகள்தூசாகிப் போயின
    மகனே உன் பலத்தால் உலகை ஆளும்
    மனத்திண்மைபெறுவேன்
    வெற்றிகள் பெற்று
    விரைந்து செயலாற்ற
    உற்றதுணை நீயே !
    பய பஞ்சம் பத்து நாளில் போகுமென்பார்
    நியதி நெறிகள் நிம்மதிப் பெய்தே
    உயர நம்மை உயர்த்திவிடும் கண்ணே
    அம்மா சொல்படி கேட்டுப் படித்து
    சும்மா சோம்பேறியாய் இல்லாமல் மற்றவர்
    மூக்கில் விரல் வைக்கப் படித்து
    முன்னுக்கு வா என் முத்தாரமே
    அச்சாரமாய்த் தருகிறேன் அன்பு முத்தம்

     ***

    இந்த வாரத்தின் சிறந்த கவிஞராய்த் தேர்வுபெற்றிருப்பவரை அடுத்துச் சந்திப்போம்!

    இன்மையாலும் (வறுமை), கணவன் மற்றும் குடும்பத்தினரின் அன்பும் ஆதரவும் இன்மையாலும், இப்புவியில் எத்தனையோ மங்கையர் உண்ண உணவின்றி, வாழ வழியின்றித் தம் வாழ்க்கையெனும் ஓடத்தை எதிர்நீச்சல் போட்டே செலுத்துகின்றனர். இதற்கிடையில், தம் குழந்தைகளைப் படிக்கவைத்து ஆளாக்க அவர்கள் படும்பாடோ வார்த்தைகளால் விவரிக்க இயலாத துயர காவியங்கள்!

    மிடிமை தன்னை அடிமைசெய்து வாட்டிவதைக்கின்ற போதினும், கோழையைப்போல் தன் மகளுக்குக் கள்ளிப்பால் ஊட்டாத ஏழைத்தாயை நம் கண்முன் நிறுத்தும் கவிதை நம்நெஞ்சைக் கனக்கச்செய்கிறது.

    வறுமை வாக்கரசி போட 
    சொந்த ஊரை விட்டு
    சொப்பனம் தேடி வந்தேன் 

    அப்பன் ஆத்தாளை மறந்து
    அடுக்குமாடி கட்டிடத்தில்
    அயராது உழைத்தேன் 

    இருக்க மனையில்லை
    இல்லறம் சுகமில்லை 
    பறக்கும் காகம் போல்
    கண்ட இடத்தில்
    உண்டு உறங்கி
    உயிர் வாழும் எனக்கு …

    சிம்ம சொப்பனமாய்ச்
    சீமாட்டி நீ தரிக்க
    பெண்மையை உணர்ந்து 
    பேறுகாலம் பெற்றேன் 

    கள்ளி அறியாத்
    தாய்ப் பாலை
    சொல்லிச்  சொல்லி
    கொடுத்தேன் என்
    கட்டிச் செல்வமே 

    நான் கட்டையில்
    போகும் வரை 
    உன் கடன் தீராதடி
    முத்துச் செல்வமே
    முழுமதியே 

    இந்தச் சொத்தைத் தவிர
    வேறில்லையே
    இந்த உலகில்
    எழுந்து விளையாடு
    எதிர் நீச்சல் நீ போட…!

    பொன்னும் பொருளும் இல்லையென்று கலங்காது, பெற்ற குழந்தையையே பெறற்கரும் சொத்தாக நினைந்துபோற்றும் அன்னையின் உள்ளத்தைத் திறந்துகாட்டியிருக்கும் திருமிகு. ஹிஷாலியை இவ்வாரத்தின் சிறந்த கவிஞரென அறிவிக்கின்றேன்.

     

     

     

     

    Share

  • நைல் நதி நாகரீகம், பிரமிடைக் காண வந்த பிரெஞ்ச் போர்த் தளபதி நெப்போலியன், சூயஸ் கால்வாய்த் திட்டம் – 10

     

    image1

     

    -சி. ஜெயபாரதன் B.E.(Hons) P.Eng (Nuclear), கனடா 

    பிரமிடுகள் காலத்தில் தோன்றிய கால்வாய்
    பெரோஸ், பெர்ஸியர் தோண்டிய கால்வாய்
    கிரேக்கர், ரோமர் கைவிட்ட கால்வாய்
    நெப்போலியன் திட்டம் துவங்கிய கால்வாய்
    பிரெஞ்ச் நிபுணர் இறுதியில் பூர்த்தி செய்த
    பெருநீளக் கடல்மட்ட சூயஸ் கால்வாய்.

    ++++++++

    ‘மகா பிரமிட் கூம்பகம் நான்கு திசை முனைகளுக்கு [Four Cardinal Points: North, South, East & West] ஒப்பி நேராகக் கட்டப் பட்டிருந்தது! கூம்பு வழியாக வரையப்படும் நேர்குத்து அச்சு [Meridian] பிரமிடை இணையாகச் சரி பாதி பிரித்தது! மேலும் அக்கோடு நைல் நதி பாயும் சங்கம அரங்கையும் [Nile River Delta Region] சரி பாதியாகப் பகுத்தது. ‘

    நெப்போலியன் தளவியல் வரைவுக் குழு [Napolean Survey Team (1798)]

    image2

     

    முன்னுரை: கி.மு.2650 ஆண்டு முதலே எகிப்தின் வல்லமை படைத்த கல் தச்சர்கள் பிரமிடுகள் [Pyramids] மற்றும் பலவித பிரம்மாண்டமான சிற்பப் பொறியியல் அற்புதங்களைப் படைத்ததற்குச் சான்றுகள் இப்போதும் அங்கே உள்ளன! நைல் நதியின் மேற்குக் கரையில் கட்டப்பட்ட பிரமிக்கத் தக்க பிரமிடுகள், இறந்தவரைப் புதைக்க அமைத்த கற்கோபுரங்கள்! நாற்புறச் சம கோணச் சாய்வு வடிவான பிரமிடுகள் கல் தச்சர்களின் வரைக் கணித ஞானத்தையும் [Geometrical], கூரிய நிபுணத்துவத்தையும் காட்டுகின்றன. சிற்பக் கலையும், ஓவியக் கலையும் உன்னத நிலையில் இருந்ததற்கு எகிப்தின் பிரமிட் கோபுரங்கள், கால வெள்ளம் அடித்துச் செல்லாதபடி நிலைத்த சரிதைகளாய் நிமிர்ந்து நிற்கின்றன! ஆனால் பெரோ மன்னர்கள் முதலில் தோண்டிய கடல் இணைப்புக் கால்வாய் பலமுறைச் சிதைந்து, பல்வேறு வல்லுநர்களால் பலவித வடிவங்களில் பலமுறை மாற்றமாகி இப்போது புது உருவம் பெற்றுள்ளது!

    image3

     உலகிலே நீண்ட சூயஸ் கால்வாயிக்கு நெப்போலியன் திட்டம்

    முதல் நைல் நதிக் கால்வாய் மூன்றாம் துத்மோஸிஸ் [Tuthmosis III] மன்னரால் தோண்டப் பட்டாலும், கி.மு. ஆறாம் நூற்றாண்டில் ஆண்ட மன்னன் பெரோ நெக்கோ [Pharaoh Necho] கட்டியதாகத்தான் சரித்திரச் சான்றுகள் கிடைத்துள்ளன. பின்னால் எகிப்தைக் கைப்பற்றிய பெர்ஸிய மன்னன் முதலாம் தாரியஸ் [Darius I] வெட்டப்பட்ட கால்வாயை முடிக்குமாறு உத்தரவிட்டதாக அறியப் படுகிறது. அந்தக் காலத்தில் கட்டிய கால்வாய், இரட்டை அமைப்பாடுகளைக் கொண்டது. முதலாவது, பெரிய பிட்டர் ஏரியை [Bitter Lake] சூயஸ் வளைகுடாவுடன் இணைத்தது; இரண்டாவது கட்டத்தில் பிட்டர் ஏரியை நீள நைல் நதிச் சங்கமப் பிரிவுகள் ஒன்றுடன் சேர்ப்பது. கால்வாயைக் கட்டும் பணியில் சுமார் 120,000 எகிப்திய பாமரர் மாண்டதாக அறியப்படுகிறது! புகழ்பெற்ற டாலமி காலத்தில் [Ptolemaic Era (323-30 B.C.)] கால்வாய் நீளமாக்கப்பட்டுச் சீரிய முறையில் இருந்ததாக வரலாறுகளில் உள்ளது. அதன் பின்னால் கால்வாய் சிதைவுற்றதை ரோமாபுரிப் பேரரசர் டிராஜன் [Roman Emperor Trajan (A.D.98-117)] சீர்ப்படுத்தினார்! பிறகு அரேபிய மன்னர் அமர் இபன்-அல்-ஆஸ் [Amr Ibn-Al-Aas] கால்வாயைச் செம்மைப் படுத்தினார்.

    image4

    எட்டாம் நூற்றாண்டுக்குப் பிறகு கால்வாய் மறுபடியும் செப்பமிட முடியாத நிலையில் சிதைந்து கிடந்தது! 1671 இல் புகழ்பெற்ற ஜெர்மன் கணித மேதை லெப்னிட்ஸ் [Leibnitz (1646-1716)] தனது எகிப்து விஜயத் திட்டத்தின் போது, பிரென்ச் மன்னர் பதினான்காம் லூயியிடம் [Louis XIV] கடல்களை இணைக்கும் அத்தகைய கால்வாயைப் பற்றி உரையாடியதாகத் தெரிகிறது. தற்போதைய கால்வாய் முயற்சியில் சுல்தான் மூன்றாம் முஸ்தபா [Sultan Mustafa III (1757-1773)], அடுத்து நெப்போலியன் ஆரம்பிக்க தள ஆய்வு வேலைகள் ஆரம்பமாயின. அவ்வாறு எகிப்து நாகரீகத்தில் பிறந்து, பல மன்னர்களின் வசப்பட்ட ஒரு பண்டைக் கால்வாய், பல்லாயிரம் ஆண்டுகள் தாண்டி கி.பி.1869 ஆம் ஆண்டில் பிரென்ச் நிபுணர்களால் புத்துயிர் பெற்றுப் பூர்த்தியானது ஒரு சுவையானப் பொறியியல் வரலாறு! ஈரோப்பிற்கும் இந்தியாவுக்கும் எகிப்து கால்வாய் வழியாக சுருக்குப் பாதை அமைக்க முதன்முதல் ஆலோசனை கூறியவர் பிரென்ச் அதிபதி நெப்போலியன்! நூறு மைல் நீளம், 200 அடி அகலமுள்ள சூயஸ் கால்வாய், ஐரோப்பாவில் ஏற்பட்ட தொழிற்புரட்சியின் விளைவாகப் பத்தொன்பதாம் நூற்றாண்டில், மனிதரால் படைக்கப் பட்ட மகத்தான ஒரு பொறியியல் பூதக் கால்வாயாகக் கருதப்படுகிறது!

    image5

    image6

    கி.மு.1920 ஆண்டில் எகிப்து பெரோஸ் மன்னர்கள் [Pharaos] காலத்திலே மத்தியதரைக் கடலையும், செங்கடலையும் கால்வாய் மூலம் இணைக்கும் முன்னோடிப் பணிகள் முதலில் ஆரம்பிக்கப் பட்டன என்று எகிப்து சூயஸ் கால்வாய்ப் பல்கலைக் கழகத்தின் பேராசிரியர் டாக்டர் மம்தோவ் ஹம்ஸா [Dr.Mamdouh Hamza] அறிவிக்கிறார். டாக்டர் ஹம்ஸா நிலவியல் யந்திரப் பொறியியல் நிபுணர் [Civil Engineer, Soil Mechanics]. நீள நைல் நதியின் கடல் சங்கமப் பகுதியில் ஒரு கால்வாயை வெட்டி, இரண்டு கடல்களையும் சேர்த்ததாக வரலாறுகளில் அறியப் படுகிறது. முற்காலத்தில் ஈரோப்பிலிருந்து இந்தியாவுக்கு வர நைல் நதியின் வழியாகக் கப்பல்கள் முதலில் பயணம் செய்து, கால்வாய் மூலமாகக் கடலை அடைந்ததாகத் தெரிகிறது. அதன் பின்பு கால்வாய் கவனிப்பாரற்று அடுத்து கிரேக்க, ரோமாபுரி வேந்தர்களால் பல தடவைத் தோண்டப் பட்டு மீண்டும் புறக்கணிக்கப் பட்டது! எகிப்து நாடு அரேபியர் கைவசம் ஆன பிறகு, மறுபடியும் கால்வாய் தோண்டப்பட்டு, நிரப்பப் படாமல் பல்லாண்டுகள் கிடந்தது! பின்னால் கால்வாயில் நீர் நிரப்பப்பட்டது.

    image7

    எகிப்த் மீது படையெடுத்த நெப்போலியன்

    1798 மே மாதம் 19 ஆம் தேதி பிரெஞ்ச் மாவீரன் நெப்போலியன் போனபார்ட் தென் பிரான்ஸின் டொவ்லான் [Toulon] கடற்கரையிலிருந்து 328 கப்பல்களில் 35,000 படைவீரர்களுடன் எகிப்தைக் கைப்பற்றும் நோக்கத்துடன் கிளம்பினார். அப்போது நெப்போலியனுக்கு 29 வயது! பிரிட்டாஷ் இந்தியாவை அடுத்துப் பிடிக்க ஓர் பாதை அமைக்கவே நெப்போலியன் எகிப்தை முதலில் தன்வசப் படுத்தப் போர்தொடுத்ததாகத் தெரிய வருகிறது! மேலும் பிரெஞ்ச ஆதிக்கம் உலக அரங்கில் பட்டொளி வீசிப் பறக்க வேண்டும் என்ற பேராசையில் புறப்பட்டதாகும் வரலாறு கூறுகிறது! அந்தக் காலத்தில் எகிப்த் நாடு ஐரோப்பிய பேராசைப் போர்வாதிகளுக்கு ஒரு முக்கிய குறிவைப்பு நாடாகக் கருதப் பட்டது! பிரிட்டனுக்கும், இந்தியாவுக்கும் நடுப்பட்ட ராணுவக் குறுக்கு நாடாக எண்ணப் பட்டது! சிறப்பாக அப்படை எடுப்புக்கு சாவந்த் [Savants] எனப்படும் பிரெஞ்ச் ஞானிகள் 175 பேரைத் திரட்டி நெப்போலியன் தயார் செய்தார் என்று அறியப் படுகிறது! அவர்கள் யாவரும் எகிப்தின் பூர்வீக நாகரீகக் கலாச்சாரத்தை ஆழமாக அல்லது ஓரளவு அறிந்தவாராக இருந்தனர்! அவர்கள் மகா பிரமிட்கள், மற்ற எகிப்தின் பூர்வீகக் களஞ்சியங்களைத் தோண்டிக் காணும் பணிக்கு அழைத்து வரப்பட்டவர்!

    image8

    image9

    அப்போது எகிப்தை துருக்கியின் சுலதான் ஆண்டு வந்தார். ராணுவக் கண்ணோட்டத்தில் ஆராய்ந்தால், நெப்போலியன் எகிப்தியப் படையெடுப்பு ஒரு படுதோல்வி முயற்சி என்று சொல்லப் படுகிறது. பாலை வனத்தின் மணல் மீது தாங்க முடியாத தீப்பறக்கும் நடு வேனிற் காலத்தில் பிரெஞ்ச் படை போய் இறங்கியது! பிரமிடை நெருங்கிய பிரெஞ்ச் படையினரைச் சுமார் 10,000 எகிப்தியக் குதிரை வீரர்கள் [Mameluke Horsemen] தாக்கினர். அதே எகிப்தியப் படைகள்தான் கெங்கிஸ் கானுடன் [Genghis Khan] போரிட்டு எதிர்த்து நின்றவர். ஆனால் அந்த உள்நாட்டுப் படை வீரர்கள், பிரெஞ்ச் வீரர்கள் கூரிய துப்பாக்கி ரவைகள் முன்பு தாக்க முடியாமல் அடிபட்டுப் போயின! இரண்டு மணி நேரத்திற்குள் 10,000 எகிப்தியர் சுடப்பட்டு மடிந்தனர்! வடக்கே மேற்புறத்தில் வெற்றி பெற்றாலும், நெப்போலியன் படை தெற்கே கீழ்ப்பகுதியில், மாமிலூக் குதிரை வீரர்கணின் கொரில்லாச் சூழ்ச்சிப் போரில் தோற்றுக் கைதி செய்யப் பட்டார்! அதே சமயத்தில் பிரெஞ்சின் பெரிய கடற்படை பிரிட்டன் கடற்படைத் தளபதி நெல்ஸனால் பேரளவு சிதைந்து போய், நெப்போலியன் சிறைப் பட்டார்! 1801 ஆம் ஆண்டில் எகிப்த் பிரெஞ்ச் வசமிருத்து மீட்கப் பட்டது!

    image10

    நெப்போலியன் படையெடுப்பு எகிப்தின் புதையல் ஆய்வுகளுக்கு வழியிட்டது!

    பல நூற்றாண்டுகளாய் எகிப்தின் கலாச்சார நாகரீகம் ஐரோப்பியருக்கு ஒரு பெரும் புதிராகவே இருந்து வந்தது. பொதுவாக கிறிஸ்துவர்கள் எகிப்தில் அந்தக் காலங்களில் வரவேற்கப் படுவதில்லை! ஐரோப்பிய அறிஞர்கள் எகிப்தில் கால்வைப்பதற்கு முன்பு, கிரேக்க ரோமானியர் எகிப்தின் களஞ்சியங்களை எடுத்துச் சென்று, துல்லியமற்ற அறிக்கைகளை வெளியிட்டனர்! நெப்போலியன் எகிப்த் நாடு முழுவதையும் கைப்பற்ற முடியாமல் போனாலும், அவர்தான் பூர்வீக எகிப்தியக் கலாச்சார நாகரீகத்தை வெளி உலகுக்கு முதன்முதல் அறிவித்தவர்! அதன் பிறகுதான் விஞ்ஞான முறையில் எகிப்தியர் பிரமிட்களும், ஆலயங்களும் ஆராயப் பட்டன! எகிப்தின் படை யெடுப்பைத் திட்டமிட்ட நெப்போலியன்தான், அதன் நாகரீகம் சரிவர ஆராய்ந்து பதிவு செய்யப் படவில்லை என்று கண்டறிந்தவர்! நெப்போலியன் அழைத்துச் சென்ற சாவந்த் ஞானிகள், படைவீரர் நுழைந்து சென்ற தளங்கள் எல்லாம் பின்தொடர்ந்து, பூதளவியல், வரலாறு, கலாச்சாரம், தொல்பொருள் சம்பந்தப் பட்ட, ஏராளமான தகவல்கள் [Description de l ‘Egypte] சேர்த்ததாக அறியப் படுகிறது! 12 நூலடுக்குகள் [Volumes] கொண்ட அவற்றில் ஏராளமான படங்கள் (910 Plates) வரையப் பட்டிருந்தன! 1809-1828 ஆண்டுகளில் அவை யாவும் சீரிய முறையில் பதிப்பில் வந்தன.

    image11

     

    (முற்றும்)
    https://youtu.be/Zj4O560cHaU
    https://youtu.be/MJ85Fkz-VaE

    தகவல்:

    1. Guide to Places of the World Egypt By: Reader ‘s Digest (1987)
    2. Atlas of the World History By: Harper Collins (1998)
    3. The Ancient World, Quest for the Past (1984)
    4. How in The World By: Reader ‘s Digest (1990)
    5. Age of the Pyramids, Egypt ‘s Old Kingdom By: National Geographic (January 1995)
    6. Finding A Pharaoh ‘s Funeral Bark & Riddle of the Pyramid Boats By: National Geographic (April 1988)
    7. The History of Art for Young People By: H.W. Janson.
    8. Ancient Egypt, Who Built the Pyramids, How old Are the Pyramids, PBS & WGBH Web Site (1997)
    9. The Sphinx of Egypt – The Great Sphinx [www.nmia.com/~sphinx/egyptian_sphinx.html] (May 23, 2002)
    10.  Ramesses II Temple & Nafertari Temple at Abu Simbel Egypt [Several Web Sites]
    11.  The New American Desk Encyclopedia, Abu Simbel (1989)
    12.  Britannica Concise Encyclopedia, Abu Simbel Temples (2003)
    13.  Egyptian Art & Paintings [Several Websites]
    14.  Egypt: Art & Architecture [Several Websites]
    15.  Egyptian Art [ http://www.artchive.com/artchive/E/egyptian.html%5D From ‘The Story of Art ‘ By: Ernest Hans Gombrich.
    16.  History of Western Art, Nature in Egyptian Art By: Lynn Salerno University of North Carolina [http://home.sprynet.com/~bdsalern/egyptart.htm]
    17.  Egyptian Dancers [From Websites].
    18. The Art of the Amarna Period By: Magaera Lorenz.
    19. Egyptian Architecture: Pyramids, Tombs, Temples, Statues & Monuments. [Articles: 1992, 1996]
    20. Egyptian Architecture, Pyramids & Temples [www.oldandsold.com/articles10/fameous_buildings-1.shtml]
    21. The Geometry & Mathematics of the Great Pyramid By: Karl-H [Homann ‘s Manuscript (1996)]
    22. Secrets of the Great Pyramid By: Peter Tompkins (1978)
    23. History Topic: An Overview of Egyptian Mathematics.
    24. The Ancient Egyptian Number System By: Caroline Seawright (March 19, 2001)
    25. Parameter A & The Egyptian Decans By: Andrew Bourmistroff.
    26. The Great Pyramids – The Library of Xalexandria.
    27. Ancient Egyptian Astronomy By: David Noll.
    28. Time, The Egyptians & The Calendar By: Deborah Houliding.
    29. Napoleon ‘s Expedition to Egypt [1798]
    30. The Age og Enlightment: Napoleon ‘s Invasion of Egypt (Secrets of the Great Pyramids) By: Peter Tomkins.
    31. Suez Canal Thinnai Article [http://www.thinnai.com/sc0422043.html] By the Author.
    1.  http://napoleon.lindahall.org/learn.shtml
    2.  http://www.historyofwar.org/articles/wars_french_egypt.html
    3.  https://en.wikipedia.org/wiki/French_campaign_in_Egypt_and_Syria[April 16, 2016]

    **************************

    1. Jayabarathan [jayabarathans@gmail.com]  (April 19, 2016)  [R-1]

     

    Share