Advertisements
இலக்கியம்கவிதைகள்

புதுமை காட்டும் புத்தாண்டு!

மகாதேவ ஐயர் ஜெயராமசர்மா
மெல்பேண், ஸ்திரேலியா 

 

வெடித்துச் சிதறும் பட்டாசு

விடியல் காட்டும் குறியல்ல

இடக்கு முடக்கு வாதங்கள்

எதற்கும் தீர்வு வழியல்ல

நினைப்பில் மெய்ம்மைப் பொறியதனை

எழுப்பி நின்று பார்த்திடுவோம்

பிறக்கும் வருடம் யாவருக்கும்

சிறப்பை ஈந்து சிரிக்கட்டும்!

 

அறத்தைச் சூது கவ்வுமெனும்

நினைப்பை பொசுக்கி எரித்திடுவோம்

உளத்தில் உறுதி எனுமுரத்தை

இருத்தி வைக்க எண்ணிடுவோம்

சிறுமை தொலைந்து போகட்டும்

வெறுக்கும் எண்ணம் மடியட்டும்

புதுமை காட்டும் பாங்குடனே

புதிய வருடம் பிறக்கட்டும்!

Print Friendly, PDF & Email
Download PDF
Advertisements
Share

உங்கள் கருத்துகளைத் தெரிவிக்க