வல்லமை

Blog

  • உலக சுகாதார நிறுவன அறிவிப்பு

    பவள சங்கரி

    உலகிலுள்ள மொத்த குழந்தைகளில் இந்தியாவில் மட்டும் சுமாராக 31% குழந்தைகள் (1,21,000 ஆயிரம்) ஊட்டச்சத்து குறைபாடுகளாலும், கல்வி கற்பதற்குரிய வசதியின்றியும், சரியான வாழ்வாதாரங்களின்றியும் உள்ளதாக உலக சுகாதார நிறுவனம் அறிவித்துள்ளது. உலகில் முதலாவது இடத்திலுள்ள நம்மைவிட நைஜீரியா, பாகிஸ்தான், யுகாண்டா போன்றவைகள் முறையே 7, 6, 5 சதவிகிதங்களில் இருப்பதாக அறிவிக்கப்பட்டுள்ளது. தென் ஆப்பிரிக்க நாடுகளான யுகாண்டா, நைஜீரியா போன்ற நாடுகளில் உள்ள குழந்தைகளில் 95% பேர் ஊட்டச்சத்து குறைபாடுகளால் அவதியுறுகின்றனர். வளரும் நாடுகளில் முதல் இடத்தில் இருக்கும் நம் இந்தியா ஒரே ராக்கெட்டில் 109 சாட்டிலைட்டுகளை விண்ணில் செலுத்தியுள்ளது. விரைவில் மேலும் 45 ராக்கெட்டுகளை விண்ணில் செலுத்த இருக்கிறோம். செவ்வாய் கிரகத்திற்கும் ராக்கெட் அனுப்பிவிட்டோம். நமக்காக தனி ஜி.பி.எஸ் கூட உருவாக்கிவிட்டோம். இப்படி எத்தனையோ முன்னேற்றங்களுடன் பெருமைகள் கொண்டிருந்தாலும், மிக முக்கியமான பிரச்சனையான, நம் வருங்கால சந்ததிகளான குழந்தைகள் விசயத்தில் மிகவும் பின் தங்கி, நலிவுற்ற குழந்தைகள் உள்ள நாடுகளில் முதலாவது இடத்தில் இருப்பது வேதனை. பல்வேறு துறைகளுக்காக பல ஆயிரம் கோடிகளை ஒதுக்கும் மத்திய அரசு குழந்தைகளின் நல்வாழ்விற்காக கவனம் செலுத்தி நாளைய நமது சந்ததியினரை வாழ வைப்பார்கள் என்று நம்புவோம். குழந்தைகள் நலனில் எப்போதும் அதிக அக்கறை செலுத்தும் நமது பிரதமர் மோடி அவர்கள் இந்தப் பிரச்சனைகளில் தனி கவனம் செலுத்தி தீவிர நடவடிக்கை எடுப்பதன் மூலம் மக்கள் மனதில் நிலையான இடம் பிடிப்பார் என்பதும் உறுதி.

    Share

  • கேசவ் வண்ணம் – கிரேசி எண்ணம்

    kesav

    ”தூணிருந்த பல்லியின் துண்டித்த வாலாக
    வீணகந்தை யால்வீழ்ந்து வாடுகின்றாய் -நீநெகிழ்ந்து
    அண்ணனாய் தம்பியாய் ஆன பலராமக்
    கண்ணனை நெஞ்சே கருது”….!

    ’’உந்த எதுகை, உருவாக மோனைகள்,
    வந்ததே வெண்பா விதவிதமாய், -அந்தக்,
    குழலினிது யாழினிது என்போர்கள், கண்ணன்,
    மழலைச்சொல் கேளாத மண்டு’’….கிரேசி மோகன்….!

    Share

  • பூமியின் சுற்றுப் பாதைப் பெயர்ச்சி, சுழலச்சுக் கோணத் திரிபு ஐந்தறிவு வானரத்தை ஆறறிவு மானிடமாய் வளர்ச்சி பெற வசதி அளிக்கிறது

    aj
    aj

    சி. ஜெயபாரதன் B.E.(Hons) P.Eng (Nuclear) கனடா

    ++++++++

    http://www.dailygalaxy.com/my_weblog/2017/05/apeman-to-spaceman-changes-in-earths-orbit-and-climate-ago-made-us-intelligent-watch-todays-galaxy-s.html?cid=6a00d8341bf7f753ef01bb09a0374e970d

    ++++++++++++++

    வக்கிரக் கோள் வழி தவறி
    வையத்தில் மோதிச்
    சுக்கு நூறாகி, சுற்றுவீதி மாறி
    பிரளயம் நேரும், தட்ப வெப்பம் மாறும்  !
    பரிதிக்கு அப்பால் பெயர்ந்து
    பூமி சூடு தணியும் !
    டைனசார்ஸ் மரித்தன,
    நீண்ட இருட்டடிப்புக் குளிர்ச்சியில் !
    வானர மூளை உன்னத மாகி
    மேனிலை மானிடம் உதிக்கும் !
    மீண்டும் டைனசார்ஸ் தோன்ற வில்லை !
    பிழைத்தவை பறவை இனம் !
    பூமியின் ஆட்டத்தில்
    பொங்கி எழுந்தன எரிமலைகள் !
    புவியும் தீக்குளிப்பில்
    புத்துயிர் பெற்று மீண்டது !
    புதிய பயிரினம் பல தோன்றின !
    புரட்சி யுகம் பிறந்து, 
    ஒரே தருணத்தில்
    ஐந்தறிவு வானரம்  உயர்ந்து
    ஆறறிவு மானிடர் 
    உன்னத  மூளையும் மேனியும் 
    பெற்றுத்  தடம் வைத்தார் !
    வையத்தை மேன்மையுறச் செய்வார் !
    கடவுளின் வாரிசாய்ப்  
    படைக்கும் மனிதருக்கு நிகராய்ப்  
    பிறக்க வில்லை எவரும்  !

    +++++++++++++++++

    Earth's Axial Tilt

    பூகோளச் சுற்றுப்பாதை & சுழலச்சு சாய்வுக் காலநிலை மாற்றங்கள்  

    பூமியின் சுற்றுப்பாதை முழுவட்டம் போல் தோன்றினாலும், மெய்யாக அது சிறிது நீண்ட நீள்வட்டப் பாதை [Elliptical Orbit] ஆகும்.  மிகச்சிறு திரிபு : [Low Eccentricity] 0.0034 & மிகப்பெரும் திரிபு : [High Eccentricity] 0.058. பூமியின் சுற்றுப் பாதை நீட்சி / தாழ்ச்சி ஒருமுறை முழுவதும் நிகழந்து மீளச் சுமார் 100,000 ஆண்டுகள் ஆகும்.  அதாவது சூரியனைச் சுற்றிவரும் பூமி அதை நெருங்கியும், அப்பால் சென்றும் மாறி மாறிச் சூரிய வெப்பக் கதிர்வீச்சுப் பொழிவுகள் பூமிமேல் கூடியும், குன்றியும் தாக்கும்.  தற்போதைய திரிபு [2017] : 0.0167.  அதாவது வட்டப்பாதை மையத்தை விடப் பூமி இப்போது சூரியனுக்கு அருகே உள்ளது.

    பூமியின் பருவக் காலநிலை மாறுதலுக்குக் காரணம் அதன் சுழலச்சுக் கோணத் திரிபு [Earth’s Axis Tilt] என்று நாம் அறிவோம்.  பூமியின் வடகோளப் பகுதியில் வேனிற்காலமும், தென்கோளப் பகுதியில் குளிர்காலமும் இருந்தால், வடதுருவம் சூரியனை நோக்கிச் சாய்ந்துள்ளது என்பது தெளிவாகிறது.  ஆனால் பூமியின் சுழலச்சுக் கோணம், 41,000 ஆண்டுக்கு ஒருமுறை மாறுகிறது என்று பலருக்குத் தெரியாது.  சுழலச்சுக் கோணம் 22.1 டிகிரி முதல் 24.5 டிகிரி வரை மாறி வருகிறது.  தற்போதைய சாய்வு : [2017] 23.5 டிகிரி.

    எல்லாவற்றிலும் சிக்கலான சுற்றுப்பாதை மாறுபாடு, பம்பரம் போன்று ஆடும் அதன் தலையாட்டமே  [Precession].   அதுவே பருவக் காலநிலை உக்கிரத்துக்கும், தணிவுக்கும் காரணம்.  பூமியின் தலையாட்டம் [21,000 – 26,000] ஆண்டுக்கு ஒருமுறை உச்ச- நீச்சத் தவிப்பு நிலை அடைகிறது. அதாவது பூமியின் சுற்றுப்பாதை, சுழலச்சுத் திரிபு, தலையாட்டம் ஆகிய இம்மூன்றும் சூரிய ஒளிக்கதிர்ப் பொழிவைக் கூட்டியோ, குறைத்தோ பூகோளச் சூடேற்றத்தை நீட்டியோ, சுருக்கியோ சீர்கேடாக்குகிறது.

    பூமியின் சுற்றுப்பாதை மாற்றம், காலநிலை வேறுபாடு, மானிட மூளை உன்னதம் பெற வசதி செய்கிறது.

    அந்தறிவுள்ள ஸிம்பான்சி படிப்படியாக உயர்நிலை அடைந்து, மனிதன் படிப்படியாக உருவானான் என்று டார்வின் பரிணாம வளர்ச்சிக் கோட்பாடு கூறுகிறது. அதாவது மனிதனின் ஆறறிவு மூளை, உடற் பாகங்கள், அங்கங்கள் தனித்தனியாய்ப் படிப்படியாய் வளர்ச்சியுற்றன என்பது டார்வின் கோட்பாடு.  அப்படியானால் கால் மனிதன், அரை மனிதன் எங்காவது இருந்தானா என்னும் விடை இல்லாத ஒரு பெரும் வினா எழுந்து கொண்டிருக்கும்.  உண்மையில் ஸிம்பான்சிக்குப் பிறகு மானிடர் ஒரே சமயத்தில் மூளையும், உடலும் உன்னதம் பெற்று, முழுமையாகத் தோன்றினர் என்பதே மெய்ப்பாடு. அதற்கு இயற்கையே வசதி அளித்தது என்கிறது 2017 மே மாதம் 29 ஆம் தேதி வந்த செய்தி.  சூரியனைச் சுற்றிவரும் பூமியின் சுற்றுப் பாதை நகர்ச்சியால் கொந்தளிப்பு, சுழலச்சுக்த் கோணத் திரிபால் ஏற்படும் காலநிலைப் பருவ மாறுபாடுகள், இரண்டு மில்லியன் ஆண்டுகட்கு முன்பு,  கிரேட் ரிஃப்ட் வால்லி, கிழக்கு ஆஃபிரிக்காவில் [Great Rift Valley in East Africa]  பல மகத்தான உயிரின மலர்ச்சியை உண்டாக்கின  என்பது தெரிய வருகிறது. ஸிம்ப்பான்சி மனிதக் குரங்குகள் வானரத்திலிருந்து உன்னத மூளை பெற்று உயர்நிலை அடைந்து முடிவில் பேசும் மானிடாராக, ஈட்டி முதல் ராக்கெட் போன்ற நூதனச் சாதனங்கள், மின்னியல் கருவிகள் பற்பல பயன்படுத்தும் ஞானியாக உதயமானார்.  சமீபத்திய விஞ்ஞானச் சான்றுகள், இத்தகைய புதிய பரிணாம மலர்ச்சிக்குக் காரணமாக, கிழக்கு ஆஃபிரிக்காவின் கிரேட் ரிஃப் வால்லியில் நிகழ்ந்த காலநிலை மாறுதலைக் காட்டுகிறார்கள்.

     ++++++++++++

    https://youtu.be/fHS042a-Nb0

    https://youtu.be/-lLgA9C1G4c

    https://youtu.be/WLRA87TKXLM

    https://youtu.be/hvjTicipAwo

    https://youtu.be/xQSHxY5ZR6w

    https://youtu.be/dfiT3Zh5q3c

    https://youtu.be/ZD8THEz18gc

    https://youtu.be/OqsRD4HPtH0

    https://youtu.be/xVQnPytgwQ0

    https://youtu.be/B4Q271UaNPo

    https://youtu.be/3Uua_OEW2QY

    ++++++++

    கடந்த 282,000 ஆண்டு கணிப்புத் தகவல் இலக்கங்களை [Data] ஆராய்ந்ததில், முதன் முறையாக பூகோள அச்சின் சாய்வுக்கும், பூமியின் பேரளவு நீர்மை, உஷ்ணப் பாதிப்புக்கும் பூமத்திய ரேகை உட்புறத் தளங்களில் [Inter-tropical Convergence Zone -ITCZ] ஓர் தொடர்பு உள்ளதைக் கண்டுபிடித்தோம்.  தகவல் இலக்கங்களை நாங்கள் கணித முப்பட்டை [Mathematical Prism] வழியாக அணித்துவத்தைப் [Pattern] பார்த்ததில் 41,000 ஆண்டு சுழற்சியில் மாறும் பூகோளச் சுற்று அச்சின் சாய்வுக்குத் தொடர்பு உள்ளதை அறிந்தோம்.

    கிரிஸ்டீன் திலாங், பூதளக் காலநிலை விஞ்ஞானி [University of Science & Technology of China & National Taiwan University Research Collaborators]

    What we can do

    பூகோளம் மின்வலை யுகத்தில்
    பொரி உருண்டை ஆனது !
    ஓகோ வென்றிருந்த உலக மின்று
    உருமாறிப் போனது !
    பூகோள மஸ்லீன் வாயுப் போர்வை
    பூச்சரித்துக் கந்தை ஆனது !
    மூச்சடைத்து விழி பிதுக்க
    சூட்டு யுக வெடிப் போர் மூளுது !
    தொத்து நோய் குணமாக்க
    தூயநீர் வளம், காற்று வளம் தேவை !
    காலநிலை மாறுத லுக்குக்
    காரணிகள் வேறு வேறு !
    கரங் கோத்து பூமி காக்க, அனைவரும்
    வருவீ ர் எனக் கூறு கூறு !
    ஓரிடத்தில் எரிமலை வெடித்து
    உலகெலாம் பரவும்
    கரும்புகை மூட்டம் !
    துருவப் பனிக்குன்று வேனிற்காலம்
    உருகி, உருகி
    உப்பு  நீர்க்கடல் மட்டம் உயரும் !
    உஷ்ணம் மெதுவாய் ஏறும் !
    தாளம் தடுமாறி
    வேளை தவறிப் பருவக் காலம் மாறி,
    கோடை காலம் நீடிக்கும்,
    குளிர் காலம் குறுகிப் போகும்,
    பனி மலைகள் வளராமல்
    குள்ள மாகும்
    நில வளம் செழிப்பிழக்கும் !
    நிலப் பகுதி நீர்மய மாகும் !
    நீர்ப் பகுதி நிலமாகிப் போகும் !
    உணவுப் பயிர்கள் சேத மாகும் !
    மனித நாகரீகம் நாசமாகி
    புனித வாழ்வு மோசமாகி
    வெறிபிடித் தாளும்
    வெப்ப யுகப் பிரளயம் !

    +++++++++++++++++++++++++

    பூகோளச் சுற்று அச்சின் சாய்வுக்கும், பூமியின் நீர்மை / உஷ்ணப் பாதிப்புக்கும் தொடர்பு உள்ளது.

    பூகோளச் சுற்று அச்சின் சாய்வு 41,000 ஆண்டுச் சுழற்சி மீட்சியில் மாறி வருகிறது.  உச்ச அளவுச் சாய்வு : 24.5 டிகிரி.  அதம அளவு : 21.5 டிகிரி. தற்போதைய அளவு : 23.5 டிகிரி.  பூமியின் சுற்றச்சு சாய்வுத் திரிபு 23,000 ஆண்டு சுழற்சியில் பூமியில் பனித்தட்டு உருவாக்கத்தைப் பாதிக்கிறது.  சுமார் 100,000 ஆண்டுக்கு ஒருமுறை சுற்று வீதி மாறும் அந்த நிகழ்ச்சி“சுற்றச்சுத் திரிபாட்டம்”  [Precession] என்று குறிப்பிடப் படுகிறது. அதனால் பூமத்தியப் பகுதிகளும் [Tropics] பரிதியைப் பூமி சுற்றும் சுற்று வீதியும் [Earth’s Orbit] பாதிப்படைகின்றன.  பூமியின் சுற்று வீதி மாறுதல் பூகோளத்தில் காலநிலைப் பாதிப்பை உண்டாக்கும். அந்த பூகோள சுழற்சி நிகழ்ச்சி “மிலன்கோவிச் சுழற்சி” [Milankovitch Cycle] என்று குறிப்பிடப் படுகிறது.

    சமீபத்தில் இந்த ஆய்வு முடிவை வெளியிட்ட குழுவினர் சைனா பல்கலைக் கழகத்தைச் சேர்ந்த பூதளவியல் காலநிலை  விஞ்ஞானி  கிரிஸ்டீன் திலாங்க் [Kristine DeLong] தலைமையில் பணியாற்றியவர். அவர்கள் கடந்த 282,000 ஆண்டுகளாய்க் கிடைத்த தகவல் இலக்கத்தை வைத்து ஆய்வுகள் செய்து, முதன்முறையாக பூமியின் சுற்றச்சு சாய்வு திரிபுக்கும், பூமத்தியப் பகுதி நீர்மை, உஷ்ண மாறுதலுக்கும் தொடர்பு உள்ளதென அறிவித்தார்.  அந்த முடிவறிக்கை 2015 நவம்பர் 25 தேதி   “இயற்கை வெளியீட்டு” [Nature Communications] இதழில் வெளி வந்துள்ளது.       

    Seasonal variations

    பூதளவியல் சீர்குலைப்பு, பருவச் சுழற்சி, காலநிலைப் பாதிப்புகளை  விளைவிப்பதால்,  அது அனைத்துப் பூகோள மாந்தரின் பிரச்சனையாக ஆகிவிட்டது.   அதைத் தீர்வு செய்ய முற்படும் போது, மனித இனத்தில் சில பிரிவினர் நிச்சயம் பாதிக்கப் படுவதைத் தவிர்க்க முடியாது.   உலக சமூக மாந்தர் முன்வந்து, பூதள மாந்தர் உரிமை, தேவைகளை நோக்கி,  அதைப் பயின்று ஆய்வு செய்து, முழுக் கவனமுடன் சீர்ப்படுத்த இப்போது எடுத்து நடத்த முற்பட வேண்டும்.

    ஜான்  கார்ல்சன் [சட்டப் பேராசிரியர், ஐயோவா பல்கலைக் கழகம்]

    Global ocean mean temperature

    2013 மே மாதம் நவீன வரலாற்றில் முதன்முறையாக கரியமில வாயுத் திரட்சி 400 ppm [parts per million]  என்று ஹவாயியில் உள்ள மௌனா லோவா நோக்ககக் கருவிகள் [Mauna Loa Observatory] காட்டி ஓர் எச்சரிக்கை அறிவிப்பாக நிபுணர் வெளியிட்டுள்ளார்கள். சென்ற முறை பூதளவியல் நிபுணர் இம்மாதிரி 400 ppm அளவு கரியமில வாயுத் திரட்சி [Concentration] இருந்தது முன்பு மூன்று – ஐந்து மில்லியன் ஆண்டுகளுக்கு இடையே “பிளியோசீன்” காலத்தில் [Pliocene Epoch] இருந்ததாக தற்போது நம்புகிறார்கள்.   அப்போது பூகோளத்தின் உஷ்ணம் : 3.5 முதல் 9 டிகிரி F [ 2 to 5 டிகிரி C ] இப்போது உள்ளதை விட மிகையாக இருந்திருக்கிறது.  அந்தப் பிளியோசீன் யுகத்தில் மரங்கள் ஆர்க்டிக் கடல் வரை [Arctic Tundra] வளர்ந்திருந்தன.   கடல் மட்டம் உயர்ந்து 65 அடி முதல் 80 அடி வரை பொங்கி எழுதிருந்தது !

    ஜேம்ஸ் ஒயிட் [Director, CU-Boulder’s Institute of Arctic and Alpine Research]  

    அடிப்படை விதிப்படி ஆர்க்டிக் பனித் தளங்கள் உருகும் போது, ஆர்க்டிக் கடல் ஒரு பெரும் நீர்மை ஆவிப் போர்வை, முகிலை [Blanket of water vapour and clouds]  உண்டாக்கி, ஆர்க்டிக் துருவப் பகுதியைச் சூடாக வைத்துக் கொண்டு வருகிறது.

    ஜேம்ஸ் ஒயிட்.

    World sharing of gas emiissions

    “உலகத்தின் ஜனத்தொகைப் பெருக்கம் 2050 ஆம் ஆண்டில் 9.1 பில்லியனாக ஏறப் போகிறது!  அதனால் எரிசக்தி, நீர்வளம், நிலவளம், உணவுத் தேவைகள் பன்மடங்கு பெருகிப் பூகோளச் சூடேற்றத்தை மிகையாக்கப் போகின்றன.  15 ஆண்டுகளில் கிலிமன்ஞாரோ சிகரத்தில் [Mount Kilimanjaro, Tanzania, Africa] பனிச்சரிவுகள் எதுவு மில்லாமல் காணாமல் போய்விடும்!  அமெரிக்காவில் உள்ள மான்டானா தேசியப் பூங்காவின் பனிச்சரிவுகள் தெரியாமல் போய் 20 ஆண்டுகளில் வெறும் பூங்காவாக நிற்கும்.  சுவிட்ஸர்லாந்தில் உள்ள ரோன் பனிச்சரிவுகள் ஏறக்குறைய மறைந்து விட்டன!  அண்டார்க்டிகாவின் மேற்குப் பகுதியில் பாதியளவு பனிப்பாறைகள் உருகிப் போயின!  அதுபோல் கிரீன்லாந்தில் அரைப் பகுதி பனிக் குன்றுகள் உருகிக் கரைந்து விட்டன!  நியூ ஆர்லியன்ஸ் நகரை ஏறக்குறைய கடல்நீரும், நதிநீரும் மூழ்க்கி நாசமாக்கி நகர மாந்தரைப் புலப்பெயர்ச்சி செய்து விட்டது!  வன்முறை மூர்க்கருக்கு மட்டுமா அமெரிக்கர் கவலைப் பட வேண்டும்?  அந்தப் பயமுறுத்தல் ஒன்றுதானா நமது கவனத்தைக் கவர வேண்டும்? நமது நாகரீக வாழ்வும், பூகோள மாசுகளும் மோதிக் கொண்டிருப்பதை மெய்யெனக் கண்டு நாம் சாட்சியம் கூறி நிற்கிறோம்.”

    அமெரிக்கன் முன்னாள் செனட்டர் அல் கோர் [Al Gore, American Former Senator/Vice President (June 5, 2005)]

    Arctic Ice Retreat

    Antarctica

    “கடந்த பனியுகத்துக்கும் முன்பு உலகெங்கும் கடல் மட்டம் இன்றைக்கு உள்ளதை விட 20 அடி உயரத்தில் இருந்தது.  சூடேறும் பூகோளம் மெல்ல மெல்லச் சூடேறி 129,000 ஆண்டுகளுக்கு முன்னிருந்த அந்தக் கடல் மட்ட நிலைக்கு அடுத்த நூற்றாண்டிலே மீண்டும் கொண்டு வந்துவிடும்.”

    ரிச்சேர்டு ஹாரிஸ் [Richard Harris National Public Radio (March 26, 2006)]

    “கிரீன்லாந்தின் பனிமலைகள் உருகிச் சரிந்தால் சில சமயம் பூகம்பங்களை உண்டாக்கிவிடும்.  கடந்த 5 ஆண்டுகளாக பூகம்ப எண்ணிக்கை உலகில் இரட்டித்திருக்கிறது.  அவ்விதம் விரைவாக ஆர்க்டிக் பகுதிகள் சேமித்து வைத்துள்ள நீர் வெள்ளம் வெளியேறுவது பூகோளச் சூடேற்றத்தைக் காட்டும் மற்றுமோர் அடையாளம் என்று விஞ்ஞானிகள் எண்ணுகிறார் !  எதிர்பார்த்தை விட பனிமலைகள் உருகி வேகமாக நகர்ந்து வருகின்றன.”

    கிரிஸ்டொஃபர் ஜாய்ஸ் [Christopher Joyce, National Public Radio (March 24, 2006)]

    Pollution groups

    “55 மில்லியன் ஆண்டுகளுக்கு முன்பு பூகோளத்தில் தீவிரச் சூடேற்றம் உண்டாகி மீதேன் வாயு பேரளவில் வெளியேறி பல ஆழ்கடல் உயிரினம் அழிந்து போயின என்றும், அதே சமயத்தில் தளவியல் விலங்கினங்கள் பெருகி வளர்ச்சி அடைந்தன என்றும் இன்றைய (நவம்பர் 19, 1999) விஞ்ஞான இதழ் ஒன்று கூறுகிறது.  அந்த மாதிரி வெப்ப யுகம் “சமீபத்திய பாலியோசீன் உச்ச வெப்பம்” (Latest Paleocene Thermal Maximum) என்று குறிக்கப்படுகிறது.  அது 10,000 – 20,000 ஆண்டுகளுக்கு இடையே ஒருமுறை வருகிறது.”

    ஜான் ரோச் [John Roach, Environmental News Network (Nov 19, 1999)]

    “மீதேன் வாயு வெளியேற்றத்துக்கும், வெப்பச் சூடு ஏற்றத்துக்கும் உள்ள உறவு கடற்தளப் படிகைகளை [Ocean Floor Sediments] ஆராய்ந்து கண்ட விளைவுகளை வைத்துத் தீர்மானிக்கப் பட்டது.  அதுவே வெப்ப ஏற்ற விதிக்கு முதல்தர ஆதாரச் சான்று.  வெப்ப ஏற்றம் கடற்படிகையைச் சூடாக்கி திட மீதேனை நீர்த்திடச் செய்து [Hydrated Soild Methane (CH4)] வாயுக் குமிழ்களாய்க் கொப்பளிக்க வைக்கிறது.  மீதேன் வாயு நீரில் கலந்துள்ள ஆக்ஸிஜெனுடன் சேர்ந்து ஏரிகளில் கரிமம் [Carbon] பிரிந்து கரிமச் சுற்றியக்கம் [ Global Exogenic Carbon Cycle] தொடர்கிறது.”

    டோரோதி பாக், ஆய்வாளர், கலி·போர்னியா பல்கலைக் கழகம்

    Global Warming Effects

    “உலகத்தின் ஜனத்தொகைப் பெருக்கம் 2050 ஆம் ஆண்டில் 9.1 பில்லியனாக ஏறப் போகிறது!  அதனால் எரிசக்தி, நீர்வளம், நிலவளம், உணவுத் தேவைகள் பன்மடங்கு பெருகிப் பூகோளச் சூடேற்றத்தை மிகையாக்கப் போகின்றன.  15 ஆண்டுகளில் கிலிமன்ஞாரோ சிகரத்தில் [Mount Kilimanjaro, Tanzania, Africa] பனிச்சரிவுகள் எதுவு மில்லாமல் காணாமல் போய்விடும்!  அமெரிக்காவில் உள்ள மான்டானா தேசியப் பூங்காவின் பனிச்சரிவுகள் தெரியாமல் போய் 20 ஆண்டுகளில் வெறும் பூங்காவாக நிற்கும்.  சுவிட்ஸர்லாந்தில் உள்ள ரோன் பனிச்சரிவுகள் ஏறக்குறைய மறைந்து விட்டன!  அண்டார்க்டிகாவின் மேற்குப் பகுதியில் பாதியளவு பனிப்பாறைகள் உருகிப் போயின!  அதுபோல் கிரீன்லாந்தில் அரைப் பகுதி பனிக் குன்றுகள் உருகிக் கரைந்து விட்டன!  நியூ ஆர்லியன்ஸ் நகரை ஏறக்குறைய கடல்நீரும், நதிநீரும் மூழ்க்கி நாசமாக்கி நகர மாந்தரைப் புலப்பெயர்ச்சி செய்து விட்டது!  வன்முறை மூர்க்கருக்கு மட்டுமா அமெரிக்கர் கவலைப் பட வேண்டும்?  அந்தப் பயமுறுத்தல் ஒன்றுதானா நமது கவனத்தைக் கவர வேண்டும்? நமது நாகரீக வாழ்வும், பூகோள மாசுகளும் மோதிக் கொண்டிருப்பதை மெய்யெனக் கண்டு நாம் சாட்சியம் கூறி நிற்கிறோம்.”

    அமெரிக்கன் முன்னாள் துணை ஜனாதிபதி அல் கோர் [Al Gore, American Former Vice President (June 5, 2005)]

    Impacts of Global Warming

    What Global Warming does

    பல்லாண்டுகள் பொய்யென ஒதுக்கணிக்கப்பட்ட பூகோளச் சூடேற்றமும், சூழ்வெளி ஓஸோன் வாயுக் குடையில் இழப்பும் தற்போது அகில நாடுகளின் கவனத்தைக் கவர்ந்திருக்கிறது! ஓஸோன் பிரச்சனையைத் தீர்க்க அகில நாடுகள் கூட்டு ஒப்பந்தம் செய்து பெருத்த மாறுதல்கள் புரிய முனையும் போது, அமெரிக்கா தீவிரப் பங்கு எடுத்துக் கொள்ளாமல் வாளா விருக்கிறது!  ஓஸோன் குறைபடுகளால் தீங்கு நேர்வதைக் காட்டும் போது மக்கள் புனைகதையாகப் புறக்கணிக்காமல் காதுகொடுத்துக் கேட்கிறார்கள். கடந்த பத்தாண்டுகளாக (1979-1989) நம்மைப் பாதித்த மாபெரும் அந்த ஓஸோன் சிக்கலுக்கு தீர்வு பெறுவது, மானிடருக்குப் பெரும் சவாலாகப் போகிறது!  அமெரிக்காவில் ஓஸோன் பிரச்சனைக்கு ஓரளவு தீர்வு காண, சில ரசாயனப் பண்டங்களை உற்பத்தி செய்யக் கூடாதென்று கருத காங்கிரஸ் பேரவை முன் வந்திருப்பது வரவேற்கத் தக்கது.  அவை ஓஸோனை விழுங்கும் “குளோரோ புளோரோ கார்பன்ஸ்” [Chloro Fluro Carbons (CFC)]

    சூடேறும் பூகோளம் பற்றி அல் கோர்

    Global warming family tree

    பூகோளம் சூடேறும் என்றால் எதைக் குறிப்பிடுகிறோம் ?

    பூகோளம் என்று நாம் சொல்லும் போது, மண் தளத்துடன் பூமியைச் சுற்றி ஐந்து அல்லது பத்துமைல் உயரத்தில் வாயுக்கோளக் குடையாக நிலவி பூமியின் தட்ப, வெப்பம் நிலையாகப் பருவ காலங்களில் குறிப்பிட்ட உஷ்ண நீட்சியில் [Temperature Range] வைத்துக் கொள்ளும் வாயு மண்டலத்தையும் சேர்த்துக் கொள்கிறோம்.  அந்த மெல்லிய வாயு மண்டலத்தில் நச்சு வாயுக்கள் கலந்து நாசமாக்கினாலும், ஓஸோன் துளைகள் ஏற்பட்டுக் கந்தையானாலும், பூமியின் ஈர்ப்பாற்றல் மாறி வாயுக்கள் மறைந்து போனாலும் பூமியின் காலநிலை மாறி சூட்டுப் பிரளயம் நேர்ந்துவிடும்.  வாயு மண்டலம் மறைந்து போனால் நீர்வளம், நிலவளம், உயிர்வளம் யாவும் சிதைந்து, சீர்குலைந்து பூகோளம் செவ்வாய்க் கோள்போல் நீர்மை, ஆக்ஸிஜென், ஹைடிரஜன் இல்லாமல் பாலைவனமாய் வரண்டு போய்விடும் !  சூழ்வெளியில் சேமிப்பாகும் கிரீன்ஹவுஸ் வாயுக்கள் (கார்பன் டையாக்ஸைடு, மீதேன் போன்ற வாயுக்கள்) பரிதியின் வெப்பத்தை விழுங்கிப் பூகோளத்தின் உஷ்ணத்தை மிகையாக்குகின்றன.  ஓரளவு வெப்ப ஏற்றம் உயிரன வளர்ச்சிக்குத் தேவையே.  ஆயினும் நிலக்கரி, இயற்கை வாயு, ஆயில் போன்ற “புதைவு எருக்கள்” [Fossil Fuel] வன மரங்கள் எரிப்புகளால் கிரீன்ஹவுஸ் வாயுக்கள் பேரளவில் சேமிப்பாகிப் பூகோள உஷ்ணம் விரைவாக ஏறுகிறது.

     

    Deaths due to Natural DisastersFig 3 Gore's Presentation

    அல் கோர்

    சமீபத்தில் வெளியான ஒரு விஞ்ஞான அறிக்கையில் மண்ணிலிருந்தும், 40,000 ஆண்டுகளாய்ச் சேமிப்பான பனிக்குவிப்பிலிருந்தும் மீதேன் வாயு பேரளவுக் கொள்ளளவில் வெளியேறுவதாகச் சூடேறும் பூகோள எச்சரிப்பாளர் எடுத்துக் கூறியுள்ளார்.  மீதேன் வாயுக் கசிவுகள் நிலக்கரி எரிசக்திப் புகைகளை விட 100 மடங்கு மிகையானவை என்று அறியப்படுகிறது.  பூகோளச் சூடேற்ற விளைவுகளை ஒப்பிட்டால் மீதேன் வாயுவின் தீமை கார்பன் டையாக்ஸைடை விட 23 மடங்கு பெரியது.  உலகில் பெரும்பான்மையான விஞ்ஞானிகள் சூடேறும் பூகோளத்தை மெய்யாகக் கருதி ஏற்றுக் கொண்டாலும், அம்மாறுதலை ஒப்புக்கொள்ளாத அறிஞரும், நாடுகளும் இருக்கத்தான் செய்கின்றன.  ஆனால் சூடேறிய பூகோளத்தால் மாறிப் போகும் காலநிலைகளும், அதனால் ஏற்படும் திடீர் விளைவுகளும் மெய்யாக உலக மக்களைப் பாதித்துக் கொண்டு வருவதை நாம் அடிக்கடிக் கேட்டு வருகிறோம்.

    Earth's Orbit change

    சூடேறும் பூகோள எச்சரிக்கைகள், மாறுதல்கள், இன்னல்கள் !

    பூகோளம் சூடேறுவதால் ஒவ்வோர் ஆண்டும் காலநிலைக் கோர விளைவுகள் மாறி மாறி விளைந்து வியப்புக்குள் நம்மை ஆழ்த்துகின்றன.  துருவப் பனிமலைகள் உருகிக் கடல் மட்டம் ஏறுவதைக் காண்கிறோம்.  கடல் வெள்ளம் சூடேறி சூறாவளிகளும், சைக்குலோன்களும், ஹரிக்கேன்களும் எண்ணிக்கையில் அதிகமாகி, பலத்தில் அசுரத்தன மாகிக் கோடான கோடி உலக மக்களுக்குப் பேரின்னல்களை விளைவித்து வருகின்றன.  நீர்வளப் பகுதிகளின் நிலவளங்கள் தேய்ந்து வரட்சியாகிப் பாலையாகிப் போய்விடுமா என்னும் பயம் வந்துவிட்டது.  மேலும் கீழ்க்காணும் நூதனக் காலநிலைக் கோர விளைவுகள் உலக மக்களைத் துன்புறுத்தி வருகின்றன !

    1.  கடந்த 30 ஆண்டுகளாய் உச்சக் கணிப்பு நிலை 4 & 5 ஹரிக்கேன்களின் [Hurricane Category: 4 & 5]   எண்ணிக்கை இரட்டித்துள்ளது.

    2.  கடந்த 10 ஆண்டுகளில் கிரீன்லாந்து பனிப்பாறைகள் உருகிச் சரியும் நிகழ்ச்சிகள் இரட்டிப்பாக மாறி இருக்கின்றன.

    3.  குறைந்த பட்சம் 279 தாவர, விலங்கின ஜீவிகள் [Species of Plants & Animals] பூகோளச் சூடேற்றத்தால் பாதிக்கப்பட்டுத் துருவப் பகுதிகளை நோக்கிப் புலப்பெயர்ச்சி ஆகியுள்ளன.

    4.  7000 அடி உயரத்தில் உள்ள தென் அமெரிக்காவின் கொலம்பியன் ஆன்டீஸ் மலைகளைப் போன்ற உயர்மட்டத் தளங்களில் கூட மலேரியா நோய் பரவி விட்டது.

    Fig 2 Milankovitch Cycles

    3.  குறைந்த பட்சம் 279 தாவர, விலங்கின ஜீவிகள் [Species of Plants & Animals] பூகோளச் சூடேற்றத்தால் பாதிக்கப்பட்டுத் துருவப் பகுதிகளை நோக்கிப் புலப்பெயர்ச்சி ஆகியுள்ளன.

    4.  7000 அடி உயரத்தில் உள்ள தென் அமெரிக்காவின் கொலம்பியன் ஆன்டீஸ் மலைகளைப் போன்ற உயர்மட்டத் தளங்களில் கூட மலேரியா நோய் பரவி விட்டது.

    மேலும் தொடர்ந்து சூடேற்றம் மிகையாகச் ஏறிச் சென்றால், கீழ்க்காணும் பெருங் கேடுகள் பரவ வாய்ப்புகள் உண்டாகும்.

    1.  அடுத்த 25 ஆண்டுகளில் பூகோளச் சூடேற்றத்தால் விளையும் மக்களின் மரண எண்ணிக்கை இரட்டிப்பாகி ஆண்டுக்கு 300,000 நபராக விரிவடையும்.

    2.  கிரீன்லாந்து, அண்டார்க்டிகாவின் பனிக்குன்றுகள் உருகி பூகோளக் கடல் மட்டம் 20 அடிக்கும் மேலாக உயர்ந்து, கடற்கரை நிலப்பகுதிகள் உலகெங்கும் பேரளவில் பாதகம் அடையலாம்.

    3.  2050 ஆண்டு வேனிற் காலத்தில் வடதுருவத்தின் ஆர்க்டிக் கடல் பனித்தளம் இல்லாமல் நீர்த்தளமாகி விடலாம்.

    Earth'a Axis wobbles

    Earth’s Axis Wobbles

    4.  2050 ஆண்டுக்குள் உலகெங்கும் வாழும் மில்லியன் கணக்கான உயிர் ஜீவிகள் [Species] பரம்பரையின்றி முற்றிலும் மரித்துப் போய்விடலாம்.

    5.  வெப்பக்கனற் புயலடிப்புகள் [Intensive Heat Waves] உக்கிரமுடன் மிக்க அளவில் அடிக்கடித் தாக்கலாம்.

    6.  நீர்ப் பஞ்சம் ஏற்பட்டு, நிலவளம் சீர்குலைந்து வரட்சிகளும், காட்டுத் தீக்களும் அடிக்கடி உண்டாகலாம்.

    சூடேறும் பூகோளத்தில் எழுகின்ற இந்த பிரச்சனைகளை ஐயமின்றி நாம் ஒன்று கூடித் தீர்க்க முடியும்.  அவற்றைத் தீர்க்க வேண்டிய நிர்ப்பந்தம் நமக்கோர் கடமை நெறியாக உள்ளது.  நாம் தடுத்திடச் செய்யும் தனிப் பணிகள் சிறிதாயினும், மொத்தமாக ஒத்துழைத்து முடிக்கும் சாதனைகள் முடிவில் மிகப் பெரும் ஆக்க வினைகள் ஆகும்.  அவ்விதம் அனைவரும் ஒருங்கு கூடிப் பூகோளச் சூடேற்றத்தைத் தடுக்க முனையும் தருணம் எப்போது என்று நினைக்கிறீர்கள் ? இப்போதுதான் !

    Impacts

    (தொடரும்)

    தகவல்:

    1.  Time Article – The Global Warming Survival Guide [51 Things You Can Do to Make a Difference]  (April 9, 2007)

    2.  An Inconvenient Truth “The Planet Emergency of Global Warming & What We can Do about it”   By Al Core (2006)

    2(a)  The Assault on Reason  By Al Gore  (July 2007)

    3.  BBC News “China Unveils Climate Change Plan” [June 4, 2007)

    4.  BBC News “China Builds More (Coal Fired) Power Plants (June 20, 2007)

    5.  BBC News “Humans Blamed for Climate Change.” (June 1, 2007)

    6.  The Big Thaw, Ice on the Run, Seas on the Rise << National Geographic >> By Tim Appenzeller (June 2007)
    7.  Climate Change A Guide for the Perplexed << New Scientist >> (May 19 2007)

    8. Historic Global Warming Linked to Methane Release, Environmental News Network By: John Roach (Nov 19 1999)

    9. http://www.terradaily.com/reports/Ice_free_Arctic_winters_could_explain_amplified_warming_during_Pliocene_999.html  [July 31, 2013]

    10.  http://www.livescience.com/topics/global-warming/  [August 6, 2013]

    11. http://www.nrdc.org/globalwarming/  [August 14, 2013]

    12.  http://en.wikipedia.org/wiki/Global_warming  [August 15, 2013]

    13.  http://www.answers.com/topic/global-warming

    14.   http://en.wikipedia.org/wiki/Effects_of_global_warming   [August 9, 2013]

    15. http://www.terradaily.com/reports/Seasonal_CO2_range_expanding_as_more_is_added_to_Earths_atmosphere_999.html  [August 14, 2013]

    16. http://www.terradaily.com/reports/Greenland_ice_is_melting_also_from_below_999.html  [August 14, 2013]

    17. http://www.planetseed.com/relatedarticle/sun-and-earth-and-temperature-change

    18. https://en.wikipedia.org/wiki/Solar_activity_and_climate  [October 1, 2015]

    19. http://www.bgs.ac.uk/discoveringGeology/climateChange/general/causes.html?src=topNav

    20. http://www.spacedaily.com/reports/New_research_shows_Earths_tilt_influences_climate_change_999.html  [December 16, 2015]

    21.  https://www.mnn.com/earth-matters/climate-weather/stories/everything-you-need-to-know-about-earths-orbit-and-climate-cha  [May 25, 2012]

    22. http://aa.usno.navy.mil/faq/docs/seasons_orbit.php  [June 3, 2014]

    23. https://en.wikipedia.org/wiki/Axial_tilt  [May 10, 2017]

    24.  https://en.wikipedia.org/wiki/Earth%27s_rotation  [June 3, 2017]

    25. http://aa.usno.navy.mil/faq/docs/seasons_orbit.php  [May 30, 2017]

    26.  http://www.astrobio.net/also-in-news/rna-formed-origins-life/  [May 24, 2017]

    ++++++++++++++++++++

    S. Jayabarathan [jayabarathans@gmail.com]  (June 3, 2017)  [R-1]

    https://jayabarathan.wordpress.com/

    …

    Preview YouTube video Earth HAS shiften on it’s Axis – PROOF!!! (Edited)

    Earth HAS shiften on it’s Axis – PROOF!!! (Edited)

    Preview YouTube video Global Warming and Global Seismic Activity

    Global Warming and Global Seismic Activity

    Preview YouTube video Mechanism of The Seasons

    Mechanism of The Seasons

    Preview YouTube video Effect of Earth’s Tilt on Weather

    Effect of Earth’s Tilt on Weather

    Preview YouTube video 5 – 4 Milankovitch Cycle

    5 – 4 Milankovitch Cycle

    Preview YouTube video FIDO BOXING WEEK Preroll 15s ENG

    FIDO BOXING WEEK Preroll 15s ENG

    Preview YouTube video Milankovitch cycles precession and obliquity | Cosmology & Astronomy | Khan Academy

    Milankovitch cycles precession and obliquity | Cosmology & Astronomy | Khan Academy

    Preview YouTube video Global Warming or a New Ice Age: Documentary Film

    Global Warming or a New Ice Age: Documentary Film

    Preview YouTube video PBS Global Warming The Signs and the Science

    PBS Global Warming The Signs and the Science

    Preview YouTube video The Scientific Case for Urgent Action to Limit Climate Change

    The Scientific Case for Urgent Action to Limit Climate Change

    Preview YouTube video Climate Change Politics and the Economy: Rhetoric v. Reality

    Climate Change Politics and the Economy: Rhetoric v. Reality
    Share

  • கேசவ் வண்ணம் – கிரேசி எண்ணம்

    kesav

    ”தேர்கடவி பாரதப் போர்முடிக்க பார்த்தனின்
    சீர்கெடலை கீதையால் செப்பனிட்டோய் -மோர்குடத்தை
    கல்லால் உடைத்தன்று கோபியர் கோபத்திற்
    குள்ளான கண்ணனே காப்பு….!

    ‘’கண்ணன் தலைமுடியால் பசு பார்க்க அசுவமானது….அடியேன் பார்வைக் கோளாறால் மனதில் தோன்றிய வெண்பாவை எழுதுகிறேன் கேசவ்…. தவறானால் மன்னிக்கவும்…. கண் கெட்ட பின்பு கண்ணனைக் கும்பிடுகிறேன்’’….!

    ‘’நதித்தலையர்(சொக்கநாதர்) நரியைக் குதிரையாய் விற்றார்,(திருவிளையாடல் புராணம்),

    நதிதீரர் (யமுனைத் தலைவர்) கன்றை குதிரை -ரதமேறப்-
    போவது முன்பே புரிந்ததால் , பூமங்கை – (பூபாரம்)
    நோவதால் பாரத நோன்பு’’…. கிரேசி மோகன்….!

    Share

  • Tamizh Archakar Course – மாணவர் சேர்க்கை அறிவிப்பு

    செந்தமிழ் வேள்விச் சதுரர் முதுமுனைவர் மு.பெ.சத்தியவேல் முருகனாரின் தெய்வத்தமிழ் அறக்கட்டளையும் SRM பல்கலைக்கழகத் தமிழ் பேராயமும் இணைந்து நடத்தும்,

    தமிழ் அருட்சுனைஞர் ஓராண்டுப் பட்டயப் படிப்பு
    (DIPLOMA IN TAMIL ARUTSUNAIGNAR)

    விண்ணப்பங்கள் வரவேற்கப்படுகின்றன

    7-ஆம் ஆண்டு (2017-2018) மாணவர் குழாமிற்கு (Batch) சேர்க்கைகள் தொடங்கிவிட்டன. ஜூன் 2017-ல் வகுப்புகள் தொடக்கம்

    aaa
    பிறப்பு முதல் இறப்பு வரை, திருமணம், புதுமணை புகுவிழா உள்ளிட்ட வாழ்வியல் சடங்குகள், கோயில் குடமுழுக்கு மற்றும் நாட்பூசைகள் ஆகியவை அடங்கிய 8 தனிப்பாடங்கள் தமிழாகமத்தின் வழி இரு பருவங்களாக (Semester) பயிற்றுவிக்கப்படும். ஒவ்வொன்றிலும் தேர்வு நடத்தி இறுதியில் SRM பல்கலைக்கழகத்தால் பட்டயம் வழங்கப்படும்
    தகுதி: 8-ஆம் வகுப்பில் தேர்ச்சி. ஆண், பெண் இருபாலாரும் சேரலாம். வயது வரம்பில்லை.
    விண்ணப்பங்கள் வந்து சேர வேண்டிய கடைசி நாள் : 15-06-2017
    பட்டயப் படிப்பு இருபருவங்கட்கும் சேர்த்து கட்டணம் ரூ.3500/- மட்டுமே
    விண்ணப்பப் படிவம் – இங்கே பதிவிறக்கம் செய்க. Click here to Download Application Form

    ஏற்கெனவே 600-க்கும் மேற்பட்ட மாணவர்கள் பட்டயம் பெற்று செந்தமிழ் ஆகம அந்தணர்களாக இல்லச் சடங்குகளிலும், கோயில் பூசைகளிலும் களம் கண்டு வருகிறார்கள். கோயில்களில் தமிழே கொலுவிருக்க, வாழ்வியல் சடங்குகளில் வண்டமிழே வழிகாட்ட அரிதில் அமைந்துள்ள அருந்தமிழ் வாய்ப்பு! இப்பயிற்சியைப் பயன்கொள்ள விரையுங்கள்!

    திருச்சி பகுதி மாணவர்களுக்கென இந்த ஆண்டு எஸ்.ஆர்.எம் பொறியியல் கல்லூரியில் SKYPE மூலம் வகுப்புகள் தொடங்கப் படுகின்றன. திருச்சி மையத்தில் மாணவர்கள் படிக்க முன் வந்தால் மேற்படி விண்ணப்பத்தில்”T.A DIPLOMA / TRICHY“ என்று குறிப்பிடவும்.

    தெய்வத்தமிழ் அறக்கட்டளை,
    9/1, மாஞ்சோலை முதல் தெரு, கலைமகள் நகர்,
    ஈக்காட்டுத் தாங்கல், சென்னை – 600032.
    தொலைபேசி: 9444079926 / 9500045865 (மா.கருப்புசாமி) / 9445103775 (பா.கந்தசாமி)
    www.dheivamurasu.org

    Copyright © 2017 Dheivamurasu, All rights reserved.
    தமிழ் ஆர்வலர்கள்

    Our mailing address is:
    Dheivamurasu
    Ekkaduthangal
    Chennai 600032
    India

    Add us to your address book

    Want to change how you receive these emails?
    You can update your preferences or unsubscribe from this list

    Email Marketing Powered by MailChimp

    Share

  • அழவிட்டுப் போனதெங்கே !

     

     

     எம்.ஜெயராமசர்மா …. மெல்பேண் … அவுஸ்திரேலியா 

    aj

    அப்துல் ரகுமானே அழகுதமிழ் பாவலரே
    செப்பமுடன் கவிதைதந்த சிந்தனையின் கோமானே
    முப்பொழுதும் தமிழ்பற்றி மூச்சாக நின்றவரே
    எப்பொழுது உன்தமிழை இனிக்கேட்போம் இவ்வுலகில் !

    தமிழ்க்கவிதைப் பரப்பினிலே தனியாக ஆட்சிசெய்தாய்
    உரத்தகுரல் கொண்டுநீ உயர்கருத்தை ஈந்தளித்தாய்
    கவிதை அரங்குகளை களியாட்டம் ஆக்காமல்
    புதுமை தனைப்புகுத்தி புத்தூக்கம் கொடுத்துநின்றாய்
    அப்துல் ரகுமானை அனைவருமே பார்க்கவைத்தாய்
    அருமருந்தாய் கவிதைகளை அனைவருக்கும் கொடுத்துநின்றாய்
    இப்போது உன்கவிதை கேட்பதற்குத் துடிக்கின்றோம்
    எங்குசென்றாய் ரகுமானே என்றுதேடி அழுகின்றோம் !
    பேராசிரியார் பெரும் பதவி வகித்தாலும்
    ஆராத காதலுடன் அருந்தமிழை அணைத்தாயே
    ஊராரின் மனமெல்லாம் உட்கார்ந்த ரகுமானே
    உன்பிரிவால் அழுகின்றோம் ஒருகவிதை சொல்லுவாயா !

    ஆராய்ச்சி யாளனே அருந்தமிழ் வல்லோனோ
    ஆசிரியாய் இருந்து அருநூல்கள் தந்தவனே
    ஆட்சியாளர் அருகிருந்து அருங்கருந்து உரைத்தவனே
    அப்துல் ரகுமானே அழவிட்டுப் போனதெங்கே !

     

    Share

  • சரக்கு மற்றும் சேவை வரி (ஜி.எஸ்.டி)

    பவள சங்கரி

    தலையங்கம்

    இந்தியாவின் மொத்த உள்நாட்டு உற்பத்தி வருமானம் (ஜிடிபி) 6.1 சதவிகிதமாக சரிந்துவிட்டதாக நேற்றைய அறிவிப்பில் கூறப்பட்டுள்ளது. ஒவ்வொரு கட்சியினரும் அவரவர் நிலைக்கேற்ப இதைப்பற்றி விமர்சனம் செய்கின்றனர். உயர் மதிப்புடைய நோட்டுகள் செல்லாது என்ற அறிவிப்பிற்குப் பிறகு நமது நாட்டின் பொருளாதார வளர்ச்சி சரிவைச் சந்தித்துள்ளது. பொருளாதார வல்லுநர்கள் கூறுவதை விட்டுவிட்டு யதார்த்தமாக வியாபார உலகத்தையும் பொது மக்களின் பொருளாதார நிலையையும் பார்க்கும்போது வேதனைப்படாமல் இருக்க முடியவில்லை. செழுமையான வணிகம் இல்லை. மக்களிடம் தாராளப் பணப்புழக்கமும் இல்லை. இந்த நிலையில் ஜிஎஸ்டி ஜூலை 1ஆம் தேதியிலிருந்து அமலுக்கு வருவதாக அரசு அறிவித்துள்ளது இப்பிரச்சனையை மேலும் அதிகரிக்கச் செய்யக்கூடும். சரக்கு மற்றும் சேவை வரி (ஜி.எஸ்.டி) பற்றிய தெளிவான விளக்கங்கள் இதுவரை அதிகாரப்பூர்வமாக அறிவிக்கப்படவில்லை. இது குறித்த முழுமையான விவரங்களும் இதுவரை வெளியிடவில்லை. சாதாரணமாக சாப்பிடும் உணவகங்களுக்கு வரியை அதிகரித்தும், நட்சத்திர உணவு விடுதிகளுக்கான வரிவிதிப்பு குறைத்தும் அறிவிக்கப்பட்டுள்ளதால் மக்கள் தங்கள் எதிர்ப்பைத் தெரிவிக்கும் வகையில் நடத்திய போராட்டத்தில் அனைத்து உணவு விடுதிகளும் மூடப்பட்டிருந்தது. பொருளாதாரப் பிரச்சனைகள் இருக்கும் சமயத்தில் இதற்கான தீர்வை வல்லுநர்கள் மூலமாக ஆராய்ந்த பின்பே சரக்கு மற்றும் சேவை வரி (ஜி.எஸ்.டி) அமலாக்கப்படுவது சரியாக இருக்கும். ஜிஎஸ்டி என்பதை மத்திய , மாநில அரசுகள் தங்கள் அரசு சார்ந்த நலத்திட்டங்களாகக் கருதாமல், வணிகர்கள், பொது மக்கள் நலம் சார்ந்ததாக கருதும் வகையில் சிறப்பாக அமல் படுத்தினால் இத்திட்டம் முழுமையாக வெற்றி பெறலாம்.

    Share

  • கேசவ் வண்ணம் – கிரேசி எண்ணம்

    kesav
    ”நிறத்துக்கு நீலம், நினைப்புக்கு லீலை,
    கருத்துக்கு கொள்மனமே கீதை,! -சிரத்துக்குள்
    சீர்மல்கும் சீதரனை, சிந்திக்க ஜீவன்கண்,
    ணீர்மல்க ஆன்மாவா கும்’’….கிரேசி மோகன்….!

    Share

  • அருங்காட்சியகம் ஓர் அறிவுக் கருவூலம் – 90

    அக்வின்க்கும் பண்டைய ரோமானிய நகரம், அதன் அருங்காட்சியகம் – பூடாபெஷ்ட், ஹங்கேரி

    முனைவர் சுபாஷிணி

    பண்டைய ரோமானிய பேரரசு தெற்கே மத்தியத்தரைக்கடல் பகுதியிலிருந்து வடக்கு நோக்கி ஐரோப்பா முழுமைக்கும், இங்கிலாந்து, அயர்லாந்து என விரிந்த மிகப்பெரிய பேரரசாகத் திகழ்ந்தது. தன் ஆட்சி காலத்தில் ரோமானியப் பேரரசு தனது எல்லைக்குட்பட்ட நிலப்பகுதிகளில் நகரங்களை நிர்மானித்தது. பண்டைய ரோமானிய நகரங்களின் எச்சங்களை ஐரோப்பாவின் நாடுகளில் இன்றும் ஆங்காங்கே காணலாம். அத்தகைய சிதலமடைந்த ஒரு பண்டைய நகரமே ஹங்கேரியின் தலைநகரமான பூடாபெஷ்ட் நகரிலிருக்கும் அக்வின்க்கும் (Aquincum).

    as

    அக்வின்க்கும் ரோமானியப் பேரரசின் போர்த்தளவாடங்கள் நிறைந்திருந்த ஒரு பகுதி. இங்கே வீரர்களின் குடியிருப்புப்பகுதியோடு மக்களின் வாழ்விடங்களும் இணைந்த வகையில் இந்த நகரில் அமைக்கப்பட்டன. ரோமானியப் பேரரசு தனது எல்லையை விரிவாக்கிக் கொண்டே செல்லும் போது எல்லைப்பகுதி நகரங்களாக அமைந்த நகரங்களில் ஒன்று என்றும் அக்வின்க்கும் நகரைக் குறிப்பிடலாம். ரோமானியப் படை வருவதற்கு முன்னர் இப்பகுதியில் வாழ்ந்தவர்கள் கெல்ட்டிக் இனக்குழுவின் ஏராவாசி (Eravisci) சமூக மக்கள். கி.பி.41 வாக்கில் இங்கு 6000 பேர் கொண்ட ரோமானியப் படைகள் இங்கு வந்து, நகரை அமைத்து, கி.பி.89 முதல் இங்கு ரோமானியப் படைவீரர்களின் குடும்பங்கள் தங்கும் நகரமாக இது உருவெடுத்தது. சிறு நகரமாக இருந்த இந்த ஊர் பனோனியா வெற்றிக்குப் பிறகு பனோனியா நிலப்பகுதியின் தலைநகராமக உருவெடுத்தது. இது நிகழ்ந்தது கி.பி 106ம் ஆண்டில். அச்சமயத்தில் இந்த நகரில் 30,000லிருந்து 40,000 மக்கள் வாழ்ந்ததாக குறிப்புக்கள் சொல்கின்றன.

    அக்வின்க்கும் அருங்காட்சியகம் 1894ம் ஆண்டில் பொது மக்கள் பார்வைக்காகத் திறக்கப்பட்டது. இதனை முதன் முதலில் 1778ம் ஆண்டில் பூடாபெஷ்ட் நகரில் திராட்சை தோட்டம் போடுவதற்காக நிலத்தை சீர்செய்யத் தொடங்கிய ஒரு விவசாயிதான், இப்பகுதியில் நிலத்துக்குக்கீழே தோண்டும் போது, ஒரு கட்டுமானப் பகுதி இருப்பதைக் கண்டுபிடித்து அரசுக்கு அறிவித்தார். பின்னர் இந்த நகரத்தின் ஏனைய பகுதிகள் படிப்படியாக கண்டுபிடிக்கப்பட்டன என்றாலும் இவை எதைச் சார்ந்தவை என அறியப்படாமலேயே இருந்தது. 1820ல் தான் இப்பகுதியில் முறையான தொல்லியல் அகழ்வாய்வு நிகழ்த்தப்பட்டது. 1860 வாக்கில் ரோமானிய குளிக்கும் குளங்கள், நீர்த்தொட்டிகள் போன்றவை கண்டெடுக்கப்பட்டன. 1876ல் அப்போதைய இளவரசர் இந்த அகழ்வாய்வுப் பகுதிக்கு வந்து இதனை பார்வையிட்டுச் சென்றிருக்கின்றார். 1881ல் இங்குள்ள அம்பிதியேட்டர் பகுதி முழுமையாக அகழ்வாய்வில் வெளிக்கொணரப்பட்டது. 1889ல் அக்வின்க்கும் அகழ்வாய்வு அறிக்கை முறையாகச் சமர்ப்பிக்கப்பட்டு உலகுக்கு இந்த நகர் பற்றிய செய்தி விரிவாக அறிமுகமானது. 1936ம் ஆண்டு ஒரு அருங்காட்சியகமும் இணைக்கப்பட்டு இங்கு கண்டெடுக்கப்பட்ட அரும்பொருட்கள் காட்சிக்கு வைக்கப்பட்டன.

    as1

    இந்த அருங்காட்சியகத்தின் உள்ளே நுழைந்த பின்னர் வலது புறத்தில் காணப்படுவது ஒரு ஓவியனின் வீடு. இன்று காணப்படும் வடிவிலேயே கி.பி.2லும் பின்னர் மேலும் கி.பி.3லும் கட்டப்பட்ட வீடு இது. வீட்டின் வெளிப்புறம் தற்சமயம் புதுப்பிக்கப்பட்டு அக்காலத்தில் வீடு எவ்வாறு இருந்ததோ அதே நிலையில் காட்டப்படும் வகையில் அமைக்கப்பட்டுள்ளது. வீட்டின் உள்ளே இது கட்டப்பட்ட, அதாவது இன்றைக்கு ஏறக்குறைய 2000 ஆண்டுகளுக்கு முன் இருந்த தரைப்பகுதி, அறைகள், தரையில் அமைக்கப்பட்டுள்ள மொசைக் கல்வடிவம் ஆகியன இன்றும் அதன் நிலை கெடாமல் பாதுகாக்கப்படுகின்றன. இந்த ஓவியனின் வீட்டில் வாசலில் நிலைப்பகுதி, உட்காரும் திண்ணை, உள்ளே நுழைந்ததும் வரவேற்பரை, வெவ்வேறு அறைகள், சமயலறை, உணவருந்தும் அறை, வெளிப்பகுதி என பிரித்து பிரித்துக் கட்டியிருக்கின்றார்கள். இன்று எப்படி ஒரு வீடு அமைந்திருக்கின்றதோ அதே வடிவில் பெரிய மாற்றங்கள் ஏதும் இல்லாத வீட்டின் கட்டுமானத்தை இந்த கி.பி.2ம் நூற்றாண்டு ஓவியனின் வீடு காட்டுகின்றது.

    ரோமானிய வரலாற்றை பின் நோக்கிப் பார்க்கும் போது இந்த நாகரிகம் ஏராளமான தெய்வ வடிவங்களையும் புராணங்களையும் தன்னுள்ளே கொண்டிருப்பதை விலக்கிப் பார்க்க முடியாது. வீனஸ், மார்ஸ், நெப்டியூன், டயானா, அப்போலொ, வோல்கானூஸ் என பல தெய்வங்கள் பண்டைய ரோமானிய பண்பாட்டை அலங்கரித்தன. அரக்கர்களும், தேவர்களும், தேவதைகளும் குட்டி பூதங்களும் கொடிய விலங்குகளும் நிறைந்தவையே ரோமானியப் புராணக் கதைகள். கற்பனைக்கு எல்லையே ஏற்படுத்திக் கொள்ளாத ஏராளமான புராணக் கதைகள் மக்களின் வழிபாட்டிலும் அங்கம் வகித்தன எனக் குறிப்பிடும் அதே வேளையில் மன்னனையும் ஒரு கடவுளாக ஏற்றி வைத்துப் புகழ்பாடி வழிபடும் வழக்கமும் ரோமானிய பண்பாட்டில் இருந்தது என்பதையும் குறிப்பிடத்தான் வேண்டும். ரோமானிய பண்டைய புராணக்கதைகளை நினைவு படுத்தும் வகையில் ஒரு விளையாட்டு மைதானமும், புராணக்கதைமாந்தர்களின் நினைவினை ஏற்படுத்தும் வகையில் இங்கு அமைக்கப்பட்டுள்ளன. இந்த அருங்காட்சியக வளாகத்திற்கு வரும் குழந்தைகள் மட்டுமன்றி பெரியோரும் இந்த விளையாட்டு மைதானத்தில் சற்று ஓய்வெடுக்கலாம்.

    as2

    இந்த ரோமானிய குடியிருப்புப் பகுதியில் ஒரு பகுதியில் கசாப்புக் கடைக்காரரின் வீட்டின் அடித்தளம் அமைந்திருக்கின்றது. அதன் மறுபுறத்தில் மளிகைக்கடைக்காரரின் இல்லப்பகுதி இருக்கின்றது. ஒரு வீடு போன்ற வடிவமைப்பின் அடித்தளம் தான் இங்கு நாம் காண்பது. இந்த அடித்தளத்தைக் காணும் போது இந்த கடையின் முன்வாசல் பகுதி தெற்குப்புறமாகவும், மேற்குப் பகுதியில் சிறு கூடம் ஒன்று இருப்பது போலவும் அமைக்கப்பட்டதைக் காணமுடிகின்றது. வருகையாளர்களும் வாடிக்கையாளர்களும் சாலையிலிருந்து வரும் போது தெற்குப்புற வாசலின் வழியாக வந்து உள்ளே உள்ள பெரிய பகுதியில் தான் பொருட்களை வாங்கிச் சென்றிருக்க வேண்டும். கடையும் வீடும் ஒரே கட்டிடத்திற்குள் இருப்பது போல அமைந்திருக்கின்றார்கள். இம்மாதிரியான தொழில் செய்யும் இடமும் இல்லமும் ஒரே இடத்தில் இருப்பது பண்டைய நாகரிகங்களில் பொதுவாகக் காணப்படக் கூடிய ஒரு அம்சம் தான். ஆக, முன்புறம் உள்ள கடைப்பகுதியை அடுத்து தொடர்ந்தார்போல வருவது இல்லப்பகுதி. இங்கே சிறிய சிறிய அறைகள், சமயலறை போன்றவற்றைக் காணலாம். உடைந்தும் மிஞ்சி இருக்கும் சுவர்களில் இன்னமும் கூட ஆங்காங்கே சுவர் ஓவியங்களின் சில பகுதிகள் காணக்கிடைக்கின்றன.

    as3

    ரோமானிய பண்டைய நகரங்களில் நாம் காணக்கூடிய ஒரு பொது அம்சமாகத் திகழ்வது அம்பிதியேட்டர். கிரேக்கர்களைப் போலவே ரோமானிய பண்பாட்டிலும் கலையும் இசையும் பிரிக்கப்பட முடியாத அம்சங்களாகத் திகழ்ந்திருக்கின்றன. இதனைப் பிரதிபலிக்கும் சான்றுதான் அம்பிதியேட்டர் என்பது. அம்பிதியேட்டர் என்பது திறந்த வெளி மைதானத்தில் அடுக்கடுக்காக மேலே எழும்பும் வகையில் பார்வையாளர்கள் அமர செய்விக்கப்பட்ட அடுக்குகள் கொண்ட அறைவட்ட வடிவிலான மேடை. இந்த அறைவட்ட வடிவு இருக்கும் பகுதியில் பார்வையாளர்கள் அமர்ந்திருப்பார்கள். முன்னால் மேடையில் கலைஞர்களின் இசை நிகழ்ச்சியோ, நாடகமோ, நடனமோ, மல்யுத்தமோ ஏதாகினும் ஒன்று நடைபெறும் . இன்று நாம் பார்க்கும் காற்பந்து வளாகங்களின் முன்னோடிதான் அம்பிதியேட்டர் என்பது. அக்வின்க்கும் நகரிலும் ஒரு அம்பிதியேட்டர் கண்டுபிடிக்கப்பட்டது. அது இன்றும் நன்றாகப் பயன்படுத்தகூடிய வகையில் வெள்ளை நிறப்பளிங்கினால் வடிக்கப்பட்ட தளங்களுடன் கூடிய வகையில் அமைந்திருக்கின்றது. ஆகா.. என்ன கலைப்பாடு.. என பார்ப்போரை வியக்க வைக்கின்றது இதன் அமைப்பு.

    as4

    பண்டைய ரோமானிய நகரங்களின் மற்றுமொரு சிறப்பு அம்சம் பொதுக்குளியல் இடங்கள் எனலாம். சற்றே பெரிய நகரங்களில் மிகப்பெரிய குளங்களைக் காணமுடியும். அக்வின்க்கும் நகரிலும் இரண்டு குளியல் குளங்கள் கண்டுபிடிக்கப்பட்டன. இன்று நீர் இல்லாத நிலையில் இக்குளங்கள் இருந்தாலும், எவ்வாறு நீர் உள்ளே விடப்பட்டும் என்றும், எவ்வாறு நீர் வெளியே செல்லும், என்பதையும் நன்கு காணமுடிகின்றது. குளிர் நீருக்கு ஒரு குளமும் வெந்நீருக்கு ஒரு குளமும் என இரண்டு குளங்கள் இங்குள்ளன.

    இவை மட்டுமன்றி இந்த பண்டைய ரோமானிய நகரில் வீரவிளையாட்டுக்கான மைதானம், இசைப்பள்ளி, பயிற்சிக்கூடங்கள் பூங்காக்கள் போன்றவையும் இருக்கின்றன. இன்றைக்கு ஏறக்குறைய 2000 ஆண்டுகள் பழமையான ஒரு நகரை நேரில் கண்டு அனுபவிக்கும் வாய்ப்பினை அக்வின்க்கும் அருங்காட்சியகமும் இந்த நகரின் வளாகமும் நமக்கு அளிக்கின்றன.

    Share

  • சிறுவர் இலக்கியம் படைப்பது எப்படி? (4)

    பவள சங்கரி

    சிறுவர் இலக்கியம்

    பழைமை நினைவுகளுக்குள் ஊடுறுவிப் பார்ப்போம்!

    அவரவர் வாழ்க்கையில் இளமைக்காலங்களில் எத்தனையோ சம்பவங்கள் நிகழ்ந்திருக்கும். அவற்றை நினைவுப்பெட்டகத்திலிருந்து வெளிக்கொணர்ந்து அழகிய கதை வடிக்க இயலும். எனக்கும் ஒரு இளமைக்காலச் சம்பவம் எண்ணப்பெட்டகத்தில் வீற்றிருந்து பக்குவமாய் வெளிவந்த தருணமும் உண்டு. என் பள்ளிக்கால டிசம்பர் மாத மாலை நேர சிறப்பு வகுப்பு ஒன்றில் சக மாணவி, பென்சில் மொக்கின் முனை கூராக இருக்கவேண்டும் என்பதற்காக சீவிக்கொண்டே இருந்தாள். ஒரு கட்டத்தில் பக்கத்தில் ஏதோ சத்தம் கேட்க சட்டென்று திரும்பியவளின் வலது கண்ணில் பென்சில் முனை நறுக்கென்று குத்தி செருகிக்கொள்ள வீச்சென்ற அலறலுடன் மயங்கி சரிந்ததை நேரில் கண்ட காட்சியை இன்று நினைத்தாலும் குலை நடுங்குகிறது. கண்ணாமூச்சி விளையாட்டு விளையாடாதவர்கள் இருக்க முடியாது. கொஞ்ச நேரம் கண்கள் கட்டப்பட்டிருந்தாலே நாம் எவ்வளவு சிரமப்படுகிறோம். இந்த உலகமே இருண்டதுபோல் எல்லாம் கருமையாக… அப்பப்பா.. இப்படியே வாழ்நாள் முழுவதும் இருக்க வேண்டும் என்றால் நினைத்துப் பார்க்கவும் முடியவில்லை இல்லையா? இப்படித்தான் நம் இந்தியாவில் மட்டும் கிட்டத்தட்ட 70 இலட்சம் பேர் பார்வையற்றவர்களாக இருக்கிறார்கள். இந்த அடிப்படையில் எழுந்த கதைதான் கண் தானம், மாற்று கண் சிகிச்சை, கண்ணப்ப நாயனார் வரலாறு என்று, ‘தானத்திலே சிறந்தது கண் தானம்’ என்ற நல்ல விழிப்புணர்வு கதையாக வடிவம் பெற்றது. இதுபோன்ற விழிப்புணர்வு கதைகள் குழந்தைகளை ஈர்க்குமா என்ற கேள்வி எழலாம். குழந்தைகள் சம்பந்தப்பட்ட சூழல்களையும், உணர்வுப்பூர்வமான வசனங்களும், எளிமையான தொழில்நுட்பச் செய்திகளையும் சரிவிகிதத்தில் கலந்து கொடுக்கும்போது அவர்களுக்கு தாங்கள் புதுமையாக எதையும் கற்றுக்கொண்ட மனநிறைவும், தாங்களும் அது போன்று நன்மை செய்யும் நாயகனாக வேண்டும் என்ற உந்துசக்தியும் ஏற்படக்கூடும்.

    இப்படி ஒவ்வொருவருக்கும் அவரவர் குழந்தைப்பருவ நினைவுகூரல்கள் – நகைச்சுவையோ, சோகமோ, வீரதீர சாகசங்களோ, எதுவாயினும் அவை பலப்பல கதைகளுக்கு சாளரங்களாக சவாலாகி நின்றுவிடும்.

    மந்திர சக்தி மலரும் தருணம்:

    படைப்பாற்றலைப் பெருக்கும் மந்திர சக்தி மலர்வதற்குரிய உன்னதமான பொழுதுகள் நமக்குள்ளேயே இருக்கின்றன. மிகப்பெரிய எழுத்தாளர்கள், திரைப்பட கதாசிரியர்கள், இயக்குநர்கள் போன்ற பலரும் ஆகச்சிறந்த படைப்புகளை உருவாக்கும் சில குறிப்பிட்ட காலங்கள் உண்டு. ஆம் உறக்கமும் இல்லாமல் விழிப்பும் இல்லாமல் ஒரு அரை மயக்க நிலையில் தங்கு தடையின்றி எண்ண அலைகள் கொப்பளித்துக்கொண்டு மேலெழும்பும். என்னைப்பொறுத்தவரை அப்படியொரு சுகமான படைப்புப்பொழுது என்றால் அது விடியாத இளங்காலைப்பொழுதான 3மணி முதல் 5 மணி வரையிலான அந்த இனிய பொழுதையே சொல்வேன். கதை, கட்டுரை, கவிதை என்ற படைப்புகள் மட்டுமன்றி, முக்கியமாக எடுக்கவேண்டிய சில முடிவுகளைக்கூட சரியாகக் கணிக்க வைக்கும் உன்னதமான பொழுது அது. பகல் பொழுதுகளில் கலைந்த மேகங்களாக அங்கொன்றும் இங்கொன்றுமாக சிதறிக்கிடக்கும் சில கருத்துகள் ஒன்றிணைந்து பரந்த சூல்கொண்ட மேகங்களாக மழைபொழியத் தயாராகிவிடும். அதனைப் பொறுமையாக சேகரித்து செம்மையாக்கிக் கொள்வது அவரவர் திறமையைப் பொறுத்தது. மதியவேளை உண்ட களைப்பின் சிறுதூக்கம், இரவு நேர அரைத்தூக்கம் இப்படி எதுவாயினும் அவரவர் தனித்தன்மையின் அடிப்படையில் அமைவது அது. அவ்வேளையில் ஊற்றெடுக்கும் கற்பனைகளை நினைவில் இருத்தி, அதன் பயனை முழுமையாக கிரகித்து வெற்றிகரமான படைப்பாக வடிவமைப்பதில்தான் ஒரு எழுத்தாளரின் வல்லமை பொதிந்துள்ளது. நம் மனதை நெறிப்படுத்தும்விதமாக சில சிறிய முயற்சிகள் மேற்கொள்ள பழகிக்கொள்ளவேண்டும். யோகக்கலை பயின்றவர்களுக்கு இது மிக எளிதாகக் கைகூடும். கற்பனை விதையை கனிவாக ஊன்றி வளமாக முளைவிடச் செய்யும் சாகசத்தை அது தானாகவே நிறைவேற்றிவிடும். இதுவே அந்த மந்திர சக்தி.

    படுக்கையறையில் தலைமாட்டின் அருகில் சிறிய குறிப்பேடு வைத்துக்கொள்வதை வழமையாக்கிக்கொள்வது நலம். விழிப்பு நிலை ஆரம்பித்தவுடன் கனவில் தோன்றிய கற்பனைகளை குறிப்பெடுத்துக்கொள்ள வேண்டும். சம்பந்தமில்லாத கிறுக்கல்களாகத் தோன்றினாலும் அதையும் முழுமையாக குறித்துக்கொள்வது நலம். அன்றைய பொழுது முழுவதும் அது நம்மையறியாமல் அசை போட்டுக்கொண்டிருக்கும். ஓரிரு நாட்களில் ஒரு நிலைக்கு வந்துவிடும் அந்த கற்பனை மலர்கள், அழகிய மாலையாக உருப்பெற்றுவிடும். ஆனால் இவையனைத்திற்கும் அடிப்படை மன அமைதி, குழப்பமற்ற தெளிவான சிந்தனை , தேவையான ஓய்வு போன்றவை. மதிய வேளை குட்டித்தூக்கம் கூட படைப்பாளர்களுக்கு தம் திறனை ஊக்குவிக்கக்கூடியது என்பதை வின்ஸ்டன் சர்ச்சில், ஐன்ஸ்டீன், தாமஸ் ஆல்வா எடிசன் போன்றவர்களின் நம்பிக்கைகளும் உறுதி செய்கின்றன. கிடைக்கும் ஓய்வு நேரங்கள் அனைத்தையும், படைப்புகளை செப்பனிடும் அல்லது செம்மையாக்கும் உன்னத நேரங்களாகக் கொள்ளும் வழமை ஏற்படுத்திக்கொள்வது ஒரு எழுத்தாளருக்கு தேவையான ஒன்று. யோகக்கலை, தியானம் பயின்றவர்களுக்கு படைப்பாற்றலை வளர்த்துக்கொள்வது மிகவும் எளிது. தியானம் செய்யும் காலங்களில் பெரும்பாலும் ஏதோ ஒரு கற்பனை மின்னல் வெட்டும் சில நேரங்களில். அது அங்கேயே மொட்டாகி மலரவும் கூடும். சில நாட்களில் அது நல்ல படைப்பாக உருமாற்றமும் பெறும்.

    கனவும் கற்பனையும்:

    கனவு என்பது ஒவ்வொரு மனிதனும் கடந்துவரும் ஒரு மெய்யுணர்வு எனலாம். சிறு குழந்தைகள், வளர்ந்த சிறுவர்கள் முதல் பெரியவர்கள், முதியவர்கள் என அனைத்து பருவத்தினரும் கனவு காண்கிறார்கள். கருவறையில் இருக்கும் குழந்தைகூட கனவு காண்கின்றன என்கிறார்கள். மனிதர்கள்மட்டுமின்றி எலி, நாய், டால்பின், சிங்கம், சிறுத்தை, திமிங்கலம் போன்ற பல்வேறு மிருகங்களும் கனவு காண்கின்றனவாம்.

    கனவுகள், “மயக்க நிலையின் பட்டுப்பாதை” என்கிறார் சிக்மண்ட் ஃபிராய்ட். இதற்கு வெகு காலம் முன்பே உரோமானியர்கள், கிரேக்கர்கள், எகிப்தியர்கள் கனவுகளுக்கு ஒரு விசித்திரமான ஆற்றல் உள்ளது என்பதை ஆணித்தரமாக நம்பினார்கள். வரலாறுகளில் இதுபோன்று கனவுகள் நிஜ வாழ்வில் முக்கிய பங்காற்றும் பல சம்பவங்களை பார்த்துக்கொண்டுதான் இருக்கிறோம். அறிவியல்பூர்வமான ஆதாரங்கள் கிடைக்கப்பெறாதபோதும், கனவுகள் நீண்டகால நினைவுகளை வெளிக்கொணர பெரிதும் உதவி வருவதை வாய்மொழிக் கதைகள், உண்மைச் சம்பவங்கள் மூலம் அறிய முடிகிறது. என் அனுபவத்திலும் ஒரு சில சிறுகதைகளின் கரு மற்றும் குழப்பமேற்படுத்தும் முடிவுகளுக்கான தீர்வுகளும் கனவுகளின் மூலம் பெற்றிருக்கிறேன் என்பதை மறுக்கவியலாது. பகல் முழுவதும் உள்ளத்தோடு உறவாடும் சில நிகழ்வுகள் இரவின் மடியில் கனவின் வடிவில் ஏதோ ஒரு உருவம் பெற்று காவியமாகக்கூட உருவாகிவிடுவதுண்டு! படைப்புலக வாழ்க்கைக்கு இதுபோன்ற சில உள்ளுணர்வுகளின் பாதிப்புகள் பலனுள்ள வகையிலேயே அமைந்து விடுகின்றன. ஓரிரு நொடிகளில் காற்றில் கரைந்துவிடும் பல கனவுகளில் ஒரு சில மட்டுமே நினைவில் நின்று பயனளிக்கவல்லது. எது எப்படியாகினும் கனவு கண்டு விழித்த நொடியில் அதுபற்றி குறிப்பெடுக்காவிட்டால் அவை நிரந்தரமாக மறைந்து விடுவதுண்டு. ஆக தலைமாட்டில் அல்லது கையருகில் சிறு குறிப்பேடு வைத்திருப்பது நல்லது.

    பாலும் தண்ணீரும்:

    அன்னப்பறவை பாலையும், தண்ணீரையும் அழகாகப்பிரித்து பாலை மட்டும் அருந்திவிடும். ஒரு நல்ல எழுத்தாளரும்கூட அன்னப்பறவை போல இருக்கவேண்டியவர்கள். அன்றாடம் நம்மைச்சுற்றி ஆயிரக்கணக்கான நிகழ்வுகள் நடக்கின்றன. அவற்றிலிருந்து நல்லவைகளை மட்டும் பிரித்தெடுத்து அதனுடன் கற்பனையை சரிவிகிதத்தில் கலந்து அதனை சிறார்களுக்கான அழகிய கதையாகவோ, பாடலாகவோ, நாடகமாகவோ நெய்து, குழந்தைகளுக்கும் கற்பனை வளத்தை தூண்டும்விதமாக அளிக்கவேண்டியது எழுத்தாளரின் கடமை.

    எங்கள் வீடு இருப்பது தமிழ்நாட்டில், ஈரோடு நகரத்தில் குடியிருப்புகள் அதிகமாக உள்ள நகர்புறப்பகுதியில். கோடைக்கால விடுமுறை சமயத்தில் எங்கள் குழந்தைகளுடன், தங்கை, நாத்தனார் குழந்தைகள் என வீடே அமர்க்களமாக இருந்தது. இரவு நேரம் உணவு உண்டு முடித்துவிட்டு வெளியே சற்று ஆசுவாசம் கொள்வதற்காக வந்தோம். கோடையின் உச்சமான அக்னி நட்சத்திரம் என்பதால் புழுக்கம் வேறு. குழந்தைகள் அவ்வளவு எளிதாக குளிரூட்டப்பட்ட அறையினுள்கூட அடைய விரும்பவில்லை. மொட்டை மாடி, வாசல் என்று மாறி மாறி அலைந்துகொண்டிருந்தவர்களை அருகில் இருக்கும் எங்கள் குடியிருப்புக்கான பூங்காவிற்கு அழைத்துச் சென்றேன். காவலாளி கதவை நீக்கிவிட்டு தனது அறையில் ஓய்வெடுக்கச் சென்றுவிட்டார். குழந்தைகளுக்குக் கொண்டாட்டம்தான். நெடிதுயர்ந்த மரங்களும் எங்கோ ஓரிரு கிரீச்சொலிகளும் பௌர்ணமி நிலவும், பச்சைப் புல்வெளியும் அதனதன் இயல்பில் இனிமை காத்திருந்தன. குழந்தைகளின் தலையீடு அவைகளுக்கு எந்தவிதமான அசௌகரியங்களையும் ஏற்படுத்தவில்லை. பொமரேனியன் சிட்டுவும் குழந்தைகளுக்குச் சரியாக ஈடுகொடுத்து துள்ளி விளையாடிக்கொண்டிருந்தது. இரவு மணி 10 ஆகியிருந்தது. சுவர் எல்லையில் இருந்த புங்க மரத்தை நோக்கி சிட்டு திடீரென குரைக்க ஆரம்பித்தது. மரத்தை அண்ணாந்து பார்த்தவாறு சுற்றிச் சுற்றி வந்தது. விசுக்கென்று பறந்து வெளியே வந்த அந்த மிகப்பெரிய பறவை ஒரு முறை வட்டமடித்துவிட்டு வலப்புறம் திரும்பி சிறகு விரித்தது.

    “அட, என்ன பறவையிது?” என்றேன் நான்.

    “கழுகாக இருக்குமோ” என்றான் 8ஆம் வகுப்பு படிக்கும் மகிழன்.

    “கழுகு இந்த நேரத்தில், அதுவும் இந்த இடத்தில் வருவதற்கு வாய்ப்பில்லையே” என்றேன்.

    “புறா, காகம், செம்போத்து” போன்ற எதுவும் இருக்க வாய்ப்பில்லை. வௌவால் கூட இவ்வளவு பெரிதாக இருக்காதே?”

    அனைவரின் கண்களும் மெல்லிய அந்த ஒளியில் மெதுவாக வட்டமடித்து சிறகசைத்த அந்த பறவையைத் தொடர்ந்தன. சற்று தொலைவு பறந்து சென்று மீண்டும் திரும்பி வந்த அது விளக்கு கம்பத்தின் உச்சியில் சென்று அமர்ந்தது. நானும் மெல்ல அருகில் சென்று பார்த்தேன். ஆனாலும் அது அசையவில்லை. சற்று நெருங்கியபோதும் அதனிடம் எந்த அசைவும் இல்லை. மகிழனைத் தொடர்ந்து குழந்தைகள் ஒவ்வொருவராக வந்து வரிசை கட்டி நின்று உச்சியில் அசையாது உட்கார்ந்திருக்கும் அந்த பெரிய பறவையை வெறித்தவாறு அமைதியாக இருந்தனர். பத்து நிமிடங்கள் அதுவும் அசையாது அப்படியே உட்கார்ந்திருந்தது ஆச்சரியமாக இருந்தது. பின் தன் பெரிய சிறகை விரித்தவாறு விருட்டென்று பறந்துவிட்டது.

    அது இராட்சச ஆந்தை . அந்த நேரத்தில் இப்படியொரு நெருக்கமான குடியிருப்பு வளாகத்தில் இத்தனைப்பெரிய ஆந்தை வருவது அதிசயம்தான் என்று சொல்ல வேண்டியதில்லை.

    ஆந்தைகள் தூரப்பார்வை கொண்டவை, அவற்றின் கண்களுக்குச் சில அங்குலங்கள் தூரத்திலுள்ளவற்றைத் தெளிவாகப் பார்க்கமுடியாதவை. எனினும், மங்கலான வெளிச்சத்தில் கூட அவற்றின் பார்வை கூர்மையானது. ஊனுண்ணியான ஆந்தைகள் முழு இருட்டிலும் கூட ஒலியை அவதானித்து வேட்டையாடக் கூடியவை. மனிதர்கள் வாழும் இடங்களில் இவற்றைக் காண்பது அரிது. படங்களிலும், சரணாலயங்களிலும் மட்டுமே பார்த்திருந்த ஆந்தையை முதன் முதலில் நேரடியாகக் கண்டது அப்போதுதான்.

    இதுபோன்று அதிசய நிகழ்வுகள் மனதில் உறுதியான இடத்தைப் பிடித்துக்கொள்கின்றன. பல நேரங்களில் நம் வாழ்க்கையில் அரிதாக கிடைக்கின்ற பல அதிசயக் காட்சிகளை நாம் சரியாக பயன்படுத்த தவறிவிடுகிறோம். ஆனாலும் அடி மனதில் தங்கிவிடும் இது போன்ற அதிசய நிகழ்வுகள் என்றேனும் ஓர் நாள் படைப்பிலக்கியத்தில் பாதம் பதிக்கத்தான் செய்கின்றன.

    ஒரு நல்ல படைப்பாளிக்கு இந்த நிகழ்வு கற்பனையின் சிகரமேறி பல கதைகளை உருவாக்க வழியமைக்கலாம். சிறகு முறிந்து பறக்க முடியாமல் தவிக்கும் பறவையை பத்திரமாக பாதுகாத்து, மருந்து போட்டு காயம் ஆற்றி, இறுதியில் அதை அதன் குடும்பத்துடன் சேர்த்து வைக்கும் சிறுவர்கள், மனிதர்களிடம் நெருங்கிப் பழகும் வழமையில்லாத இப்பறவையின் துன்பம் போக்கி அதனுடன் உறவாடி, உணவூட்டிய சிறார்களின் உற்ற தோழனாகி அவர்களை ஒரு பெரிய ஆபத்திலிருந்து காப்பாற்றி தன் நன்றிக்கடனைச் செலுத்துவதாகவும், உடல் பூரண குணமடைந்த பின்பும் தன் குடும்பத்தாருடன் சென்று சேர விரும்பாமல் சிறுவர்களுடேனேயே தங்கிவிடும் ஆந்தை, சுற்றுச்சூழல் பாதுகாப்பை மையப்படுத்தி அல்லது மனித நேயப் பண்புகளை மையப்படுத்தி, என பலப்பல கோணங்களில் கதை உருவாக்கலாம். இது போன்ற களங்களில் அமைக்கப்பட்ட ஹாரி பாட்டர் கதைகள் இன்றளவும் உலகம் முழுவதும் சுற்றி வருவதே இதற்கான ஆதாரம்.

    தொடருவோம்

    Share

  • நினைக்கத் தெரிந்த மனம்

     ரா.பார்த்தசாரதி

    செய்தித் தாளை பிரித்தால் தினம் ஒரு சாலை விபத்து,

    நினைத்தாலே  பதை  பதைக்கிறது நம் மனம் 

    இரக்கமில்லாமல் கலப்படம் செய்யும் அரக்கர்களை கண்டு

    எதிர்க்க முடியாமல் கொதிக்கின்றது நம்  மனம்!

     

    ஜாதி,மத சண்டைகளை செய்யும் மத வெறியர்களை கண்டால் 

    சமாதானப்படுத்துவதா, பரிதாபப்படுவதா என நினைக்கும் நம் மனம் 

    நாடுகள் வேறாக இருந்தாலும்,அப்பாவிகளை கொல்லும் 

    தீவிரவாதிகளை கண்டால் வெறிக்கிறது நம் மனம் !

     

    சஞ்சலமின்றி சிறை செல்லும் அரசியல்வாதிகளை கண்டால் 

    காறித் துப்ப நமது மனம் எண்ணுகின்றது !

    கோடி,கோடியாக பணம் செலவழித்து திரைப்படம் எடுப்பதை கண்டால்!

    காதலுக்காக உயிர் விடுவது கண்டு நம் மனம் சிரிக்கின்றது!

     

    மக்களின் அறியாமையை மூலதனமாக்கி பணம் சேர்க்கும் 

    ஆன்மிகவாதிகளை கண்டால் நம் மனம் சினம் கொள்கிறது!

    முதல் போட்டு ஆரம்பித்த தொழில் நலிவடையும் போது 

    முதலாளியை கண்டு நம் மனம் வருத்தம் கொள்கின்றது !

     

    தினமும் நம் அறிவும், மனமும் பல உணர்வுகளை வெளிப்படுத்துகிறது  

    நம்மிடம் வெவ்வேறு வேலைகள் வரும்போது இவை திசை மாறுகிறது 

    நினைக்க தெரிந்த மனதிற்கு கெட்டதை மறக்கத் தெரியவேண்டும் 

    மறக்கத்  தெரிந்த மனதிற்கு என்றும் உண்மை புரியவேண்டும்

     

    Share

  • அம்மி மேல் நின்பதம் எந்தை தூக்கிவைக்க…..

    மீனாட்சி பாலகணேஷ்

    பார்வதி பரமேசுவரர்களின் தெய்வத்திருமணம். வைதிக முறையில் நிகழ்கின்றது. யாரெல்லாம் இத்திருமணத்தைக் காணத் திரண்டெழுந்துள்ளனராம்? மறைகள் அனைத்தையும் உணர்ந்தவனான பிரமதேவன்- அவன் முண்டகம் எனப்படும் தாமரை மலராகிய ஆசனத்தில் முளைத்தெழுந்து அதிலேயே அமர்ந்திருப்பவன். முகுந்தன் எனப்படும் திருமால். குலிசம் எனும் வச்சிராயுதத்தைக் கையில் ஏந்திய தேவர்கள் தலைவனான இந்திரன். இவர்களைத்தவிர இன்னும் முப்பத்து முக்கோடி தேவர்களுடன் எண்ணற்ற புலவோரும் சித்தர்களும் சூழ்ந்திருந்து, “இத்தெய்வத் திருமணத்தைக் காண நமக்கு இதுவென்ன பாக்கியம்?” என உள்ளம் நெகிழ்ந்து உருகுகின்றனராம்.

    சித்திரைத் திங்களில் பல திருக்கோவில்களிலும் ஐயன், அம்மையின் திருமண விழா நடைபெறும். அதுதான் இங்கு கூறப்படுகிறது.

    பக்தியினால் உருகும் அன்பர்கள் உள்ளம் பச்சாதாபத்தினாலும் உருகுகிறதாம். எதனால் என்று பார்ப்போமா?

    நமது வைதிகமுறைத் திருமணத்தில் ‘அம்மி மிதித்தல்,’ என ஒரு சடங்கு உண்டு. அதானது, மணப்பெண்ணின் இடது பாதத்தின் பெருவிரலை மணமகன் தனது வலக்கரத்தால் பிடித்தெடுத்து, ஒரு அம்மிக்கல்லின் மீதேற்றி வைப்பதாகும். இதன் பொருள் என்னவென்றால், “இந்தக் கல்லினைப்போல் கடினசித்தம் கொண்டவளாகி, மன உறுதியோடும், வலிமையோடும் வாழ்வில் என்னுடன் இணைந்து இன்பதுன்பங்களில் பங்குகொள்வாயாக,” எனக் கூறுவதாகும். இதற்கான மந்திரங்களை மணமகன் அப்போது உச்சரிப்பது வழக்கம்.

    சிவனுக்கும் பார்வதிக்கும் நடைபெற்ற திருமணத்திலும் இச்சடங்கினை மணமகனாகிய சிவபிரான் செய்தார். அன்பர்களால் புகழ்ந்து துதிக்கப்பட்ட (துதி மணக்கின்ற) அம்பிகையின் பாதங்களிலொன்றை எந்தையாகிய பிரான் எடுத்து அம்மிமேல் வைத்ததால், கடினமான அம்மிக்கல்லில் பட்டுச் சிவந்துபோன அப்பாதத்தைக்கண்டு அடியார்கள் மனம்வருந்தி உருகுகிறார்களாம். பாதத்தைக் கண்டு உருகியது ஒருபுறம்; இவ்வாறு ஐயன் அம்மையின் மலர்ப்பாதத்தைக் கல்லின்மீது வைக்கும் தொழிலைக் கண்டும் உள்ளம் உருகுகிறார்களாம்.

    ஏனெனில் ஒரு பெரியமனிதரை எந்த ஒரு சிறு செயலையும் செய்ய அவருடைய அடியார்களும், அன்பர்களும் விடமாட்டார்கள். அவர் செய்துவிட்டால் பொறுக்கவும் மாட்டார்கள்! சிவபிரான் என்ன சாமானிய மனிதரா?அந்தம் ஆதி அற்ற உயர்வானவனல்லவா? ஆனால் இந்தச் செயலை, சடங்கினை, அவனன்றி அவனுடைய திருமணத்தில் யாராலும் செய்ய இயலாதே!

    அதுமட்டுமல்ல; இப்போது அன்னையே அத்தன் செய்த அத்தொழிலுக்காக உருகுகிறாளாம்.

    தனது பாதத்தினை அவருடைய திருக்கரத்தாற் தூக்கி அம்மிமேல் இட்ட செய்கை மென்மையான அவளுடைய இதயத்தை உருக்கிவிட்டது. ஏன்? அவளை மணம் புரிந்து கொள்பவன் அகில சராசரங்களுக்கும் நாயகன். அகிலநாயகியான அவளுமே செயற்கரிய தவங்களைச் செய்தே அவனை அடைந்திருக்கிறாள். மற்றும் அவன் காலால் இட்ட பணியைத் தலையால் செய்ய தேவரும் மற்றோரும் காத்திருக்கிறார்கள். அவனோ தனது தகுதிக்கேற்றவண்ணம் பெருமிதம் கொண்டு நில்லாது, ‘இது நம் திருமணம்; இது ஒரு புனிதமான முதன்மையான சடங்கு,’ என்று உள்ளத்தில் கொண்டு, அம்மையின் பூம்பாதத்தைத் தன் திருக்கரத்தால் பற்றி, அதனை எடுத்து மென்மையாக அம்மிமேல் வைக்கிறான்.

    அந்த மெல்லிய பூப்போன்ற பாதத்தை அம்மிமேல் தூக்கிவைக்க அவனுடைய மனமும் ஒப்பியிருக்காதுதான். ஆயினும் ஐயன் செய்வதனை உலகமே பார்த்தபடி உள்ளது. உலகத்தோர் நன்னெறிகளைக் கடைப்பிடிக்க ஐயன் தானே முன்னுதாரணமாகி நிற்கிறான். ‘ரோல் மாடல்’ எனக் கூறுவதுண்டல்லவா? அதுதான் இதுவும்.

    திருமண வைபவத்தைக்கண்டு களித்துருகிய அடியார்கள் ‘அன்னையின் அடி நோகுமே’ என மனமுருக, ‘உலகிற்கே முதல்வன் தன்னடியைப் பற்றி தூக்கினாரே’ என அன்னை உருக, படிக்கும் நம்முள்ளத்தையும் உருக்கும் அழகிய பாடலிது.

    இது திருவுத்தரகோசமங்கை மங்களேசுவரி பிள்ளைத்தமிழ் எனும் நூலில் காணப்படும் ஊசற்பருவப் பாடல். இயற்றியவர் பெயர் அறியக் கிடைக்கவில்லை. தமிழ்நயம், சொல்நயம், சந்தநயம் எனப் பல அழகுகளும் கொண்டு பொலியும் நூலாகும் இது. பாடலடிகளைக் காண்போமே!

    ab
    …………………………………………………………..

    பாக்கிய நமக்கிதென்னப்
    பார்த்துருக வுஞ்சித்தி ரைத்திங்க ளென்னப்
    பதித்திடு மணச்சடங்கில்
    துதிமணக் கின்றநின் பதமம்மி மேலெந்தை
    தூக்கிவைத் துச்சிவந்த
    தொழில்கண்டு பின்னுருக நீயுமவர் கையினால்
    தூக்கிய தொழிற்குருகவும்
    …………………………………………………………

    புதுமணக் கோலமது கொண்டசுந் தரவல்லி
    பொன்னூச லாடியருளே!

    (திருவுத்தரகோசமங்கை மங்களேசுவரி பிள்ளைத்தமிழ்- பொன்னூசற்பருவம்)
    சென்ற கட்டுரையில் கண்டதுபோல் ஆதிசங்கரர் எழுதியருளிய அன்னைதெய்வத்தின் அழகுவடிவைப் போற்றும் சௌந்தரியலஹரி எனும் வடமொழிநூலில் உள்ள ஒரு பாடலின் கருத்தினையே இங்கு இப்பிள்ளைத்தமிழ் நூலாசிரியரும் அழகுற எடுத்தாண்டுள்ளார். சௌந்தர்யலஹரியினை வீரை கவிராஜ பண்டிதர் என்பவர் சுவைகுன்றாது தமிழில் மொழிபெயர்த்து வழங்கியுள்ளார். அப்பாடலைக் காணலாமா?

    “அன்னையே! உன் பாதங்கள் பஞ்சின்மேல் வைத்தாலும் வாடுகின்ற மென்மையான தன்மையுடையவை; சிவந்த தாமரை மலர் போன்றவை; இவ்வாறு அவற்றைப் போற்றாது சிலர் (மாய, மந்திரங்களைக் கற்றவர்கள்) இதனை ஆமையின் மேல் ஓட்டிற்கு உவமை கூறி வீணாக வியப்பார்களாம். கருநிற மிடற்றரானவரும் (நீலகண்டன்) உனது கையை மணநாளில் பற்றுபவருமான (வரர்= வரிப்பவர், வரைந்து கொள்பவர்) பெருமான் அந்த மென்மையான உனது பாதத்தினை அம்மிக்கல் மீதும் ஏற்றி வைப்பாராம். இந்த நிகழ்ச்சியைக் கண்ணுற்றோருக்கு வஞ்சகக் கொடியநெஞ்சை உடையவர் அவர் எனவே எண்ணத் தோன்றும். ஆயினும் சிறிது எண்ணிப் பார்த்தால் அவர் அவ்வாறானவர் அல்ல, உன்பால் மெத்த அன்பு கொண்ட ஆண்டகையான் என்பது தெற்றென விளங்கும்,” என்கிறார் புலவனார்.

    பஞ்சு அழுத்தினும் வாடு நின்பத
    பங்கயத்து இணை ஒப்பெனா
    விஞ்சை கற்றவர் வன்புறக் கம
    டத்தை வீணில் வியப்பராம்
    அஞ்சனப் புயல் அங்கை நின்வரர்
    அம்மி மீதிலும் வைப்பராம்
    வஞ்சகக் கொடு நெஞ்சர் அத்தனை
    வல்லர் அல்லர் நினைக்கினே.
    (சௌந்தர்யலஹரி- பாடல் 87- வீரை கவிராஜ பண்டிதர்)

    ஆதிசங்கரரின் சுலோகம், “எவ்வாறுதான் அந்த ஈசனுக்கு உனது மென்மையான பாதங்களை, கடினமான அம்மிக்கல்லின்மீது ஏற்றிவைக்க மனம் வந்ததோ?” எனக் கேட்பதாக அமைந்துள்ளது நோக்கத்தக்கது.

    ஒவ்வொரு புலவரும் தமது எண்ணத்திற்கியைய இக்கருத்தைச் சிறிது விரித்துப் பாடி மகிழ்ந்துள்ளனர். ஆகவே அனைத்துப் பாடல்களும் சொற்சுவையிலும் பொருட்சுவையிலும் சிறந்து விளங்குகின்றன அன்றோ?

    மீனாட்சி க. (மீனாட்சி பாலகணேஷ்)
    {முனைவர் பட்ட ஆய்வாளர், தமிழ்த்துறை,
    கற்பகம் பல்கலைக் கழகம், கோவை,
    நெறியாளர்: முனைவர் ப. தமிழரசி,
    தமிழ்த்துறைத் தலைவர்.}

    ************

    Share

  • எழிலரசி  கிளியோபாத்ரா – 12

     

    cleo1

    [பேரங்க நாடகம்]

    மூலம்: ஷேக்ஸ்பியர் & பெர்னாட்ஷா

    தமிழாக்கம்:  சி. ஜெயபாரதன், கனடா

    ++++++++++++++++++++++++++++++++++++++++++++++

    அங்கம் -2 பாகம் -12

    “எனக்கு முன்னால் நடக்காதீர்; உங்களை நான் பின்பற்றப் போவ தில்லை! என் பின்னால் வர வேண்டாம்; ஏனெனில் உம்மை நான் வழிநடத்தப் போவதில்லை! வாழ்க்கையில் ஒரே ஒரு மகிழ்ச்சி மட்டும்தான் உள்ளது: நேசிப்பதும், நேசிக்கப் படுவதும்!

    “கலைப் படைப்பாளியின் குறிநோக்கு, மனித உள்ளத்துக்கு ஒளி பாய்ச்சுவது.”

    ஜியார்ஜ் ஸான்ட் பிரெஞ்ச் பெண் எழுத்தாளர் [George Sand (1804-1876)]

    ஆண்டனி மீண்டும் என் தேவன் ஆனதால்,
    நான் கிளியோபாத்ரா மறுபடி ஆவேன் !….
    வண்ண உடையில் அவர் மாட்டி யிருப்பது,
    வாலிப ரோஜா மலர்! …

    (கிளியோபாத்ரா)

    வில்லியம் ஷேக்ஸ்பியர் [ஆண்டனி & கிளியோபாத்ரா]

    குறுகிய பூமியில் சீஸர்,
    பெருநடை போடுகிறார்! ஓ மனிதா!
    கீழான காலாட் படைநாம், அவர் நீள்
    காலிடைப் புகுந்து தலை நீட்டுகிறோம்,
    சுய மதிப்பினை யிழந்து!
    மனிதரே அதிபதி! சில வேளை,
    அவரது ஊழ் விதிக்கு!
    தவறு வானத்துக் கிரகங்களில் அல்ல,
    அருமை புரூட்டஸ்! நம்மிடமே உள்ளது!

    வில்லியம் ஷேக்ஸ்பியர் [ஜூலியஸ் சீஸர்]

    நேரம், இடம்:

    அலெக்ஸாண்டிரியாவில் எகிப்த் மன்னர் அரண்மனை. ·பாரோ மன்னர் வரலாற்று ஓவியங்கள் உயர்ந்த சுவர்களை அலங்கரிக்கின்றன. பகல் வேளை.

    நாடகப் பாத்திரங்கள்:

    ஜூலியஸ் சீஸர், மெய்க்காப்பாளி, கிளியோபாத்ரா, சேடியர்.

    காட்சி அமைப்பு:

    கிளியோபாத்ரா, டாலமியை அகற்றிவிட்டுத் தன்னை எகிப்துக்கு ராணியாக்க சீஸரை வேண்டுகிறாள். சீஸர் கிளியோபத்ராவின் அறிவையும், திறமையையும் மெச்சி அவளை ராணியாக்க ஒப்புக் கொள்கிறார். சீஸரின் பகைவனும், மருமகனுமாகிய ரோமாபுரித் தளபதி பாம்ப்பியை டாலமியின் படையினர் இரகசியமாகக் கொன்றதை அறிந்து சீஸர் வேதனைப்பட்டுக் கோபம் அடைகிறார். டாலமியும் அவரது ஆலோசகரும் அதற்குத் தண்டனை அடைகிறார். மனம் மகிழ்ந்து, கிளியோபாத்ரா தன் உடற் கவர்ச்சியால் வசீகரிக்கையில் சீஸர் காக்காவலிப்பு நோயால் தாக்கப்பட்டு, துடிப்புடன் தரையில் விழுகிறார். மருத்துவர் பணிக்குப் பிறகு சீஸர் படுக்கையில் புத்துயிர் பெற்று எழுந்து அமர்கிறார். சீஸர் ரோமுக்கு மீள்வதை நிறுத்தி கிளியோபாத்ரா அவரைத் தன் கவர்ச்சியால் மயக்கி ஆண்மகவு பெற்றுத் தருவாய் உறுதி அளித்து மகிழ்ச்சி ஊட்டுகிறாள்.

    கிளியோபாத்ரா: [மனம் நெகிழ்ந்து இசையோடு உச்சரித்து] ஆஹா! மார்க் ஆண்டனி! என்ன அழகிய பெயர்! மார்க் ஆண்டனி! உங்களுக்குச் சீடர்! ஆனால் எனக்குத் தேவர்! மார்க் ஆண்டனி! உங்களுக்காக உயிரைக் கொடுப்பவர்! மார்க் ஆண்டனிக்காக நான் உயிரைக் கொடுப்பேன்! எங்கே உள்ளார் மார்க் ஆண்டனி? அழைத்து வாருங்கள் மார்க் ஆண்டனியை! சீஸர், கனல் பற்றி எரியும் நெஞ்சில், பாலை வார்த்தீர்கள்! அலெக்ஸாண்டிரியாவுக்கு வந்து மார்க் ஆண்டனி என்னைக் காண ஏற்பாடு செய்வீரா?

    ஜூலியஸ் சீஸர்: [சற்று தயக்கமுடன்] மார்க் ஆண்டனி ரோமாபுரியில் உல்லாசமாக இருக்கிறான்! அலெக்ஸாண்டிரியாவுக்கு ஆண்டனியை அழைத்து வருபது எளிய தில்லை! நான் போனால்தான் அவன் வருவான். ரோமாபுரிக்கு நான் போய்த்தான் அவனை அனுப்ப வேண்டும்! நான் ரோமுக்குப் போனால் எகிப்துக்குத் திரும்ப மாட்டேன்! ஆண்டனி எகிப்துக்கு வந்தால், அவன் ரோமுக்கு மீள மாட்டான்! எனக்கு வேலை இருக்கிறது. நான் என் அறைக்குப் போக வேண்டும்.

    கிளியோபாத்ரா: [கெஞ்சிக் கொண்டு] என்னருகில் அமர்ந்து, என்னுள்ளம் குளிரக் கொஞ்சம் மார்க் ஆண்டனியைப் பற்றிப் பேசுங்கள்.

    ஜூலியஸ் சீஸர்: நான் போகாவிட்டால் டாலமியின் படைக் காவலர் அலெக்ஸாண்டிரியா துறைமுகத்திலிருது ரோமானியப் படையை வெட்டிவிடுவார்!

    கிளியோபாத்ரா: [விறுவிறுப்புடன் பதறி] டாலமியே செத்த பிறகு அவனுடைய படையாட்கள் எப்படி ரோமானியரைத் தாக்க முடியும்?

    ஜூலியஸ் சீஸர்: [சட்டென வெகுண்டு] டாலமி செத்த பிறகு அவரது மெய்க்காப்பாளி போதினஸ், போர்த் தளபதி அக்கிலஸ் ஆகியோர் தப்பி ஓடிவிட்டதாக அறிந்தேன். அவர்கள் அலெக்ஸாண்டியாவில் ரோமானிய ஆக்கிரமிப்புப் படையினருக்குத் தொல்லை கொடுத்து வருவதாகக் கேள்விப் படுகிறேன். … [வாயில் புறம் பார்த்து] .. அதோ! என் ரோமானியப் படைவீரன் ஒருவன் நொண்டிக் கொண்டு வருகிறான்! முகத்தைப் பார்த்தால் மகிழ்ச்சி ஊட்டும் செய்தியாகத் தெரிய வில்லை. [சீஸர் பதறிக் கொண்டு காவலனைக் கனிவுடன் நோக்குகிறார்]

    படைவீரன்: [காயங்களைக் காட்டி] பிரிட்டானஸ்! பாருங்கள் என்ன நடந்து விட்டதென? இனியென்ன செய்வீர்? [சீஸரைப் பார்த்து] ஜெனரல், பாருங்கள் என் படுகாயத்தை! காயப்பட்டது நான்! தாக்கப்பட்ட படைவீரர் இருவர் மாண்டு போனார் அங்காடி வீதியில்!

    ஜூலியஸ் சீஸர்: [கவனமுடன்] ஏன் அவர்கள் தாக்கப்பட்டார்? எப்படி உனக்குக் காயம் உண்டானது?

    படைவீரன்: அக்கில்லஸ் தலைமையில் படைக்குழு ஒன்று அலெக்ஸாண்டிரியாவில் நுழைந்தது. உடனே எகிப்திய மக்கள் அவருடன் சேர்ந்து, ரோமானியரைத் தாக்க ஆரம்பித்தனர். ரோமானியர் உதைக்கப் பட்டார். எனக்குக் கிடைத்த உதையில் நான் தப்பினேன். மற்ற இருவர் மாண்டு போனார்.

    ஜூலியஸ் சீஸர்: உன்னுயிர் தப்பியதைக் கண்டு மகிழ்ச்சி அடைகிறேன். … [படைவீரனைப் பார்த்து] உள்ளே சென்று காலுக்கு மருந்து போட்டுக்கொள். [படைவீரன் உள்ளே செல்கிறான்.]

    [சீஸரின் படைவீரர் லெஃப்டினென்ட் ரூஃபியோ வேகமாக வருகிறார்]

    cleo2

    ரூஃபியோ: [ஆங்காரமாக] சீஸர்! மகா அவமானம் நமக்கு! நமது ஆக்கிரமிப்புப் படையை எகிப்த் படை அடைத்துச் சூழ்ந்து கொண்டிருக்கிறது. யாருமிதை எதிர்பார்க்கவில்லை! உயிர்ச் சேதமும், பொருட் சேதமும் உண்டாகும்!

    ஜூலியஸ் சீஸர்: ரூபியோ! நமது கப்பல்கள் சில மேற்குத் துறைமுகத்தில் உள்ளன. அவற்றில் எல்லாம் தீவைத்து விடுங்கள்!

    ரூஃபியோ: [ஆச்சரியமுடன்] என்ன கப்பல்களை எரித்து விடவா?

    ஜூலியஸ் சீஸர்: ஆம் அவற்றை எரித்து விடு! ஆனால் கிழக்குத் துறைமுகத்திலிருக்கும் ஒவ்வொரு கப்பலையும் பயன்படுத்தி ·பரோக்களின் படகுகளைக் கைப்பற்று. அந்த தீவையும் பிடித்து விடு! விடாதே! பாதிப் படையினரை கடற்கரையில் காவல் வை. மீதிப் பேரை வெளியே படகில் நிறுத்து.

    ரூஃபியோ: [முழுவதும் உடன்படாமல்] அலெக்ஸாண்டிரியா நகரை விட்டுவிடச் சொல்கிறீரா?

    ஜூலியஸ் சீஸர்: நாமின்னும் அதைக் கைப்பற்றவில்லை, ரூ·பியோ! கைவசப்படாத ஒன்றை எப்படி நாமிழக்க நேரிடும்? இந்த மாளிகை நம்முடையது! அடுத்தது அந்த மாளிகை, என்ன பெயர் அதற்கு?

    ரூஃபியோ: நாடக அரங்கம்.

    ஜூலியஸ் சீஸர்: ஆமாம், நாடக அரங்கமும் நமதே! மற்ற எகிப்தின் பகுதிகள் எகிப்தியருக்குச் சொந்தம்.

    ரூஃபியோ: சீஸர்! உங்களுத்தான் எல்லாம் தெரியும்! சரி நான் விடை பெறுகிறேன்.

    ஜூலியஸ் சீஸர்: அந்தக் கப்பல்கள் அனைத்தும் எரிக்கப்பட்டனவா?

    ரூஃபியோ: இதோ போகிறேன்! ஆணைப்படி நிறைவேறும்! கால தாமத மாகாது! [வெளியேறுகிறார்]

    பிரிட்டானஸ்: சீஸர்! டாலமியின் மெய்க்காப்பாளி போதினஸ், உங்களுடன் பேச விரும்புகிறார். அவருடைய போக்கு சரியில்லை! அவருக்கு ஒரு பாடம் கற்பிக்க வேண்டும்.

    ஜூலியஸ் சீஸர்: போதினஸ், எங்கிருக்கிறார்? அனுமதி அளியுங்கள் அவருக்கு! [போதினஸ் நுழைகிறார்] .. ஹலோ போதினஸ்! உமக்கு என்ன வேண்டும்? நண்பனாக வந்திருக்கிறாயா? அல்லது ரோமானியருக்கு நாச காலனாக வந்துள்ளாயா?

    போதினஸ்: உங்களுக்கு முடிவுரை கூற வந்துள்ளேன்! உங்களுக்கு முடிவு காலம் வந்து விட்டது!

    cleo3

    ஜூலியஸ் சீஸர்: [கோபமாக] எங்களுக்கு முடிவு காலமா? சீஸருக்கு முடிவுரையா? கூறுவது யார்? தலையில்லாத முண்டமா? உங்கள் அரசர் டாலமிக்கு என்ன ஆயிற்று தெரியுமா? … நாங்கள் விரட்டிச் சென்ற போது, நைல் நதியில் குதித்து மூழ்கி விட்டார்! ·பரோ பரம்பரைக்காரி கிளியோபாத்ராவைத் தவிர உமக்கு அரசர் யாருமில்லை! அவர்தான் எகிப்தின் ராணி என்று ஒப்புக் கொள்ளுங்கள். கிளியோபாத்ரா எங்கள் பாதுக்காப்பில் இருக்கிறார். நீங்கள் அவரை ஏற்றுக் கொள்ளா விட்டால். உங்களை அரண்மனையில் தடம் வைக்க விடமாட்டார்!

    போதினஸ்: [ஆங்காரமாக] நாங்கள் கிளியோபாத்ராவை ராணியாக ஏற்றுக் கொள்ள முடியாது! உங்களையும் எகிப்த் ஆக்கிரமிப்புத் தளபதியாக ஒப்புக் கொள்ள முடியாது! டாலமியின் அடுத்த சகோதரி அரச பீடத்தில் அமரத் தயாராக உள்ளார்! அவர்தான் எங்கள் புது ராணி!

    ஜூலியஸ் சீஸர்: [கோபத்துடன்] முதலில் நீவிர் எமது போர்க்கைதி! போரை அறிவிக்காமல் போர் தொடுத்து, ரோமானிய வீரர் இருவரைக் கொன்றது உங்கள் குற்றம். பிரிட்டானஸ்! கைது செய் போதினஸ் போர்க் கைதியை!

    Share

  • இங்கிலாந்திலிருந்து ஒரு மடல். . . . . (237)

    அன்பினியவர்களே!

    அன்பான வணக்கங்களுடன் இவ்வார மடலில் உங்களுடன் கருத்தாடும் சந்தர்ப்பம் கிட்டியமைக்காக எனது அன்பு நன்றிகள். நேற்றுபோல இன்று இல்லை எனும் வரிகள் கவியரசரின் பாடல் ஒன்றில் ஒலிப்பதுண்டு. அது அரசியல் உலகிற்கு மிகவும் பொருந்தும். சுமார் நான்கு மாதங்களுக்கு முன்னால் திடீர் தேர்தல் ஒன்றிற்கு வாய்ப்புண்டா என்று இங்கிலாந்துப் பிரதமர் திரேசா மே அவர்களிடம் கேட்கப்பட்ட கேள்வியொன்றுக்கு “நிச்சயமாகக் கிடையாது. ப்ரெக்ஸிட் எனப்படும் ஐரோப்பிய ஒன்றியத்திலிருந்து ஐக்கிய இராச்சியத்தை வெளியேற்ற வேண்டும் எனும் ஐக்கிய இராச்சியப் பெரும்பான்மை மக்களின் ஆணைப்படி அதனை நடைமுறைப் படுத்துவது ஒன்றே எனது முன்னால் இப்போது இருக்கும் கடமை” என அறுத்து, உறுத்து அடித்துச் சொன்னார் பிரதமர். அதே பிரதமர் சுமார் எட்டு வாரங்களுக்கு முன்னால் ஜூன் மாதம் எட்டாம் திகதி திடீர்ப் பொதுத்தேர்தல் என்று அறிவித்து விட்டார்.

    eng1என்ன இந்த மாற்றம்? நேற்று இல்லாத மாற்றம்? எனும் கேள்வி அனைவர் நெஞ்சங்களிலும் அலைமோதியது. பல ஊகங்கள், பல விளக்கங்கள். அரசியலைக் கலக்கிக் குடித்தவர்கள் என்று கருதப்படும் ஊடகவியலாளர்களுக்கோ மீண்டும் ஒரு தீபாவளி எனும் வகையில் ஒரே குஷி. விளக்கு, விளக்கு என்று அனைத்து வகைகளிலும் விளக்கித் தள்ளி விட்டார்கள் போங்கள். பிரதமரின் திடீர் மாற்றத்திற்கு ஒரு காரணம் இருக்கத்தானே வேண்டும்! அது என்ன? அதற்குப் பின்வரும் சில காரணங்களாக இருக்கலாம்.

    அரசப் பெரும்பான்மை பலம்:
    2015ஆம் ஆண்டு நடைபெற்ற தேர்தலில் அரசாங்கம் வெறும் 13 பெரும்பான்மை மட்டுமே கொண்டிருந்தது. அதிலே ஒரு பாரளுமன்ற உறுப்பினர் விலகிக்கொள்ள அது வெறுன் 12 ஆகக் குறைந்து விட்டது. பன்னிரண்டு பெரும்பான்மை உள்ளதுதானே பின் எதற்கு இந்த அவசரம் என்று எண்ணலாம். இந்த ப்ரெக்ஸிட் எனும் பூதம் இருக்கிறதே அது ஒரு பதட்டமான சூழலைக் கொடுத்துள்ளது. அப்படி என்ன பதட்டமான சூழல்? அது வெறும் அரச, எதிர்க்கட்சிகளுக்கிடையிலான போராட்டம் அல்ல, கட்சி பேதங்களைக் கடந்து இந்த ப்ரெக்ஸிட்டுக்கான ஆதரவும் எதிர்ப்பும் அனைத்துக் கட்சிகளிலும் பரவலாகக் காணப்படுகிறது. உதாரணத்திற்கு பிரித்தானியா ஐரோப்பிய ஒன்றியத்திலிருந்து விலகுவதை விரும்பாத பாராளுமன்ற உறுப்பினர்கள் அரசாங்கச் சார்பானவர்களிலும் இருக்கிறார்கள். ஐரோப்பிய ஒன்றியத்திலிருந்து விலகுவதற்கான அடிப்படை ஒப்பந்தம் பாராளுமன்றத்தின் அங்கீகாரத்துக்கு வருகிறது என்று வையுங்கள் அதற்கு எதிராக வாக்களிக்கும் எதிர்க்கட்சிகளுடன் சேர்ந்து வெறும் 13 அரசப் பாராளுமன்ற உறுப்பினர்கள் வாக்களித்து விடுகிறார்கள் என்று வைத்துக் கொள்ளுங்கள்.பிரதமர் அம்போதான்!

    பிரதமரின் அதிகாரம்:
    அது என்ன பிரதமரின் அதிகாரம்? 2015ஆம் ஆண்டு நடைபெற்ற தேர்தலில் பிரதமராகத் தெரிவு செய்யப்பட்டவர் டேவிட் கமரன் ஆவார். அவர் அளித்த தேர்தல் அரசியல் விஞ்ஞாபனத்தை ஆதரித்து அவருக்கு பிரதமராகும் அதிகாரத்தை மக்கள் வழங்கினார்கள். தானளித்த வாக்கின் அடிப்படையில் 2016ஆம் ஆண்டு ஐரோப்பிய ஒன்றியத்தில் தொடரும் அங்கத்துவத்துக்கான சர்வஜன வாக்கெடுப்பை நடத்தினார் அன்றைய பிரதமர் டேவிட் கமரன். ஐரோப்பிய ஒன்றியத்தின் அடிப்படைத் திட்டங்களில் சில மாற்றங்களுக்கு வழிவகுத்து ஐரோப்பிய ஒன்றியத்தில் பிரித்தானியா தொடர்ந்து அங்கம் வகிப்பதே எமது நாட்டு நலனுக்கு உகந்தது எனும் கருத்தை முன்வைத்தார் டேவிட் கமரன். ஆனால் அனைவரின் எதிர்பார்ப்புகளுக்கும் முரணாக அவரது கருத்துக்கு எதிரான நிலைப்பாட்டையே மக்கள் எடுத்தார்கள். விளைவு ப்ரெக்ஸிட் எனும் முள்மரம். தான் எடுத்த நிலைப்பாட்டுக்கெதிரான நிலைப்பாட்டை மக்கள் விரும்புவதால் அதனை நிறைவேற்றும் தகுதி தனக்கில்லை என்று ஜனநாயகக் கோட்பாடுகளுக்கே ஒரு எடுத்துக்காட்டாகத் தனது பிரதமர் பதவியிலிருந்து மட்டுமல்ல அரசியலில் இருந்தே ஒதுங்கி விட்டார் முன்னாள் பிரதமர் டேவிட் கமரன். ஓட்டுநர் இல்லாமல் வாகனம் இடைத்தெருவில் நிறுத்தப்படும்போது மற்றொரு ஓட்டுநர் அதனை அதன் இறுதித் தரிப்பிடம் வரை கொண்டு செல்ல வருவது போல பிரதமர் நாற்காலியில் வந்து உட்கார்ந்தார் அம்மையார் தெரேசா மே. மக்களின் ஆணையின்றிப் பின் கதவால் வந்து அமர்ந்த இந்தப்பிரதமருக்கு மக்களின் ஆணையை நிறைவேற்றும் அதிகாரம் எப்படி இருக்கும் என்று ஆங்காங்கே சில குரல்கள் வலுவாக ஒலித்துக் கொண்டிருந்தன. தனக்கென ஒரு மக்கள் ஆணையைப் பெறுவது ஒன்றே தனக்குச் சரியான அதிகாரத்தை வழங்கும் என்று தெரிந்து கொண்டார்.

    கருத்துக்கணிப்பு முடிவுகள்:
    அந்த நேரத்தில்தான் கருத்துக்கணிப்புகள் பிரதமரின் கன்சர்வேடிவ் கட்சி, லேபர் கட்சியை விட 27 வீதப் புள்ளிகள் முன்னணியில் நிற்கின்றது எனத் தொடர்ந்து சில வாரங்கள் அறிவித்தன. லேபர் கட்சிக்கு ஜெர்மி கோர்பன் தலைவராக வந்த நாள்முதல் அக்கட்சிக்குள் அவருக்கெதிரான உட்பூசல்கள் ஓய்ந்தபாடில்லை. இத்தகைய சூழலில் லேபர் கட்சி வெற்றி பெற்று அரசமைப்பது என்பது நடைபெற முடியாத விடயம் எனப் பல அரசியல் அவதானிகள் கருத்துத் தெரிவித்தார்கள். பிரதமர் தெரேசா மே அவர்கள் ஒரு கணிக்கப்பட்ட சிக்கலான முடிவொன்றை (calculated risk) எடுத்தார். தனது பாராளுமன்றப் பெரும்பான்மை பலத்தைக் கூட்டுவதற்காகவும், தன்னையே மக்கள் ப்ரெக்ஸிட் விடயத்தில் நம்பியிருக்கிறார்கள் என்பதை நிரூபிப்பதற்காகவும் தனது வெற்றி உறுதியானது எனும் துணிச்சலில் பாராளுமன்றத்தைக் கலைத்து ஜூன் 8ஆம் திகதி திடீர்த் தேர்தல் ஒன்றை அறிவித்து விட்டார்.

    மேற்கூறிய மூன்று முக்கிய காரணிகளுமே பிரதமரின் இந்த மனமாற்றத்துக்குக் காரணம் என்பது பல அரசியல் அவதானிகளின் அனுமானம். சரி தேர்தல் திகதி அறிவிக்கப்பட்டதும் அனைத்துக் கட்சிகளும் வரிந்து கட்டிக் கொண்டு பிரசாரத்தில் ஈடுபட்டன. பிரசார ஆரம்பத்தில் அனைத்து அரசியல் விமர்சகர்களின் கருத்தும் ஒருமித்த வகையில் திரு ஜெர்மி கோர்பன் தலைமையிலான லேபர் கட்சி படுபயங்கரமான தோல்வியைத் தழுவப் போகின்றது என்றே ஒலித்தது. ஜெர்மி கோர்பன் அவர்களைப் பொறுத்தவரை அவருக்கு எதிரானவர்கள் கூட அவரின் நேர்மையையும்,கொள்கையிலிருந்து வழுவாத தன்மையையும் பாரட்டினார்கள் என்பது உண்மை. ஆனால் அதேசமயம் அத்தகைய நேர்மை இன்றைய அரசியல் சூழலில் மக்களிடையே எடுபடாது ஆகையால் அவரும், அவரால் வழிநடத்தப்படும் லேபர் கட்சியும் வெற்றியடைவது என்பது நினைத்துக்கூடப் பார்க்க முடியாத ஒன்றாகவே கருதப்பட்டு வந்தது.

    • NHSஎனும் அனைவராலும் போற்றப்படும் இங்கிலாந்து தேசிய சுகாதாரசேவை உடையுமளவுக்கு தத்தளித்துக் கொண்டிருக்கும் நிலை,
    • அரச சமூகசேவை சேவையில் அடிமட்டம் வரை சென்று விட்ட நிலை,
    • மக்களின் வாழ்க்கைத்தரம் குன்றிய ஒரு நிலை,
    • அரச ஊழியர்களுக்கு கடந்த ஏழு வருடங்களாக ஊதிய உயர்வு அளிக்கப்படாத ஒரு நிலை

     என்று பல காரணிகள் அரசுக்கு எதிராக இருக்கும் ஒரு நிலையில் சாதாரணமாக இத்தேர்தலில் எதிர்க்கட்சி கொடிகட்டிப் பறக்க வேண்டும் ஆனால் ஜெர்மி கோர்பன் எனும் காரணி லேபர் கட்சியை கீழ்நோக்கி இழுக்கிறது என்பதாகவே பொதுக்கருத்து இருந்தது.

    ஏன் ஜெர்மி கோர்பன் மீது இத்தனை காட்டம்?

    • தனது முப்பது வருடகால அரசியலில் திரு.ஜெர்மி கோர்பன் அவர்கள் எப்போதும் தனது கட்சியில் ஒரு தனி மனிதராகவே அடையாளம் காணப்பட்டார்.
    • மிகவும் தீவிரவாத சோசலிசக் கோட்பாடுகளைத் தனது கொள்கைகளாகக் கொண்டிருந்தார்,
    • அவரது கட்சியான லேபர் கட்சி டோனி பிளேயரின் தலைமையின்கீழ் அரசாட்சி செய்தபோது இறங்கிய ஈராக், லிபியா யுத்தம் அனைத்துக்கும் எதிராக வாக்களித்த ஒரு மனிதர்.
    • அணுவாயுதங்கள் அனைத்தையும் இங்கிலாந்து சுயாதீனமாகக் கைவிடவேண்டும் என்பதைத் தனது தீவிரக் கொள்கையாகக் கொண்டிருந்தவர்.
    • அதைத்தவிர அயர்லாந்து தீவிரவாத அமைப்பான ஜ.ஆர்.ஏ எனும் அமைப்பு இங்கிலாந்தில் பல குண்டுவெடிப்புத் தாக்குதல்களை நிகழ்த்திக் கொண்டிருந்த வேளையில் அவ்வமைப்பின் அரசியல் அங்கமான சின் வெயின் எனும் கட்சியின் தலைவர்களுடன் தொடர்புகளைக் கொண்டிருந்தார்.
    • மேற்கத்தியநாடுகளினால் பயங்கரவாத அமைப்பென்று அறிவிக்கப்பட்ட ஹமாஸ் அமைப்பின் தலைவர்களை இங்கிலாந்து பாரளுமன்றத்துக்கு தன்னிடைய அதிதிகளாக அழைத்திருந்தார்.

    இது போன்ற காரணங்களினால் ஜெர்மி கோர்பன் அவர்கள் தேசப்பற்று அற்றவர் எனும் கருத்து பெரும்பான்மையான இங்கிலாந்து மக்களிடையே நிலவி வந்தது. ஆனால் இன்றோ லேபர் கட்சியின் தலைவராகிவிட்ட நிலையில் அணுவாயுதங்கள் தொடர்பான தனது கொள்கையைச் சற்று மற்றியுள்ளார்.

    அதைத் தவிர பயங்கரவாத அமைப்புகளுடன் உள்ள தொடர்பு பற்றிய குற்றச்சாட்டுக்கு “நான் எப்போதுமே அனைத்து பயங்கரவாதச் செயல்களுக்கும் எதிரானவன், அச்செயல்களில் ஈடுபட்டோருடன் தான் தொடர்பு கொள்ளவில்லை. அச்செயல் புரிவோரைக் கட்டுபடுத்தக்கூடிய அரசியல் அமைப்புகளுடன் தொடர்பு கொண்டு அச்செயல்களுக்கு அரசியல் தீர்வு ஏற்படுத்த முயன்றேன்” என்று விளக்கமளித்துள்ளார்.

    இன்றைய அரசியல் களத்தின் நிலை: 
    பிரதமர் திரேஸா மே அவர்களையே அச்சம் கொள்ளும் அளவுக்கு மாற்றமடைந்திருக்கிறது. எப்படி என்கிறீர்களா? 22வீதம் முன்னணியில் இருந்த கன்சர்வேடிவ் கட்சியின் eng2ஆதரவு 3 வீதமளவுக்கு குறைந்து விட்டிருக்கிறது. காரணம் என்ன? ஜெர்மி கோர்பன் அவர்களுக்கு இழப்பதற்கு ஒன்றுமேயில்லை ஏனெனில் அவர் பிரதமராவது நடைபெறாத விடயம் என்று பெரும்பான்மை முடிவாக இருந்தது. ஆனால் மக்களிடையே புகுந்து அவர் மக்களது அன்றாடப் பிரச்சனைகளுக்குத் தீர்வளிக்கும் வகையில் தமது கொள்கைப்பிரகடனங்களை அழுத்தமாகக் கூறிவருவது அவரின் மீது மக்களுக்கிருந்த கருத்தை அவருக்குச் சாதகமாக திருப்பிக் கொண்டிருக்கிறது. ஊடகங்களின் தொடர்ச்சியான ஜெர்மி கோர்பன் மீதான தாக்குதல்கள் அவர் மீது ஓர் அனுதாப அலையைக் கிளப்பி விட்டிருக்கிறது என்றே கூற வேண்டும். நேற்று அதாவது 31.05.2017 அன்று இங்கிலாந்து தொலைக்காட்ச்சி பீ.பீ.சி நடாத்திய தேர்தல் விவாதத்தில் அனைத்துத் தலைவர்கள் கலந்துகொண்ட போதிலும் பிரதமர் தனக்குப் பதிலாக தனது உள்துறை அமைச்சரை அனுப்பியது பிரதமர் ஜெர்மி கோர்பனுடன் நேருக்கு நேராக மோதுவதற்கு அச்சப்படுவதான ஒரு தோற்றத்தை ஏற்படுத்தியுள்ளது. அது மட்டுமன்றி படுத்த படுக்கையில் விழும் வயதானவர்களுக்கு அரச உதவி தேவைப்படும் பட்சத்தில் அதற்கான செலவை அவர்களின் மரணத்தின் பின்னர் அவர்களைது உடமைகளை விற்பதன் மூலம் அரசு எடுத்துக் கொள்ளும் எனும் கொள்கையிலிருந்த விரிசல்களை ஜெர்மி கோர்பன் சுட்டிக்காட்ட அதன் விளைவுகள் கொடுத்த தாக்கத்தைச் சமாளிக்க பிரதமர் தனது கொள்கையை முற்றிலும் மாற்றியமைக்க வேண்டி வந்தது ஜெர்மி கோர்பனுக்கு கிடைத்த வெற்றி என்றே கருதுகிறார்கள்.

    வெல்லவே முடியாத நிலையிலிருந்த ஜெர்மி கோர்பனின் வெற்றியைத் தடுக்க வேண்டும் என்று கன்சர்வேடிவ் கட்சி செயல்படும் அளவுக்கு ஜெர்மி கோர்பன் தனது செல்வாக்கை உயர்த்தியுள்ளார். இது அவரது கொள்கையின்பால் மக்களுக்கு ஏற்பட்டுள்ள நம்பிக்கையா? இல்லையானல் பிரதமர் மீதும் அவர் கட்சியின் மீதும் கொண்ட சந்தேகத்தினால் ஜெர்மி கோர்பனுக்கு ஏற்பட்ட அனுகூலமா? எனும் விவாதம் பல வட்டங்களில் நடந்து கொண்டிருக்கிறது. தேர்தலுக்கு இன்னும் ஒரேயொரு வாரமே உள்ள நிலையில் தமது கட்சிக்கான பிரசார நடவடிக்கைகளைத் தனக்கு நம்பிக்கை உள்ள ஒருவரிடம் முழுதாகப் பிரதமர் ஒப்படைத்துள்ளார்.

    ஜெர்மி கோர்பன் வெற்றி பெற்று அரசமைப்பது என்பது சந்தேகமே! இருப்பினும் தெரேஸா மே அவர்கள் எதிர்பார்த்த அளவில் அவரின் கட்சி அமோக வெற்றியடையுமா? என்பதும் சந்தேகமே. ப்ரெக்ஸிட் பற்றிய சர்வஜன வாக்கெடுப்பின் முடிவும், டொனால்ட் ட்ரம்ப் அவர்களின் வெற்றியும் அனைவருக்கும் கொடுத்த அனுபவம் எதனையுமே தீர்க்கமான முடிவாகக் கூறிவிட முடியாது என்பதுவே.

    எப்படிப் பார்த்தாலும் இந்தத்தேர்தல் வித்தியாசமானதே! எனது அடுத்தடுத்த மடல்கள் வரை பொறுத்திருப்போமே!

    மீண்டும் அடுத்த மடலில்…

    அன்புடன்
    சக்தி சக்திதாசன்

    Share

  • ஆன்மீகமும் ஆழ்மீகமும் – 2

    -தமிழ்த்தேனீ

    பாகம் 7

    விவேகானந்தர்    ( நரேந்திரன் ) முதலில் ராமக்ருஷ்ண பரமஹம்ஸர்  சொல்லுவதைக் கவனிக்காமல் அவர் ஏதோ செய்து கொண்டிருப்பாராம்.  ஒரு நாள் ராம க்ருஷ்ணபரமஹம்சர் நரேந்திரனை அழைத்து நான் சொல்லுவதைக் கவனிக்காமல் என்ன செய்து கொண்டிருக்கிறாய் என்று வினவ அதற்கு நரேந்திரன் தாங்கள் இறைவனைப் பற்றி சொல்லிக் கொண்டிருக்கிறீர்கள்.  ஆனால் கண்ணால் காணமுடியாத ஒன்றை எப்படி நம்புவது என்று நான் யோசித்துக் கொண்டிருக்கிறேன் என்றாராம். அதற்கு ராமக்ருஷ்ணபரமஹம்சர் நான் உனக்கு இறைவனைக் காட்டுகிறேன் என்று கூறி தன்னுடைய தியான சக்தியால் நரேந்திரனை தன்கையால் தொட்டு அவருக்கு இறைவனைக் காட்டும் முயற்சியில் இறங்கினார். அப்போது தேஜோமயமாகத்  தாங்கவொண்ணா ஒளியாக இறைவன் நரேந்திரனுக்குக் காட்சி அளித்தாராம். அந்த அற்புத ஜோதிச்வரூபனை அந்த ஒளியின் விஸ்வரூபத்தை தாங்க முடியாமல் நரேந்திரன் திகைத்துப் போனாராம். அதற்குப் பிறகு ராமக்ருஷ்ணபரமஹம்ஸர் இறைவனைப் பார்க்க உனக்குள் சக்தியை ஏற்படுத்திக் கொள்; அப்போதுதான் இறைவனைப் பார்க்கமுடியும் என்னும் தத்துவத்தை போதித்தாராம். அப்போதுதான்  நரேந்திரன் விவேகானந்தராக மாறினார் என்பர்.

    ஆன்மீகம் என்பது என்ன? மனிதன் எப்போது தன்னை மீறிய சக்தி ஒன்று இருக்கிறது, அது நம்மை எல்லா ஆபத்திலிருந்தும் காப்பாற்றும் என்று நம்பத் தொடங்கின வினாடியிலிருந்து  ஆன்மீகம் தோன்றி வளர ஆரம்பித்தது என்றும் சொல்லலாம். அல்லது மனிதன் ஏற்கெனவே இருக்கும் ஆன்மீகத்தை  உணரத் தலைப்பட்டான் என்றும் கொள்ளலாம்.

    இந்தப் ப்ரபஞ்சத்தில் பிறந்த அத்தனை உயிர்களும் தங்களைக் காப்பாற்ற தங்களை மீறிய சக்தி ஒன்று இருக்கிறதாக நம்பத் தொடங்கின; அதனால்தான் எல்லா உயிர்களும் ஓரளவு தன்னம்பிக்கையோடு வாழத் தலைப்பட்டன.  இந்த இறை நம்பிக்கைதான் இன்றுவரை நம் எல்லோரையும் ஆட்டுவித்துக் கொண்டிருக்கிறது.  ஆன்மீகம் என்ற ஒரு வழியினால்தான் மனிதன் ஓரளவு தன்னம்பிக்கையோடு வாழ்கிறான்.    நமக்கு மேல் நம்மைக் காப்பாற்ற ஒருவருமே இல்லை நம்மை நாமேதான் காப்பாற்றிக் கொள்ளவேண்டும் என்று நாத்தீக வாதிகள் சொல்கிறார்கள்; அப்படிப்பட்ட நாத்தீகவாதிகளுக்கு

    ”உடுக்கை இழந்தவன் கைபோல ஆங்கே
    இடுக்கண் களைவதாம் நட்பு“ என்னும் வள்ளுவன் வாக்கிற்கேற்றார்போல்  இடுக்கண் வரும்போது அதைக் களைய ஒரு நண்பனாவது வேண்டும். அப்போதுதான் ஏதோ ஒரு நண்பனாவது இருக்கிறான் நம்மைக் காப்பாற்ற என்று வாழ்க்கையின் மேல் ஒரு பிடிப்பு ஏற்படும். இல்லையென்றால் நாம் வாழ்வது வீண் என்று விரக்தி ஏற்பட்டுவிடும்.  கடலில் தத்தளிக்கும்போது பிடித்துக் கொள்ள ஒரு சிறு கட்டையாவது கிடைக்காவிடில் மூழ்குவது நிச்சயம். அது போன்று நமக்கு துன்பம் வரும்போது நம்மைக் காக்க நம்மினும் மேலான சக்தி இருக்கிறது என்கிற நம்பிக்கைதான் அந்தக் கட்டை போன்றது. தற்கொலை செய்து கொள்பவர்கள் பலர் தம்மைக் காக்க , அல்லது தங்கள் துன்பத்தைப் போக்க யாருமில்லை என்று தீர்மானமாக எண்ணுவதால்தான் உயிரை விடத் தீர்மானிக்கிறார்கள்.   அப்படித் தங்களையே அனாதைகளாய் நினைத்துக் கொள்ளுதல் கூடாது என்பதுதான் ஆன்மீகத்தின் நோக்கம்.

    அதற்காகத்தான் பெரியவர்கள் இறைவன் இருக்கிறான்; அவன் நம்மை துன்பங்களிலிருந்து காப்பாற்றுவான் என்கிற நம்பிக்கையை வளர்த்தார்கள்.  ஒரு குழந்தை விளையாடிக் கொண்டிருக்கும்போது அதைத் தனியே விட்டுவிட்டு வேடிக்கை பாருங்கள்.  சிறிது நேரம் விளையாடும். தன்னைச் சுற்றி யாருமே. இல்லை என்று உணரும் வினாடியில் அழத் துவங்கும்.அந்த நிலையிலேதான் எல்லா வளர்ந்த  மனிதர்களும் வளர்ந்தாலும் குழந்தைதான்.  அணைக்கும் கை இருக்கிறது, நமக்கு ஆபத்து வரும்போது ஆதரவாக நம்மைக் கையிலெடுத்து  ஆதரவு தர ஒரு கை எப்போதும் நம் அருகில் இருக்கிறது  என்கிற நம்பிக்கை இருக்கும் வரைதான் நாம் மனிதராக இருப்போம். எப்போது அந்த நம்பிக்கை நம்மை விட்டுப் போகிறதோ அப்போதே நாம் சக்தி இல்லாதவர்களாக உணர்வோம்.  அதனால்தான் ஆன்மீகம் என்று ஒன்றை ஏற்படுத்தி நம்மை காக்க எப்போதும் ஒருவர் இருக்கிறார் என்று நமக்கு ஒரு உணர்வை பெரியவர்கள் ஏற்படுத்தினர்.

    ***

    பாகம்  8

    இறைவன் இருக்கிறானா, இல்லையா என்பது நமக்குத் தேவையில்லாத சிந்தனை. இருக்கிறான் என்று எண்ணும்போது நமக்குக் கிடைக்கும் நிம்மதி அதுதான் என்றும் தேவையான ஒன்று. அந்த நிம்மதி நமக்குக் கிடைக்கவேண்டுமானால் இறைவன் என்று ஒருவன் உண்டு என்று நாம் நம்பித்தானாகவேண்டும். எல்லாமே மனிதனின் சுயநலத்துக்காகத்தான். மனிதனின் உடலில் உப்பு, சர்க்கரை, கொழுப்பு, கசப்பு ,அழுக்கு, தண்ணீ ர், காற்று , மண், எல்லாம் இருக்கிறது. ஆனால் எந்த  அளவு  இருக்கவேண்டுமோ அந்த அளவு இருக்கிறது. அந்த அளவு கூடினாலும், குறைந்தாலும் உடனே வைத்தியர் அதை சமனப்படுத்த மருந்து தருகிறார். அது போல நம்முடைய சுயநலத்துக்காக நாம் ஏற்படுத்திய ஆன்மீகம்  ஒரு பற்றுக்கோல் போல நமக்குப் பயன் படுகிறது. ஆனால் அங்கு சுயநலம் என்னும் பற்றுக்கோல்  சற்றே பருத்துச் சுயநலம் அதிகமாகும் போது பொதுநலம் மறந்து போகிறது.

    உலகத்தில் உள்ள எல்லா மக்களுக்கும் எல்லா மதத்தவருக்கும், எல்லா ஜாதியினருக்கும், எல்லா நாட்டினர்க்கும், பொதுவாக மானிடராய்ப் பிறந்த அத்தனை பேருக்கும் பொதுவாக ஏற்படுத்தப்பட்ட ஆன்மீகம் சிலபேருக்கு மட்டுமே சொந்தமான சொத்துபோல் ஆகும் போதுதான் அங்கு ப்ரச்சனை முளைக்கிறது.  தெய்வம் , இறைவன், ஸ்வாமி,அல்லா, இயேசு கிருஷ்ணன், ராமன் , வினாயகன், சிவன்,  சக்தி என்று எப்படி அழைத்தாலும் எல்லாம் ஒருவனே. ஒன்றே குலம் அது மனித குலம். ஒருவனே தேவன் அவன் பொதுவானவன் எப்பெயர் சொல்லி அழைத்தாலென்ன?

    என் தாயை நான் அம்மா என அழைப்பேன். என் குழந்தைகள் பாட்டி என்று அழைக்கிறார்கள். என் குழந்தைகளின் குழந்தைகள் கொள்ளுப் பாட்டி என்று அழைக்கிறார்கள்.சில குழந்தைகள் பெரியம்மா என்று அழைக்கிறார்கள். சில குழந்தைகள் குழந்தைகள் அத்தை என்று அழைக்கிறார்கள். யார் எப்படி அழைத்தாலென்ன என் அம்மா தானே? அதுபோலத்தான் யார் வேண்டுமானாலும் அவரவர் இஷ்டம் போல் அழையுங்கள்.  ஆனால் இருப்பது ஒரே தெய்வம்  அது இறைவன்.

    நமக்கும் மேல் பெரியவன், நம்மைக் காப்பவன்  அவ்வளவுதான்; இந்த உண்மை புரியத்தான் ஆன்மீகம் என்று ஒன்றைப் பெரியவர்கள் ஏற்படுத்தினார்கள்.   அந்த ஆன்மீகத்தின் நோக்கமே  பிரிவினை இல்லாது மனிதன் மனிதத் தன்மையோடு வாழவேண்டும் என்பதே.  நாம் அடிப்படையான இந்த நோக்கத்தையே மறந்து நமக்குள் பல பிரிவுகளை நாமே ஏற்படுத்திக் கொண்டு பிரிந்து நம்முடைய இளைய தலைமுறைகளுக்கும் அந்தப் பிரிவைச் சொத்தாக எழுதிவைத்து வருங்கால மக்களை,  மக்கள் என்னும் நிலையிலிருந்து மாக்கள் என்னும் நிலைமைக்குத் தள்ளிக் கொண்டிருக்கிறோம் ( மாக்கள் என்றால் மிருகங்கள் என்று பொருள்).

    மக்களை மாக்கள் நிலைக்குத் தள்ளும் பிரிவினையை அரசியல்வாதிகள் வேண்டுமானால் அவர்களின் சுய லாபத்துக்கு உபயோகப் படுத்திகொள்ளட்டும். ஊர் இரண்டு பட்டால் கூத்தாடிக்குக் கொண்டாட்டம் என்று ஒரு பழமொழி இருக்கிறது.  ஆதலால் நாம் அனைவரும் பிரிந்திருந்தால்தான் அவர்களுக்கு வசதி. ஆனால் நாம் இதை உணர்ந்து ஜாதி, மதம் , இனம் ,மொழி,கலாசாரம் கொள்கைகள், வழிபாடுகள், அத்தனையும் மாறுபட்டு இருந்தாலும் அவரவர் வழியை அவரவர் பின்பற்றிக் கொண்டு  முடிந்தால் எல்லா மனிதருக்கும் உதவிக் கொண்டு மேற்கூறிய அத்தனை பேதங்களையும் மறந்து மனத்தால் ஒன்றுபட்டால் நல்லதுதானே?

    ***

    பாகம் 9

    எங்கு மனிதருக்கு அநீதி இழைக்கப் படுகிறதோ அங்கு எந்த வித பேதமும் இல்லாமல்  அத்தனை மதத்தவரும் ஒன்று கூடி அநீதியை அழிக்க இணைந்தால்  அங்கே மனிதம் மலரும். விளங்க முடியாக் கடவுளைக் கூட விளங்கிக் கொள்ளமுடியும். கடவுள் மதத்திலில்லை, ஜாதியிலில்லை, இனத்திலில்லை, மொழியிலில்லை, நிறத்திலில்லை, மணத்திலில்லை, குணத்தில் இருக்கிறான். ஆமாம் மனிதம் தான் கடவுள். கடவுள் என்றாலே எல்லாவிதமான வேறுபாடுகளையும்  கடந்தவன் என்று பொருள். கட உள்  உன்னிலிருக்கும் கடவுளை உள்ளே சென்று பார்க்க உன் ஆன்மாவைப் பார்க்க எல்லா மனிதருக்கும்  உட் ப்ரயாணம் தேவை. உட்ப்ரயாணம் என்றால் ஆத்ம ஞானம்,ஆத்மயோகம். அன்பு ,கருணை, இரக்கம் சக உயிர்களை மதித்தல் , மனிதனை மனிதனாக மதித்தல், மனிதனை மனிதனாகவே நேசித்தல், மக்களை மாக்களாக்காமல்   மக்களாகவே இயல்பாக மனிதனாகவே நடத்துதல். மொத்தத்தில் மனிதம் என்பதுதான் கடவுள், இறைவன். அதுதான் ஆன்மீகம்.

    விஞ்ஞானிகள் அவர்கள் வழியிலே  அண்டத்தின் அற்புதங்களை  அணுவின் உள்கிடக்கையை பிரபஞ்ச வெடிப்பின் பேரொளியை அப்பாற்பட்ட உலகங்களை ஆராய்ச்சி செய்து வருகின்றனர். அதே போல்  ஆன்மீக வழியில் மெய்ஞ்ஞானிகளும்  சித்தர்களும்  மெய்ஞ்ஞான வழிகளில்  தியானம் யோகம் சித்து போன்ற  பல வழிகளிலும்  இறையைக் காண  இறையின் இருப்பை அறிய முயல்கின்றனர்.

    அதீதப் புலனாற்றல் ஆய்வு மையம் :   ஐந்து புலன்களால் அறிவியல் பூர்வமாக அறியப்படுவது மட்டுமே மெய்; மற்றதெல்லாம் பொய் என்று நவீன அறிவியல் விஞ்ஞானிகள் சென்ற நூற்றாண்டு வரை கருத்துக் கொண்டிருந்தனர். ஆனால் விளக்க முடியாத ஏராளமான சம்பவங்கள் ஐம்புலன்களுக்கு அப்பாற்பட்டவையாக இருந்தன. ஆகவே இவற்றை ஆராய The Society for Psychical Research (S.P.R.) என்ற அதீதப் புலானாற்றல் ஆய்வு மையம் லண்டனில் 1882ஆம் ஆண்டு நிறுவப்பட்டது.

    மூடி சீலிடப்பட்ட கவர்களில் இருக்கும் செய்திகளைப் படிப்பது, தொலைதூரத்தில் இருப்பதைப் பார்ப்பது, எண்ணங்கள் மூலம் தொலை தூரத்தில் இருப்பவரைக் கட்டுப்படுத்துவது, அவர்களுக்கு ஆணை இடுவது, மனோசக்தியாலேயே பொருள்களை நகர்த்துவது, ஆவிகளுடன் பேசுவது, முற்பிறப்பு உண்மைகளைச் சொல்வது என்று இப்படி எண்ணில்அடங்கா விந்தைகளை ஆராய ஒரு மையம் ஏற்பட்டவுடன் நூற்றுக் கணக்கான விஞ்ஞானிகள் ஆயிரக்கணக்கான சோதனைகளை நடத்தி வருகின்றனர். அவர்களது சோதனை முடிவுகள் அனைவருக்கும் திகைப்பையும் பிரமிப்பையும் தருவதாக அமைந்துள்ளன!

    ஜாகொல்லியட் :  எல். ஜாகொல்லியட் (L.Jacolliet -1901) என்பவர் ‘Occult Sciences in India’ என்ற தனது நூலில் காசியில் தான் சந்தித்த இந்திய யோகியைப் பற்றி விவரிக்கிறார். அந்த யோகி தனது மனோசக்தியால் நீர் நிரம்பியுள்ள மிகவும் கனமான வெங்கலத்தால் ஆன ஜாடியை ஜாகொல்லியட் நகர்த்தச் சொன்ன திசையில் நகர்த்துவாராம்! அதுமட்டுமின்றி தரையிலிருந்து 7 முதல் 8 அங்குலம் வரை அதை மேலே எழும்பச் செய்வாராம்!

    டெட் செரியோஸ் : டெட் செரியோஸ் என்பவர் மனத்தில் தோன்றும் சித்திரங்களை அப்படியே போட்டோவில் படைக்கும் வல்லமை பெற்றவர்! இவரை எய்ஸன்புட் என்ற விஞ்ஞானி இடைவிடாது தொடர்ந்து சோதனை செய்தார். அவரது சோதனைச்சாலையிலும் சோதனைகள் தொடர்ந்தன. எதை செரியோஸ் நினைக்கிறாரோ அது போலாரய்ட் காமராவில் கூடப் படமாக விழவே அனைவரும் வியப்படைந்தனர். இவரது திறமையை- ‘Thoughtography’ – எண்ணப்படம் என்று கூறி ஒரு புதிய வார்த்தையையே உருவாக்கினர். டெட் செரியோஸ் பற்றி எய்ஸன்புட் எழுதிய நூலான ‘தி வோர்ல்ட் ஆப் டெட் செரியோஸ்’ (The World of Ted Serios-1967) மிகவும் புகழ்பெற்றது.

    ***

    பாகம் 10

    நினா குளாகினா : விஞ்ஞான உலகையே பரபரப்பூட்டியவர் நினா குளாகினா என்ற ரஷியப் பெண்மணி! இவரது கணவர் வி.வி.குளாகின் ஒரு எஞ்சினியர். அமெரிக்கா, இங்கிலாந்து, ரஷியா ஆகிய நாடுகளைச் சேர்ந்த விஞ்ஞானிகள் இவரை சோதனை செய்தனர்; பிரமித்தனர்! ஒரு ப்லெக்ஸிகிளாஸ் கியூபுக்குள் (Plexiglass Cube) வைக்கப்பட்ட பொருளை இவர் மனோசக்தியால் நகர்த்திக் காட்டினார். அது காந்தத்தால் ஈர்க்கப்படும் பொருளோ அல்லது ஈர்க்கப்படாததோ, ஆர்கானிக்கோ, இனார்கானிக்கோ எந்த வகைப் பொருளானாலும் இவர் பார்த்தாலே போதும். அது நகர ஆரம்பித்து விடும்! 50 கிராம் எடையுள்ள பொருள்கள் எட்டு அங்குல தூரத்திலிருந்து இவரை நோக்கித் தத்தித் தத்தி வருவதைப் பார்த்த விஞ்ஞானிகள் திகைப்படைந்து அதைப் படம் பிடிக்கவும் செய்தனர்! ஒரு தராசில் 30 கிராம் படிக்கல் வைக்கப்பட்டவுடன் இவர் பார்வை பட்டவுடன் எதிரில் இருக்கும் வெற்றுத் தட்டு 40 கிராம் வைத்தது போலக் கீழே இறங்கும்!

    அவரது தலை ஓட்டின் பின் எலும்பில் (Occipital region of the skull) எலக்ட்ரோடுகள் –  பொருத்தப்பட்டன. சாதாரணமாக இருப்பதை விட 50 மடங்கு அதிக வலிமை வாய்ந்த மூளை அலைகள் பதிவு செய்யப்பட்டன! இதர இடங்களில் மாட்டப்பட்டிருந்த எலக்ட்ரோட்கள் எந்த வித மாற்றத்தையும் காண்பிக்கவில்லை. கெய்ல் மற்றும் ஹெர்பர்ட் (1974)ஆகிய விஞ்ஞானிகள் இந்த சோதனை முடிவுகளை ஒரு நூலாக எழுதியுள்ளார்.

    இப்படிப்பட்ட ஏராளமான சோதனைகள் ஐம்புலன்களுக்கு அப்பால் பல சக்திகள் உள்ளன என்பதை நிரூபித்து விட்டதால் அதீத உளவியல் (ParaPsychology) இன்று அங்கீகரிக்கப்பட்ட ஒரு அறிவியல் கிளையாக ஆகி விட்டது.

    இந்திய யோகிகளின் எல்லையற்ற ஆற்றலை இந்த விஞ்ஞானிகள் ஆராய்ந்து அவற்றைக் குறிப்பிட்டு வியக்கின்றனர். அறிவியலின் எல்லையைத் தாண்டிய சித்தர்கள் அவ்வப்பொழுது தங்களின் ஆற்றலின் ஒரு சிறிய துளியைக் காட்டி உலகை பிரமிக்க வைக்கின்றனர். பேரண்டச் சக்தியின் எல்லையற்ற ஆற்றலில் தாங்கள் ஒரு மிகச் சிறிய துளிதான் என்று அவர்கள் பாடியுள்ளது நம்மை பிரமிக்க வைக்கிறது!

    ஆகவே ஆன்மீகம் என்பது  ஒரு மிகப்பெரிய மாயையான கடல். அதை உணர வழிகள் அவசியம், விழிகளும் அவசியம்.  அதுவும் குறிப்பாக  ஞான விழிகள் அவசியமானவை அந்த  ஞான விழிகளை  வழிகளை ஆராய்வோம். இங்கே ஆன்மீகத்தில் முற்றுப் புள்ளி என்பதே கிடையாது. அதனால்தான்  அடியும் முடியும் காணமுடியாத ஆன்மீகம்  என்கிறார்கள். பூஜ்ஜியத்தில் ராஜ்ஜியம் அமைத்து அந்தப் பூஜ்ஜியத்தில் இருந்துகொண்டு ப்ரபஞ்சத்தையே  ஆட்டிவைத்துக் கொன்டிருக்கிறான் இறைவன் என்கிறார்கள்.  அணுவைச் சதகூறிட்ட அணுவிலும் உளன் என்கிறார்கள் மெய்ஞ்ஞானிகள்.  அதையேதான்  விஞ்ஞானிகளும் அணுவிலேதான் இருக்கிறது அத்தனை உயிர்ப்பும் , அழிவும் என்கிறார்கள். விஞ்ஞானிகள் ப்ரபஞ்ச வெடிப்பு என்கிறார்கள். மெய்ஞ்ஞானிகள்  ப்ரளயம் பேரழிவு , மீண்டும்  உயிர்ப்பு  என்கிறார்கள்.

    ஆகவே ஆன்மீகம் என்பது இதுதான்  என்று அறுதியிட்டு இறுதியாகச் சொல்ல முடியாத  ரகசியம்தான். ஆன்மீகம் என்பதே இறைவனிடம் ஆழ்தல் ஆகவே ஆன்மீகத்தை ஆழ்மீகம் என்றும் சொல்லலாம்.  அதை நாம் முழுவதுமாகக் கண்டுபிடிக்கும் வரை. முழுவதுமாகக் கண்டுபிடிக்கவும் இயலாது  என்றே தோன்றுகிறது. ஆகவே ஆன்மீகம்   என்பதே ஒரு  புரியாத  புதிர். என்று இயற்கை சக்தி அதை விடுவிக்குமோ  அன்றுதான் நம்மால்  உணரமுடியும்;  அதற்கு  நாம் நம் சக்திகளை திரட்டி வைத்துக் கொண்டு அந்த ரகசியத்தை அறிய காத்திருக்கத்தான் வேண்டும். ஆகவே சக்தி திரட்டல் என்பதே ஆன்மீகம்  என்று இப்போதைக்கு வைத்துக் கொள்வோம், அது விஞ்ஞான சக்தியா மெய்ஞ்ஞான சக்தியா  என்பதைக் காலம்தான் உணர்த்த வேண்டும்.

    Share